الركن الهادي .. لــــ رماد انثي

[رماد انثى]

صباح الورد .. مساء الورد


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


هنا ركني الهادي انثر لكم به كل جديد لي رماد انثي


اقبلونـــي

[رماد انثى]

صدوف الوقت والأيام ورداة الحظ والظلمـه
جنودً من صناديد الزمن حطّت على صدري
غزتني باقنص رماح الغدر واقدت على حلمه
صريعه في زمن أغبر ضعيفه هدني كـدري

[رماد انثى]

انا ومسباحي والدلّه وفنجال وقدوع وطيب
تصبّحنآ على الوحده ولابه مـن يسلّينـا

[رماد انثى]

الا ياجاهلً عنّي وعن طبعي وعن مبـداي
دخيلك لاتحشر نفسك في ناسً صعب معقدها
أنا يالجاهل بنيّه على المآقف تطقّ عـداي
اشبّ النّآر في نوبه وفـي نوبـه اخمّدهـا

[رماد انثى]

واللّه إني بنت قوم(ن) خصّهم رَبّ العبيد
الشّعر خنجر ولدنا .. والبقا بّ الّي دما

[رماد انثى]

الله يصبرني على بعض " النفوس " الحااااااقده..
...اللي تعرضني بحكيها يوم ماجاها رضاااي ..!
.... لافقد " اعصابي " وانا معرووفه عني راكــده.؟
اخاف لامن بعتها ماعاد يمنعني { حيااااااااي}

[رماد انثى]

هنا البعض من كتاباتي والبعض مما اثار اعجابي

[رماد انثى]

إذا ودّك تجي يمّي تصارحني عن المفقود
أنا عضدك رفيقـي لاتعـذّر بالمسافاتـي
صفيت بنيّتي يوم الآوادم في غدر وجحود
لوجه الله سما عقلي عن دروب التفاهاتي

[رماد انثى]

جعل راسي فدا شيبك جعلنـي مفقـدك لاهنـت
وقار ونظرتك هيبه {عميـد(ن)} بيـن عقّـادي
فخر لي يوم قالوا لي شبيهة { والـدك } يابنـت
ماهو بالخلق مير انّه شبه في طبـع الأجـوادي

[رماد انثى]

وفيت ومالقى فيّا سوى صدق وكثير احساس
عشقته واصبح المعشوق اغلا من سكن فيّا
يقولون الهوى يفضح قليبك ياعريب الساس
واقول اوّااه ياعشق(ن) فضح ماقد غدا بيّـا

[رماد انثى]

بعض الوجيه اليا لقتنـي تهلّـي
يامرحبابـك ياعريـب النسايـب
والبعض منهم ايتصـدد ويولّـي
ظـن العريبـه طـارده لزّلايـب
جعل الردى ياخوي واهله فدً لي
واللي بهقواتـه اجيلـه نشايـب
من طبعي الحقران امشي واخلّي
امكثّرين الهرج قـوم المصايـب
العزّ من طبعي ودوسر هلً لـي
مرفوعة الهامات نطح السحايـب
ياخوي لاحدّك زمانك على اللـي
في مجلسه قولً وقيل وخرايـب
ابعد عن علومه وكبّـر وصلّـي
وادع اللذي بامره عمى كل خايب
الموت لاحادا حدانـا وش اللـي
يقدر يسوي لا لفتـه الصلايـب
لاكن عسى توبة ذنـوبً تحلّـي
وجيه العبيد اليا قدا الموت صايب
سلّم على سيد الخلايق وصلّـي
اعداد ماتمطـر علينـا ربايـب

[رماد انثى]

تصبحون علي خير
النوم دعاني ولازم البي

[رماد انثى]

اشوفكم علي خير
مسافره بكره لندن سياحه دعواتكم لي

[رماد انثى]

صباح الخير والاحساس لاحلي ناس

..

..

عدنا من جديد

[رماد انثى]

(نديره) من خوندات العذارى بنتَ شيخ رجال
زبونً لَ المكارم والنّوايـف منـزل إنتاجـه

[رماد انثى]

باعوا الجولان لعيـون الرئاسـه وستلم حافظ من الغـازي ثمنهـا
مارتفع راساً رضا بالـذل ساسـه هضبة الجولان تلعن مـن لعنهـا
شاربا من ساس ابوه الذل كاسـه حافظ النعجه ولـو غيـر لكنهـا
هادم بيوت العرب ظلم وخساسـه ويش يكفي بالنفوس اللي دفنهـا
يا دمشق الحل الا نسب قطع راسه و غسلو بالدم جدرانـن سكنهـا
يارجال الشام عرقه مـن نجاسـه اقطعو عرق اللعيـن الـي فتنهـا
ياحلب ما با قياَ عرف او سياسـه داركم والارض تشكي من طعنهـا
باعوا الجولان لعيـون الرئاسـه حافظ النعجه ولـو غيـر لكنهـا

[رماد انثى]

ياسما نجد أضحكي فـي طلّتـه
المطر جانا بعـد طـول إنتظـار
وأفرحي يَ أرض الرياض بجيّته
يابعـد كـلّ الفيافـي والديـار
المطـر ويّـا السحـاب ولمّتـه
والفياض اللي تباهـا بالخضـار
نعمـة الله للعبـاد . وجنّـتـه
خصّها للحامديـن مـن الخيـار
يالله أجعلنـا مـن اللـي نيّتـه
خالصه لوجهك يبي حسن المسار
يالله إنـا فـي حمـاه وعزّتـه
نشكره جزل العطا ليـل ونهـار