ماجد بن عبدالعزيز
28-01-2006, 03:18 AM
يالله دخيلك من غثا بقعا ومن ضيق الفسيح=واسالك التوفيق يامولاي وارضاك اربحه
ويالله بعزٍ يفرح الصاحب وحظ مايطيح=ونصرٍ اليا جاء واجبٍ ماعاد منه الا انطحه
يامل جاشٍ له ونين ومل صدرٍ له فحيح=كن من ورى الاضلاع بأعماقي طعونٍ مبرحه
علاقتي بالهم والحرمان والحظ الشحيح=علاقة ابهامي وسبابة يدي بالمسبحه
يامركبي فل الشراع ولاتحسب حساب ريح=اليم هذا مايطبه كود منهو يسبحه
ياخذني التفكير للفكره على اسخن صفيح=واخذ زند شعري وصوانه واهيجن واقدحه
ارثي ووجه واتغزل وان مدحت امدح مديح=وادخل على ذاك لا ذمه ولاني بمدحه
ياصاحبي مهما ومهما مايصح الا الصحيح=لو طال فيك الوقت تجمع كل رقم وتطرحه
يمديك تفهم مانظمته فيك بإسلوب صريح=ياتستشف بالواقع المكتوب والا تلمحه
نقشت حرفك في صفاء شعري بسدٍ مايبيح=وحبٍ على وضح النقا ماهوب حب المصلحه
لإسمك بريضان الضماير صرح ولسرك ظريح=لايابعد من يسفه اللي في غرامك ينصحه
كلمة غموض مالها معجم وينطقها فصيح=هذا انت ياشيٍ فهمته زين وازريت اشرحه
وذوقٍ رفيعٍ يابعد حالي على طبعٍ مليح=وعودٍ ليا منك سترته كن ستره يفضحه
وكن منبع الاطياب بالمفرق وبالانفاس شيح=والموت ذاك الليل لاقمت إتثنا تنفحه
تعال يالباك كلك قل تدلل واستبح=وخرب ماودك تخربه واصلح ماودك تصلحه
يكفيك قلبٍ ينبض بحبك وهو منك جريح=ماكن له بالكون طبٍ لان جرحك يجرحه
من شوفتك يضحك حجاج وينشرح بال ويسيح=وان طالت الوجه الطفولي كل همٍ تنزحه
وان جيتني يامرحبا بافز لو اني طريح=ولا لك الا كلمة ارحب والخطأ منك ادمحه
والا على ماقال راع القول ريح واستريح=واجهز على اللي لاعته رمشك وعيا يذبحه
الشاعر/ عوض ابوفقايا
ويالله بعزٍ يفرح الصاحب وحظ مايطيح=ونصرٍ اليا جاء واجبٍ ماعاد منه الا انطحه
يامل جاشٍ له ونين ومل صدرٍ له فحيح=كن من ورى الاضلاع بأعماقي طعونٍ مبرحه
علاقتي بالهم والحرمان والحظ الشحيح=علاقة ابهامي وسبابة يدي بالمسبحه
يامركبي فل الشراع ولاتحسب حساب ريح=اليم هذا مايطبه كود منهو يسبحه
ياخذني التفكير للفكره على اسخن صفيح=واخذ زند شعري وصوانه واهيجن واقدحه
ارثي ووجه واتغزل وان مدحت امدح مديح=وادخل على ذاك لا ذمه ولاني بمدحه
ياصاحبي مهما ومهما مايصح الا الصحيح=لو طال فيك الوقت تجمع كل رقم وتطرحه
يمديك تفهم مانظمته فيك بإسلوب صريح=ياتستشف بالواقع المكتوب والا تلمحه
نقشت حرفك في صفاء شعري بسدٍ مايبيح=وحبٍ على وضح النقا ماهوب حب المصلحه
لإسمك بريضان الضماير صرح ولسرك ظريح=لايابعد من يسفه اللي في غرامك ينصحه
كلمة غموض مالها معجم وينطقها فصيح=هذا انت ياشيٍ فهمته زين وازريت اشرحه
وذوقٍ رفيعٍ يابعد حالي على طبعٍ مليح=وعودٍ ليا منك سترته كن ستره يفضحه
وكن منبع الاطياب بالمفرق وبالانفاس شيح=والموت ذاك الليل لاقمت إتثنا تنفحه
تعال يالباك كلك قل تدلل واستبح=وخرب ماودك تخربه واصلح ماودك تصلحه
يكفيك قلبٍ ينبض بحبك وهو منك جريح=ماكن له بالكون طبٍ لان جرحك يجرحه
من شوفتك يضحك حجاج وينشرح بال ويسيح=وان طالت الوجه الطفولي كل همٍ تنزحه
وان جيتني يامرحبا بافز لو اني طريح=ولا لك الا كلمة ارحب والخطأ منك ادمحه
والا على ماقال راع القول ريح واستريح=واجهز على اللي لاعته رمشك وعيا يذبحه
الشاعر/ عوض ابوفقايا