المساعد الشخصي الرقمي

مشاهدة النسخة كاملة : عبدالله بن نايف بن عون ومحمد خلف الخس (صوت وصدى)


الراهي
27-03-2006, 02:17 AM
مما قال الشاعر عبدالله بن نايف بن عون مسندا الى الشاعر محمد الخس
تفتحت بيبـان قلبـي بعـد حـول = كف العـذل يـا عاذليـن معـذولا
ياصاح كثر العذل واللـوم مملـول = ما يسمع المغـرم نصائـح جهـولا
وكلن على طبعه من الناس مجبول = والفرق واضـح بيـن ذولا وذولا
أنا شريد الفكـر والحـال منحـول = سليم جسـم فـي ثيـاب معلـولا
دايم زعول ومني الفكـر مذهـول = ارا الجلد وحصون صبري صمولا
ياصاح اخذ مني عن الحال مدلـول = شي لجا في ضيق جولـي يجـولا
راحات قلبي ما تجي لي على النول = حتى ولا من طيف خلـي رسـولا
راعي جديل فوق الامتان مجـدول = دلال شيـخ فـوق ورك الـذلـولا
العام جرحي من هوا البال مكتـول = واليـوم عينـي تفضحـه بمهلـولا
ما اشوف غير مجمل الحفل مجمول = في خاطري عن كل حـيٍ يحـولا
ليا ضحك باللي كما صافي اللـول = بيـن الشفايـا والكـلام معسـولا
تخالهن وادٍ مـن الوسـم مسيـول = ريضان قلبي عقب ماهـي محـولا
ولو ناشني من فيض حسناه هملول = يخضر قلـب مـن فـواده جفـولا
عزاه يا محمد عن الوصل مشكـول = لاهنت شفلـي يالمجـرب حلـولا
يابو خلف شف لي من الراي مفتول = قـدام لايقـف القمـر بـالأفـولا
ان ما تهيت منك الافـراج بحلـول = عقب النهر مـا ينـورد للدحـولا
ورد عليه الشاعر محمد الخس بهذه الابيات
البارحه جفني جفا يابـن هدمـول = لذ الكرا وش حيلتـك وش تقـولا
ليا قلت وش رايك ترا ما بها زعول = الراي دايم بـه صعـود ونـزولا
ليا صار فكري يم ابن عون مشغول = هاك القبال اللي عسى مـا يـزولا
انا اصله من فوق من تقطع الكـول = والا اتصـل بـه هاتفـي عجـولا
حيث ان ابو نايف له الحق مدبـول = فيمـا ملكـت ومـا يدينـي تنـولا
راع الجواب اللي من الفكر معدول = مافيـه مـا ينقـال لـولا ولـولا
كنه من الواحد وعشريـن مزلـول = بيديـن فنـيٍ يـسـوي شـكـولا
ياصيرف الجوهر تغزلـك مقبـول = جعلـك لمطلوبـك مـن الله تنـولا
شعاك طفل غض مجمول مدلـول = للـي بنغماتـه غنـوجٍ خـجـولا
عجاب لعاب بالاوصـاف مكمـول = مرن معك راضي مـرن زعـولا
مثله يخلي طيـب الفكـر بهلـول = من فقد عجاب المـزوح الدجـولا
قبلك سميك قال يا احول يا احـول = خـذن قلبـه زاهيـات الحجـولا
ما فيه قلبٍ عن هوا البيض معزول = يا ابن الرجـال الطيبيـن الفحـولا
اللي لهم في نجد تاريـخ وفعـول = يـوم القبايـل تفتخـر بالفـعـولا
ان كان قلبك من عراويـه منتـول = ياما ويامـا شـال قلبـك حمـولا
احمول حب اللي غذاهن من الشول = بيض العواتـق عايـزات الدلـولا
اللي ليا مرن وانا القـاع ماهـول = غضن وفي عيونهـن تقـل حـولا
وانا تراي مبيتـن هجـن ونعـول = مع دربهن يوم اسطفـاق النـزولا
هذا الصحيح وبيننا الشـك مزيـول = ياللـي فـوادك للمـوده مـيـولا
ان كان خلك واقف دونـه شمـول = شمول تقول ابعـد وحنـا بـه اولا
محجرين ودونه السيـف مسلـول =- والعين دون مغيزل العيـن شـولا
وانته على حسن النبا ضايق الجول = والبـاب دونـه مغلـق بالقـفـولا
عليك باللي من زبنهم مشـا طـول = حكـام نجـد مطوعيـن العـيـولا
ان كان قاموا فيه صاحبك مكفـول = ما والله اذكر غيـر هـذا حلـولا
ماهوب وقت مصافق خيول بخيول = اليـوم حكـامٍ وحـكـمٍ عــدولا

الدلوٍوٍعه
27-03-2006, 02:32 AM
صح لسان الشاعر عبدالله بن عون
وصح لسان الشاعر محمد خلف الخس
لاهنت اخووي ع النقل والاختيار الرائع
الله يعطيك العافيه

الراهي
27-03-2006, 02:36 AM
الاروع مروركي الكريم
الدلوعه
تحيااااتي

مطيري وربي الله
27-03-2006, 12:01 PM
الله عليك ياالراهي لاتحرمنا من هذه القصائد للعملاقه

تحياتي

اخوك

مطيري وربي الله!

وراد
27-03-2006, 01:07 PM
صح السان الشاعرين الكبار
وتسلم يالراهي على الاختيار الموفق

دلع نجد
27-03-2006, 02:16 PM
قصيده رائعه صح لسان الشاعرين ,,,وتسلم على النقل الموفق

اريام
27-03-2006, 03:55 PM
صح لسان الشاعرين قصيدتين في منتهى الروووعه

تسلم على هذا الاختيار والنقل المتميز

تحياتي لك

ماجد بن عبدالعزيز
28-03-2006, 12:58 AM
لاعدمنا ابو خلف ايوالله
وبيض الله وجهك يالراهي وانت علومك كلها راهيه
الله لايخلينا

ومدري سلمك الله هو انا مبايح

الشيخـه
28-03-2006, 02:16 AM
صح لسان الشاعر عبدالله بن عون
وصح لسان الشاعر محمد خلف الخس
لاهنت اخووي ع النقل والاختيار الرائع
الله يعطيك العافيه


تحياتي





الشيخه

الهاوي
28-03-2006, 03:14 AM
بصراحه شهادتي فيهم مجروحه
صح الله لسانهم امتعوناااا بهذه الدرر الرائعه
لاهنت يالراهي على ايرادهن

منادي
29-03-2006, 03:26 AM
صح لسان الشاعرين الكبيرين العملاقين المخضرمين
صوت وصدى في منتهى الروعه والجمال
اشكرك استاذي الراهي على النقل الرائع
الله يعطيك 1000 عافيه

و

تحية اعجاب لمن يستحق الاعجاب
منادي

الراهي
02-04-2006, 04:16 AM
مطيري وربي الله مرورك نور الصفحه
تحياااتي

الراهي
02-04-2006, 04:17 AM
صح ابدانك وشكرا على مرورك
اخ وراد
تحيااااتي

الراهي
02-04-2006, 04:18 AM
صح ابدانك وشكرا على مروركي
الكريم دلع نجد
تحيااااتي

الراهي
02-04-2006, 04:19 AM
صح ابدانك والاروع من
ذالك مروركي العطر اريام
تحيااااتي

الراهي
02-04-2006, 04:20 AM
ووجهك ياماجد وشكرا على المرور
وانت طال عمرك مبايح بكل شي
تحيااااتي

الراهي
02-04-2006, 04:21 AM
صح ابدانك وشكرا على المرور
الكريم الشيخه
تحيااااتي

الراهي
02-04-2006, 04:22 AM
صح ابدانك يالهاوي
وشكرا على الاطلاله الكريمه
تحيااااتي

الراهي
02-04-2006, 04:28 AM
الاروع من ذالك اطلالتك العطره
اخ منادي
تحيااااتي