يامضــــــــــــاوي تعالي

[سنجــــــــــار]

اسمع اسمع كلامي وعينك تشوف المخاييل ترزم مرازيمها=كان عندك خبر جيب لي الخبر كل يمنا نوفي لها مدها
ياعسى كدنا فا الزمان امخلوف كل ديره عرفنا معاليمها=ياجنازه ماتلقى قبر تنقبر والليالي لنا بيحت سدها

[سنجــــــــــار]

الليل يامضـــــــــــــــــــــاوي
معك لابكره
هههههههههه

[الدلوٍوٍعه]

صح لسانك اخووي
وبانتظار رد مضاووي بكل شووق
لاهنت

[سنجــــــــــار]

لاهنتي اختي الدلووعه
حتى حنا في انتظااااااااااار مضاوي

[مضاوي]

مااسمع علومك اشوف خط الحروف لكن حدودك اعرف مراسيمها=لاتشبر مادامك قليّل شبر دام عينك جرح دمعها خدها
انت مالك على اهل اللزوم معروف قصتك ماعرفنا مفاهيمها = جعل كسر العظم عقب جبره جبر دام نفسك غضبها وصل حدها

[مضاوي]

اخلص علينا ياسنجار ترى الليل باوله

وعلى فكرة يوم تنزل ابياتك كنت خارج المنتدى

الدلووعه مشكورة اختي على المتابعه

[الدلوٍوٍعه]

الله عليك يامضاووي
صح لسانك مليووووووون
وبانتظار رد سنجار
من المتابعين
لاهنتم

[سنجــــــــــار]

احمد الله مدامك تشوف وتعوف حان ردع الاوادم وتغريمها=اصبراصبر عسى فيك ساعة صبر واخذ مني سيوفن لمع حدها
احسب انك كريمن تعش الضيوف مير حللت مافات تحريمها=انكشف ماستر فالزمان الغبر لد عينك ليا جيتلك لدها

[مضاوي]

مانتم جلوس معنا ولاانتم وقوف شغلتك وانت عارف تعاليمها = جاتك الخيل من بعد جاك السبر لاتقف وقفتن منته بقدها
ان ذبحنا جمل وان ذبحنا خروف كرمتن ماتجي من معازيمها = اتكبر ولي معك حق الكبر دام الارقام ماتعرف تعدها

[منادي]

استاذي سنجار الاستاذه مضاوي لها محاورتين وهذي الثالثه بنفس الوقت
نستاذن باغلاق المحاوره .. واتمنى من الشاعره الاخت مضاوي عدم فتح
اكثر من محاوره في وقت واحد .. نرجو مراجعة الشروط الموجوده بالقسم

[الهاوي]

الرجاء من الاخ سنجار ايقاف المحاوره
لأن هناك محاوره قائمه بيني وبين مضاوي

[منادي]

الموضوع تم اقفاله استاذي الهاوي لان محاورتكم كانت قبلها

[كايدهم بقوة]

صح لسانكم ياشعار

[نـــggحـ]

الله الله

صح لسانك يا سنجااااااااااااااااااااار والله يعطيك العافيه

ان ذبحنا جمل وان ذبحنا خروف كرمتن ماتجي من معازيمها
اتكبر ولي معك حق الكبر دام الارقام ماتعرف تعدها

صح لسانك يا مضااااوي وعافاكم الله

دمتم سالمين

[مضاوي]

صح ابدانكم جميعا

ولاهنتم على حضوركم

[سالم]

صح لسانكم

[الجوهره]

صحت ألسنتكم
ولاهنتم ع المحاوره الرائعه