المساعد الشخصي الرقمي

مشاهدة النسخة كاملة : قصيدة مؤثره


ابو وليد
25-05-2006, 12:13 AM
*يـا ليتنـي خدامـة بيـن اياديـك .. من شان اشوفك كل يوم برضايـا*
(ماعاش من يخليك خادمة يا يمه)
هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي
اترككم مع القصيده
وين انت يا حمدان امـك تناديـك .. وراك مـا تسمـع شكايـا وندايـا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك . . والاعبـك دايـم وتمشـي ورايـا
ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خساره بعتني اليـوم وشفيـك .. واخلصت للزوجه وانا لي شقايـا
انا ادري انها قاسيـه مـا تخليـك .. قالت عجـوزك مـا ابيهـا معايـا
خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا
حمدان يا حمـدان امـك توصيـك .. اخاف من تلحق تشـوف الوصايـا
اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايـا
(حسبي الله ونعم الوكيــــــــــــــل)
الله يكون فعونها آميــــــــــــــــن

الهاوي
25-05-2006, 02:52 AM
لاحول ولاقوة الا بالله
بصراحه القصيده هذي انكانها صحيح
حسبي الله على حمدان اللي مخليها بدار العجزه

KuWAiT
25-05-2006, 03:08 AM
صوتي مع صوت الهاوي

الشامري
25-05-2006, 03:12 AM
حسبي الله ونعم الوكيــــــــــــــل ابصراحه القصيده محزنه والله يقطع الى مافيه خير في والديه الى ربوه وهذي اخره الدنيا العجيبه
الله لايهينك على النقله الطيبه ابو وليد
الشامري

الشيخـه
25-05-2006, 03:16 AM
حسبي الله ونعم الوكيل
قصيده محزنه وموثره
اللي مافيه خير لوالدينه مافيه خير للناس
يعطيك العافيه على النقل
تحياتي




الشيخه

البرنس
25-05-2006, 04:14 AM
أبـــو ولــــيد

عن جد قصيده مؤثره

الأم أسمى و أنبل مخلوق في الوجود

و الله لو حملها على ظهره لمكة ماشياً على الأقدام لما وفاها حقها .

لم يعلم ذلك الأحمق أن

الرسول صلى الله عليه وسلم قال: (( الجنه تحت أقدام الأمهات )) .

حسبي الله و نعم الوكيل فيه

اللهم لا شماته .


لك مني أجمل و أرق التحايا ..

لايحوشك
26-05-2006, 12:50 AM
لاحول ولاقوة الابالله ....... والله امر محزن ومخزي بنفس الوقت الله يكفينا الشر



تحياتي ،،،،،،،،

رومنسي
26-05-2006, 02:36 AM
إنا لله وإنا إليه راجعون
حسبنا الله ونعم الوكيل
وحسبي الله عليك ياحمدان والله لايوفقك
راح يلقاها في عياله
كما تدين تدان

الدلوٍوٍعه
26-05-2006, 03:26 AM
حسبي الله ونعم الوكيل فيه
لاهنت اخووي ع النقل
الله يعطيك العافيه

ابو وليد
30-05-2006, 07:09 PM
مشكورين اخواني على التواصل

ولكن ما ادري من ادري من الي نقل القصيده هنا في الارشيف

السامر
19-07-2006, 03:54 PM
الله يعافي اللى همه دائما الفائده
تسلم ويسلم راسك