المساعد الشخصي الرقمي

مشاهدة النسخة كاملة : ديوان الشاعر / مبارك بن ضاوي العبيدي السهلي


نــجــم
29-04-2011, 04:05 AM
هذا القصيدة للشاعر الكبير مبارك بن ضاوي العبيد السهلي من الشعراء المعروفين وترقبو قصايده هذا الشاعر (( انا من احفاده))

يابيت وين اللي سكن فيك وينه = وبيبان سورك للنشامة فتحها

فيه العوض شبله حليه حتينه = مير ان حبه في القلوب وجرحها

ليليةغيابه كل عين حزينه = وكل عيونه بالفواين مسحها

تبكيك ياقواد حبل السفينه = ماطاوعت عذالها اللي نصحها

شافت مكان كان متربعينه = وكل علومه مع رفيقه مزحها

واليوم حال الخد بين وبيه = حل الوداع وعن نديمه تنحها

ياليت ماجد مهلن له سنينه = وظهر على الناس تزايد فرحها

حجا ابن عمه مايتبه بشينه = زلات فوجه كلبوها دمحها

راس الشيخوخ اللي تفك الضعينة = اللي على العليا تزايد طمحها

تخاشرو في الطيب متشابرينه = في قصر التعبير في اللي مدحها

من راس ابو نايف منجي زبينه = زبن للدوح إلي شفق من لدحها

ينهض حجاج اللي شكاله بينه = لاكبرت القالات دونه نطحها

عساه وابنه في جنان كنينه = جنات خلد في روايح نفحها

نــجــم
29-04-2011, 04:05 AM
بجيب اللي عندي عن الشاعر

يقولون ان مبارك بن ضاوي كان رايح زيارة للسهول اللي بالكويت ويبدوا ان جوها مكان زين ذاك اليوم فقال يتمنى نجد :




اللله على دار (ن) عذيـن هواهـا
ودي بها ولاعجاج (ن) على السيف
مير الربوع اللـي بهـا زينوهـا
اللي ذبايحهـم كبـار المشاعيـف

نــجــم
29-04-2011, 04:05 AM
وصلت الابيات للشاعر الكبير عبدالله بن صقية من بني تميم وجارا قصيدة ابن ضاوي بهذة القصيدة وهي مدح بالسهول :



يقول مـن شـم النوايـف رقاهـا
تميمـيٍ مـن لابـة للغنـم هيـف
هيض ابيوت من ضميـره نقاهـا
رد على من صاغ زين المقاطيـف
يذكر بني عمه سعد مـن نصاهـا
ريف الطراقي بالسنين الشفاشيـف
اسهول سو اللـي يقـرب حماهـا
مجزين مسطور ابراسه زعانيـف
الكيـل يعرفهـا ويعـرف وفاهـا
اكبار البيوت اللي ايكرم بها الضيف
يفرح بها الساري ابمظلـم دجاهـا
ما حسبو بالقل كثـر المصاريـف
مثل العدود اللـي طويـلٍ ارشاهـا
ما همب حسوٍ ينغرف بالمغاريـف
اعدود ما ينزح من الـورد ماهـا
تنراد بالكنـه وتنـراد بالصيـف
للضيف بالشـدات عجـلٍ قراهـا
وعند الملاقـا يفرقـون المواليـف
مع القرى للضيـف حلـو نباهـا
يوم البخيل اقراه كثـر السواليـف
قبيلـةٍ لانازعوهـا اخصمـاهـا
فرسان بظهور المهار المزاغيـف
وبال من هو مـن اهبالـه نواهـا
ستر العفايف ضامرات السراجيف
مهمب طرق مـن بغاهـا وطاهـا
عدوهم منهم ايخـذرف خذاريـف
اروم للعليـا مــروم الوطـاهـا
نجايب افكاري ابمنـوي مواجيـف
تستاهل الحشمـه سواعـد الحاهـا
تنشر لها البيضا ابروس المشاريف

نــجــم
29-04-2011, 04:06 AM
وجاء في ديوان ابن شاهر ص 25هذة الابيات للشاعر محمد الوعيلي السهلي وهي مجاراة لقصيدة ابن صقية اللي كانت صدى لقصيدة ابن ضاوي :



يارب تلحق كل نفـس (ن) مناهـا
والله يجيب ابن صقيه (ن) لنا ضيف
حتى يشوف فعولنـا اللـي حكاهـا
ويشوف ربع (ن) بالمراجل مواقيف
اللـي ذبـح واللـي وراه اشتراهـا
وهذا طلاق وذاك ديـن ومحاليـف

نــجــم
29-04-2011, 04:06 AM
كان مبارك بن ضاوي صديقاً لفلاح بن شاهر الزقعاني السهلي فلما فرقتهم الايام قال ابن ضاوي هذة الابيات في صديقة فلاح :





ياليت لي من البراقي طويلـة
تجيب علم وتوصل العلم ليـه
ولا من العيرات حمراً اصيلـة
جليلة العضدين ماهـي رديـه
تنحر رفيقـاً مالقينـا مثيلـة
فـلاح والله مالقينـا حلـيـه
عسى العوض ماهوب هذا بديلة
لعل يفـداه الخـوي وخويـه

نــجــم
29-04-2011, 04:06 AM
وله ايضا في فلاح ابن شاهر :



جانـا محمـد يقـول اراح
يـقـول لازم تخاويـنـي
ولالقينـا مـثـل فــلاح
عشيـر مروشـة العيـنـي
في شبته يكسـب الامـداح
يـوم ان ربعـه زقاعينـي
ياعيد هجن (ن) عقب مسراح
هلهـن ونايـا جويعيـنـي

نــجــم
29-04-2011, 04:07 AM
وله ابيات في رثاء الملك فهد بن عبدالعزيز كما حدثني بعض اقاربه وانتشرت في رسايل الجوالات :



المملكة وقت الضحى يوم الاثنين
انا اشهد انه راح منهـا فقيـدة
بأخر شهر سته بسته وعشريـن
اعلن حداد المملكـة بالجريـدة
مرحوم ياخادم بـلاد الحرميـن
وحاميه لاجته الليالـي الشديـدة

نــجــم
29-04-2011, 04:07 AM
نعودو لكم بقصيده الشاعر الكبير مبارك بن ضاوي ال عبيد السهلي

قيلت هذه القصيده في الشيخ ( غالب بن مناحي بن جلعود السهلي )



هاضني ناصر على قافٍ يحوفه = ماهر في الشعر يصلح محكمتها

صوت الغالب ووده للخروفه = والقصيده جابها بمواصفتها

زينة العرقوب نيه في ردوفه = والمريره زاهيتها برقبتها

والجنيب زاهيتها في دفوفه = ومن رفع يمناه ما طال شعفتها

خايلت برق ٍ تكاشف في قنوفه =كل وضحاً فوقها رثام ٍ تبعتها

ساقها اللي مايحسب للكلوفه =المسافه لو بعيده ما شمتها

فرحة اللي بايرٍن عنده خروفه =غير حشون خلجها توحي لعجتها

نسل شيخ ٍ مايهوجس بالنكوفه =لين نطح وردها بمصدرتها

نــجــم
29-04-2011, 04:07 AM
هذه القصيد مهداه الى سيدي صاحب السمو الملكي الأمير/
سلمان بن عبد العزيز امير منطقة الرياض حفظه الله

هاضت قرايح كل شاعر ابماكان ** برد الثناء ياجب على من فهمها

بنقودها قود العسايف بالأرسان ** وعسى نحوش الطيبه ونغنمها

مشكور يا راس الرياجيل سلمان** مشكور ياتاج المراجل علمها

مشكور ياسلمان من قلب ولسان ** مشكور يادرع الرياض وشهمها

يابو فهد ياخو فهد طير حوران **حلـيـت صعبـاتن بـركـنا لوحمهـا

حليتها باحسان من راعي احسان **شهم خذاها من شهامه شهمها

عـطـيتـن ماتـثـمـن با لاثـمـان** عساه في الجنه او ياخذ قيمها

من مجلس الحاكم الى قصر رضوان **بيضن لاهل رضوان فيصل رسمها

ولاهنت يابن خالد فيصل وسلطان** عند الخـوى قامـت تـنطـل عممهـا

عيال الملوك اللى خذوهابشمان** وكفو يدينن قـد بغتهـا تـغشمـهـا

سرا لهامن فوق ريمه وريمان**وسطا عليها سطونت واستلمها

وجاها اطرشن مايسمع الحكي سكران **كل الروابع في ضميره حكمها

وهلل وكبر وافطر براس عجلان **والخطه اللى في ضميره رسمها

وعدا معديها على راس ما بان ** وتبـاشروا بالعز يوم اقـتحمـهـا

نــجــم
29-04-2011, 04:07 AM
الحقيقه هذي قصيده لــــــشيخ مبارك بــــــن ضاوي الــــــ عبيد السهلي


رثاء في الـــــــشيخ /حمود بن دليم بن جلعود المحيميدي السهلي(رحمه الله)

الذي توفى قبل شهرونصف تقريباٌ الله يرحمه ويسكنه الجنه ويتجاوز عنا وعنه

ملاحضه(إن كان فيه أخطاء إملائيه فهي مني أنا لإني حافظ القصيده)




لوإن اليالي علمتني بيوم حمود
توادعت أنا وياه قدام ترحاله
لكن اليالي طبعها صادره وورود
لها غارتاٌ من بين رجلي وخياله
سقى الله لليالي يوم أشوفه بها موجود
فقيدة شيوخ بالوفاء وين منزاله
رفيقاُ على الشدات لاصك عودن عود
رفيقاُ على الشدات تنزلبه لحاله
يحساله على القوله هو اصارم البالود
يشادي لضلع طويق الجيت بظلاله
لوإنه لحق دورمضى ركب حمود
زعيم الشجاعه بالوفاء ميل عقاله
عليه المدايح بالمثايل يجن ورود
علشان فيه الطيب لقيل يزهاله
لعل البقاء فيما بقى نن عيال العود
أهل سلمٍ لاوقف العلم ينصاله
كلام علي البرهان مهوب يبغى شهود
يجف القلم والطرس ماكمل خصاله
سلايل عقيداُ ماخذى الحق والمفرود
خزايزشداده كل وضحاٌ ومشواله
عسى ظيفته عند الله الولي المعبود
يبشربعفون ورحمتن عند مدخاله
عليه السلام أكرره عد ذاري النود
سلامن يخص حمود في القبرلحاله

فادي الشلاحي
29-04-2011, 04:42 PM
تسلمً يمينكً على هذا الطرحً الراقيً والمميزً

يارا العامرية
29-04-2011, 09:10 PM
صح لسان شاعرها وصح اختيارك الرائع ..
عافاك المولى وأسسسعدك ..
تقديري ,,

نــجــم
30-04-2011, 01:08 AM
صح لسان شاعرها وصح اختيارك الرائع ..

عافاك المولى وأسسسعدك ..

تقديري ,,

يسعدني ويشرفني مرورك العطر

تقديري لكـ

نــجــم
30-04-2011, 01:08 AM
تسلمً يمينكً على هذا الطرحً الراقيً والمميزً
يسعدني ويشرفني مرورك العطر

تقديري لكـ

العنيــــدهـ
01-05-2011, 04:07 AM
صح لسان شاعرها
تسسسلم يمناك على رووعة الإيراد
يعطيك العافيه

نــجــم
01-05-2011, 10:37 PM
يسعدني ويشرفني مرورك العطر

تقديري لكـ

سلطانة
04-05-2011, 10:00 PM
http://www.halauae.com/uploads/images/alsaher-3814931317.gif

نــجــم
05-05-2011, 01:35 AM
يسعدني ويشرفني مرورك العطر

تقديري لكـ