ديوان الشاعر الكبير // بندر بن سرور

[منادي]

بسم الله الرحمن الرحيم

اهدائي لكم ياعيال وبنات الحمايل
ديوان الشاعر الكبير بندر بن سرور بالاضافه الى بعض قصائده الصوتيه .. علماً انه تم جمع الديوان وتنسيقه بمجهودات فرديه شاركني بها الاستاذ بندر اشكرك استاذي بندر جزيل الشكر لمساعدتي في انشاء الديوان بهذا الشكل الجمالي وتستاهلون اكثر .. والقادم اجمل باذن الله
(( هذا الديوان بجمعه وبتنسيقه الحالي لايوجد على الشبكه العنكبوتيه فقد وجدنا دواوين للشاعر بندر بن سرور ولكن ينقصها الكثير من قصائده .. لذلك فالحقوق محفوظه ونرجو ممن يرغب نقله ان يشير الى المصدر : منتديات عيال الحمايل ))

-1-


ياسخيف الذرعان مانيـب مرجـوج=رجتنـي الأيـام غــدرا وحيـلـه
يابنت لولا اللي على تاسـع الفـوج=تركـت نجـد وعزوتـي بالقبيـلـة
لاشك حاديني علـى نجـد هـادوج=مسقي الفيافـي ليـن يـدرج مسيلـه
تركي ليا من الليالـي غـدن عـوج=يشيـل حمـل عتيبـة مـا تشيـلـه
يرسي كما ترسي البواخر على الموج=ومنيـن ماصـك البحـر يرتكيـلـه
مـادام تركـي حـي مـاودي أدوج=وإن غاب غبت من الرجوم الطويلـة


-2-

متى يجي في نجد بعض التدابير=حتى يجي للصابريـن انفراجـي
يالله ثبتني على الارض لا اطيـر=لين اشرب الشاهي واكل علاجي
علاج راسي حبتينـن بقصديـر=اللي عليهن رسمهـن بزدواجـي
ويامنير اخذ الفرت واخذ الفواتير=واحرص عليه ودخله بالكراجـي
ان كان يبغى زيت عب المواصير=وان كان يبغى نار غير بواجـي
واليا استعد وضخر البعد تصخير=تصخير شيهانا لفرخ الزراجـي
عده على اللي مايعد المخاسيـر=ركاز عمدان الخشـب للنعاجـي
ثم قل لبو ماجد ترى وقتنا غيـر=واتبدلت سحب المطر بالعجاجي


-3-

يالله ياجال الأمور الـمهمه= تجلى وهق قلب برى حال راعيه
البر دجته والبحر رحـت يمّه=أدرج سبب حظ على الله مـساعيه
يـوم إن ولد اللاش رزقه على أمه=رزقي على اللي ميّت الـقـشع يحييه
ماني وانا بندر ببياع دمه=يقطعك يا بيّاع دمّه و مهفيه
اللي يبيّع لابـسات الأزمه=ثـور(ن) يبي بيض العـماهـيج تغـنيه
يزعل ليا جـت ليلة الدول يـمّه=يرضى بـسـوق الـمال بأخيه وأبـيه
خطو البخيل اللي يكبّر معـمه=يقرا الكتاب وواجب الله مخليه
أما هرج له في رفيقه بنمّه=والا عطـى وأمه تضيّع هقاويه
يامل قلب كل مامات همّه=دارت دواليب الدهر لين تحييه
فرّاق شـمل الناس عيّا يلـمه=وقت(ن) يـشيب الراس من شاية(ن) فيه
أحد(ن) ينام وحط راسـه بـكمه=وأحد(ن) تخم النوم عـينه وتخطيه
و أحدن يحاول بالردى بنت عمه=وأحد(ن) يحاول ستر عذرا عوانيه
تخالف الأنظار شرق(ن) ويمّه=كل(ن) هدف رايه من الناس مرضيه
أنشدك ياللي كل شي(ن) تتمه=تقرا الكتاب وكل فرض(ن) تصليه
ويش القليب اللي عميق مجمّه=ماسر غرسه ماه عطشى سوانيه
سم السبب يا عارف(ن) عنه سمه=سـم السبب يا عارفه قبل اسميه

..
..
يتبع
..
..

[منادي]

-4-


الا وا وجودي وجد من صك دونه باب=بقفـل اعجمـي مغلقـاتـا مسامـيـره
عَدَو به على اللي كنه النسر بالمرقـاب=على الجمس الأصفر كاملات شراشيره
معه فرت خمسة طن ياخذ مية ركـاب=مـن المـال عيّـن ينقلـنّـه تغايـيـره
دخل هو و حِمله للحكومة بغير حسـاب=و راعيه عشر سنيـن و يعـاد تقريـره
على اللي كواني كيّة العظم بالمشهـاب=على أقصى عراوِ القلب محمي مناشيره
عشيري ورا الكوده وانا من ورا مشعاب=بعيد قريب تعيـب يـا هـون تيسيـره
ولا يوصله كود " فرت " عليه اسطـاب=ليا حاسـب السـوّاق تقـدح مواخيـره
صنايع بياطير الكفـر لابسيـن الكـاب=عصاة اليهود اللـي مشاريبهـا البيـرة


-5-


أنا الذي ما ابدي على الناس سـرّي=من خوف سودان الوجيه تحكي بـه
أصبر على ظيم الدهـر و التعـرّي=من شان من يرضى علـيّ الغليبـة
و ابعد مجالي عن عيـال التـزرّي=من لا هـوى قلبـي دواه المغيبـة
واخاف لي من مجلسٍ مـايـذرّي=في جانبـه بـومٍ حساسـه صليبـه
و سوالفٍ مابيـن بحـث وتحـرّي=يجرح فـؤادي عيّـه و ابتلـي بـه
يرضيني المقسوم خيري وشـري=سبحان من لا تعلـم النـاس غيبـه
أحدٍ علـى ربعـه يحـب التحـري=للشـر بـلاس و خيـره بجيـبـه
هـذاك يالربـع انـا منـه متبـرّي=لو عضّني ناب الدهر ما انتخي بـه
من خوف يضحك لي وهو يستغرّي=يفتل حبال السّـوْ مـا ينـدري بـه
يفـرح علـيّ بكـل شـيٍّ يمـرّي=وان شاف يمّي خير عنّـي نهيبـه


-6-


مـن بـلاد الشـام جينـا بالمكيـنـه=فـوق فـرتٍ مـا تخثـع بالطمـانـي
يحتدي مثـل الجمـل تسمـع رطينـه=مـع طمـان القـاع مثـل الثعلبانـي
والشُفيـر مـن المـدارس مطلعيـنـه=عـن ظـلام الليـل شـب الكهربانـي
كـل مـا جـاه تـل يلعـن والدينـه=باليميـن اللـي علـى كـل اليمانـي
ما تجيه يسـار رجلـه شـوف عينـه=غير يسـرى الطـار شـيٍّ بالامانـي
يوم قال لـه الخـوي عاشـت يدينـه=شـد رجلـه للكمـك واحـد و ثانـي
يالله انـك تنصـره مـن نصـر دينـه=إن عطـى لـه مـع غبـا ولا بيانـي
قلـت يالمطنـوخ أنـا عينـي حزينـه=من شراب اللف أبيـه و عنـك كانـي
قد رمى بالكيـس قدمـي قـال وينـه=دوك ما بالجيـب عـن شـيٍ لهانـي
قلـت ثالـث قــال يالله لا تهيـنـه=قلت خامس قـال يطلـب نقـل ثانـي
قال واحد و الكمـك واسمـع حنينـه=كيـف مـا ترضـى عليّـه بالهوانـي
قلت واحد و الكمـك ضـام المكينـه=قال لي مـن يرحـم القاسـي ليانـي
قـلـت والله يرحمـونـه صانعيـنـه=قد زعلت من اللهيـب اللـي حدانـي
قـال مـا ناثـق بمـن هـم متقنينـه=عن مشاور غير عرفـي قـد كفانـي
قاطـع عرقيـن مـادري ويـن وينـه=قد وصلت الأرض و اسمع صوت ثاني
قلـت دوك اللـف خابـوا شاربيـنـه=غطّني عن شـوف شـي مـا خفانـي



..
..

يتبع

..
..

[بندر]

-7-


أنـا الـذي شفـت البـلاوي وصـديـت=ومـن باعـد الصـدات قلّـت شطـونـه
مانـي ونـا بنـدر بهـيـت ولــد هـيـت=هـيــت يـجـامـل خــمــة يـكـرهـونـه
من كثر مـا جربـت واقبلـت واقفيـت=قولـك هـلا لمـن لا يــودك مهمـونـه
والله يـا لـولا قـول يـا رجــل زلـيـت=لاعـــد شـــي مـــا تـرقــع شـنـونـه
سلط على النصراني اللي لقى الزيت=يـا عـل نبـع الـزيـت يعـمـي عيـونـه
لــولاه تحـتـاج الـمـراجـل شفـالـيـت=تحـتـاج شــي يقـصـر الـنـذل دونــه
عزب على الفرجـه وقطـع الخلاليـت=حـتـى عـيـال الـبـوم مــا يقطـعـونـه
ثــلاث مــن كــل المـعـانـي تنـقـيـت=الـلـي بـقـى كـــل الـمــلا يـقـدرونـه
مابي جزاهن غير مـن خالـق البيـت=عــن مالـهـن للـنـاس مــا ينفعـونـه


-8-


الله من عين طرقها صواديف=عميت ويبسن العروق الصخافي
شفت الوزابالعين من عرض ماشيف=شفته وغيري من فطن له وشافي
وقت تغير فيه حتى العواصيف=جافي عواصيف الرياح اختلافي
شره قناطير وخيره مقاطيف=يفطن له اللي يرضع الديدغافي
كم واحد جاله زمانه على الكيف=واغترته نفسه يبا الجود وافي
يطلع مطاليع العيا بالسواليف=بين العذارا عد روحه اسنافي
يفرح بهرج بالقفا ويكره الضيف=قتات والقتات بالنار هافي
يعلق قصيره علقة النار بالليف=عي ولد عي زنوده اضعافي
ان رخصت الحذوه توقي عن الحيف=وان غليت الحذوه مشى اللاش حافي
يرقد ويلحق والدينه تخاليف=دايم ومرقد ميت النار دافي
هومادرى ان الجود يبغى تكاليف=سهر الليالي مقبلات مقافي
يبغى ايدين للعطايا مغاريف=ويبغى ارجول ماتمل الوقافي
والصبر بنحور السنين الشواحيف=اللي قساهن مثل حد الرهافي
مايقدرون الجود سود الاطاريف=امشاركة بيض النساء باللحافي
يقدر عليها اللي حكم نجد بالسيف=واودع مباغيض القبايل اولافي
عبدالعزيز اللي يبث المصاريف=يجدع قناطير الذهب بالفيافي
يمشي على دربه جموع مزاريف=نوٍ تنثر ماه والجو صافي
تشدي لواقيط الزبيدي بعدريف=مما كسا البيدا تفيد الضعافي


-9-


من بلاد الشام جينا بالمكينه=فوق فرتٍ ما تخثع بالطماني
يحتدي مثل الجمل تسمع رطينه=مع طمان القاع مثل الثعلباني
والشـُفير من المدارس مطلعينه=عن ظلام الليل شب الكهرباني
كل ما جاه تل يلعن والدينه=باليمين اللي على كل اليماني
ما تجيه يسار رجله شوف عينه=غير يسرى الطار شيٍّ بالاماني
يوم قال له الخوي عاشت يدينه=شد رجله للكمك واحد و ثاني
يالله انك تنصره من نصر دينه=إن عطى له مع غبا ولا بياني
قلت يالمطنوخ أنا عيني حزينه=من شراب اللف أبيه و عنك كاني
قد رمى بالكيس قدمي قال وينه=دوك ما بالجيب عن شيٍ لهاني
قلت ثالث قال يالله لا تهينه=قلت خامس قال يطلب نقل ثاني
قال واحد و الكمك واسمع حنينه=كيف ما ترضى عليّه بالهواني
قلت واحد و الكمك ضام المكينة=قال لي من يرحم القاسي لياني
قلت والله يرحمونه صانعينه=قد زعلت من اللهيب اللي حداني
قال ما ناثق بمن هم متقنينه=عن مشاور غير عرفي قد كفاني
قاطع عرقين مادري وين وينه=قد وصلت الأرض و اسمع صوت ثاني
قلت دوك اللف خابوا شاربينه=غطّني عن شوف شي ما خفاني

[منادي]

-10-

يا رشيد يوم أتعبتني بالتناشيد=خذ لك من الدرويش زبدة قصيده
ليا عبدت الله ولا أشركت تعبيد=ترى محمد صفوة الخلق سيده
و ترى أبرك الحاجات يوم صدف عيد=جمعة اسبوع و صادفت يوم عيده
و اذكر لك الاجواد صد وصواميد=و ؟؟؟؟؟ لا صدت ولا من صميده
و اذكر لك اقشر ما على السيد والبيد=اللي طمع بنت القصير الحديده
فضح قصيره عنده انه كسب فيد=سولف بها للناس خطو البليدة
سولف بجرحٍ ما لجرحه تضاميد=زوّد لجرحه جرح ينزف صديده
ليا وطاك اللي وطاني تراديد=رد السؤال ولا تخبر بريده
اضرب ثلاث بعشر و اجمع تفاريد=و فرق على العشر القليد بقليده
واللي بقى لو تفرقه للمواديد=كم تفرقه بين الوديد و وديده
أنا الذي قد مرني سلك تجنيد=خدمت به سنين عديده
مرحول هم و كل شي له أجيد=اجيد زين و شين و الهم اصيده
اسمع صرير القلب بين الجواريد=حدّنه الاضلاع و اسمع صريده
صرير فرخ حده اقطم صواريد=اول طرد قرناس ثاني حريده
هذا و انا شفت الوزا و التزاهيد=لا اقول حي ولا تحت قبر ريده
والله ما أهني قاضي العمر ترغيد=ابن اللئيم اللي حياته رغيده
أهنّي القلب الخطا بالمراقيد=وضب الخلا لو جاع ياكل رديده


-11-


الاياهني اللى تمرجل بصك تراب=لولا لجنة الترسيم ماعاش مع غيره
ونا كل ديرة جيتها وادرك الاسباب=أدور نصيب بذ رجلى بتدويره
ألا ياوجودي وجد من صك دونه الباب=بقفل أعجمي(ن) مغلقات(ن) مساميره
عدو به هل اللي كنه النسر بالمرقاب=على الجمس الاحمر كاملات شراشيره
مع فرت خمسه طن ياخذ مية ركاب=من المال عين ينقلنه تغاييره
دخل هو وحمله للحكومه بدون حساب=وراعيه عشر سنين ويعاد تقريره
على اللى كواني كية العظم بالمشهاب=على أقصى عراوي القلب محمي مناشيره
عشير ورا الكوده وانا من ورا مشعاب=بعيد(ن) قريب إتعيب ياهون تيسيره
ولا يوصله ياكود فرت(ن) وراه اسطاب=إلى حاسب السواق تشر مواخيره
صنايع بياطرة الكفر لابسين الكاب=عصاة اليهود اللي مشاريبها البيره
ألا واهني اللي عن الود ماقد تاب=وانا تبت وعدت يالله لنا الخيره
ورايا للعب القاف ناس ونا لعاب=ليا ماصخرته نقدوني صواخيره


-12-


الا يانديبي فوق دوج عليه شراع=ما قال انفخ التشريق جا في مواصيره
ليا هبّت العليا و قام العجاج وراع=يهيضك مع السكة تثاوع معاصيره
صنايع يهودٍ لا يبدّل ولا ينباع=يقربك من دار و يقلعك عن ديره
بعد طلّعوه مجَيّكٍ ما يبى المرجاع=سمع من وراه الفوج غنّت مواطيره
ليا دق سلفه قام حسّه يرجّ القاع=ما جاه المعاون يشتغل في مساميره
عطاه الثنين و زاد له بالأبنص و فاع=رزيمه رعد مزنٍ تهلّع دناقيره
خرط له بثالث عقب نشّه بعزم و زاع=و شتل له برابع ما يضيّع تغاييره
ليا شال عزمه ريّحه وامنٍ مارتاع=مسك مع يمين الخط و يلدّ لانبيره

[منادي]

-13-

يامنير دوك الفرت واخذ الفواتير=وافحص عليه ودخله بالقراجي
اللي يبي بنزين ركب مواصير=واللي تبيه النار ركب بواجي
واليا استعد وصخر البعد تصخير=تصخير شيهان لفرخ الزراجي
حده على اللي مايعد المخاسير=ركاز عمدان الخشب للنعاجي
ثم قل لبو بندر ترى وقتنا غير=تبدلت سحب المطر بالعجاجي

نبكي سيوف سمرت نجد تسمير=تسمير عود الساج في عود باجي
حدن محمد ابن هادي ورى النير=والفرم محسن عقبنه سواجي
ربع رسو بين الحفيفين يامنير=ماسلمو لمدور الباج باجي
رحنا ندوج ونتسمى مناصير =نمشي على البيدا بليا مزاجي
متى يجي في نجد بعض التدابير=حتى يجي للصابرين انفراجي
-14-

واقلبى اللي تله الــود تـلـي=تل الرشا من فـوق ملحـا جلالـه
في غربها تسعين فـري ومشلـي=وتجفل اليا سمعت ضريس المحاله
من واحـدٍ طـرق عليـه يهلـي=جدد جروح القلب مع ما جرى لـه
برمش العيون اللي هدبهن مظلـي=ضافٍ على بيض المحاجر ضلاله
يابنت عيفي واحــــدٍ ما يصلي=تارك عمود الديـن مالـك ومالـه
عيفيه لو يفرش لك البيـت زلـي=من لا يخـاف الله حـرامٍ حلالـه
خلـي ملعـن والديـنـك يـولـي=تلقين فـي نجـد المسمـى بدالـه
وعليـك باللـي للجماعـه يهلـي=اللي كمـا النبـوة منـارة دلالـه
بالرجـل ثنتيـنٍ حداهـن يدلـي=من كبهن ماهـوب ويـا الرجالـه
وان كان مابه دين مع زيـن دلـي=جعله مـن الدنيـا تقطـع حبالـه
-15-

راكب اللي مخ ساقه خنازير وهوى=أشهبٍ في مقدمه بارقين وعكس تاج
متر في مترين مستبرمٍ كله سوى=حايفه حطاب ماسمكره راع الكراج
منوة اللي لأهله مشفقٍ وألهم نوى=يوم يفتح خط بين أربعه ثور عجاج
يوم يفتل للحرق والورق وسط إنزوى=ضد حرب وغرب والجمع ورجوم الحجاج
يوم أحده بالثلاثه مع اللفه عوى=عوي ذيبٍ محتدينه مربية النعاج
ثابت ما يحترك مرسيٍ يلعب هوى=ارتفع ثم ارتخى مثل طايرة المراج
يرتفع حطاب بعصير لبنيه رمى=شرق غرب شمال بيمين الأبتل يوم راج
عنبره والمسك سلطان من نور السماء=والذهب خوذه وماء العود الأصلي يوم فاج

[بندر]

-16-


يا عبيد يوم إنك تبي الدرب عجلان=رد النقي يا عبيد حالٍ وحيله
ما ينرمي قولٍ على غير نيشان=ومن لا يثبت حجته ويش هي له
صوتي وأنا بندر طويلٍ ليابان=وان ما خشيت الرب ويش اختشي له
وان عودت للناس قومٍ وصدقان=ماحدٍ بمانعني لأعدي الطويله
وأن جيت أغني البيت وافي ومليان=ولولا المعاني بالغنا مااشتقيله
ما أحب ترديد الغنا مير مشحان=مادمح خطا اللي شاهده رأس ذيله
والا خطا الطيب زبادٍ وريحان=لو يدعي لي بالفنا وادعيله
إن ضاق صدري شفي أمزح بالالحان=والا عن الزلات رجلي ثقيله
دنيا نبي تقزيرها ضحك حجان=وألا ترى صيورها مستقيله
والرجل غاية ملحته قلب ولسان=وألا أن باقي جثته حنضليله
يارب تجعل لي من الذنب غفران=يافارج لأيوب عقب تهليله


-17-


يامنير عمر لي من التتن معمار=يبري الغليل اللي على القلب كالي
ولا رفعت الصوت وابديت ماصار=من شان تدري ويش ولا بحالي
مكفاك مني سجتي بعض الأمرار=انهج جنوب وحاجتي بالشمالي
اركض مع الدنيا كما ركض دوار=ياما كسب زندي وياما غدى لي
الله على اللي عايروها بالامتار=طراز بنج شغلت بالعدالي
زادو هواها واطعموها من النار=حتى امبير المنجضع عد صالي
نشت سما ماجربوها مع القار=طارت مطير الطير ربع الكحالي
تلفي على اللي في طرف هجر سنجار=يشدي جبل سنجار بين الجبالي
باطراف بيته للمواجيب شنكار=معلاق كبش عند راعيه غالي
ثم قل لبو بندر ترى الوقت دوار=يفطن تراني منفعه لو شكا لي
ان زان وقته صار بالسلك يندار=وان شان قص مروبعات الحبالي
كم واحد بين العماهيج هذار =مغترته نفسه بكبر الضلالي
يبلس على ربعه ويدنع بالأسوار=ويعد نفسه من حساب الرجالي
كفه بخيل وقلبه انجس من الفار=اسود طرف وادغم من السرمدالي
هذاك بعده خير ماكنت بختار=اجزاه بالصدات وابعد مجالي
ابعد مجال الرجل عن كل هذار=واصبر على الصكات والعمر بالي
وليا وطني غبر الأيام بأزوار=غيري جماعه ماوطني لحالي
شفت الوزا واشتلت لي منه قنطار=وان جيت اعدله شرق للغرب مالي
عبر على الدنيا من العسر لايسار=ماظنتي فيها حرام وحلالي
حرام للفنجال سوقه ليا فار=الا على اللي يرخصون الريالي
وانا اللذي ماقول في نجد شعار=وان كان به شعار محد حكى لي


-18-


ياهل الونيت اللي يبي مشتل البيب=مادق صدره بالخطوط الغزيره
يوم يتخثع مع محير الأداعيب=يشدي تخثع جادل في حريره
لاتجربونه مايبي الفرت تجريب=قد جربه بالبيت الأبيض خبيره
عدوه لابن حزام سيد اللواعيب=لعاب زينات البيوت العسيره
ثم قل لقاعد مانبي منه تدريب=الوقت دربنا على كل سيره
لو كل من قاد السبب يعلم الغيب=ياما كرهت النفس من باب خيره
ان قفت الأيام ماها مغاريب=واليا اقبلت يازين صافي غديره
قل له رميت الكيس بين الشواريب=واليوم ادوج مالقيت اتعميره

[بندر]

-19-


بديت ذكر اللي بسط سبع بوتاد=واللي رفع سبعٍ بليا عمدها
والكار للي صار غيثٍ للأجواد=لاقبلها صارت ولا من بعدها
زايد على كل العرب بالوفاء زاد=ساق المراجل لين وقف عددها
حلحيل حلو مر زراع حصاد=كبد يداويها وكبد لهدها
ولي عجوز من ورى شط بغداد=سمت على الحر الفلاحي ولدها
تبغاه يطلع مثل زايد ولا فاد=ماكل من هاز الطويله صعدها
ياشيخ انا جيتك على غير ميعاد=من خوف روحي لايجيها وعدها


-20-


الله من عينٍ ليا عسعس الليل=عافت لذيذ النوم ماتهتني به
ياوين أبلقى من يحب التعاليل=يبدي بزين القول ولا ابتدي به
خطو الولد يامال قصف التماهيل=يشرح عيوب الناس ماشاف عيبه
يفرح ليا شاف المجالس هراميل=يكره ليا شاف المجالس أمنيبه
ماشوقنه طيبات التماثيل=مع شايبٍ قد بيَن الوقت شيبه
ماهوب شايب ، شيبنَه غرابيل=عيدٍ يقفي به وعيدٍ يجيبه
أنا الذي شفت الوزا ياسماعيل=طاوعت نفسي لين شفت الغليبه
النفس طير والخطايا محابيل=والناس روَاي الحديث أتحكيبه


-21-


الله من شي بحالي نحفها=من ما لجى بالقلب حالي نحيفه
من كثر ما تكتم تزايد تلفها=بيًن كداها بالعروق الصخيفه
كم واحد له حاجة ما صرفها=يصد عن صرافها لا يضيفه
يخاف لا يقضب نديم طرفها=قلبه صدى وأطراف جسمه نظيفه
والله خلق بيد الذلول وعسفها=للي يبي المنهاج مثل القطيفه
والفضل للي مدها ماقصفها=وأنهج من الدار المحل للمريفه
وأنصحك ياللي غرته ما عرفها=شيب تشيب ما يحول رديفه
رديفها يركض ويركز هدفها=وقت يقص العظم من حد سيفه
وان جتبك الدنيا وجابك صدفها=لا تعتزي باهل النفوس الضعيفه
وانصحك نفسك لا تسقط شرفها=ترى بعض بيض المجالس مجيفه

[منادي]

-22-


سر ياقلم مالي على الصبر طاقه=صبري تعدى الحد ماعاد ينطاق
أكتب لمثلي قصته واشتياقه=في خطك الواضح على بيض الأوراق
قصة حزينٍ صافي الحر ذاقه=انا بذكره ماصله خاطري ضاق
باقو به الأصحاب والوقت باقه=وصار الضحيه بين باير وبواق
يمشي وهو ماحس في كسر ساقه=امسى على ساقين واصبح على ساق
مهذي سواة الوقت شين اصطفاقه=الوقت لو يصفى لك ايام دراق
لاشك يامن معك عقل ولباقه=ابنصحك كانك للأمثال تشتاق
صادق رجال يعرفون الصداقه=يقفون صفك يوم يبسات الأرياق
ومن يرغب فراقك فعجل فراقه=جاز الذي يجزيك أفراق بفراق
يقوله اللي جاير الوقت عاقه=ولازال في غيبوبة الهم مافاق
حظه على اقشر شي للنفس ساقه=بقبور الاحياء ينتظر يوم الأطلاق


-23-


بديت ذكر الله على كل ما صار=يستاهل الذكرى عزيز الجلالي
الكامل الي صار با الشرق مسمار=في نحور الاعداء ما يحيله محالي
زايد على كل العرب زاد الاشبار=شرق وغرب وبا الجنوب وشمالي
والله يا لولا الخوف من بعض الاشرار=لقول مابه غير زايد رجالي
باالشرق الاوسط والجزيرة والاقطار=لا شف احد مثله ولا حدن حكالي
اليّن من لماهود وامتن من النار=يفتل وينقض مبهمات الحبالي
ياشيخ انا حملي ثمانين قنطار=عجزت والله ما قويته لحالي
والاّ انت حر صيرماني وجبار=شيّال صعبات الحمول الثقالي
شل عني حمل الذي فيه محتار=تلقى اتجاهه عند منشي الخيالي


-24-


شـــي بـــقلـــبي واهــجه مــستــمري=لـولا أرزق الـدخـان يـطفي لهيبه
سـلط عـلى الـدخـان لـو هـو مضري=لــه حـزةٍ عـند إحـتكـام الـمصـبه
وأنـا الذي ما أبدي على الناس سري=من خوف سودان الوجيه تحكيبه
أصـبر عـلى ضـيم الـدهـر والـتعزي=من شان من يرضى على الغليبه
وأبــعد مــجالى عــن عــيال الـتزري =مـن لاهـوى قـلبـي دواه الـمغـيبه
أخــاف لــي مــن مــجلــس مـايـذري=فـي جـانـبه بـوم حـساسه صليبه
و ســوالـفن مـا بـين بـحث و تـحرّي=يــجرح فؤادي عــيةٍ وأبـتلـي بـه
والله خــلق بــالــكون لــي ثـلث بـري=يـكفـن ثـلثـين الـبحـر ويـش لـيبـه
وإلـيا بـغيـت الـدرب مـانـيب اطـري=أمــس لــلفــرجة حــبال الـنجـيبـه
وأقــطع تــهاتــيه الــخلا بــالــتجـري=والله يــجيـبه والى أمـري يـجيـبه
يــرضــينـي الـمقـسوم خـيرٍ وشـري=سـبحـان مـن لا تـعلم الناس غيبه
أحـــدٍ عــلى ربــعه يــحب الــتحــري=لـــلشــر بلاسٍ وخــيره بــجيــبه
هــذاك أنــا يــالــربــع مــنه مـتبـري=لـو عـظني ناب الدهر ما انتخيبه
من خوف يضحك لي وهو يستغري=يـفتـل حـبال الـسوء مـا يـندريـبه
يــــفرح عـــلي بـــكل شـــرٍ يـــمري=وأنـا شاف يمي خير عني انهيبه

[بندر]

قصائد مسموعه
..................................................
بديت ذكر الله على كل ما قيل (http://www.al7an.com/sh3aar/bandr-bn-sror/3la-kl-magel.ram)
....
بديت ذكر الله على كل ما صار (http://www.al7an.com/sh3aar/bandr-bn-sror/3la-kl-masar.ram)
....
الا واهني الي تمرجل بصك تراب (http://www.al7an.com/sh3aar/bandr-bn-sror/ala-wahne.ram)
...
الا يا دنيتي فوق دوج عليه شراع (http://www.al7an.com/sh3aar/bandr-bn-sror/ala-yandebe.ram)
...
الله على الي يهيض القلب مرهاجه (http://www.al7an.com/sh3aar/bandr-bn-sror/alh-3la.ram)
...
الله من عين تزايد صلفها (http://www.al7an.com/sh3aar/bandr-bn-sror/allah-mn-3en.ram)
...
الله من عين ليا عسعس اليل (http://www.al7an.com/sh3aar/bandr-bn-sror/allh-mn-3en.ram)
...
انحاس باللي يامحمد وصديت (http://www.al7an.com/sh3aar/bandr-bn-sror/an7as-bale.ram)
...
دن القلم واكتب بيوت عجيبة (http://www.al7an.com/sh3aar/bandr-bn-sror/dn-alglm.ram)
...
دور الكبريت ولع لي زقارة (http://www.al7an.com/sh3aar/bandr-bn-sror/door.ram)
...
جينا حليت ولا لقينا اشقر الون (http://www.al7an.com/sh3aar/bandr-bn-sror/gena-7leet.ram)
....
عز الله اني من هوى البيض تايب (http://www.al7an.com/sh3aar/bandr-bn-sror/hawa-albeeth-taeeb.ram)
...
عز الله اني جزت عن كل ما اقول (http://www.al7an.com/sh3aar/bandr-bn-sror/kaal-magol.ram)
...
لا والله الا طولو با الوقوفي (http://www.al7an.com/sh3aar/bandr-bn-sror/la_wala.ram)
...
شي بقلبي واهجه مستمري (http://www.al7an.com/sh3aar/bandr-bn-sror/she_bglbe.ram)
....
يا عنك ما تشفيك ذباحة التيس (http://www.al7an.com/sh3aar/bandr-bn-sror/ya3nak.ram)
...
يا بدر بن سلطان مايبرد الجاش (http://www.al7an.com/sh3aar/bandr-bn-sror/yabdr.ram)
...
يا منير عمر لي من التتن معمار (http://www.al7an.com/sh3aar/bandr-bn-sror/yamneer.ram)
...
يا راكب حمرا من الهجن سرسوح (http://www.al7an.com/sh3aar/bandr-bn-sror/yarakb-al7mra.ram)
..
يا سخيف الذرعان ماني بمرجوج (http://www.al7an.com/sh3aar/bandr-bn-sror/yashef.ram)
...
يازين فنجال على هجعة الناس (http://www.al7an.com/sh3aar/bandr-bn-sror/yazeen.ram)
...
يو إن خلان الرخى هملوني (http://www.al7an.com/sh3aar/bandr-bn-sror/yoom.ram)
...

[منادي]

اهدائي لكم ياعيال وبنات الحمايل
ديوان الشاعر الكبير بندر بن سرور بالاضافه الى بعض قصائده الصوتيه
واشكرك استاذي بندر جزيل الشكر لمساعدتي في انشاء الديوان بهذا الشكل الجمالي
وتستاهلون اكثر .. والقادم اجمل باذن الله

و

تحية اعجاب لمن يستحق الاعجاب
منادي

[سلطان]

يا سلام الله يرحم ابن سرور وصح الله السانه


واشكرك اخوي منادي على الديوان والله لايهينك


تسلم .. ولاهنت

[الثريـــا]

ابغى الذي بين المضيع وعكاش0000روقية تزها يديها الخواصير!!


بندر بن سرور
علم من اعلام الشعر بالجزيزه العربيه
شاعر من قبيلة عتيبه العريقه
شاعر قلب كل موازين الشعر بجزالة شعره وقوة معانيه
شاعر يرغمك على قراءة مايكتبه والتمعن في معانيه الجميله بطريقه ساحره

رحم الله شاعرنا واسكنه فسيح جناته
فمازلنا نرتشف من فيض ابداعه في كل قافية كان يكتبها........

اخي القدير منااااادي
لا استطيع ان اوفيك حقك بالشكر والعرفان ولكن
لك مني كل التقدير والاحترام على هذا الجهد الجبار
وشكر موصول للأخ بندر على مساعدتك في ذلك.....

تحيه لك........

[بندر]

أشكرك أستاذي منادي على الاهداء الرائع ..

الذي يعد أكبر ديوان شامل على الشبكة العنكبوتيه للشاعر الكبير/ بندر بن سرور

وبحق ..شاعر لن يتكرر في الجزيرة العربية يستحق المتابعه ويستحق الاشادة ..جزل الشاعريه قوي المعنى فذ الابيات نقي البديهه

..رحمه الله..


اكرر الشكر لك أستاذي على الاهداء ..دام عطائك المشرف وتواجدك الجميل


دمتـ بكل خير

[منســـآب]

يستحق تاريخ " بندر بن سرور " هذاا الوفااء من إدارة المنتدى ....



الف شكر يا " منادي " والله يعطيك الف عاافية على جهوودك الطيّبة انت وكل من عاوون في اخرااج الديووان بهذاا الشكل الجميـــــــل






http://www.jawaher-qtr.net/uploads/46b2568f78.gif (http://www.jawaher-qtr.net)

[الدلوٍوٍعه]

ديوان رائع لشاعر جزل اشهر من نار ع علم
ومجهود اروع منك ومن مراقبنا بحقه
الله يعطيكم العافيه ع مجهودكم

[الجوهره]

ديوان رااائع لشااعر معرووف

مشكووور منااااادي

[فايز البراق]

صح لسان الشاعر بندر ابن سرور مشكورين على الديوان الرائع والمميز

[غروكـ وغيروكـ]

مشكورين على الديوان

[كايدهم بقوة]

استاذي منادي

لاهنت على الديوان للشاعر الكبير بندر ابن سرور

تحياتي لك

[عــ الهوى ــز]

استاذي منادي

لاهنت على الديوان للشاعر الكبير بندر ابن سرور

تحياتي لك

[ماجد بن عبدالعزيز]

لاهنت على الديوان للشاعر الكبير بندر ابن سرور

[شيهانة نجد]

استاذي منادي

لاهنت على الديوان للشاعر الكبير بندر ابن سرور

النصي و الصوتي .. واشكر استاذي بندر على جهوده ..


لكم جل تقديري ,,

[شارد الذهن]

لاهنت على الديوان للشاعر الكبير بندر ابن سرور

[عــ الهوى ــز]

يعطيك العافية استاذي منادي على ديوان الرائع

عن الشاعر الكبير بندر بن سرور


حقوق الطبع خاص في منتديات عيال الحمايل


تحياتي لكم

[سلطانة "مــــطير"]

شـــــــــــــــــــــــــــــــــاااااااااااااااا اااااااااااااااااعر مبدع وننتظر مزيــــــــــــــــــدك




تقبل مرورى

[سلطانة "مــــطير"]

:m-02: شـــــــــــــــــــــــــــــــــاااااااااااااااا اااااااااااااااااعر مبدع وننتظر مزيــــــــــــــــــدك
تقبل مرورى

[مروان]

مشكور على الديوان يا الغاالي والله يعطيك الف عافية

[جبــــنة]

ديون رائع .. معطر بأجمل المفردات الشعريه

صح لسان الشاعر بندر بن سرور


ويعطيك العافية على انجاز هذا الديوان واخراجه بشكل رائع

[مصيره لاذكر يشتاق]

يعطيك العافيه

[♥ sergio-roms ♥]

يعطيك العافية

تقبلووو مروري
صح لسانك

[ذهب]

يعطيك العافيه اخوي منادي

ماقصرت


دمت بود

[الطيـّر]

أشكرك أستاذي منادي على الاهداء الرائع ..

الذي يعد أكبر ديوان شامل على الشبكة العنكبوتيه للشاعر الكبير/ بندر بن سرور

وبحق ..شاعر لن يتكرر في الجزيرة العربية يستحق المتابعه ويستحق الاشادة ..جزل الشاعريه قوي المعنى فذ الابيات نقي البديهه

..رحمه الله..

[نايف الخمعلي]

الله يعطيك الف عافيه على الجهد الكبير
والشاعر المرحوم بندرشاعر يستحق الجهد لأجله
وهوغني عن التعريف
سلمت على هذا الإختيار الأكثر من رائع

[فجر]

صح لسان الشاعر الكبير


مشكووووور منادي على الطرح

[ريــــم]

أستاذي يعطيك العافية كفيت ووفيت ماقصرت

[نــجــم]

صح لساان شاعرهاا

ويعطيك العاافيه على ايراد الديوان الرائع

تقديري لك ..

[بنت السعوديه]

صح لسان شاعرها وسلمت يمين ناقلها
جل التحايا

[كليم الليل]

الله يبيض وجيهكم

ويرحم والدينكم

ويجزاكم خير

صراحه مجهود يستحق الاشاده

ولاهي غريبه على أعضاء هذا المنتدى

[سـعـود]

يــعــطــيــك الــعــافــيــه عــلــى الاخـتــيــار الــرائــع

تـحـيـاتـي و تـقـديـري

[عبد الله]

الله يعطيك العااافيه على الايراد

تقديري ..

[يارا العامرية]

صح لسان بندر بن سرور
اشكرك منادي ع الايراااد
والله يعطيك العافية
تقديري

[بروق الصيف]

ألف شكر وبيض الله وجهك

[الريـم الجفول]

الله من عيـن طرقهـا صواديـف
عميت ويبسن العـروق الصخافـي
شفت الوزابالعين من عرض ماشيف
شفته وغيري من فطن له وشافـي

******************

الله مـن شـي بحالـي نحفهـا
من ما لجى بالقلب حالي نحيفـه
من كثر ما تكتـم تزايـد تلفهـا
بيًن كداها بالعـروق الصخيفـه

******************

رحم الله بندر ابن سرور ..

سمعت له كثيرر واحببت قصايده ووجدت هنا مالم اجده هــنـــاك ..

شكراً مـنـادي ..

[نداء الشمري]

الشكرك جزيل الشكر على هذه الجهد الرائع كفيت وفيت لاهنت

[عاشق المزيونه]

ديوان رائع .. شكراً ليك

[نجمة الصباح]

تسلم يمناااااااااااااااااااااااااااك يا منادي ماقصرت والله


الله يسعدك

[العنيــــدهـ]

صح لسان شاعرها ويسسسلموو على هالإنتقاء الرائع
يعطيك العافيه

[المزيون]

الله يعطيك العاااافيه على الايراااد ..

تقديري لك ..

[اساور وأغصان]

تسلم يمينك ويعطيك العافية
وبانتظار الجديد
دائماً ..

[صعبة المنال]

ديوان رائع لشاعر جزل اشهر من نار ع علم
ومجهود اروع منك ومن مراقبنا بحقه
الله يعطيكم العافيه ع مجهودكم