المساعد الشخصي الرقمي

مشاهدة النسخة كاملة : السكنيه تبا بيتن لحالها


خارج السرب
22-03-2008, 04:21 PM
مسيكم بالخير


يا كثر التغييرات اللي سببوها النسوان ومن يطاوعهن
تغيرت الحياة وصارو الناس متفرقين والنفوس شانت
والعوايل تفرقت والشمل انطق والولد عق امه وابوه
باضرب لكم امثله على حوستهن اللي حاسونا فيها
وخربو كل شي فينا وحطمو اللي ما يتحطم

اول كان الولد يسكن مع ابوه وامه ويقعد قريب منهم ويخدمهم بعيونه
ويرد عليهم الصوت ويهمز رجولهم ويمسح دموعهم
والحين صار الواحد ببيت اش كبره بلحاله هو وورع ولا ورعين
لان السكنيه اللي معه ما تبي هله ولا تبي تسفط جنوبها الا ببيت لوحدها
البلا ان هالبيت بيصير بيت اشباح ما يحييه الا فطس الخشوم
والبليه تتسدح من قرنه في قرنه واذا تغطت وفتحت عيونها
دقت على ابو شكيم يجيب لها مشويات وان ما حصل مطعم يوصل
دقت على روجها المسيكين واذا بغت تصير طيبه حيل معه وراحمته وحانته من الشقى
قالت له جب معك غدا وان تسان انها كالعاده نوت تمحقه وعنت براسها تسوي رومنسيه
لبست هدومها بدون ما تشاور واول ما يفتح الباب قالت يالله نروح ناكل برا
حاسه نفسي طفشانه ونفسيتي دمار ومالي خلق البيت ويوم يتلفت
المسيكين بوجهها ويشوف البوز ملوي والعيون وارمه من كثر النوم والكشه متنثره
يستسلم للأمر الواقع ويخاف على عمره ويشقلها وعلى اقرب مطعم
وبتروح حياته بمشاويرها وحاجاتها وينسى هله وينسى اليوم اللي عرفهم فيه
ومع الوقت تشين نفسه لا يلقى لقمه هنيه ولا وجهن سفر
ومغير البوز شبر والخنافر تفح فيجيه اكتئاب مزمن وبواسير من كراسي المطاعم
وحالت انعزال تام عن المجتمع

اول كانت النسوان يقدرن رجالهن ويرحمونهم ويحنون عليهم هالحين لا
السوق بيتهن الثاني والصرف هوايتهن والدوجه بالاسواق عادتهن
وشين الاخلاق طبعهن ان قال المسيكين لا ما فيه سوق
مدت البوز وطقت الطناش وجابت له المرض وتوطت ببطون الورعان
وتهاوشت مع الشغاله وقالت خلاص ودني بيت هلي ابي اروح اتونس معهم
عيشتك تجيب الهم والمرض يالبخيل يا عديم الرحمه ياللي ما عمري
طلبتك شي وقلت تم انت ما تخاف الله فيني وفي عيالك شفنا
ميتين من الجوع والطفش وانت لاهي ومن هالحكي اللي ما ينتهي
الين سببن تناطح بالنفسيات والافكار بين ما فات وبين هالوقت

ليه لييييييه ليييييه الواحد عشان يرضي سكنيه
ما يثمر فيها يتوثم في امه وابوه ويسكن بعيد عنهم؟؟؟


:m-22:

soft girl
22-03-2008, 04:52 PM
ياحليل سواليفك

والله انها تونسني

ههههههههههههههههه

خارج السرب
30-03-2008, 11:38 AM
ياحليل سواليفك
والله انها تونسني
ههههههههههههههههه


هلابتس ومسهلا بالغلا

مايهم اهم شئ انتس مستانسه
اضحكي اضحكي ولايهمتس فليها مادامتس حيه
عسى الله يحلي ايامتس

الامـ عذووبه ـيره
30-03-2008, 11:45 AM
الدنيا تدوور
ومصير اللي شجعت زوجها ع القطاعه
عيالها وأهلها بيقطعوهاا
وهو ليه مايصير له كلمه ويعلمها الاصول اذا أهلها ماعلموها
مشكوور خارج السرب ع الطرح الوواقعي
والله يكفينا شر هذه الدنيا وتقلباتها
الله يعطيك العافيه

الثريـــا
30-03-2008, 07:18 PM
لي رجعه خارج السرب .....

الثريـــا
31-03-2008, 01:35 AM
خارج السرب
:
:
موضوعك سيدي متشعب
وهو خفيف الظل بطرحه لكنه قوي من وجهة نظري
:
انت هنا سيدي تلقي اللوم على عاتق المرأه
وكأنك تريد تشبيهها بالغول المخيف
المسيطر والمدمر
المتزمت والمتجهم الوجه دائما
سؤال : لماذا التحامل على الجنس اللطيف سيدي !!!
واعتقد ان الرجل يتحمل 80 % من اي تصرف او خطأ
قد تقع به الزوجه
فالرجل يستطيع احتواء زوجته والتفاهم معها وجعل حياتهم
الزوجيه من اروع واجمل مراحل الحياه
:
:
عذرا على مداخلتي البسيطه وشكرا لك

شيهانة نجد
31-03-2008, 02:56 AM
الحماة و الكنه .. مسلسل لا ينتهي

لي عودة خارج .. قريبا

ودي ,,

خارج السرب
31-03-2008, 11:22 AM
الدنيا تدوور
ومصير اللي شجعت زوجها ع القطاعه
عيالها وأهلها بيقطعوهاا
وهو ليه مايصير له كلمه ويعلمها الاصول اذا أهلها ماعلموها
مشكوور خارج السرب ع الطرح الوواقعي
والله يكفينا شر هذه الدنيا وتقلباتها
الله يعطيك العافيه

مرحبابتس خيّتي عذوبه

دوري دوري يادنيا دوري فينا
زى ما أنتى يا دنيا دورى ودورينا
يوم واحد فرح وأيام تدوخينا
مش عارف ليه يا دنيا مش عايزه تفرحينا
الحزن ساكن قلوبنا والدمع جار عنينا
وكأنك يا دنيا معانده و دايرة تعندى فينا
ايييييييييييييييييييييييييه بس خلاص

والله يالغاليه ماللقاطعه الا القطاعه
وبعدين مثل هالامور ماتبيلها تعلوم لامن اهلها ولا من الضعييف
العادات هذي تعرفها الكافره خلي عنتس هالسكنيات لابارك الله
في صنادهن

خارج السرب
31-03-2008, 11:27 AM
لي رجعه خارج السرب .....


مرحبا يالغاليه بنت الحمايل

وهلابتس متى مابغيتي وانا بأنتظارتس لاتبطين

خارج السرب
31-03-2008, 12:17 PM
خارج السرب
:
:
موضوعك سيدي متشعب
وهو خفيف الظل بطرحه لكنه قوي من وجهة نظري
:
انت هنا سيدي تلقي اللوم على عاتق المرأه
وكأنك تريد تشبيهها بالغول المخيف
المسيطر والمدمر
المتزمت والمتجهم الوجه دائما
سؤال : لماذا التحامل على الجنس اللطيف سيدي !!!
واعتقد ان الرجل يتحمل 80 % من اي تصرف او خطأ
قد تقع به الزوجه
فالرجل يستطيع احتواء زوجته والتفاهم معها وجعل حياتهم
الزوجيه من اروع واجمل مراحل الحياه
:
:
عذرا على مداخلتي البسيطه وشكرا لك

مرحبا بعودتس يالغاليه

وتكفين ياخوتس لاتحامين لهالبلايا امهات عكارم لابارك الله في
يومن تبلينابهن ماشفناهن وشفنا الهنا واش جاب لنا
السكته والضغط والسكر اللي تصيبنا حنا
يالسعوديين واللي اثبتت البحثات والمستبحثات اننا
اعلى ناس بالعالم ننضغط وننجلط واننا اكثر رجال العالم غبن
كلها ماتهم

لكن الموت الحمر والبلا المبلي والنايبه اللي تنوب صنادحهن واشوله يسحرنا
هالشيف المشحمه خشش بقعا صخال الفلس واشوله يسحرن الرجال جعلهن الماحي
واشوله يطلمسن عقله وقلبه ويجيبن له ولعياله العذاب؟
لعنبوهن ما يخافن الله ندري انهن وجيه بقعا وسكون اتدربى على جنوبها وبطونها
وحنا رضينا فيهن غصب مهوب بكيفنا ان هجينا وعينا غرنوق وبغينا ندخلها
عيت علينا الحكومه وان جينا نسرح ونمرح فنخاف من الله
وما لنا الا هالظواطير والصخال سود الركب نقالب جنوبهن فعلامهن يسحرنا
فتكفين لاتزعلين مني مشكلتي ليا مسكت خط ماخليه الا انا طالع
عكس السيد للخط الثاني وهلم جرا وهلم كرا مفقوعتن مرارتي
من اللي اشوفه وتشوفينه انتي فتكفين لاتنكرينه

الراااعبيه
01-04-2008, 01:22 PM
صدقت الا ماندر ----- وغيروه الشيء الثاني اللي اسموه الرجال اذا تزينت لوه قال انتي بك بلا واذا عفست نفسك مع ان الزين لو ينعفس زين :) قال الله ياخذ عمرك انتي وخشتك ---- والله احترنا ابكم يهالرجااااااااااااااااااااااااااااااااله ههههههههه ------ موضوعك زين ويهمكم انتم يالرجاله بالدرجه الاوله يعني حنا وجة نظر ثااااااااااااااااااااااااااانيه تماماً ------ شكرا لك

شموخي غير
01-04-2008, 08:49 PM
كلامكـ واقعي وحلو وبسيط ورووعه كالعادة..

فعلا أنت خارج السرب في أسلوبك المميز ولكنكـ ضمنه في أطروحاتك وموضوعاتكـ..

أعتقد أن الموضوع يمس الطرفين وإذا السكنية على قولتك طلعت قليلة أصل ومالها خاتمة


السكني بعد لا يطلع قليل مرجلة ويسمع كلامها ويرضيها على حساب أهله..

مافي مانع من أن المرة تطلع لحالها في بيت لكن مايكون هالشي على حساب بر زوجها

ووصله لأهله..

يعطيكـ العافية أخوي..وفي انتظاركـ دااااااااااائما

الثريـــا
01-04-2008, 09:33 PM
مرحبا بعودتس يالغاليه
وتكفين ياخوتس لاتحامين لهالبلايا امهات عكارم لابارك الله في
يومن تبلينابهن ماشفناهن وشفنا الهنا واش جاب لنا
السكته والضغط والسكر اللي تصيبنا حنا
يالسعوديين واللي اثبتت البحثات والمستبحثات اننا
اعلى ناس بالعالم ننضغط وننجلط واننا اكثر رجال العالم غبن
كلها ماتهم
لكن الموت الحمر والبلا المبلي والنايبه اللي تنوب صنادحهن واشوله يسحرنا
هالشيف المشحمه خشش بقعا صخال الفلس واشوله يسحرن الرجال جعلهن الماحي
واشوله يطلمسن عقله وقلبه ويجيبن له ولعياله العذاب؟
لعنبوهن ما يخافن الله ندري انهن وجيه بقعا وسكون اتدربى على جنوبها وبطونها
وحنا رضينا فيهن غصب مهوب بكيفنا ان هجينا وعينا غرنوق وبغينا ندخلها
عيت علينا الحكومه وان جينا نسرح ونمرح فنخاف من الله
وما لنا الا هالظواطير والصخال سود الركب نقالب جنوبهن فعلامهن يسحرنا
فتكفين لاتزعلين مني مشكلتي ليا مسكت خط ماخليه الا انا طالع
عكس السيد للخط الثاني وهلم جرا وهلم كرا مفقوعتن مرارتي
من اللي اشوفه وتشوفينه انتي فتكفين لاتنكرينه


وجهة نظرك احترمها
ومالبيد حيله دامك مقتنع صعب اقناعك :m-22:
شكرا استاذي

خارج السرب
03-04-2008, 08:17 PM
الحماة و الكنه .. مسلسل لا ينتهي
لي عودة خارج .. قريبا
ودي ,,


ياليتها وقفت على الحماه ياشيهانة نجد
المصيبتو اكبرو يالغاليه
انا بانتظار عودتس