المساعد الشخصي الرقمي

مشاهدة النسخة كاملة : قصائد الشاعر / عبدالله بن سعيدالبرازي السهلي...


نــجــم
30-04-2011, 01:30 AM
قصائد الشاعر / عبدالله بن سعيدالبرازي السهلي...

نــجــم
30-04-2011, 01:30 AM
رحنا على اللي ياخذ الخد تسريبوبـدان سواقـه وحنـا نـدلـه
وجينا السهول اللي نباهم تراحيبوجونا على الدعوه مقاديـم سلـه
أهل الحميه ناطحيـن المواجيـبلطامـة العايـل ليـاقـال زلــه
وجينا دليم ستر بيض الرعابيـبراعي الحميه والصخا عادتهٍ لـه
وأبوه قبله يتبـع الفطـر الشيـبكم عد قـومٍ قـد خـذا عزبةٍلـه
والسبر قدامه بـروس المشاذيـبيتلون بن جلعـود مثـل الأهلـه
وجينا ولد صالح عطيب المضاريبصـدام لامـن حذفـو بالأجـلـه
مقدم مراطيـن سبـاع المراقيـبنـدر حـرار مابهـم قــول لله
وجينا جوي فيه كسابـة الطيـبمسلم وربعـه هرجهـم ماتملـه
اللي لجل الضان مثل القصاصيـبنطاحة الواجب اليـا حـل حلـه
وجينا بن مظهور ماعنه تجنيـبونعـم لاجـوه الرجـال بمحلـه
سرنا وجينـا فالدبيجـه معازيـبالكل منهـم لـي حجاجـه يفلـه
وجينا لاهل شعبٍ تهد الاصاعيـبحربيهم يونس على الكبـد علـه
وأولاد بن سلطان لاجـا منابيـبيتلون اخو ميثا وهم مسنـد لـه
فكاكة الابل ركاضـة بالمشاعيـبوالطيب لهم عادات وهـم بمحلـه
والد العقيلي كل قولٍ لـه مصيـبوكل ٍعلـى مفعـول جـده يدلـه
لامن غدت قشر الليالي شلاهيـبثم جو على الونيات مثل الاخلـه
كلٍ يجيـك يقـول حنـا معازيـبكرمـان لـو ان الايـادي مقلـه
يتلون ريحان على العسر والطيبينزل على الساقـات ماقـال ذلـه
وظهران لامـن دثثـوا للعراقيـبكهضـبـةٍ علياعليـنـا مطـلـه
لاثار ملـح منحـلات المقاضيـبحريبهـم يـزداد هــمٍ وخـلـه
يتلون بن معدل حصان الاطاليـبراع الندا بيت النـدا مدهـلٍ لـه
وجنا زقاعيـن ٍ تفتـل الأشانيـبعزٍ لنا والضـد معنـا عـم ٍلـه
ومنهم رواضين تروي المغاليـبكم واحـدٍ برماحهـم قيـل خلـه
حامت عليه معكفـات المخاليـبفالمعركـه ماعنـده احـد يشلـه
ربوعنـا لا زل هـرج التعاجيـبياسعد منهم باللقـاء فزعـةٍ لـه
البيـت مبنـي بلـم الاجانـيـبوابو مناحي حاضـر ٍواقـفٍ لـه
مقـدم بـرازتٍ رمـاتٍ معاطيـبياسعدمنهـم باللقاءنخـوةٍ لــه
في بيت مدغوشٍ سمك بالاطانيببيـت الوفاجـوه النشاماوفـآلـه
والبـن لـه حضايـةٍ للشراريـبهـذي يبهرهـا وهـذي يـزلـه

نــجــم
30-04-2011, 01:30 AM
قال البـرازي يـا جـواب بجيبـهجواب أحلى من حليب الحنازيـب
عند الضحى عديت راس الزريبـهمن هاجس جاله بقلبي مضاريـب
جزاني الهاجـس بحامـي لهيبـهوأودعني ابدي في طويل المشاذيب
أجاذب لحونـي بـراس الجذيبـهوعزاه يا حـال كلتـه الهناديـب
يا هل الركايب موميـات الجنيبـهيا للي عليهن منتويـن مجانيـب
اخذوا سلامي مثل صافـي حليبـهوالله يسمح دربكم ياهـل الشيـب
على الركـاب كـل أبوهـا منيبـهوساع النحور اللي تبوج اللواهيب
سهيل عند نحورهـا تقتـدي بـهوالجدي عند اقفي عوج المصاليب
عليهن اللـي ينطحـون النويبـهقضايت اللازم اليـا جـا منابيـب
بيديهم قصـار تقـص الضريبـهصنع اليماني فاريـات المضاريـب
فهـد دليلتهـم وهـو الرقيـبـهسبرٍ لعيـرات النضـا فالمذاريـب
يا فهد بن عبـود زبـن الرعيبـهيا عيد أهل هجن شكاً الضواريـب
وعقاب لاجٍ فـي مخافـه وريبـهترثت قروم ما تطيـع الزورايـب
ألاد الظهيـري لابتـي واللبيـبـهولاشين ألا قـد مضالـه تجاريـب
يا راكبين الجيش حمـوه يجيبـهوالبعد ما يطويه كـود الصواليـب
يازين فوق الجيش جيب الكسيبـهوكل يخز من العدا شمـخ النيـب
كل علـى وفقـه ووفقـه يصيبـهوماجاك من ربـك فلابـه تغاليـب
والعبد ماله طيـرةٍ عـن نصيبـهولا له عن المكتوب لو كانه صعيب
تلفون من كبـده علينـا حطيبـهجـداه يكتـب فالقلـم بالمكاتيـب
مراحنـا منـا عليهـم غصيـبـهنبـي نـدور حضنـا بالتسابيـب
واليا لفيتوا عندهـم مـن مغيبـهلكتوفهن شافوا لحوس العراقيـب
جوكـم يبـون علومكـم الغريبـهعن ربعتٍ راحوا لـدار الاجانيـب
قولوا بخيـرٍ كـل ذيـك الكتيبـهولا يشكرون ألا الولي عالم الغيب
الطيب بين رجالكـم تمتـدي بـهلين الله يقضي لـزوم المعازيـب
وحنا بعـز عنـد مـرذ النجيبـهاللولب ابن احمد حصان الاطاليـب
عدم العيال وكـل طيـب صحيبـهفرعة السنام وموكره موكر الطيب
سكـر نبـات لاخويـاه وقريبـهنطاح لاجا الضيق عسر المواجيب
وربعي سهـول بالملاقـا تعيبـهترم العشـا لمعكفـات المخاليـب
كم من حبيب نفرقه مـن حبيبـهلامن تولـو ناحـلات المقاضيـب
دواسة الأريـا بالاريـا الصليبـهوكم من حفيفٍ يبسوله مشاريـب
وألاد براز اللـي تجـي بالهبيبـهلانشفاً الاريـاق واقفـاً جناديـب
جذعانهم سهج الخطر مـا تهيبـهلانشب ولد اللاش بين المصاليـب
وارواحهـم دون العشايـر جليبـهكم واحد من ضربهم مزع الجيـب
أهل الصخى وأهل البيوت العريبـهبرباعهـا تتعـب دلال ٍ محاديـب
ومن لا ينول الطايله قبـل شيبـهعليه تصعب لاغدا عارضه شيـب
فالجوف جينـا للمعـادي مصيبـهيا قرد من تدرف عليه المطاليـب
في لازم الحاكـم ونـدب حريبـهبنأدب اللي مـا يعـرف التواديـب
يا نجد ياملفـى الفتـن والنشيبـهواليا فنت صفه للاخرى شراهيـب
ومـن أول بيـن القبايـل نهيبـهلكن حظك فادلـك كاسـب الطيـب
نجـد خـذاه المقرنـي بالغصيبـهخذاه بالسيف الحـدب والمغاليـب
هذا جواب صافـي مـن سريبـهمشخول ومصفى ولابـه عذاريـب
وصلاة ربي عـد منـور شعيبـهوعداد ماتنبـت ثمرهـا النبانيـب

نــجــم
30-04-2011, 01:30 AM
يامرحباجاناالملك عقـب المغيـب
سلطان نجد ونوركـل اركانهـا
شيخ الشيوخ مورده حبل القطيب
وبدورنجدمقـضـبٍ أرسانـهـا
رساله المركـب وسافرمايهيـب
من دونه الغبـه صفـت زيرانهـا
مقدم هل العوجا لياقام الحريـب
حلالهالاغـلـقـت بيبـانـهـا
مساعدالمظلـوم لظالـم طليـب
يرجـح بهـم لارجحوميزانهـا
كم واحدٍ من ضربته خلي عطيب
مايضربـون الابحـد أسنانـهـا
نجدٍ خشع له وأستطاع له الصعيب
وكل الخلايق صالحـت عدوانهـا
الله يمهـل بـه سنيـنٍ مايغيـب
غيث الضعوف وغاذيـن يتمانهـا
سلطانالامن عوى ذيـبٍ لذيـب
لامن رقص بين الدول شيطانهـا
جانا وفزلـه البعيدمـع القريـب
وأستشرفت نجدٍ ملـك عربانهـا
فاروق صافى الحاكم اللي مايهيب
لاألتمـت الحكـام هوسلطانهـا
تمت وصلى الله على البشرالحبيب
عدادمـاهـل المطرباأمـزانـهـا

نــجــم
30-04-2011, 01:30 AM
يالله يامنشـي الـمـزون المباكـيـر
أنك تغيـث أبلادناعقـب الأمحـال
يامحصـيٍ خلقـه ويـارازق الطيـر
نسألك من حسناك يـارب الأجيـال
تنشـي لنانوٍحـقـوق الشخاتـيـر
سيلٍ حقوق ويتبـع السيـل همـال
ينشي مـن القبلـه نصوبـه مزابيـر
مثل الجبـال الراسيـه لـه تعـزال
جعله على العـارض يمشـي المعابيـر
دارال سعودمكرمـةكـل هـشـال
نشكي على ربـي ولانشكـي الغيـر
اللي رفـع سبـعٍ وسبـعٍ لهاشـال
الواحد الفرد الصمد معطـي الخيـر
موحي دبيب النمل مايجهلـه حـال
اللـي مهيضنـي دبيـشٍ مقاصيـر
عقب الشحم خليت ضهوره من الحال
ضمرومثـل محنـيـات البواكـيـر
تلوج مـن بيـن المعالـف لهاهجـال
الوقـت طـال وقصـرن الدنانيـر
والأرض من عقب الشجرراحت سهال
قـمــت أتذكرلنشاماالمنـاعـيـر
اللـي لهـم فـي قمـة المجدمنـزال
ذكـرت ابومتعـب ربيـع المساييـر
هوالمليـك وللمهـمـات حـمـال
هـداج تيمامايهـيـب المخاسـيـر
ولاعدوالأبطال هـو راس الأبطـال
وصلاةربـي عدطـلـع النـواويـر
علـى نبـيٍ لـرسـالات نـقـال

نــجــم
30-04-2011, 01:31 AM
عسى الحيا ينقاد لديارالأجـواد
وتربع الاوطـان للـي سكنهـا
عساه لامنه نشـى فيـه رعـاد
يرجع ديار وقـف القطرعنهـا
دار بها الاجواد ونسول الأجواد
حكامها تنـدا وينـدا صحنهـا
دار بها الجيعان يشبع من الـزاد
من دارها بالسوء يلقـى طعنهـا
جزيرة فيهـا صناديـد الأولاد
وأفضل عباد الله هـذا وطنهـا
بلاد بها الاسلام ركع وسجـاد
ومشايـخ بالحـق تامروتنـهـا
فيها سلاطين العرب ضد الأضداد
وتزبن المضيـوم لامـن زبنهـا
دار أل سعود مكرمة كـل رواد
لازارها المحتـاج مـاراح عنهـا

نــجــم
30-04-2011, 01:31 AM
شفت الخيال وقال يبـرق شمالـيجعله على أم أرجوم سيلٍ بأثرسيل
دارالفـلاه ومدهـلٍ للرجـالـيبين الجلـد ومزبـرات الغراميـل
مدهال خلفـاتٍ وجـلٍ متالـييرعونهااللي يكسبـون التنافيـل
صفرالبكارمعبسـات الشمـالـيجردالرقاب مـراوزات المخاليـل
للأد أبن حمـدان ريـف الهشالـيذباحةٍ لاجاالقسى قـرح الحيـل
وبيوتهم للخـوف دايـم توالـيفهودالـزراج يتعبـون المعاميـل
وطوعلـى راع الحسدبالنعـالـيوبنيت عمايرهم كماالجدي وسهيل
ذولابني عمـي وخـل الجدالـيبرازيٍ معهم على العدل والميـل
نعمٍ بهـم لاحـل فيهـم مجالـيتضحك شواربهم لكـل المقابيـل
جاري ولدضاوي كريم السبالـيغيرالغنم يذبـح سمـان المخاليـل
وابودليم اللي مـن الربـع غالـينسل الشيـوخ متعبيـن المراميـل
وعلي رخي الكف في كل حالـيطيب وجربتـه بكـل الدواليـل
مبارك صليب الراي قرم العيالـيياعل مانعتـاض فيـه التباديـل
ومحمدولدضيدان ياهـم ملالـييضحـك نبـاه ولنشامامداهيـل

نــجــم
30-04-2011, 01:31 AM
أناكني الحارس على شرقي أم أرجـومعلى الشارع الرسمي وابي من يسلينـي
ماغيرأتقلب والهواجيس عندي كـومتعدى كثيرالليـل ماهملجـت عينـي
تمرالمواترمسرعـاتٍ تقـول أسهـومعجـاج المواتركـل يـوم متغرشينـي
أبيهم يجون وحاجتي تسليـه وعلـوموأحب الرجال اللي تجمع على الزينـي
محلي على وجه الخـلا والخلامذمـومورجلّـي عجّـزت يمهـم لاتودينـي
أناوسط أجاويدالعـرب ميرذامقسـومكرام اللحى علـى الكرايـم تنادينـي
وأنافي مخطط شيخنااللي رحل مرحـومعطيةولـي الأمربـيـن الحفيفيـنـي
خذاهاشعف بالغصب مافيه حب خشومخذاهاعلـى الحسادماهـم براضينـي
وخلف عيالٍ فالقسى يذبحون الكـومقبعةالسنـام وفالسنـام متعلويـنـي
دويحس وهادي جعلهـم فالمعـزه دومعساهـم بعزٍعندالأقصـى والأدنينـي
جلاعيد لاركبواعلى الكنس أم أرثـوممقـادم هـل الحرشاكعـام المعادينـي
ألياتلواالضمرتصـبـح عدودالـقـومتثورعـسـام الجوقضايةالـديـنـي
تجيب الكسايب قدمهاللنشاما قسـومتغنـي عليهاملحقـيـن المخليـنـي
وجدانهم حطولهـم سلـمٍ ورسـومحمودالمسمـى ياخذاللـي مسميـنـي
يعزل ابيض الدفه على اللي براسه زومولاصارفـي راسـه عياجـوه عيينـي
باأسيرعلى دويحـس لعلـه لنايـدومعزيزالجناب ومـن رجـالٍ عزيزينـي

نــجــم
30-04-2011, 01:32 AM
راكب اللي من حفيزه مورده البصير
نصه اللي ينطـح الموجبـه شيالهـا
نصه اللي فالعقيله يسلون القصيـر
ربعي اللي تنطح الازمـه بفعالهـا
الادعلي كسابة المدح فاليوم الكبير
فالصخا عقالهـا دربـت جهالهـا
رحب مشبب بمندوبنا عد المسيـر
قال نرهن حالنا ومالنـا وأنـا لهـا
من قصرمن دون هذي ترامافيه خير
ماتعده لابتـه يـوم عـد رجالهـا
هيه ياللي تعمل البن يالذرف الشطير
صافـي الدلـه يخثرلهـم فنجالهـا
وهيه يالمجمول اللي زها ثوب الحرير
أطمحي لسعود شايل ثقيل أثقالهـا
أسمعوا ياللي شمال وجنوب ويامطير
الثنا للي خـذا الطايـلات ونالهـا
قل لبن جلال مني ثنـاالله للمصيـر
عد ماهل المطر من حقوق خيالهـا

نــجــم
30-04-2011, 01:32 AM
مريت مدهلهم ولاهو بمدهـول
الاالسوافـي والهبايـب تجولـي
علمي بهم سبعين عامٍ ماهوبحول
تحدرو عقب الفضـا بالنزولـي
والله ماأخبرالحي منهـم ولازول
والاالنسول وكل حـيٍ يزولـي
نسمع لهم قولٍ ولاردلي قـول
وأقفت شمول اللي نبي عن شمولي
ياعلهم منـي بحـلٍ وتحلـول
والله يتقبلهم بحسـن القبولـي
هذاك منزلهم ولاهوب منـزول
حزمٍ حمر ماكن جابـه نزولـي
بدوٍ لياشدو يباريلهـم شـول
بدوٍ عن الخد السنـاوي تحولـي
والخيل تبرى للسلف بأهل أفعول
بمصقـلاتٍ للجماهـي تزولـي
ربعي برزاتن الياوقـف القـول
ربعٍ تروم الطايـلات وتنولـي

نــجــم
30-04-2011, 01:32 AM
يسقى أليامني حذفت المغازيـل
ومشيت من ربي بعدل وعدالي
وأبعدت عن أهل الأبروالتحاليل
ومشيت مع فجٍ وسيع السهالي
ومشيت مع بدوٍ تجزي المخاليل
منزالهم قفرٍ من الوسـم سالـي
قفرٍ مطهرته حقـوق المخاييـل
وغدران تطرقهاهبوب الشمالي
ومجالسٍ فيهارجـال التعاليـل
زحول الرجال اللي تفك التوالي
أهل السلوم ولنشامامداهيـل
طوال الشوارب مكرمين السبالي
والبن يعمل للرجال الحلاحيـل
فحول الرجال اللي تعدل الميالي
هذي طراةالعمرياسامع القيـل
طلبت رب البيت يقبل سؤالـي

نــجــم
30-04-2011, 01:33 AM
يا ليت عبدالله مشى بالتسـاوييمشي على الرجلين مابه تخاليـف
ودي لابو فراج بأحلى المنـاوييتبع هوى الغربي ليا ذعذع الطيف
ابغيه لا من هاز رجمـن عـلاويحل العصير لضايق الصدر تشريف
وابغيه لامنه نـوى مـا يـراوييتل مامونـن عليـه التكاليـف
يازين مرواحـه بـدوٍ خـلاويانته وانا واللي نريده على الكيف
الله على مـادام فينـا شـلاويمشين مع البيدا وساع الاطاريف
سجت نفس ما بين قاصد وراوياخير من جلسة ضعاف السواليف
يازين شب النار باعلى النـزاويفي نزوتن عيطن عبلها مهاديـف
واجذب دلالن بنهن له شفـاوييا زين صفتهن وزان المطاريـف
واجذب طلين من غنيم الشواويجابه غلامٍ ماحسب للمصاريـف
والصبح نسرح كان تبغى الدناويتلقى طوارفهم بهـاك القفاقيـف
مدهالهم بين الحفـر والصـداويوان سندو يلقون غرب المشاليف
الاد بـراز مزبنيـن الـجـلاويحريبهم يصبر على صكت الحيف
بمدح بني عمي وساع الاهـاوياللي مضاربهم سوات المغاريـف
خيالهم فالكون ماهـوب يـاوييهوي على الحراب بمصقل السيف
هم صلبنا لامن بلتنـا البـلاويوانا سندهم لااعتزو فالمواقيـف
ظهران لاجانا النـذر بالعـزاوينرسي كما ترسي جبالن مراديف
لامن نقلنا مبهمـات العـراويتفاقنا مـا يتقـي بالحجاريـف
مضراب مخباطه على الصدر هاويواهل الرماح يشلعون الشراشيف
من فوق قبن لشكايـم تـلاويعليهن اللي يفرقـون المواليـف






الشاعر/بداح بن سعود الحويدر الظهيري السهلي






رد الشاعر/عبدالله بن سعيدالبرازي على الشاعر/بداح بن سعود رحمه الله






أكتب سلامي لرفيـق النحـاويسلامٍ احلى من حليب المشاعيف
فيماذكرتوا يالسنافـي شفـاويوطبعي محضات الدلال المهاديف
والنجرادنه كوديجذب خـلاويلاجاني العمسان ينهل من الكيف
واليوم انا عن ملبس البشت ثاويوالحال مرضانٍ من الصيف لصيف
الله يجيرك من خبيـث البـلاويياللي تمنالي ولي قلبـك سخيـف
عزالله انـك مـن بعيدالهقـاويننشرلك البيضامن السيف لسيف
يابوسعود الوقت ماهوب يـاويجعلك مجارٍ من خبيث الصواديف
أناعلى ماقلـت يابـداح قـاويلو تبغي أهل الشام والاهل طريف
أنته تبي المطراش ويش انت ناويوأنامعك فالدرب لوكانه مخيـف
أناعلى شف النحـاوي نحـاويبسايرك يابداح يامكرم الضيـف
أركب وعلق شنطتك فالعـراويوعلي عزبتكم بكل التصانيـف
أنهـض بعزمـك ماتسرالمنـاويورجلآبلاعزمٍ يسمونه ضعيـف
نبـي نمرمدلـهـات الـهـواويعكش العيون مولعات المواليـف
كان السلاح يثور جينا الحـراويوان كان مابه لون جينا مناكيف
انته شلاح اللي يسمى النـداويالاشقراللي ماقعـه بالمشاريـف
حبلك على كل الموارد رهـاويولك وقفةٍ يدرابهـا بالمواقيـف
أخاف من البده تسوي دعـاويهم نبتلش بملهفات السراجيـف
نخاف من حذف الحصى والقناويأخذ المثل ماضعيفٍ يساند ضعيف
مافيه من يرحم ولاحـدٍ بيـاويكبارالمثانـي والمهارالمزاغـيـف
أصبح طريحٍ بينهـن للاهـاويوالاأنته بتنحاش عجل المحاريـف

نــجــم
30-04-2011, 01:33 AM
يالله ياسمـاع صـوت المنـاديانك تعاوناعلى راعـي الكيـد
تشهد لناكل العرب بالقـواديوأفعالنـا بيماننـا بالبـواريـد
تاريخنامبطـي قـديـمٍ وزاديواناالسهول خزام من عال ياوليد
فضحكم الله فالحضروالبـواديوالسم هذا قبلكـم مابعدقيـد
فعلاًفعل يطلاأهلـه بالسـوادينقصاًعليكم في سلوم الأجاويد
تطلس لحاكم بالرمادوسمـاديوخربتوالسمعـه ولافدتوالفيـد
اقفى سعدكم جعلكم للنفـاديوفعولكم قشرى وصرتومقاريد
رماكم الله فـي طيورالهـداديعيون الحراراللي تصيدالأواليـد
قد صادو الجرباءنهارالطـراديودواس داسوه البرازات فالميـدِِ
بيومٍ تهاوت فيه شلف وهنـاديحول به مهناوخيلـه عراجيـد
شمالـي المعذركلامـاًوكـاديبشعيب أليّس محددينه بتحديـد

نــجــم
30-04-2011, 01:34 AM
مريت لي منزلٍ قد حل به غـازي
الطيب اللي مع الأجناب أماريبـه
ابوفهد نادرٍ فالطيب قـد فـازي
عزالله انه طلـع وأطلـع تجاريبـه
ياناس غازي حسين الوصف ممتازي
مدهل لمن جاه والطرقي يهلي بـه
مرحوم مرحوم يابن عبيد ياغازي
يفقدك راع السلف لاجت مواجيبه
ياليت غازي يجي سبعةعشرغـازي
والكل منهم يجي مثلـه وندريبـه

نــجــم
30-04-2011, 01:34 AM
يالله ياللي عادتـك عـادة الجـودلاتجعـل الشّطـه علينـا طويلـه
ستين ليله فوق الأمتـان ممـدودلامن كلٍ نام قمـة اشتكـي لـه
الحال منـي ناحـلٍ كنـه العـودعود بـراه سـداد حطـه نحيلـه
إن مت قبلي من كلاجنبه الـدودقـد فرشونـي لابتـي فالمخيلـه
يا سعد بن فـراج ياترثـة الجـودقلبي تجيه مـن الطـواري مليلـه
أصبروأنا حالي من الهـم ملهـودعلى النشاما اللي تفيـد النفيلـه
ما عاد جانـي يالمطاليـق مـردودولا طرقيٍ منكـم عيونـي تخيلـه
ياليتني معكم على كـل مـارودوأفهم قبيلي يـوم كـل وقبيلـه
وبرغش اليامن قالوا الدرب مسدوداللولب الحلحيل في كـل حيلـه
واصبـروراع الصبرتـراه محمـودواصبرعلى نقل الحمـول الثقيلـه
وأضبط جوابك كل ما صار مارودولو كثّر المـارود حلـوه دليلـه
وأخبّر ترى الطلبه بها هم ولهـودتبي لها رجـلٍ سـدوده طويلـه
ومطلق اليا من قالوا الحبل مشدودياعـل مانعتـاض فيـه ابديلـه
يا شوق من قرنه على المتن مرجودوالحـق يضربـه بحجـه قبيـلـه
وشيوخنا اللحيان نطاحة الكـودنطاحة الكايد اليـا جـا سبيلـه
من ضربنا الجربا زبن كل مضهـودصاحن عليـه محرمـه بالطويلـه
واللي يتمنا حربنـا ذاك مقـرودلامـن تلاقينـا تصيبـه فشيلـه
وبشاية المولى لنـا حـظ وسعـودووجيهنا عنـد القبايـل طويلـه
وعرهان أبن باتل له شهود وعدودصيته رفيـعٍ كـل ماجـا دبيلـه
ومهنا طرح دواس والعلم ماكـودودهام طـق وضيـع الله دليلـه
والفغم يوم عقاب حده عن القـودمن ضرب قاسي راح ربعه تشيلـه
ودغش المذّكر ذلقة الهنـد بالـودومنفلينـه بالفعـول الجميـلـه
وراعي ذويبه يوم طارد ومطـرودكم من شجاعٍ وسده راس أصيِله
أبن سعيد اللي بالأفعـال مفنـودريـفٍ لربعـه فالليالـي البخيلـه
وأنّا بعدهم كل فهدٍ مـن فهـودواللـي يتمنانـا يمـوت بغليلـه
وصلاة ربي عد ما هبـت النـودعلى نبي قريـش سيـد القبيلـه

نــجــم
30-04-2011, 01:34 AM
ياعلي سلم لي علـى مركـز الطيـبنزالـة الحفنـه رجــال الشهـامـه
سلامٍ أحلى مـن لبـن شمـخ النيـبلاروحـت مـن زاهرٍفـي عـدامـه
بد الأميـر اللـي يشيـل المواجيـبأبن الشيـوخ اللـي تفـك الجهامـه
علـوش لاشانـت علـوم المناجيـبياسعـد منهـو فاالقضايـا حـزامـه
زيزوم قـد مـرت عليـه التجاريـبوحليـم للجاهـل يهـل أبتسـامـه
لاشانت الدنيـا وصـارت شلاهيـبمقـدم بنـي عمـه وراع الزعـامـه
خص السـلام وكـل شـي بترتيـبوكـل ابلـجٍ وده لبيتـه سـلامـه
سلم على الظهران عكف الاشانيـباللـي لهـم عنـد الوقـوف ألتزامـه
ربعي بني عمي سنـادي مـن العيـبلاجـا نهـارٍ فيـه نطـل العمـامـه
الاد الظهيـري ملحقيـن المصاويـبزبن الطريـح اللـي تخالـف عظامـه
وزبن الدخيل اللي وصل مسكت الجيبيصغـون باالطامـع كثيـر الغشامـه
ذخرلنـا مافيـه شـك ولاريــبوأنّا لكـم بأمـر الولـي وأعتصامـه
وأنّا لكـم مثـل السبـاع المراقيـبوأنتـم لنـا مثـل الجبـل بارتدامـه
لاهـازه الرقـاي مالـه مقاضـيـبعود معيف ونايـف الضلـع ضامـه
ظهران لاشانت وجيـه الاصاحيـبحريبـهـم مايهتـنـي بالسـلامـه
عـدو عينـك نطلبـه بالمطالـيـبوصديق عينـك ننصـره فـي مقامـه
ياهيه يااللي توصـل العلـم وتجيـب{أسلم وسلم {للبـرازي} وسامـه}
{عبدالله بن سعيد} ملفا هل الشيـببيتـه لدسميـن الشـوارب عـلامـه
من روس قومٍ توصل العلـم لاهيـبكم جو قـومٍ هيجنـو فـي كتامـه
وكم شيخ قـومٍ دم زوره سواريـبمن ضربهـم قامـت عليـه القيامـه
لحنّـت الفطـر حلـول التشاريـبسلـف ضعنهـم والقـدر باالتطامـه

نــجــم
30-04-2011, 01:34 AM
عندالضحى عديت في راس لـولاحالزامي اللي فـي طويـل اللياحـي
جاني جوابٍ وسع الصدروأنسـاحوياحبنـي لشـرح والأنشراحـي
ردو سلامـي يالمطاليـق لبـداحسلام نصحٍ لرجـال الصحاحـي
شهمٍ كريـم وللمواجيـب نطـاحويقدرأهل القدر وأهل الصراحـي
قلبي عزوم ولاأهل الطيب طمـاحروس الرجال موسعيـن النواحـي
جاني كلامٍ منك كله لنـا أربـاحوالربح رفقتكم وهـذا أقتراحـي
ألأد بـن حدارمرويـن الأرمـاحلاجاءنهـارٍ مثـل ذبحةمنـاحـي
وردواعلى الجمعـى مبيعـةالارواحوخذوا سـداده ستـةٍ فالمطاحـي
ربعٍ ذوابيحٍ تبي كسـب الامـداحالله يرحمهـم ويرحـم منـاحـي
أميرهم اللي ياصفونه على رمـاحنرثـاه بفعولـه وسيـع المشاحـي
ظهران فالمنـاخ ماهيـب تنـزاحلاجانهاراً فيـه شلـف وملاحـي
لاشانـت الخطروقلـن الامـزاحبمركاضهم يشبع خفوق الجناحـي
جليدان فوق الخيل بالسيف ذبـاحلاحلت الهيجاء ومـس الشباحـي
وبرجس رفع بيتٍ بالاطناب سباحفي وجه جمـعٍ نـاويٍ بالصباحـي
والجمع شاف وعاف وصفح بمضياحأنكف وعافه من جميـع النواحـي
علـوش فالمركزخلفنـا بمـا راحعدٍ رسين ومنبعـه مـن قراحـي
أنتـم لنـا وإنّالكـم روح وأرواحأصلآ وفصلآ ياطيـور الفلاحـي
حنابـرازتٍ لياصـاح صـيـاحهم جودوا عوص النضا باللواحـي
الخيـل لحقـت بالمناعيـر طفـاحمايسنـدون الأ بـرد اللقـاحـي
هـذي فعايـل لابـةٍ وقتهـا راحواليوم أمان وخير والجهل راحـي
وصلاةربي عد ذعـذاع الاريـاحعلى شفيع الخلق يـوم السماحـي

يارا العامرية
30-04-2011, 06:44 PM
صح لسآن شآعرهآ وصح اختيآرك الرآئع ..
عافاك المولى وأسسسسعدك ..
تقديري ,,

نــجــم
30-04-2011, 06:54 PM
يسعدني ويشرفني مرورك العطر

تقديري لكـ

العنيــــدهـ
01-05-2011, 04:51 AM
صح لسان شاعرها
ولاهنت ع الإختيار الرائع
يعطيك العافيه

منادي
01-05-2011, 05:35 AM
صح لسان الشاعر عبدالله السهلي
اشكرك نجم على الديوان الرائع .. الله يعطيك 1000 عافيه
و
تحية اعجاب لمن يستحق الاعجاب
منادي

نــجــم
01-05-2011, 10:29 PM
صح لسان الشاعر عبدالله السهلي
اشكرك نجم على الديوان الرائع .. الله يعطيك 1000 عافيه
و
تحية اعجاب لمن يستحق الاعجاب
منادي
يسعدني ويشرفني مرورك العطر

تقديري لكـ

نــجــم
01-05-2011, 10:30 PM
صح لسان شاعرها
ولاهنت ع الإختيار الرائع
يعطيك العافيه


يسعدني ويشرفني مرورك العطر

تقديري لكـ

سلطانة
04-05-2011, 11:11 PM
http://www.halauae.com/uploads/images/alsaher-3814931317.gif

نــجــم
05-05-2011, 01:32 AM
يسعدني ويشرفني مرورك العطر

تقديري لكـ