ديوان الشاعر / سعود بن غازي العبيدي [الأرشيف] - ®°·.¸.•°°·.¸منتديات عيال الحمايل¸.•°°·.¸.•°®

نــجــم

30-04-2011, 01:10 AM

يشـرح البـال فنجـال قـهـوهيستوي فنجالها مـن غيـر هيـل
كل شخصٍ له مع النـاس شهـوهلكن المعنى على الشخـص ***
صاحبك محـروم ينخـاك نخـوهاعطني من ما عطـاك الله قليـل
بيـع واشتـر دام للعمـر زهـوهقبـل تذبـل وردة الخـد الجميـل
مثل شمس الصيف في وقت ضحوهنورها عقب الشروق يعـود ليـل
شوف بعض الناس للنفس دعـوهضاع عمري وانا اشرب زنجبيـل

نــجــم

30-04-2011, 01:11 AM

ول يـاقلبٍ على العهد القديم .... مشتقي بالزين لو عصره ذلـف
يطرد أحلامٍّ تلاشت في العتيم .... عرقها اللي يسقي أماله نشف
ثم بقت في خاطره ونة سقيم .... جرحها توه على كبره نـزف
لاتقول أنك على المخطي حليم .... من حسبها صح في المسجد عكف
لاتوصف كل ماصادفت ريــم .... يتعب اللي شاب راســه لاوصف
تبتلش وتقوم في حبه تهيم .... والمحبه ماخذا منها طــرف
تحترق وتصير للجاهل غريم .... والتعب مع دربها ماله خلف
ولاتخف أليا غنج هافي البريم .... مانواك بخير يوم أنه وقف
وده أنه يتلف العود الهشيم .... ينثر بوجه الثرى شوكٍ غذف
والمشاعر لايحركها النسيم .... صد عنها والعهد كله شرف

نــجــم

30-04-2011, 01:11 AM

أنــا يا فهد قلبي صبور على الليعات ...... أعرف الليالي السود ماهيب مامونـــه

إذاقلت حظي زان ساعه من الساعات ...... يجـي اليوم الأخر والسما يختلف لونــه

على كل مله ذقت طعم الهوى جرعات ...... ومن الصعب تلقى رفقة الزين مضمونـه

يخدعك كلا مـه والمحبه لها شارات ....... تعرف الكلام الكذب من نظرة عيونــه

ترى صاحبك لامن نوالك على الصدات ...... لـو تجتمع كل العرب ما يردونــــه

وترى الحب ذوق وكل نفس لها مشهات ..... و إذا كان هاذي رغبته لا تلومونــه

يا ما نـثرت عيني من الدمع و العبرات ...... و أخفي دموعي للعرب لا يشوفونـــه

فــراقه خساره والخساره من الجزلات ....... أكيد الخبر ماهوب قولة يقولونــه

من اللي يساعدني على الصبروالضيقات ....... صديقٍ مع الأيام ما يخلف ضنونــــه

نــجــم

30-04-2011, 01:11 AM

أنا صبرت وزاد صبري عن التيم * خطراً على الزعلان يرمي هدومه

زعلان من حظ جلبته ولاسيــم * وحظ يبيعه صاحبه من يسومه

مالي صديق ساعة الضيق والضيم * يحس بحساسي وهمي همومه

ياكثر مافي الناس مثلي مظاليــم * وين المحبه والقلوب الرحومه

كنا سوا واليوم رحنا تقاسيـــم * عشرة سنين وتاليتها خصومه

حط العرب فيها حلال وتحريــم * وشاع الخبر مثل قرار الحكومه

وزاد التباعد بيننا والتفاهيـــم * صفحات حب بالفراق مختومه

عيب علينا ندخل السين والجيـم * غالي وغلطات الحبيب مخصومه

غاب القمر ونجومها والسماء غيم * والبدر لامن غاب غابت نجومه

نــجــم

30-04-2011, 01:11 AM

ذكرياتي كلها داخل شناطي & فتشوها كان تبغون الحقيقه

كان ارتبها فلا شك ارتباطي & بالعمل ماضل من وقتي دقيقه

اجتمع عندي رصيد من اختلاطي & من كثر ماعشت في وسط الخليقه

شفت زين وشفت شين وشفت واطي & وكل شخص له مفاهيم وطريقه

عشت في دنيا بحـر بلا شواطي & كلها تنبيك ببحور عميقه

مثل من يكتب حروف بلا نقاطي & وضاع مفهومه بالاوراق العتيقه

انتهى المشوار ماعندي نشاطي & ما يحمل الشخص شيً مايطيقه

واخرتها فقر وفراشي بساطي & مابقالي لاصديق ولاصديقه

نــجــم

30-04-2011, 01:12 AM

فقدت أيام راحت من حياتي ..... بـقا بـالقلب منها ذكرياتــي

يشـاغلني خيالـه كل ساعـه ..... علـى عهده وهو ضيع وصاتـي

غناتـي بالحياة وراس مالـي ...... تمنيـته علـى طول اللـيالــي

يقابلنـي وينظر في حوالـي ..... ولالـي عنه في الدنيا غناتــي

أضيع كل وقتـي بالتّمنّــي ...... هـواجيسٍ بقلـبـي يشغلنــّي

أفكر فيـه كنه صار منــي ....... بشوفـي والعيون السـاهراتي

أنـادي كل من كلمت باسمه ...... وأشوف بكل شـيٍ زين رسمه

يشوقنـي لـشوفه كل نسمــه ...... وهي قصدي وهي غاية شفاتي

تجنبـت السهل واخترت دربـه ...... مقيـمٍ له علـى درب المحبـه

و لا تحلـى الحيـاه إلا بقـربـه ...... و لا حسيـت للـدنيـا طراتـي

شرتنـي بالمزاد بدون قيمـه ...... وهي باحوال من تملك عليمـه

رظينـا حكمها وهي الخصيـمه ...... عساي أطلع من الحكم ببراتي

تجاهـل كل حبي والصداقــه ...... وينذرنـي علـى قطع العلاقـه

عطانـي بعد تعذيبي بطـاقـه ...... عليهـا كتب ممنوعٍ بتـاتــي

نــجــم

30-04-2011, 01:12 AM

معنى كلامك يامحمد على الراس -- عساك دايم قدمنا بالمكاني
ياعيدهم لاهب بردً ونسناس -- سعد الضعيف الي من البعد عاني
من طب بيته ماتحرى بالافلاس -- غير العطيه خاطره مرحباني
ابو سعد طيبه قديماً على ساس -- ماحسب التجرات والعمر فاني
عسى الولي يحييك ويجيرك الباس -- شرواك ماتخفى عليه المعاني
في مجلسك لاجيت للكيف محماس -- من غير حط الكيف حيلً سماني

نــجــم

30-04-2011, 01:12 AM

قصيدة الشاعر مرزوق بن عبد العالي العتيبي ،

عندما زارنا في مدينة عنيزة قادماُ من الكويت بعد الازمه .

جيت ابو غازي يوم الليل هود -- متعبين ركابنا للي نحبه

أسهليً في عراوي الطيب جود -- في طريق المرجله مشاه ربه

فرد الشاعر: سعود بن غازي - رحمه الله-

يابوطارق روح لاتبطي وعود -- شاقني خط القلم واللي كتبه

يبن عبد العال من معناك زود -- يوم زانت والهوى ذعذع مهبه

دارسً نظم القوافي ومتعود -- زايدً عرفك عن المقياس حبه

في بلدنا سوق لامثالك يفود -- من جلب في سوقنا لازم يطبه

يبذل المجهود عن بيض وسود -- وفي رجاء الله يزرع الفلاح حبه

نــجــم

30-04-2011, 01:12 AM

كذبت نفسي يوم شفته قبالي ... هو حلم وإلا شفت خلي حقـــــيـقه

كنى بـحلم من حلوم اللــــيالي ... يا لــيت حلمي زا د وقـته د قيقــــه

وجدت نفسي عقب حلمي لحالي ... وصاب الحشى والروح والقلب ضيقه

ودي نـطول بس مـابــه مجـــالي ... ولا وجـد نــا للـسوالـف طريــــقه

وأ هديـــتله جسم من القلب خــالي ... هـــديـةٍ من الـصديق لصد يـــقه

هـديـة لـك يـا شــــبيه الـغزالي .... يا من حوى كــل المعاني الرقــــيقه

نــجــم

30-04-2011, 01:12 AM

هذي القصيدة من الشاعر سعود بن غازي السهلي - رحمه الله -

ردً على الشاعر والمحرر في مجلة مراءة الامة الكويتية

، ناشي الحربي ، بتاريخ 19 -9-1975م

يابو مشعل نشكرك شكرً جزيل -- يوم وجهت القصيده والسؤال

نشتكي من حب ابو خصر نحيل -- ما حصلك منه هجر ولا وصال

ليت لي في البرق والهاتف عميل -- أو لنا مع صاحب الشأن أتصال

كان احاول كل شيً مستحيل -- كان ينفع فيه حيله واحتيال

صفر واحد مالنا معهم زميل -- والشكاوي ما يردون السؤال

لاتبوح السر في قولً وقيل -- أطلب الموجود لاتطلب محال

عن كثير الحب يكفيك القليل -- لاتحط الحب عندك راس مال

كم زرعنا زرع مانجني حصيل -- والبذور تطير مع ريح الشمال

المحبه والهوى حملً ثقيل -- انت تعلم بس نضرب لك مثال

استعن بالله والصبر الجميل -- وعن حلال الناس يكفيك الحلال

نــجــم

30-04-2011, 01:13 AM

بعض العرب مــايستحق التفاتي = لو كان ياقفلي على الدرب صديت

حيث أن صفاته ماتناسب صفاتي = يرتاع منه القـلب لـولاي سميت

وبعض العرب شوفه يساوي حياتي = لامن طرالي في حلا النوم فزيت

الله لايقطع رجــاي وشـــفاتي = هي شمعة الديره وشمعة هل البيت

تكفون يمه من يودي وصاتي = ويقول له عن غيبته ليش ماجيت

أطــول حبالي دونها قاصراتي = ولاجت لي الدنيا على ماتمنيت

طــال أنتظاري ماحصلي بـراتي = وكل المماليك أعتقوهم وأنا أبطيت

محدن صبر صبري وسوا سواتي = عشرين عام أطلب بدين ماوفيت

نــجــم

30-04-2011, 01:13 AM

يـاغـايـب(ن) عـنــي تـــراي متـبـاطـيـك
اذكـــرك كـانــك عـــن الـعـهــد ســاهــي

لــو افـتـكـرت بـعـشـرة الـعـمـر يكـفـيـك
ذكرى من الماضي على (كوب شاهي)!!

كـانــك نـسـيـت وكـــل حـاجــه تسـلـيـك
ريـــح ضـمـيــرك قـولـهــا لا تـضـاهــي

الـظـلــم راح وراح عــهـــد الـمـمـالـيـك
والنـاس كــل(ن) لــه مــزاج ومشـاهـي

خــلاص فــاات الـفـوت مـاعـاد يـمـديـك
عـطـنـي خـبــر كـانــك بـدنـيـاك لاهـــي

كـلــمــه تـوديــنــي وكـلــمــه تــوديـــك
وصـــار اتـجـاهـك يخـتـلـف واتـجـاهـي

خـابـت ظـنـونـي كـلـهـا والأمـــل فـيــك
وررفـقـتـك زادت حـيـرتـي واشـتـبـاهـي

كضمت غيض النفس من شان اراضيـك
وضيـعـت لـجـلـك دم وجـهــي وجـاهــي

نــجــم

30-04-2011, 01:13 AM

سـبحان من غير الاحوال بـــأحوالي .... سـود اللــيالي عــوايـدن يغــدرني

من عــاش فـيها يـذوق المر والحــالي .... تظن فــيها ضنون وتخـلف الظني

انـا أعرف أنك مواطن والوطن غــالي .... واحــداث الايــام جـابنك وجــابني

كرامت الشخص تسوى كل الاموالي .... ما دام مكتوب رزقي وش مزعلني

لـــو ضاق بك جال ماضاقت على جالي .... لـديار الاجواد خل الهجن يـردني

يــوم العــرب سلمهم فـارس وخـيالي .... أفــعال ربــعك مع العــالم يــردني

محسوب رجــالهم عشرين رجــالي .... وقـت مضى يحكمون الانس والجني

وفي ظرف ساعة يجي فيها الف حلالي .... من خــالق الكون لامنك ولا مني

نــجــم

30-04-2011, 01:13 AM

يــابـو سـعـد ولعـلنا راس شيـشه >>--<< كودك لـيا ولـعـتها تـبرد الجــاش

ماتشتهي نفسي من الهم عيشه >>--<< ماتشتهي عقب الهرافا عشى ماش

دايــم عيوني من فتوق الدريـشه >>--<< كــوده يجي من يــمة الربــع طراش

يــاراكـب اللي مـنوتــه دق فيشه >>--<< لارص بنزيــمه عـلى صــاحبه طــاش

عبيت بنزيــمه مـن ادنـات شـيشه >>--<< مـافـوقـه ألا زهـبة الدرب وفـراش

مـابغ الكـويت وصفتٍ وسـط جـيشه>>--<<المملكه قـدمي بـها النـاس تعـتاش

نــجــم

30-04-2011, 01:14 AM

رد من هزاع الظهيري

ابوسعد

الكــبد مني يــابو غــازي غـشيشه >><< غشيشةِ من مــاجرى داخل الجـاش

وقت الدهـر صــارت بشوره وخيشه >><< والنــاس مــاتصبر على قــولة المـاش

يــاراكب اللي يعـجـبك في نـشـيشه >><< لامن ضرب لـه سهرةِ صـابــه خراش

اسبق من اللي في الهوى صف ريشه >><< لاصف ريشه واغلب الجول منحاش

راعـــيه قـــطاع الـديــار الـوحـيشه >><< من دار ابو ســالم سرح وقـت مــغـباش

نــجــم

30-04-2011, 01:14 AM

قضيتـي تشبـه قضيـة فلسطـيـنمافيـه نصـر ولا تبـيـن هزيـمـه
احترت في حبـه مـن ايـام وسنيـنتقسى علـي وهـي بحالـي عليمـه
انا وهي مـن عـام خمسـه وستيـنكني خصيم ماخلـص مـن خصيمـه
لا من طلبتـه بالوفـى قـال بعديـنقلت : ارحمي شكواي , قالت : غشيمه
رجعت ابيع الدين فـي ساقـه الديـنوايقنـت بالافـلاس عقـب الغنيمـه
تقـول مـا للحـب عنـدي قوانيـنصبـرك علينـا والمحبـه مقيـمـه
قلت الخطا مسمـوح بيـن المحبيـنغلطـه بسيطـه والعواقـب سليمـه
حنا عيال اليـوم نبـدا مـن الحيـنخوينـا لـو ضامـنـا مانضيـمـه
كوده يدور الوقت من حيـن لا حيـنتطلع شهود الحـق عقـب الظليمـه
يطلـع نـظـام للهوى والمحبـيـنيحـل كـل المشـكـلات القديـمـه
قـدام يدخـل فيـه نـاس غشيميـنبعيونهـم كـن المحـبـه جريـمـه
الحـب سنـه مـن زمـان القديميـنوطرق الهـوى لصحابهـا مستقيمـه
لو توقف العذال فـي الـدرب صفيـنمايقـدرون اهـل الحسـد والنميمـه
مايبعـدون بجليهـم بـيـن قلبـيـنمايقـدرون وفايـه لـهـم عديـمـه
مسكين راعي الحب مسكيـن مسكيـنيبيـع قلبـه مـا خـذا فيـه قيمـه
حبيـت وحـده والعـذارى كثيـريـنلهـا المـوده والـغـلا والحشيـمـه
تشبه قمر مابيـن عشـره وعشريـنلا طـل نـوره بيـن غيمـه وغيمـه
يظهر خوافـي قلبهـا نظـرة العيـنوتجاهل الـي صـار وهـي فهيمـه
سبحان مـن يعطـي بليـا موازيـنضحكاتـهـا والابتسـامـه مديـمـه

نــجــم

30-04-2011, 01:14 AM

هلابـك مرحـباً واهـلين واكثر لـيش بس اهـلـين = هلابك عد هتان المزون وعد حسـادي

بعد ماقلت هذ البيت فز وقلت بدرين ويـن = قـال اخـاف يـظـهر عــلم للحـساد ويـزادي

وقـلت اخـاف لامن رحت مـا تقدر تجي بعدين = يجي شي يـردك ويتعكر جـونـا الهـادي

وهمس لي في عيونه سرواضح في صبي العين = وفهمت الرمس من فعل امس مبدىوقتنا البادي

وعرفت انـه مسـافر والنتيجه صرت بـين امرين = ظروف البعد تجرحني ونفسي شوقـها زادي

وتـشـبثت بحبي مـا حصلي منه غـير البين = وبـدل فـرحتي بـأحـزان تسكن داخـل فـؤادي

وجلست بمجلسي مهموم ودمعي يجرح الخدين = وقال احسن كذا يـامـا عطيتك درس مـافادي

تـفرقـنا على غفله وضـاعت فـرصة المسكين = قنصت ومـا رميت وعـود القـناص مـاصـادي

هــذاك اليوم يـاشـينه عسى الله مـايعيد الشـين = تخـاصـمنا على كـلمه ولـكنه هـو الـبـادي

شكيت البعد والفرقى وجاوبني غراب البين = من وين الصبر والسلوان واللي غاب ما عادي

تمنيت الـرسـالـه مـنه تـاصلني بـعـلمً زيــن = يـطمني عـن احـوالـه أثــر مـاهـوب نـشادي

انــا ويـاه جسم وروح حتى لـونصير اثنين = تـفرقـنا الظـروف ونـجتمع مـن غـير مـيعادي

نــجــم

30-04-2011, 01:14 AM

صرت بـين الخـيال وبـين الحقيـقه = يــالله أني دخـيلك كـان هـذي قـراده

من خبر واحد بالحب يضلم صديقه = كـل ماقـلت يرضيني هجرني زيـاده

حـالفٍ لــه بربي والعـهد والوثـيقه = تــايهٍ من هــواه وخـايـفٍ مـن بعاده

تهت في بحر حبه ماعرفـنا طريقه = في فنون الهوى عنده وسام وشهاده

هي حبيبه ولكن في حنان الشقيقه = كــل أمـالي عليه وبهجتي والسـعاده

أتـذكـر كـلامـه كــل وقــت ودقــيقه = وفـالمـنام أتخـيل صورته فـالوسـاده

نــجــم

30-04-2011, 01:15 AM

يارفيق نسى لايتصـل فـي رفيقـه
قطعة الوصل ماهي لبو غازي عوايد
يا عسى راعي المنهاج ماخلف طريقه
عادته يرتكي للحمل وقـت الشدايـد
كان تنسى شهر فأنا اذكرك بالدقيقـه
رفقتك تاج راسي وافتخر في البدايـد
بس ظرفي حد نفسٍ عليكـم شفيقـه
أنتظر ينتهـي مشوارهـا بالحمايـد
قالو البعـد طـبٍ للجـروح العميقـه
واثره السم يامشكـاي والسـم كايـد

نــجــم

30-04-2011, 01:15 AM

أذكرك يابوجابـر كـل ماشعـر بظيقـه
واتمنـاك دايــم ياوسـيـع البنـايـد
مثل شـرواك ماضنـي يعاتـب شقيقـه
جاد حظ الفتـى والا علـى غيـر جايـد
مـن معانيـك زودنـي معانـي رقيقـه
اعرفك في مجال الفـن عنـدك شهايـد
يابوجابر نزلنـا عقبكـم فـي الحديقـه
نزرع الـورد ونسـوي وشـاح وقلايـد
نهدي اللـي لنـا معهـم علاقـه وثيقـه
ونبتعد عـن قليـل المعرفـه والفوايـد
شفت فـرق الحيـاه الضيقـه والطليقـه
وموقفي من قضايا الشرق الادنى محايـد
وكل ثوبـاً علـى قـد ابـن الادم يليقـه
وكل شي مداه النقـص لـو كـان زايـد
يا حسافه علـى ذيـك الليالـي العتيقـه
لو نحاول نعيـد الوقـت ماهـوب عايـد
ضاعـت البندقيـه والفشـق والعليقـه
وهقوتي لو قنصت الصيد مانيـب صايـد
ذيك الايام راعي الحـب يشـرق بريقـه
يدخـل المعركـه ولا يحسـب الفقـايـد
واعتبرت الهـوى سنـه وشـي حقيقـه
ومكسبي من صدى الماضي تجارب قصايد
والحب الاول تحـول لا تـدور عشيقـه
أغسل الحب من قلبـك بصابـون تايـد

نــجــم

30-04-2011, 01:15 AM

باقي في القلب تذكار قليل ...... في خيالي شي من حلم جميل

بات في ذهني من الاحلام صوره ...... تستحق الحفظ جيل بعد جيل

صورة من حلم بقيت في خيالي ...... هي حصاد الزرع والصبرالطويل

وراحت الأيــام والاحلام فيها ...... ورجعت المـاضي عليه مستحيل ?

ماعرف ذنب على نفسي جنيته ...... والكلام اللي حصل ماله دليل

يوم ما يرحل محب من حبيبه ......أتعس الايام هو يوم الرحيل

ضـاع حبي في جفاه وصد عـنا ..... لا شهود نشـتكيه ولا كفـيل

الامال اللي دعتنا وين راحت ..... ليش ضيعت الاماني يـا بخيل

لا تهدم اللي بنينا في ثواني ..... يبكي القـاتل على قبر القتـيل