بعيد الهقاوي
24-01-2006, 09:18 PM
البارحه الجمعه ثمانين دمعه=هليتها من موق عينٍ حزينه
قامت تهل ادموع ما ناع من نوع=استمطرت به من مخايلها الرزينه
علمٍ اله قصه ونصٍ ينصه=بعرض تفاصيله على سامعينه
العرض الأول شفت عودٍ محوّل = من موترٍ فيه الوجيه الحسينه
وأرخيت عيني وأثر حظي يبيني= وحسبي على اللي لأجله مخرينه
ولا أنبه ثنتين يزهن بالزين= فإن قلت زينه فهذيك زينه
ولا أنبه همزه وغمزه لمزه= واللي يسطى منهم غمز لي بعينه
غمزه من البرقع وهمزه بالأصبع=اللي بسلك من الذهب شابكينه
الغايه ان العود أخذ كل مقصود= وبضاعته جابها لي في يدينه
واستظهر المفتاح ريض ومرتاح=ومادرى بصويحبي عن يمينه
قلت انكسر يا سلف لا تدرج البلف= ولا تحطم يا عمود المكينه
ولا انكسر يا قير واذكرك بالخير = وارتد قلبي من هلك ناهبينه
ولا انطلق ياذراع لا شك ما طاع= قفى وانا عيني على راكبينه
قلت ألحق يا جيب لا اشقق الجيب = وأصيح وأزهم من فالمدينه
الغايه انه راح وعزاه ماطاح = وقلبي يحن متصل في حنينه
قامت تهل ادموع ما ناع من نوع=استمطرت به من مخايلها الرزينه
علمٍ اله قصه ونصٍ ينصه=بعرض تفاصيله على سامعينه
العرض الأول شفت عودٍ محوّل = من موترٍ فيه الوجيه الحسينه
وأرخيت عيني وأثر حظي يبيني= وحسبي على اللي لأجله مخرينه
ولا أنبه ثنتين يزهن بالزين= فإن قلت زينه فهذيك زينه
ولا أنبه همزه وغمزه لمزه= واللي يسطى منهم غمز لي بعينه
غمزه من البرقع وهمزه بالأصبع=اللي بسلك من الذهب شابكينه
الغايه ان العود أخذ كل مقصود= وبضاعته جابها لي في يدينه
واستظهر المفتاح ريض ومرتاح=ومادرى بصويحبي عن يمينه
قلت انكسر يا سلف لا تدرج البلف= ولا تحطم يا عمود المكينه
ولا انكسر يا قير واذكرك بالخير = وارتد قلبي من هلك ناهبينه
ولا انطلق ياذراع لا شك ما طاع= قفى وانا عيني على راكبينه
قلت ألحق يا جيب لا اشقق الجيب = وأصيح وأزهم من فالمدينه
الغايه انه راح وعزاه ماطاح = وقلبي يحن متصل في حنينه