عبدالله المسعودي.. حياته.. قصائده

[الطيـّر]

السلام عليكم ورحمة الله وبركاته

من كتــــــــــــــــاب المرحوم باذن الله الشاعر الاسطوره عبدالله المسعودي

يسر ني ان ا سطر في هذا المنبر الشامخ وان اقدم لآعضائه وزواره ملف كامل عن الشاعر الراحل ( عبدالله بن مستور المسعودي ... شاعر هذيل ) دعماُ للموروث الشعبي بمعلومات موسعه من مصادر مختلفه تخدم الباحث ومحبي شعره ... لقد كتب الكثير عن الراحل في الصحافه ووسائل الاعلام المختلفه وفي عالم الشبكه العنكبوتيه ويسرنا ان نشرح كافة انواع الشعر وابداعاته رحمه الله في مجال الشعر ،،، والتي لاتزال بصمته باقيه في صفحة الشعر ..

0
0
0


اسمه ... نسبه ... نشأته ... حياته



0
0
0

هو عبدالله بن مستور بن قنيع المسعودي ... ولد في ديار بني مسعود في منطقة الفوارة سنة 1364هـ وقبيلته هي احدى قبائل هذيل تتكون من ثلاث عشرة عشيرة لكل عشيرة رئيس وينتمي الشاعر الى عشيرة (المزايده )وعم الشاعر مطلق عبيدان المسعودي وهو رئيسهم ومن اشهر رؤساء هذه القبيلة ... وليسى الشاعر عبدالله المسعودي بأقل شاناً في قبيلته فهو رجل اضافة الى نبوغه في الشعر من أعيان القبيله وأصحاب الراي فيها على الرغم من صغر سنه فلا يتصرف عمه رئيس عشيرته الا بمشورته وغالباً يستدعيه شيخ القبيلة العام اذا عرضت مشكله بين افرادها واقتضى الامر حلها عرفاً . لمشاورته واخذ رأية والاستعانه به .
خاله الشاعر سايف المسعودي وخال ابيه الشاعر منيع الله البعشوم المسعودي ،

نشأ في بداية حياته في ديار بني مسعود الواقعه شمال شرقي مكه المكرمه ، وترعرع فيها بدوياً يرعى الاغنام الى ان بلغ العاشره من عمره ثم انتقل الى المزارع هناك الى جانب أبيه الى ان بلغ السادسه عشر من عمره وقال معبراً عن حياة أهل البادية وأمانيهم :







يالله مـن نـوٍ خيـالـه يـقـوده=يمطر على ذيك الديـار عصيـر
يسقي شيرها ثـم يخضـر عـوده=ويعـود فـوق الباديـة بالخـيـر
ياطيب مطلاع الجبل يـوم اروده=مبدأ الجبل طيـب وغيـر وغيـر
مواشـي للبـدو ترعـى حيـوده=وان وردوهـا فـووض وبـيـر
وبيت الصخا اللي كل ضيف يروده=وادلال صفـر مبهـره تبهـيـر
وسوالف تجلي عن القلـب كـوده=وشيمة وقيمـة والجـوار يجيـر




لاحت لاقربائه اشاره قويه تدل على قدوم موهبه شعريه سيكون لها مكانه كبيره في تاريخ شعر المحاروه من خلا ل هذه القصه ... كان عمه الشاعر مطلق بن عبيدان المسعودي يجلس وحيداً تحت ظل شجره ساهما حزيناً على زوجته التي فقدها منذ ايام عدة ... فاراد ان يروّح عن نفسه ويسلي خاطره ببيت من الشعر فنادى على ابن اخيه (( عبدالله )) الذي كان يلهوا مع اقرانه وقال اسمع ياعبدالله :







العشيه ماجد الدخان مصلف يابناخي=ماجده وانا على الدخان صايبني قليه





فترك عبدالله مابيده وقال اسمع ياعم






الصلف مانعرفه ياعم مير نقول صاخي=والله اعلم (بالحوال ) اللي عليها المشهويه






ثم بعد ذلك انتقل الى مكه المكرمه التي أحبها ولازمها وقال فيها معبراً عن مشاعره نحوها







كانت سنة غيث شتاهـا وصيفهـا=مكة سقاك الله وأرضك سعة بـال
مكة ليا مطـرت وسالـت شعابهـا=ماكف بحـر وادي نحوهـا سـال
ان كان في غيرك تزيـن الليالـي=حيناً وحين اتشين في بعض الاحوال
انتـي لياليـك الجميـلات كلـهـا=وأيامك اجمل كامل الحسـن كمـال
اماني الانفـس وسحـراً للافئـدة=الك الرحال اتشد ماعنـك رحـال
حطت امانه فـي اليديـن الامينـه=ابـي انـا امـي انـا ام الابطـال
منهـا انـا فيهـا ومفتـون فيهـا=حسناء لآلي خدها تشعـل اشعـال
هي التـي مامـال قلبـي لغيرهـا=مهما حكوا فيها هل القيـل والقـال
مدري هي اللي زايدة فـي جمالهـا=والا هو المربي كمـا قيـل قتـال





0
0
0
في مكه المكرمه عمل الشاعر بالشركه العربية للسيارات فترة من الزمن ثم التحق بالدفاع المدني فيها وعمل سائقاً به الى انتقل الى البيع والشراء في السيارات فاستقال من وظيفته تك ولم يلبث ان استخرج سجلاً تجارياً وافتتح مؤسسة للمقاولات المعماريه ، واستمر في هذه المهنه الى اخر ايام حياته .



لنا تكمله أنشاء الله

[الطيـّر]

اخلاقه وصفاته



كان رحمه الله محمود الخصال مستقيم الاخلاق لا يعرف اصدقاءه لكثرتهم ، مرحاً يحب الفكاه وياتي بها لاتمل مجلسه ولاتكره ان تجالسه ، ياتي بالشعر اثناء كلامه ، وذكي لاتفوته اشاره وتخفى عليه عباره وقد حفظ كثيراً من سور القران الكريم عن طريق السماع من الامام الذي يصلي خلفه اثناء تادية الصلوات .. محباً لوالده يتمنى الموت اذا خالفه واحس بغضبه فهو القائل





يارب وفقنـي رضـا والديـه=اموت رضي ولا اعيش غضيب




فيه انفة العروبه وخصائص لارجوله ، يحب الصدق ويكره الغيبه والنميمه والكذب فيقول :





يامستغيب الناس مانـي غيوبـي= ماني لغيري لا اباودي ولا اجيب
عن عيب غيري شاغلتني عيوب=من يشغله عيبه ماشاهد لاحد عيب
الصدق مثل الريس من الدروبـي=اللي ماتغني عنه كـل المجانيـب
والكذب ظلمه فوق وجه الكذوبـي=ظلام ليـل ولاظـلام الاكاذيـب


وهو القائل






يالساني احـذر عـن فمـي لاتعـدى=قدام لاعضك على الضرس والنـاب

واحـذر تـودي هرجـةْ مـاتـودي=واليا بدت قالوا لـك النـاس كـذاب

اللـي تعشـى بالـكـذب ماتـغـدى=والي تعالج به مـن السقـم ماطـاب

واذر ثـم احـذر بالـردي لاتجـدي=حاجتك ماتقضي وسرك مـع البـاب

من يـوم مايفهـم حقيقتـك صـدي=واصبح يسولف بك مع الناس الاجناب

عـز الله انـي تبـت وابـا اتعـدي=توبة نصوحٍ عن دروب الخطا تـاب

واحدي عن اصحاب الردي وأتحـدي=خله يقولون العرب مالـه اصحـاب

[الطيـّر]

أبيات خالدة في أذهان الناس

لا تخلو المحاورة من أبيات تبقى عالقة في الذهن
، ويرددها المتابعون لهذا الفن بمختلف مستوياتهم ؛ والسبب في ذلك يعود إلى قوة هذه الأبيات ، أو لما تحويه من حكمة ، أو لما تتضمنه من تناسب الألفاظ وتلاؤمها .

والأبيات في هذا المجال لا يمكن حصرها ، وما قد أراه أنا جميلاً قد يراه غيري اعتيادياً لا جمال فيه
؛ وما هذا إلا لاختلاف أذواق الناس وتنوع ملكاتهم الفكرية .... ولسوف أعرض اليوم بعضاً من
تلك الأبيات التي خلّدها تاريخ المحاورة من قديم الزمن لعلم من أعلام هذا الفن ... يعرفه أو على الأقل يسمع به الكثيرون .. إنه شاعر هذيل ( عبد الله المسعودي ) .

إن الناس لا زالت تردد إلى اليوم بيته المشهور الذي يقول فيه : ـ


أنا ما همّني فالوقت لا مطلق ولا مستور *** مركّبها على قمة جبل واتهزّ رجليها


سال مستور العصيمي في احدى المجلات عن هذا البيت لماذا وصلت شهرته وذياع
صيته ولم ياتي له الرد الكفو من مطلق ....(( وقال العصيمي نعم هذا البيت من شاعر
معروف وبمفهومي الشعري ان مطلق رد بالرد اللي فيه الكفايه ))

ولكن ما الذي جعل هذا البيت يخلد من أن قيل إلى يومنا هذا ؟؟؟
إن الأسباب التي خلّدت هذا البيت كثيرة ومنها : ـ
أولاً : ـ نبرة الفخر والتحدي الواضحة والتي أتت من بداية القاف حيث إن هذا البيت كان
البيت الثاني في المحاورة .
ثانياً : ـ هذا التحدي لم يوجهه الشاعر لشاعر بعينه بل ترك المجال مفتوحاً ، ولكن بطريقة ذكية ،
فإذا كان القائل لا يهمه ( مطلق الثبيتي أو مستور العصيمي ) وهما من عمالقة المحاورة آنذاك فمن يهمه إذن ... ؟؟
ثالثاً : ـ الغموض الفني الغريب لمقصود الشاعر في الشطر الثاني . (( مركبها على قمة جبل واتهز رجليها ))
وهو الغموض الذي لا زال إلى اليوم حيث لم أجد أو أسمع أنه استطاع فك شفرة هذا الشطر .. وكل منْ تسأله عن المعنى يقول في بطن الشاعر ... فما هي أو من هي التي ركبها ( المسعودي ) على قمة الجبل ؟؟
ولماذا تهز رجليها ؟؟ وكيف يكون هز الرجلين ؟؟ وكيف تستطيع هز رجليها على قمة جبل ؟؟
وما مدى ارتفاع هذه القمة ؟؟ وأين يوجد هذا الجبل ؟؟ الله أعلم .

ومن الأبيات المشهورة والتي يرددها الناس لهذا الشاعر قوله : ـ


هلا يا مرحبا ترحيب وافي من صليب الراس** يسير اللعب وإلا ما يسير الهيل فالدلّة

وهو بيت رد به على رفيق دربه ( السواط ) حين قال له : ـ


سلام الله على الأشراف واللي حاضر من الناس** نبي صفين والا عذرونا يا هل الحلّة


وأسباب روعة وخلود بيت ( المسعودي ) كثيرة ومنها :
ـ تناسب الألفاظ وتلاؤمها مع بعضها ، فلا تكاد تجد صعوبة في نطق البيت أو ترديده
، ومنها أيضاً : أنه لا زال يعتمد أسلوب التحدي والقوة من البداية
فترحيبه ترحيبٌ من رأس قوي صلب يمتليء شعراً .
وكذلك أنه في الشطر الثاني لا يهتم بوجود الصفوف ؛ لأنه إن وجد الصف
أو لم يجده فدرره الشعرية موجودة . وإن كان الكثير يرى أن تفسير الشطر الثاني
يعني أن الشاعر لا يهمه وجود الصفوف مادام قد قبض مقابل أتعابه
في تلك الحفلة إلا أنني لا أرى ذلك حيث لم تكن المادة هي المطلب الوحيد لشعراء تلك الفترة .

ومن الأبيات الخالدة لهذا العلم : ـ


أنته توصّيني نسيت انّي هذيلي من هذيل *** الناس عارفها واخاطبها بقدّ اعقولها


فهذا البيت قد حوى سؤال تعجب من الشاعر لخصمه الذي يبدو
أنه تجاهل مَنْ يكون ( المسعودي ) ؟ وبعد السؤال أخبر الشاعر خصمه بمن يكون ؟
ثمّ افتخر الشاعر بنفسه وأنه على دراية بأحوال الناس وطبائعها وعاداتها
وتقاليدها وتلك المعرفة جعلته يستطيع مخاطبة كل منهم بما يتناسب معه
. (( خاطبوا الناس بما يعلمون)) .

ومن ذلك قوله أيضاً : ـ


المطية ما تقدّم رجلها قدّام يدها **** لوّ راعيها يخليها عشا حصني وذيبي


ما أجمل الحكمة في هذا البيت ، حيث إن كل شيء في هذه الحياة
يسير على طبيعته ولا يستطيع التغيير ـ غالبا ـ مثل ( الدابة ) التي لا يمكن أن تقدم
رجلها قبل يدها . ثم الحكمة الأخرى والمأخوذة من قوله عليه الصلاة والسلام : ( كلكم راعٍ وكلكم مسؤول عن رعيته … )) فـ ( الدابة ) حينما يتركها صاحبها ولا يهتم بها تذهب فريسة كل ذي ناب ،
وذلك مأخوذ من قوله عليه الصلاة والسلام أيضاً (( … لك أو لأخيك أو للذئب ))

وكذلك ابيات التحدي

عندما عاد المسعودي الى منزله ذات يوم فوجد (كرت دعوه)
مكتوب عليها ( الدرب شام ) وهي جملة معناها اعلان التحدي وتذكير الخصم
بما سيلاقيه من صعوبات فذهب الى الحفل ووجد امامه مطلق الثبيتي
ومستور العصيمي وجار الله السواط ومحمد بن تويم الثبيتي وهلال السيالي
. فانشد كنوع من التعجيز والتباهي بموهبته رداً على الدرب شام
حيث يقول

سلام / رديه عجل / وابطي عليه لين اشوف ***بين الصفوف / لكل الحاضرين / اثني سلام
الشام / مالي فيه اهل / وانالياجيت معروف *** ياهل الظروف / اللي عليها كاتبين / الدرب شام


ومنذ تلك الليله وحتى تاريخه لم يسمع بشاعر استطاع الرد عليه .

[الطيـّر]

اشعار المسعودي

المنظومه ... المجروره ... المجالسيه ...الحداية ... المحاورات الشعريه ... بعض الكسرات



المنظومه


قال هذه القصيده عندما عاد الملك خالد بن عبدالعزيز يرحمه الله من رحلته العلاجيه الاولى





يامرحبـا ياخالـد اجمـل تحيـه=تحيةٍ من قلـب ماهـي فصاحـه
عداد ما اصبح صبح واعشت عشيه=واعداد ماجا ليل واصبح صباحـه
اهـلاً وسهـلاً ياوثيـق الرعيـه=مما يميـزك الوفـا والصراحـه
لعل مالـك يابـو الشعـب سيّـه=سالم سلمت من الالـم والجراحـه
يامن اذا اعطـى مابـدور جزيـه=واليا جزى موت سكوتـاً سلاحـه
واليا عفـا مـاراز ثقـل الخطيـه=والعفو عن راع الخطا في صلاحه
اولادنـا وبلادنـا لــك وفـيـه=جزاك واضح مايعـاوز إضاحـه
شرحت صدر موظف العسكريـه=وفرحت اصحاب البناء والفلاحـه
وفالسجن خليت المضاجـع خليّـه=وفرحت المسجون اكبـر فراحـه
عميت بالشعـب المكـارم سويّـه=اهل السماء والارض واهل الملاحه





المجروره


يافاتنه






غريـب دار وشوقتنـي بـلادي=الله يرجعنـي لهـا بالسـلامـه
هيه هوى بالي وغايـة مـرادي=هي المحبـة والوفـا والشهامـه
شوقي هواي ادواي بلسم فـوادي=في نجد في أبها في الشفا في تهامه
شمالهـا وجنوبهـا فـرع وادي=غربيهـا شرقيهـا خـد شامـه
بقيت سعوديـه ولقيـت رشـادي=وجناتها تضحك بـدون ابتسامـه
لبست من الشيمه حليـاً جـدادي=عريت وبريت من ثياب الندامـه
يافاتنه باسمك اجـاوب وانـادي=لبست لك ثوب الفـرح والعمامـه
مفتون فيك وكل مااخفيت بـادي=لامن يلوم ولاني اسمـه ملامـه
وانا اعرفك وافهمك جيد وجوادي=قـداً وتفصيـلاً وهامـه وقامـه
يامن ظهر فوق البشر منك هادي=وابطال اعطوا للملاحـم لحامـه
مهما هرج فيك الحسود المعـادي=ماينفعه غير التعب مـن كلامـه
مايقطر القطران عنبـر وكـادي=ولاينجب الشيهان فرخ الحمامـه
معمـورة مشهـورة بالجهـادي=ماضي وحاضر ففارقه ياعلامـه
وانا سعودي من سلالـة جـدادي=وظهر الجمل ماينفصل عن سنامه
الا مقطـع بالرهـاف الحـدادي=الله حسيب الكـون يـوم القيامـه




مانسيتك






صبرت صبر الجمل معاد انـا صابـر ولايـوم=الصبـر غلّـق وميعـاد الفـرج عنـد النهايـة
امـا حيـاة بجـار العـز والامـوت مرحـوم=والناس احد مات قدامـي واحـد مايـت ورايـه
الموت لي عن حياةٍ دربها يعرض علـي اللـوم=أخيـر مـن عيشـة يلومنـي فيـهـا غـدايـه
ابـا السـوق واللـي يشترينـي يغلـي السـوم=أما دفع لـي ثمـن والا عجـز عـن مشترايـه
ياديرتـي مانسيتـك لـو تولـوا فوقـك القـوم=لكن صادتنـي الحيلـه بعـد شقـرت عصايـه
وان قلت لك ياعصاية ليـش تنشقريـن مظلـوم=هيّه تقول انت مخطي وانا اقـول انتـي خطايـه
في ذمتي يابلادي كل ما اقعـد وكـل مـا اقـوم=عليك جدي موصيني وانـا مـا ابغـى وصايـه
ومن يشهد اني رضيت ولا الزعل في جبهتي حوم=وانـا اذا سـت راضـي مايزعلنـي رضايـه





قالو وقلت






قالوا وراك انحيف ؟ قلت المتن كيف ؟=قالوا دخل فيك الهوى ؟ قلـت هـاوي
قالوا تحب الزين ؟ قلت أسهـر العيـن=وعن السهر ويـن الطبيـب المـداوي
قالوا تحب المال ؟ قلت اتعـب الحـال=لا جـا نـوال ولا تريّـح شـقـاوي
قالوا تبا الطـالات ؟ قلـت آه مـرات=أسهـر طويـل الليـل ودّي ونـاوي
قالوا تبا لك بيت ؟ قلت آه يـا ليـت=محد (ن) بنى بيت (ن) بكثر المنـاوي
ولا فاد كثر القول من غيـر معقـول=ولا يشبـع الجيعـان كثـر القهـاوي
لوّ اسلم الوسواس مثل بعـض نـاس=ما كان فيّ الهـمّ سـارح وضـاوي
ناس (ن) على لا شيّ يحلى لها الفـيّ=ما زاد زاد وما نقـص مـا يسـاوي




رساله وعذر






يامطلق الجنحان وصل كلامـي=اخذ الكلام ووصله من يسأل عن
وده عريب الخال جيد العمامـي=فنه ثماري والثماري لهـا فـن
اللي عليه القلب زايـد غرامـي=والناس ماتدري غرامي على من
ماهو غرام مطرقـات اللثامـي=لا _ ورب البيت ماهو عليهـن
لاهم هدف قصدي ولاهم مرامي=هذا عذر من ذلة الشك والظـن
على صديق مايصادق خصامي=وان تألمت وسمـع ونّتـي ون


الغشاش






ياصاحبـي صاحبـك مايمـرح=وانتـه يصلـون العشـا وتنـام
انتـه مخليهـا الــم نـشـرح=وانا علي مـن الحـزون خيـام
اللـي قضـى والنهـار اصبـح=وانـا مساهـر والهـوى ظـلام
والله يالـغـشـاش مـاتـربـح=لكـن روح تجيـبـك الايــام
صدقتنـي وانـا مغـار امـزح=هذي مزوحي من زمـان العـام
أهوى الغضب من وجهك الاصبح=واهواه من بعد الغضـب بسـام
لو جتك زله من صديـق اسمـح=مافالبلـد لحـمٍ بغيـر عـظـام
يابـو عيـون شوفهـا يـذبـح=صدر علي امـرك وانـا خـدام
يافرحة الخاطـر متـى نفـرح=خلاص يكفينا زعـل واخصـام
ماعـاد نضـوي ولا نـسـرح=الا بهمـك والـسـلام خـتـام

[الطيـّر]

المجالسي




01 كلام الصدق






يالله ياللـي للخطـايـا سمـوحـي=في يدك يالمعبدود تدبيـر روحـي
ياغافر الـزلات حقـق طموحـي=في الطيب والا الشين مالي نظر فيه

ياباسط البيـدا ومرسـي الجبالـي=يالله يـاربـي علـيـك اتكـالـي
الملـك ملكـك ياعزيـز الجلالـي=سبحانه اللي كـل مخلـوق يرجيـه

ودي بطرقه مار صعبـه ظروفـي=وايامنـا مابيـن امـان وخـوفـي
جاهدت فيهـا ليـن كلـت سيوفـي=واحد تقبـل لـه وواحـد تجافيـه

هاجوسي قلبي منكسر في ضميـري=واصبحت فالدنيا سوات الاسيـري
ارد على المسا مير حبلي قصيـري=أقيس حبلي ثـم يقصـر واطويـه

ميزت في الاعلام بالعرض والطول=ولين في الاعلام طلعـات ونـزول
الرجل محتـاره والبـاب مقفـول=والفكر متشتت وضاعـت معانيـه

من مغرب اليا الصبح مركاي كوعي=والقلب يرجف تحت عوج الضلوعي
والعين منهـا ذارفـات الدموعـي=من شي في قلبي عن الناس كانيـه

واشكي على اللي كون الكـون كلـه=الياعقـد حبـل المعانـي يحـلـه
يعلـم بسـر العبـد دقـه وجـلـه=عبـده بتدبيـره يميتـه ويحيـيـه






02 كل اناء ينضح بما فيه






ياقلبي ياللي توصل العشـق حـده=من لايودك وش تبـى بـه تـوده
ماعـاد لمـك يـم المقفيـن لــده=واللي نسيك انسـه ولاتلتفـت فيـه

احفـظ سنينـك لاتضيـع عددهـا=لابـد باقـي لـك سنسـن بعدهـا
قال المثل من عز روحـه وجدهـا=هذا الكلام اللي مع النـاس نوحيـه

نوحيه من من يوم العصور القديمـه=واللي يبيعك بيعـه باخـس قيمـه
من لايشوفك خيـر ماهـو غنيمـه=جرب وكل انا ينضـح بمـا فيـه

ولاعاد تامن من ضحك لك بسنّـه=البيض غـدارات مـن يـوم هنّـه
والعشـق كلـه نـار مافيـه جنّـه=يانار واللي يقـرب النـار تكويـه

وقـال قلبـي لاتـعـذّل علـيـه=انت السبب وانتـه زمـام الخطيـه
واليوم انـا مشبـوك شبكـه قويـه=اشكي على الطير المسافر وأوصيـه

اقول اخـذ علمـي لخلـي وهاتـه=خلـه يعلمنـا بقـصـة حيـاتـه
ياليتنـا نقـدر نـسـوي سـواتـه=مادامت انه نـاوي الهجـر ناويـه







03 صحبة المكار






والله ماعـاد اتشـوف عينـي بعينـك=بعـد كـلام صـار بينـي وبيـنـك =
والله علـى سـود الليـالـي يعيـنـك=ان كـان مـن زعلتـه اليـوم تهـوان

وان كـان ماعنـدك هـوى لاتـغـرّه=خـل المحـب يـوح فيـمـا يـسـره
عشره بـدون اخـلاص يازيـن مـرّه=والمـر خـلا الطفـل يكـره مـغـذاه

ما اشـد حـب الطفـل فـي رضاعـه=عن حظنهـا مايقـدر الصبـر ساعـه
لكـن بعـد الـمـر جـاتـه قنـاعـه=سبحـان مـن خـلاه يكـره وينسـاه

إفهـم تـرا مـن هـو دفعتـه نفعتـه=حنـا زرعنـا الطيـب وانـت قلعتـه
والا انت وينه طيبـك اللـي زرعتـه=لـو انـك زرعتـه مثلنـا ماقلعـنـاه

لو تزرع المعـروف مابـات ضامـي=نسقيـه ماتشـرب عـروق النـوامـي
وأحارسه عـن كـل خايـن حرامـي=لاينقطـع عـوده ولاشــاه تـرعـاه

لـكـن يـاداعـج عيـونـه بكحـلـه=طيبـك تبـاه لواحـد متـجـه لــه
ومن يزرع المعروف في غيـر اهلـه=اللـي لقـوه النـاس قبـلـه بيلـقـاه

لابـد لــك مقـصـود لابــد والاّ=والا لـبـدك ياعـزيـزي تـغـلـى
لعـلـي أدلــه والتـهـي واتسـلـى=واجور عـن مـن بـاع دينـه بدنيـاه







05ياصبر ايوب






ياصاحبي ليتك معـي ليلـة العيـد=نحظى بفرحة حب عليا وابو زيـد
هذاك لـو انـك وفـي المواعيـد=لكن مواعيـدك مواعيـد عرقـوب


حاولـت ليـن الـحـال تـحـول=عشيم جاهل مثل صغري مـن اول
الله يهولـك اشهـد انـك مـهـول=وانا معك ياساحر العيـن مغلـوب
يـاصــبــر ايــــــوب

انـا واليـا فالمحـبـه فضيـحـه=فضحتنا يـا ابـو العيـن مليحـه
عز الله اني عنك جتنـي نصيحـه=جتني نصيحه عنك لكـن مكتـوب
يـاصــبــر ايــــــوب

يابيت ياللـي عنـد بابـك وقفنـا=قد ايه من كثـر الوقـوف انكسفنـا
جاء فيك ناس ما احد منهم عرفنـا=وانأ من أول كان لي فيك محبـوب
يـاصــبــر ايــــــوب

كان الهوى يطرق رواشينك الزرق=ويحدها من شام مما يلـي الشـرق
واليوم بين اليوم واللي مضى فـرق=أمسيت طالب حق واصبحت مطلوب
يـاصــبــر ايــــــوب

يامطلوب والمطلوب ماهو بمرتـاح=يشكي ويبكي لين بـلاج الاصبـاح
كـل يبـا يبكـي حبيبـه اذا راح=يايلحقه شـره ولا فيـه عـذروب

[الطيـّر]

المحاورات
عـــــــــبــــــــــدالله
يامرحـبـا بالحـاضـريـن الطيـبـيـن=واكثـر مـن الترحيـب قيـلـة مرحـبـا
مـن مدلـي يمنـاه امـد الــه اليمـيـن=من يوم اشوف الواحـد اعـرف وش يبـا

صـــــــــيـــــــــاف
الـك البقـا ياصاحـب القلـب الذهـيـن=واللـي مزيـن مذهـبـك حـلـو النـبـا
مـد اليمـيـن وعنـدنـا مــد ثمـيـن=ان كـان تعـرف وش يجيـك مـع الغبـا

عـــــــــبــــــــــدالله
يامـكـرم الـخـطـار دور للسـمـيـن=وان هبـت الآزيـب تهـب لـه الصـبـا
لن ثقلـت الحملـه علـى الجنـب المتيـن=اللـي مثنـى لآونـس المـطـرق حـبـا

صـــــــــيـــــــــاف
ان كـان عنـدك للكـرم عقـل رزيــن=تنظف عـروق القلـب مـن دمـك الوبـا
مانـي طبيـب احـط للعمـيـان عـيـن=مـن لاربـا نفـسـه بنفـسـه مـاربـا

عـــــــــبــــــــــدالله
ان كـان جالسـت الكـرم طـول السنيـن=ان الجلـيـس مــن الجلـيـس مقـربـا
شفت المطر يمطـر وثمـر العـود ويـن=طـار الجـراد وحـل بالـعـود الـدبـا

صـــــــــيـــــــــاف
اتبـع طـورايـق الـرجـال الاولـيـن=قـدام نـاب الـذيـب يعـلـق فالظـبـا
ان كـان ذاك الـعـود قـاسـي مايلـيـن=امـا اشتهـر سبـع الـخـلا والا هـبـا

عـــــــــبــــــــــدالله
قلبـي يعورنـي ولا ادنــى الكالمـيـن=الا يـكـود انــه عليـهـا يغـصـبـا
ليـه ضـروس تطحـن الحبـه طحـيـن=وافتـح فمـي جيعـان وآكـل واشـربـا

صـــــــــيـــــــــاف
اليـا مرضـت ادبـل علاجـك مرتـيـن=والجـسـم لايبـسـت عـروقـه يتعـبـا
الياكليـت الـحـب لاتنـسـى العجـيـن=مـحـد يـعـارض للبعـيـر الاجـربـا

الــــمــــســــعـــــودي
مازاع قلب الذيب صـوت ابـا الحصيـن=هـذي الحصانـي مـن صياحـه تطربـا
اثـر سعيـد فـي عيـون امـه زويــن=مـن يـوم صغـره ليـن راسـه شيـبـا

صـــــــــيـــــــــاف
الياغفـلـت ادخــل بـيـوت الغافلـيـن=تـرا الكـلام اللـي سمـعـت مصعـبـا


عـــــــــبــــــــــدالله
ماتاكـل السكـيـن غـيـر ام القـريـن=واللـي بـدون ديــوس مافيـهـا لـبـا
ياثلـب يالـلـي لاهـديـر ولا حنـيـن=تقـبـل وتقـفـي والحـمـول مصلـبـا

صـــــــــيـــــــــاف
لعلـهـا صـيـده لـقـوم سـارحـيـن=اهيـه شبـت والا ولـده الـلـي شـبـا
ماهـو بنـا اللـي يعتـرض للغاشمـيـن=مـن يـوم شفـت العلـم عـنـي جنـبـا

عـــــــــبــــــــــدالله
شبيـت نـار الكيـف فــوق الدلتـيـن=واسقيتـك الفنجـال مـن كـفـي جـبـا
صيـاف مثـل الشمـس بــن الفيتـيـن=مـدري ولـد منسـوب والا مـن سـبـا

صـــــــــيـــــــــاف
ارفــع دلالــك للـرجـال الغايبـيـن=مالـي بهـا عـازه ومنهـا مـا اقـربـا
مثـل البحـر ياصاحبـي ترطـن رطيـن=وانــا سـلاحـي بالـزهـاب مزهـبـا

[الطيـّر]

عبدالله ومطلق الثبيتي
عـــــــــبــــــــــدالله
ماني باجيب الفصاحه غيـر عنـد الفصيـح=امشـي مـع النـاس واعطيهـا قوانينـهـا
ام الصفا والصفيح اللـي مـن اول تصيـح=راحت على مـوت ابوهـا حنـت ايدينهـا
مــــــطــــــلـــــــق
بعـض المعانـي تعنينـي وانـا مستريـح=وام المـوازيـن لاتصـغـي موازينـهـا
قلـب بنعمـه وقلـب مـن زمانـه جريـح=قبـل امـس تقسـي وهـذا اليـوم يالينهـا
عـــــــــبــــــــــدالله
انا علـى مرقـب عالـي بديـت استضيـح=وان ام عامـر تهـز انـصـاب سكينـهـا
الهجرة اللـي يامطلـق جـات تنقـح نقيـح=يعيـش نمرودهـا ويـمـوت مسكينـهـا
مــــــطــــــلـــــــق
يازنـد ياللـي علـى الايـام تقـدح قديـح=ليـالـك الـسـود ماتـرقـد شياطينـهـا
اشوف لي شيخ فـي نعسـه وكفـه شحيـح=حتـى الاوادم مشـارك فــي دكاكينـهـا
عـــــــــبــــــــــدالله
اشوف قربة عقيـد القـوم تنضـح نضيـح=والثـوب الابيـض تفـرق بينـه وبينـهـا
ابليس لـو جرهـا يمكـن عراهـا يطيـح=وابليس شريـان مـن ماهـا ومـن طينهـا
مــــــطــــــلـــــــق
النار من تحـت قـدرك مـار عيـا يفيـح=خـلا العـرب للعشـا تدنـي مواعينـهـا
يقلون بـاب يجـي ياصاحبـي منـه ريـح=سـده وتسلـم مـن الدنيـا ومـن دينـهـا
الــــمــــســــعـــــودي
ولـد الهـوى يـوم غنـى لام خـد مليـح=ما احد يلومـه وهـو مفتـون فـي زينهـا
الذيـب ماهـو عشـا لام اللبـن والتلـيـح=ان شافت الذيب الاشهـب دنهـرت عينهـا
مــــــطــــــلـــــــق
ولد الهـو مبتلـش فـام الصفـا والصفيـح=الـلـي لياشافـتـه رفــت كراعينـهـا
ام الكباير علـى الاجـواد تضبـح ضبيـح=والسوس من ظهرهـا واصـل ضلاعينهـا
عـــــــــبــــــــــدالله
قمريـة الفـن الاخضـر ملحهـا مايميـح=لحـب فـي حلقهـا ماياصـل ابطينـهـا
ان كان ابا امدحك ماينفعـك كثـر المديـح=ان كـان ماجـبـت للقـصـه براهينـهـا
0
0
0
0
مــــــطــــــلـــــــق
سـرى الليـل وآباكلّـف القـاف تكلـيـف=تـرى القـاف مـا كـل ٍ بفكـره يحوفـه
ورحلـة شتانـا عـوّدتْ رحلـة الصيـف=وانا آشـوف ابـو سفيـان حـرّش كفوفـه
عـــــــــبــــــــــد الله
ليا جـو هـل الطيّـب رجـال المعاريـف=دروب الرجـال اهـل الجميـل امعـروفـه
ليا صرت ميت ما احسن المـوت بالسيـف=تيسّـر ومـا يكتـب لــك الله تشـوفـه
مــــــطــــــلـــــــق
يقولـون راعـي مصـر عنـده تصانيـف=ليا ما حضـر فـي اللعـب قـوّم صفوفـه
ومن هو يصلـي فـي صلاتـه غطاريـف=صـلاة المنافـق مـا عليـهـا حسـوفـه
عـــــــــبــــــــــد الله
تشوفون نصّ الدرب يـا أهـل الكشاشيـف=وفالنـص الآخـر شوكتـيـن امعكـوفـه
وحنا ليـا جـا عندنـا الطرقـي الضيـف=نعشيـه واحنـا مــا فتشـنـا ظـروفـه
مــــــطــــــلـــــــق
تحومـون فـوق الـزاد مثـل الخطاطيـف=وكـل ٍ عيونـه نابـتـة فــي كتـوفـه
عسـى الله يكفيكـم سـهـوم الصـواديـف=يـا هـل موتـر ٍ مانـي مصنفـر بلوفـه
عـــــــــبــــــــــد الله
تنـادي تنـادي وانـت مشتـاق للكـيـف=وابو صوف عيّـا ينشـف المـا بصوفـه
ليـا كـان ودّك فانـت رجّـال حـرّيـف=كمـا الناعـم اللـي مـا يخلّـي حفـوفـه
0
0
0
مــــــطــــــلـــــــق
سلامي على اهل الحلة اللي لها شان ٍ رفيـع=وحنّا نجيها فـي ليـال الوعـد وانرودهـا
ليا جيت في سوق التجارة نويت اشري وابيع=ورثنا حياض العز من يوم جـات اورودهـا
عـــــــــبــــــــــد الله
هلا مرحبا ترحيب يضفي على روس الجميع=سوات الدوى لقلوب بعض العرب واكبودهـا
أقول السوالف وارده كل ضلع وكـل ريـع=عيال الحلال اليـا محـل الحيـاة اتقودهـا
مــــــطــــــلـــــــق
بغيتك تسافـر يـمّ لنـدن شتـا والا ربيـع=وخابرك ما تسلى جبال ٍ تصيـح اقرودهـا
ترى اللي سواتك يطعم العلـم لابـده يطيـع=ليا جات هرجتها تسـاوت علـى بارودهـا
عـــــــــبــــــــــد الله
له أيام والكبسون تقرع علـى جنبـه قريـع=يبا يستحلّ ابـلاد صنعـا بكثـر ازيودهـا
أنا عارف انّ السمـن طيـب ولكنـه يميـع=يدين ٍ تغمّس فيـه بيسيـل فـوق ازنودهـا
مــــــطــــــلـــــــق
يضيع العمى واللي عيونه سليمة ما يضيـع=ولا ينقل اللي في نحرهـا نشـب عبرودهـا
وانا ما جبرت اللي تدرّق ورى سدّ الوشيـع=ألفّ الجنـازة فـي كفنهـا وارزّ الحودهـا
عـــــــــبــــــــــد الله
من اللي تدوّر للّبن بعد شهر امـن الضريـع=وش اللي يصيده بعد يوزي فمه في اديودهـا
ترى المقبرة حمرا وغبرا وحلـم الله وسيـع=عسى تشرب الشجرة وتحيا ويثمـر عودهـا
مــــــطــــــلـــــــق
لو انّك تغمض نصف ساعة يسبّعك السبيـع=وتخدمك ضبـاط السريّـة بكثـر اجنودهـا
لكنّـك تعلمـت اللكاعـة وسمّـوك اللكيـع=تبا الشيخ يقبل دعوة ٍ مـا لقيـت اشهودهـا
عـــــــــبــــــــــد الله
بعَض قوم لا تصنع ولا تعترف بأمر الصنيع=عرب غافلة تقرع على القافلـة باشنودهـا
ولا يا معلّم خيـر منتـه متيـن ولا رفيـع=تبا تبلغ الخنقة وتوبـة مـا عـاد اتعودهـا
0
0
0
مــــــطــــــلـــــــق
الي وزعه مع الشعار ياليل الطرب محـلاك=نجومك مشرقه واشوفهـا فالعـرش سباحـه
يعبدالله تهرج كـان دنيـا الملعبـه دنيـاك=انا وانته على درب العرب والمشي بالراحـه
الــــمــــســــعـــــودي
الا ياشاعر ماجابنـي مـن ديرتـي لـولاك=كما دار المصيف اللي نضج خوخه وتفاحـه
ظروف الوفت تبعدني وتدنيني بدون رضاك=لكن الذيب بانيابه فـزع والصقـر بجناحـه
مــــــطــــــلـــــــق
عسى نو الشعيه ياعرب يسقى عروق الـراك=ولايسقى الذي ضوى المعز والضين فمراحه
نحب اللي يحبك مير مانشنا الـذي يشنـاك=كمنك شايلٍ لـك عكـه بالسمـن نضاحـه
الــــمــــســــعـــــودي
اخذ مال الافندي واكفت المفتاح في مخبـاك=ترا مذبحكم ليـن الافنـدي جـارد سلاحـه
تقوله وانت لازم خرشة الباكور في يمنـاك=تبا تطرح به اللي بين شعب رهاط والباحـه
مــــــطــــــلـــــــق
..... الـلــي ورثــتــه ويــــاك=لكن انت الـذي لعبـت فـي قفلـه زفتاحـه
معي باكور اهزه وانهمه واقربـه واربـاك=وانا باجبدك بعد الناس قالوا طاحتك طاحـه
الــــمــــســــعـــــودي
نصيب اخوانك اكبر منك هذا مايلاقـي ذاك=لكن اليا تعرضت المديد ارضـوك بفراحـه
لكنك ياثبيتي متـر فراشـك ومـد خطـاك=ترى بدو الشعابه حضر والحضران فلاحـه
مــــــطــــــلـــــــق
بابو حنا تجوز الناس من غمرك ومن حناك=وبدريه تصيح فوق وصـل الله وصلاحـه
مواصير العمـاره نقطـت يبغالهـا سبـاك=ولا ياليتهـا بيـر عليهـا الدلـو ميـاحـه
الــــمــــســــعـــــودي
اقيس يالمغني مايجيب القـوم غيـر غنـاك=ولو تدرق يدينك عارفينك ياحمـر الراحـه
انا اشوفك تحب الموت مير الموت مايبغـاك=اقيس لك نصيب ولك بخت وقرون نطاحـه
مــــــطــــــلـــــــق
وياليت الذي داوا الجبرتي من عصـر داواك=طبيب القلب يزرع القلب والاجراح جراحـه
ذبحك البرد وقت البـرد لكـن الدفـا دفـاك=تفرش مشلحك حتى تلحـف لـك بطراحـه
الــــمــــســــعـــــودي
انا خابرك ماعمرك ضبطت العافيه يمنـاك=كن اللي يضيع راس مالـه ضيـع ارباحـه
0
0
0 الــــمــــســــعـــــودي
نهاية يوم ذي الحجه بداية يوم مـن عاشـور=هـلا يامرحبـا والمملكـه باحلـى لياليهـا
انا ماهمني فالوقـت لا مطلـق ولا مستـور=مركبها علـى قمـة جبـل وتهـز رجليهـا
مــــــطــــــلـــــــق
انا اشوف المدافع فالمحاجي والفرود اتثـور=يدوم الك البقا وانته جملهـا وانـت راعيهـا
تقوله وانت محني في يديـه حنيـة الباكـور=وانا اللي من قديم الوقت طابخهـا وشاويهـا
الــــمــــســــعـــــودي
عينت الشايب اللي لقمته ماوصلت الحنجـور=فضيحه لن تفلهـا وان بلعهـا سمهـا فيهـا
منول ياذهبنا كنت في صندوقنـا مصـرور=وذلحينـه تشالتـك الحرامـيـه باياديـهـا
مــــــطــــــلـــــــق
عينت الطرقي اللي شق قدرة شعلة الدافـور=لياجاتـه ضيـوف الله يـزري لا يعشيهـا
انا ماني بشايل لي عصاة راسهـا مشقـور=لكـن التاجـر اللـي جابهـا لازم يوديهـا
الــــمــــســــعـــــودي
ولا ياصاحب ماتشرب الا السكر المعصـور=ديار مابها الا الشـوك لـو يشيـل واديهـا
تصيح الها مع المغرب وتقهرها طلوع النور=شداد فوق غاربهـا وحبـل فـوق اذانيهـا
مــــــطــــــلـــــــق
انا اشوف السمن سايل من الجبه ليا الزبزور=يصلح وجهها ميـر الكوايـا فـي علابيهـا
--------------------------------------------------------------------------------

[الطيـّر]

المسعودي * محمد ابـن تـويم الثبيتـي


ابــــــــن تــــويــــم

ترا هـذي الديـره يسمونهـا ام سبـاع=وفيها سبـاع تاكـل الذيـب سرحانـي

الـــمــــســــعــــودي
ترا يالعتيبي مـاش طمعـه ورا طمـاع=ولو كل واحد قال انا احسن مـن الثانـي
وانا جيتها فالصيف ماجيـت فالمربـاع=وش تقول جيت السبع والسبـع ماجانـي

ابــــــــن تــــويــــم
سنين مضت يوم ان برق الحيـا لمـاع=ورعده يهز الغيث فـي غـر الامزانـي
ديارك يجيها السيل طافح مـع الارواع=صلاة العشا وقته ومع الصبح رجعانـي

الـــمــــســــعــــودي
لياطاح للارض المطر يفـرح الـزراع=ويزرع محل الحمض خـوخ ورمانـي
على باخرتكم يابخاره نشـوف شـراع=ولو ينقشع عـن بطنهـا حملهـا بانـي

ابــــــــن تــــويــــم
انا اباه يفرح ميـر اظنـه يبـا يرتـاع=وانا ياعميل الخيـر ريـض وعجلانـي
وبعض العرب لو حمية الشمس زبده ماع=وراع السفينـه ليـش حالـه بتعبانـي

الـــمــــســــعــــودي
طويل الجبل ينتز مـن زهبـة المدفـاع=ولابـد فيهـا نـار والنـار دخـانـي
عسى يلحق المدهون منها دهـون ذراع=وانا لو يسيل السمـن ماذقـت بلسانـي

ابــــــــن تــــويــــم
تراها مزوحتروح في وقتها فـي سـاع=ولاتنقل الخيفـه مـن فلانـي وفلانـي
زمـان المنايـا نابهـا للدمـي شـلاع=عرفنا تبوك ونعـرف حـدود عمانـي

الـــمــــســــعــــودي
انا ما آخـذ السكيـن فالابتـر القطـاع=وعارف عناويـن المراسـل وعنوانـي
ويا حية فالبحر مـوزاك راس صبـاع=ملي نص بطن الداب مـن دم الانسانـي

ابــــــــن تــــويــــم
رفعتك على سطح القمر عن جماد القـاع=واشوفك ليا مربـاك تنظـر بالاعيانـي
ولافالبحر حيه يسولـف بهـا الشـراع=يقولون مابـه غيـر مـوج وحيتانـي

الـــمــــســــعــــودي
عيوني تعاين فيك يابو عيـون اوسـاع=تحـب الفـرح والا تحـب الحميدانـي
ولا ياعميل حط سطـح القمـر مربـاع=صنعت السفينه مثل صنـع المريكانـي

ابــــــــن تــــويــــم
سوالف عوارف جاتنا بالمتـر والبـاع=يسولف بهـا عبـدالله اشكـال والوانـي
والا يالهذيلي ماقسى الطـري المقـراع=ولاقلت لك عض الاصابـع بالاسنانـي

الـــمــــســــعــــودي
ولا ياعميـل مايـردك ميـة فــراع=لياشفت منك زهوق ماشلت لـك عانـي
اثر للدهر صياح لـو البطـون شبـاع=ومنهـو بـلاه الوقـت يالله لاتبلانـي

ابــــــــن تــــويــــم
انا شفت عبدالله يكيل الدخـن بالصـاع=كن احترمت الضيف مانـي بزعلانـي

--------------------------------------------------------------------------------

مع الشاعر الكبير جارالله السواط




الـــــــــــــــــســـــــــــــــــواط
سلام ردية تخص أهل الجميل =-والله يجمّـل حالكـم يـا أهـل القـرى
أما العبوا والا اعذرونا يا هذيل = وختـام هـذا الليـل مسـك وعنبـرا

الــــــــمــــــــســــــــعـــــــــودي
يا مرحبا بك ياعميل ( ن) لك عميل= وإن كان ما يسري عميله ما سرى
ترى قصير الثوب ما يكسي الطويل = أما شمر من قـدم والا مـن ورى

الـــــــــــــــــســـــــــــــــــواط
الكيف للخرمان من بن ( ن) وهيل = ياللي تشوفـون العمـى والأعـورا
شفت المطر لكنّ ما شاهدت سيل = يا اهل الطوابع كيف تنسون الغـرى

الــــــــمــــــــســــــــعـــــــــودي
ماني بحاذف واحد(ن) عابر سبيل = واللي يبا يقـرى يجـي لأم القـرى
يا سواط أنا ماجيت أدوّر من بخيل= أكبـر مـن الشعـار والله أكبـرا

الـــــــــــــــــســـــــــــــــــواط
اصبر على قرص الحنش ليلك طويل = ودّ الخبر للغافل اللـي مـا درى
ياللي تشوف أم الرعد وام الصهيل = ما ودّيَ آحدّك على علـم الـزرى

الــــــــمــــــــســــــــعـــــــــودي
لو شفت مقروص الحنش ميت قتيل = لا تنخش العقرب تجيك من الثرى
لو شلت راس العود عن راس الحسيل= شيّلتك العيـدان يبـس وخضّـرا

--------------------------------------------------------------------------------

الــــــــســــــــواط
من ضميرٍ يحسـب للمعانـي حسـاب
مرحبا مـن هجـوسٍ مانقفـل بابهـا
مار ياذيب خذ وزعتك بيـن الذيـاب
الليالـي عليـك يــدور مشعابـهـا

الـــمـــســــعــــودي
كل راعي سوال يجيـه منـي جـواب
والوصيه من اجـدادي موصـي بهـا
وزعتي محتميها مـن يديـن النهـاب
وانت وزعتك اخذهـا اللـي تهنابهـا

الــــــــســــــــواط
انت تقرص كما قرص النحنش ماتهاب
قرصة اللي سواتك ما اسلـم اسبابهـا
من هرج في قفا غافل تحمـل عـذاب
مـن تعـشـى بكـذبـه ماتغدابـهـا

الـــمـــســــعــــودي
انت وش فيك توزي يدك في نحر داب
حيـةٍ سمهـا ساكـن تحـت نابـهـا
اذهبتـك الطماعـه جهلهـا بالذهـاب
والسبوق الصعـوب يطيـح ركابهـا

الــــــــســــــــواط
شاب راسي من الايـام وانـا شبـاب
شفت لي ناس تطعن نـاس بحرابهـا
ماستر جثـة الانسـان غيـر الثيـاب
الطماعه لاهلها واعـرف اصحابهـا

الـــمـــســــعــــودي
جاتنا اخباركم ياقـوم وانتـم غيـاب
مـن بطـت علتـه مايقتـل الا بهـا
مير لو انك احرص من وليد الغـراب
وش تحصل حصانيهـا مـع ذيابهـا

الــــــــســــــــواط
من يصدق خبـر نمـام ودا وجـاب
مثل بيعـة خسـر فالسـوق جلابهـا
الدكاتر تـداوي مـن يجيـه التهـاب
صنعة الاعور الدجـال يسعـى بهـا

الـــمـــســــعــــودي
مر قولك خطا ومرار قولك صـواب
والطبيعـه مـع الانسـان يضرابهـا
لو جسمك نواه الطيـب يمـداه طـاب
ليت وليـا الجمـال تعـدل ارقابهـا

[الطيـّر]

عبدالله المسعودي والصحافه

عنواين اللقاء الصحفي

(( الشاعر عبدالله المسعودي بعد 26 عاماً في حياته))
يقول
• هذه هي امنيتي في الحياه ؟
• الشعراء هم سبب تدهور الشعر
• نعم .. لا انفي عن نفسي هذه التهمه ..
• اول محاورة لي مع الشاعر .. ابراهيم لاحق الزويهري

هذيل قبيلة من قبائلنا العربيه العريقه .. لها ماض مجيد في جميع ضروب الحياه وهي كما عرفت فالتاريخ تقطن جبال مكه المكرمه وضواحيها .. وقد اشتهرت في الاسفار بكثرة شعرائها وجودتهم والشعر الهذلي ( عبدالله بن مستور المسعودي ) هو احد الشعراء الشباب في قبيلة هذيل وقد قال الشعر وهو في سن الثالثة عشرة من عمره وها هو يتحدث الينا عن اسباب كيرة الشعراء ...
0
0
**نحن نعلم ان الشعر وقرضه حالة طبيعيه ظهرت عند العرب منذ القدم ولقد نمت لديهم نمواً متسعاً شاسعاً جعل من الشاعر في تلك العهود الغابره الرجل المهاب المحترم عند جميع افراد القبيله ان لم تكن القبايل كلها وهذه الامور ممايحرص كل عربي على ان تتوفر له ، لذلك عملت الغيره دورها مع عامل النخوه والحميه المتأصلين في نفس العربي فنتج عنهما انه لقن الاب الشاعر ابنه الشعر والابن لقن ابنه أو اصدقاءه هكذا .. الا ان هذيل ساعدها على تكاثر شعرائها وجود منازلهم بالقرب من مواسم الشعر التي كانت تقام في العصر الجاهلي كسوق عكاظ واحتكاكها بقوافل الحجيج في العصر الاسلامي .

في الحقيقه ان الشعر النبطي لم يعد له جمهور كما هو الحال سنين خلت حيث كانت الاسواق الخاصه به تقام متتابعة متتالية سواء بمناسبة وبغير مناسبة ويحضرها مئات من الجمهور المتعطش لها ، ونجد اللعابه يتزاحمون على الصفوف ويقفون فيها الساعات الطويله بدون تذمر او ملل اما في الوقت الحاضر فاننا لانرى شيئاً في ذلك واذا كان هناك جمهور مازال يعشق هذا الفن بحرارة فانهم اناس قلة اذكر منهم على سبيل المثال لا الحصر الشيخ عبدالله البركي والشيخ حسن الجودي والشيخ احمد عمر المصموم والشيخ عبد الله العريمان وغيرهم ... وممن لا ازال اراهم في كل ملعبة او محاورة شعريه وهؤلاء من الذين عشقوا الشعر النبطي .

*ذكرت بان جمهور الشعر النبطي قد تدهور عن ذي قبل حتى اصبح لا حماس فيه ... ماهو السبب في ذلك ...

**لذلك فانني اولاً وقبل كل شي استميح زملائي الشعراء المعذرة ان كان ماساقوله فيه بعض الشطط عليهم فهم في نظري السبب الاول والوحيد في الفتور الذي نلاحظه الان على جمهورهم اذ ان ماينتجونه من اقوال ويبنون عليه المعاني ياتي في درجة ( الغثاء ) فبدلاً من ان يتعززوا في المعاني ويعمقوا المحاريف في اقوال طريفة لذيذة مطرية .. يذهبون الى مذاهب التفاهه والسخافه التي نفرت من حولهم الجمهور وهذا في نظري يقلل من قيمتهم ومعنوياتهم ومستواهم الشعري بدون ان يشعروا بذلك .

*اذكر حياتك الشعريه واول شاعر تلتقي به

**الذي اذكره الان عن حياتي الشعريه هو انني شاعر منذ ان بلغت سن الثالثة عشر من العمر حيث تأثرت بوالدي واخذت عنه ... اما اول شاعر التقي به على صعيد الملاعب او المساجلات فهو الشاعر الشيخ ( ابراهيم بن لاحق الزويهري ) الذي لايزال على قيد الحياه .. وذلك في وادي الزباره وبين عمارها من البدو .

*وعن رايه في تهمه الهجاء التي يعلقها به جمهور الشعر ... قال :

**اما عن هذه التهمه التي ذكرتها فهي شيء لا ابري نفسي منه .. بل اعترف بذلك فلقد كنت حينما بدأت اقول الشعر اميل كثيراً الى الهجو وهذه ظاهره لا بد لكل شاعر باديء ان يسلكها مرغما .. حيث ان مستواه لايساعده على موالجهة من سبقة الى الشعر .. فيحاول عبثاً الدفاع عن نفسه بما يكره صاحبه او خصمه والان وبعد ان بلغت مابلغت من الشعر اعتقد ان هذه التهمه قد تلاشت .

*وعن افضل الوسائل لمواجهة الشاعر الذي لاتعرفه ... قال :
**اذا كان الشاعر يعرف خصمه الاخر فانه يبني على مالديه من معنى ويكيل لخصمه بمثل مايكيل له اما اذا ما حضر شاعر الى ملعبه ما وجد فيها شاعراً اخر لم يعرفه يلعب مع شعراء اخرين ... فانه من الواجب عليه ان يتخلى عنهم بعيداً قبل ان يزج بنفسه في المعركه ثم ينصت الى مايقوله الشاعر المجهول لديه ليعرف من قوله قياس شعره ومدى استطاعته على الدخول معه .. واذا تاكد من ذلك فه ان يدخل او ان يقفل راجعاً اذا خشي الفشل وهذه اجدى الوسائل واسلمها في رأيي .
*وعند سؤاله ... هل يوجد بالباديه شاعرات نبطيات يقرضن الشعر ... قال :

**انا شخصياً لا اعرف ان هناك شاعرات في الوقت الحاضر يقرضن الشعر ... ولكن هناك رواية يعرفها كثير من ابناء البادية ... وسمعتها انا من الشيخ شايف هويدي المسعودي وهي ان قبيلة هذيل كانت غنية بالشاعرات وقد حصل ان قامت ملعبه في حماهم حضرها الشاعر المرحوم ( لافي العوفي ) وبعض الشعراء الا ان الشاعر العوفي لم يشأ في تلك الليله ان ينازل احداً منهم فنزلت احدى شاعرات سليم الى الملعبة وقالت تستثير لافي .. حيث كانت قد سمعت بشهرته ... بهذه الابيات :
الليله امسى هنا حب مجلوب *** مجلوب مدري من أي القرايا
لافك حبله ولا هو بمصلوب *** ولا اهله تعشوا ولا هم طوايا
وفعلاً .. نجحت المرأه الشاعره في استثارة ( لافي العوفي ) ورد عليها قائلاً :
يالاعب الفي والقاف ملعوب *** هيضتني ياحسين الروايا
الحب غالي وبالكيل محسوب *** ان كان تبغى لبقعك ذرايا

وعن سؤال الشاعر السمعودي عن عادة الفرح الجماعي المسمي ( الخليطي ) هل هي باقية ام اندثرت ... اجاب بقوله :

الفرح الجماعي ( الخليطي ) كما نسميه فالباديه عادة منتشره بين معظم القبايل في مملكتنا الحبيبه وهي ان يلعب الرجال والشباب مع النساء والفتيات سويا في ساحه واحده ولكن بشرط ان يبقى النساء متحفظات ببراقعهن وكسائهن وهذه عادة تعطينا صورة صادقة عن حسن النية لدى عرب البادية وطهارة قلوبهم وصفاء ضمائرهم ولكن .. هذه العاده قد اندثرت منذ مايقارب الخمسة عشر عاماً بسبب تدرج الحياه وتطورها .

*وعند سؤاله .. عن العيوب التي ترهق كاهله ... قال :

**ان الانسان لايستطيع ان يقف على عيوبه بنفسه الا نادراً والذي انتقدته على نفسي هي المجاملة للغير ولو كان ذلك يكلفني غالي الثمن .

*وعند سؤاله ايضاً عن امنيته فالحياه ... قال :

**امنيتي في هذه الحياه هي العفو ولاعافيه والستر في الدارين وذلك كل ما اجعله نصب عيني .

اجرى الحوار :

محمد بن عبدالله بركي ... في صفحة الباديه بجريدة الندوة عام 1387 هجري [/]

[الطيـّر]

وفاته



قال الله تعالى

( ان الله عنده علم الساعه وينزل الغيث ويعلم مافي الارحام وماتدري ماذا تكسب غداً وماتدري نفس بأي ارض تموت إن الله عليم خبير ) صدق الله العظيم ... سورة لقمان

7
7
7
7

يسعى به امل من دونه اجل .. كان ... رحمه الله يطمع في توسيع مجال عمله فاكمل اجراءات سفره واجراءات استقدام بعض الفنيين واصطحب الاوراق اللازمه لهذا الشان ثم سافر الى تايلند وفي الليله التي يدخل فيها العاصمه (بانكوك ) وافته منيته ... حينما كان واقفاً على طرف بركه السباحه في احد الفنادق هناك ... فزلت به قدمه وهوت به الى القاع وهو لايجيد السباحه وفي مجتمع لايعرف لغة الاستغاثه ولم يخرج منها الا جثة هامدة في 16- 10- 1399 هجري فرحمه الله واسكنه فسيح جناته انه سميع مجيب
0
0
0
0

كان الخبر مثيراً لاي مواطن سعودي خاصة اذا ماقراء الخبر وهو على متن طائره للخطوط السعوديه اقلعت للتو من مطار بانكوك متجه الى السعوديه ولكن الاكثر اثارة ودهشه لهذا المواطن السعودي الذي يجيد اللغه التايلنديه هو الصوره الماخوذه من جواز سفر المتوفي والتي تعرف على صاحبها بعد ان افاق من الصدمه الاولى ، بعد عشرة ايام من هذه الحادثه شاع خبر سوداوي جداً ولم يكن ذلك الذي غرق في بلاد بعيده سواه .....


رحل المسعودي بعد مضى ستة عشر يوماً من عيد الفطر المبارك وترك جمهوراً غفيراً لم يراه بالعين المجرده وانما اكتفى بسماع اشرطه الكاسيت التي مازالت تحتفظ بصوت الراحل الكبير،

اتت جنازته الى السعوديه وصلوا عليها في الحرم المكي ، ودفن في مقبرة المعلاه ، ونعته قبيلة هذيل واعيان وشيوخ القبايل الاخرى والاصدقاء وكل من يعرف هذا الرجل وشعره .

7
7
7
7
7

ضميري لامني قدام أكمـل دربـي الماشـي
يقول اصحى كفايه وش بقي من عمرك الفاني
مضى من عمرك الثلثين ضيعته على لا شي
ابا كف الضرر قدام اعلـق فوقـك العانـي
وقلـت انتبـه ياضميـري تسمـع الواشـي
انا رجال عاقل واعرف الاول مـن الثانـي
مضى ثلث المراغه والجهاله والعقـل ناشـي
ولا يبقى لنا في صفحـة الجهـال عنوانـي

0
0
0


*شاعت بعد وفاته خمسه إشاعات بأنه لا يزال حي ، تتفاوت رواتها مابين ثلاثه سنوات ، حتى بعضاً منهم صابتة وسوسه في صحة الخبر ، ومن طرائف الاشاعات انهم رأوه يحج في عرفه ، واشاعه اخرى تقول انه صاحب محل ذهب في تايلند ،

والاشاعه الاخيره اتت من الطائف في عام 1419 هجريه وهو مصدرها من شخص ؟ وهو صاحب تاكسي بين الطائف ومكه ويقول صاحب التاكسي ركب معي شخص ما ؟ الى الطائف واثناء الملل من السفر شغلت شريط الكاسيت كانت محاوره بين صياف والمسعودي وفي نهاية الشريط قلت رحم الله المسعودي .... فقال ياخي من قال لك ان المسعودي توفى ،((( انا سافرت الى تايلندا ولقيته صاحب متجر ذهب وقام يحلف يمين بالله ويكررها وسألت المسعودي عن وجوده في تايلندا والناس تظن انه ميت قال له المسعودي بدأت في أعمال التجارة هنا وهذا المحل ملك لي ولا اعتقد اني سأعود (أ) انتهى كلام الراكب ))) .

0
0
0

*اشاعة اخرى تقول انه صاحب تاكسي في تايلندا حيث ركب معه سعودي مشوار ولمحه وشاف صاحب التاكسي يتكلم عربي .. عندما ساله ، وقال انت من وين ؟ قال من السعوديه ؟ وقال عطني اخبارها ؟ قال الراكب الحمد الله على مايرام ؟ قال وش اخبار شعار السعوديه ؟ فيه شيء جديد ؟ ، قال ابد زي ماهم ... عقب مامات المسعودي ، مات الجبرتي ،؟ قال سائق التاكسي مات الجبرتي ياللاااه وقام يبكي ،،، ويقول الراكب استغربت هذا التصرف ، وقلت له ليش ياخي تبكي ماتوا قبله كثير ومنهم الشاعرالمسعودي ، قال ياخي انا المسعودي من يقول اني مت ؟ ، انا قعدت هنا في تايلند ، وطاب لي الرزق في هذا البلد ، واسمع محاوراتي القديمه مع كبار الشعراء ،
جاء هذا الراكب للسعوديه ، ونشر الخبر ولقي لها رواجا بين محبيى هذا الشاعر ...

وفند تلك الافتراءات اخوه ونفى الخبر في جريده عطاظ ... وانما هذه خزعبلات من المهلوسين بمحاوراته ولا صحة لها اطلاقاً ،

* من الغرائب ان مجلة المختلف اجرت حوار مع الاشاعه عن وفاته وشعره ، وطبعت مايقارب 100 مئة الف نسخه حسب قول رئيس التحرير وبيعت كل النسخ ، وهذا اول مره يحصل في تاريخ المجله ان بيع هذا العدد .

رحمك الله ياعبدالله ابن مستور المسعودي ورحم جميع اموات المسلمين

[الطيـّر]

اقوال الشعراء



صياف الحربي

(( يقول صياف السحيمي لم يكن المسعودي شاعراً عادياً والدليل على ذلك انني لم اعرف المحاوره بمعناها الحقيقي الا عندما لعبت معه وهكذا بدا شاعر الخليج صياف الحربي حديثه عن الشاعر الراحل وسال عن بداية معرفته بالمسعودي قال صياف كنت متوجهاً الى مدينة جده واستوقفني حفل اجتمع فيه مطلق الثبيتي ، مبروك ابو ناب ، ومحمد ابن تويم ، السواط ، العصيمي ، والمسعودي ، وكان المسعودي ضاغط على ابو ناب الامر الذي دعاني ان انزل وافزع له وهي اول مره اقابل هذا الشاعر الكبير عندما تدخلت فماكان من المسعودي الا اجابتي على بيتي وبعدها غير القاف ، واتي ببيت واحد فقط ، واجبته دون ان انتبه لما كان بداخله ، فصاح بي السواط محاولاً تنبيهي الي خطاي ، وعندما عدلت بيتي لم يعرني انتباهه واكتفى بالابتسام ، وفي مناسبة اخرى حيث ان ابدع المسعودي بيتاً تعجيزياً لم أستوعب منه الا الشطر الاول وكان ،

سلام بقاف بدري * على اهل السوق ابيعه = من يسومه * ونا بايع وشاري

وعندما شال صف المسعودي هذا الشطر لم يستطع صفي شيل الشطر الاخر لان كل منهما كان مبنياً على اربعة قوافي وبوزن ولحن جديدين ،
طلبت منه ان يعيد البيت فقال لي دون تردد (( لا .. اللي مايفهم كلامنا لا يلعب )) فما كان مني الا ان قلت له اسمع مني جواباً على ماسمعت منك ،

هلا والطيب مشري * ونابحرك ما اطيعه = لين اعومه * ولك خصم مباري

رحم لله السمعودي فقد كان شاعراً لم تشهد مثله ساحة المحاوره ))
0
0
0

مطلق الثبيتي رحمه الله

يقول لم استطع حبس الدمع في عيني لقد فقدت صديقاً وخصماً شريفاً ؟ ونعاه بهذه المرثيه




ما تنفع الشكوى ولا ينفع البكـا
ولا تنفـع الونـات والأحـزان

كنيتها حتى ضلوعـي تحطمـت
وشرهوا عليّ الصحب والخـلان

أكنها عنهم ولا أحد(ن) درى بها
والقلب كنه فـي لظـى النيـران

والعين تسكب دمعها كل ساعـة
حتى اشتكت من حـرّة الأجفـان

أبكي على فرقى صديق(ن( فقدته
بيـن اللحـود وطيـة الأكفـان

عشرين عام والهوى يتبع الهوى
أكثر مـن الخـلان والأخـوان

ما مرّ يوم(ن) ما ذكرته بخاطري
أخ وصديـق وخيـرة الجيـران

من نشوته زين الرفاقة وعزهـم
حصن وحصين وعاليَ البنيـان

أبكيه لو إني عنود(ن) عن البكـا
حتى الممات وتنقضي الأشـوان

كنت أتمنى لو بعينـك بكيتنـي
لكـنّ هـذي دبـرة الرحـمـن

ما لي جدا غير البكـا والتوجـد
وارجي من المولى لك الغفـران






0
0
0
مستور العصيمي

لقد كان عبدالله بن مستور خصماً لاتلين قناته ورغم ذلك احترمه وأحبه.
0
0
0

شليوح بن شلاح
كان خصماً شريفاً وشاعراً ملهماً في ميدان القلطه لا انسي ابداً تلك المحاورات التي جمعتني به في الرياض عام 1397 هـ لم اكن اعرفه ولم يكن يعرفني وقد وضعتنا اللجنه المنظمه لمهرجان الجامعه آنذاك وجهاً لوجه ، فكانت محاورات لايمكن تصور مدى قوتها ، فيما بعد اكتشفت ان شاعراً بحجم عبدالله خساره لايمكن تعويضها ابداً . رحم الله المسعودي رحمه واسعه .
0
0
0

جار الله السواط
من حسن الحظ اني التقيت بالمسعودي رحمه الله في عدد كبير من المحاورات . كانت المواجهه مع الشاعر الكبير ذات طعم خاص ولايمكن ان يمل الحضور من ملعبه هو فيها . لقد احتفظت ذاكرتي بكثير من الحكايات الطريفه والجميله مع المسعودي .. لقد كان صديقاً واخاً قبل ان يكون خصماً في ساححة المحاورات .
0
0
0
رشيد الزلامي

كان المسعودي شاعراً كبيراً تمنيت ان اقابله في الملعبه .. لن ينسى عشاق المحاوره هذا الشاعر ابداً .. رحمه الله فقد كانت له بصمه واضحه لايمكن اغفالها كما هو الحال مع الرعيل الاول من شعراء المحاورة من امثال الثبيتي والجبرتي رحمهم الله جميعاً .
0
0
0

راشد بن جعيثن

لاتفيد الكلمات في وصف الشاعر الاكبر عبدالله المسعودي لذلك سأخبركم بقصة حدثت معي منذ سنوات طويله فبحكم اهتمامي بالموروث الشعبي كنت ولازلت اجمع كل ماتصل اليه يدي خاصة مايتعلق بالمحاوره ، وكنت لذلك اشتري اشرطة المحاوره من سائقي الاجره القادمين من الحجاز وفي احدى المرات وجدت شريطاً نادراً جداً للشاعر المسعودي رحمه وبمبلغ كبير في نظر الذين لايعرفون المسعودي ولكنه في الواقع اقل مما يستحق هذا الشريط والكان المبلغ الفي ريال فقط ... بالنسة لي ولكل من يدرك معنى الشعر ويعرف اسرار المحاوره ، عبدالله المسعودي هو اسطورة المحاورة التي لن تنتهي ولن ياتي مثلها .
0
0
0

خليف بن دواس المطيري
في منتصف التسعينات الهجريه كنت في بداياتي مع شعر المحاوره واتذكر انني عندما وصلت الى جده كانت هناك ( ملعبه ) كبيره وتوجهت اليها فوجدت عبدالله المسعودي وفي مواجهته ثمانية شعراء اتذكر منهم صياف الحربي مبروك ابو ناب العصلاني مستور العصيمي جارالله الصواط مطلق الثبيتي ومحمد ابن تويم الثبيتي ... فقمت الى جواره لآدعمه في هذا الموقف واستمرت الملعبه .. فكان عبدالله ياتي بثلاثه ابيات وانا ببت واحد ... واحقاقاُ للحق لم يكن المسعودي بحاجه لمن يساعده كان متوهجاً جداً كعادته دائماً رحمه الله

اخواني

ماكتب منقول واسال الله العلي العظيم ان يرحم ويغفر للمسعودي ولجميع اموات المسلمين

والى اللقاء

--------------------------------------------------------------------------------

[منادي]

بيض الله وجهك ياشجاع الثبيتي
نبذه رائعه عن الشاعر عبدالله المسعودي
وفيت وكفيت يااستاذي .. واشكرك على الموضوع الرائع
الله يعطيك 1000 عافيه

و

تحية اعجاب لمن يستحق الاعجاب
منادي

[بدوي نجد]

شجاع الثبيتي


الله يبيض وجهك ويرفع قدرك


موضوع يستحق المتابعه يخص شاعر كبير مثل عبدالله المسعودي الله يرحمه

الله يعطيك العافيه وماقصرت


تحيااااتي لك

[منســـآب]

نبذة وافية وراائعة عن علم من أعلام الشعر والمحاورة

شكراً لك يا " شجاع الثبيتي" والله يعطيك الف عافية




رحمك الله ياعبدالله ابن مستور المسعودي ورحم جميع اموات المسلمين

[الشلاحي]

بيض الله وجهك ياشجاع الثبيتي

نبذه رائعه عن الشاعر عبدالله المسعودي

وفيت وكفيت يااستاذي .. واشكرك على الموضوع الرائع

الله يعطيك 1000 عافيه

[الطيـّر]

بيض الله وجهك ياشجاع الثبيتي
نبذه رائعه عن الشاعر عبدالله المسعودي
وفيت وكفيت يااستاذي .. واشكرك على الموضوع الرائع
الله يعطيك 1000 عافيه
و
تحية اعجاب لمن يستحق الاعجاب
منادي
مشكووور منادي على
على مروووورك الرائع

[الطيـّر]

مشكوور بدوي نجد
على مروورك الرائع

[المايسترو خالد]

تسلم تسلم تسلم تسلم تسلم تسلم تسلم تسلم تسلم تسلم تسلم تسلم تسلم تسلم تسلم تسلم تسلم
تسلم تسلم تسلم تسلم تسلم تسلم تسلم
تسلم تسلم تسلم تسلم تسلم تسلم
تسلم تسلم تسلم تسلم تسلم
تسلم تسلم تسلم تسلم
تسلم تسلم تسلم
تسلم تسلم
تسلم

[الطيـّر]

نبذة وافية وراائعة عن علم من أعلام الشعر والمحاورة
شكراً لك يا " شجاع الثبيتي" والله يعطيك الف عافية
رحمك الله ياعبدالله ابن مستور المسعودي ورحم جميع اموات المسلمين
منساب
مشكووور على مروورك الطيب

[الطيـّر]

بيض الله وجهك ياشجاع الثبيتي
نبذه رائعه عن الشاعر عبدالله المسعودي
وفيت وكفيت يااستاذي .. واشكرك على الموضوع الرائع
الله يعطيك 1000 عافيه
الشلاحي
مشكوووور على المروور

[الطيـّر]

خلووووودي
يسلموووو على مروووورك
الذوق

[العود]

اخوي شجاع الثبيتي
الله يعطيك الف عافيه
ولك كل الشكر على هذا الجهد الجبار
وحسن الاختيار
والمسعودي معجزة عصره رحمه الله تعالى
وقد كان له محاورات جباره ولكن مع الاسف
ما كان لبعضها وجود في الكتاب
منها محاوره بينه وبين الجبرتي
بعد المشكله اللي كانت بينهم واللي يمكن ماتخفا على بعض الاخوان
اللي منها قول الجبرتي
سلام الله برديه تحوز من الرجال رجال /// وانا ماني مسمي والرجال تعرف اساميها
ورد المسعودي
هلا يامرحبا بيّه وباللي يوفي المكيال /// ومن لايوفي المكيال يجلس لين يوفيها
وكانت هذه المحاوره سبب لنهايه ماكان بينهم....

[الطيـّر]

مشكوووور العود على المرووووور
والله انك صدقت معجزة عصره

[شارد الذهن]

لاهنت شجاع على النقل

[ماجد بن عبدالعزيز]

بيض الله وجهك ياشجاع الثبيتي
نبذه رائعه عن الشاعر عبدالله المسعودي
وفيت وكفيت يااستاذي .. واشكرك على الموضوع الرائع
الله يعطيك 1000 عافيه

[الطيـّر]

لاهنت شجاع على النقل
مشكوور شارد على المروووور

[الطيـّر]

بيض الله وجهك ياشجاع الثبيتي
نبذه رائعه عن الشاعر عبدالله المسعودي
وفيت وكفيت يااستاذي .. واشكرك على الموضوع الرائع
الله يعطيك 1000 عافيه
ماجد مشكوووور على المرووور