الرهين
03-09-2013, 02:46 AM
السلام عليكم ورحمة الله وبركاته
اليكم هذه السالفه القديمه والقديمه جدا لمحدثكم راعي العجراء
في سنة من السنين على وقت بيوت الطين الجار بالجار والسطوح متلاصقه مع بعض
و كان عمري 14 سنه او15 سنه ماذكر بالضبط يمكن اقل او اكثر
دائم الوالده رحمها الله تعالى تقول ماشاءالله عليك ياراع العجراء كبرت ان شاءالله تحج فيني وابوي الله يرحمه يقول ايبله كبر ابشتري له سياره وانا اتسمع ومبسوط من كلامهم امغط رقبتي زود علشان اصير طويل بعيونهم عاد اتقول الوالده ايبله شف شاربه خاط
لا ونبا نزوجه انا ابخطب له بنت ولا كل البنات وانا اصدق كلامهم اني كبرت واركض للمرأيه ولاشفت وجهي ضاق صدري لاشوف شارب ولا لحيه والله يوجهي ماتفرقه عن وجه اخوي الصغير اللي عمره اربع سنوات ولاشعره حتى مافيه شعرة وحده جايه بالخطا
لاشارب ولا لحيه مدرج مطار ماغير براطمي من الركض والمراكض بهالشرع تقول
كاكاو مارس او سنكرس لاهيب سود ولاحمر
المهم راعي العجراء بدا يدق من الهواجيس مره اقول ابلبس عقال حتى اصير رجال وانا مابعد لبست الطاقيه ولاالغتره ومره اقول ابا الددسن اول حتى اعلق العقال بالمرايه شغل من اول
ومره اقول لاولله العرس زين يقولون الحرمه تضف الرجال وخلاقينه وخذ من التخيلات
واهلي بعد بيحطون لي غرفه وعندي حرمه نلعب انا وياه حدى رجا بدا رجا ياحبيت الولو ياعمي يابو حسين كم بقى على عيد رمضان
وانتغالب انا وياه على دوشق العرس انشوف اللي يطرح الثاني
المهم هكذا كان تفكير راع العجراء
ويوم صار ذاك اليوم قلت للوالده رحمها الله انا ماعادبي نائم بالغرفه مع اخواني انا ابي انام بالسطح بالبراد ابي احسسها اني فعلا صرت رجال
قالت ياوليدي توك على نوم السطح لحالك
قلت خلاص يمه انا رجال وكبرت ولا اخاف وش اخاف منه انا معكم بالبيت ماقلت ابطلع عنكم
افرشوا منامي بالسطح قالت ياوليدي توك على النوم الحالك المهم اقنعتها وقالت طيب
حطت فراش بالسطح وانتم عارفين من اول الانوار بالديره قليله ماهي مثل الحين
وتشوف النجوم واجد والسماء سودا بالحيل المهم اني رقيت للسطح علشان انام
ويوم شفت السماء سودا وهو يدخلني الخوف وانا اخذ البطانيه وتغطاء فيها حتى ماشوف السماء وانا يقالي ابي البراد
تلحفت بالبطانيه ماتشوف ولا راسي حتى عيوني مغطيها بعد
واقعد اتخيل الجن بسم الله الرحمن الرحيم ان عيونهم بالطول واذانهم مثل اذان الثور وان لهم لحى طول متر ومن هالتفكير
لعل فيه بس متعود ان يحول من بيت الجيران لبيتنا عن طريق السطح ومن هذا المكان دربه كل يوم
وانا مازلت في تخيلاتي وهو يطب على بطني اشوي يوم وقف شعر راسي قلت بس جوني الجن وانا اجيك امحول مع الدرج صافق طبلوني
وتارك فراشي بالسطح ولا يردن الا الغرفه بدون فراش وانا انام بدون وساده عند ارجول اخواني بلا عرس بلا هم خل العرس لهله والددتسن ماعاد ابيه
ويوم جت امي تبي تصحينا ولاي نائم عند اخواني وفراشي للبس يتمرغ عليه بهالبراد
ومن عقبه دخلني الخوف الى الحين اعاني من مشكلة الخوف
اعرست وجوني عيال وانا لادق الباب بالليل ماجسر افتح الباب
كود اخذ شغالتنا معي تجسرني اشوف من عند الباب ولا سافرت الشغاله اخلي اللي يدق الباب مفتح له
لو يقعد الى الصبح الليل مافيه جيات ولا روحات
امايصبر حتى تجي شغالتنا من سفرها او يطلع الصبح ايهن الاول
وافتح لك الباب وياهلا ومسهلا
اما تجيني بالليل وشغالتنا ماهي فيه كثر منها افتح الباب
ماقيل المثل هذا عبث
يقولون الف جبان ولا الله يرحمه مره واحده
انتهت السالفه وارجوا ان اكون وفقت في طرحها واخراجها لكم
والله يحفظكم ودمتم غالين
وقبل الختام
سبحانك اللهم وبحمدك لااله الا انت استغفرك واتوب اليك
تحياتي
راقت لي قلت تشوفونها
اليكم هذه السالفه القديمه والقديمه جدا لمحدثكم راعي العجراء
في سنة من السنين على وقت بيوت الطين الجار بالجار والسطوح متلاصقه مع بعض
و كان عمري 14 سنه او15 سنه ماذكر بالضبط يمكن اقل او اكثر
دائم الوالده رحمها الله تعالى تقول ماشاءالله عليك ياراع العجراء كبرت ان شاءالله تحج فيني وابوي الله يرحمه يقول ايبله كبر ابشتري له سياره وانا اتسمع ومبسوط من كلامهم امغط رقبتي زود علشان اصير طويل بعيونهم عاد اتقول الوالده ايبله شف شاربه خاط
لا ونبا نزوجه انا ابخطب له بنت ولا كل البنات وانا اصدق كلامهم اني كبرت واركض للمرأيه ولاشفت وجهي ضاق صدري لاشوف شارب ولا لحيه والله يوجهي ماتفرقه عن وجه اخوي الصغير اللي عمره اربع سنوات ولاشعره حتى مافيه شعرة وحده جايه بالخطا
لاشارب ولا لحيه مدرج مطار ماغير براطمي من الركض والمراكض بهالشرع تقول
كاكاو مارس او سنكرس لاهيب سود ولاحمر
المهم راعي العجراء بدا يدق من الهواجيس مره اقول ابلبس عقال حتى اصير رجال وانا مابعد لبست الطاقيه ولاالغتره ومره اقول ابا الددسن اول حتى اعلق العقال بالمرايه شغل من اول
ومره اقول لاولله العرس زين يقولون الحرمه تضف الرجال وخلاقينه وخذ من التخيلات
واهلي بعد بيحطون لي غرفه وعندي حرمه نلعب انا وياه حدى رجا بدا رجا ياحبيت الولو ياعمي يابو حسين كم بقى على عيد رمضان
وانتغالب انا وياه على دوشق العرس انشوف اللي يطرح الثاني
المهم هكذا كان تفكير راع العجراء
ويوم صار ذاك اليوم قلت للوالده رحمها الله انا ماعادبي نائم بالغرفه مع اخواني انا ابي انام بالسطح بالبراد ابي احسسها اني فعلا صرت رجال
قالت ياوليدي توك على نوم السطح لحالك
قلت خلاص يمه انا رجال وكبرت ولا اخاف وش اخاف منه انا معكم بالبيت ماقلت ابطلع عنكم
افرشوا منامي بالسطح قالت ياوليدي توك على النوم الحالك المهم اقنعتها وقالت طيب
حطت فراش بالسطح وانتم عارفين من اول الانوار بالديره قليله ماهي مثل الحين
وتشوف النجوم واجد والسماء سودا بالحيل المهم اني رقيت للسطح علشان انام
ويوم شفت السماء سودا وهو يدخلني الخوف وانا اخذ البطانيه وتغطاء فيها حتى ماشوف السماء وانا يقالي ابي البراد
تلحفت بالبطانيه ماتشوف ولا راسي حتى عيوني مغطيها بعد
واقعد اتخيل الجن بسم الله الرحمن الرحيم ان عيونهم بالطول واذانهم مثل اذان الثور وان لهم لحى طول متر ومن هالتفكير
لعل فيه بس متعود ان يحول من بيت الجيران لبيتنا عن طريق السطح ومن هذا المكان دربه كل يوم
وانا مازلت في تخيلاتي وهو يطب على بطني اشوي يوم وقف شعر راسي قلت بس جوني الجن وانا اجيك امحول مع الدرج صافق طبلوني
وتارك فراشي بالسطح ولا يردن الا الغرفه بدون فراش وانا انام بدون وساده عند ارجول اخواني بلا عرس بلا هم خل العرس لهله والددتسن ماعاد ابيه
ويوم جت امي تبي تصحينا ولاي نائم عند اخواني وفراشي للبس يتمرغ عليه بهالبراد
ومن عقبه دخلني الخوف الى الحين اعاني من مشكلة الخوف
اعرست وجوني عيال وانا لادق الباب بالليل ماجسر افتح الباب
كود اخذ شغالتنا معي تجسرني اشوف من عند الباب ولا سافرت الشغاله اخلي اللي يدق الباب مفتح له
لو يقعد الى الصبح الليل مافيه جيات ولا روحات
امايصبر حتى تجي شغالتنا من سفرها او يطلع الصبح ايهن الاول
وافتح لك الباب وياهلا ومسهلا
اما تجيني بالليل وشغالتنا ماهي فيه كثر منها افتح الباب
ماقيل المثل هذا عبث
يقولون الف جبان ولا الله يرحمه مره واحده
انتهت السالفه وارجوا ان اكون وفقت في طرحها واخراجها لكم
والله يحفظكم ودمتم غالين
وقبل الختام
سبحانك اللهم وبحمدك لااله الا انت استغفرك واتوب اليك
تحياتي
راقت لي قلت تشوفونها