ديوان / محمد جارالله السهلي

[نــجــم]

ديوان / محمد جارالله السهلي


طاح الحطب


جـمّـع الـلــي ودك تـقـولـه وبعـثـرنـي عـتــب
المـلامـه شــي عــادي دامـهـا مـنــك وجـــاي
أنـت تامـر وأنــا ألـبـي مــا تـبـي بلـيّـا سـبـب
بـس كـان لجيّـتـي خـاطـر تلـبـي لــي رجــاي
رجوتي لا تلحق اعيونك مشاريـه ض الهـدب
لا تضـايـقـه بـدمـوعـك والتفـاتـتـك وخـطــاي
كل شي الا دموعك واعـرف انـك مـن شطـب
صفحة الطيـش بحياتـي وابتـدا صفحـة شقـاي
سق فديتك كـل مـا تملـك مـن جنـون وغضـب
وابشـر بصـدرٍ يضمـك حيـل دام انـك هــواي
ولا رويت عتاب ناظرني وقـل طـاح الحطـب
واسأل شرايك وابنسج لـك مـن الأعمـاق راي
باتناثر لـك رضـا واحسـاس صـادق مـا كـذب
وأنـت رتّبنـي علـى كيفـك وشكلنـي بـرضـاي
وان تلعثم حضورك ثـم نطّقنـي لـك ض تعـب
حـاول انـك تسمـع أشواقـي وسـط تنهيـد نــاي
اسمـع دموعـه وقـرّب لــي وقــرّب وأقـتـرب
واسـألأ عيونـي عـن طيوفـك وقصتهـا مـعـاي
كيف كانت في غيابـك فجـأه تطـري واغتـرب
اركـض لمنفـى خيالـي وارمـي الواقـع وراي
اوجدك ما بينـي وبينـي واسولـف لـك واشـب
ليلة حضـورك قصايـد تشتكـي لـك مـن عنـاي
آآآه لا مـنـه بــزغ فـجـر الحقيـقـه وانـسـحـب
طيفك اللي ساكن عيوني وضاقـت بـي سمـاي
وقتهـا ليتـك تحـس شعـور مـن حظـه ضـرب
آخـر آمـالـه بـعـرض الـهـم والـوحـده مــداي
اكتشف وشلون يموت الصوت برماح الطرب
لحـظـةٍ جـيـت أتغـنـا بـــك وعـانـدنـي غـنــاي
واكتشف كيف السهل فجأه يتحول لـي صعـب
لا نـويـت ابكـيـك ثــم أزريــت القـابـي بـكـاي
أقسـم بربـي وربــك فيـنـي احـسـاسٍ غـصـب
كـل كـلـي فــي غيـابـك ينـجـذب لــك ياهـنـاي
مـا نسيتـك لـو نسـى التاريـخ أمـجـاد الـعـرب
وما تركتك الا بين ضلـوع صـدري وبحشـاي
لأنك أكبـر مـن غـلا الشاعـر لآخـر مـا كتـب
ولأنك أقرب لي من سكوتـي اذا عانـق شفـاي
ولأنـك أول مـن تمـكـن بــي وعلمـنـي أحــب
ولأنك الشخص الوحيد اللي يجي في مستواي
صاحـبـي جـمـع كـلامـك ثــم بعثـرنـي عـتـب
والله أن كل شـي عـادي لا غـدى منـك وجـاي

[نــجــم]

كم جمهوره ؟


يهزنـي المـوت وطــاري وحـشـة قـبـوره
وتـطــري ذنـوبــي عـلــي وربـيـادرابــي
واحــس فــي داخـلــي هالروحـمـذعـوره
وايـمــم الــوجــه لـلـخـالـق ولا الـقـابــي
سـوى امنيـة شـاعـر ٍ خجـلـه ومـغـروره
وخـوف وطريـق وبقايـا طيـبـة اصحـابـي
واحـسـاس لــو اكتـبـه بتعـاتـب سـطــوره
حـظــي وطـيـبـي وعـقـلـي واولاحـبـابـي
يــارب .. ساعـدنـي ابـنـي حلمـيـوسـوره
ودي اشـــرّع ل بـكــره .. كـــل ابـوابــي
تعـبـت اشــوف النـهـار بـدفـتـري نـــوره
واجامـل الليـل واقـول انــه (( اولابــي))
يــا عـيـن لاهنـتـي وعــن جــد مشـكـوره
يـا مــا حشمـتـي ســواد اللـيـل باهـدابـي!
قلتـي : زهقـت الظـلام وقلـت : مـعـذوره
مـا دام جسمـي عجـز عـن شيـلـت ثيـابـي
تـبــت يــديــن الـصـبــر لا طالـتـ شـهـوره
مـا هـي بسهلـه سنـه ناطـر على اعصابـي
قــدام عيـنـي تطـيـح احـــلام .. مـقـهـوره
يا رقـة القلـب .. ويـش القلـب .. سوّابـي
مـانــي مـكـمـل يـاهـمــي خلهـامـسـتـوره
بيني وبينـك ( قصيـدي ) واعتـق اسرابـي
لان ( الشعر ) لا طرالي جفـت بحـوره !
واحـس كنـه يمـوت ب صفحـة كتابـي !!
لانـــي احــبــه واحــــب اراعـيـ شـعـوره
احـسـب حسـابـه مـثـل مــا يحسب حسـابـي
ابـيـه لامــن حـظـر يـجـمّـل ...حـظــوره
وان قــدّر الله وغـبـت؟؟ يـقـدّر غـيـابـي!!
شاعر ( ماهوجس ) بقولـة كـم جمهـوره؟
يكفيني ان ما كتبته (( كاسب اعجابي ! ))

[نــجــم]

دموع الطواريق !!


يـا اللـي تـحـد قلـبـي عـلـى اقـصـاه
مـا عادبـي حيلـه عـلـى الضـيـق ..
وقــت الــردى كـــل شـــي ســـواه
ارخـوووومــه تـــذم المـطـالـيـق ..
مـــا عـــاد اطـيــق الـهــم واقــــواه
شـلـت بشبـابـي فــوق مــا طـيــق..
ذي اخـــــر احــوالـــي وطــــــراه
يـومـك تـقـول ان كـنـي طـويــق ..
أي والله ان فــيـــنـــي مــــزايـــــاه
وان بـيـنــي وبـيــنــه مـواثــيــق ..
بـــس صـاحـبـك مـــا جـــاه كـفــاه
مـلـيـت مـــن قــولــت تـوافـيــق ..
حـتــى الـشـعـر شـكـلـي أبـضـمــاه
مـاعــاد تــغــري بــلــة الــريــق ..
كـــانــــت مـعـالــيــقــي تــمـــنـــاه
والـيـوم هـــو جـــرح المعـالـيـق ..
يـطــري عــلــي واقــــول عــــزاه
يـانـشــوة الـفــرحــه بـتـصـفـيـق ..
واطــري علـيـه ان تـاهــت خـطــاه
يلمـحـنـي بــــروس الـشـواهـيـق ..
حـتــيــش لـــــو انّـــــا حـشـمــنــاه
مــا تـــردع الحـشـمـه مطـافـيـق ..
فــــي ذا الــزمــن مــاتــت بـقـايــاه
روح امـسـح دمــوع الطـواريـق ..
غـنـالــك الــلــي مـتــعــب غــنـــاه
لاجـــر صـوتــه هــمــه يـفـيــق ..
مـــا يـكـتـب الـضـحـك ولايــقــراه
كـنــه لـحــزن الـقــاف عـشّـيــق ..
بـتـصــدق شــعـــوري او انــســـاه
بصرك !! ترى ما احتاج تصديق ..
قـــد قلـتـلـك واوصـيـتــك وصــــاه
لا تـنـبـش جــــروح المـخـالـيـق ..
هالقـلـب لا تـحــده عـلــى اقـصــاه
مـالـك ومـــال الـهــم والـضـيـق ؟؟

[نــجــم]

أصعب سؤال ؟


( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :
البارحـه يومـه ســأل : ( وش ذكــرك ذيــك اللـيـال ؟ )
كان الجواب بكل بساطه : ( من متـى اصـلا نسيـت ؟ )
ادري بان جمع ( الصعوبـه والبساطـه ) شـي محـال !!
لكنهـا صـارت كـذا ! واللـي (( اهــم )) انــي دريــت :
ان الـحـيــاه فـبـعــد احـبــابــك اذا جـــــف الــوصـــال
اتعيشهـا لـو تقتنـع انـك خـلااص اصبحـت ( مـيـت !!)
يــا صاحـبـي لــو كـــل شـــي يـمــر بالـخـاطـر يـقــال
مـــا كـانــت الـعـبـره تولـجـنـي الـيـامـنـك طــريــت ؟!
شفني قدرت احبس دموعـي بـس ( دمـع القـاف ) سـال
ويـا كبـرهـا سـاكـت ولـكـن داخــل اوراقــي بكـيـت !!
عـمـر الحـكـي مــا كــان دافــي لاابـتـدى بقـولـة تـعـال
لـجـل اتجـاهـل رجـفـة حـروفــي اليـامـنـي حـكـيـت ..
الـحــال فـــي بـعــدك قـســم بالله مـــا اسـمـيــه حــــال
انوي على الضحكه واحـس كلـي خطـا لانـي نويـت ؟!
اتـصـور انــك مــن رحـلـت اشـوفـك لجسـمـي ظــلال
لا شفتـه امشـي ببتـعـد واثــره مـعـي مهـمـا مشـيـت !!
مــدام يـعـنـي فـــي بـحــرك لفـرحـتـي مـلـيـون جـــال
وش فيه موجك ما ركد ؟ قربت اموووت وما رسيت ..
يرضـيـك مــا عــادت مـعـي تـفـرق اذا جـالـك مـجــال
لانـي اقتنعـت انــك نهـايـه وانــي ببـطـي مــا بـديـت !!
صرت ( اعقد حجاجـي ) اذا جابـوك باطـراف الجـدال
وانـا قبـل لاقـالـوا اسـمـك كـنـي : مـيـت ثــم حيـيـت ..
تـعـبـت اعـيــش الـــدور وافـتــح للـمـعـاذيـر الـخـيــال
واتخـيـل انــي جـيـت فــي بـالـك وبـانــك استـحـيـت ..
وتردلي كلك (( ولـه )) وتقـول : ( كـن البعـد طـال ؟ )
ومـن الفـرح مـا عاتبـك واقـول : ( يـاخـي مابغـيـت ! )
حـتـى وانــا تـخـيـل حشـمـتـك ! لـــن قـلـبـي لا يـــزال
يـكـرر اسـمـك داخــل اعمـاقـي بنـبـضـه لا سـهـيـت ..
قـلـي شـسـوي فـيـك ؟ وانــت بداخـلـي اصــدق مـثــال
للحـب واحسـاس القصيـد ان عانـق اللـيـل وسـريـت ..
ربــي يصـبـرنـي عـلــى الـفـرقـا مـــدام الـحــظ مـــال
وانـت بيجيلـك يـوم تعـرف لـيـه فــي بـعـدك شكـيـت ..
واذا بــلاك الله وعـذبــك اشتـيـاقـك (( بـــس تـعــال ))
واقـرى القصايـد فـي غيابـك كلبـوهـا بـيـت ... بـيـت ..
بتدرى ان ( اصعب سؤال ) اللـي يجـي رده ( سـؤال )
لا قلتلي ( وش ذكـرك ؟ ) ثـم قلتلـك ( متـى نسيـت ؟ )

[نــجــم]

طعنه دلع


استلطـف جروحـي ومـات الحـب مـن طعنـه دلـع
واقـسـى نهـايـات الـغـرام الـلـي تجـيـك مدلـعـه!!
يـوم انتفـض جرحـي عتـب اتظاهـر انـه مـا سمـع
مـدري غـروره او قسـاه اوطيـب قلبـي شجـعـه؟!
طفـل(ن) تمـرد بالحشـا ثـم جـار فيـنـي ثــم طـمـع
عوايـده: (لاشـاء يصـنـع شــئ) بالقـلـب صنـعـه!!
علمتـه كيـف انسـاق لـه شـوق وصبـاحـات وولــع
وعلمنـي كيـف الحـب فـي وقتـي غـدالـه اقنـعـه..
ان جـيـت مــن اقـصـى متاهـاتـي تنـاهـيـد وهـلــع
زاد الجـروح جـروح .. جمـر الهـم فينـي ولعـه..
وان طحـت مـن حزنـي قـدم عينـه تعدانـي ورفــع
كفه.. وصفق ثم نطق حزنك تصدق مـا اروعـه!!!
فـنــان وابـــدع بنكـسـاراتـي تـمــادى مــــا قــنــع
اتصوروا خلا: ((الملـل فينـي يمـل)) واستمتعـه!!
كنـه يـقـول بحـرفـه التجـريـح غـيـري مــن بــرع
اوهـو يقـول الظلـم فـي ذا الوقـت شفنـي منبعـه؟!
ياخافـقـي مــا فـادنـي صـبــري ولا طـيـبـك نـفــع
احنـا انخلقنـا فـي زمــن يرتاحـلـك لــو تخـدعـه؟!
يعنـي وفـا! ويـن الوفـا؟ يعنـي غـلا! يـاخـي شـبـع
وقـتـي مــن همـومـي واناملـيـت دربــك اتـبـعـه..
تسوقني لقبري واعيش المـوت بحسـاس(ن) جمـع
طيب(ن) عمى وحلم(ن) ابى لا حققه او اقطعـه!!
تغرينـي انـفـاس الحـيـاه ولانــي اول مــن خـضـع
كم لي اصيح بنيتـي والصـوت محـد(ن) يسمعـه؟؟
اسمحلي ارحل والعـزا انـي مـا شفـت اللـي فـزع
كل(ن) يقول: (عين الغبي ماضرها غير اصبعه!!)
اسمحـلـي ارحــل دام وقـتـي لا يـحــن ولا شـفــع
لشخـص عابـر مـن كـثـر مــادل دربــه ضيـعـه!!
( كم قلت لك ما يكسـر الرجـال غيـر طعـن الدلـع
وانـا انكسـر حلمـي وكبـري يـوم جتنـي مدلعـه!!)

[نــجــم]

مـــحـــبـــوبـــتـــي


يــاقــاف لاتــزعــل عــلــي لــــو زاد لــومـــي حـبـتـيــن
شــاعــرك ذي ثــالــث ســنـــه قـصـيـدتــه مـــــا قـالــهــا
غيّـبـتـهـا عــنــي وعــــذرك لا حــشــى مــاهــو سـمـيــن
ســــوق الـمـعـانـي سـوقـهــا وأتــــرك عــلــي مـوالــهــا
محبوبـتـي مـاهــي بتسـتـاهـل كـــذا ! يـــا اغـلــى خـديــن
ان مــا سـعــت لـــي بالـشـعـر غـصــبٍ عـلــي أسعـالـهـا
الــــدرّه الــلــي لــــو يـعـذربـهــا جــمـــوع الـحـاسـديــن
مــا عــذرب عـــذوق الـعـنـب غـيــر الـــذي مـــا طـالـهـا
مـــن عـادنــي وســـط الـمـهـد وهـــي سـقـتـنـي بالـيـمـيـن
فــنــجــال حــــــبٍ لا رشــفــتــه زاد حــــــب دلالـــهـــا
مـــرت سـنـيـن وحـبـهــا يـكـبــر عــلــى مــــر الـسـنـيـن
ونــــذرٍ عــلــي لا مــــوت مــاهــزت يـــــديّ فـنـجـالـهـا
مـن ويــن بـبـدي يــا شـعـر ! يـاويـن بـوصـل بــك يـاويـن
وأنـــا أقتـنـعـت أنــــي بـقـصّــر قــبــل أعــــد خـصـالـهـا
الـتـرفـه الــلــي زيـنـهــا طــــاف وتــعــدى كــــل زيــــن
مـاتـشــبــه الا غــيــمــةٍ أحـــلـــى الــشــهـــد هـمــالــهــا
الـظـفــره الــلــي بـالـقـسـى تـصـمــل ولا يـمـكــن تـلـيــن
تــشــهــد لـــهـــا وقـفـاتــهــا تــشــهــد لـــهـــا افـعـالــهــا
مــجــرّبــه واداحــــــم الــتــاريــخ بـالـجــنــب الـمـتــيــن
لانـــهـــا اذا جــــــت لــلــكــرم مــتــفـــرّده ولـحــالــهــا
وأن قلـت منهـي ؟ قلـت لحظـه ! لجـل أرفــع لــك جبـيـن
كـــل الـحـكـي وأنـطــق لــــك أســــمٍ شـلّـتــه وأشـتـالـهـا
ذي دار أخــو مـريـم عـريـب الـجـد والحـصـن الحصـيـن
ذي عــيــدي الــلــي كــــل يــــوم يــهــل فــــيّ هـلالــهــا
هـــذي الـكـويـت وخـــل فـــراغ وبـعــده حـــط نقـطـتـيـن
وأكــتـــب ( عــبـــاره ) تـعـتـبــر وصـــيّـــه لاجـيـالــهــا
أكــبـــر نــعـــم رب الـعــبــاد أنـــــه خـلـقـنــا مـسـلـمـيـن
أنـــــه جــعـــل الـكــويــت ديـرتــنــا وحـــنـــا عـيـالــهــا
دار الــســلام الــلــي تــحــب أنــــا نــكـــون مـسـالـمـيـن
لأأنـهــا أذا ضـاقــت تــعــرف شــلــون فــعــل رجـالـهــا
فــي كــل صـبـح وبحـرهـا يحـكـي لــك بـشــوق وحـنـيـن
عــــن هــيّــة الــرقــه وكــيــف الــمــوج قــبّــل جـالــهــا
والقـصـر الأحـمـر عـلّــم الأجـيــال وش مـعـنـى عـريــن
دامـــه يـعـبّــر لــــك عــــن الـجـهــرا وفــعــل أبـطـالـهـا
تــاريــخ والـتــاريــخ يـحــفــظ وأسـمــعــوا يالـطـامـعـيـن
ذي دارنــــــا وآمــالــنــا وأحــوالــنــا مـــــــن حــالــهـــا
انـحـبّـهــا والـــطـــق مــــــا يــنــفــع بـــكـــم يـالـمـيـتـيـن
مـيـر أقـصــروا شـــر الـعـجـوز الـلــي تـبــث أرسـالـهـا
مـهـمــا حـكـيـتـوا وأبـتـلـيـتـوا ذي عـجــيــن وذي طــيـــن
يـعـنــي عــلــى قـــــول الـمــثــل فـــــال الله ولا فـالــهــا
مـيــر الله الله بـالـفـلـس يــــا أهــــل الـفـلــس يالمفـلـسـيـن
لا واخـــســـاره كـــدكـــم والــخــيــل مــــــن خـيــالــهــا
وتـبـقـيـن يـــــادار الـســعــد مــدهـــال كـــــل الـطـيـبـيـن
فــــي ظــــل مــــن لا عـقـدوهــا قــــال انـــــا حـلالــهــا
نعم ( الأمير ) ونعم ( الأرض ) ونعم يا ( الشعب الأمين )
ولاهــنـــت يــاقـــافٍ تـجــمّــل بـــــي قــــــدم مــوالــهــا
ويالله حـــقـــق مـطـلــبــي مــــــدام هـــمـــي حـاجـتــيــن
( أمــوت مــا جـاهـا ضـــرر ) وأن ( أنـدفــن برمـالـهـا )

[نــجــم]

الراقصه طبلها


يضـيـق صــدري كــل مــا هـبـت عـلــي مـــن الـجـنـوب
نــســايـــمٍ مــامــلـــت طــعــونـــي وقــلــبـــي مــلّــهـــا
وارقــى عـلــى مـرقــاب حـزنــي واتـحــرى لـلـغـروب
وامــســـك جـــدايـــل هـالـحــيــاه الــمــدبــره وافــلّــهــا
واشــوف وشـلـون اللـيـال ادور فـــي الـوقــت الـلـعـوب
واجــمــع مـسـائــل هـالـبـشـر فــــي دفــتــري واحـلّـهــا
والعـن ابـو الحـظ الـردي !! واستغـفـر المـولـى واتــوب
وآقـــول يـــا ربـــي تـعـيـن الـلــي صــبــر ثــــم شـلّـهــا
ويـا سعـود قـرب لــي مــدام الـوقـت والعـمـر محـسـوب
واسـمـع يــا خــوك ابـيـات مـــن جـوفــي نـويــت اتـلّـهـا
لا صارت الدعوه مابين :( ضلوع صدري ) و(الهبوب )
!بقـولـهـا و :((الــلــي عــقــد روس الـحـبــال يـحـلّـهـا ))
وش عـاد نرجـي مـن زمـن صــارت بــه كـبـار الـذنـوب
انــك عـلـى الـبـاطـل سـيــوف الـحــق تـونــي سـلّـهـا !!
اسلامـك اصبـح (( متهـم ! )) والنـور غـيّـب ومحـجـوب
دروبــهــم يــــا كـثـرهــاا ؟؟ وادروبــنــا يــــا قـلّــهــا !!
خـويّـنــا تــصــلاه نــــار الـكــفــر ونـشــوفــه يـــــذوب
وحنّـا نترجـى مـن (( عجـوز الغـرب )) ترهـي ظلّهـا !!
لا عــادبــه فــزعــه ولا غــيــره ؟! وحيـلـتـنـا يــــا دوب
( نـشـجــب ونسـتـنـكـر ) عـسـاهــا تـنـسـمـع او عـلّــهــا
صــار التنـافـس بـالـطـرب مـــن اولـويــات الـشـعـوب !
(( الـغـانـيـه صـفـقـلـهـا ؟؟ والـراقــصــه طـبـلّـهــا !! ))
والمـوضـه تحـاصـر تقالـيـد الـعـرب مــن كــل صـــوب
تـــفــــوح دلــتــنـــا زعـــــــل واعــوانــهـــم تــزلّـــهـــا
والـكــل مـنّــا يــشــوف نـفـســه بـالـتـخـاذل مـغـصــوب
احـلـوقـنــا مــاتـــت عـــطـــش ! يالله طـلـبــتــك بــلّــهــا
يالله سـتــرك مــــن عــلــومٍ فــــي خـواطـرنــا تــجــوب
رحــمـــاك سـهـلـهــا عـلـيـنــا دقـــهـــا مــــــعٌ جــلّــهــا
ويا سعـود اخذهـا مـن نمـط (حكـيٍ علـى لسـان القلـوب)
اربــــع نـصــايــح لـحـيـاتــك يـــــا عــســـى تـوصـلّـهــا
المرجـلـه هــي ( البـلـد ) وافـعـال يمـنـاك ( الـــدروب )
والادمـــــي يــولـــد ( غــريـــب ) ولاتــســنّــع دلّـــهـــا
والـكـايــده تـبـغــى ولــــد مــاهــوب طــمــاع وكــــذوب
والــرابـــح الــلـــي نـفــســه لـــربـــه قــــــدر يــذلّــهــا
وتـــرى الـكــرم عـنــد الـعــرب يـغـطـي آلاف الـعـيـوب
وانـــك بـخـيـل تــســاوي عــيــوب الــعــرب ذي كـلّـهــا
واحـذر تحسـب ان كـل بيـر ابدنيتـك بـه ( مـا ) شــروب
واذا تـجــاهــلــت الــــعــــواذل ابــتـــمـــوت بــغــلّــهــا
وانــــا بـــــوّدع راس مـرقــابــي اذا حـــــل الــغـــروب
وبـقــول يـــا ربـــي تـعـيـن الـلــي صـبــر ثـــم شـلّـهـا!!

[نــجــم]

الحزن اجودي


يــا عـمـر مــا ينـسـي كــود الــردي
ولا انـــا لا مـــت .. يبـقـالـي ذكـــر
عــارفٍ قــدري ومــا مـــدت يـــدي
ومـا يضيـع الحـق عنـد اهــل الفـكـر
وان نسوا شعـري عوافـي يـا سنـدي
شـوف كـم شعـر ٍ قبـل شعـري نـكـر
يـكـفـي انـــي قـــد كتـبـتـه بـجـهـدي
ولا كـسـبـتـه بـالـتـلاعـب والـمـكــر
اكتبه بـ( سهيـل ) ويغـار ( الجـدي )
وان نخيتـه مـا فـزع صـوبـي عـكـر
شفـنـي باولـهـا وانــا دربـــي مـــدي
استحـقـيـت الـثـنــا فــــوق الـشـكــر
يحتـويـنـي حـــزن والـبـيـت يـعــدي
ارتبـك .. ثـم ارتكـب .. ثـم ابتكـر !!
حسـبـي الله يــا الـعـذاب الـسـرمـدي
لـيــه فـــي قـلـبـي تـشـيـخ وتحـتـكـر
الغـريـب انــك مـعـي مــن مـولــدي
كــل مـــا فـريــت.. طعـنـاتـك تـكــر
ليـن قمـت اقـول ذا الحـزن اجــودي
حـر ٍ لطيبـه غــدى قلـبـي ( وكــر )
يـا عمـر لــو شـفـت بالعـيـن سـعـدي
لسعـاده كـذب !! عينـي بــو بـكـر !!
كيـف اقـول ان ضحكـة السـن ولـدي
والفرح في داخل اعماقي ( بكر ) ؟!
يـــا عـمــر والله لـــو حــظــي ردي
يـكـفـي بــشــرواك يـبـقـالـي ذكــــر

[نــجــم]

الياسمين


اي والله اني ضايق ومرهق ومخنوق وحزيـن
وامـا بمـوت مـن الولـه ولا بمـوت مـن القهـر
واللـي لعـب بحسـبـه ايـامـي وخـلاهـا سنـيـن
اني على ذا الحال ياشعري لي اكثر من شهـر
بعـت المدينـه لاجـل عين!وقالو:الخافـي يبـيـن
ودفنـتـك بجوفي!وقـالـو:وش بقـابـك مـاظـهـر
يامطول الغيبه ياطول الشـوق ميـر اللـع يعيـن
العاشق اللـي عـاش ظامـي بيـن عـدك والنهـر
عيـد بـي غيـابـك سـنـه واللـيـه مــن العايـديـن
ولاعاد عيدك يالجـروح اللـي بقلبـي مـن دهـر
ياصاحبي لو تعتذر عـن غيبتـك عـذرك سميـن
حبك بعـد ماغبـت عـن عينـي تمـادى وازدهـر
من يوم شفتك والنعاس بعينـك النجـلا سجيـن!
ومن نفس ذاك اليـوم وعيونـي سجينـه للسهـر
علقتـنـي بالضحـكـه الـلـي تسـبـق الغمـازتـيـن
وتركت لي شاعر كتب فيك القصايـد واشتهـر
سيلـت دمعـك واستبـاح الدمـع ستـر الياسميـن
وعلمتنـي كيـف النـدى يجـمـل خــدود الـزهـر
ليتـك عقـب ماغبـت غيبـت اشتياقـي والحنـيـن
او ليتني ماقـد دفعـت احـلام عمـري لـك مهـر
وياصاحبي لاعاد تنشدنـي عـن الحـزن الدفيـن
اقسى الطعون!الطعنه اللي من حبيب وفالظهر

[نــجــم]

طعنه يميني‍‍‍‍!!


ول يـا كبـر القهـر لا صــار مــا بالـيـد حيـلـه
والجروح من القرايب والخطـا منـي وفينـي!!
ان نويـت اشفـي غليلـي مـا لقيـت ايـة وسيلـه
كيف ابلقـى دام جرحـي سبتـه طعنـه يمينـي؟!
وان نوت تبكي عيوني صارت الدمعه بخيله!!
كبرهـا لامـن تجمـع هـم قلـبـي وهــم عيـنـي..
ياهمـوم(ن) بــي تـعـدت حدهـاصـارت ثقيـلـه
اخذي مني كم سؤال ولو سمحتـي جاوبينـي..
ليه من بعـد الوفـا والطيـب وفعـول(ن) جليلـه
من يدين اللـي حشمتـه اول طعونـي تجينـي؟؟
وليه لاضاق الفضا في عيـن مـن خانـه دخيلـه
مالـقـيـت الا الـمـلامـه انتـهـيـهـا وتـبـديـنـي؟!
ياهموي ياجروحـي يـا صـدى الـروح العليلـه
والله ان الظلـم قـهـره قـيّـد لسـانـي ويديـنـي!!
يـوم قيـل اظـر حسـودك زاد فـي قولـه وقيلـه
ما طرالي غير قولت آآآخ يـا دنيـا ارحمينـي..
ان تكلمـت وحكيـت وجـبـت برهـانـي ودليـلـه
مـا تضـرر كـود منهـو قـد لفانـي منتخيـنـي!!
وان سكـت وقلـت هانـت هـم وسنيـنـي تزيـلـه
اكتشفـت ان السنيـن تـزول والهـم محتوينـي!!
بس لجل اللي انتخـى فـي جـد جـدي والقبيلـه
والله اني لاشـرب المـر واتحمـل مـا يجينـي..
ودام ما بالكون صدر(ن) ارتمي بـه واشتكيلـه
ودام مابه عيـن تقـرى حزنـي اللـي مبتلينـي!!
ما لي الا بيـت شعـر(ن) اذكـره فـي كـل ليلـه
لا انتهى جدال المعاتب بين قلبي وبين عينـي..
((ول.. يا كبر القهر لاصـار مـا باليـد حيلـه.
.والجروح من القرايب والخطا مني وفيني!!))

[نــجــم]

حسبة اخواني


مــــا تـبـاطـيــت الـقـصـيــد !! الا تـبـاطـيـتـك
والشـعـر فــي جـيـتـك شـكــل وطـعــم ثـانــي
عـانـك اقبـلـت ولمحـتـك فـــي شـطــر بـيـتـك
(( فكره مجنونه تسلـى بضيقـة اوزانـي !! ))
يــا اعــذب احـسـاس ٍ ملكـنـي عـلـك ولـيـتـك
تفـهـم الـشـعـر ان شـربــك بـصـحـة لـسـانـي
يـعـلــم الله فــــي غـيــابــك مـــــا تـنـاسـيـتـك
بــس فــي مــره نـويـت انـســاك مـمـدانـي ؟!
قـلــت ابـنـسـى وارتـفــع صــوتــك ولـبـيـتـك
واثـــر خـفـاقـي بـصـوتـك عـنــك نـادانــي !!
ويــش اســـوي دامـنــي بـالـجـوف ربـيـتـك ؟
طـفـل تـسـوى هالـحـيـاه بـعـيـن : شـريـانـي !
تـلـعــب وتـكـبــر وتـكـبــر لــيــن عـديــتــك :
بالـغـلا ( آخــر نـمــاي ) وكـــل ( شيـبـانـي )
والله ان عـمــري بـــدا مــــن يــــوم حـبـيـتـك
واعـرف انــه ينتـهـي لــو قـلـت : تنسـانـي !!
حـــط فـــي بـالــك انـــا مـــن عـــام خبـيـتـك
ان صـحـيـت بخـافـقـي وان نـمــت باجـفـانـي
مـــا بـــي غـيــري يلـمـحـك حـتــى لـغنـيـتـك
غرت مـن صـوت الصـدى لا ردد الحانـي !!
مـــن كـثــر مـــا اشـتـقـت لطـيـوفـك تمنـيـتـك
رمـش عيـنـي او تصـيـر الـشـوف لا اعيـانـي
وان تــمــادى هالـحـنـيـن بـجـفـنـي ضـمـيـتـك
وقتـهـا : الـقـاك ! لـكـن لـيــه مـــا الـقـانـي ؟؟
والله انـــك مــــن لـفـيــت بـنـبـضـي حـيـيـتـك
وكـنـي بقـولـة ( هــلااا ) بيّـنـت حرمـانـي !!
هــذا حـالـي يـــا الـغــلا مـــن يـــوم خلـيـتـك
وانــت طمـنـي عـلــي فالـبـعـد وش جـانــي ؟
اذكـــر انــــي بـالـوفــا صـغـتــك وسمـيـيـتـك
واذكــــر انــــك بـالـوفــا كــنـــت تـحــدانــي
وصــرت اشـكـك فــي كـلامـك لـيـن بكـيـتـك
وقـلــت مـوعـدنـا يـجــي كـــان الله احـيـانــي
ويـــوم جـيــت بخـافـقـي وبـخـافـقـك جـيـتــك
كنت انا رابـح مـع انـي ( خاسـر رهانـي !! )
والاكــيــد انــــي لـقـلـبــي بــيـــدي وديــتـــك
وعـاد شــوف الـيـوم ويــن الـحـب ودانــي ؟؟
يــــا عـسـانــي صــــدق ولـعـتــك وهـمـيـتـك
ويـــا عــســاك بــجــد تعـشـقـنـي وتـهـوانــي
ولـــو تـقــول انـــي بغـيـابـي عـنــك عـنـيـتـك
انت همك صرت اعده (( حسبة اخواني !! ))

[نــجــم]

خطايا الشوق


دام عـذري اقبـح مـن الذنـب فـي عـيـن الـهـوى
اسجدي يا اطهر خطايـا الشـوق قـدم المغفـره..
واسكبـي دمعـك مـدام الضحـك تـوه مـا ارتـوى
وامشـي فـي درب التواضـع كبريـاء وبختـره..
واعلني مـوت العدالـه بلحظـة(ن) فيهـا استـوى
ذنبي وعـذري .. وعشـق بظلـم.. مامنـه ثمـره..
وانـت يومنـك تصـد ولادري قلبـك وش نـوى!!ا
ذكـر ان طبعـي اجيـبـك ضـعـف ولا عنـتـره..
يـا اول احبابـي وانـا لـي قلـب عنـك مــا قــوى
لا جرحته ضم جرحك حشمة(ن) لك وشكره!!
يرتجي منـك الوصـل لوكـان وصلـك قـد حـوى
هـم شيـب عيـن قلـبـي وانحـنـى مـنـه ظـهـره..
هــام بــك حــد الـهـدايـه لانـســاك ولا نـغــوى
صان حبك وانت ادرى ( ائمن الحب اخطره!!)
بنصحـك شفـت الحكـي لافــاق حــد المسـتـوى
مثـل مـا جـايـز يـكـون ابــداع جـايـز ثـرثـره!!
لا يغـرك حكـي عـذالـي وانــا اول مــن طــوى
دون كبـرك حلـم ببقـى طـول عـمـري اذكــره..
وكـان ردت للعـتـاب ومنـهـو فيـنـا الـلـي لــوى
ذراع خـلـه بالخـطـا حـتـى تـمـادى وكـســره..
بكتـب لفـكـرك عـبـاره وافـهـم انــت المحـتـوى
فيهـا بـشـرح موقـفـي والـلـي جــرى بفـسـره..
الــروايـــه وش خـطــاهــا دام راويــهـــا روى
نصهـا بوقـت اعتـلـى جهـلـك اعـالـي منـبـره؟!

[نــجــم]

يا طير


يـــا طـيــر دام الله خـلــق فـيــك جـنـحـان
طالـبـك اكـفـخ بالسـمـا فـــوق يـــا طـيــر
وانصـى سمـيـي قـبـل لا يـثـور ( بـركـان
حزنـي ) ولادري عقبهـا ويـش بيصـيـر ؟
محمـد انـت ( ثانـي محـمـد ) عـلـي كــان
عقب النبي يطـري وسـط ضيقتـي ميـر !!
وشلون بحكـي لـك اذا الصـوت بـي خـان
يا صاح شف اقسى ظما هـو ظمـا بيـر !!
واليـوم صوتـي طـرس واقلامـي لسـان !
بـروي لـك احساسـي ومــن غـيـر تفكـيـر
مـاهـي حكـايـة عـشــق وبـيــوت واوزان
ولاهـي قصيـده بالشقـا ( نبضهـا غيـر ! )
الا كـــلام ٍ مــــا نـطـقـتـه عــلــى شــــان
يـبـقـى الكـبـيـر بـنـاظـري دايــــم كـبـيــر
احـــس كـنــي مـنــه ضـايــق وطـفـشــان
واخــاف يلـقـى فـمـد يمـنـاي تقـصـيـر ؟!
مــا هــو عشـانـي ! بــس مـابـيـه يـنـهـان
لان حـالـي ان هـانــوه بـــآدق تـصـويـر :
( حبكة حزن ) في اروع ابيات مشعان !!ا
و ضيق عارف لا بلواا ( ديـرة الخيـر ))
ياطير ما عاد الصـدر يـورق اغصـان !!!ا
شـلـع وجـيـب لخـافـقـي مـنــه تفـسـيـر ؟

[نــجــم]

اضحك


اضحك.. وخل البشر من فرحتك تدري
مبروك جرحي.. عساك لطعنتك سالم؟!
لعبتهـا صـح وجبـت العيـد بــي بــدري
مولمـن سيـفـك وطـبـع الـزمـن والــم..
من قبل اعرفك وحظي عادتـه فقـري!!
من خلقتي معذب ولا انته معي ظالم !!
دام الغـدر غربـه ودام الوطـن صـدري
كـم خنجـرن للوطـن مشتاقـن وحـالـم؟؟
لا الليـل ليلـي و لا ذاك الفجـر فـجـري
الكل ضـدي وانـا المبلـي وانـا مسالـم..
لا ابنتقـم منـك ولانـي معتـزي بصبـري
من جدك اهتم؟! وانا في حالتـي عالـم؟!
لا والله اضحك وخل النـاس بـك تـدري
مبروك جرحي عساك لطعنتـك سالـم!!

[نــجــم]

ثورة البركان


عسفـت القـلـب عالفـرقـى تناهـيـد وشـقـى واحــزان
وجبـرت الصمـت ينطقنـي فـراق وخابـت ظنونـك..
ابرحـل عـن مـدى حسـك وشوفـك واعـلـن النسـيـان
مــدام ان التـعـب عـلـم عـيـونـي كـيــف يـرثـونـك!!
تعـبـت افـسـر المـوقـف سجـيـن ونـفـسـي الـسـجـان
تعبـت اشكـي قسـى قلـبـك وارد اشـتـاق لطعـونـك!!
تعبت اتجاهل اجروحك واقـول اقـوى علـى الكتمـان
وهـي اول مــا يطريـلـي لقـيـل محـمـد .. شلـونـك!!
لــو اقــدر اكـتـم اعتـابـي واسـايـر كـذبـتـك يـافــلان
مـا اقـدر اكتـم الشرهـه لجـت مـن عينـي لعيـونـك!!
ولو اشعـل صمتـي بجرحـي واطفـي ثـورة البركـان
ماادفى ونار صمتي بك رماد(ن) ما رضى يخونك؟!
رويـت مـن الظمـا!! يكفـي تعبـت اراقــب المـيـزان
لا رجح كفتي ولا انصف ثقل جرحي مـن جنونـك!!
بــلاش مــن العـنـا والـهـم ولـوحـه مـالـهـا عـنــوان
رسمهـا كذبـك الجـارح بلـون(ن) شابـه ل..لـونـك!!
مــدام ان الـهــوى جـنــه حكـمـهـا بوقـتـنـا شـيـطـان
تـمـكـن فـيـهـا واستـفـحـل وغـنــى لـلـوفـا دونـــك..
ومـدام ان العمـر يمضـي وكـل مـابـه غــدى خــوان
ابـعـزف آخــر امـالــي عـلــى ترنـيـمـه الـحـونـك..
سوالفنـا لمـن صرتـي حكـايـه مــن زمــان(ن) كــان
امـانــه لايـمــوت الـحــق.. امــانــه لا يـنـسّـونـك؟!
تـرى مـا هـي ابـد صعـبـه يـخـون بهالـزمـن انـسـان
ولكـن كيـف بحيـا كـيـف ؟؟ اذا ذكــراك وتخـونـك؟!

[نــجــم]

سهول


لا رقـص جـنـي القصـايـد وابـتـدى نـظـم القصـيـد
وارتـفــع جـــو المـعـانـي وانـحـبـك در الـكــلام..
بـعــدواا اقـــرب خـيــال وقـربــواا ابــعــد بـعـيــد
واسمعـوا شعـر(ن) سطابـي ليـن عيّفـنـي المـنـام..
شـاعـر(ن) بــأول شبـابـه طــوّع الـقـاااف العـنـيـد
اشـهـدولـه خـيــرت الـشـعـار واهـدولــه وســـام..
جـابـهــا بـيـمـنـاه يــــوم انـــــه تــولّـــع بـالـنـشـيـد
وجـنـب الـــزلات والـهـفـوات ودروب الـحــرام..
عــارف(ن) ربــه وابــوه معـلـمـه راي(ن) سـديــد
جـوّد وصاتـه لـجـل يبـقـى الكـريـم ابــن الـكـرام..
مطـابـق(ن) اسـمـه اســم جــده ولا يـمـكـن يـحـيـد
عـن طريـق الـلـي تسـمـى بــه ويبـقـى لــه امــام..
دامـنـي ( لمـحـمـد ابـــن نـهـيّـر ) اتـسـمـى حـفـيـد
والله ان ابـقـى عـلـى شمـوخـه وطـيـبـه بالـتـمـام..
يــا قصـيـدي اشـهـد ان هالمـوقـف لـشـرواك عـيـد
شاقنـي مـدح الرجـال اللـي بـهـم مـحـد(ن) يــلام..
عزوتـي ثـم تــاج راســي مـحـزم الـوقـت الشـديـد
لابـتــي يـــااا لابـتــي يـالـلـي تـظـيـم ولا تـظــاام..
سـهـول مـجـد الـعـز ولا قـولــواا الـعــز المـجـيـد
يكفي لاقلت سهلي .. ( يوقف لك الكون احترام )..
لابـــة(ن) مـــن طيـبـهـا ربــــي خـلـقـهـا للـمـفـيـد
فــي اثـرهـا تلـقـى كــل الـنـاس تمـشـي بانتـظـام..
طيبهـم مخلـوق معهـم يسـري فــي وســط الـوريـد
ينـطـح المـاجـوب اصغـرهـم ولــو عــاده غـــلام..
جارهـم دالــه وسـالـي .. مـزبـن الجـالـي الشـريـد
المشاااكـيـل الحلاااحـيـل الرجاااجـيـل الـعـظـااام..
كانـهـا بالطـيـش كــم شـيـخ(ن) غــدى منـهـم فقـيـد
وكانهـا بالسلم..اخـذ العـلـم.. هــم رمــز الـسـلام..
(قاتلـيـن الــروم) دون الـحـق هــم ســد(ن) عـتـيـد
عابـديـن الــرب حلـويـن الـنـبـا روووس الانـــام..
لابـة(ن) مــن فـضـل ربــي كــل مــا فيـهـا حمـيـد
اسمـهـا لوتـذكـره فــي مـوقــف(ن) زال الـغـمـام..
لابــة(ن) تـذكــر وتـتـشـرف بـهــا ثـــم(ن) تـشـيـد
صفحه التاريـخ.. والعربـان تخصيـص(ن) وعـام..
بعـدهـا يــا افـكـار شـعـري ارسـلـي عـبـر البـريـد
الـسـلام الـلــي يـلـيـق بـربـعـي عالـيـيـن الـمـقـام..
صافحيـهـم ع المـعـزه خــد خــد و اااايـــد اااايـــد
يــا ســلام الله عليـهـم يـــا ســـلام الله ســـلاااااام..
وارسـلــي اول تحـيـاتـي عـلــى ربــعــي وازيــــد
الـتـحـيـه ( للـزقـاعـيـن ) ..بـتـمـعــن واهـتــمــام..
مـنـبـع الــجــود بـزمـنــا والــكــرم فـيـهــم مــديــد
طيبـهـم طيـبـااااه.. درع الـعـز للـفـزعـه حـســام..
تجـفـل جـبـاال وتهـيـج بـحـوور ثــم تـجـتـاح بـيــد
لا تعزوى في ( علي ) حر(ن) تضايـق ثـم حـااام..
وارسلـي مـن بعدهـا مـن خاطـر(ن) رايــق سعـيـد
التحـيـات لبـنـي عـمـي هــل الصـيـت الـلــي دام..
(لـلـبــرازات) ارفـعـيـهـا و(للمـحـمـيـد) (بـجـديــد
خطـي) زفيـهـااا و(للظـهـران) تـوقـف باحتـشـام..
و(للصعوب) و (آل محلـف) تحيـة(ن) كنهـا (عقيـد
قومـن) بحـرب(ن) حمـى فيـهـا حـلالـه باحـتـدام..
واعـتـلـي لا (لاد سلطـان)بـسـلام(ن) مــــا يـهـيــد
وارقـــي يــــم (آلاد قبان)بـتـحـيـات(ن) كــــراام..
والسـلام اللـي فـي صـدري ينجـرف مـثـل الجلـيـد
(للعـبـيـد) و(آل مـنـجـل) سـقـتـه بـكــل انـسـجـام..
يـا كبـر حظـي وانـا اسمـي اخــره اســم(ن) فـريـد
لاد سـهـل شهمـنـي لا صـرتــوا لـلـشـده حـــزام..
ولا عـلــى كــــل الـقـبـايـل زود لـلـدنـيـا رصــيــد
تستحـق المـدح مــن صنـعـا الــى اطــراف شــام..
وختامهـا صـلـوا عـلـى الـهـادي شفـيـع(ن) للعبـيـد
كـثـر مــا صـلـوا وســط مـكـه تـراويــح وقـيــام..
مــن محـمـد بـــن جـــارالله بـــن مـحـمـد آل زيـــد
يــا ســلام الله عـلــى ربـعــي ســـلام الله ســـلام..

[نــجــم]

خانت دموعي


لـيـت مــا خـانـت دمـوعـي بـيـوم كـبـري والمحـاجـر
وانكشـف لــك ضـعـف عـاشـق عـذبـه وقــتٍ عنـيـد..
كــان يـمـكـن مـــا تـمـادابـي غـــرورك يـــا مـهـاجـر
ورحــت عـنـي واثــقٍ فــي قـلــب تبـقـابـه وحـيــد !!
قالـوا الفرقـى (خطيـه!!) واشهـد ان الـصـد (فـاجـر)
يـــوم زود فـــي ذنـوبــه وابـعــدك عــنــي بـعـيــد ..
آآآه يـا كبـر الجـروح ان صـارت طيوفـك خنـاجـر !!
ويـــن مـالــد بعـيـونـي؟؟ تـــزرع بـهـمــي وريــــد!!
يعتليـنـي صـمـت (كـافـر) وتسـاقـط بـــي حـنـااااجـر
زغـردي يـا عيـون همـي ؟؟ انقـتـل صــوتٍ شهـيـد!!
فاضت الذكرى في بالي فيـض (زمـزم) بيـد (هاجـر)
وارتوى من (زمزمك) شوقي !! ولا حصلـت أيييـد؟!
كيف احصل؟! دامي افقر عشق ... والحرمان تاجر!!
يشتري ويبيع في جرحي.. وانا ... اتناااااثـر قصيـد!!
كبـرهـا لا غــاب منـهـو صــار فــي دنـيــاك حـاجــر
كـل كــل احـسـاس فـيـك وعـشـت تـذكـره .. وتعـيـد:
لـيـت مــا خـانـت دمـوعـي بـيـوم كـبـري والمحـاجـر
ورحـت عنـي واثــقٍ فــي قـلـب تبـقـى بــه وحـيـد !!

[نــجــم]

المسأله


الـدمــع لا مـنــه نـــزل مـــن نـاظــرك كـنــه :
طفـلـه تسـولـف للـحـزن عــن ثوبـهـا البـالـي!!
اهـديــت عـطــرك للـغـيـاب وقــمــت ابـاكـنــه
لجـل اتنفـس بـه ( غــلا ) ثــم ينـشـرح بـالـي..
يـــا مـــا رجـيـتـك لا تـخـلــي غـيـبـتـك ســنــه
صعبـه : اخلينـي معـك ؟؟ واتركـنـي لحـالـي!!
والحـظ مـن يـومـي عرفـتـه مــا ضـحـك سـنـه
حالي زهق من زود ما اشكينـي علـى حالـي ..
لا تـبـخـل بـدمـعـك حبـيـبـي مــــا بــهــا مــنــه
سيّلت في غيابك ( بحر ) ولا نثنى ( جالي ) ؟!
هالرمـش تقطفنـي مـعـه .. او اقطـفـك مـنـه !!
مليت مـن قولـت : يجـي لـي ميـر مـا جالـي ..
جـفـن(ن) نفيـتـه للسـهـر قـلـي مـتــى تـحـنـه ؟
لا صـرت سلطـان العيـون وحضـرة الـوالـي..
لا مــن ذكــرت العـقـد.. والسلـسـال.. والحـنـه
يسـوق لــي ليـلـي طــواري ( مالـهـا والــي!!)
المسـألـه : مـاهـي (عـنـا) قـلـبـي مـعــك عـنــه
اغـلـب حنـيـن المغـتـرب لـلـشـارع الـخـالـي؟!
المسألـه : انـك مـوقـف(ن) مـالـي مـصـد عـنـه
لا رضيتبه (عمي) زعل من موقفي (خالـي) !!

[نــجــم]

تقلب الآيه


يــــا وقــــت لا تـقــلــب الآيـــــه
لا تـبـعـثــر الـــهـــم بـــاوراقـــي
لــو تسـئـل الـقـلـب وش رايـــه ؟
نـطـقـلـك الـــــراي بـاحــداقــي !
رســمــلــك الـــدمـــع بـشــفــايــه
وطـفــابــك الـظــيــم بـاحــراقــي
بـحـكــي لــــك الـلـيـلـه حـكــايــه
مــــن بـعـدهــا كـــــل عـشــاقــي
خـــلــــوا بــدايــاتــنــا نــهـــايـــه
واستـعـجـلـوا لـحـظــه افــراقـــي
يــــا صــمــت صـدقـنــي كـفـايــه
ابــعـــزف الـــبـــوح بـاعـمــاقــي
ويــا وقـــت حـــط بـالــك مـعـايـه
او حــــط بــالــك مــــع الـبــاقــي
هــــي قــصــةٍ مــــدري روايــــه
بـس المهـم (حزنـهـا عـراقـي) !!
ابـطـالـهــا : طـــيـــب مـجـنــايــه
وحـظـي وعقـلـي مـــع اخـلاقــي
كـانــوا سـبــب كـثــرت اعــدايــه
وخـلـوا البـحـر يعـشـق اغـراقــي
عــن جــد مــا عـــاد لـــي غـايــه
دام انـــهـــا ذنـــــــب خــفــاقـــي
وعـــن جـــد يـــا شـيــن بـلـوايــه
دام الـهـقـاوي خـطــا الـهـاقــي !!
لـــو لـلامـانـي مــعــي وصــايــه
وصـيـتــهــا تــعــلــن اعــتــاقـــي
لا ن (الظـلال )اصـبـح (هـدايـه )
ولان (الظما )ميـزة (الساقـي ) !!
ولانـــي وطـــن وســــط مـنـفـايـه
ولانـي صـدى صـرخـه اشـواقـي
وجـهـي غـــدى للـشـقـا مـرايــه !
مـن شافنـي قـال يــا ( شـاقـي ) !
مـمـشــاي مــــا هــــو بمـمـشـايـه
الـــــدرب مـسـتـاحــشٍ ســـاقـــي
عـجــزت : الاقـــي لـــي بــدايــه
في (مغربي ) مات (مشراقي ) !!
يــــا وقــــت لا تـقــلــب الآيـــــه
كيـف (الظمـا )يقتـل (السـاقـي ) ؟

[نــجــم]

دموع الشجر


دام الفـجـر يــا لـيـل دايـــم يقـتـلـك
وشلـون يقفـي مـا دفـع لـك ديّتـه ؟‍!
يقـتـل وتحـمّـر السـمـا فــي مقتـلـك
الــــدم كـاسـيـهـا وكـنــهــا مـيّــتــه
ليـتـه يـحـس بضيقـتـي لا ضقـتـلـك
لا سالت دموع الشجر من جيّتـه !!
وليتـه يحـس بوحـدتـي لا اشتقتـلـك
والــهــم دايــــم لا لـفـانــي نـيّـتــه:
يصبر علي : اروق لك وان رقتلـك
ينزعـك مـن جفـن ٍ افراقـك بيّتـه ؟!
شفني بعد مـا غبـت كيـف اورقتلـك
غصن السبات وصرت كني فيّته !!
مـابـيـن رمـشـيـن الـشـقـا خنقـتـلـك
الـنـور لــو الـعـيـن بـعــدك حـيّـتـه
لا صـرت عـم وخـال قلبـي سقتلـك
قــاف ٍ تـجـره لـلـسـواد حمـيّـتـه !!
بـرثـيــك يـالـيـلــي واذا نـطـقـتـلـك
مرثـيـتـي حـــس الـضـيّـا ابـسـيّـتـه
قـلـه تــرى فــي مطـلـعـه علقـتـلـك
قطـرة نـدى بجـدار رمـش امنيّتـه :
ينهـد عـلـى حــد الشـفـق لا فقتـلـك
لا مـن جبـرت الفجـر يدفـع ديّتـه!!

[نــجــم]

حمدان


حمدان حبْ لي راس ابوي ان جيته
وقلـه : لا يحمـل هــم مــن زلّـوبـي
الـطـيــب يـكـفــي مــــده ومـديـتــه
وانـي علـى دربـه مشـيـت دروبــي
ولا يـهــمّــه صــاحـــب ٍ عـديــتــه
في ما مضى اقرب علّي مـن ثوبـي
فـالمرجـلـه والطـيـب ذايــع صيـتـه
مـا اقــدر اذمّــه واكسـبـه فـذنـوبـي
لــو حلـفـونـي حـلــف مـــا ذمـيـتـه
لاقــول والله ضامـنـه فـجيـوبـي !!
والمشـكـلـه عـلــى الـبـشـر بـديـتـه
وفـاللازمه صد وتـرك ماجوبـي ؟؟
عـلـى آخــر ايـامـه تــردّى لـيـتـه :
حـشّـم بـقـايـا عـمّــره المحـسـوبـي
يــــا كـبـرهــا بـحـقــه اذا مـريـتــه
بيشوف تقصيره معـي عذروبـي ؟!
عـلـى الـعـمـوم الاخ ( ذا ) شلّـيـتـه
مــن بـالـي ويانـفـس عـنّـه تـوبـي !
حـمــدان راس ابــــوي لا حـبـيـتـه
خـلّــك اوّزانـــه سـمّـعـه مكـتـوبـي
قلـه : محـمـد قــال : فـآخـر بيـتـه :
(( لا يستضيـق وربعـنـا هلّـوبـي ))
يـــا كـــم وفـــي ٍ بـالـوفـا جـازيـتـه
بنفـس الوفـا جـازاك فـي مطلـوبـي
وقـلـه محـمـد مـثــل مـــا وصّـيـتـه
علـى يـدك واسلوبـي هـو اسلـوبـي
وان الشعر يبطـي وانـا مـا اخطيتـه
هزله عـدوّي و اجزلـه محبوبـي !!
وانــه طـرالـي ذا المـسـا واهـديـتـه
بيتين صاروا ( مشرقي وغروبـي )
لـو كـل شخـص اصـادفـه خاويـتـه
ما كان لا جيـت العـرب فزّوبـي !!
ولـوكـل مـايـطـري عـلــي سـويـتـه
غطـا علـى طيبـي كثيـر عيـوبـي !!
واسلـم وسلـم لــي علـيـه ان جيـتـه
والله يـجــازي كـــل مـــن زلّـوبــي

[نــجــم]

مامن سلامه


لاصــرت بايعـنـي .. اشـوفــك عـلــى خـيــر
مــع الـسـلامـه .. دام مـــا بـــه سـلامــه !!
قلـت : انتهينـا؟ قلـت لـك : خيـر يـا طـيـر !
مـانــي بـــاول شـخــص يـخـسـر غــرامــه
مــحــذرك مــــن قـبـلـهـا الــــف تـحــذيــر
لا عـفـتـنـي بـيـعـيــف قـلــبــي هـيــامــه ؟؟
مـانـيـب مــيّــت لا ! ولا احــتــاج تـبـريــر
صــــح الله لـسـانــك .. ووفـــــر كــلامـــه
بسمـعـك .. حبـكـه .. وفـكـره .. وتصـويـر
وافــهــم عــــدل يــــا مــدعــي بـالـفـهـامـه
وجــه الشـعـر ( ابـيـض ) ويحـتـاج تغيـيـر
ودي تــزيّـــن هـالـقـصـيــده ( عـــلامـــه )
ماضيـك ( الاســود ) بـذكـره دون تقصيـيـر
كـذا يكـون بـخـد هالشـعـر .. ( شـامـه !! )
يـصـدق مـعـي تعـبـيـر .. ويـخــون تعـبـيـر
يــا ضيـعـة الشـاعـر .. بـوقـت انسجـامـه !
يـمـكـن خـطــا ادونـــك بالـشـعـر ؟! مــيــر
لــو مــا احترمـتـك ؟ للـغـرام احـتـرامـه !!
مــا كــان حـبـك غـيـر بــس طعنـتـك غـيـر
عـلـمـتـنـي مــعــنــى الـــنـــدم والــنــدامــه
مــــا جــــاك مــنــي اي زلــــه وتـقـصـيـر
كــل مــا خطـيـت اعـاتـبـك .. بابتـسـامـه ؟!
حسـبـي عـلـى الـذكـرى اذا هـبـت عصـيـر
مــــا عــــاد تـنـفــع شـرهـتــي والـمـلامــه
البـال ( ضامـي ) وقتهـا والـحـزن ( بـيـر )
( خسرتك ) وهمـي ( كسبـت ) اهتمامـه !!
واللـيـل فــازع لــك كــذا !! جـانـي مغيـيـر
ظـلـمـتـنـي واكــثـــر ظـلـمـنــي ظـــلامـــه
لا اقبـل عـلـي اوحيـيـت صــوت المسايـيـر
وفـزيــت كـــل ضــيــف ٍ اقــــوم بـمـقـامـه
ولـيـا عــزم هاللـيـل ( ضيـقـه وتفـكـيـر ! )
قــلّــي بــربــك كــيــف بــقــدر انــامـــه ؟؟
مــــا فــيــه داعــــي لـلـعـتـب والـمـعـاذيـر
الغدر ( خال ) الجرح واطيّب ( عمامه ) !!
أمــا يجـيـب الله مـطــر .. تـالــي وخـيــر ؟
ولا الـسـلامـه مـــاش مــامــن ســلامــه !!

[نــجــم]

بحة الشوق


تــعـــال اغـنـيــلــك الـــمـــوال وغــيــابــك
للـشـوق ( بـحـه ) تـمـيـز نـبــرة اشـعــاري
زهـبــت عـــذري وردي لاابـتــدى عـتـابـك
كـم لـي افـكـر شـقـول ان قـلـت شالـطـاري
بـقــول مـشـتـاق للـطـعـنـه مــــن اهــدابــك
ومشـتـاق اكـثــر لـقـولـة بـاخــذ بـثــاري !!
وبــقــول مـلـيــت مــــدري مـلـنــي بــابــك
مـن غبـت دونـه وقـف عـمـري ومـشـواري
مغـيـر اسـولـف لــه الـلـي صــار باسبـابـك
وارمــي علـيـه الـشـقـا والـهــم واعـــذاري
من غير لا ادري اجي وان قال وش جابك ؟
قمـت اتساقـط علـي مـن ( غيـمـة افـكـاري)
لـيـن اتبـلـل (( ولـــه )) واطـيــر اسـرابــك
وتــروى عصافـيـر فـرقـانـا مـــن انـهــاري
وارد مــيــت عــطـــش واقــلـــب كـتــابــك
واقــرى حكـايـة ســراب ٍ عــذب ازهــاري
شفـنـي ذبـلـت وطـفـيـت وجـيــت ابحـيـابـك
عـمـري دفـعـتـه ثـمــن دربـــي ومـسـيـاري
امــــا تخـلـيـنـي احــيــا فــيـــك وابـقــابــك
ولا تــاكـــد وفــاتـــي آخــــــر اخـــبـــاري
ابـك انـت مــره طـرالـي احــرق اعصـابـك
طاوعـت فكـري عليـك وجيـت لــك ســاري
فـكـرت ابيـعـك وابـعـثـر بـالـمـدى اطـيـابـك
عقلـي نـواهـا وقلـبـي قــال انــا ( شــاري )
ورديت احسـك بصـدري واحسـب احسابـك
انـــي زرعـتــك لـقــا وابـقـطـف اثــمــاري
والــيـــوم دام الــمــســا تــــــوه تـغـنــابــك
اقــررب مـدامـك لـحــن تشـتـاقـه اوتـــاري
ابـعــزفــك لـلـقـصـيـد الـــلـــي تـسـمــابــك
وشــب لــك داخــل بـحـور الشـعـر نـــاري
واسـمـعــك مــــا كـتـبـتـه لــيــن ( يـنـتـابـك
غــرور ) واسـمـع كــلام ٍ عـــده اجـبــاري
لاصــرت انـــا والـقـلـم والـدفـتـر احـبـابـك
يـحــق لـــك لـــو تـقــول ان الـشـعـر داري
مــا قلتـهـا قـصـدي انــي اكـسـب اعـجـابـك
لـكـنــي بــهــذي ادري ويـــــش مــقـــداري
الصعـب جــذاب وانــت الصـعـب يزهـابـك
وانــا عـلـى الكـايـده يــا عـاشـقـي ضـــاري
وان جــات للـجـد لــه لـــذه تـــرى غـيـابـك
شف ( بحة الشوق ) كيف تميز اشعـاري ؟؟

[نــجــم]

اسبوع


اسبـوع مـرّ..ولا وصـل منـك مرسـال
يـاقـوّ قلـبـك كـيـف تقطعـنـي اسـبــوع
الـجـو كافـر!وانـت مـاتـرحـم الـحــال
وانـا علـيـك مــن الـولـه مـيـتً جــوع
ياللي غيابك صعب يطري علـى البـال
تـركـتـنـي ضايق..وحايـر..ومـفـجـوع
مـاكـنـي الا:شــايــبً فـاقـعــد عــيــال
وماكـنـك الا: مـحـرمً حــق مـشــروع
يـفـوع لــك قلـبـي لـيـا مــر الاطــلال
يالـيـت مـالـي قـلـب يـشـتـاق ويـفــوع
حسبـي عليـك شلـون قطـعـت الامــال
بآمـوت لاصـار الامـل فـيـك مقـطـوع
ياصـاحـبـي مــاكــل نــــزال رحــــال
انـت الحيّـا مـن ويـن مارحـت متـبـوع
نسـيـانـي لـــزولً بـالاعـمـاق يـخـتــال
اصعب علي صاحبك من حبـة الكـوع
لـو الثمـن فـي شوفـتـك عـمـر رجــال
كـان الثمـن مـن يـوم ماغابـت مـدفـوع
ولــو الـقـدر مـاتــم قـولــه لـيــا قـــال
ماضاق صدر ولا انحنى راس مرفوع
ياصاحـبـي عشقتـنـي فـعـل وخـصــال
وانا عشقتك شعـر واحسـاس واطبـوع
وشلـون تتركنـي كـذا لاشـهـب الــلال
وقــدام عيـنـي تـجـف ينبوع....ينـبـوع
وانــا عشـانـك جـيـت والغـيـم هـمــال
اســيّــل الـوديـان...واداحــم جــمــوع
مـاردنــي عــنــك سـوالـيــف عــــذال
تـزعـل عـلـي ربوع..وتـقـدّر ربـــوع
كـان المهـم اعيـشـك جـنـون ووصــال
ويكـون لـي كلمـة ولـي راي مسمـوع
واليـوم ضاقـت بـي مـن الجـال للجـال
فرقـاك تقـصـم ظهر..وتحز...وتـلـوع
لو جيت شفـت الحـال ماسـرك الحـال
فـي غيبتـك ضايق..وحاير..ومفـجـوع
هـذا غيـاب اسبـوع وشلـون لـو طــال
طالبـك لايطـول غيـابـك عــن اسـبـوع

[نــجــم]

ياغايب


قصايد(ن) تنكتب في روعة وصوفك
فـي كـل خايـع فكـر تلقـى لهـا جـره
والشعر كانه قدر يخطـرك ويطوفـك
مــــهـــــاوب لله....لا دري ولا دره
ياغايب(ن) رجعك عقب البطا خوفك
فـي كـل مـره تجـي وتـعـاود الـكـره
اتكـبـر الـعـذر قـبـل اتكـثـر حلـوفـك
ولا ضر قلبي كبر عـذرك ولا سـره
قلبي نسيتـه سنـه فـي راحـة كفوفـك
طالبـك رده عـلـي ولا اكفـنـي شــره
الله لايسـامـح الاشـــواق و طـيـوفـك
ويا ويل قلبي مـن الحرمـان والحـره
ياليتهـا فــي يــدي واغـيّـر ظـروفـك
او ليتـنـي ماعـرفـت الـحـب بالـمـره
العامفـي كـل لحـظـه اقــدر اشـوفـك
واليوم ما اقدر اشوفـك بالعمـر مـره

[نــجــم]

ياكويت حزنك غير !


ياعـيـن كــن الـدمـع مــا عـنـه مجـنـاب
ولا كــــل رجـــــالٍ فـقــدنــاه نـبـكـيــه
تـغـورقــي بـالـمـلـح والـمــلــح لا ذاب
المحـجـر الـلـي جــف بيـسـيـل واديـــه
وأن كـان حـر الدمـع مـا جـرّح أهـداب
لـيـه البـكـا والـحـزن يــا مدمـعـي لـيــه
ذيـب الشقـا يقنـب عـلـى راس مـرقـاب
يامصبـريـن القـلـب فــي مــوت غالـيـه
المـوت نرضابـه بــلا شــرح وأسـبـاب
نـرضـى بحـكـم الله ونـصـبـر ونـدعـيـه
يغفـر ذنـوب الفيصلـي سـتـر وحـجـاب
أمــــة مـحـمــد دون شـــــيٍ تـحـاتـيــه
يـا نجـد عـم الـحـزن وديــان وهـضـاب
ويـا حـجـاز كــل جبـالـك الـيـوم تنعـيـه
وحايـل كسـت سلمـى مـن الهـم جلبـاب
وعـرر حكـت حـزن الشـمـال ومعانـيـه
ونجـران مــن زود العـنـا تفـتـح كـتـاب
حـزن الجنـوب وتنقـل أصــدق تعـازيـه
وهـل الخليـج الدمـع فـي راس مشعـاب
والبـحـر الأحـمـر كــنّ جــده تـواسـيـه
وياكويت حزنك غير ومصابـك مصـاب
فـي مـوت مــن حــرّر قـيـودك بأيـاديـه
الـلـي فـتـح للفـزعـه بـيــوت وأبـــواب
ولعيـون أرض الخيـر غامـر بأراضـيـه
وأنـا مابـيـن الحـيـره وفـقـد الأعـصـاب
عجـزت لا أكتـب بيـت واحــد وأغنـيـه
كنـي مـن البـارح مـن الشـعـر مـرتـاب
شـاعـر وفاقـدلـه وطــن كـيــف يـرثـيـه
مـاهـي بلحـيـة تعـزيـة شـعـب أقـــراب
لا والله الا كــــــل مــســلــم نــعــزيــه
هــذا ملـيـك الـمـجـد فـكــاك الأنـشــاب
يــاقــرب فـزعـاتــه ومـبـعــد هـقـاويــه
عــل الـسـحـاب يـهــل مـــن آب لا آب
عـلـى قـبــر فـهــد الـجـزيـره ويسـقـيـه
اللـي مــرض وقلوبـنـا حـلـوه أســراب
ومــــات ودعـاويـنــا لــربــه تـخـاويــه
وسع حرم / طبع كتاب / حارب أرهاب
ومـكـه وطيـبـه تفتـخـر فـــي مسـاعـيـه
مثـلـه يغيـبـه الـقـدر مـيــر مـــا غـــاب
ومثلـه يمـوت ولا يـمـوت الفـخـر فـيـه
يـا كثـر مـا راحـوا مـع الـوقـت غـيّـاب
وياقـل مـن باقـي علـى الأرض طـاريـه
سجّل يا تاريخ الشرف صفحـة أعجـاب
لـلـي يعـيـش الحـاضـر بخـيـر ماضـيـه
وللمـرجـلـه مـوقــف ولـلـنـار شــبــاب
وللحـكـم أبــو متـعـب وأبـايـع ويكـفـيـه
مــن قـبـل تعـلـن بيعـتـه بـيـن الأقـطـاب
قــامــت تـبـايـعـه الـقـلــوب وتـزكــيــه
والجملـه اللـي ماهـي بحـاجـة أعــراب
مــــا كــــل رجــــالٍ فـقـدنــاه نـبـكـيــه

[نــجــم]

حمدان أبن مكتوم


مـن منطلـق مـا ينمـدح غيـر الكبيـر ابـن الكبـيـر
بـســم الله الـرحـمـن يـاقـافـي وبـســم الله عـلــي
سـلام ياتـاج الفخـر مـن خافـق وراس وضمـيـر
تـحـيّــه تـلـيــق بـمـقـامـك يـارفــيــع الـمـنـزلــي
ياسيـدي حمـدان يـا ابـن الشيـخ وبناخـي الأمـيـر
الشـعـر يسـمـو فــي سـمـوك والمعـانـي تعتـلـي
اخطر محطات الشعر مدحك وانا شاعـر خطيـر
جيت اكتب اللي ما نكتب وأفكار شعري تصطلي
ياسـيـدي قناعـتـي مــن عـادنــي طـفــلٍ صـغـيـر
أن ( الله الـوالـي ولا غـيـر الله الـوالـي ولـــي )
يعني على الفطره احاسيسـي ولا أحـب أستشيـر
عفويّـتـي تـشـرح طبيـعـة آخـــري قـبــل أولـــي
حبـك مـن الله والقصيـده غيـر فــي فــزاع غـيـر
يهلـهـا صــدري مـثـل هــل السـحـاب المـنـزلـي
وتربـع فيـاض الخفـوق مـن الغـلا الجـم الكثـيـر
ويسيـل وادي حشمتـك وسـط الـعـروق ويمتـلـي
وبيـوتـي الـلـي تنكـتـب كــلٍ مــن الثـانـي يغـيـر
يتسابـقـون لمسمـعـك لان مسمـعـك مـالـه حـلـي
الأول يغـيـظ الثـانـي / الثـانـي ينـاظـر بـالأخـيـر
ويعـتـبـر لأأن الأخـيــر بغـيـرتـه يـغـلـي غــلــي
والـلـي يـقـول الأخـتـزال أبــداع ليـتـه يستخـيـر
جيت أختصر حمـدان ابـن مكتـوم وأثـره مايلـي:
المرجلـه والطيـب والنامـوس والسيـف الشطيـر
وطريـق مجـدٍ مــا كـسـاه الا البـسـاط المخمـلـي
وقصايـده فيهـا عذوبـه قيـس مـن طنـخـة جـريـر
وان قالـهـا زايــر أســد مـاهـو صفـيـر البلـبـلـي
وأصبـح أبـوّه لليتـيـم وأصـبـح عـيـونٍ للضـريـر
وبشـرى الفـرج للمستجيـر المستضـيـق المبتـلـي
ياشيـخ يانسـل الشيـوخ وصوفـك البحـر الغـزيـر
وأنا أفتخر في مدحتك وأنـا أشهـد أن الفخـر لـي
أن جيـت مالـوم العـرب لـو ذّبـحـت مـيـة بعـيـر
وغيرك خسـاره فيـه لـو يذبـح علـى شانـه طلـي
قصيدتـي ماكـر حـرار أهـدهـا لــك طـيـر طـيـر
فـي خايـعٍ ماقـد رعــاه مــن الجـمـال ألا جمـلـي
وابنيـهـا بنـيـان الحـجـر وأفـلـهـا فـــل الـحـريـر
وأخـطــط لمضمـونـهـا تخـطـيـطـي لمستـقـبـلـي
وشلـون مـا سـوي كـذا وأداحــم الجـمـع الغفـيـر
وانت الشلي ابن الشلـي ابـن الشلـي ابـن الشلـي
وقصـيـدةٍ كتبـتـهـا لـجــل الكـبـيـر ابـــن الكـبـيـر
أصـدق قصيـد الشاعـر محمـد جـار الله السهلـي

[نــجــم]

طمني عليك


يالغايـب اللـي غـابـت ايـامـي مـعـاك
يا جعـل مـا جانـي مـن الفرقـا يجيـك
استغفـر الله !! جعـل ماجانـي فــداك
حتـى لـو ان نهايتـي .. علـى يدييـك!
مسامحـك .. واللـي بقولـه فـي قفـاك
خيـرك كثيـر .. ويـرحـم الله والـديـك
ماصار شي ابلا رضـاي الا رضـاك
اللـي ماهـو فينـي وابيـه الـقـاه فـيـك!
كنت السما فـي عينـي وعينـي سمـاك
كـانـت حيـاتـي كلـهـا مـنــك والـيــك
كنـت بيدينـي ميـر مـدري مـن خـذاك
حسبي على تقصيري وحسبـي عليـك
علمتنـي.. وش الحـيـاه مــن الـهـلاك
فـي موادعـك هـذا وفـي جيّتـك ذيــك
ياكيف ابلقى شخص يسوانـي سـواك
كل مانويت انهيك في شخص ابتديك!
أبـــدى أقـــارن مـسـتـواه بمـسـتـواك
واخـاف لاتزعـل وابيـعـه واشتـريـك
والمشكـلـه : رغــم محبـتـك وغــلاك
وانـي رغـم كـل شـيّ مشتـاق وابيـك
ما هـوب مـن حقـي يضايقنـي جفـاك
ولااعشقـك ولاالمحـك ولااحتريـك!!
لكـن مــا يخفـانـي ولا اظــن يخـفـاك
حقـي عليـك .. انّــك تطمـنّـي علـيـك

[نــجــم]

كلّي ظما


بـيـنــي وبــيــن الـشــقــا ســـــلام رديّـــــه
يفـتـل جـروحــي وانـــا انقـضـهـا بـمـوالـي
عـيّـدبــي الــهــم واثــــر الــدمــع عـيــديّــه
ولانــــي بــذاخــره دام عـيـونــي عـيــالــي
يــا عـيـن هـلّــي دمـوعــك كـــل عـصـريّـه
وان لمتـك فيـوم قولـي : ( مـالـك ومـالـي )
مـحـتـاج طـــاروق لــــه مـعـنــى وقـافـيّــه
واستـبـشـري خـيــر ! والـشـعـر يتـهـيّـالـي
الـقــدح مـــن فــكــري وفــالــراس جـنـيّــه
وان حضّـرت بــي كتـبـت العـالـي العـالـي
مــا شلتـهـا عـرضـه ! ولا هــي هجينـيّـه !
غـنّـيـتـهـا مـــــدري الــطـــاروق غـنّــالــي
بـــس الــوكــاد إنــهــا : قــصّــه غـرامـيّــه
ابـطـالـهــا هــمـــي وغــمـــي وغـربــالــي
وان قـالــوا الـنــاس : ذا طـبــع الـهـواويّــه
قـلـت : اسـتـوى عـنـدي التـريـاق والحـالـي
الـعـشــق بــلــوى ونـفـســي فــيــه مـبـلـيّـه
خـلـونـي اكـتــب وافـضـفـض لا تفـضـالـي
المـسـألـه أكــبــر مــــن احــــلام ورديّــــه
الـحـزن لا مــن لـفــا جـيـتـه عـلــى فـالــي
حزنـي واعـرفـه واعــرف ابـسـط مـواريّـه
ولانـي لحالـي كثيـر اللـي عــرف حـالـي !
يــا وجــد حـالــي وجـــود الـلــي هـقـاويّـه
خـانـتـه بـاغـلـى رفـيــق ولا لـقــى والــــي
ويـاوجــد حـالــي وجـــود الـلــي بـنـاخـيّـه
عـن عسـر حالـه وضيقـه دالــه وسـالـي !!
فــــي غـيـبــة الــلــي تــمــادى بـالانـانـيّــه
وخـلانـي بـوجـه حـزنــي واقـــف لـحـالـي
يــا مـوّسـع الـضـيـق لامـــن مـــر طـاريّــه
كـن الوسيعـه تضيـق ان مـر فــي بـالـي !!
ويــن انــت ؟ يـالـلـي غـيـابـك مـثــر ٍ فـيّــه
غايب !! واحسك معي !! واشوفك قبالي !!
طـيـفـك لـيــا مــــر حــاجــه لا إراديّــــه !ا
تـبــع سـرابــه واجـيــه اســابــق ظــلالــي
يالـلـي مـــن حـروفــك تـغــار الرومنـسـيّـه
والله قـبــل لا افـقــدك فـاقــدك جـوّالــي !!
في ( بحّتك ) شي ؟! يشبـه حـزن مرثيّـه !!
ومن غاب صوتك وانا اللـي صـدق يرثالـي
وعـيـونــك الــســود إعــجـــاز وخـيـالـيّــه
نــادر شبهـهـا مـثــل مـــا تـنــدر خـصـالـي
ونـظـرتـك تـهــدم كـيـانـي بــكــل عـفـويّــه
سلهـم وشــف كـيـف يـبـدى فــي ّ زلـزالـي
وعــودك لـيـا مـــال يـــا الـمـتـرف بحـنـيّـه
قـمـت اتـعــزوى واطـــوّح لـجـلـه عـقـالـي
وقـلـبــي عــلــى ظـمّـتــك يـسـابــق يــديّــه
ويـردنـي طـيـب ابـــوي ومـرجـلـة خـالــي
تـكــفــون يــالــلــي تــمــرونــه عــلانــيّــه
قولـوا لـه : المـوت لامـن غــاب يبـرالـي !
وقـولـوا لــه : ان غيبـتـه مــا هـيـب عـاديّـه
وخـلـوه يـرجـع يـشــوف بعـيـنـه احـوالــي
وقـولـوا لــه : انــه ذبحـنـي لعـنـبـوا حـيّــه
مـا يرحـم الشـوق غـالـي ينتـظـر غـالـي !!
وقـولـوا لــه : ان صـــد والـصــده نهـائـيّـه
اشـوالـي آصــد !! لا والله وش اشـولـي !!
حـيـل الله اقـــوى عـسـاهـا روحـــه بـجـيّـه
وعـســاه مـــا يـبـطـي ويـرجــع ويسـعـالـي
وقـولـوا لــه : الله حسيـبـه كـــان لـــه نـيّــه
مـا عـاد يـرجـع لــي وقـولـوا لــه التـالـي :
حـرام كـلّـي ( ظـمـا ) وايـديـه ( وسمـيّـه )
وحرام ( مالـي أمـل ) مدامـه ( آمالـي ) !!

[نــجــم]

ابسافر


يـقـول المحـبـه ويــش لــو غـابـوا الاحـبـاب؟
اقول الجسـد مـن غيـر نبـض وشعـور وروح
يـقـول النـهـار يغـيـب وش موقـفـك لاغـــاب؟
اقول: ان رضيت اسكت يصير السكوت البوح
يـقـول السـتـر سمـعـه وذكــر وفـعـل وثـيـاب
اقـول: المحـب مـن الولـه والسـهـر مفـضـوح
يقـول انـت قايـل لـي بسـافـر بــدون عـتـاب؟!ا
قول:ايـه قبـل اضـيـع فــي وجـهـك الممـلـوح
قـبـل تـبـدي الاعـجــاب وابـادلــك الاعـجــاب
قبـل تاخـذ احسـاسـي وقلـبـي عـبـث وتــروح
قـبـل ينفـتـح لــك بـيـن عـــوج الحـنـايـا بـــاب
ويبقـى عـلـى طـاريـك طــول العـمـر مفـتـوح
قـبــل لا اتـوهــق فـيــك يـالـصـادق الــكــذاب
قـبـل لا اتحـطـم مـنـك يالمخـطـي المـسـمـوح
قـبــل لاتعلـقـنـي وتـرحــل بــــدون اســبــاب
قــبــل لاتعـلـمـنـي اعــــد الـسـنـيـن جــــروح
قـبـل يتبـعـك وانـــت تـمــادى جـفــا وغـيــاب
قصيـدي ودمــع عيـونـي وصـوتـي المبـحـوح
ياليت الزمـن يرجـع واحسـب لجفـاك حسـاب
وعـد مــا اتعـلـق فـيـك وانـسـاك قـبـل تــروح

[نــجــم]

شـآآآعرها


يــطــوّل سـكـوتــك ولا يــطــوّل سـكـاتــي
تــــرى الــدعــاوي بـسـيـطــه لا تـكـبّـرهــا
خـلـك عـلــى خـبــري وظـنــي وهـقـواتـي
خـابـرنـي الـضـيـق والضـيـقـات خـابـرهــا
وسّــع لـــي الـبــال يـــا سـيّــد طمـوحـاتـي
ولا تغـيّـر النـظـره الـلــي كـنــت تنـظـرهـا
تـقـول : حــب البـشـر طــوّق مـسـاراتـي ؟
ابــك انــت حـبــك مـسـاراتـي يسـيّـرهـا !!
ان غـبـت عـانــت عـيـونـي مـــن معـانـاتـي
وذكـــرك يصـبّـرنـي وطـيـفــك يـصـبّـرهـا
لا يــا بـعــد شـهـرتـي واعـظــم نجـاحـاتـي
وكـل القصايـد مــن ابسطـهـا لـيـا اشهـرهـا
ولا يـــا بـعــد مـــن يــــدوّر لانـكـسـاراتـي
شعّـار سبـب وجــودي ضـيـق خاطـرهـا !!
انــت اجـمـل الـلـي تسـجـل فــي سجـلاتـي
ان جيت : وين البشر ؟ وان رحت : مكثرها
يــا اوّل وآخـــر قـصـيـدي وآروّع ابـيـاتـي
مـحـدٍ يـحـب القصـايـد كـثــر شـاعـرهـا !!
مـــا فـــاق حـبــي لـــك الا حـبــي لـذاتــي
يـعـنـي احــبــك مـحـبّــه مــــا اتـصـوّرهــا
يـا اصـدق مـن النشـوه الـلـي فــي بدايـاتـي
لا قـلـت لــي كــم بـيــت وقـالــوا انـشـرهـا
واغلـى مــن الدمـعـه الـلـي كــل صدمـاتـي
تطـلـب يدييـهـا !! واحـجّـرهـا ولا انـثـرهـا
وآحـــن مـنــي عـلــيّ ان شـفــت زلاّتــــي
الـقــاك بـررتـهـا لــــو صــعــب ابــررهــا
واطـهــر حـكـايـة مـحـبّـه فـــي حـكـايـاتـي
مــن قـبــل لا عيـشـهـا حسّـيـتـك اطـهـرهـا
لا تلـومـنـي لا بــديــت آخــــاف وآحــاتــي
كـــل حـاجــةٍ غـالـيـه مـــا ودّي اخـسـرهـا
ولا تـضــايــق لــيـــا كـــثّـــرت جــيّــاتــي
ضيّـعـت فـيـك السـنـيـن وجـيــت ادوّرهـــا
تــعـــال رتـبــنــي ورتــــــب حـسـابــاتــي
او تــدري شـلـون ؟! رتبـنـي و بعثـرهـا !!
مــو مشكـلـه لــو تصـيـر اطــوّل مسافـاتـي
المـشـكـلـه لابــديــت احــسّــك اقـصــرهــا
اكـبــر عـيـوبـي : بـديـتـك مــــن نـهـايـاتـي
واكبـر عيـوبـك : لقـيـت اوّلــك بآخـرهـا !!
يــا مكتـشـف عـالـمـي واقـــدم حـضـاراتـي
حــرام كـسـر الخـواطـر بـيــد جـابـرهـا ؟!
مــدام تـقـدر عـلـى الـلــي فـــوق قـدراتــي
لا تـذخـر الفـزعـه الـلــي قـلــت ذاخـرهــا
رجـعـنـي لـوقـتــي او رجـعـلــي اوقــاتــي
عـامـيــن تـنـطـرنـي وعـامــيــن نـاطــرهــا
وتـقــبــل الـــــود والــشــكــر وتـحـيــاتــي
يــا سـاكـن الــروح والـــروح ومشـاعـرهـا
وروّق وركّـــز وحــــاول تـفـهــم الآتــــي:
فــكــره تــأكــد قـلــيــل الــلـــي يـفـكـرهــا
لـــو ان غـيــري مـعــاك يـســوي سـواتــي
قلـت : انـت نعمـه وهـو عـاجـز يقـدّرهـا !!

[نــجــم]

لا تحبّه كثر ما حبّيتني !!


ليت لي حيله واجي واحتال بك
وليت ما قلت بحياتـي ليتنـي !!
يابـري حالـي ليامـن مــال بــك
الـتـغـنّـج والــدلــع لا جـيـتـنـي
دوم احـس انـه نعاسـك غالـبـك
معنّي رموشك ! وانا عنّيتنـي !
بس ذا المره ما طاب الفال بـك
جيـت ولـدرب الجـفـا حديتـنـي
لكن اسمع هالشعر وش قال بك
دام صبت اللي تبـي واخطيتنـي
الغـلا حـقـك ! ولانــي سالـبـك
ابـسـط حقـوقـك ولــو مليـتـنـي
شوف عيني يوم دمعي سال بك
ضمـتـك حـتـى ولــو ابكيـتـنـي
وانت رغم اني شغلت البال بك
سلت مع دمعك ولا ضميتني ؟!
كــان بــه شــي ٍ علـيّـه قـالـبـك
بطـلـبـك حـاجــه اذا خلـيـتـنـي
لانويـت تحـب غـيـري طالـبـك
لا تحـبّـه كـثـر مــا حبّيـتـنـي !

[نــجــم]

ضاق صدري


الطـيـش عـــذرك ! والمـقـاديـر عـــذري !
والـفـرق واضــح واقـطـع الـقــال والـقـيـل
مــا ضـاقـت الدنـيـا ولــو ضــاق صــدري
كــذا !! مــدام الضـيـق اصـبـح تساهـيـل ؟
صـابــر عـلـيـك ولا نـفــع فـيــك صـبــري
يعنـي عـن اذنـك مــا بـقـى فالصـبـر حـيـل
صــديـــت والــصـــده تـعـلـمــك قـــــدري
البُـعـد يكـشـف ويــش قــدر الريـاجـيـل !!
بـسـري لا تسألـنـي عـلـى ويــن ؟ بـسـري
دام الـسـهــر لـجـفــون عـيـنــي مـداهـيــل
لا تـقــول سامـحـنـي ولا تــقــول بــــدري
بــدري مـــن اعـمــار الـخـبـول المهـابـيـل
اللـيـل يـغـري ! وانــت طعنـتـك تـغــري !
والقاف وش يبغى سوى ( طعنه و ليل ) !!
بـآجــر صـوتــي وانــطــرب دام فــكــري
زعـلان مـن جيليـن راضـي علـى جيـل ؟؟
وقصـيـدي الـلـي كـبّــره صـغــر عـمــري
يـسـوقـنـي لـلـمـجــد ســـــوق الـفـنـاجـيـل
يطـري علـيّ لا ضـقـت ولا انــت تـطـري
كل مـا طرالـي الدمـع ! واخـذ التفاصيـل :
الدمـع : مـاهـو ( مــا ) أهـلـه ويـجـري ؟!
الـشـاعـر دمـوعــه قـصـيـد ومــواويــل !!
بـكـيـت لـــك ( بيـتـيـن ) وابــيــك تــــدري
ان الـشـعـر مـنـهـا غـــدى دمـعــه يـسـيــل
مـا عـرّف اوراقــي عـلـى طـيـش حـبـري
الا : رداة الــحــظ و الـعــشــق والــويـــل
ولا ضيّق الدنيا وسـط ( عيـن شعـري ) ؟؟
الا غـــدر نـســل الـرجــال المـشـاكـيـل !!

[يارا العامرية]

صح لسسسآنه ولأهنت نجم ..

[نــجــم]

يسعدني ويشرفني مرورك العطر

تقديري لكـ

[صعبة المنال]

نجم
أج ــمل وأرق باقات ورودى
لموضوعك الجميل وطرحك الرائع
صح لسان الشاعر وتسلم يمينك
كل الود والتقدير
دمت برضى من الرح ــمن
لك خالص احترامي وتقديري

[نــجــم]

يسعدني ويشرفني مرورك العطر

تقديري لكـ

[العنيــــدهـ]

لاهنت ع الاختيار الرائع
يعطيك العافيه
!..❥

[نــجــم]

يسعدني ويشرفني مرورك العطر

تقديري لكـ

[سلطانة]

http://www.halauae.com/uploads/images/alsaher-3814931317.gif

[نــجــم]

يسعدني ويشرفني مرورك العطر

تقديري لكـ