المساعد الشخصي الرقمي

مشاهدة النسخة كاملة : توظيف الاجانب واثر ذلك على بطالة ابناء البلد


ولد الطنايـــا
02-07-2007, 07:37 PM
السلام عليكم ورحمة الله وبركاته

اسعد الله اوقاتكم بكل خير

موضوعنا لهذا الاسبوع عن توظيف الاجانب واثر ذلك على بطالة ابناء البلد

اترك لكم المساحة لمناقشة هذا الموضوع , ومن كان لديه تجارب حول هذا الموضوع فليذكرها مشكوراً حتى نثري ساحة حوارنا . . .

بانتظار مداخلاتكم حول هذا الموضوع


ولكم من ارق تحيه

اخوكم / ولد الطنايـــا

عــ الهوى ــز
02-07-2007, 09:42 PM
الاخ العزيز / ولد الطنايا


موضوعك أكثر من رائع بصراحة .. أبناء البلد والأجانب طيب إذا كان واحد من أبناء هذا البلد

يرفض العمل في مجمع تجاري او مندوب يرفض أكيد اى شركة راح تعطي المجال لشخص الثاني

ولد البلد يا عزيزي مايبحث عن التعب يبحث عن الراحة في العمل ومكتب المريح وجهاز لب توب

بعطيك مثال بسيط اذكر مرة شركة حقننا طرحت وظائف للشباب في العمل في صيانة الأبراج الجوال

وطريقة تنفيذ الإعمال الوظيفة تحتاج تعب وأحيان برج يأخذ فترة طويلة يمكن شهر أو أكثر . أكثرهم

يوم شاف المجال صعب ومتعب قال لا والله اجلس في البيت وأبوي يصرف علي



تحياتي لك

الامـ عذووبه ـيره
03-07-2007, 05:37 PM
مشكوور ع الطرح الراائع
ولي عووده أخوي "ولد الطنايا"

بن ضيغم
03-07-2007, 07:12 PM
أشكرك طلال ع الطرح الرااائع

ماأثروا علينا الاجانب اللي أثروا علينا البطانه واللي ع التوظيف

ياخوي الوظايف اللي تنزل في الجرايد يبون نسب عاليه جدا

واذا فيه وظايف بتكون من تحت لتحت وربي

عزالهوى أبي الوظايف اللي انت ذكرتها في شركتك اللي انا انتمي لها

أعلنوا عن هذي الوظايف في جرايد أو أي مكان

وربي مستحيل , حنا عارفين البير وغطاه

واللي قال اجلس عند ابوي وربي وربي وربي ان عنده واسطه قويه

مع اني مااعرفه , وأكبر دليل تجيه وظيفه وهو جالس من شركة الاتصالات ....!

عزو الوظايف ما من وظايف

واذا حطوا وظايف تكون مُتعبه وقليل جدا جدا جدا راتبها

أتغرب عن أهلي مع الاجارات وقلت الحيا وبالاخير والله مايصفى شي ....؟

صج ان في الحركه بركه بس مو لهالدرجه وظايف بـ 1500 الى 2700

وبين أجارات غاليه جدا ويبيلها سياره ويبي لها مصاريف

ياخوي بالعربي ((( الدوله مقصره مقصره مقصره )))

دنه
03-07-2007, 10:03 PM
مو مشكله الواحد ممكن يتحمل عمل متعب بس عل الأقل يكون الأجر بنفس المجهود
بعدين موكل الشباب السعوديين يتشرطون بالعكس انا أشوف مندوبين بلأماكن العامه واقفين على رجولهم بالساعات غير كذا مطعم هرفي و داجن على سبيل المثال في كثير شباب سعوديين يشتغلون فيه يمسح البلاط ويقدم طلبات وغير.وغير.............

وللمعلوميه في بعض مدارس البنات مديرة المدرسة تشتكي من نقص مدرسات أو مراقبات والنتيجه الخلاف بين الموظفات في من الي يقوم بالعمل
والموظفات طبعا مافي وحده ترضى تتحمل شغل مو من واجباتها يكفيها الي عندها
ومع ذلك الوحده لما تتخرج ماتتوظف بسهوله حتى لو بتقدير ممتاز

أما تجربتي:
شي ثاني موبس الوظايف فيها واسطه حتى لما تكون طالب وتقدم على تدريب صيفي تحتاج واسطه ولو كان معدلك حلو ممَا يسببلك يأس وإحباط

بن ضيغم
04-07-2007, 01:52 AM
عز الهوى اليوم أتصفح المبوبه عندنا في الشرقيه

وربي قهر ناس عندهم شهادات مو لاقين شي

وانت تقول الشاب السعودي يتشرط بالعكس ياخوي

....

ولد الطنايـــا
04-07-2007, 05:42 PM
الاخ العزيز / ولد الطنايا
موضوعك أكثر من رائع بصراحة .. أبناء البلد والأجانب طيب إذا كان واحد من أبناء هذا البلد
يرفض العمل في مجمع تجاري او مندوب يرفض أكيد اى شركة راح تعطي المجال لشخص الثاني
ولد البلد يا عزيزي مايبحث عن التعب يبحث عن الراحة في العمل ومكتب المريح وجهاز لب توب
بعطيك مثال بسيط اذكر مرة شركة حقننا طرحت وظائف للشباب في العمل في صيانة الأبراج الجوال
وطريقة تنفيذ الإعمال الوظيفة تحتاج تعب وأحيان برج يأخذ فترة طويلة يمكن شهر أو أكثر . أكثرهم
يوم شاف المجال صعب ومتعب قال لا والله اجلس في البيت وأبوي يصرف علي
تحياتي لك


اخوي عز الهوى حياك الله

بس وانا اخوك كلامك واسمح لي بهالكلمه مب صحيح

هالكلام لو قلته لي قبل خمس سنين صدقتك لكن الحين لا

الوظائف كلها الحين بالواسطه ودليل هالكلام اخوك الى للحين قاعد من اربع شهور بدون وظيفه
لان اشتغلت بوظيفه وتحملت لكنها حالت بيني وبين اني اكمل دراستي بالجامعه
تدري من متى كان دوامي من 5 الصباح الى 4العصر وعندك ابوعماش اساله
والمهنه معقب بالجوازات ما حصلنا فيها غير الاذيه الراتب كله رايح حق الجوال والسياره على حسابي بعد

بس وانا اخوك الواحد لازم يشوف العيشه شلون وكيف صارت
فيه ناس يجون من برا الرياض يدور وظيفه بس انه يلقى وظيفه بـ1500ريال او 2000ريال
هاذي بالله عليك شنو تسويه له اذا معاه سياره او اجار الشقه والله يعين الي يجي من برا الرياض صراحه

اعتذر على الاطاله لكن كلامك المعذره ما دش راسي000

ولد الطنايـــا
04-07-2007, 05:45 PM
مشكوور ع الطرح الراائع
ولي عووده أخوي "ولد الطنايا"



العفو منك اختي عذووبه

وحياك الله باي وقت

ولد الطنايـــا
04-07-2007, 05:52 PM
أشكرك طلال ع الطرح الرااائع
ماأثروا علينا الاجانب اللي أثروا علينا البطانه واللي ع التوظيف
ياخوي الوظايف اللي تنزل في الجرايد يبون نسب عاليه جدا
واذا فيه وظايف بتكون من تحت لتحت وربي
عزالهوى أبي الوظايف اللي انت ذكرتها في شركتك اللي انا انتمي لها
أعلنوا عن هذي الوظايف في جرايد أو أي مكان
وربي مستحيل , حنا عارفين البير وغطاه
واللي قال اجلس عند ابوي وربي وربي وربي ان عنده واسطه قويه
مع اني مااعرفه , وأكبر دليل تجيه وظيفه وهو جالس من شركة الاتصالات ....!
عزو الوظايف ما من وظايف
واذا حطوا وظايف تكون مُتعبه وقليل جدا جدا جدا راتبها
أتغرب عن أهلي مع الاجارات وقلت الحيا وبالاخير والله مايصفى شي ....؟
صج ان في الحركه بركه بس مو لهالدرجه وظايف بـ 1500 الى 2700
وبين أجارات غاليه جدا ويبيلها سياره ويبي لها مصاريف
ياخوي بالعربي ((( الدوله مقصره مقصره مقصره )))

حياك اخوي بن ضيغم

اقسم بالله انك صادق بكلامك
انا واحد اقى الجرايد المبوبه والوسيله ماعمري يوم شفت شركه الاتصالات تعلن تبي موظفين
حتى بالموقع حقهم يبون شهادات جامعيه على ان فيه ناس توظفو بـ فيتامين واو ومعهم الثانويه بس

الوظايف الي بالجرايد عندنا كلها موظف استقبال ولا مندوب مبيعات ولا حراس امن
وكلها وظايف رواتبها لا تسمن ولا تغني من جوع وبالذات موظف الاستقبال او المندوب
يقولك اهتم بمنظرك ولازم تحلق كل يوم واخرتها وحده براتب 1500 والثانيه على النسبه

شاكر ومقدر لك اخوي بن ضيغم تواجدك العذب

ولد الطنايـــا
04-07-2007, 05:57 PM
مو مشكله الواحد ممكن يتحمل عمل متعب بس عل الأقل يكون الأجر بنفس المجهود
بعدين موكل الشباب السعوديين يتشرطون بالعكس انا أشوف مندوبين بلأماكن العامه واقفين على رجولهم بالساعات غير كذا مطعم هرفي و داجن على سبيل المثال في كثير شباب سعوديين يشتغلون فيه يمسح البلاط ويقدم طلبات وغير.وغير.............
وللمعلوميه في بعض مدارس البنات مديرة المدرسة تشتكي من نقص مدرسات أو مراقبات والنتيجه الخلاف بين الموظفات في من الي يقوم بالعمل
والموظفات طبعا مافي وحده ترضى تتحمل شغل مو من واجباتها يكفيها الي عندها
ومع ذلك الوحده لما تتخرج ماتتوظف بسهوله حتى لو بتقدير ممتاز
أما تجربتي:
شي ثاني موبس الوظايف فيها واسطه حتى لما تكون طالب وتقدم على تدريب صيفي تحتاج واسطه ولو كان معدلك حلو ممَا يسببلك يأس وإحباط



حياك الله اختي دنه

بس الوظايف الي انتي تقولين عليها رواتبها كلها على 1500 وعلى 1800
الاجنبي تدرين ليه يتوظف فيها ولا عنده مشكله

لانه ببساطه المواصلات مامنه له وغير كذا السكن بعد
لكن السعودي يتحمل بكيفه ما احد الزمه يجي يشتغل عندنا
هذا كلام مسؤولين الشركات الي يحسبون انهم بعام 1370هـ مب بعام1428هـ

شاكر ومقدر لك تواجدك العذب

عــ الهوى ــز
04-07-2007, 07:52 PM
أشكرك طلال ع الطرح الرااائع
ماأثروا علينا الاجانب اللي أثروا علينا البطانه واللي ع التوظيف
ياخوي الوظايف اللي تنزل في الجرايد يبون نسب عاليه جدا
واذا فيه وظايف بتكون من تحت لتحت وربي
عزالهوى أبي الوظايف اللي انت ذكرتها في شركتك اللي انا انتمي لها
أعلنوا عن هذي الوظايف في جرايد أو أي مكان
وربي مستحيل , حنا عارفين البير وغطاه
واللي قال اجلس عند ابوي وربي وربي وربي ان عنده واسطه قويه
مع اني مااعرفه , وأكبر دليل تجيه وظيفه وهو جالس من شركة الاتصالات ....!
عزو الوظايف ما من وظايف
واذا حطوا وظايف تكون مُتعبه وقليل جدا جدا جدا راتبها
أتغرب عن أهلي مع الاجارات وقلت الحيا وبالاخير والله مايصفى شي ....؟
صج ان في الحركه بركه بس مو لهالدرجه وظايف بـ 1500 الى 2700
وبين أجارات غاليه جدا ويبيلها سياره ويبي لها مصاريف
ياخوي بالعربي ((( الدوله مقصره مقصره مقصره )))

شكلك ماتشتري جرايد يا ابن ضيغم


السدحان يعطي رواتب على 2500 ريال واذا اثبت نفسك يعطونك 4000 الاف ريال

العثيم في البداية يعطي 2000 او 2500 اذا اثبت نفسك صرت مشرف ويعطونك فوق

4500 . محلات دكتور كيف في البداية يعطونة 2000 واذا اثبت نفسك يخلونك مسئول

عن منطقة كاملة او انك تصير مدير قسم معين يعطونك فووق 5000 ريال بالله وش رايك

يعني الدولة مقصرة ماتوقع .. المقصر انت بصراحة . الدولة ماتشوف اجتهاد منكم علشان

تقدم لهم الوظائف الشغل ماهو عيب لو تشتغل في العثيم مول او محاسب العيب تجلس

عند امك وتطلب منها كل يوم فلووس وهي مسكينة ماتقول شيء . علشان كذا بنات الناس

ماتبي واحد عاطل .


يعطيك العافية


تحياتي لك

عــ الهوى ــز
04-07-2007, 07:53 PM
عز الهوى اليوم أتصفح المبوبه عندنا في الشرقيه
وربي قهر ناس عندهم شهادات مو لاقين شي
وانت تقول الشاب السعودي يتشرط بالعكس ياخوي
....


يا اخي الانترنت عندك يطلع فلووس

لو انك تشتغل صح في الانترنت وربي راح تكسب


تحياتي لك

عــ الهوى ــز
04-07-2007, 07:59 PM
اخوي عز الهوى حياك الله
بس وانا اخوك كلامك واسمح لي بهالكلمه مب صحيح
هالكلام لو قلته لي قبل خمس سنين صدقتك لكن الحين لا
الوظائف كلها الحين بالواسطه ودليل هالكلام اخوك الى للحين قاعد من اربع شهور بدون وظيفه
لان اشتغلت بوظيفه وتحملت لكنها حالت بيني وبين اني اكمل دراستي بالجامعه
تدري من متى كان دوامي من 5 الصباح الى 4العصر وعندك ابوعماش اساله
والمهنه معقب بالجوازات ما حصلنا فيها غير الاذيه الراتب كله رايح حق الجوال والسياره على حسابي بعد
بس وانا اخوك الواحد لازم يشوف العيشه شلون وكيف صارت
فيه ناس يجون من برا الرياض يدور وظيفه بس انه يلقى وظيفه بـ1500ريال او 2000ريال
هاذي بالله عليك شنو تسويه له اذا معاه سياره او اجار الشقه والله يعين الي يجي من برا الرياض صراحه
اعتذر على الاطاله لكن كلامك المعذره ما دش راسي000

يعني الوظيفة الى تبيها وش ؟؟؟ قوول

العثيم والسدحان وجميع المستوصفات ماهي وظيفة ؟؟ يعني حبيب قلبي تبي راتب فووق

عشر الاف ريال بدون تعب . تدري وظيفة معقب في الجوزات تتطلع لك ذهب اذا شغلت مخك

في البداية اكيد راح تتعب بس صدقني راح تستفيد



تحياتي لك

ولد الطنايـــا
04-07-2007, 10:25 PM
اخوي عز الهوى انت الله يهداك يافوق يا تحت


العثيم والسدحان وجميع المستوصفات ماهي وظيفة

ايه نعم وظيفه ولا قلنا شي فيها
السدحان الى الا هو الوحيد الي ما قدمت عنده وجاي دوره بالطريق
العثيم والمستوصفات مريتهم وتصريفه على كيف كيفك

يعني حبيب قلبي تبي راتب فووق عشر الاف ريال


ما طلبت وظيفه انا بهالشكل هذا ابدا


تدري وظيفة معقب في الجوزات تتطلع لك ذهب اذا شغلت مخك

اخوي عز الهوى طيب انت تدري شنو طريقه هالفلوس هالذهب الي تقول عليها

انا رجال شفت بعيني ما احد قال
الدعوه رشاوى ترى يا حبيبي قلبي افهمها
تدفع تمشي معاملاتك ماتدفع نص المعاملات ترجع وانا رجال مال حرام ما ابيه ...

وبعدين دوامها كان صعب اني اداوم وادرس بالجامعه
اذا انا لازم اكون بالجوازت الساعه 5ونص الصباح واكثر الايام ما اطلع منها الا الساعه 4العصر بعد ما افرز المعاملات واطلع حيلي منهد ما لي خلق ادرس
حتى لو كانت الجامعه اهليه ما تلتزم معهم بالجدول يطردونك

يعطيك الف الف عافيه اخوي عز الهوى على تواصلك المستمر

بن ضيغم
05-07-2007, 07:38 AM
انا رجال شفت بعيني ما احد قال
الدعوه رشاوى ترى يا حبيبي قلبي افهمها
تدفع تمشي معاملاتك ماتدفع نص المعاملات ترجع وانا رجال مال حرام ما ابيه ...


لبى والله من غديت لُه يابعدي والله اني صادق

الامـ عذووبه ـيره
05-07-2007, 03:29 PM
يووووه كل هذا الله يعينكم بصراحه " معاناة عن جد
بقولكم قصة واحد من زملاء إخواني بكل أمانه قاهرني لكن هو مايحب الدراسه بالموت طلع من الثانويه وقام يتشرط من ناحية الوظايف مابي وظيفه تعطيني أقل من 3000 ألاف ريال
قالوا له ربعه وإخواني وين بتلاقي مافيه من يقبلك ومامعك إلا شهادة ثانوي وبالموت حصلتها بعد ...مع إنهم ماقصروا عطوه أفكار ومشاريع قالوا يالله إبدأ وكل مره مطلع عله
وقعد مسكين ع الشرط يوم طفش آخرتها يتوظف وظيفه بمكتب عقار راتبه 2500 وفي الرياض ,, بصراحه هذا من الشباب الفاشل إذا كان تفكيرهم مثل هذا
وهناك شباب مايقصرون بكل أمانه يدورون ع الشغل ويحوسون لو موظف بمطعم
اهم شيء ولا البطاله

عزو بصراحه صعب صعب يلاقون وظايف كثير شكاوي الشباب من هذه الناحيه
إنت شوف العوامل التي أدت للبطاله أولها زيادة عدد المتخرجين من الجامعات والكليات
لاتعمم ان الشباب يبون مكتب وكرسي وترى من حقه إذا كان متخرج من تخصص مرغوب ونسبه عاليه أما اللي ماعنده شهاده ولاسنع هذا اللي مايحق له يتشرط
وبعدين في أشخاص ع قدهم مايقدر يبدأ بمشروع

لكن فيه واحد ماشاءالله عليه من الفضاوه وزهق من كثر مايحوس ع الدوائر
تدرون إيش عمل ,, أستئجأر مستودع كبير وقام يجمع حديد ..أي حديده يلاقيه يحطه في المستودع أيا كان نوعه إمتلأ المستودع وباعها وربي جابت له مليون ريال ..
بهذا المليون فتح له مشاريع مو مشروع واحد

وبعدين الشغل حظ ونصيب والله يرزقكم ويرزقنا وعقبالكم


آسفه ع الاطاله
لكم خالص تقديري

عــ الهوى ــز
05-07-2007, 05:03 PM
اخوي عز الهوى انت الله يهداك يافوق يا تحت
العثيم والسدحان وجميع المستوصفات ماهي وظيفة
ايه نعم وظيفه ولا قلنا شي فيها
السدحان الى الا هو الوحيد الي ما قدمت عنده وجاي دوره بالطريق
العثيم والمستوصفات مريتهم وتصريفه على كيف كيفك
يعني حبيب قلبي تبي راتب فووق عشر الاف ريال
ما طلبت وظيفه انا بهالشكل هذا ابدا
تدري وظيفة معقب في الجوزات تتطلع لك ذهب اذا شغلت مخك
اخوي عز الهوى طيب انت تدري شنو طريقه هالفلوس هالذهب الي تقول عليها
انا رجال شفت بعيني ما احد قال
الدعوه رشاوى ترى يا حبيبي قلبي افهمها
تدفع تمشي معاملاتك ماتدفع نص المعاملات ترجع وانا رجال مال حرام ما ابيه ...
وبعدين دوامها كان صعب اني اداوم وادرس بالجامعه
اذا انا لازم اكون بالجوازت الساعه 5ونص الصباح واكثر الايام ما اطلع منها الا الساعه 4العصر بعد ما افرز المعاملات واطلع حيلي منهد ما لي خلق ادرس
حتى لو كانت الجامعه اهليه ما تلتزم معهم بالجدول يطردونك
يعطيك الف الف عافيه اخوي عز الهوى على تواصلك المستمر


هههههههههههههههه اعصابك حبيب قلبي

من قال لك العثيم ماهو وظيفة غلطان ياغالي بالعكس وظيفة وفيها تامين لك

شكلك فهمتي خطا يوم اقول لك شغل مخك وتطلع لك ذهب قصدى تكون علاقات هناك مع

الناس الكبار راح تفتح لك مجال عزيزي


تحياتي لك

عــ الهوى ــز
05-07-2007, 05:07 PM
انا رجال شفت بعيني ما احد قال
الدعوه رشاوى ترى يا حبيبي قلبي افهمها
تدفع تمشي معاملاتك ماتدفع نص المعاملات ترجع وانا رجال مال حرام ما ابيه ...
لبى والله من غديت لُه يابعدي والله اني صادق

اكيد يا ابن ضيغم لازم تدفع

مايخدم بخيل وانااخووك . تصدق بالله ا بن ضيغم واحد من العيال مشتري ارض في النظيم

جنب مستوصف وش مسوى الذكي مكلم صاحب المستوصف وقال ابي الناس توقف في الارض

يعني مواقف واعطيك نسبة والاخ شغال بقوة يطلع في اليوم 1000 ريال تجارة ذكي


تحياتي لك

عــ الهوى ــز
05-07-2007, 05:13 PM
يووووه كل هذا الله يعينكم بصراحه " معاناة عن جد
بقولكم قصة واحد من زملاء إخواني بكل أمانه قاهرني لكن هو مايحب الدراسه بالموت طلع من الثانويه وقام يتشرط من ناحية الوظايف مابي وظيفه تعطيني أقل من 3000 ألاف ريال
قالوا له ربعه وإخواني وين بتلاقي مافيه من يقبلك ومامعك إلا شهادة ثانوي وبالموت حصلتها بعد ...مع إنهم ماقصروا عطوه أفكار ومشاريع قالوا يالله إبدأ وكل مره مطلع عله
وقعد مسكين ع الشرط يوم طفش آخرتها يتوظف وظيفه بمكتب عقار راتبه 2500 وفي الرياض ,, بصراحه هذا من الشباب الفاشل إذا كان تفكيرهم مثل هذا
وهناك شباب مايقصرون بكل أمانه يدورون ع الشغل ويحوسون لو موظف بمطعم
اهم شيء ولا البطاله
عزو بصراحه صعب صعب يلاقون وظايف كثير شكاوي الشباب من هذه الناحيه
إنت شوف العوامل التي أدت للبطاله أولها زيادة عدد المتخرجين من الجامعات والكليات
لاتعمم ان الشباب يبون مكتب وكرسي وترى من حقه إذا كان متخرج من تخصص مرغوب ونسبه عاليه أما اللي ماعنده شهاده ولاسنع هذا اللي مايحق له يتشرط
وبعدين في أشخاص ع قدهم مايقدر يبدأ بمشروع
لكن فيه واحد ماشاءالله عليه من الفضاوه وزهق من كثر مايحوس ع الدوائر
تدرون إيش عمل ,, أستئجأر مستودع كبير وقام يجمع حديد ..أي حديده يلاقيه يحطه في المستودع أيا كان نوعه إمتلأ المستودع وباعها وربي جابت له مليون ريال ..
بهذا المليون فتح له مشاريع مو مشروع واحد
وبعدين الشغل حظ ونصيب والله يرزقكم ويرزقنا وعقبالكم
آسفه ع الاطاله
لكم خالص تقديري



لكن فيه واحد ماشاءالله عليه من الفضاوه وزهق من كثر مايحوس ع الدوائر
تدرون إيش عمل ,, أستئجأر مستودع كبير وقام يجمع حديد ..أي حديده يلاقيه يحطه في المستودع أيا كان نوعه إمتلأ المستودع وباعها وربي جابت له مليون ريال ..
بهذا المليون فتح له مشاريع مو مشروع واحد


عيني علية باردة شغل مخة وبقوة بعد . والله المجالات كثيرة يا جماعة الخير بس تحتاج صبر

كلامك منطقي عذووبه بس شلون بتزوج بكرة ويصرف على بنت الناس اذا ماقدر يشغل

المخ النايم لازم يعتمد على نفسة . مستحيل احد راح يساعده


تحياتي لك

محامي المنتدى
05-07-2007, 06:00 PM
أخوي ولد الطنايا

اشكرك على الموضوع.

وسوف أطرح لك موضوع غريب جدااااااا جدااااا لم أكن أتوقع حدوثه واليك الموضوع:

في أحد الايام ذهبت الى أمانة جدة لإنهاء موضوع خاص وقابلت أحد زملاء الدراسة بالصدفة

وعرفت أنه يشتغل بالامانة على وظيفة على غير تخصصه ( لم أستغرب طبعا ) المذهل هو وجود أجانب يعملون على وظائف أدارية داخل الامانة وبالتحديد من الجنسية المصرية ( صهاينة العرب) ويقومون بنفس العمل الذي يقوم به زميلي .فقلت له هؤلاء أنتهت عقودهم
والا باقي . قال هؤلاء جاءوا قبل سنة وبعضهم قبل ستة أشهر .قلت طيب ليش ما يؤظفون
سعوديين .قال هنا ما عندك أحد . اذا ما عندك واسطة ما حد درى عنك. والامانة مليانة أجانب
في كل التخصصات .

الشاهد في الموضوع أخوي أن السبب الرئيس في بطالة الشباب هو الحكومة ولا شيء غير
الحكومة .....
تحياتي....

ولد الطنايـــا
05-07-2007, 10:30 PM
انا رجال شفت بعيني ما احد قال
الدعوه رشاوى ترى يا حبيبي قلبي افهمها
تدفع تمشي معاملاتك ماتدفع نص المعاملات ترجع وانا رجال مال حرام ما ابيه ...
لبى والله من غديت لُه يابعدي والله اني صادق


الله يسلمك اخوي بن ضيغم

من ذوقك والله


لاهنت يا بعد حيي

ولد الطنايـــا
05-07-2007, 10:33 PM
يووووه كل هذا الله يعينكم بصراحه " معاناة عن جد
بقولكم قصة واحد من زملاء إخواني بكل أمانه قاهرني لكن هو مايحب الدراسه بالموت طلع من الثانويه وقام يتشرط من ناحية الوظايف مابي وظيفه تعطيني أقل من 3000 ألاف ريال
قالوا له ربعه وإخواني وين بتلاقي مافيه من يقبلك ومامعك إلا شهادة ثانوي وبالموت حصلتها بعد ...مع إنهم ماقصروا عطوه أفكار ومشاريع قالوا يالله إبدأ وكل مره مطلع عله
وقعد مسكين ع الشرط يوم طفش آخرتها يتوظف وظيفه بمكتب عقار راتبه 2500 وفي الرياض ,, بصراحه هذا من الشباب الفاشل إذا كان تفكيرهم مثل هذا
وهناك شباب مايقصرون بكل أمانه يدورون ع الشغل ويحوسون لو موظف بمطعم
اهم شيء ولا البطاله
عزو بصراحه صعب صعب يلاقون وظايف كثير شكاوي الشباب من هذه الناحيه
إنت شوف العوامل التي أدت للبطاله أولها زيادة عدد المتخرجين من الجامعات والكليات
لاتعمم ان الشباب يبون مكتب وكرسي وترى من حقه إذا كان متخرج من تخصص مرغوب ونسبه عاليه أما اللي ماعنده شهاده ولاسنع هذا اللي مايحق له يتشرط
وبعدين في أشخاص ع قدهم مايقدر يبدأ بمشروع
لكن فيه واحد ماشاءالله عليه من الفضاوه وزهق من كثر مايحوس ع الدوائر
تدرون إيش عمل ,, أستئجأر مستودع كبير وقام يجمع حديد ..أي حديده يلاقيه يحطه في المستودع أيا كان نوعه إمتلأ المستودع وباعها وربي جابت له مليون ريال ..
بهذا المليون فتح له مشاريع مو مشروع واحد
وبعدين الشغل حظ ونصيب والله يرزقكم ويرزقنا وعقبالكم
آسفه ع الاطاله
لكم خالص تقديري

كلامك صحيح اختي عذووبه

فيه ناس تتشرط
لكن انا رجال قبل لا اطلع من الثانويه وانا كنت حاط براسي شغله وحده بس
اني ادرس بالجامعه على حسابي وادور لي وظيفه بداوم وراتب ثابت باي راتب همي الوحيد اني بس اقدر ادرس على حسابي
يا جماعه الخير والله العظيم شينه شينه شينه كل يوم والثاني رايح للوالد واقوله يبيه ابي فلوس مامعي والله شينه والوالد يكفي بعد انه طول هالسنين وهو حاطني بمدرسه اهليه

مشكله اذا الواحد يبي يبني شي يكون بقمه البساطه ويكتشف بعدين انه صعب صعب

ولد الطنايـــا
05-07-2007, 10:38 PM
استاذي عز الهوى

من قال لك العثيم ماهو وظيفة غلطان ياغالي بالعكس وظيفة وفيها تامين لك

شكلك فهمتي خطا يوم اقول لك شغل مخك وتطلع لك ذهب قصدى تكون علاقات هناك مع

الناس الكبار راح تفتح لك مجال عزيزي


كلامك على العين والراس
بس العثيم فعلا انا تقدمت له بس قالو لازم تدرس بمعهد العثيم (مكانه شارع خالد بن الوليد مع طريق خريص)
وبعدين يمكن يوظفونك ويمكن بس تاخذ الشهاده وتدبر عمرك يعني ما تضمن شي

اخوي عز الهوى
كلمتك هاذي صراحه ((اسمح لي بهالكلمه)) تبي تطيحك من عيني
مايخدم بخيل وانااخووك .

يا حبيب قلبي الرشوى رشوى مالها اي معنى ثاني
بعدين الدوله حظت الموظف بهالمكان اعتقد يعطونه راتب ولا لا ؟؟
ما حسدنا احد لكن الرشوى رشوى وبعدين حتى الكبار الي تقول عنهم بالجوازت كلهم ياكلون
وياخذون نسبه من ارباح مكاتب الخدمات شهريا
واصحاب المكاتب يدفعون غصب مب حبا فيهم بس عشان تمشى معاملاتهم
والله وانا اخوك اقعد ما معي الا ريال واحد بجيبي لكنه حلال احسن من مليون ريال حرام..

ولد الطنايـــا
05-07-2007, 10:44 PM
أخوي ولد الطنايا
اشكرك على الموضوع.
وسوف أطرح لك موضوع غريب جدااااااا جدااااا لم أكن أتوقع حدوثه واليك الموضوع:
في أحد الايام ذهبت الى أمانة جدة لإنهاء موضوع خاص وقابلت أحد زملاء الدراسة بالصدفة
وعرفت أنه يشتغل بالامانة على وظيفة على غير تخصصه ( لم أستغرب طبعا ) المذهل هو وجود أجانب يعملون على وظائف أدارية داخل الامانة وبالتحديد من الجنسية المصرية ( صهاينة العرب) ويقومون بنفس العمل الذي يقوم به زميلي .فقلت له هؤلاء أنتهت عقودهم
والا باقي . قال هؤلاء جاءوا قبل سنة وبعضهم قبل ستة أشهر .قلت طيب ليش ما يؤظفون
سعوديين .قال هنا ما عندك أحد . اذا ما عندك واسطة ما حد درى عنك. والامانة مليانة أجانب
في كل التخصصات .
الشاهد في الموضوع أخوي أن السبب الرئيس في بطالة الشباب هو الحكومة ولا شيء غير
الحكومة .....
تحياتي....


حياك الله استاذي محامي المنتدى

استاذي العزيز كلامك فعلا صحيح
وما قصه خريجين اللغه الانجليزية عنا ببعيدة
شوفو المدارس الحكوميه مدرسين هالماده كلهم اما مصريين او اجانب
ولا فيه سعودي واحد
ليه طيب ؟؟؟؟ ليه

يعني يا معاك واسطه تتوظف ولا نجيب اجانب ؟؟
اعتقد معادلة فاشله بمعنى الكلمه
ياليت الاستاذ العزيز عز الهوى يطلع على موضوعك عشان يعرف بس الحقيقه
ان الي ما معاه واسطه ماله مكان بالديره

شاكر ومقدر لك استاذي على وجودك الطيب