الشاعر الكبير / سعود عبدالهادي الوسمي المطيري

[نــجــم]

الشاعر الكبير / سعود عبدالهادي الوسمي المطيري

[نــجــم]

قال الذي قوله عن الخوض محفـوض=مثايلـه عـن مـا يعيـبـه حفظـهـا
لا لاحـظ النقـاّد ماشـاف ملحـوض=يمـوت غـل وغلطـتـي مالحظـهـا
برضاي اروّض جوهر الشعر ويروض=وليـا ومـرت اوامـري مارفضهـا
بنات فكري تدحم الصـدر ويجـوض=جواهرن تشفـي القلـوب ومرضهـا
وشعرن بلا معنى من الاصل مرفوض=لاصـار مايقضـي لنفسـي غرضهـا
لوبيت واحد جزل عن غيـره يعـوض=تفنـا البيـوت وهـو يبقـا عوضهـا
ماني غشيمن خاض بحر المثل خوض=الـيـا فتـلّـه حجّـتـن مانقضـهـا
هو راقدن والناس واعيـن وايقـوض=تعـرّض لنقـد البشـر واعترضـهـا
مثل البعير اللي من الحمـل مبهـوض=حمّل علـى نفسـه حمـول وبهضهـا
يبا ينـوض وطـاح مايقـدر اينـوض=ماتنهضـه صـم العظـام ان نهضهـا
وكد قيلت الدنيـا توافيـق وحضـوض=والكلمه القشـره علـى مـن لفضهـا
وترى احترام الناس واجب ومفروض=ومن يحتـرم نفسـه عليهـم فرضهـا
وهذي حياة الناس خافض ومخفـوض=والله رفع قـدر البشـر عـن بعضهـا

[نــجــم]

تغنّت طيور الشعر في روضـة البستـان=تغـرّد طـرب وانـا جذبنـي تغـردهـا
جذبني صدى صوته على الحاجر المليـان=يطـوّّّّح مواويل(ن)علـى البـال ارددهـا
تهيّض وهيّضني شجا وحـرّك الاشجـان=يداعـب شعـور الشعـر كنـه يعاندهـا
وجته القوافـي مطلقات(ن)بـدون اعنـان=مطـرّز معانيهـن بصـافـي زمـردهـا
تجاوبت انا والورق فـي ملتقـى الخـلان=مكان(ن)اليـا جيتـه همـومـي يبـددهـا
مكان(ن)نقش في داخـل الذاكـره عنـوان=يذكّـر علـيّ عهودهـا يـوم اعاهـدهـا
سقاه الحيـا مـن هامـل الديـم لـه ودّان=يربّـع بـروضـه والمـأثـر يجـددهـا
لجل كد مشى في روضته قايـد العـزلان=فريد(ن)فـرد بالزيـن والـرب فـاردهـا
غريبه وصوفه ماوصوفه وصوف انسـان=من الحور جلّ اللي عـن الخلـق زايدهـا
كساه الحلا والملـح والنـور فيـه الـوان=ملاك(ن) ملك نفسي عـن الغيـر قيّدهـا
غرير(ن) غرور مغطرس(ن)بالجهل غرقان=قريب(ن) بعيد(ن) عن هل اللعب مبعدهـا
نظيف(ن) عفيف(ن) ماقضى للمولع شـان=تموت النفـوس مـن العطـش مايشهّدهـا
محافظ على عهـده مهـو للعـده خـوّان=هواها علـى وضـح النقـا ذي عوايدهـا
اخذنا بماض الوقت انـا والغضـي عبّـان=قبـل لايفرقنـا حـسـودي وحاسـدهـا
تجدد عهود الود غصبـن عـن الزعـلان=وتبـرا قلـوب(ن) كايـد الـود ضاهدهـا
وتطيب النفوس اللي طواها نيـا الحرمـان=تـوارا الـزمـان ولانفعـهـا تجلّـدهـا
قلوب(ن) تساعر وسطها واهـج الضيّـان=تقـل بالخنـاجـر والهـنـادي تقـددهـا
حرمها عن اللي تشتهـي ميّـت الوجـدان=حرمها حرم من شـوف عينـه ومرقدهـا
عسى الله يعوّض مامضى بنعمـة النسيـان=تجـدد امـال(ن) مابقـى الا شرايـدهـا

[نــجــم]

وهذه مجاراة الشاعر الكبير محمد الخس لسعود الوسمي

[poem font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
سمعت البيوت اللي من الحصّ والمرجان=بيوت(ن) صنعها المصنع اللي مورّدهـا
من الوسمي اللي صار في خانة الهـزان=تذيـع الاذاعـه بـه وتنشـر جرايدهـا
تذكّر وذكرنـي وجيتـه مـن الحيطـان=كما المضميـه تذكـر عليهـا مواردهـا
سعود يتمشى في بحور الهـوا غرقـان=وانا عبرتي في داخل الصـدر اذاودهـا
ذكرتك الغلا ياعارض الما على العطشان=كبود(ن) تحب وتشتهـي وش يجوّدهـا
سقا الله سقا الله ماذكرته هـك الزمـان=طـرف ليلـة(ن) ماتنتحسّـب فوايدهـا
مع الجادل اللي كنها مطـرق الريحـان=حشى ماعطتني بـس منـاك اشاهدهـا
واحب التراب اللي تجي فيه لو صـوّان=وارصّه على كبدي شـوي(ن) يبرّدهـا
يطفي لهيب(ن) ثاير(ن) كنّـه اليركـان=تضمّّّه مهاديف(ن) عسـى الله يساعدهـا
من العندل اللي شوفها يبـري الاحـزان=اكـنّ المـوده مـن طرفهـا واجاهدهـا
من الحور لولا الحور رافعهن الرحمـن=لقول ان زيـن الحـور فيهـا موالدهـا
تحشر البشر في حسنها الباهـي الفتّـان=هك الغرّّه اللـي تشتعـل ويـن تاجدهـا
ليا قضّت الاشقر ومال وكسى الامتـان=جميع العـذارا فـي عيونـك تزاهدهـا
يميل الهوا في عودهـا الناعـم الريّـان=هواف(ن) خواصرها وقوف(ن) نواهدها
هدب عينها لاطرّقت به علـى الاوجـان=شخاتير مزن(ن)في بياض(ن) يطاردهـا
ليا طبّت الملعب يصيب الوقـوف جنـان=كما الكرده اللي تعجبك فـي تمرعدهـا
مع الزين والقبلـه عليهـا حـلاة لسـان=تسلّ النفوس اللـي قـوي(ن) عقايدهـا
لو انه من اول يوم لهل الرمـك ميـدان=ثمنها المهار اللي طـوال(ن) جلامدهـا
عسى ديرة(ن) تسكن بها لوهي الصمـان=عليها قنـوف الوسـم ترخـي قلايدهـا
لعل المزون اللي تكاشـف لهـا ربّـان=تهشّـم عليهـا ليـن تمـلا مصامـدهـا

[نــجــم]

وهذه قصيده أيضاً للشاعر محمد الخس الذي أسموها ( شيخة الغزل)
ومجاراة شاعرنا الوسمي لها
يقول محمد الخس

[poem font="Simplified Arabic,5,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انا لي ثمان سنين اجامل وانا مجـروح=اكن الموده داخـل الصـدر واكتمهـا
يجيني بلاً صندوق قلبي يزوحـه زوح=خطيرٍ معاليقي مـن القلـب يصرمهـا
سبايب مـودة جـادلٍ مابهـا مصلـوح=تبهذلـت منهـا مابـه احـدٍ يعلمـهـا
يقول ارحمي روحٍ تبلت لها فـي روح=هي العوق والاسباب مانـي بضالمهـا
خذتني وجرتني بضحكة غلا ومـزوح=تهايفت معها ليـن طحـت بمراحمهـا
غرقت بغلاها مغرم مثل غرقـت نـوح=ولاادري عن ايام الغـلا وش خواتمهـا
وانا مبتلٍ فيها ولالـي وراهـا شبـوح=مفاتيـح قلبـي فـي يديهـا مسلمـهـا
اليا قلت خفي حبك اللي تعـدا المـوح=تجيني بنغمات ٍ على القلـب ترسمهـا
تجيني باساليبٍ تزيد الجـروح جـروح=خذتني بضحك احجاجها مـع تبسمهـا
تبسم بيضٍ كنهـا اللولـو المصحـوح=او الـدر مـن بكـرٍ سريـعٍ ترزمهـا
عليها الحلا والملح كنك تكوحـه كـوح=حضيض الفؤاد المسعد اللـي لايمهـا
هاك الغره اللي مثل برقٍ لنوره ضـوح=سنـا مزنـةٍ ترعـد وتبـرق مقادمهـا
عن المترفات الضمّرالعقش فيها نـوح=تحشر النفوس اللـي قـويٍ عزايمهـا
تمريع مثل زملوقةٍ في محير الصـوح=عدلها النسيـم ورايـح الوبـل داهمهـا
اليا شافها راع النظـر حـار مايـروح=تكلم حشـى لله ماهـي مـن اوادمهـا
لاهي حص لاياقوت لاجوهرٍ مطـروح=تقـل فضـةٍ مصبوبـةٍ مـن مناجمهـا
هوافٍ خواصرها الجدايل عليها سبـوح=كساها اشقرٍ ياصل اليا الردف ضايمهـا
مثل ذيل شقراً ماعليهـا ثـلاث قـروح=تكـم السبايـا يـوم تطـرخ قوايمهـا
اليا سلهمـت بعيونهـا عدنـي مذبـوح=تبنجت حتـى كلمتـي مقـدر ابرمهـا
هذا هو بلاي وهو سبب جرحي المفتوح=من اسبابها افـرق هجوسـي واليمهـا
عديت وتعبت وطحت والكبد فيها فلوح=تهيج الجـروح ولاش شـئٍ يدمدمهـا
علي الخطر وشلون تلعبـي الشحـوح=مثل مالعبت بغيرهـا صـرت رايمهـا
على كيفها تومي بقلبي سـوات اللـوح=بلاي الغلا اللي بسرة القلـب واسمهـا
حلايا المهاه اللي ذعرها دبش وسروح=وراهـا تشـب النـار فيِِِِِِـه وتشعمهـا
ليا جيت ابا ازعل ردني حكيها المملوح=يجيني بـلاً حتـى عيونـي يغمغمهـا
جدايه جدا ورعٍ جـداه البكـا والنـوح=يبـا حاجـةٍ مخفيتـن امـه معالمهـا
يالولا يالولا ان الخطا فاعله مفضـوح=ماعود محيم وعبرة الصـدر ازايمهـا

[نــجــم]

مجاراة شاعرنا سعود الوسمي
ويقول ابو بدر..


سمعت الحمام اللي سجع فوق غصن الدوح=جذبنـي بنغماتـن هـل الحـب تفهمـهـا
تغنا بشعرن مـن شـذاه العطـور تفـوح=يعطّر مسامـع مـن سمـع فـي ترنّمهـا
من الشاعر اللي قبل انا لاامدحه ممـدوح=وكـد قالـوا الاجـواد ماتهفـي ذممـهـا
غنيّن عن التعريف ازيد الوضوح وضـوح=تباهـا بـه اشعـاره يصخّـر ملاحمهـا
عميد القصيد وفي عيـون العـدا ذرنـوح=وهـو الاديـب ونفسـه الـرب ملهمهـا
شعاني وانا قلبي مع اهل الغـرام ايتـوح=هضمني وروحي قبلـه الحـب هاضمهـا
جبرني ابـوح وعادتـي للخفـا مااابـوح=اداري عـن السمعـه ونفسـي مشيّمـهـا
اجامل وانا قلبي بسيف الغـلا مصطـوح=اكـن العبايـر فـي ضميـري وكاظمهـا
هليك ودريك ادوّر مـن البـلال انشـوح=وكبدي تفـوح وبـارد الشـرب يلطمهـا
غديت الغليث اللي يخاف البـروق تلـوح=يسوج ويلـوج ونفسـه الغلـث مسقمهـا
سبايب عنودن صار فـي حبلهـا سامـوح=حرمني محجّرها وهـي مثلـي احرمهـا
علامـه يفرّقنـا لعلـه ماهـو مبـيـوح=بنينـا الامـال وحاقـد القلـب هدّمـهـا
ولاله مصالح بس غـاد الجـدا مشفـوح=مسمـمّ ونفسـه زايـد الغيـض سممّهـا
حقود وحسـود ومسـردن كنـه النابـوح=وذلولـه علـى كـل المغـازي يدرهمهـا
عسى الله يلم الشمل بالصاحـب النصـوح=وتطيب النفوس اللـي محيمـه حوايمهـا
وتليم شفوف اهل الهوى والعـدو مكبـوح=وتلحق هواهـا المغرمـه لجـل مغرمهـا
تهيّا على وضـح النقـا دربهـا مبـروح=انـال الهنـوف اللـي ولامـي موالمهـا
ويبرا فوادن من غـرام الهـوى ملحـوح=لحاه الهـوى وارثـع بروحـي وحطّمهـا
وتخايط جروح بداخل الضامـر المشلـوح=من الجـادل اللـي حاكمتنـي وحاكمهـا
هنوفن عيوفن مـن تولّـع بهـا مسمـوح=كساها الحلا من الـراس لاحـد مقدمهـا
غنوجن عنوجن بهرجها للعـرب سحـوح=فتونـن يضيّـع كلمتـه مــن يكلّمـهـا
بها من مهاة الريـم غـره وفيهـا لمـوح=تـذوب القـلـوب بنـارهـا ماتقاومـهـا
عليها الله اكبر كيف جاحت فوادي جـوح=بهـا النفـس مرهونـه ولانـي بلايمهـا
تمركز غلاها غصب ماعاد هـو ممسـوح=ولاعاد لي سلطـه علـى النفـس ايممهـا
انـا صاربـي ماصـار للخـس ياملّـوح=طواني هوا خلن طوى الحـال واعدمهـا
خليلن تخلخل خل عقلـي وشاحـه شـوح=عزلني عن العالم دهـا النفـس واوهمهـا
خطاها كبر سنجار ميـر الخطـا مدمـوح=لعـل وعسـا ترحـم وذا مـن مكارمهـا
........................................
........................................

[نــجــم]

use=ex num="0,black"]
ألا ياعذولي كف عذلك بدون احـراج=دخيلك ترى بعض العـرب ماتحمّلهـا
انا منتحي والمنتحي صعـب ماينعـاج=يدوس المخاطـر بالقـدم ويتساهلهـا
يشوف الدروب الكايده كنهـا الديبـاج=يزور السباع الضاريه فـي مداهلهـا
حداه الغرام وصابه من الغرام خـلاج=عيونه تهـل الدمـع ماكـف هاملهـا
على من تمكن في ضميري غلاه ولاج=نحا وانتحا في راحة النفس واشغلهـا
حبيبن لبيبـن لبـق للنفـس والمـزاج=عطوفـا رؤؤفـا بالقلـوب وتعاملهـا
خبيرا بسلم الحب والعـرف مايحتـاج=حوى واحتوى كل الصفات ومسائلهـا
تمريع بعودن ناعم انعم مـن الكربـاج=لياهب نسناس الهوى غصـب ميّلهـا
غريبا بوصفه في جميع الوطا مـاداج=تجلاّ وجـل اللـي عطاهـا وكمّلهـا
بعقل وثقل من فوق رووس العذارا تاج=وهذا الذي عندي رفع شـان منزلهـا
ولو كان ماحصّلت للجرح منه عـلاج=مخايل مزونه تتعـب اللـي يخايلهـا
رفيعا مقامه عن هوى العاشق البـلاّج=شريف المسـار وسيرتـه مايحوّلهـا
اسرني بحبه غصب ماعاد فيه افـراج=ونفسي اسيـره مالهـا عفـو يشملهـا
لعل وعسا يعطف على العاشق المحتاج=بعطفه ولطفـه بـذ نفسـي توسّلهـا
انا المغرم اللي ضاع في غبّة الامواج=ولاعـاد اميّـز بيـن حابـل ونابلهـا

[نــجــم]

علامك تنوح ازعجتني ياحمـام الـورق=تغنّي طرب ولاّ توجّـد علـى الماضـي
ترا للغنا عنـد المهاويـن عـدة طـرق=طرب ياحزن محدن يغني على الفاضـي
وانا عارفن مابين حالـي وحالـك فـرق=ولوماكشفت اسرارك اعراضك اعراضي
زمانـن درقنـا ياحمـام المحـبـه درق=وهذي فعوله دايـم اطـوال واعراضـي
حرق قلبي وقلبه بنـار المحبـه حـرق=الاياوجودي ليت لاهل الهـوى قاضـي
وياخذ بثاري من وليفن سرقنـي سـرق=نهب قلبي ولاحدن على فعلتـه راضـي
فردني عن العالم وصلّى بقلبـي شـرق=تسيطر وذلّلني ماعـدا عـن احياضـي
لعوبن لعبّي شفت منـه المصايـب زرق=وعيت تطيـب النفـس مافيـه تعتاضـي
قطوعن قطعبي للقطاعـه بقلبـه عـرق=احاضي على قربه ولااشوفه ايحاضـي
غرورن غريرن غارقن بالجهاله غـرق=وكنّه على ذبحـي يحـرّض تحرّاضـي
بسهم المحبه من عيونـه زرقنـي زرق=تفنّن بذبحي فـي سريعـات الالحاضـي
يباهي بخدّن لاكشف مثل ضـوح البـرق=سنا نور وجهه في ظلام الدجـا ياضـي
تبسّم ببيضـن لاطوالـن ولاهـن فـرق=كما حب رمانن علـى طلعتـه ناضـي
كمل واكتمل زينه وكفّ البنـات الطـرق=تبصّر بحسنه من فرض خمس الافراضي

[نــجــم]

عن بعض ناس اقصري فالمشي يارجلي=مـن لايقـدّر مجيّـك ليـه تنصيـنـه
لاصار لامن زهمتـه مايجـي عجلـي=وش خانة العشره اللـي بينـي وبينـه
خله يولـي عسـى الله منـه يفرجلـي=حـرام ماتبكـي عيونـي علـى عينـه
ماهو بلاناقصـن رزقـي ولا فأجلـي=الـرزق و الاجـل عنـد الله وبيدينـه
زرعت بارض الصبخ باغيـه ينتجلـي=ولا طلع فيـه غيـر الملـح والطينـه
ضحين لجله ولاهـو مضحّيـن لجلـي=عن ماتسـوي يمينـي تقصـر يمينـه
انـا بعلـم المفاخـر حافلـن سجلـي=اتعب على الطيّبه واعرض عن الشينـه
يوم الردي في حبال السـوء ينسجلـي=وانـا احسبّنـه صديـق ونيّتـه زينـه
قدّام وجهـي يرحـب بـي ويبلجلـي=واثـره يخفّـي العـداوه لـيّ بيدينـه
ماهو بلاحـق جزايـه لـو يحجّجلـي=يـوم الحبـل حـط بيدينـه ورجلينـه

[نــجــم]

يازين ضحّيت لك وارخصت لك روحي=والظاهر ان تضحياتي مانـت شايفهـا
عليك جاوبت نوح الورق فـي نوحـي=والعين حـرّق خـدودي حـرّ ذارفهـا
ياعلّتـي ويادوايـه داوي جـروحـي=سبايب جروح قلبـي وانـت عارفهـا
مما حصل لامباح ولانـت مسموحـي=عذّبت نفسي عسى الله منـك ينصفهـا
يكفيك عن حب غيرك مبعـد شبوحـي=كل من بغتنـي علـى شانـك اطوفهـا
مهيمنـه بالغـلا لاابصـر ولااوحـي=معمي عيوني عـن العالـم ومحرفهـا
مع كل هذا بوصالك صايـر شحوحـي=بخلـت فـي وردة البستـان لااقطفهـا
قلي من الحب هذا ويـش مصلوحـي=لاصـار ماتتـرك النفـس بتصرّفه

[نــجــم]

ياصاحبي لاحوّل ماعـاد لـي راي=لعبت في فكري كم لعـب شطرنـج
اتهون بلـوا المبتلـي عنـد بلـواي=خف الغلا عن مغرمن حانجه حنـج
لاشوف لااسمع لااعرف وين مرساي=افيق واغيّب مثـل صاحـب البنـج
مما جرالي منك تصخف لي اعـداي=ارفق بحال مولعـن سانجـه سنـج
كني بعزلـه مـاش مخلـوق ويـاي=بغياهبن مـن دش فيهـا فـلا ينـج
اصارع امواج الدهر وانهك اعضاي=في غبتن من عمقهـا يطبـع اللنـج
احرمتني يازين مـن طعـم دنيـاي=يامن عليك اهل الهوا ارقابهـم عنـج
هذا صوابك بالحشا ينـزف ادمـاي=متمكن بالقلب خمسـة عشـر انـج
ماعـاد يبـرا ناقلـن داي بــرداي=خليت قلبي عقـب الايقـان يخلنـج
لاماك يغنيني عـن الـزاد والمـاي=انت الهوا وانت الدوا بطبعك الغنـج

[نــجــم]

يازين لو حاولت صعبن رجوعـي=لاتعتـذر مافيـه داعـي للاعـذار
وش عاد لو خدّي شكا من دموعـي=والله ماارجعلك ولو صار ماصـار
الحر ياعـذب السجايـا جزوعـي=ماهو على بعض المواضيع صبّـار
وانا نسيتـك ياغريـب الطبوعـي=ماعاد لك في داخل القلـب تذكـار
جزاك يومنّـك لوصلـي قطوعـي=حبّن بليّـا اخـلاص لابـد ينهـار
وانا تركتـك باقتناعـي وطوعـي=عندي عزيمه يااريش العين واصرار
مهما حصل يازين مااعلن خضوعي=لاوالذي بيديـه تصريـف الاقـدار

[نــجــم]

ليت ابو سلطان مثلي شاف موضي=يـوم طبّـت والجدايـل نقّضتهـا
خدها يجهر بداج الليـل يوضـي=ماتمـيّـز بالـقـلاده ورقبتـهـا
لااخزرت في عينها قلبي يجوضي=اونس الموت الحمر من سلهمتهـا
دانة(ن)مايحوشها كود امحظوظي=ماتهيّا لكل نـاس(ن) لـو بغتهـا
لوّترضى كان قدّمت امعروضـي=الحق النفـس الشقيّـه بشهوتهـا

[نــجــم]

يابدر قل للغضي ماعـاد انـا يمـه=بدّلت رغبـة هـواه برغبـة نياقـي
ماجاني قصور منه ولااقـدر آذمـه=لازال حبه على طول المـدى باقـي
خلّن خليلن تخـلاّ عـن بنـي عمـه=لجلي وانا لجلهـا ماخـون ميثاقـي
يوم الهوى عدل لـه يمـه وبالقمـه=آخذت ياخـو عزيّـز منـه مالاقـي
عشقن ينومس ماهو من عشق هالخمه=مجرّدينه مـن المعنـى والاخلاقـي
حلفت عن عشقهم والحلـف لاآتمـه=مانـي بمـن عشقـه يلفّـق تلفّاقـي
مشين مع الصفر يبري القلب من همه=يدله بهن خاطر المحزون لاضاقـي
صفرن غلاهن جرى بالقلب مع دمه=متمركزن حبهن في داخـل اعماقـي
ماهمني من غـرام الصفـر ماهمّـه=عندي خبر للعرب شوفات واذواقـي
من لامني ياعسـا بقعـا تفـاج امـه=ولاّ تسكّر بوجهـه كـل الارزاقـي

[نــجــم]

ياكثر ماواجه وياكثـر مـا اوحـي=لاشـك مالـي بالسواليـف حاجـه
ماهمنـي ماقيـل واثـق بروحـي=والرجل يعرف مدخله من خراجـه
ماني ضعيف ولاقصـارن شبوحـي=مير ان طرد الهرج عيب وسماجـه
والسب عيب ولايـداوي جروحـي=والصد هو طب الضمير وعلاجـه
هذا وانا ببعض المواقف سموحـي=ولا بعضهـا عـيّ فيـه انعواجـه
وانا لجـزلات المواقـف طموحـي=وقلبي على الطولات فيـه اندلاجـه
يومن بعض النـاس كلبـن نبوحـي=دايم وله وسـط المجالـس لجاجـه
عسا سرحـه ماتشـاوف سروحـي=وعسا يجي بينـي وبينـه زراجـه
اخير لـي فرقـاه خلّـه يروحـي=الحـر مايرضـا لكسـرة حجاجـه
لاصار ؟؟؟ وفيه حسد وشحوحـي=وش عاد ابيبه ما مزاجـي مزاجـه
والله مادانيـه مـانـي مـزوحـي=والقلب مع مثله صعيـب اندماجـه
بغضـه بقلبـي ثابتـن مايروحـي=دام الفخر لابس على الراس تاجـه
ولو قلت ابصبر غصب سدي يبوحي=حيث اني ماارغب لشوفـه مواجـه
يضحك معي والقلب ماهو نصوحي=لسانه حلو بالهرج والقلـب صاجـه

[نــجــم]

قلبـي الـي لاستـراح ولادلـه=شيب براسي قبل وقت المشيـب
مقصده لاهـو غـرام ولا ولـه=مقصده علم الفخر لوهو صعيـب
واهنـي الـي تعبلـه ووصلـه=اشهد ان الطيب من طيب النصيب
نال تاج الطيب والمجـد احملـه=ماخذه لامـن بعيـد ولا قريـب
من بغى الطولات يفعـل مافعلـه=لا يتـردد الفخـر دربـه تعيـب
كل راعي عمـل يجـزى بعملـه=الردى بدل الردى والطيب طيـب
صانع المعروف في غيـر اهلـه=مثل من فرغ صميلـه فالشعيـب
قالهـا الـي ماتغطـرس بجهلـه=التجارب فاد صاحبهـا الطبيـب
شاعر (ن) اليا بغى الشعر افتلـه=ما ختلس بالشعر يزعب من جليب

[يارا العامرية]

صح لسآن شآعرهآ وصح اختيآرك الرآئع ..
عافاك المولى وأسسسسعدك ..
تقديري ,,

[نــجــم]

يسعدني ويشرفني مرورك العطر

تقديري لكـ

[العنيــــدهـ]

صح لسان شاعرها
ولاهنت ع الإختيار الرائع
يعطيك العافيه
✿

[منادي]

صح لسان الشاعر سعود الوسمي
اشكرك نجم على الديوان الرائع .. الله يعطيك 1000 عافيه
و
تحية اعجاب لمن يستحق الاعجاب
منادي

[نــجــم]

صح لسان شاعرها
ولاهنت ع الإختيار الرائع
يعطيك العافيه
✿


يسعدني ويشرفني مرورك العطر

تقديري لكـ

[نــجــم]

صح لسان الشاعر سعود الوسمي
اشكرك نجم على الديوان الرائع .. الله يعطيك 1000 عافيه
و
تحية اعجاب لمن يستحق الاعجاب
منادي
يسعدني ويشرفني مرورك العطر

تقديري لكـ

[سلطانة]

http://www.halauae.com/uploads/images/alsaher-3814931317.gif

[نــجــم]

يسعدني ويشرفني مرورك العطر

تقديري لكـ