ديوانً الشاعرهً/ سهــامً العبــدلـي

[فادي الشلاحي]

ديوان الشاعره القديرهً،،/سهامً العبدليً,,

[فادي الشلاحي]

لا تصدقني لا قلت انـي قويـت=الهوى والحب مـا أحـدن قـواه
شوف دمعي يا حبيبي لا بكيت=دمـع صـادق لا نثرتـه فـي بكـاه
ساكته من هم قلبي مـا شكيـت=لين حب افلان بيـح لـي خفـاه
ما نويت الحـب والله مـا نويـت=لكـن القلـب المـولـع وش بــلاه
جابتـه بيـض الليالـي ثـم جيـت=واستحـل القلـب وقليبـي هـواه
حط عيني طاقته والقلـب بيـت=والـعـروق أعــز ربـعــه واصـدقــاه
لـو نسيتـه والله انــي لــو نسـيـت=ناسيـه حبـه علـى ذكــرى غــلاه

[فادي الشلاحي]

يا شينها لا نثرت الدمع مـن عينـي=من شان منهو جفاء والقلب محتاجـه
ابعد وغاب الفرح والنـوم جافينـي=من غيبته هاج بحر الشوق بامواجـه
يا روح روحي عليك البعد كاوينـي=والشوق باب الوصل والحب مزلاجه
شوقي على دارك الغايـب يودينـي=والحب ليله طويل ويشعل اسراجـه
يكفي جروح والم لا تزيـد مافينـي=بيديك قلبي سجين ويطلـب افراجـه
ليت البواخر على سيفـك ترسينـي=أشرب من يديك سم القلب وعلاجـه
بين الجفاء والوفاء ضاعت عناوينـي=اسأل عن الصبر نفسي وين مخراجه
ذكرى جفاك القديـم اليـوم تكفينـي=ما ودي أذكر وفاك وسيرة ازعاجـه
خلاص راح الأمل والياس طاوينـي=والناس كلن سعيد ويضحك احجاجـه
أبكي دموعي وحر الدمـع يبكينـي=والرمش محزون عود الكحل ما داجه
والله يا لولا القصيـد اللـي يسلينـي=لأتبع قليل العقـل وأنهـج بمنهاجـه

[فادي الشلاحي]

عامـك جديـد وكـل مـا أناظـر العـام=أذكـر قديـم الشعـر وأذكـر جـديـدك
تستقبـل أوراقـك وتنـزف لـك أقـلام=ويمـوت فـي حـبـك بقـايـا رصـيـدك
في ملعبك ما سجلوا حـرف وأرقـام=ومن هيبتك يصغر أمامـك ضديـدك
شاعر وشعار الوطـن مثـل الأهـرام=مبدع وحرف السيـن دايـم عضيـدك
تفخر بك حروف القصايـد والأنغـام=ويفخـر بـك الميقـاف لأنــه حفـيـدك
سافـر علـى القمـة مـع المجـد قــدام=وبل العـروق الظاميـة مـن قصيـدك
يا حر وبصحراء هوى خاطري حام=ليت الحمامـة لا صفـا الجـو صيـدك
فـي كفـك الأيمـن كوابيـس وأحــلام=وفي كفـك الأيسـر دفـا مـن وريـدك

[فادي الشلاحي]

والله ما يروي العروق المعاطيـش=ياكود حر ويحمل انساب الاحـرار
حرن يحب ويهتوي نتفت الريـش=وشربه من ادمي الحباري بتكرار
ماهو شحيمي عايشن مع خفافيـش=حرن هواوي والابـو خيـر صقـار
ماهو برخمه تشغله لقمـت العيـش=كده على يده ولا يهاب الاخطـار
لاهد يم الصيد كن فيـه تشويـش=ولاينتحي عن صيدته قبـل يختـار
صايم أمصلي مايجـي بالبخاشيـش=شيخن كريم وبالقسى سيـف بتـار
جزل المواقف وبالهوى قمة الطيش=عقله حكيم والقلب بالحـب جبـار
هاذا ظمأ قلبي وبعيـد المناويـش=هو منيتي اللي بها عشـت محتـار

[فادي الشلاحي]

على لوحة الذكرى أثر ريشة الرسام=بقايا من ابداعه على الرسم وفكـاره
رحل واتجه شرقي وحط الأمل قـدام=وقال الوفاء والحب عنوان مشـواره
تروح السنة وكل لحظة تساوي عـام=تمر الدقايق تشوي القلب فـي نـاره
على رسمة اللوحة مجاريح سود ايام=ملامح شبيه أنسـان والنـاس زواره
يمر الفرح قلبي وعيني تعيش أحـلام=لا شفته يزيل الهم والقلـب يختـاره
نست لوحة الذكرى حبر ريشة الرسام=نست فكره المبدع وفنه مع أشعـاره

[فادي الشلاحي]

على جدار الحب قصـة اليمـة=قد عشتها يا راعي الطيب وياك
أنا يتيمة قبل لا أصبـح يتيمـة=أنا وحيدة عقب أو قدم لا القاك
يا ناكر المعروف مأني غشيمـة=سافر عن ادياري وجمع بقايـاك
ما أقول سافر لأن طبعي لايمـة=لكن أبيك تعرف وشهي خطاياك
دوك المشاعر من فعولك سقيمة=هاذي بقايا منك هاذي ضحاياك
ما كنت أظن عني بتسمع نميمـة=ولا أظن اتصدق اعداي واعداك
ترى كفاني من زمانـي هزيمـة=متساويه عندي وصالك وفرقاك
اسلا مع التالين وأنسى القديمـة=وأنا يسليني خيالـك وذكـراك

[فادي الشلاحي]

ويلاه ياقلبي مـن الحـب ويـلاه=ويلاه شف حبك ذبحني واناحي
لولاه قلبي مـا يصافيـك لـولاه=لولاه بعيوني ماتسـوى ولاشـي
عزاه يا فرقا المواليـف عـزاه=عزاه ياحظي طواه الزمـن طـي
فرقاه يا حكم المقاديـر فرقـاه=فرقاه ظلما والظمأ يسـأل الـري
لاماه ليت الوقت يسمـح بلامـاه=لاماه من جرح الزمن لي تشفـي
دنياه يا دنيا المقاسيـم دنيـاه=دنياه زانت له وإنا عزرت فـي
مركاه يابخت المجالس بمركـاه=مركاه مركا الطيب عز وفخر لي

[نــجــم]

صح لسان الشاعرـهــ

وصح نقلك

اشكرك على النقل الرائع

[فادي الشلاحي]

مشكور على مرورك
تقديري
,,

[يارا العامرية]

صح لسآن الشآعرة , وصح اختيآرك ..
عافاك المولى وأسسسعدك ..
تقديري ~

[فادي الشلاحي]

مشكوره على مرورك وتشريفكً

[سلطانة]

http://www.halauae.com/uploads/images/alsaher-3814931317.gif

[فادي الشلاحي]

مشكوره على مرورك وتشريفكً

[العنيــــدهـ]

سسسلمت يمناك على رووعة الإيراد
يعطيك العافيه
!..❥

[فادي الشلاحي]

مشكوره على مرورك وتشريفكً

,,