ديوان الشاعر الكبير / محمد الفهاد [الأرشيف] - ®°·.¸.•°°·.¸منتديات عيال الحمايل¸.•°°·.¸.•°®

نــجــم

25-04-2011, 01:37 AM

ديوان الشاعر الكبير محمد الفهاد

بسم الله الرحمن الرحيم

هو الشاعر محمد الفهادالبرازي المطيري

وهو شاعر مختفي اعلاميا ويتمتع بقوة الوصف و عسر القوافي وهو شاعر من الطراز الاول

ونكتب لكم باقه من قصائده

نــجــم

25-04-2011, 01:37 AM

( اشباه الرجال )

لاتعتمـد علـى العفـون وتراكـا الميـت ماتلحـق وراة المطاليـب

عين البغيض اللي تنـوح وتباكـا ماحركت هاجس ولاصوبت ذيـب

من لاذ باشبـاه الرجـال وتشاكـا تظهر علية من حسناتة عذاريـب

جنب ترى بعض اللحى ماتحاكـا ماكل ثوب فيه قـرم ومواجيـب

بالعـرف ماذريـة آدم شـراكـا ماهم سوى من عصرلقمان وشعيب

يوم اختلط عشب الحجروالدكاكـا جيناوصاراردىالضيوف المعازيب

نــجــم

25-04-2011, 01:38 AM

(جرح الهوى)

جرح الهوى جرح خطيـر وذبـاح
تبقى علاماته على القلب والـروح
له بالحشاء عندي زمانيـن مـاراح
عيا يطيب وبلـش العيـن بالنـوح
يالله لا تجزا هـل الحسـد بنصـاح
وراع الحسد جعله طريحا ومفضوح
كسبت من طرد الهوى ظيم وجراح
حصيلتي ونه على غيـر مصلـوح
وجدي على من له بالاعماق مسراح
وجود رملن دمعهـا فايحـن فـوح
شافت ولدها ركزوا فيـه الارمـاح
خمس غرزنبه طاح والدم سافـوح
وقامت تعيط وترفع الصوت بصياح
تستنجد الشجعان والصـدر مفتـوح
وتفاقعوا كلن يبـا كسـب الامـداح
في ساعتن لقطع الارقاب مسمـوح
يوم انجلاء عج المغيرات وانـزاح
اضحى ولدها بطرف النزل مذبـوح
ياقـل سالمهـا وياكثـر مـن راح
موقف قشر ماهو تلاعيب ومـزوح
علىالذي حبـه نبـت نبـت فـلاح
فالقلب مالاعـه سمومـن ولافـوح
ارجيه لو دونـه مقاريـد وشحـاح
رجوا هل الطوفان لمرافقـة نـوح
مانساه لو ينقل جبل طـي لرمـاح
ولاتشال طويـق لجبـال رامـوح
عقبـه طريـح ولاتهنيـت بمـراح
غابت عن عيوني مسرات وافـراح
متاي ابكسب غاية القلـب وارتـاح
واحط في عيون الحواسيد ذرنـوح

نــجــم

25-04-2011, 01:38 AM

(فرقاك)

عقب فرقاك يالترف الغضيـض
وين انا والسوالـف والقهـاوي
كل برق تحـدر لـه نضيـض
فيه من لون خـدك يالهـواوي
سارح في شعور بـك يفيـض
بيـن ود ومواصيـل وهقـاوي
يوم اشوفك على البيداء حضيض
تفتن الناس عرضات ونخـاوي
عود موز على دلـو عريـض
من فروعه يغرفـون الـرواوي
كل من لاعشق مثلـك مريـض
في هوى الغيد تلميـذ عمـاوي
ليتني لـك بهـا الدنيـا بغيـض
وان مالي رجا وابقى رجـاوي
المحبـه يفسرهـا القـريـض
فرخ شيهان والعاشـق نـداوي

نــجــم

25-04-2011, 01:38 AM

(وش جابني)

وش جابني في منة التبع والشيخ
وانا سماء ونجوم نجد تعرفنـي
كريم كف ولي مع الناس تاريـخ
صحايفه تغدق علـي وتصفنـي
إن طمنوا راس الطمان المفاضيخ
في كل راس مشمرخ عرم شفني
مادور الهزله بسـوق الطبابيـخ
ذباح حيل ويربح اللـي خلفنـي
اشد من وقع السيوف الصراريخ
وبالين ريحان وتعـال اكتشفنـي
لوم على وجه الليالـي وتوبيـخ
اموت عطشان ظماء وتغرفنـي

نــجــم

25-04-2011, 01:38 AM

(الشمس)

الشمس لو به واحد(ن) يسكن الشمس
سكنتها عن قرب الانـذال ونحـوس
نسل الرخوم اللي نقانيقهـم همـس
في مجلسن ماهو من الشين محروس
تلقى قرايعهم بركض الردى خمـس
يفرحبهم من لايرى الطيب نامـوس
فرقي عليهم فرق باكر عن الامـس
طمنتهم لوهـم علـى حكيهـم روس
لمستهم في حادثـات الدهـر لمـس
حتى انجلا عن غيمة الفكر لابـوس
الله خلقني في عيون العـدو عمـس
اعالج انفوس ن لها تزعـل انفـوس
لي خاطر مايرتضي لوعة الحمـس
اليا تكدر ينصفق مـوت وطعـوس

نــجــم

25-04-2011, 01:38 AM

(يانور نجد)

فرقاك ضيـم وغيبتـك كلهـا وجـد
ياللـي بقلبـي مـن غـلاه متواجـد
يانورنجد ومن سكن في ثـرى نجـد
وحشتـك وحشـة ياسليـل الأماجـد
عشرتك مجد إن كان لاهل الهوى مجد
كنك وحـد لوغيـرك النـاس واجـد
أعذب من الغدق كـلام العتـب بجـد
مثل السحاب اللي سرى الليل هاجـد
ياحي لك عندي دقـاق الغـلا رجـد
صدقـة كريـم وزعـت بالمساجـد

نــجــم

25-04-2011, 01:39 AM

(فرقى)

جهزتلك عقب المواصيـل فرقـى
أقصر ثوانيهـا أسنيـن وتفاريـق
ماسامرت عيني من الـود ورقـى
يقفون بلونـات بيـض الغارنيـق
معودِ رجلي على الكـود ترقـى
قلبي غـرام للنايفـات الشواهيـق
عليـك سجـاتِ تقربـك حرقـى
ترعى الجسد رعي الجراد المدانيق
دوك العيون بشيمة البـدو غرقـى
تغضي حيا والناس عرف وتواثيق
أبطيت أخيلك ماصدق منك برقـى
وّليتك أظهور الركاب المصافيـق

نــجــم

25-04-2011, 01:40 AM

(الوجد)

تحن القلوب العاشقه والضلـوع العـوج
مثل ماتحن اللـي مـن الـذود منخلجـه
على ناعم ن دونه طعوس ن زمت وفجوج
سباريـت دو ن تقطـع الحيـل وتعلجـه
من الوجد كني في يدين الريـاح الهـوج
تولجت طاريها وطـرى والغـلا ولجـه
مع البارق اسبل ضيقة الخاطر المزعـوج
تجود العيـون ودمعـه وجمـره وثلجـه
الا يابعد كل الطوايـف هـاك العمهـوج
سلبنـي ودونـه نـازح البيـد منبلـجـه
انا ويش عذري والهوى جاهل ن مرجوج
مقاديـم رمحـه بالحنايـا لهـن دلـجـه

نــجــم

25-04-2011, 01:40 AM

(أنا)

يعيبوني اصحاب الرخاء ما لقوا عذروب
لى ظن من يحجب سنا الشمس برقبتـه
جهاجيل قوم(ن) لو تعد العيوب عيـوب
تخطريت كل(ن) بأسم جـده وعذربتـه
أنا يا ضعيفين المعانـي وطـن ودروب
على الكود كـم ليـلٍ سريتـه وشيبتـه
تهز الرياح الهوج قلبي علـى النبنـوب
تطير الضلوع وسبّق الطيـب قاضبتـه
وان كان بطرد المها شق جيـب وثـوب
ترا ماني اول من رما الريـم واذهبتـه
تتوب الليالي وان بغت لا تتوب اتـوب
انا في ذرى الله وش ورى الذنب لا تبته
سريت الغداري لاجل عاشق وله محبوب
هكا الوقت لـو عـادت ليالـه عاتبتـه

نــجــم

25-04-2011, 01:40 AM

(عريب الجد)

أعدي نايفـات مـن الزوامـي
ولالي في مجالسكـم مرامـي
أحب المجلس العالـي ونفسـي
تقاسي والقسى حـال الكرامـي
أنـا لاضاقـت الديـرة بعينـي
خذيت الريش من فرخ القطامي
تنحـرت الهبـوب الساحلـيـة
شمالية هواهـا شـرق شامـي
عديـم ماتنقـدنـي سـوالـف
ولايلحـق ملاحيقـي ملامـي
عريب الجد ريف لمن نصانـي
خوالي مثل ماسـووا عمامـي
تنشدني عن أصحابي وان اللـي
على أصحابي مثل طش الغمامي

نــجــم

25-04-2011, 01:40 AM

(يامبهر الدله)

اعض كف وساكب الجرح ماجف
خل النـدم ينفـع قلـوب الندامـا
والف حالي من صدوف الدهر لف
لفت هبيـل ن للضعـوف اليتامـا
لو كل مخلوق ن على الغيب ياقف
كم حجة ن عنها يعوض الصيامـا
يامبهـر الدلـه بفنجالهـا خـف
لا تسبق الدمعه عطـور النشامـا
انا صويب وجيت من خاطرن عف
اغضيت والرجل الحشيم ايتسامـا

نــجــم

25-04-2011, 01:40 AM

(لعل بيتٍ ماتجيه المسايير)

لعـل بيـت ن ماتجيـه المسايـيـر
تنهار جدرانه بـلا ريـح واعصـار
يهـزه اللـي هـز بنيـان اقـاديـر
هـزة غضـب فيهـا مبانيـه تنهـار
يسفي عليه مـن السوافـي معاصيـر
شهب الرياح مشوشعة خضر الاشجار
هبيـت يابيـت العفـون المحاقـيـر
لا كاسب ن طاله ولا حاشم ن جـار
نـاس ن تبيـع اذممـهـا بالدنانـيـر
يابايـع الذمـه نبـا مـنـك ديـنـار
لون ان في درب الردى للردي خيـر
تلقـى مخليـن المواجيـب تـجـار
ياللي تهوش وتطحـن كنـك الزيـر
اقصر على نفسك ترى شبورك اقصار
لو انت صقر ن ماجنتـك الصقاقيـر
اللي من الغبشـه يديـرون الاشـوار
عندي خبر ماهـو زمـان المناعيـر
هـذا زمـان مربيـة سحـم الابقـار
ولت عصور اهل الوفـا والمشاهيـر
وهذي هي الدنيـا تواريـخ واذكـار
اخذت في شهب الجزيـره مشاويـر
ترميبـي ايامـي مـن ديـار لديـار

نــجــم

25-04-2011, 01:40 AM

(الفاو)

سرى الليل ياسعيد وانا بين ليـت ولـو
زماني مايساعدني وجرح الغـرام يـداو
بصدري جروحٍ مبطيـات ٍ وشـي ٍ تـو
لك الله.. ياسيد هل العرف كيـف اسـاو
من الجادل اللي كن خـده بـوارق نـو
مصابيح خـده بالدياجيـر بـرقٍ ضـاو
مظاليل عينه قاذفاتٍ مـن أرض وجـو
صواريخ صنع الروس ليلة هجوم الفـاو
عسفني بميدان الهـوى ليـن حالـي ذو
ورقيت الرجوم وقمت اجاوب قنيب العاو
تمكن غلاه بمهجة الـروح حتـى إلتـو
لجا.. والرجا باللي على كل خلقه قـاو
وجودي عليه ونار الاشواق جمر وضو
وجود أم ورعٍ حل حتنه وجـاه الطـاو
شريدة ظناها.. مالهـا إلا بنـات وهـو
تهشم بدمعٍ كن بأقصـى حشاهـا كـاو
على اللي زمالي دون وصله جبـال ودو
بعادٍ مواصيله لو أنخى حـروف الـواو

نــجــم

25-04-2011, 01:41 AM

(الوسم ...الاول...!)
.

شاقني مزن تحدر مـن القبلـه بـرق
في محيره ترتع النوق زينات الطروق
ساقته صلف الهبايب ورعاده طـرق
لين هز من الحشا كل مايكما الخفوق
غارق ببحورغيي وغيري من غـرق
والمحبه تجرح القلب وتمس معلـوق
راعي خديد ليا بـان المدلـع شـرق
حل في ظلماي نور ومصابيح وشروق
سارق قلبي وهو يقسم انـه ماسـرق
وأقسم انه ماسرقني مثل زينه سروق
يوم زل الوسم الاول ومرباعي زرق
مابقى الا الوجـد وتعاليـل البـروق
شاقني مزن تحدر مـن القبلـه بـرق
واقف واخيل نوه وانا أظنه صـدوق

نــجــم

25-04-2011, 01:41 AM

(سر وجهر)
.

كم سهرت من الليالي على عودٍ نشاش
لين صافحت المشاريق في عين وسهر
ماكسبت من التجارب على خالي بلاش
كم قطعت من الجراهيد من ساق وظهر
برق ياللي مالنا منك غيم ولا رشـاش
جعل عين اللي تخيلك تموت من القهر
يوم كسرت المرابح وعديـت المعـاش
ليني الظامي ورجلي على جال النهـر
المساري حطت الرحل والديره عفاش
ذيب ياللي تقنب الصوت في سر وجهر
آه ياللي كل ماجاش في ذكراه جـاش
عاتبنـه ذكرياتـه وغنـى لـه دهـر

صعبة المنال

25-04-2011, 03:40 PM

نجم
أج ــمل وأرق باقات ورودى
لموضوعك الجميل وطرحك الرائع
صح لسان الشاعر وتسلم يمينك
كل الود والتقدير
دمت برضى من الرح ــمن
لك خالص احترامي وتقديري

يارا العامرية

25-04-2011, 06:12 PM

صح لسسسآنه .. ولآهنت نجم ع ايرادك ..
تقديري ,,

نــجــم

25-04-2011, 08:51 PM

صح لسسسآنه .. ولآهنت نجم ع ايرادك ..

تقديري ,,

يسعدني ويشرفني مرورك العطر

تقديري لكـ

نــجــم

25-04-2011, 08:54 PM

نجم
أج ــمل وأرق باقات ورودى
لموضوعك الجميل وطرحك الرائع
صح لسان الشاعر وتسلم يمينك
كل الود والتقدير
دمت برضى من الرح ــمن
لك خالص احترامي وتقديري
يسعدني ويشرفني مرورك العطر

تقديري لكـ

سلطانة

04-05-2011, 09:34 PM

http://www.halauae.com/uploads/images/alsaher-3814931317.gif

نــجــم

05-05-2011, 01:43 AM