قصايد الشاعر سند بن فالح الميموني

[نــجــم]

قصايد الشاعر سند بن فالح الميموني

[نــجــم]

ياهل النضاء ريضوا لوانتم اعجالـي =لاننـي اكتـب تماثـيـلٍ مرتبـهـا
تريضوا لاين اسجل ما علـى بالـي =واكتب بلدن الـورق ممدالـي اكتبهـا
وليـا لفيتوبلدكـم حاضـر الحـالـي =رسالتـي وصلوهـا عنـد صاحبهـا
ثمرة فؤاد الضمير المشخص الغالـي =عندي يشادي الجواهـر فـي قوالبهـا
لو جمعت لنا الدنيا أولها مـع التالـي =وقالـوا تبيعـون قلنـا مانبيعبـهـا
الا على من اشترى الانفاس والمالـي =نرجي من الله عسانـا مـا نشحبهـا
وقولوا ترى امك تهل الدمـع همالـي =من يوم جاها الخبر صكت حواجبهـا
وانا تذكرتكـم فـي ماضـي الحالـي =ولانـي بشيـل العلـوم ولا مكذبهـا
اللي مضى ما نصدق فيـك الاقوالـي =لوكـان قامـت تبيـن لـي جوانبهـا
يوم انت معنا نشوفك وانـت رجالـي =ونفسك على طاعـة المولـى تهذبهـا
ماتمرح الليـل كلـه غيـر ولوالـي =والعين ماها على الوجنـات تسكبهـا
واليوم تذكر لنا في صف الا نذ الـي =اللي تحلق اللحـى وتعفـي شواربهـا
وش ماجرى لك على تغيير الاحوالـي =والروح مطلوبـةٍ وآنـت حضايبهـا
انته نسيت المعـاد وروحـك الغالـي =ولاّ تناسيـت واعمـالـك تخربـهـا
نسيت يـومٍ تشيـب فيـه الاطفالـي =يـوم القيامـه ليـا شبـة شبايبـهـا
ان زلزلت بالبشـر والجـن زلزالـي =وكلٍ على ما جنـت نفسـه يعاتبهـا
المرضعة عن ولدها تذهـل اذهالـي =من هول ماعاينـت شابـت ذوايبهـا
وتساقطـت بالأجنـة ذات الاحمالـي =من نفخة كـدرت صافـي مشاربهـا
والقت جميع الخزاين كـل الاجيالـي =من لدن ابيهم إلى آخر مـن يعيشبهـا
وتطايرت في الايادي صحف الاعمالي =احدن لقاء خيـر والاخـر مخربهـا
ولياانتهـت مدةالموقـف والاهوالـي =وكـل لقـا داره الاخـرى يقيمبهـا
أحدٍ سكن في الجنان ومنـزلٍ عالـي =واحـدٍ ورد حفـرةٍ يصلـى لهايبهـا
واتنه على المنظـره وتسلـم ريالـي =تدفـع دراهمـك والسنـه تحاربهـا
ولليبـي الا انهـا تتبـع لهـا تالـي=الناس في دينهـا كثـرت مصايبهـا
وخوفي من اللي عساها مالهـا والـي =اللي على الجسـم ساريتـن تجاربهـا
أنباْ يقولـون عنـدي ضيقـة بالـي =ونقل الوسايل معـاً كثـرة عذاربهـا
ونصيحتي لاتتيه بطرق الا نـذ الـي =اترك سبيـل المهالـك لاتتيـه بهـا
لا تنخـدع للهواء وغـرور دجالـي =اترك هواء النفس لو النفس تغضبهـا
اتبع سبيـل النبـي بكـل الاحوالـي =تسعـد بدنيـاك والجنـه تفـوز بهـا
والعلم ما ينتفـع بـه غيـر رجالـي =ولاتنفع الموعظة في غيـر صاحبهـا
وياحيف يامن عليه الحـرب سجالـي =عليه حـرب ضـروس ولا يحسبهـا
في اعماق جوفه يدخّل سوء الانكالـي =ويكمد علوق الضمايـر ليـن يتعبهـا
لاهو بصاحي ولا يحكـم لـه هبالـي =مستسلـمٍ للعـداء يدفـع ضرايبـهـا
ولو تنصحه ما يستمع في عذل عذالي =يجيـك باعـذار واهيـة جوانبـهـا
متى يفيـق المكبـل قبـل الأغلالـي =وينظربعين البصيـرة فـي عواقبهـا
قدام يـوم التنـاد و وزن الأعمالـي =لعـل ميـزان حسناتـه يميـل بهـا
ومن يتبع النفـس حملتـه بالأثقالـي =هيهات يا اسير نفسـه فـي مطالبهـا
يسعى وراء ما تريد ويرخص الغالـي =لين اصبحت في منون الموت قاضبها
ناس ليـا فـارق الدنيـا والأطفالـي =وانهـل مـا العيـن فاقـدة حبايبهـا
والقوه بيـن اللحـود بموقـع خالـي =مالـه سـوى الله فيـات يلوذبـهـا
ماعنـده إلا كتـاب فيـه الأعمالـي =بمسطـرات القلـم رقيـب كاتبـهـا
يا غافل عن مصيره وقـت الامهالـي =ارفـق بروحـك ونفسـك لا تعذبهـا
وبادر إلى طاعـة المعبـود بالحالـي =قـدام ران الخطايـا عنـك يحجبهـا
ومن تاب لله و اخلص كل الأعمالـي =واقلع عن المعصية ما عـاد يقربهـا
الله على ما يشـاء يحكـم ولا يبالـي =إن شاء خطاياك لك حسنـات يكتبهـا
هذا وصلوا عـدد مـا هـل همالـي =على النبي عـد مـا تـذري هبايبهـا

[نــجــم]

يا طارشٍ من وطنا صبـح عجلانـي = زلباتكـم شاسـع البلـدان يمسـنـه
ليا وصلـت الدياروتلـك الأوطانـي = جوابـي الـلـي عليهـنـه يـودنـه
للصاحب اللي عليه القلـب و لهانـي = و الحب منـي عليـه عيونـي أبدنـه
بذلت فيـه الجهـود بقـدر الامكانـي = مـع ماتيسـر مـن القـرآن والسنـة
واليوم يا صاحبي هيجـت الاشجانـي = وعيونـي الساكنـات الدمـع هلـنـه
ضيعت فيك الدليل وضـاع عرفانـي = وطقيت من مـا يجينـي طقـة البنـه
و الهم يـا صاحبـي قـام يتحدانـي = ومادار حول الضمير العيـس جابنـه
عقب الغلا و المحبة كيـف تنسانـى = وتسلك طريقن جعل في خاطري لنـه
و أنا محذرك من هفـوات الأخدانـي = ومن عاش في منقـع الأقـذار هاننـه
وعصيتني واتبعـت فـلان و فلانـي = وشاركتهم في القبيـح بجوفـك تكنـه
قذرن مذاقـه ومنـه الفيـد دخانـي = حتى الجعر والحمير الخضـر عافنـه
و مع القذارة خبيث وعمـل شيطانـي = مع الأسف يـا نفـوس مـا يعزفنـه
يخرب الجـوف و يسـود بالأسنانـي = وحام الزقاير علـوق القلـب يشونـه
و المبتلا به عن الطاعـات كسلانـي = حتـى المساجـد ليـا جاهـن يملنـه
أعني صفوف الجماعة و اهل الإيماني = انفاسهـم ريحـة الأقــذار ينفـنـه
ومتى يقولون عدت لصف الأخوانـي = وخليت تلـك القـذارة سامـحٍ منـه
يرقص طرب قلبي المحزون فرحاني = ويخسر قرين الندامـه خايـب ضنـه
و ارجوا عسى الله يوفق كل حيرانـي = لما يقتضيه الكتـاب وطاهـر السنـه
ويغيث قلبـن تلاشـا منـه الإيمانـي = وكمايـن الفيـه الـسـود يتحـدنـه
وعن ما جراله يتوب ويعلن إعلانـي = ويقـول تبـت وعلـي لربـي المنـه
ومن مات في طاعة الشيطان خسراني = ومن يتبع إبليس ما حلصت له الجنـه
يقوم في زمرته في النـار حسرانـي = واللي معه من جنـوده أنسـه وجنـه
ويلقي خطابـه ذليـلٍ واه الأركانـي= قـد بـان ماكانـن الأحقـاد يخفنـه
ويقول محـدٍ جنالـك أنتـه الجانـي = وماتجحدونـه جوارحـكـم يعـدنـه
الله وعدكـم وعـد حـق وبرهانـي = ومن طاع ربه جـزاه اليومـه الجنـه
ووعدتكـم وعـد كـذابٍ وخـوانـي = ونـداي الأجـوف ضمايركـم يلبنـه
ما اخذتكـم بالكتـاب ولا بسلطانـي = ولوموا أنفسكـم عليـه مالكـم منـه
كلن يجـازا بعملـه جـن وانسانـي = ولـو يتعـذر أعـذاره مـا يفيـدنـه
في موقف صعب ما يوصف بالأذهاني = وما سجلوه الكرام الصحـف يحصنـه
ما يسألـون أحـدٍ أنـس ولا جانـي = كلـن بسمائـه أعينـهـم يعرفـنـه
وما فات بالأمس ما ادراكه بالإمكانـي = واللـي بسـود الليالـي مـا يردنـه
لو كان توب وتدارك يومـك الثانـي = ولعل حسناتـك اللـي فـات يمحنـه
والخاتمه من كلامي ياهـل الإيمانـي = أبا دعـوا اللـي ضمايركـم يحبـنـه
أبادعوا الله و قولوا أمين يـا اخوانـي = ولعل سبـع الطرايـق معـي يدعنـه
يا رب أغفـر خطايايـه و عصيانـي = وليـا توفيتنـي تدخلـنـي الجـنـه
وامنن علينا بعفون منـك واحسانـي = أنت أهل العفـو والإحسـان و المنـه
وصلوا على المصطفى من ولد عدناني = أعـداد مـا ماهـن الأمـزان هلنـه[/poem]

[نــجــم]

use=ex num="0,black"]
ياهيه ياللي تهل الدمع همالي = هون عل العين لاتجرح مذانبها
لاتستمع في كثير القيل والقالي = ومخبيات الأمور المرء احسبها
لوقالوا الناس فيك فلان رجالي = وانته بعكس القضيه ماانتفعتبها
ولوجمعوا فيك تلفيقات واهزالي = وبرامج اقوالهم كلن يذيعبها
وانته على الحق للحسنات فعالي = نفسٍ مع الله مايهتز جانبها
ورسالتي عندكم تضرب بها امثالي = لوانت مثلي وانا مثلك لفوزبها
حيث انها واضحه في كل الاشكالي = وتحمل بطياتها صافي عجايبها
نصيحتي للجميع كهول ورجالي = ماهي لمخلوق والاخر مجانبها
اخذتها من دليل يشرح البالي = ومصادرٍ حق عذبات(ن) مشاربها
واطنبت في جمعها بالجد والحالي = واذكر اللي يبي نفسه يحاسبه
قبل الحساب الدقيق اصعب من الآلي = وميزان قسطٍ وبالذره يطيربها
واكرر النموعظه معكم ولاابالي = الاان نفسي ولي العرش قاضبها
شدوا وجدوا عسى الله يرحم الحالي = ترى المواعيد دانيةٍ حضليبها
عمر الفتى قرض عاريه ولو طالي = ولازم ترد العواري عند واهبها
ونفس الفتى من حبايل كل دجالي = ومن يتذبعها تحذفه في مصايبها
ومن حقق المعرفه في كل مايقالي = ومخالفات الدعاوي مايهمبها
وسلك طريق النجاه بكل الاحوالي = واقبل بقلبه على نفسه يحاسبها
ينجح لياوفقه عزيز الاجلالي = روحٍ على طاعة الله مايخيبها
ولاتكلف النفس غير الوسع بثقالي = واحذر ورى ماتطيقه لاتعذبها
وحذرى التعنت ترى فالناس جهالي = والرفق وسيلةٍ تحمد عواقبها
والمرء ماعاش بين اقفاي واقبالي = لابد من نومةٍ كبرى ينومبها
احدٍ وجد غير مايطري على البالي = من بهجة الروح خيراتٍ بلذبها
واحدٍ ورد حفرةٍ مليت بالانكالي = وعليه نفس الندم ضاقت مذاهبها
وكله جزى ماعمل في يومه الخالي = ايام وقت الحياه اللي يعيشبها
وصلوا عداد الحجر واشجار وتلالي = واعداد رمل النفود ومايقاربها
على نبي الهـدى بالقلـب والبالـي =حتى علوق الضماير مـع ترايبهـا
ارجي عسانا معه في منزلٍ عالـي =في جنت الخلد نسكن فـي مواكبهـا

[نــجــم]

يالله ياربـنـا ياخـالـق الـكــون = اخفظ شباب الوطن من من يضلونـه
لاشبـاب الجزيـره ويـن تبـغـون = الناس تبني الوطـن وانتـم تهدمونـه
وش عندكم يـوم للخـارج تروحـون = نسيتـم اخطـارهـم ولا تنيسـونـه
كان الغرض مـن وسايلهـم تلقـون = افكاركم خاطيـه ماهـي بمـا زونـه
واصل البشر مـن طبيعتهـم يزلـون = ومن يتبع النفس ضل وكثرت شطونه
تفكـروا بالخـوارج وش تشـوفـون = ماحـرم الله عليهـم هـم يحلـونـه
ودايم على مستـوى العالـم يعيثـون = وما جاء عن المصطفى هم ما يعرفونه
والحق واضح ان كان الحـق تبغـون = في منبع العلـم كـان انتـم تريدونـه
وحكامكم لاحسـن الاخـلاق يدعـون = واللي يبي طاعـة الله هـم يعينونـه
ياطول مـا هـم لديـن الله ينـادون = من عهد حام الوطن ومسيس ركونـه
وهم علـى عهـد والدهـم يسيـرون = علـى الشريعـة وديـن الله يقيمونـه
والناس من نـازح الاقطـار يلفـون = من شاسع الـدار بيـت الله يحجونـه
وكلٍ على ما لقاء مـن جهـد يثنـون = ما يجحدون الكـرم وهـم يشوفونـه
وانتم وراء ما يقول النـاس تجـرون = عبئـا علـى حاضرامتكـم تهنـونـه
انـتـم تشـوفـون ولا ماتشـوفـون = الفـرد والمجتمـع كـلـه تحـدونـه
جيرانكـم مـع عوايلكـم يضـجـون = ياحيف يـا علمكـم واللـي تجيبونـه
وافعالكم في وطنكـم فعـل مجنـون = فعـل قبيـح و للسـنـه تضيفـونـه
خالفتم الشـرع واصبحتـم تهجمـون = على الاهل والوطن واللـي يزورونـه
تذكروا فـي وطنكـم مـن تحربـون = أمٍ حنونـن وطفـل شابـت عيونـه
وابوك عقله ذهـل والقلـب محـزون = وامك تهـل العبايـر تقـل مجنونـه
وانتم على غير مـا يبغـى تموتـون = الله عصـم دمكـم وانتـم تهدرونـه
وهذا الذي منكـم الأعـداء يريـدون = إبليـس عدوكـم وانتـم تخدمـونـه
ولا قول أنـا كلكـم مـن ذا تعانـون = فيكم رجالٍ علـى التوحيـد يحمونـه
انتم حماة الوطن مـن مـن يعبثـون = والحق ما تقبلون العـذر مـن دونـه
والواجـب اللـي تكلفتـوه مضمـون = مـع شايـت الله لواجبكـم تـودونـه
لكـن شـرذمـةٍ قـامـوا يـشـذون = وتورطوا فـي دروب غيـر مامونـه
حتى اصبحوا بالمعاصـي مايبالـون = وقتل النفـوس البريـة مـا يهابونـه
وهذي صفه من وصايف قوم فرعون =ومن يتبعه ما لقـاء فرعـون يلقونـه
قولوا لهـم عـن جرايمهـم يتوبـون = واللي مضا مـن خطاهـم لايعيدونـه
وقولوا لهم كان هـم للحـق يبغـون = ومن يطلب الحق يلقـاء مـن يدلونـه
لعلّهـم عقـب غفلتـهـم يفيـقـون = وليا تبيّـن طريـق الحـق يعطونـه
ونصيحتي للجميع إن كـان توحـون = من قلبٍ اشفق لكم من مـا تريدونـه
أقروا كتاب العزيز إن كـان تقـرون =والفرق فـي محكـم الايـات تلقونـه
هذا وصلوا عـدد مـا هلـت مـزون = على النبي عد ما الحجـاج يطرونـه

[نــجــم]

num="0,black"]
يالله ياللي هل التوحيد يرجونه =يارافع السبع ومسير كواكبها
اعز الاسلام واخذل من يعادونه = واسبغ علينا نعمك اللي نعيشبها
ياشعب الاسلام خل الغرب ولحونه = واترك قناة الفسق واللي يبثبها
هل عندكم شك فالتوحيد ومتونه = ودلايله واضحه مااحدٍ يشكبها
ومصادره محكم الايات تقرونه = اللي سلفكم تمسك به وفازبها
وبلادكم زاخره بالخير مامونه = وحكامكم بالشريعه عند واجبها
يمشون بالحق والجاهل يدلونه = وامن الوطن والمواطن من مطالبها
ولاهم بدخلٍ عليكم ماتعرفونه = منكم وفيكم عريباتن مناسبها
كم دولةٍ ماتعرف اللي يحطونه = وياسعِد قوم(ن) حكومتها قرايبها
تذكروا مامضى وانتم تخبرونه = وش ماجرى قبل اخو نوره وصاربها
ناهب ومنهوب والعاجز يهينونه = ولايرحمون الضعافا في مصايبها
ونادى بصوتٍ وكل الناس يوحونه = ولبت رجال تناضل دون واجبها
وساروا على الحق والخامل يغيضونه = مع درب حرٍ على السنه يدربها
وحّد صفوف الأسلام وسيس ركونه = عساه فالجنه العليا يفوزبها
والفئه اللي تنابح تقل مجنونه = وعقولها غافله عما يرادبها
واهدافها منبع الاسلام يلغونه = تخطيط صهيون ماتحمد عواقبها
يااحفاد من دينهم بالحق يحمونه =مع سنة المصطفى تجري مواكبها
اللي يهدد وطنكم لاتطيعونه = لوهو قريب النفوس من حبايبها
ماهو بلصٍ مع الكفار يشلونه = متمثلٍ بين صاحبتن وصاحبها
مابين راقص ورقّاصه ومأسونه = وطوايفٍ كلها ضاعت مداهبها
وحش(ن) وراء الغرب يبغاكم تطيعونه = ومحاولاته عقيدتكم يخربها
انتم عرفتوه والاماتعرفونه = الطغمه اللي لكم تجمع ثعالبها
طغمة جنود الفقيه اللي يقولونه = وشرذمةٍ كلها دغمٍ شواربها
شذوا عن الحق والجاهل يضلونه = ويحرفون الحقايق عن مراتبها
والحق واضح ان كان الحق يبغونه = ولايتِبع اللي تعاليمه يقلبها
لو إلتبس في نظر من لايعرفونه = انشد هل العلم واخذوا من تجاربها
والفئه الباغيه ماهي بمأمونه= وجنوده اللي على الفتنه يودبها
منهاجها من بلاد الكفر يجنونه = تباً لقومٍ جنود إبليس تدبها
واللي يخالف هواها مايريدونه= جريٍ وراء ثعلبه هاذي مطالبها
ياحيف والله على قومٍ يطيعونه = وعقولهم من صميم القلب يسلبها
هذا وصلوا عدد ماهلت مزونه = على النبي عد ماهبت هبايبها

[نــجــم]

هذي رساله وبسم الله مبداها=وجهتها للجميع وللخصوصية
راحت على اللي بعيد الدار ممساها=اسبق من الريح مع دارٍ خلاوية
إن روحت مع رقاق الحزم حلياها=طخافه يوم تنحاها شماليه
تحمل بيوت مع المندوب وداها=للشعب كله خصوصه والعمومية
نصيحة من عميق الروح قلناها=من واقع الحال ماهي بالتجورية
المملكة كلها أقصاها مع أدناها=في عنق من ينتمي لاسم السعوديه
اللي ربتناوعشنا في ثناياها=ما يستهان بشرفها طرفة شوية
ياشعب الاسلام حارب من تمهزاها=ولاتنخدع مع خبيث النفس والنية
اللي يحاول يحطم صرح مبناها=وصداقته مثل ملبس ثوب عارية
وبلادنا ماتخضع لكل من جاها=اللي على الحق والتوحيد مبنية
والله لناضل واحارب من تحداها=مادمت أنا حي والدولة سعودية
وحكامنا اللي على التوحيد منشاها=درع الجزيرة لهم سلام وتحية
سقم المعادي ليا بانت نواياها=ليا اختل وزن المخامر خارب النية
يلقنونه دروس ما تنيساها=مدة حياته بعمق القلب مخفية
وخيراتهم للمواطن قد عرفناها=ياحيف يامن يجاز الخير بالسية
والمصطفى للملى وضح رعاياها=وكل بمقدور دوره ريس رعية
ومن خالف السنة الغرا ومعناها=خسران واعمالهم ماهي بمرضية
وقتل النفوس البرية من خطاياها=وازهاق الارواح من كباير السيه
أعمال تخريب للشيطان سواها=ومن يتبع ابليس ضل وطاح بدهيه
وصلوا عدد وبل غراً نثرت ماها=هلت مطرها على دارٍ سناوية
على النبي ماتعاقب نبت مرعاها=من ليلى الأفلاج إلى تيما وجلدية

[نــجــم]

يابو هـلا نبـي نهيـف بمسيـار=لابـو محمـد مدهـل الغانميـنـي
راعـي دلال خالـطٍ بـن وبهـار=مع منسف عليـه كبـشٍ سمينـي
وصنية تعرض على الضيف والجار=يشبع بهـا التالـي مـع الاولينـي
ابن شرار ان كان بانـن الاسـرار=ويانت نوايا اعدائـه المغرضينـي
يركي على كبد المعاديـن الامـرار=ان ضاعت الحيلة وبـاه الفطينـي
تفرح به الثكلا ليا صـار ماصـار=والناس عن موضوعهـا غافلينـي
ياطول ماله موقف عنـد الأخيـار=مواقـف الطيـب مـع الطيبينـي
اميـر سلفـانٍ يوالـون الأخطـار=جـده وابـوه وحيـه ألأوليـنـي
ولد الشجاع ليا اختلط عج وغبـار=وتناولـو قـب الرمـك راكبينـي
يركب بسيفٍ يصرم العظـم بتـار=إن ضيعـت خلانهـا ام الجنينـي
حماي شولٍ مرتعه نبـت الأقفـار=مدهالهن الخوف فـي كـل حينـي
وسميـةٍ زامـت بختـري ونـوار=وعنهـا النشامـا كلهـم هايبينـي
يرعونها ربعي طويليـن الأشبـار=بسلـبـات يقطـعـن الوتيـنـي
ياما خذوا من شمخ النيب وابكـار=مع درب اخو ساره معز الحزينـي
عقيد زلبـاتٍ يجوبـن الأخطـا ر=يقطع بها الفرجـة بقلـبٍ رزينـي
امير مع عبر التواريـخ لـه كـار=يفخر بها الضرغام خطل اليمينـي
لهم على وضح النقا صيت واذكـار=يشهد به الماضيـن والحاضرينـي
تاريخهم معروف في كـل الأقطـار=في عصرنا الحاضر وماض السنيني
هذا وصلـو عـد ماهـل الأمطـار=علـى نبـي خاتـم المرسليـنـي

[نــجــم]

بديـت بسـم الله وبسمـه بدينـا=وانظم كلامٍ فيه حبر القلـم سـال
يابوهـلا حيـاك حنـا دعيـنـا=نبي نسير يـم ماضيـن الافعـال
لعيال ابن شبلان هيـف السمينـا=نطاحت الواجب على كل الاحـوال
نبـا نشاركهـم مـع الحاضرينـا=وفرحة صديقٍ مثلهم تشرح البـال
ورغم الضروف بحاضر الحال جينا=ولمشاهد الغالين تركنـا الأشغـال
يا أمير في تقصيرنا اللـي علينـا=نبا السموحه منك ياذخر الأبطـال
شبل الفهـود مدلهيـن الحزينـا=حمّاية الساقه ليا ضاقـت الحـال
رجّالهـم يثنـي بقلـبٍ رزيـنـا=إن حل في تال المناعيـر ولـوال
وإن قلطوا عوص النضا راكبينـا=لهم على صم الرمك صيت وافعال
من غب كاينهم سـوات الغشينـا=دمعٍ علـى خـد الغناديـر همّـال
يبكـن شيـخّ عانـق الأوليـنـا=خلنه الزلبات فـي خافـق الـلال
من كونهم خلّـي يجـر الونينـا=واصبح تدور عشقته فيه الأبـدال
هذا وهـم عـن مدحنـا مغتنينـا=تاريخهم سابق وفي حاضر الحال
وصلوا على المبعـوث للعالمينـا=صفوة عباد الله في كـل الأحـوال

[نــجــم]

يامـل قلـبٍ كـل ماقيـل عـيـاش=يجـض جضـة جايعـات الذيـابـه
ماهو جزع مني ترى الحي لوعـاش=لـو طالـت الايـام يفنـى شبابـه
مير انتبه يامن مصـرٍ علـى مـاش=ويديـه تجنـى مايـسـود كتـابـه
لاتنخـدع للأمـل والأمـل غشـاش=لابـد كـلٍ قـد عميـلـه غـدابـه
مرحـوم يامـن للمواجيـب حـواش=ولو صكـت البيبـان ماصـك بابـه
وجهه على مر العساير كما الشـاش=يوضـي كمـا بـرقٍ بليـلٍ سرابـه
عقب الحياه اللي مضت تدهش ادهاش=اليـوم منـه الـدار خالـي جنابـه
اتلى العهد به يوم حـاول بمطـراش=وحان اجله المحتـوم محـدٍ درابـه
وخلي طريحٍ بيـن حمـا والأوبـاش=ينسف عليه الطاش عطـبٍ صوابـه
وحطو عليه من الطواليـب رونـاش=وهلـوا علـى قبـره نثايـل ترابـه
الله عسى قبـرٍ نـزل فيـه عيـاش=من سلسبيـل الخلـد عـذبٍ شرابـه
وارجو عساه من الزبرجد له فـراش=وعساه يعطـى فـي يمينـه كتابـه
أوجزت مضمون القصيده بما حـاش=صاف الكلام اللـي صحيـحٍ جوابـه
وصلوا على المختار ماهل رشـراش=وعـداد ماهلـت مـزون السحابـه

[نــجــم]

يالله ياعـافـي عــن المذنبيـنـي=اغفر خطاي وما اقترفته من اجـرام
وارحم جميـع اخوانـي المومنينـي=وأغفر لمن ماتوا على دين الأسـلام
راح الشهـر واللـي بقـا ليلتينـي=والعمـر تطويـه الليالـي والايــام
وإن جيت ابي انسى ماضيات السنيني=ذكرتنـي ياعبيـد ماقلـتـه الـعـام
ذكرتنـي مـن كـان دايـم يجينـي=وليا دخل تال الشهـر عندنـا صـام
ياطول مالـه موقـفٍ عـن يمينـي=ليـا تعـذر تالـي الليـل مـن قـام
واليـوم حـال البعـد بينـه وبينـي=واللي مضى من رفقته كنهـا احـلام
ارجـو عسـاه برفقـة الصالحينـي=في جنت الفردوس فـي دار الاكـرام
وتنبـهـوا للـمـوت ياغافليـنـي=وأخـذ الحـذر قـدام زلات الاقـدام
وتفكـروا فـي كثـرة الراحليـنـي=كم راح منكم كـل عـامٍ بعـد عـام
ولافـرق بيـن مقيـم ومواطنينـي=من حان وقتـه راح والفصـل قـدام
وكـل الجميـع لبذرهـم حاصدينـي=وفالأخـره ماينفـع اللـوم مـن لام
عند الحقايق كـل شـي(ن) يبينـي=ترفع نتايجهم علـى روس الاعـلام
احـدٍ كتـابـه يـاخـذه باليميـنـي=ومختـمٍ لـه بالسلامـه والاكــرام
وأهل الشمـال لسعيهـم خاسرينـي=لـو يتـنـدم مايفـيـدن الانــدام
هـذا مـع الاخـيـار والطيبيـنـي=وهذا مدلـس مـع خليعـات الافـلام
والامــر لله احـكـم الحاكميـنـي=سبحـان عـلام السرايـر والاحكـام
لو كانت الدنيـا جـزاء المحسنينـي=ماعاش فيها من يعبـدون الاصنـام
خـدّاعـة الجـهـال ومضلليـنـي=مواطـن الدجـال سقطيـن الأفهـام
ونصيحتـي لأخوانـي المومنيـنـي=تدبـروا القـرآن فـي كـل الايـام
واذكر جليل الملك فـي كـل حينـي=ولا تنخـدع للـي يبثـون الاعـلام
واخـذوا بسنـة خاتـم المرسلينـي=دينٍ سوا ديـن النبـي كلـه اوهـام
ومن يبتغي من غير الاسـلام دينـي=خسران لو قالوا لـه النـاس عـلاّم
مكتوبٍ اسمه في اسفـل السافلينـي=والله مـاهـو للمخالـيـق ظــلاّم
من تاب قبل الموت صـدق ويقينـي=الله كريـم ولمـن يتوبـون رحّـام
والله بكـم ارحـم مـن ام الجنينـي=تجـد ولدهـا حـي قـدام الاعـلام
كـلام مـن هـو قـدوة المرسلينـي=نبينـا المبعـوث عــزٍ لـلأسـلام
هـذا وصلـوا عـد وبـل الغشينـي=على النبي المصطفـى خيـر الأنـام

[فادي الشلاحي]

تسلم يمينك على هذا الطرحً الراقي

[يارا العامرية]

صح لسآن شآعرهآ وصح اختيآرك الرآئع ..
عافاك المولى وأسسسسعدك ..
تقديري ,,

[نــجــم]

تسلم يمينك على هذا الطرحً الراقي
يسعدني ويشرفني مرورك العطر

تقديري لكـ

[نــجــم]

صح لسآن شآعرهآ وصح اختيآرك الرآئع ..

عافاك المولى وأسسسسعدك ..

تقديري ,,

يسعدني ويشرفني مرورك العطر

تقديري لكـ

[العنيــــدهـ]

صح لسان شاعرها
ولاهنت ع الإختيار الرائع
يعطيك العافيه
✿

[منادي]

صح لسان الشاعر
اشكرك نجم .. الله يعطيك 1000 عافيه
و
تحية اعجاب لمن يستحق الاعجاب
منادي

[نــجــم]

صح لسان الشاعر
اشكرك نجم .. الله يعطيك 1000 عافيه
و
تحية اعجاب لمن يستحق الاعجاب
منادي
يسعدني ويشرفني مرورك العطر

تقديري لكـ

[نــجــم]

صح لسان شاعرها
ولاهنت ع الإختيار الرائع
يعطيك العافيه
✿

يسعدني ويشرفني مرورك العطر

تقديري لكـ

[سلطانة]

http://www.halauae.com/uploads/images/alsaher-3814931317.gif

[نــجــم]

يسعدني ويشرفني مرورك العطر

تقديري لكـ