المساعد الشخصي الرقمي

مشاهدة النسخة كاملة : ..+..lll ..+..هـقـوتـك أدخــل الجـنــة..+.. lll..+..


شيهانة نجد
29-06-2007, 05:43 AM
الســلآم عليـكم ورحمـه الله وبركاته


هـذي سالفه من سوالـف الأولين وأن شاء الله انها تعجبكم


===

هذي سالفه سلمكم الله علمنا بها شايب عن أبوه حاصلة معه ..

يقول في نجد عقب سنة الرحمه ..بكم سنه (يعني حول الاربعينيات الميلادي أو حولها ..) ..المهم

يقولك ذيك السنه مادري وش جاه التمر ..الامور ماهيب اللي يبون ..(الغبير) كثر فيه ..

(والحشف ) واجد وقلوب النخل طلعت(يعني مثل قولتهم مرض جاهم..)

الكلام أنه عام في الديرهـ كلها ..الامراء في كل ديرة يرسلون (الخرّاصين )

وهذولا الخراصين سلمكم الله يشوفون المحصول ويشوفون التمر من رداهـ وطيبه همن يحسبون الحسبه وياخذون زكاته ..

الوكاد إنهم ياخذون أكثر من اللازم ..وأبرى الى الله بذممهم ..هم ياخذونه عارفين ولا هذا حسابهم ..

طبعا ياخذونها بيت المال وعاد يتصرفون فيها ويرسلون بعضها للحكومه (وقت الملك عبدالعزيز)

للجنود زهاب وتفرق على الضعوف ..

المراد إن الناس تخابروا إن الخراصين (نبّوا) عليهم يطلعون ..قامت الناس وبسرعه كنزوا اللي يقدرون عليه
وبنوا لهم (جصّه ) يعني كلن بنى له جصة في داخلي الدار وحول مكان الحريم

اللي ماحد يقدر او يستحي يدخل يفتش فيها وحطوا تمرهم فيها وبنوا عليها ..طبعا هم قصدهم إن المحصول هالسنه مايسوى

وهم مديونين ومواعدين ديانتهم على وقت التمر والديانه مهم مخلينهم سواءا جو الخرّاصه ولا ماجوا ..

فهم يقولون حنا أولى واللي بيقدرنا الله عليه نبي نطلعه ..

المهم جوا الخراصه (تابعين لأبن سليم في عنيزه ) ودوروا ..دوروا ..دوروا ..مالقوا شي !!

وكل من جوهـ يشكي الحال ويوريهم الغبير والحشف والبطاط الخضر ..

ويقول هذا اللي عندي تبون تخرصون منه أخرصوا !! ماعندي غيره ..ولاهـ ماتاكله الدبش تكرم النعمه ..

حاولوا من هنا من هناك مالقوا سنع ..مسكوا لهم كم واحد ودبغوه إلين أذن لعل أحد يعلمهم ليش ماهنا تمر هالسنه!!

قالوا عاد هذي سواة الله ..كم يوم ماشافوا نتيجه ..جتهم فكره ..

يوم تجمعوا الناس لصلاة الجمعه وجا الامام يبي يخطب ..

ولاهم جايبين خطيب من طالعي الديره (من خوياهم )

ويبدأ يخطب عن الزكاه وحبس الزكاه وعن الجنه والنار ..

ويليّن عليهم من هالكلام ..ويبدا كل شي في النار يعرفه إلا ويواعدهم فيه ..

ويحط اللي يمنع التمر كافر وإن الله يبي يبلاه بتمره ونخيله وحلاله وأنه من اكبر الكبائر.

لك الله ماخلصت الخطبه الآولى ..إلا كل الجماعه اللي يبكي واللي يتنافض واللي يستغفر الله ويردد التوبه ..

وصلوا هالركعتين (نقد ) وأطمروا يقضون جصصهم ويجيبون التمر ..

اول مايبونهم يخرصونه الحين جابوه على عدله وقالوا خوذوه كله مانبيه !!

عاد يوم طلع الخطيب (خوي الخراصين ) ويركب حمارته ويدودل رجليه ويجيك واحد شايلن على ظهره التمر

ويحطه قدامه وهو يصيح طول حلقه ويتمسك برجل الشيخ قال

ياشيخ تكفى ..هقوتك إني أدخل الجنه ؟؟

وهو يتحمى له برجله ويزّتـــــه ولاهـ طايح هناك ..ويناظره بزعل ويقوله

مايخسى إلا أنت ...الحين أنا اللي هو أنـــا مادري ادخل الجنه ولالا ..

أيـــــــــــــــــــــــــــــــــــــه يوم إن الجماعه سمعوا !!

وهم يفطنون للموضوع ..ويدرون إن هذا لاهو شيخ ولا قاله الله ..

وهم يشيلون تمرهم وينحاشون ..

اللي بقوله من هالسالفه إن الناس ذاك الوقت على شدتهم اللي يذكرون بصلابتهم ..

كلمتين عن الآخره وترخي حباله ..ويحسبون حساب للآخره مع إنهم متبهذلين بالدنيا وشاقين ..

وسلامتكم





::



,, ــآلــشيهـــــــــــآآنهــ ,,

منادي
29-06-2007, 07:11 AM
ههههههههههههههههههههههههه

قصه طريفه ورائعه واعجبني الخطيب المزور
وهقهم ومشى .. اشكرك استاذتي الشيهانه على القصه الرائعه
الله يعطيك 1000 عافيه

و

تحية اعجاب لمن يستحق الاعجاب
منادي

عــ الهوى ــز
29-06-2007, 03:59 PM
وهم يشيلون تمرهم وينحاشون ..


اللي بقوله من هالسالفه إن الناس ذاك الوقت على شدتهم اللي يذكرون بصلابتهم ..


كلمتين عن الآخره وترخي حباله ..ويحسبون حساب للآخره مع إنهم متبهذلين بالدنيا وشاقين ..


والله حالة من جد ههههههههههههههههههههه


يعطيك العافية اختي شيهانة



تحياتي لك

لايحوشك
29-06-2007, 10:46 PM
ههههههههههههههههههههههههههههه



خوش قصه ياشيهانه نجد



وتسلم ايدج على هالسالفه الرائعه



شكلج تضحكين وانتي تكتبينها : )

الامـ عذووبه ـيره
30-06-2007, 12:49 AM
ههههههههههههههههههههههههه
بصراحه أستمتع إذا قرأت القصص اللي تطرحينهاا
بصراحه قصه راائعه

الله يعطيك ألف عافيه يالغلااااا
لك خالص الود

شارد الذهن
30-06-2007, 02:44 AM
يعطيك العافيه شيهانه نجد قصه جميله ومضحكه

الله لا يهينك يامبدعه

شيهانة نجد
30-06-2007, 06:31 AM
ههههههههههههههههههههههههه
قصه طريفه ورائعه واعجبني الخطيب المزور
وهقهم ومشى .. اشكرك استاذتي الشيهانه على القصه الرائعه
الله يعطيك 1000 عافيه
و
تحية اعجاب لمن يستحق الاعجاب
منادي
الروعة في حضورك أستاذي ,,
العفوو ونوووووورت

شيهانة نجد
30-06-2007, 06:36 AM
وهم يشيلون تمرهم وينحاشون ..
اللي بقوله من هالسالفه إن الناس ذاك الوقت على شدتهم اللي يذكرون بصلابتهم ..
كلمتين عن الآخره وترخي حباله ..ويحسبون حساب للآخره مع إنهم متبهذلين بالدنيا وشاقين ..
والله حالة من جد ههههههههههههههههههههه
يعطيك العافية اختي شيهانة
تحياتي لك
من جد تشوووف :mm-54:
يعافيك ربي .. يسلموو ع المروور

سهــم
30-06-2007, 06:37 AM
ههههههههههههههه

يعطيك العافيه شيهانه على القصه الطريف


تقبلي مروري

شيهانة نجد
30-06-2007, 06:39 AM
ههههههههههههههههههههههههههههه
خوش قصه ياشيهانه نجد
وتسلم ايدج على هالسالفه الرائعه
شكلج تضحكين وانتي تكتبينها : )
يسلم قلبك اخوي
هههههههه وش دراك معك خوي ؟؟ ::m-02:

يسلمو ع المرووور

شيهانة نجد
30-06-2007, 06:46 AM
ههههههههههههههههههههههههه
بصراحه أستمتع إذا قرأت القصص اللي تطرحينهاا
بصراحه قصه راائعه
الله يعطيك ألف عافيه يالغلااااا
لك خالص الود
هذا شرف لي يا غلاااتي .. رائعة بمرورك
دمت بصافي الود

شيهانة نجد
02-07-2007, 05:07 AM
يعطيك العافيه شيهانه نجد قصه جميله ومضحكه
الله لا يهينك يامبدعه
يعافي قلبك اخوي ,, تدوم لك الضحكة يارب

شيهانة نجد
02-07-2007, 05:14 AM
ههههههههههههههه
يعطيك العافيه شيهانه على القصه الطريف
تقبلي مروري
يعافي قلبك .. أقدر لك مرورك سهم ,,

ماكل عنب
02-07-2007, 05:42 AM
يعطيك العافية والصحة دوم دوم

شيهانة نجد
03-07-2007, 01:07 AM
يعطيك العافية والصحة دوم دوم
يعافي قلبك ماكل عنب .. يدوم لك العز ,,

سعد الظفيري
05-07-2007, 03:07 AM
يعطيك العافيه شيهانه نجد قصه جميله ومضحكه

الله لا يهينك يامبدعه

شيهانة نجد
05-07-2007, 04:15 AM
يعطيك العافيه شيهانه نجد قصه جميله ومضحكه
الله لا يهينك يامبدعه
يعاافي قلبك اخوي فهد .. يسلموو ع المروور

لا ندمت أستاذي ,,

صبي هاجر
07-07-2007, 02:54 AM
هههههههههههههههههههههههههههههههههههههههههههههه
ابداع ياختي شيهانه وهذا ماتعودناه منتس كل شي جديد
~*¤ô§ô¤*~*¤ô§ô¤*~ تقبلي مني خالص حبي واحترامي ~*¤ô§ô¤*~*¤ô§ô¤*~

شيهانة نجد
07-07-2007, 04:30 AM
هههههههههههههههههههههههههههههههههههههههههههههه
ابداع ياختي شيهانه وهذا ماتعودناه منتس كل شي جديد
~*¤ô§ô¤*~*¤ô§ô¤*~ تقبلي مني خالص حبي واحترامي ~*¤ô§ô¤*~*¤ô§ô¤*~

يسلمووو أخوي صبي هاجر .. منوور بها الطلة