المساعد الشخصي الرقمي

مشاهدة النسخة كاملة : { يـا بـدر مـا يكتب عـلـى العـبـد مقسوم }


الشلاحي
14-02-2006, 03:05 AM
بسم الله الرحمن الرحيم
السلام عليكم ورحمة الله وبركاته
الشلاحي .. يرثي الشيخ محمد بن بدر بن مشاري بن زريبان يرحمه لله ويسكنه فسيح جناته
ويلهم ذويه الصبر والسلوان
{ يـا بـدر مـا يكتب عـلـى العـبـد مقسوم }


مرحوم يا شيخً فقدناه مرحوم = أنشهد انه من خيار الجماعه
شيخً ولد شيخً وللحمل زيزوم = ما عاش في بيت الترف والمياعه
مواقفه ما تمسح دايم الدوم = والله ما ينسى والمواقف شجاعه
عساه في الجنه مخلد من اليوم = ويحرم من الفتنه وعنده مناعه
يا الله يا معبود ياحي قيوم = اوامرك على عبادك مطاعه
بأمرك تغيب أنجوم وتشاهد أنجوم = تغيب في ساعه وتطلع بساعه
أغفر ذنوبه واحرمه زاد زقوم = وتنزله مع قوم ذكراً وطاعه
عساه في الجنه مكرم ومحشوم = مع خير الامه منزله في رفاعه
جعله شفيع اهله وربعن له أقروم = يشفع محمد في نهار الشفاعه
يا بدر ما يكتب على العبد مقسوم = هاذي وداعه عند راع الوداعه
أنا ادري انك تقضي الليل مـهـمـوم = تسهر يلين الصبح يبدي شعاعه
مـثـلـك عـيـونـي حــاربـه لــذة الــنـوم = وكثر السهر مالي عليه استطاعه
اصـبــر وانــا اصـبـر والـصـبـر غـيـر مـذمـوم = الصبر للعقال كنز القناعه
الـمـوت حــق ولاش احــد مـنـه مـحــروم = كم شال من شيخً طويلاً ذراعه
وصــلــو عـلــى الـلـي مـن خـطـأيـاه مـعصوم = على رسولٍ كلنا في اتباعه


" وسلامتكم "
عبدالله صلاح الشلاحي

الشيخـه
14-02-2006, 03:18 AM
صح لسانك اخوي الشلاحي
والله يرحم اموات المسلمين
تحياتي

عطر الليل
14-02-2006, 03:50 AM
صح لسانك يالشلاحي
والله يرحم الشيخ محمد
وقصيده جزله

الدلوٍوٍعه
14-02-2006, 05:56 AM
صح لسانك اخووي
الله يرحمه ويغفر له ويسكنه فسيح جناته

الهاوي
14-02-2006, 11:20 AM
اصبر وانا اصبر والصبر غير مذموم
الصبـر للعقـال كنـز القنـاعـه


صح الله لسانك يالشلاحي
قصيده رائعه ومشاعر صادقه
لاهنت ورحم الله الفقيد

البتار
14-02-2006, 03:22 PM
صح لسانك مليووون استااااذي الشلاحي

وقصيده في قمة الروعه

والله يرحمه ويغفر له ويسكنه فسيح جناته

السنافي
14-02-2006, 04:04 PM
صح لسانك يالشلاحي

والله يرحم الفقيد ويسكنه فسيح جناته

فيصل الدويش
15-02-2006, 03:02 AM
صح السااااااااانك ابو عمر والله يرحم ويغفرله ويلهم ذويه الصبر والسلون


ولاهنت على هالمشاعر المرهفه

وتقبل تحياتي

مفااااااااااااارق

منادي
16-02-2006, 12:55 AM
صح لسانك استاذي الشلاحي
وفيت وكفيت
الله يرحمه ويغفر ذنوبه ويسكنه فسيح جناته
ويلهم اهله وذويه الصبر والسلوان

و

تحية اعجاب لمن يستحق الاعجاب
منادي

عــ الهوى ــز
16-02-2006, 04:20 AM
صح لسانك يالشلاحي
والله يرحم الشيخ محمد

لاهنت والله



تحياتى لك

أسير الود
16-02-2006, 09:10 AM
صح لسانك يالغالي على هذه القصيده وعسى الله يرحم أموات المسلمين أجمعين .........



أخوك ........... أسير الووووووووووووووود

ابن الاصول
16-02-2006, 01:52 PM
مرثيه رائعه
صح لسانك أخوي الشلاحي
والله يرحم الفقيد

الشلاحي
16-02-2006, 03:28 PM
الاخوة:-

عطرالليل ، الهاوي ، البتار ، السنافي ، مفارق احبابه ، منادي ، عزالهوى ، اسير الود ، ابن الاصول

صحة ابدانكم جمــيــعاً
ومشكورين على المرور الطيب

الاخ اسير الود حياااااااك الله في منتديات عيال الحمايل


__________________

الاخت الشيخه
والاخت الدلوعه

صحة ابدنكم ومشكورين على المرور الطيب

اريام
17-02-2006, 03:21 AM
صح لسانك ياشاعرولاهنت

والله يرحم اموات المسلمين جميعا

ويعطيك العافيه اخوي

تحياتي لك

الراهي
18-02-2006, 01:49 AM
صح لسانك يالشلاحي
والله يرحمه ويسكنه فسيح جناته
تحياااتي

مخاوي النشاما
22-02-2006, 12:34 AM
أغفر ذنوبـه واحرمـه زاد زقـوم
وتنزله مـع قـوم ذكـراً وطاعـه
عساه في الجنه مكـرم ومحشـوم
مع خير الامه منزله فـي رفاعـه
جعله شفيع اهله وربعن له أقـروم
يشفع محمد فـي نهـار الشفاعـه
يا بدر ما يكتب على العبد مقسـوم
هاذي وداعـه عنـد راع الوداعـه


صح لسانك اخوي الشلاحي
والله يرحم الشيخ محمد بن بدر بن زريبان

والله لو نسمعه بصوتك ترى ازين
على حد علمي انك مسجله تسجيل بالصوت
ولا عليك امر نزلها نبي نسمعه بصوتك

الشلاحي
26-02-2006, 02:51 AM
اريام

الراهي

مخاوي النشاما

صحة ابدانكم ولاهنتو على المرور والتعليق

عن قريب انزلها صوت يامخاوي ابشررررررر

مبارك المطيري
07-03-2006, 05:43 AM
الله يرحم كل مسلم 00000وصح لساااانك يالشلاحي مليااار ولاهنت على القصيده الجزله 0000تقبل تحيات اخوك الصغير:حديث القلب

الشلاحي
07-03-2006, 04:03 PM
صح بدنك استاذي حديث القلب

ولاهنت على المرور والتعليق يا الغالي