ღღ الغ ـلا والح ـب والفرقـا قهـر ღღ

[محمد الميموني]

بسم الله الرحمن الرحيم
مقدمه مختصــره
_ كلآ منا يبحث عن مكان يناسبه ويجد بهٍ ...
هدوؤء النفس والإرتيـاح الكلي لمشاعره لانها تستحق ذلك
لأخذ المساحه الكافيه للبوح عن ماتخفيه الحروف خلف طيات صفحات الكتب .
وجدت هذا المكان الرائع وجمالياتهُ بكل ماتحمله من معنى ... مع التقدير لكل الاقسام والقائمين عليها ...!
***
تنبيه : جميع الحقوق محفوظة لـ مدونة الغلا والحب والفرقا قهر 2011 - 2012

[محمد الميموني]

وقتٍ صبرنا به وشره حصدنا=ياحمود ضاقو به وساع البنايد
عساه يصبح في طوارف بلدنا=إن كان بقدومه علينا فوايد
يلهد وياكل من بظلمه لهدنا=وياخذ ثلاث أربع سنينأ وقايد
ألين نامل في مذاري سندنا=عبدالله اللي للعرب خير قايد

[محمد الميموني]

لولا البكاء والدموع الصادقه ما تسيل=تفنى الحياه وتوارى تحت جنح الظلام
ما أقسى من الحاجة اللي في يدين البخيل=لا شح فينا الوفا والصدق ذوده حيام

[محمد الميموني]

على أخر الليل وأول صبحي المقبل=أقيس نبض الدقايق لك وأحسبها
أخاف أصارحك ترفضني ولا تقبل=وأخسر ثقة قلبك اللي كنت كاسبها

[محمد الميموني]

لا أكره أحدآ , لكنني أشرب دائمآ ( لبن إكتيفيا ) لأهضم الكثيرين .

[محمد الميموني]

ما يشتكي للناس همه قوي باس=لو ضاقت الدنيا عليه وتعومس
الناس ماتستر بعضها عن الناس=ومن لا يحسب لسمعته ما تنومس

[محمد الميموني]

صافح أعتاب الأحباء وأبتسم=لا تكدر خاطرك كلمة عتاب
خلك بحسن التعامل متسم=بالوفا والطيب وبلين الجناب

[محمد الميموني]

إدعاء الوعي بلسان الثمول=لا يؤاخذ عقله فيما خرج
والبطى والبرد والليل الملول=والعنا وإجبارة الحظ العرج
غيرة مجرى تضاريس القبول=في عيون الحال حدث لا حرج
أتلافى صدمة الواقع وأقول=ماتضيق الأ وعند الله فرج

[محمد الميموني]

ودي أحظن الليل وأطراف غيمه=وأرسم تنهاتي على نجمة الصبج
كم سينً سنينً تحريت جيمه=خسارة أيامي تساوت مع الربح

[محمد الميموني]

ما عشت في رجواء الوصال أمتذري=بسوالف الليل وتوْهام الأمال
كفيله الأيام بأنها تعري=وجيه وقلوبً على الناس تحتال

[محمد الميموني]

إقفاية المقفي عساها سموحه=ماني بتابعها على غير مصلوح
حلاوة الأيام فيها ملوحه=محدآ حياته كلها ضحك وأمزوح
كم صاحبً نفسي لشوفه لحوحه=أعانق أيامه من الروح للروح
لابد ما بعد المجي غير روحه=ولا جداي الأ التناهيت والبوح

[محمد الميموني]

يا راسم الجفوه على محجر الموق=ملامح الهجران فيها بواين
روْح ولا تذرف دموعك من الشوق=ما دام قدري في محاجرك هاين

[محمد الميموني]

عيب السهر يحرمك من لذة النوم=وعيب الشقا يسقيك من مر الأيام
عاشر زمانك وأنتبه تلحقه لوم=وأرضْ بنصيبك لا تضيعك الأحلام

[محمد الميموني]

أنتبه من نظرة الحاقد عليك=لو كشف لك حسن نية مظهره
لو عطاك الشمس والقمرا بيديك=لا لعب لعبته لقاك ظهره

[محمد الميموني]

الله يوفق ناوي الخير للخير=اللي لوجه الله يكابد عنائه
والله يكافينا صدوف المقادير=ويرفى خطانا عن دروب الدنائه

[محمد الميموني]

المجامل والتملق والتزلف=ماتجيب الا الكوارث والمطمه
والقيادة والإمامه ماتخلف=غير للي يحكم الأمه بهمه

[محمد الميموني]

الحزن لا ثار فالمعلوق مايعسف=والعين لو أكبته وأخفيه شايفته
لسان حال الكويت من الوْضع يأسف=على إندلاع الفتن ينثر حسايفته
واللوم كله بعين العقل لو ينسف=في وجه من منه كارهته وعايفته
تظْهره شمسً تبين لوها تكسف=مصيرها لا أشرقت تنصف ولايفته

[محمد الميموني]

كان بعدي عنك يجلب لك حزن=لا تغلا وأنت تدري في غلاك
والله إن قربك مثل ريح المزن=يروي اللي ماشرب من عذب ماك
أنت لك عندي مقام ولك وزن=لا تشكك في مكانتة مستواك
والعذول اللي على المسمع يزن=لا يقصر في هقاويك ومداك

[محمد الميموني]

إنتقائك قمةً فالإرتقاء=وإتزانك علم له باب وجاب
فطرة أخلاقك نموذج للنقاء=وتواضع حروفك يؤلف لك كتاب

[محمد الميموني]

حاول تبسم للزمن كل ما ضقت=أدري بتتعب في طريق البداياة
أستبسط الدنيا على قسوة الوقت=بتعيشها رغم الأسى والمعاناة

[محمد الميموني]

صروف الأيام يالأجواد مقضيه=ما يدرك الوقت غير مودع الماضي
ياحظ من روحه إليا مات مرضيه=صبره بدنياه عند الله ينعاضي

[محمد الميموني]

الطموح الحي يحيي صاحبه=ما يطول الياس نفسه لو بغى
وراعي الإصرار عزمه راح به=للنجاح وللعلو المبتغى

[محمد الميموني]

ما أوجست نفسي تترجمه الحروف=ينقري فالوجه مكنون الصدر
والغياب أسباب والدنيا ظروف=والظروف أحكام في حكم القدر

[محمد الميموني]

للقلب ...؟

شرهة الليل الطويل بمقدمه=في عيوني والسهر حزن وملام
لا تحن لذكرياتً معدمه=ألتحف في صدري همومك ونام

[محمد الميموني]

يا وزير التجارة والصناعه=الغلا إغلاث والتجار غلثى
لو قرارك على سعر البضاعه=كان ما شفت حال الوضع يرثى

[محمد الميموني]

إخفاقة الحظ , والعثرة , ومأساتي=متى هدب رمش موق العين يهزمهن

[محمد الميموني]

فيلكس حقق طموحه في تجاربته=حتى أصبح العرب بتويتر له تهتشق
لو كان في وسطنى كثرو محاربته=كم حلم طامح قبل لا يحققه يشنق

[محمد الميموني]

مصافحي لك ياصباح الخير لي شف ومراد=يجلي عن النفس الحزينه ضيقها وعماسها
على بزوغ الشمس لا هبت ذعاذيع البراد=نفحة نسانيس الصبا يشوقني نسناسها

[محمد الميموني]

إليا ندى جرح الزمن ما عاد ينفع به علاج=دام الوجع ما هو بعضوي لا تكيل من الحجج
العافيه لا من سلمة من المرض للراس تاج=أصبر عسى صبرك مع الأيام ياتي بالفرج

[محمد الميموني]

إي والله أشفق على اللي يقطع الفرجه=من شانه أعن خيل الفكر وأسرجها
وإليا حصل لي شيكآ في طرف درجه=سلم على اللي طموحاته يدرجها

[محمد الميموني]

الناس ما تجهل الترويج وهروجه=ياللي على الثامنة تايم تبنجها
حملتك بالكذب والبهتان ممزوجه=متمنتجة قبل مخرجها ومنتجها

[محمد الميموني]

يازين ذعذاع البراد آخر الصيف=لا هبت آنسامه علي اللي شعرها
للعرف قيمة في وجيه العواريف=أقولها وأهل اللغو محتقرها

[محمد الميموني]

أنا جديدي كل ما تشرق الشكس=يصافحه كف الأمل يا أتلع الجيد
لليوم لا باكر ولا ماضي الأمس=كل الحروف من القصايد مواليد

[محمد الميموني]

العلم يرفع من معدل رصيدك= والهمه تسوق الطموحات قدام
لولا الأمل وإصرار عزمك وجيدك=ما عشت وأحلامك على الواقع أحلام

[محمد الميموني]

كل رجالآ بمرجلته فرق=والمراجل ينعرف ميقافها
المواجه ما يقابله اللي درق=نونها شفر وحلو كافها
والخيال اللي على اليمه برق=علومنا بمزنته وأوصافها
أشربته القاع والضامي شرق=من عطش كبدة وهمً لافها
مالنا حجه وحيلتنا ورق=حبرها يسفك على طرافها

[محمد الميموني]

الصراحه طيبه والحق حق=ما أكره الغامض ولا أحب الوضوح
ليه أجامل عالمً ما تستحق=واللسان إيدان يا موس الجروح

[محمد الميموني]

ليه أحمل عاتق الوقت ذنبي وأستجير=فالهموم اللي عليه تعن جيوشها
بين توديع المفارق وتئنيب الضمير=ما يواسي دمعة العين غير أرموشها

[محمد الميموني]

نبذل الأسباب والدنيا تروج=والحظيظ اللي معه طوق ونجى
أنفتح باب الدخول وقفل باب الخروج=كل فعلآ قابلآ للمدايح والهجى

[محمد الميموني]

دام الهوى يجلب الضيق والهم=إزلج على بابه وقفل درايشه
والأ تحمل ضيقته لا تندم=كمل على وضعك وحاول تعايشه

[محمد الميموني]

حجة مغيبك بالسفر ما تجملك=أقولها لك من دواعي سروري
يا كثر ما قصرت وأنا أتحملك=أنهيت دورك وأبتدا اليوم دوري

[محمد الميموني]

وصدري اللي لاحقه هم وأوناس=أرجد عليه الوقت والضيق والبين
من كثر ما أوجس من خوا الراس هوجاس=أكن ما أونسته من الخوف لا يبين
أصد عن هرجً صداه أوجع الراس=وأسفه علومً ما عليها مضامين
ما كل ما ينقال تقنع به الناس=الأ كلام الله وهدي النبيين

[محمد الميموني]

هجوس المعاني لا أوردت سهمها ذابوح=ليا من سطت فالقلب ترثع وتجتاحه
تدك الضلوع وتستبد الجسد والروح=وأنا نفسي من الوقت ماهي بمرتاحه
صحيح المعرفه ياسعد وجهها مفضوح=لكن العرب بفعولها العوج فضاحه

[محمد الميموني]

اللي يبي يعرف معان السعادة=ياصل مع الله في صلاته وتقواه
الرابح اللي فيه صبر وجلادة=والخاسر اللي شهوة أهواه تقواه

[محمد الميموني]

الضمير الحي مات وتوفى ما حيى=والعزاء لأنفوسنا عقب صلو وأدفنوه
طول عمر الكذب ما بان في وجهه حيى=والصدوق إليا تكلم بحقه بخوه

[محمد الميموني]

لو توحى كل واشي بالسموع=ما بقى وجهً على وجهه قناع
السراير وسط صندوق الضلوع=ما تسام ولا تحد ولا تباع

[محمد الميموني]

أهتدي يا نفس للدرب القويم=وش كسبتي من ملذات الحياه
السعادة فالطريق المستقيم=والله الله لا تخلين الصلاه

[محمد الميموني]

إحتقار الصبر وإذلال الوقار ,,, يقتل حلم الحليم بلا ضمير
وإزدراء الذات في وضح النهار ,,, إنتهاكُ جائر يصوتً جهير
يشعر المستكٌبر بنوع إفتقار ,,, في حقيقة واقعه باقُ صغير
بإختصار وبإختصار وبإختصار ,,, لا يلائمني التعامل مع حقير

[محمد الميموني]

ما رجيت من الحياة الأ الستر ][ ولا طمعت الأ بحسن الخاتمة

[محمد الميموني]

الصمت ملجمني ولا عـاد طقتـه & واليـاس يانفـسـي علـيـه مـقـرر
أليـا متـى وأقــول مـاهـو بوقـتـه & والـوقـت لــه فـرصـه ولا تنتـكـرر
إن مانطقتـه مــت وإلـيـا نطقـتـه & ترتـاح نفسـي لـو أنـا مــا أتـحـرر
لا أونست زفرة حبها ماشهقتـه & والحـب فـعـلآ مـالـه أيــت مـبـرر
غــروآ تولعـبـي وأنــا ماعشقـتـه & أخـاف بـكـره لا عشـقـت أتـضـرر
والله يالولا الضيق شعري حرقته & واعـي بمـا قلـتـه ولانــي مـغـرر

[محمد الميموني]

على هامش الذكرى وش اللي تذكر قل ][ تـعــذب تـغــرب مـنــك وإنسلـبـت حـقـوقـه
خفوقـآ عشقـك وخـيـر ماقـيـل دل وقــل ][ ودوك أسمع أسمع نبضه يزود من شوقه

[محمد الميموني]

يامتعـب القـاف عاكسنـي وعاكسـتـه ,,, وأنــا معانـيـه مـــن مـبـطـي مـروًضـهـا
كـم ناقــدآ نـقــده أجحـفنـي وحسستـه ,,, إن الـتــجــارب تـفــدًانــي وأعـوًضــهــا
واليوم جهدي على الميقـاف كرستـه ,,, وأنهـي هجــوسي على كيفـي وأفوًضها

[محمد الميموني]

الصباح يعيد لحظات الصباح=كل غيمة في حضورة تنذبح
أص باح السد يانزف الجراح=تنبش أوجاعي وقلبي ما ربح

[محمد الميموني]

صدمة الواقع تسبب لبعض الناس نكسه & والحقيقه ما يثبت سندها لسان راوي
لا تبادلنـي بنفس الشعــور ولا بعكسه & والله إني عن مشاعرك وشعورك غناوي