.. || .. ديـــــــــوآن .. طلال الرشيد " الملتـــاع " .. || .. [الأرشيف] - ®°·.¸.•°°·.¸منتديات عيال الحمايل¸.•°°·.¸.•°®

شيهانة نجد

04-01-2008, 09:52 AM

ذكرى الفراق

اليوم ذكرى الفراق ومرت أول سنه
اليوم لي عام متغرب وحيد وحزين

اليوم انا ضيف جرحي جيت بطمنه
اني جمعت الدموع وجبت امانة امين

ما يجرح الصادق الا غدر من يامنه
لا جت من احباب قلبك لا تلوم السنين

مليت من هالاماني دام هي مو ممكنه
لاهي تحقق وانا ياسي بوجهي يبين

الوين انا وانت مثل الشمس والازمنه
مع كل صبح يجددني لشمسك حنين

لا قلت احــبك .. احبـــك كنها دندنه
او كنها وردةٍ مابين اصابع جنـيــــن

يا اجمل الـناس لك بين الملا هيمنه
كثير غيرك ولكن مين مثلك وويـــــن

ياعــاذلي خذ عيوني يمكـــن تثمنه
تشوف عيبه وانا اشوفه ملاك حسين

امس افترقنا وانا احسب مرت اول سنه
يا طولها ليلة الفرقا سنة للهزين

شيهانة نجد

04-01-2008, 09:53 AM

فرقاك

أموت من فرقاك وأموت بلقاك
وأموت من جورك وأموت بحنانك

كلٍ قضاه يمــوت مرّه .. و يفداك
و أنا أموت ألفين مرّه عـشــانك

أذكرك .. لا مني نسيت إني نسيتك
أنـسـاك .. لامني ذكرت نسيانك

رضيت أنا بالهم لرضاك مرضاك
وارخصت لك قلبٍ جرحته وصانك

أجيك في صدري عتاب .. وابجفاك
وأرجع ألوم الوقت و أقول خانك

أحب فيك ..احساسي إني بلا ماك
في عز خوفي منك أحس بأمانك

عجزت أفرق بين وصلك وفرقاك
ياللي عطيت الناس بيدك عنانك

مر تجيني لين أقول إني إيـاك
ومر تروح بعيد و انسى أوانك

أقبل و تقفي واعتذر عن خطاياك
وأقول ما عييت .. عيا زمانك

وإن خانتك دنياك أو خنت دنياك
إرجع و تلقابي .. مكانك،مكانك

شيهانة نجد

04-01-2008, 09:54 AM

عيون الحب
عيون الحب لا يمكن تناظر
عيوب الخل لو هو عيب كله

تماري فيه وبوصفه تكابر
ترى من فوق خلق الله محله

رفيق الليل في الشباك ناظر
واثاري الليل شباك لخله

حفظ أحلى الكلام وصار شاعر
بصبر ينتظر .. والصبر مله

حبيبٍ عشت في دنياه عابر
حسب قوله ويا شعري فقله

أنا ضحيت له وارجى وصابر
واذا عيا أقول الله يحله

على اللي ينتظر يا بعد باكر
يبي السلوان والذكرى تضله

عيون الحب في قلبي تناظر
تشوف اللي عيوني ما تدله

شيهانة نجد

04-01-2008, 09:56 AM

العواذل

حبيبتي كل العواذل تشابه
قلبٍ ظلام ووجه يشبه للأصحاب

ولا ما غدى لك صاحبٍ ينحكى به
لا تسمعي أن كان لك قلب وأحباب

إلى مشيت الدرب يلهث سرابه
وإلى سكنت الدار ناداني الباب

وشلون أنام وهم قلبي صوابه
والشوك ينبت بين جفنين وأهداب

تعبت امني .. الأسئلة بالاجابة
وانطر شروق الشمس والشمس بغياب

وتعبت أناظر والمعنى عذابه
أنك بعيده والملا دونك حجاب

اجمع كلام وما أعرف الإجابه
وعندي شعور صدق والوقت كذاب

كل النجوم اللي امطرت من سحابه
حبيبتي دمعك جرح قلب واتراب

واللي وقف ما بين بابي وبابه
قلبٍ ظلام .. ولابس ثوب الأصحاب

شيهانة نجد

04-01-2008, 09:57 AM

لامن غديتي

حبيبتي لا من غديتي لي ســراج اتـــبعه
وكني غديت من الظما اركض ويطردني السراب

لا تبخلين اليا شربتك ماشربتك من سعه
دامي من جروح الهموم الموجعه كلي صواب

اليوم مرتني السواني والفصول الاربعه
اليوم مريت المواني والمباني والسحاب

اليوم ماكني لقيتك مر صوتك ماسمعه
اليوم ما كني فقدتك من سؤالين وجواب

يابنت في خدك وهج سيل الشموس الساطعه
احـرق بداخل داخلي انسان ماهو للتراب

واللي خلق ظلم الليالي بالعيون الهاجعه
اني من الحرمان اتسائل وحرماني جواب

يوم الوداع تخيلي مالي حبيب اوادعــه
محروم انا وتخيلي محروم حتى من العذاب

يابنت لي قصه تطول بكلمتين موجعـــه
هي باختصار اني انا اركض ويطردني السراب

شيهانة نجد

04-01-2008, 09:58 AM

سميتني

ما قلت احبك ولا قد قلت ما حبك
احب مالي عيوني وانت تـسـواها

لو تدري اش كثر تعني لي تعرف انك
اخر امل في حياتي واول مناها

ياكثر احس ان بك مني وبي منك
روح قسمها على شخصين مولاها

لا تقول وش تحب فيني اعشقك كلك
من ليل شعرك لكلك واخر اقصاها

سميتني نصـفــك الثاني ويا شحـــك
انا بسمـيـــك كلي وانــــت معناها

تعبت اوديك له يا قلب ويردك
لا اخذ حلومي ولا خلاني انـســاها

كل الحمام استراح وناح في ظلك
والورد الاصفر سقته الروح من ماها

ليتك بعمري ثلاثة اشخاص ماملّك
واحد معي دوم وواحد روحي يملاها

والثالث بجفن عيني لا فقد حسك
او غمض الجفن جاني فيك يتباهى

مو بس احبك انا والله من حبك
احب حتى ثرى الارض اللي تطاها

شيهانة نجد

04-01-2008, 09:59 AM

آخر حب

كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب اني لقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعداجلس معي نحتريك

تعال شفني وانا استناك .. كم اشبهك
يطري علي ألف راي وراي واحتار فيك

اجي مكان الوعد والا اسبقه انطرك
والا اخذ الموعد اللي يحتريك واجيك

يااخر الحب ذقت الحب في اولك
ويااول الشوق اقصى الشوق ماينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وإن رمشت افقدك
واخاف افتح وتصبح حلم ولا التقيك

شارد الذهن

04-01-2008, 10:00 AM

الله يرحم الشاعر الامير طلال الرشيد

لاهنتي شيهانة نجد على الجهد الجبار

وانا راح انزل قصائد للراحل هنا ,,,,,

شيهانة نجد

04-01-2008, 10:01 AM

تنهيدتين ونار .. !!

كـلـّمـنـي عـنّـك

أبعرف كل شيٍ عنّك منّك

قلـّي وش أول جروحك

قلـّي وش آخر أمل ترجيه روحك

إحكي عن طبعك

وعن ربعك

عن اللي يهـزّ دمعك

قلـّي وش معنى الحياة

قلـّي بأنفاسك متى قد قلت آه

إحكّ لي عن الحب

إحكّ لي .. إحكّ لي

إحكّ لي عن الشوق

طـر بـي فوق .. فوق

خـذنـي منّك

وإحكّ لي .. عنّك

الـصـدق

إن الأمل من قبل أعرفك .. كذب

والتضحيه أوهـام

وإني أنا من قبل أعرفك

كنت أعرف أنـام

كان السهـر مـو هـالسهـر

لعب .. و أغانـي .. و إخـتصار

صار السهـر تفكير

صار إنتظـار

صار إحتظـار

صار السهـر .. تنهيـدتيـن ونـار

*
*

يا منتهـى أمـري .. !!

بالهمس قلـّي مرّه يا عمـري

وطـر بـي فوق .. فوق

خـذنـي منّك

وإحـكّ لـي .. عـنّـك

شارد الذهن

04-01-2008, 10:03 AM

يـا صغيّـر مـا يكبرنـا لقـب=وما يصغرنا إليا أنكرنا صغيـر
ما خذينا الصيت من جمع الذهب=ولا نسابة شيـخ او قربةوزيـر
كاسبينه من هل السيـف الحـدب =الجنايز كان مـا جـاك النذيـر
صيتهم نجم ٍ على رأسـه لهـب=سمعوا الصقهان به واجهر ضرير
بالوفا تاريـخ أبيـض ينتصـب=لا حكوا بالحق حييـن الضميـر
ضيغميـن للسناعيـس انتسـب=لابةٍ طلنـا بهـا عـرش كبيـر
عند حدك يا كثير الهـرج تـب=لا تمر النـار وثيابـك حريـر
كـان لـك عـز بذلـي فتعقـب=والله ألا تبطي وحبلـك قصيـر
احسبنك مـن صناديـد العـرب=واثر ساترتك عباتك يـا غريـر
ما حسب للسوس زراع القصـب=والقراده ما درى عنهـا البعيـر
ولو حسبنـا للحسايـف والتعـب=ما بذرنا يا العصافيـر الشعيـر
عن هللـك ابـراي لله واحتسـب=الرجال اللـي مجارهـم عسيـر
من قريش المصطفى وابو لهـب=والدغالب ما غشت عذب الغديـر
للرجال مـن الرجاجيـل العتـب=والزكاة تحل فـي حـال الفقيـر
لعنبـو وقـتٍ غدينابـه حطـب=تحرقـه نـار يثورهـا اجـيـر
ما ألومك والزمن سوى العجـب=هو بقى غير الكرامـه بالجفيـر
مـا أذل وراسـي يشـم المهـب=لو بقى من شمـر طفـلٍ غريـر
ما اهاب ولا يزلزلنـي غضـب=الشجاعـه ورث العاقـل غزيـر
يا صغيـر مـا يكبّـر باللقلـب=غير من هو كان من دونه صغير

شيهانة نجد

04-01-2008, 10:04 AM

بعض أحوال

أنا مقدر أكون .. اني حبيب في بعض أحوال
أنا كلي أجي .. و الا أروح بعزتي .. كلي

تخيرت الفراق و مادريت إن الفراق وصال
أقول اني نسيتك بس مدري كيف تاصل لي

خذاني لك سؤال في عيونك و الجواب محال
خذاني منك دمع في عيوني مارضى ذلي

رحلت انت و تركت بداخلي طيفك و صبر طال
غدت ذكراك شمس ما تغيب و صورتك ظلي

حكيت و مالقيت من الحكي الا الندم موّال
سكت و مت بالحسره و لا ادري و شهو احسن لي

أحبك كل مافيني يحبك يا خلي البال
تخيلتك دواي و صرت جرحي الصعب يا خلّي

تعبت أرحل مع وجيه البشر بانساك بالترحال
و لا ادري وش يجيبك في وجيه الناس و اهلّي

شيهانة نجد

04-01-2008, 10:06 AM

الله يرحم الشاعر الامير طلال الرشيد
لاهنتي شيهانة نجد على الجهد الجبار
وانا راح انزل قصائد للراحل هنا ,,,,,

اللهم آميــــــــــن ,,
لا تعبت شارد .. و يستاهل أبو نواف
حياك ربي و تسلم والله
سرتني طلتك .. و مشاركتك ,,

شيهانة نجد

04-01-2008, 10:07 AM

عيون الصغار .. !!

وجهك غضب .. وجهك عروس
يضوي مدى .. يحرق نفـوس
تشبه لك الشمس الشموس

! .. و مـا لـمـحــتــك

سـلام يـا أحلـى الأنـام
دربـي مثل عينك ظـلام
تشبه لك أسراب الحمام

! .. و مـا وصـلـتــك

يا صوتها الرايح وجاي
مابين أشواقي وشقاي
تشبه لك الونّه و ناي

! .. و مـا سـمـعـتــك

حبيبتـي والبـوح نـار
إنتـي أنا بكل إخـتصار
تشبه لك عيون الصغار

! .. و مـا عـشـقـتــك

يا مهرتي البيضا الأصيل
تلعب و انا صـبٍّ نحيل
تشبهك غابات النخيل

! .. و مـا سـكـنـتـك

يا غـاية الحلـم المحال
مثلك أنا حلمي الوصال
يشبهك في الشاعر خيال

! .. و مـا كـتـبـتــك

شيهانة نجد

04-01-2008, 10:09 AM

علـمتني

علمتني وشلون احب
علمني كيف انسى
يابحر ضايع فيه .. الشط والمرسى
علمتني وشلون احن
علمني كيف اقسى
سير علي .. بس امسح دموعي وروح
سير علي .. جب لي معك قلب وروح
سير علي .. اذا تذكرت الجروح
ياطاغي النظرة .. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي .. على وداعك تهتدي
بس انت علمني الجفا
دامني عجزت اعلمك .. كيف الوفا
علمتني كيف السهر .. ونسيتني الممسى
علمتني وشلون احب
علمني كيف انسى

شارد الذهن

04-01-2008, 10:09 AM

انتهى الموعد و انا تو ابتديت
اجمع احساسي من ذهول اللقا

ذبت من نار الحنان وما دفيت
والشتا ضيع ظنون اللي هقـا

قلت كل اللي ابيه وما حكيت
كل حكي الشوق لعيوني رقـا

تهت وبرعشة يديها اهتديــت
وش قضى من عمر حلمي وش بقا

انتشي..واذا نوت تمشي شكيـت
للزمان بساعتي طوول الشقـــا

وين بلقاها بعد هذا .. وليـــت
ضاع معها الوقت بذهوووول اللقـا

شيهانة نجد

04-01-2008, 10:10 AM

محتاج لك

انتي بكف وباقي الخلق في كف
متعليه في وسط قلبي ولك شان

في غير وصلك مالقلبي ترى شف
محتاج لك يانور عيني وشفقان

لا جابوا اسمك صرت انا تقل مختف
مالي على نفسي الى اطروك سلطان

من غير حبك غضت عيوني الطرف
ياللي جمالك صار للزين عنوان

اريد انا قربك ترى ياغذا الحرف
وان ماحصل موتي ودنياي سيان

شيهانة نجد

04-01-2008, 10:11 AM

تسلم يمناك شارد ..

*
*

جـــتـــنـــي

جتني وشافتها عيون حايرات
ذا شعاع الشمس او هذا سناها

ضاعوا اللي جوا معاها مسيرات
واقبلت تمشي تقل محدٍ معاها

ياسنا الفضه وياجيد المهات
ياشذى نبت الخزامى في وطاها

قلت كن بوجنتك زهر النبات
قالت ان الرمش يجرح لي صفاها

تجرح الظلما عيون ناعسات
سلهمت وأغضت تغطرس في بهاها

حققوا بالشوف في لون الشفاة
هو خذا منها الشفق والا عطاها

ولو ظلام الليل يعطينا ثبات
فيه من لون الشعر والا كساها

كيف أباصف زين كاملة الصفات
كيف أباصل في حروفي منتهاها

شارد الذهن

04-01-2008, 10:13 AM

** الى صديق الطفوله **
صديق الطفوله وش جرى لك مع الايام
هي انصفــــــت دنياك ولا انت بك مثلي

فقدنا ملامحنـــــا مثل ساير الانام
عبث بنا جور الزمن والزمن يبلي

وقفنا جميـــــع وبيننا حــــــاجز الاعوام
صعيب وصولي لك ويا صعب لك وصلي

وانا اشوف في وجهك طريق غشاه عتام
وذاك النخل واشــــوف دارك ودار اهلي

وســــدره هي اكـــــــرم من اهل بيتها اللوام
وفي وجهك اصحابي عصى مدرسي وفصلي

وعـود كبير ودايم فالظلال ينام
في ذكرياتي له بعد ملمح وجلي

وصوركتبنا فيه ذكرى عبث واوهام
ولـي في عيونك صوره زانها جهلي

بثوب تبلل بالمطــــــــر والتراب وشام
وانا حب اسير العب وهي حافيه رجلي

انا وانت طفل وطفل دايم رضى وخصام
بكـــانا سهــــل والضحكه امر بعد سهلي

دعاني بوجهــــك نـــاده ينده الاحــــــــــلام
معه رمح مدري هو علي غاضب او لجلي

انا كيف اباصل والامل خلف مو قدام
كثيــر الاسى والسهد يا من فعل فعلي

شارد الذهن

04-01-2008, 10:15 AM

ان حكت غار السكوت من الحكي
وان بكت يحسد مدامعها الغـرور

كنها والشمس خصـم ومشتكـي
وبين ذيك وذيك عذبت السطـور

الثرى يـا مايسـه مغروركـي
ومن يلومه ما يعرف سر الغرور

والجمال امرايته فـي وجهكـي
والبها له في جفن عينـك فتـور

الحلا يـا حلوتـي شبّـه بكـي
منهكٍ حرفي ويشكي به قصـور

والحروف اتهني احروف اسمكي
والاريج اختال في عرس العطور

يا غريـره ياغـرورى مسلكـي
تهت والا تاه عن كفـي العثـور

في طريقي ضاعت الخطوه لكي
ماتميز بيـن نـار وبيـن نـور

شارد الذهن

04-01-2008, 10:16 AM

موت الاحساس

قالت نصيب وقلت يومك تبيني

غصب على الدنيا ... يدك في يديني

لا تظلمين الوقت وش ذنب الايام

لو اقبل اعذارك يعيي حنيني

غديت ما بين الرجا .. فيك والياس

هذا .. يبي مني وهذا .. يبيني

ان قلت شنت وخاطري طاب كذاب

وان قلت ابيك ارخصت نفسي بعيني

خيرني امري بين اصعب خيارين

موتي انا او موت الاحساس فيني

شارد الذهن

04-01-2008, 10:22 AM

قال حاقد

قال حاقد قلـت يـا جاهـل هلـي
كيف باطرف باصبعي عيني واصيح
انت مثـل ابليـس حقـرك الولـي
لا تسـر ولا تـريـح وتستـريـح
من يصدق بي وانا الشمـس عملـي
مـا يذريهـا عجـاج جـاب ريـح
لو يطيعـك بـي غريـر يجهلـي
ما تطيعك روسهم بـي يـا كليـح
هم هلي يـا جاهـل وهـم منهلـي
لو تضيق القى بهـم كـون فسيـح
عودهم لـه طاعـة واجـب علـي
شيخنـا اللـي مـا يوفيـه المديـح
ما سفهت مـن العقـول الا الخلـي
وما حقرت مـن الكـلام الا النبيـح
الصباخـي مـا تـربـع بالـولـي
والـردي للطيـب جحـاد شحيـح
والعتـم لا بــد يــوم ينجـلـي
واسود النيـة يجـي يـوم ويطيـح
الردى بعـد السمـا عـن مدهلـي
ما تعلمـت اجـزي الطيـب بقبيـح
شمت عنك ابـي المراجـل منزلـي
وفي ضلوعي شايـب عيـا يبيـح
ما اعتلي بالشعر هـو بـي يعتلـي
دام ميزانـي بحـسـادي رجـيـح
لا تصدق في حصانـك يـا جملـي
كنت انا وما زلت وابطي لك نصيح
ما عرفت الغـي واخفيـت جهلـي
علمونـي مستبيحـيـن المـريـح
لـو تبيـن قلـت خلـوا ذاك لـي
بس دامـك كالنسـا مالـي نطيـح
قـل مـادام انـي بكذبـك مبتلـي
كل كـذب دام هـو فنيـي صحيـح
ما اخبـر مـن الذنـوب الا هلـي
ذنبي اللـي يرفـع الـراس الفليـح

شارد الذهن

04-01-2008, 10:24 AM

حكوا فيها ..

خذوا في طاري الحلوه .. وجابوا..

مسيكينه .. بسيرتها تنابوا..

واظن الصدق لشفاهم .. ابد ماهو قريب..

بشر يامصعب رضاهم .. وانا مالي حسيب..

انا سايق عليك الله لاجل الله يا شامت..

تخلي الشوك من يدك ولا تطرف عيون كحلت بالزين..

لا نامت انا افداها اذا ودك ..

يا هل ترى انتي وين يا بنت الشفاة؟..

انا ادور عليك بصورتك.. وينك؟..

انا كني لمست رداك وايدينك ..

ما شفتك بكل الكلام..

شفتك على سجادتك..

كنك تصلين القيام..

وليلك سرا بعبادتك..

ما اصدقه .. والهرج ابد ماهو دليل..

ما اصدقه .. يا عل يفداك الذليل..

الله يستر خوافيها.. اللي حكوا فيها..

شارد الذهن

04-01-2008, 10:25 AM

يابعد حيي

اليوم يا بنـت مـن زيـي
الشمس واردت على ضيي

جيت انتخي بالوجيه البيض
يا عزوتي يا بعـد حيـي

الجادل اللي حلاهـا غيـر
ضيعت في شمسهـا فيـي

بعيونها سلسبيـل رمـاح
والموت بالسـود متهيـي

موت وانا اموت انا بالموت
كثيرهـا غـرق شويـي

لا قلت تكفين قالت جـاك
وان جيتهـا فجـأه تعيـي

ولا قلت مالي و مال الغيد
قالت وهم بينهـم زيـي؟

وان قلت انا تبت مالي كار
مقفي زمانين عـن غيـي

قالت وهي تلتفـت للنـاس
طلال موته علـى يديـي

شارد الذهن

04-01-2008, 10:26 AM

يازمان الذل

يا زمان الذل.. زل..

ما بقى في الناس شيمه

وما بقى للعدل خِل

ومن كثر ما حنا صغرنا

صرنا حتى بدون ظِل

صرنا ما نملا المحِل

صرنا أمه تحتقرنا

كل أرذال الأمم

لاتصدق ياعزيزي

بالعروبه شيخ بوش

يكفي هزأتو القيم

يا زمان الالمبادىء

يكفي أحرجت العروش

الكرامه يا طويل العمر ما تكفي النعوش

يا زمان البيت الابيض

إنت مالك أمر يرفض

تبغى هذا الدين أطول

تبغى هذا الشرع أعرض

إنت إكتب وإحنا نحفظ

مو غريب

لو نَحَسْب الخبث طيب

ومو غريب

نصرخ ولا من مجيب

ومو غريب

لو يكثر أعداد الأرامل

فبلاد ما ترضى الهوان

وحكومة ما تعرف تجامل

ومو غريب

لو تعتبر حتى عصا الكهل العجوز

أسلحة دمار شامل

يا زمن نهب المتاحف

جانا جيش الحقد زاحف

جتنا لعلوج الزواحف

فتشوا حتى العقول

وأسلحتنا في المصاحف!!

يا زمن أمريكا شكراً

أنتزعت الأقنعه

إنت ازلت الأقنعه

وانكشف وجه النوايا

واتجاه الاشرعه

ما نصدقهم خلاص

وما بقى من نسمعه

كل ذولا إمعه

بس خلك مستريح

الصحيح

يوم هب الحقد من واشنطن ولندن

كذب باسم المسيح

الكل فضل ينحني

وبغداد اختارت تطيح

يا زمان الازمنه خليك شاهد

إحنا مو ناقصنا واحد

هو صلاح الدين

احنا ألف مليون واحد

هم صلاح الدين

حنا بس بعيب واحد

هو.. فساد الدين

يا زمان الذِل

حِــل

قلت لك مالك حل

شارد الذهن

04-01-2008, 10:28 AM

الـلـيله احـسـاسي غـريـب
عـاشـق وانــا مـالي حـبيب
حـبيت ... كـل الـناس لاموني
حـبيت ... كـل احبابي باعوني
قـلـت احـب الـحب احـسن
قـلـت احـب الـحب اضـمن
لا احــــن .. ولا اتــــوه
ولا بـعـد فــي يـوم احـزن

رضـيـت بـاقداري ونـصيبي
صــرت مـحـبوب الـحبايب
وصــار كـل عـاشق حـبيبي
الــلــيـلـه غـــيـــر
شـــعــوري غـــيــر
اشـــواقـــي غـــيــر
حــتـى الاغــانـي غـيـر
صدري سما .. واحساسي ... طير

بـــس طـيـفك مـاتـركني
ظــل سـاكـن تـحت جـفني
كــــــان وافــــــي
كــان يـذكر .. وانـت جـافي
انــــــت ويـــنــك ؟
كـان هـذا الـفرق مابيني وبينك
جـيـتـني تـشـكي الـزمـن
وجـيـتـك أبـــي أدفـــى
لـقـيت فــي قـلـبي وطـن
ولـقـيـت بـــك مـنـفـى

شيهانة نجد

04-01-2008, 10:32 AM

.. بعض قصــــآآئدهـ الصوتيـــــــهـ ..

*
*

أموـوـوتــ, من فرقآآآكـ,

http://t1111t.net/up//download.php?filename=09fa48ce41..rm

*
*

يآآبعــــــــد حيي ..

http://t1111t.net/up//download.php?filename=f2def4d17b..rm

*
*

حـــكوـوآآ فيــــــهآآآ ..

http://t1111t.net/up//download.php?filename=5789f1cac8.ram

*
*

الله وش كثر محلـــــــوّهـ .. !!

http://t1111t.net/up//download.php?filename=aac86e75ee.ram

*
*

تحية .. بعطر أرواحكم
مع حبي

*
*

.. ـاآلشيهــــآآنهـ ..

الدلوٍوٍعه

04-01-2008, 06:57 PM

الله يرحمه ويسكنه فسيح جناته
شاعر مبدع بكل معنى الكلمه .. صح لسانه
ولاهنتوا ( شيهوون ,, شارد ) ع هالمجهود الرائع
الله يعطيكم العافيه

شيهانة نجد

05-01-2008, 11:44 PM

الله يرحمه ويسكنه فسيح جناته
شاعر مبدع بكل معنى الكلمه .. صح لسانه
ولاهنتوا ( شيهوون ,, شارد ) ع هالمجهود الرائع
الله يعطيكم العافيه

صح بدنك و صح قلبك نيابة عن الشاعر
و تسلمين يالغلا .. لا ندمتي
يعافي قلبك .. سرتني طلتك ,,

كلك حركات

05-01-2008, 11:53 PM

لا هنتي استاذتي شيهانه ع ما قدمتي
يعطيك العافيه
تقديري واحترامي

الجوهره

06-01-2008, 03:42 AM

الله يرحمه
مشكووره شيهوونه ع الديوان الرااائع ..
لاهنتي

شيهانة نجد

06-01-2008, 03:44 AM

لا هنتي استاذتي شيهانه ع ما قدمتي
يعطيك العافيه
تقديري واحترامي
لا ندمت حركااااااات
سرتني أطلالتك هنا ,,

الثريـــا

07-01-2008, 01:36 AM

شيهانة نجد

10-01-2008, 01:45 PM

طلا ل الرشيد..
.
شاعر نادر رحل كالحلم الزائر
وترك لنا بعده قصائد هي كالكنز
او اغلى..
رحمه الله واسكنه فسيح جناته
وتسلم يمينك اختي شيهانه
ويمينك اخوي شارد
مجهود راااااااااائع ...
لكم كل الاحترام
مهما فعلنا و قلنا فلن نفيه حقه
اللهـــم آآآآآآآميــــــــــــــــــــن
يسلم غاليك يالغالية
ليس بروعة طلتك
لاخلا و لا عدم ,,

شيهانة نجد

10-01-2008, 01:48 PM

الله يرحمه
مشكووره شيهوونه ع الديوان الرااائع ..
لاهنتي

آميــــــــــــــــــن ..
العفوو شجوونه
لا تعبتي .. لآعدمت تواصلك يالغلا ,,

منادي

19-01-2008, 03:25 AM

ديوان رائع واضافه جميله
الله يرحم الشاعر ويغفر له .. واشكرك الشيهانه
جهد رائع .. الله يعطيك 1000 عافيه

و

تحية اعجاب لمن يستحق الاعجاب
منادي

شيهانة نجد

11-04-2008, 04:33 AM

ديوان رائع واضافه جميله
الله يرحم الشاعر ويغفر له .. واشكرك الشيهانه
جهد رائع .. الله يعطيك 1000 عافيه
و
تحية اعجاب لمن يستحق الاعجاب
منادي

تسلم منادي ع الإطراء .. و العفوو
الرووعة في طلتك :)
نوورت ,,

نــجــم

20-04-2008, 06:57 PM

الله يرحمه
مشكووره شيهوونه ع الديوان الرااائع ..
لاهنتي

شيهانة نجد

24-04-2008, 03:22 AM

الله يرحمه
مشكووره شيهوونه ع الديوان الرااائع ..
لاهنتي

اللهم آمين .. و تسلم نجم
لا تعبت
نوورت ,,

{.تخُفي غلآإهُـآإ ..!

18-05-2008, 08:32 PM

شيهانة نجد

صح لسان الشاعر

ويعااافيك ربي ع الاختيار الرائع

شيهانة نجد

25-05-2008, 06:02 PM

شيهانة نجد
صح لسان الشاعر
ويعااافيك ربي ع الاختيار الرائع

صح قلبك دلوعه
يعافيك ربي
تسلمين ع المرور

بدر شمر

07-07-2008, 12:25 AM

الله يرحمك ياطلال الرشيد

شيهانة نجد الله يعطيك الصحه والعافيه

وتسلم يديك على الطرح الاكثر من رائع

تقبلي مرووووري اختي العزيزه

أخوك / بــدر شــمـــر000

ღعظيم الجرحღ

27-07-2008, 06:18 AM

صح لسااان الشاعر
تسلم ايدك على النقل الأكثر من راائع
طرح في منتهى الجمال
تحياتي وتقديري ..,

شيهانة نجد

27-07-2008, 06:57 AM

الله يرحمك ياطلال الرشيد
شيهانة نجد الله يعطيك الصحه والعافيه
وتسلم يديك على الطرح الاكثر من رائع
تقبلي مرووووري اختي العزيزه
أخوك / بــدر شــمـــر000

اللهم آميـــــــــــــــــن ..
يعافي قلبك بدر .. و يسلم غاليك
مرورك يسعدني
منووورنآآ

شيهانة نجد

27-07-2008, 07:02 AM

صح لسااان الشاعر
تسلم ايدك على النقل الأكثر من راائع
طرح في منتهى الجمال
تحياتي وتقديري ..,

صح بدنك عظيم الجرح .. يسلم غاليك
منورنآآ بالحضور العذب
,,

الحــلا كله

11-08-2008, 02:42 PM

http://www.up7ml.com/upfiles/lnB46711.gif (http://www.up7ml.com/)

شيهانة نجد

25-08-2008, 07:42 PM

http://www.up7ml.com/upfiles/lnB46711.gif (http://www.up7ml.com/)

يسلموو ع المرور سوسو

ملاكــ

20-11-2008, 06:29 PM

ولاهنتوا ( شيهوون ,, شارد ) ع هالمجهود الرائع
الله يعطيكم العافيه

اساور وأغصان

21-06-2010, 04:07 AM