المساعد الشخصي الرقمي

مشاهدة النسخة كاملة : نواف ابن ماجد ربيع الفداوي


نايف ابو طفره
05-01-2006, 03:19 AM
اليكم هذه الغزليه وارجو ان تحوز على رضاكم



يامل قلبن بين الاضلاع مجـروح=جرحه عطيب ولا لقيلـه مـداوي
اقـزر الايـام والليـل بالـنـوح=واقنب كما ذيبن حدوه الشـواوي
اسهر طوال الليل والحب مفضوح=اسهر وحسب كل نجمن سمـاوي
عليك قلبي ياريش العين مفلـوح=وانت سبب حال الحزين الشقاوي
تلعب بقلبي لعب طيرن على اللوح=ليل الشتا حاديـه والجـوع زاوي
اليا ابتسمت بذبلن كيف ابـا روح=حار القدم ماني على المشي قاوي
مغير اوقف واكتم السـر مابـوح=مابين خلـق الله وكنـي خـلاوي
يازين مالك بالغرابيـل مصلـوح=ارفـق بحالـي لاتزيـد البـلاوي
انت عديل الروح لاتذبـح الـروح=يالله عسى منت على الذبح ناوي
ياعود موزن ناعمن بوسط الدوح=والعين صيـاد الجـزال النـداوي
في ديرتن ماطبها كـل سـاروح=تلقا لبرق الريش فيهـا حـراوي

اليا فرعه نواف الخرب مطـروح=نواف ابن ماجد ربيـع الفـداوي
ابن الدويش اللي بلا مدح ممدوح=نسل الحرار مزبنين الجـلاوي
اخوان جوزا للمعاديـن ذرنـوح=لاجا نهـارن كاثـرات العـزاوي
كم فارسن من فوق صفراه مذبوح=خلي عشا للذيب والذيـب عـاوي
ياعاذل الولهان مسموح مسموح=مادام موتـه والحيـاه متسـاوي


الامير نواف ابن ماجد الدويش
وسلامتكم
نايف ابو طفره المطيري

الدلوٍوٍعه
05-01-2006, 03:42 AM
انت عديل الروح لاتذبح الـروح
يالله عسى منت على الذبح ناوي

رووعه رووعه رووعه
صح لسانك
ولاهنت اخووي ع هالقصيده الجزله والاكثر من رائعه
الله يعطيك العافيه

الهاوي
05-01-2006, 06:45 AM
ياعاذل الولهان مسموح مسمـوح
مادام موتـه والحيـاه متسـاوي



صح الله لسانك يابو عبدالعزيز
ويستاهل ابوماجد المدح
لاهنت طال عمرك وبانتظار جديدك

الامبراطور
05-01-2006, 06:33 PM
صــــــــح لســــــانك قصيــــــــــدة رائعــــــه

منادي
05-01-2006, 11:47 PM
صح لسانك استاذي نايف
قصيده طيبه وجزله الله لايهينك
اشكرك الله يعطيك 1000 عافيه

و

تحية اعجاب لمن يستحق الاعجاب
منادي

ابن الاصول
06-01-2006, 12:52 AM
صح لسانك أخوي قصيدة رائعه

فيصل الدويش
06-01-2006, 10:12 AM
نايف ابو طفره اسم شاعر مبدع لايخفى على الجميع فقط سجل اعجابي بهذه المعلقه ياعزيزي

وصح لساااااااااااااااانك

وتقبل تحياتي

مفااااااااااااااااااارق

الشلاحي
06-01-2006, 09:46 PM
صح لسانك استاذي نايف

قصيده طيبه وجزله الله لايهينك

تحياتي

العنووووووود
07-01-2006, 01:45 AM
صح لسانك أخوي

عــ الهوى ــز
07-01-2006, 03:21 AM
كم فارسن من فوق صفراه مذبوح
خلي عشا للذيب والذيب عـاوي
ياعاذل الولهان مسموح مسمـوح
مادام موتـه والحيـاه متسـاوي





صح لسانك ويعطيك العافية والله



تحياتى لك

الراهي
09-01-2006, 06:12 AM
ياسلااااااااام دائما مبدع يابوطفره
صح الله لسانك ولاهنت بانتظار جديدك
تحياااااتي

عابر سبيل
11-01-2006, 11:48 PM
صح لسانك اخوي

عطر الليل
15-01-2006, 03:07 AM
ياسلااااااااام دائما مبدع يابوطفره

صح الله لسانك ولاهنت بانتظار جديدك

ولك خالص التحيه التقدير ،،،

نايف ابو طفره
03-02-2006, 02:06 AM
صح ابدانكم
وشكرا على المرور
ودمتم بخير

السنافي
05-02-2006, 11:10 AM
ابن الدويش اللي بلا مدح ممدوح نسل الحرار مزبنيـن الجـلاوي

انا اشهد

يعطيك العافيه نايف

تحياااااااتي لك