عــ الهوى ــز
10-02-2007, 09:47 PM
يقول منديل بن فهيد عن مقحم السليس هالقصه ،، وماذكربه الاسماء ،، فيقول الراوي أن أحد شيوخ البدو كان له ابن عم شجاع وفارس يسنده ،، وكان بهالقبيله ناس(ن) طامعينن بالشيخه وكان كل خوفهم من هالفارس ولدعمك يالشيخ ،، فستخدموا الحيله ،، وقاموا كل يوم وليله يروحون عند الشيخ ويلفقون السوالف الكذب على ولدعمه (( وانه به ومابه )) ليما خذا الشيخ بكلامهم وصدق حكيهم ،، وأطرده من القبيله ،، ومع ان حرمت الشيخ عرفت مقصد هالرجال ونيتهم الشينه فقالت للشيخ،، ولكن حقده على ابن عمه من اللي سمعه عنه اعماه فطرده ،،
ومرت الشهور والشهور ،، وقاموا الانذال اللي فتنوا بين الشيخ وولد عمه بتنفيذ خطتهم ،، وقاموا يراددون الشيخ ويخالفون أوامره ووصلت بهم انهم أهانوه وخذوا الشيخه منه ،، فضاقت الدنيا بالشيخ ومادري وين يروح ،، فشارت عليه زوجته انه يروح وينتخي ببن عمه وقالت له تراهو راعي نخوه وراح ينسى اللي سويته به على شان حمية ابن العم ،،
وفعلن ماكذب خبر الشيخ ورح لبن عمه وكان بديره بعيده عنه ،، ويوم جاو وشاف حالت ولد عمه الشيخ أمار الحال اللي ماتسر فنتخى وخذته الحميه وركب فرسه وخذا سيفه ،، واغار عليهم ويذبحهم ويرد الشيخه لولد عمه .. فقال هذي الابيات
عليت ياشيخ(ن) يجي فيه وسواس
يطيع دقـةٍ مهـزلٍ فـي مـوده
الناس مثل الناس يامحذي الافراس
والبعد يجلا لك عن الكبـد غـده
ويش انت خابر يوم الارياق يباس
في يوم زملك شرعوا فيه ضـده
الفيت فوق مشمر تعطي الـراس
مثل الفهد ،، وذوابة الجمع اصده
منقول
تحياتي لكم
ومرت الشهور والشهور ،، وقاموا الانذال اللي فتنوا بين الشيخ وولد عمه بتنفيذ خطتهم ،، وقاموا يراددون الشيخ ويخالفون أوامره ووصلت بهم انهم أهانوه وخذوا الشيخه منه ،، فضاقت الدنيا بالشيخ ومادري وين يروح ،، فشارت عليه زوجته انه يروح وينتخي ببن عمه وقالت له تراهو راعي نخوه وراح ينسى اللي سويته به على شان حمية ابن العم ،،
وفعلن ماكذب خبر الشيخ ورح لبن عمه وكان بديره بعيده عنه ،، ويوم جاو وشاف حالت ولد عمه الشيخ أمار الحال اللي ماتسر فنتخى وخذته الحميه وركب فرسه وخذا سيفه ،، واغار عليهم ويذبحهم ويرد الشيخه لولد عمه .. فقال هذي الابيات
عليت ياشيخ(ن) يجي فيه وسواس
يطيع دقـةٍ مهـزلٍ فـي مـوده
الناس مثل الناس يامحذي الافراس
والبعد يجلا لك عن الكبـد غـده
ويش انت خابر يوم الارياق يباس
في يوم زملك شرعوا فيه ضـده
الفيت فوق مشمر تعطي الـراس
مثل الفهد ،، وذوابة الجمع اصده
منقول
تحياتي لكم