قصيدة قديمه00 يالله انك لاتعود العسكريه

[مشعل العصيمي]

http://www.youtube.com/watch?v=SYJkPfsOlQE&feature=related
قصيدة العسكرية للشاعر / عواض الشلوي
قال هذه القصيدة قبل حوالي سبعين سنه حينما انتظم في السلك العسكري وحيث انه بدوي ليس متعود ان يامره احد قرر ان يفصل وقال هذه القصيده التي كثير من الناس مايكررها دون ان يعرفوا من قائلها وحفظا لحقوق الشاعر احببت ان اذكر القصيدة كاملة وهي :
يالله إنـك لاتـعُـود العَسكـرّيـه
والنصيب اللي على البَدلـهْ حَدانـي
لبسّونـي لبسِـة ٍ ماهيـب لـيّـه
درّعونـي باللبـوس المشبهـانـي
درّبونـا مثـل تدريّـب المطيّـه
والصَعَب مِنـا يعّـود مطوَعَانـيْ
يالله إنــك لاتحّملـنـا زِريّــه
حيـث حِنـا للمَعاصَـيْ ماندِانـي
ياوجـودي وجَـد حمـر عيدهيـه
ساقط ٍ فيها الحقب ويـا البطانـي
فوقهـا قـرم ٍ ببـا كـور ٍ قويـه
من ورى العارض يبي دار شهراني
قطـر القربـه وقدمـه قيهمـيـه
مع زوال الظهر يوم الشوف دانـي
هسها العرقـوب والديـره رديـه
لين دم الجوف بالذرعـان حانـي
ياوجودي وجد عربٍ فـوق طيّـه
في لهيب القيظ معطيـت ٍ ثمانـي
هَمّلـنْ عَيالهّـنْ بـارض ٍ خليّـه
وأصبّحـن إعيالهنـه ذيهبـانـي
يوم جـنّ البيـر لياهيـى جاهليّـه
مـا عليهـا لا ورود ولا محانـي
بركّن بالشمس تصهرهـن شوّيـه
كل منهن كنها الخـرص الهلالـي
لو بغيت أدله طرى الطاري عليّـه
وإستحس القلب والهاجوس جانـي
يوم أشوف الديـن مرتجـداً عليـه
والظهر عريان والجـوع يحدانـي
يالله اني طالبـك فـي كـل نيـه
ياولـي العـرش رب المودمانـي
طالبك رزق ٍ تحطـه فـي يديـه
ماعلى بابـه شريـف ولا هدانـي

[مشعل العصيمي]

ههههههههههههههههه

العريف سهيل والنايب عطيه=والملازم من سلاسيل قحطاني

البيت هذا مركب وليس صاحب القصيدة

[نــجــم]

صح لسان شاعرها وسلمت ع الأختيار

[نجمة الصباح]

http://pic.kuwait45.com/files/rose/we%20%28444%29.gif



روعه ماشاء الله
سلمت الانامل الرائعه
شكرا لك من اعماق قلبي



http://pic.kuwait45.com/files/rose/we%20%28444%29.gif

[عِنـآديـہ]

صحح لسسآن ششآعرهآآ
وسسلم اختيآرك آلجميل..~

[دانــه]

صح لسان شاعرها وصح أختيارك
يعطيك العافيه

[الرسامة شجن]

صح لسان الشاعر

إنتقاء رائع ... ربي يعطيك الف عافية
ولا خلا ولا عدم

[طيرالوله؟]

صح لسان شاعرها
والله يعطيك العافيه على الانتقاء الرائع

[غلا العتيبي]

ألف ششششكر لك

[الاميره رهوؤوف]

صح لسان الشاعر
انتقاء متميز وذووووق

[متغطرســه]

اذهلني ماقراءت ولامست حرفا راقياً
كم طابت لي مفرداتك وعزفك
رائع بكل ما تعنيه الكلمة
كتبت وتميزت ونثرت حرفا يُسطر بماء الذهب
فـ لك مني كل الشكر والتقدير واﻻ‌حترام على
هذا الطرح الراقي

[غلا الشمري]

الله يعطيك الف عافيه استمتعت بمتصفحك

لاهنت

[مشعل العصيمي]

صح الله بدااااااااااااااااااان الجميع

[سلطانة]

’, .. صح لسان الشاعر ,, حروف عذبة
وبوركت أناملك
جمال في الإنتقاء
لروحك عناقيد الأمل http://www.t9oor.com/forum/images/smilies/195.gif

[ذيب الغدراء]

صح لسان الشاعر
تسلم يمينك ع الانتقاء الرائع

[مشعل العصيمي]

شكراً للجميع وصحت ابدانكم

[عالية المقام]

الله الله

رووووووووعه

يسلم الذوق وراعيه

[مشعل العصيمي]

عالية المقام

لاهنتي على الحضور المميز

[الوتين الروقي]

**
أخذتَ أقلبَ صفحآتِيَ ..
فلمَ أجدَ إبدآعَ يظآهي " إبدآعك"
و لـآ جمآل يفوق جمآلَ ..
طرحكَ
أنآرَ آلله بصيرتكَ ..
و إلى آلآمآمَ
**

[شغموم الهيلا]

هذه القصيدة شاعرها الحقيقي هو الشاعر حسن بن معيش بن محسن الحميداني النخيش النفيعي العتيبي
رحمه الله تعالى وهو من أقاربي وهذه القصيده معروفه عندنا وفيها ابيات ناقصه لم تكتب فيها وأخو الشاعر موجود وعمره الآن قد تجاوز 95سنه
كما أن للشاعر قصائد أخرى في العسكرية جميلة أيضا لأن الشاعر كان رحمه الله إذا مسك خفاره قام يكتب من القصيد وصار معروف لدى زملاؤه في شرطة الرياض فاصبحوا لا يعطونه عمل وخفاره لتقديرهم له وقتها
طبعا انا قرأت من نسبها لشاعر حارثي في بعض المنتديات ولكن هذا غير صحيح فالشاعر خواله الشلوي من الحارثي وهم الجيايشه وهو كان يجي عندهم وربما سمعوا القصيده منه وبعدين نسبة بالخطأ

[مشعل العصيمي]

هذه القصيدة شاعرها الحقيقي هو الشاعر حسن بن معيش بن محسن الحميداني النخيش النفيعي العتيبي
رحمه الله تعالى وهو من أقاربي وهذه القصيده معروفه عندنا وفيها ابيات ناقصه لم تكتب فيها وأخو الشاعر موجود وعمره الآن قد تجاوز 95سنه
كما أن للشاعر قصائد أخرى في العسكرية جميلة أيضا لأن الشاعر كان رحمه الله إذا مسك خفاره قام يكتب من القصيد وصار معروف لدى زملاؤه في شرطة الرياض فاصبحوا لا يعطونه عمل وخفاره لتقديرهم له وقتها
طبعا انا قرأت من نسبها لشاعر حارثي في بعض المنتديات ولكن هذا غير صحيح فالشاعر خواله الشلوي من الحارثي وهم الجيايشه وهو كان يجي عندهم وربما سمعوا القصيده منه وبعدين نسبة بالخطأ
مالك لولا القصيدة الكل يعرف من قالها وهو للشاعر :/عوض العطشان الشلوي من اشهر شعراء قبيلة الشلاوى0000وبصراحة اول مرة نسمع بهذا الشاعر اللي تنسب قصيدة الشلوي له؟؟
وقد ردت عليه شاعره من قبيلة شمر بقولها:ـــــــ

وسع الملعب لقاف الشمرية =وسعة للحق انا بطلق عنانــــــــــي
خلني لاتحط قيدك في يدية=ولعت الفاظ شعري والمعانــــــــــــــي
جمرةٍ كتمانه صعبٍ علية=كل شاعر لكتم شعرة يعانــــــــــــــــــــــي
يشتعل من شان يستهدي بضية=كل طرقي في دروب الليل عاني
هزني شاعراً سمعتة في عشية=عسكري يشتكي مر الزمانـــي
قال ربي لاتعاود العسكرية=والزمان اللى على البدلة حدانــــــــي
قلت اكيد الرجل واقع في بلية=اومصيبة صكتة بين المحانــــــــــــــي
قال وشهو دربوني كالمطية=واتضح مقصود شعرة وبانــــــــــــــي
طارقلبي واثري الدعوى كذية=ماقول الا يادنة دان دانـــــــــــي
استلمها جاتك نصح اخت لخية=ولا ابي من وقتك الا لي ثواني
قم وصلي واردع النفس الشقية=واحمد اللى يرتجيةانس وجان
الله اللي مدلك رزق وعطية=حرك بحمدة يدينك واللسانــــــــي
لاتشتكي اشهد ان العسكرية=غصن رزق وارف رطب ودانـــــي
كم بيت من وراها شب ضية=يعرفون اللحم دايم بالصوانـــــــي
كم راسب في الفصول المدرسية=مالقى في غيرهارزق ومكاني
جندي وراتبة خمس وكم مية=نعمت مايجحدها كودالجبانــــي
اضربو للعسكري احلى تحية=لوة جندي اشهد انة راعي شاني
حي عينة لغفلت عين البرية=اسهرة لجل الوطن حب وتفاني
اللي لا صحنا رمى روحة هدية=يوم غيرة من غلا روحة اناني
لاتلومني بحب العسكرية=لو اغني دهر حبة ماكفانـــــــــــي
خيرها طوق بعد ربي يدية=رزق ابوي وشغل اخوي بهالزماني
وانا بنت لاجحود ولاغبية=واحمد اللي بالرضاء دايم كسانــــــي
عند هذا البيت وقفت المطية=واكتمل ردي عسى المقصود باني

[شغموم الهيلا]

هلابك ياالعصيمي هذي القصيدة معروفه هي للشاعر حسن بن معيش بن محسن النخيش النفيعي والقصيدة تم إضافة ابيات إليها ليست منها
كما ان هناك أبيات منها لم تذكر فيما كتبت وكونك أخي الكريم لا تعرف الشاعر فهو لايثبت صحة كلامك
وبعدين أخي الكريم من هم الكل الذين يعرفون شاعرها
انا من أقارب الشاعر ما أقولك مكتوبه في المنتدى الفلاني وهي للشاعر الفلاني
وباقي من اخوان الشاعر اثنين احياء وكلهم شعار
إذا كنت من المهتمين بالشعر والروايه فأنا على استعداد على اوصلك لهم
أما النفي بدون دليل فهذا ما اوافقك عليه
وقولك اول مره اسمع بهالشاعر
أرجو التثبت جزاك الله خير

[شغموم الهيلا]

أمارد الشاعره الشمريه فهو جديد ولا اعتبار به في تحديد صاحبها

[مشعل العصيمي]

أمارد الشاعره الشمريه فهو جديد ولا اعتبار به في تحديد صاحبها


يالغالي انت منين جبت علمك مايصح ألا الصحيح الكل عارف ان القصيدة لشاعر شلوي من قبل العولمة

ومجارات الشمرية ليس حديثة وانما ايام انتشار القصيدة كاك الزمان التي قيلت فيه000 وياليت انك ماعاد تنسبها ألا لصاحبها عواض الشلوي قد حط وسمه عليها وغالبة الناس

تعي بذلك هذي زبدة الكلام000وشكراً

[الصامد]

اخي شغموم الهيلا نرحب في تواجدك بيننا
القصيده منتشره على مواقع كثيره جدا وتحمل اسم الشاعر الشلوي
ومشعل العصيمي شاعر معرووف ولا اعتقد ينسب قصيده لغير شاعرهاا
يغلق الموضوع