المساعد الشخصي الرقمي

مشاهدة النسخة كاملة : دموع السنين ..


مسيّر الحريّص
02-05-2011, 08:59 PM
السلام عليكم

أشياء متواضعه ستكون هنا من بوحي

أتمنى ترضي لو الشي القليل من أذواقكم

.
.



الله يعضونا عن اللي فقدناه=والله يرحمنا ويرضى علينا
ماضي جميل وكلنا مانسيناه=بس الوفاء مع بعضنا ماوفينا
درب المحبه ليتنا مامشيناه=لولااه مادار الزمان وبكينا
ماقدّره ربي علينا بنلقاه=حنا بشر وش باقين في يدينا

مسيّر الحريّص
02-05-2011, 09:01 PM
ياللي قصيدي تحبينه وتقرينه=أحداث الأيام والأقدار حدتني
ماهو بنا اللي قبل مده تعرفينه=دنياي هذي على ماحب ماجتني
أنا على حال ماودي تشوفينه = نظرات الأقراب والأصحاب كفتني
اللي جمعناه ماحنا بناسينه=ودتك الأيام .. والأيام ودتني

مسيّر الحريّص
02-05-2011, 09:02 PM
هذي هي ظروفي وهذا نصيبي=وأنتي بكيفك سوي اللي يريحك
متى ماحبيتي تغيبين غيبي=بس أعرفي حاجه تراني مسامحك

مسيّر الحريّص
02-05-2011, 09:05 PM
لو للغياب لسان عنّا وش يقول=ياصعب كل اللي بـ ينقال عنّا
صح أتفقنا بس غبنا على طول=أمن الزمان المر .. ماهو بـ منّا
من يوم غبنا مافقدنا ولا زول=اللي تلوع من قسى الوقت حنّا

مسيّر الحريّص
09-05-2011, 01:58 AM
.
.
لاتاخذك بسمة الأيام لـ بتسمت
كم ليلة دمعتك بيدك مسحتيها

حتى الأماني من الأيام ماسلمت
وإنتي إلا الحين وش فيها ووش فيها

مسيّر الحريّص
15-05-2011, 12:59 PM
.
.

ماعاد ياعيني بقى دمعةً فيك
أن ماعذرتيني عذرني زماني

يرضيك شي وشي ماعاد يرضيك
اللي حصلي من وراهم كفاني

ماكل حاجه ياعيوني تبكيك
بكره يعلمهم زماني مكاني

نويت أخلي للمقابيل ماضيك
مع الزمن من كان صادق يباني

مع السلامه لاتقولين وشفيك
يكفيني يومنك بكيتي عشاني

مسيّر الحريّص
14-04-2012, 02:01 PM
اليوم موعد للمواجع والأحزان
من غايبّ غير غيابه حياتي

له شوق لامنه طرالي وتحنان
مانساه غير بـ نومتي وبـ صلاتي

مسيّر الحريّص
14-04-2012, 02:05 PM
يارب ماحنا من الحزن خالين
كل ماتذكرنا عذابك .. بكينا

حنا العباد الغافلين الضعيفين
ندعيك تغفر ذنبنا وتهدينا

مسيّر الحريّص
01-06-2012, 02:51 AM
http://www.youtube.com/watch?v=yH7CtXZBu_s

مسيّر الحريّص
01-06-2012, 02:58 AM
ياللي على بال القصايد تمرين
ويكتبك شاعر ماتصنع حنانه

ياكثر ماكنتي تجينه وتقرين
كل القصيد اللي يقوله لسانه

كل ماطريتي له كتب فيك بيتين
من صادق أحساسه وصادق كيانه

مسيّر الحريّص
11-08-2012, 04:22 AM
مشكور ياللي ماصدق مع فواده
ياليتك تحس بخطاياك لاخطيت

زودة بغيابك جروحي زياده
تغيب دايم بس هالمره أبطيت

من يومها الخفاق معلن حداده
تركتني في وجه الايام واقفيت

ذكرى ليالينا ياذكرى بعاده
لو منت غالي ماذكرتك وحنيت

الحلم ماعادة بلاده بلاده
اليوم شفني عن طموحي تخليت

مرات أقول الحزن بالعين عاده
توي عرفت أكبر ذنوبي وحسيت