المساعد الشخصي الرقمي

مشاهدة النسخة كاملة : +$$فيلا,,وخدامه,,ولكزس,,وجوال$$+


مستحيل القصيم
03-04-2006, 04:31 AM
السلام عليكم ورحمة الله وبركاته

هذي القصيده قريتها باحدى المنتديات واعجبتني وحبيت انقلها لكم
واتمنى انها تنال على رضاكم:

يقول:

بعد الفقر حطت شريحه وجوال
يسعد مساءجوالها والشريحه

كانت تجيني تشتكي قله المال
وتصيح لاجاطاري الفقر صيحة

تقول ابويه دايم الدوم رحال
وامي كبيرة سن دايم طريحة


وانت الوحيد اللي لك القلب ميال
دايم تصارحني وانا له صريحه

طفله وانا معشوقها بين الاطفال
جريح حب وطايح له جريحه

كنا سوي نرسم على التربه امال
وأحلام تقتلها الحياة الشحيحه

كم دمعة كانت على الخد تنهال
واذانزلت ضاقت عليه الفسيحه

الله كم صرخه وهمسه وموال
الله كم جادت علينا القريحه

تخيل لو مافي السماء برق وخيال
وانكذب الايام لو هي صحيحه

تقول لا حطيت لك بشت وعقال
وسخر لك الرحمن عيشه مريحه

اخاف تتركني على عثره الفال
للفقر ووجيه الحياه القبيحه

وحبيتها بين الخلايق والازوال
حب يطول الوقت محديزيحه


وسلمتها قلب تباريه الاهوال
وطاح الخفوق وطيحه القلب طيحه

راحت وخلتني مع القيل والقال
شاعر صواريف الدهر تستبيحه

ودار الزمان وغير الحال بالحال
وجاها الزمان بكل ورده وشيحه

فيلا وخدامه ولكزس وجوال
وانا عجزت ادفع رسوم الشريحه


تحياااااااااااااااااتي

الشيخـه
04-04-2006, 01:32 AM
فيلا وخدامه ولكزس وجوال
وانا عجزت ادفع رسوم الشريحه


صح لسان شاعرها ولاهنت اخوي على النقل
تحياتي





الشيخه

كريم الشمري
04-04-2006, 01:35 AM
فيلا وخدامه ولكزس وجوال
وانا عجزت ادفع رسوم الشريحه

صح لسان الشاعر ولا هنت يا الغلا على النقل


وتقبل خالص تحياتي ,,,

الدلوٍوٍعه
04-04-2006, 02:13 AM
صح لسان الشاعر
ولاهنت اخووي ع النقل والاختيار
الله يعطيك العافيه

{مزون الربيع}
06-04-2006, 11:38 AM
يعطيك العافيه أخوي مستحيل على هالمشاركه

صفوق
06-04-2006, 01:00 PM
صح لسان شاعرها


ومشكور اخوي مستحيل

الشلاحي
06-04-2006, 04:31 PM
صح لسان شاعرها

وتسلم اخووي على النقل المميز

بن قرناس
15-04-2006, 06:17 AM
صح السان شاعرها
ويعطيك العافيه اخوي؟

اخوك: بن قرناس

KuWAiT
15-04-2006, 08:30 AM
صح لسان الشاعر ولاهنت اخوي مستحيل على النقل تقبل تحياتي


KuWAiT

نايف ابو طفره
15-04-2006, 06:38 PM
ياسلام عليك

والله انك تختار قصايد رائعه
دمت بخير سيدي الكريم

الهاوي
15-04-2006, 10:58 PM
فيلا وخدامه ولكزس وجوال
وانا عجزت ادفع رسوم الشريحه

صح الله لسان قايلها
وشكرا على النقل الرائع