المساعد الشخصي الرقمي

مشاهدة النسخة كاملة : Gxمتربي على قطعة الميل..مطلق الجبعاء..بتأل مجبل المطيري


مطيري وربي الله
13-05-2006, 11:56 AM
رديه بين الشاعرين..مطلق الجبعاء..وبتأل مجبل الجبلي... اتمنى ان تنأل اعجابكم

والبدايه عند مطلق...

قم يا نديبي فـوق قطّـاع الاميـال
جي أ//// متربي على قطعة الميـل
هو من ضنا الفسكار و الرنج له خال
متعرّب ٍ ما بيـن قـرم ٍ و حلحيـل
مقادمه فيها مـن اسبـاع الادغـال
ولا القفى ما كنـه الا قفـى الفيـل
ما يتقـي لا مـر وديـان و جبـال
وحتايف الصمّـان عنـده تساهيـل
ما يملكونه كـود راعيـن الامـوال
ولا سواتـي يملـكـون البهـاذيـل
سر يا نديبي و اشمل الدرب لو طال
اليـن مـا تتـرك وراك الفحيحيـل
اركد و لا تسرع و لا تشغـل البـال
وللداير الخامس مطـاف المراسيـل
بالاندلس وقـف علـى بيـت بتـال
قلط على المجلس و تلقى المشاكيـل
تلقى تراحيـب ٍ وفيـات و اجـزال
واليا قعدت يـدور صـب الفناجيـل
تلقى الكرامه عند ماضيـن الافعـال
جبلان تارث طيب جيـل ٍ ورا جيـل
سيوفهـم تقطـع برجلـي و خيّـال
عز العـذارى لابسـات الخلاخيـل
ولا شفت لي بتال اشرح له الحـال
وقله ترا صاحبـك مهمـوم بالحيـل
قله ترا مطلق بعـد سمـح الاقبـال
بانت على وجهه وسـوم الغرابيـل
دلوعة ٍ ما مثلها صنـف و اشكـال
وفي عرضها ما جال قال ٍ ولا قيـل
وفي زينها يشهـد خبـول ٍ وعقّـال
وحتى العذراى من غنجهـا مغاليـل
مستورة ٍ ما عمرها شالـت الشـال
ومن الطناخـه دلوعهـا الرياجيـل
حالو اهلهـا دونهـا واصبحـت لال
والياس في قلبي درج كنـه السيـل
الروح راحت و الجسد صار تمثـال
والقلب عاف البيض جمله و تفصيل
لاشك وقتي مال حتـى القـدر مـال
وجبال هـم افراقهـا هـدت الحيـل
ارسلت لك همي على يـد مرسـال
ابغـى فعـل تـرا مللـت الاقاويـل
الحل في يمناك يـا صمـل الاقـوال
عطني جوابك لا تطـول المواويـل
بتـال يـا بتـال تكفـا يـا بـتـال
يا كثر ما رددت يـا ليـل يـا ليـل


رد الشاعر بتأل

غرد طرب يا هاجس الشعر واختال
والعب مع الطاروق بأحلى المواويل

من بعد ما جالك من الشعـر مـوال
قل مرحبا يا مرسليـن المراسيـل

يا مرحبا بعـداد مـا هـل همّـال
اللي مـن المزنـه تـدرج هماليـل

وعداد ما هوبل مـع الـذود وبـال
اللي مع المسراح جـاب الهوابيـل

حييت يا مطلق لك العيـن منـزال
اوسع من المجلس وكبر المنازيـل

يا صاحب ٍ لا قيل رجال .. رجـال
وافي وسيع بطان قـرم ٍ وحلحيـل

يغنيك عني ذكر ماضيـن الاجيـال
اللي علو بالطيب للجدي و سهيـل

اللي اليا جا ذكر فرسـان وابطـال
دوشان في مقدم هل الجيش والخيل

اسم ٍ يعرفه كـل صاحـب وعـذال
والشمس ما غطت عليها المناخيـل

اسمع وخلك معي يا شاكـي الحـال
كانك عن الاحوال تبغـى التعاليـل

الحب به فرقـا و هـم ٍ وغربـال
لا تحسب انه سلسبيل ٍ كما السيـل

لو كل من يسعى ورا منيتـه طـال
ما صـار لـذه للزمـن بالمقابيـل

لا شك هذا الوقـت عـادل وميّـال
وانشد مجربت الهوى للزمن ميـل

يا شاكي الفرقا بعد حـب ووصـال
اخذ الكلام اللـي عليـه التصاميـل

ان كانها من قـوم دقـه و جـوّال
ارفع مقامك عـن دروب المهابيـل

وان كان خلك بين نـازل ورحّـال
طرد المقفي عيب عنـد الرياجيـل

وان كانها راحت على بيت رجـال
عوّد على موال يـا ليـل يـا ليـل

وان كانها في قدر او جاه او مـال
بسعى عسا عقب الفلاحه محاصيـل

وان كانها في شلف وسيوف وقتال
حنا هل الردات واهـل المصاقيـل

وان كنت خابرلك على الدرب مدخال
قدام لو ضاقـت علينـا المداخيـل

وهذا الصحيح وكلمة الحـق تنقـال
وخير الكلام اللـي عليـه التداليـل





اخيرا


تحياتي



اخوكم


مطيري وربي الله!

عطر الليل
13-05-2006, 01:30 PM
صح لسان الشاعرين
وعز الله انهم وفو
ولاهنت يامطيري على النقل

مستحيل القصيم
13-05-2006, 03:58 PM
صح لسان الشعار ..

ولاهنت يالقرم على النقل ..

تحياتي

الشلاحي
14-05-2006, 01:18 AM
صح الله السنت شعارها

وسلمت يمين ناقلها

مطيري وربي الله
14-05-2006, 03:12 AM
عطر اليل اشكرك على هذاا المرور المعطر ولا انت طال عمرك




تحياتي



اخوك



مطيري وربي الله!

مطيري وربي الله
14-05-2006, 03:13 AM
صح بدنك ولا انت شكرا على مرورك المعطر...





تحياتي




اخوك



مطيري وربي الله!

مطيري وربي الله
14-05-2006, 03:13 AM
صح بدنك يالشلاحي وسلمت طأل عمرك..شكرا على مرورك المـشرف





تحياتي




اخوك



مطيري وربي الله!

الشامري
14-05-2006, 03:18 AM
صح السان الشاعرين والله يعطيك العافيه يلي ناقلهاااااا ولاهنت

الدلوٍوٍعه
14-05-2006, 03:27 AM
صح لسان الشاعرين
ولاهنت اخووي ع النقل والاختيار الجزل
الله يعطيك العافيه

الراهي
14-05-2006, 03:28 AM
صح الله السنت شعارها

وسلمت يمين ناقلها
تحياااااتي

ماجد بن عبدالعزيز
14-05-2006, 03:39 AM
ياسلام
على بوحصه

وصح الله السنتهم

ولاهنت يالاشقر على النقل

مطيري وربي الله
14-05-2006, 05:08 PM
اشكركم اخواني على ردودكم وصح ابداانكم والله لايهينكم...



تحياتي




اخوكم


مطيري وربي الله!

منادي
15-05-2006, 02:13 AM
صوت وصدى في منتهى الروعه والجمال
صح لسان الشاعر مطلق الجبعاء
وصح لسان الشاعر بتال الجبلي
وتسلم يمين اللي نقل
اشكرك يااستاذي شقير الله يعطيك 1000 عافيه

و

تحية اعجاب لمن يستحق الاعجاب
منادي

نايف ابو طفره
15-05-2006, 11:28 PM
صح لسان الشعار ..

ولاهنت يالقرم على النقل ..

تحياتي

مطيري وربي الله
16-05-2006, 12:10 PM
منادي صح بدنك والروعه مرورك وتشريفك متصفحي



تحياتي




اخوك



مطيري وربي الله!

مطيري وربي الله
16-05-2006, 12:13 PM
ولا انت يالقرم شرفني مرورك يالصميدع




تحياتي



اخوك


مطيري وربي الله!