ديوان وحي الضمير 2 - عثمان العبدالله

[نــجــم]

ديوان وحي الضمير 2 - عثمان العبدالله


اهلا ومرحبا بكم في ديوان : عثمان العبد الله/ الطائر المهاجر / شاعر العثمانيات






ديوان وحي الضمير 2


هذا هو الجزء الثاني من ديواني "وحي الضمير"
شكرا لكل من تفضل بالزيارة
مع تحياتي
الطائر المهاجر/ شاعر العثمانيات
عثمان العبدالله




أرق وأجمل تحياتي

[نــجــم]

قصيدة هلا بك يا اقدس الأشهر ورمز الوحدة الكبرى


هلا بك يا اقدس الأشهر ورمز الوحدة الكبرى
مابين المسلمين بكل هـذا الكـون واقطـاره
هلا بك توقظ الغافل من اللي ما احتمل صبرا
يبي الدنيا ولا فكّـر بلحظـه تعلـن اسفـاره
قضى عمره مثل غيره كأنـه ناسـي القبـرا
كأنه جاهلٍ من راح وانقطعـت بـه اخبـاره
الا يا صاحبي هذا الشهر فرصتـك للأجـرا
فلا تدري متى يومـك يحـل بـدون انـذاره
وترى في صومنا غيض العدا من ملة الكفرا
فهم يخشـون قـوة ديننـا لا هـبّ مليـاره
يذكرهم بوقت فـات كـان المجـد والنصـرا
لنا دون الخلايق ما نهاب الموت واعصـاره
تحت ظل السيوف ورآية التوحيد والبشـرى
هزمنا قيصر وكسرى وصرنا نحكم امصـاره
لتبقى "الله أكبر" عاليه فـي البـر والبحـرا
تحرر كل مستضعف وتنشـر عـدل بديـاره
ولكن بعدمـا حنـا تزحزنـا عـن الصـدرا
غدينا مطمع العادي يمشّينـا علـى الشـاره
لأن الصوم مثل الدين اخذها البعض كالستـرا
ومظاهر خادعـه للـي يظـن العـز دولاره
بلا إيمان من قلبٍ يخـاف الله فـي السـرّا
يظل الخوف يحكمنا من اللي طالـت اشبـاره
يفرقنـا ..يجمعنـا علـى كيفـه وبالجبـرا
وياخذ ما يبي منا ولا نقـدر علـى حصـاره
عباد الله هذا الشهر فيـه الكسـب للأخـرا
وفيه العز في الدنيا لمن لايعـرف اسـراره
فكلٍ يخلص النيه ليسهم فـي بنـاء النصـرا
فوعد الله لو طوّل يجي فـي يـوم لانصـاره

[نــجــم]

خذني معك من وين ما عني اقفيت



خذني معك من وين ما عني اقفيت
خذني معك لو طيف حلم وخيـالات
يمكن تذكّرنـي اذا يـوم سجّيـت
وتدري بغلاك ولو تطول المسافات
حبك بقلبـي ثابـتٍ لـو تغلّيـت
غيرك فـلا والله حبيـت لحظـات
بعْدك حبيب الروح بالبُعد عانيـت
ووردٍ زرعته في طريقي ترى مات
يظلم عليّ الكون لاصبحت وامسيت
واعيش بعدك في همومٍ وحسرات
يكفيك دمع فوق الاوجـان هليـت
ويكفيك قلبٍ ينبض الحزن آهـات
تكفى اذا تكفى تهزك اذا اوحيـت
ما عاد لي من قلب يقوى المعانات
وان كان ما توحي اذا اليوم ناديت
فانا اشهد انك قاسي القلب بالذات
وانا الضحيه يوم شرواك حبيـت
واخلصت من قلبي لمن خذْه ملهات
ما تستحق الحب مهمـا تداريـت
ومثلت لي دور المحبيـن مـرات
لا بوك لا بو حب بالقلـب علّيـت
اهد ساسه وادفنه مثل مـن فـات

[نــجــم]

تخيل لو تلاقينا بالصوت



تخيل لو تلاقينـا بعـد عمـر مـن الفرقـا
وكل مع شريـك العمـر والأطفـال قدامـه
وتلاقت عينك بعيني بنظـره عجلـةٍ سرقـا
ترجّعنا لسنين الحب واجمل ماضـي ايامـه
وآمـالٍ بنيناهـا وطـارت كنهـا الـورقـا
ولا باقي سوى الذكرى تجدد طيف أحلامـه
زمن غدار فرقنا احد غـرب واحـد شرقـا
ولا راعى قلوب تحب صارت ضمن ايتامـه
وعـادات وتقاليـدٍ قديمـه كلهـا خـرقـا
تحارب من يحب ولو بيدها تعلـن اجرامـه
الا وش ذنبك وذنبي غدينا بموجهـا غرقـا
نسايرهـا بـلا ارواح كـلٍ يكتـم آلآمــه
قدرنا انا تلاقينا بجسـر الحـب بـه نرقـا
نحسبه آمنٍ واثره تهـاوى فوقنـا حطامـه
وقطار العمر يسبقنا نشوفـه لمحـة البرقـا
على الرجلين نتهادى بصحرا الوقت واوهامه
ابنسى وانتي انسيني ونقطع بالقلـب عرقـا
يذكّرنا بماض فـات جـر القلـب لاسقامـه
ونرجي يوم نتلاقى بجمعاء مـا بهـا فرقـا
بجنات الخلود برحمة اللـي عـدل باحكامـه

[نــجــم]

الرجل لامن كبر كثرت عذاريبه



الرجل لا من كبر كثـرت عذاريبـه
عند اقرب الناس من خلٍ وعيلانـي
إلا إذا هـو ثـريٍ منتفـخ جيـبـه
يعطي بلا حساب مافكـر بنقصانـي
أما اذا هـو فقيـرٍ فعيبتـه عيبـه
لا من ومر او نهى جوبه بحقرانـي
دامه كذا الحال في وقت ظهر عيبـه
فالعاقل اللي يـزن امـره بميزانـي
يبني مبانيه بارض بالعزى صْليبـه
تبقى على حالها مع مـر الازمانـي
ويحفظ حلالـه ولا يتركـه للسيبـه
ويعز نفسه بقرشـه قبـل ينهانـي
فالقرش درعك وراه العـز والهيبـه
لاشانت طبوع من عاملت باحسانـي
ووطنك من يسعدك لو عشت تغريبه
(فـدار بـدارٍ وخـلان بخـلانـي)
تلقى اللـذي دوم يلقـاك بتراحيبـه
وتلقى الخدم والحشم اشكال والواني
كل يبي رضاك محد يقول والخيبـه
وتصير شيخ وامير عالـي الشانـي
تقضي بقايا العمر تجنـي اطاييبـه
وتنسى سنين مضت في غم واحزاني
العمر واحـد فجـدد مـن تشابيبـه
واغنم زمانك قبل يغنمـك يالفانـي
من قبل يومٍ يضفـك فـي جلابيبـه
من ضف قبلك من اعداءٍ وصدقانـي
وليّاك تنسى الـذي تكتـب كتاتيبـه
وتحصي فعايلك من زود ونقصانـي
وازن امورك بعقل ودين تحمي بـه
نفسك من الغي لا مالـت لطغيانـي

[نــجــم]

اعلمه الرمايه بالصوت




اعلمـه الرمايـه كـود يكبـر
ولاقي فيـه درعـي والسنانـي
وياليتي سالمٍ من علـم مااثمـر
بعد ما كبـر بسهامـي رمانـي
خطيت بفهم وقت صـار اغبـر
غطى عيوني فلا شفت الحصاني
تشوف الشكل بالمنطوق يسحر
وتاثق به تحسب انه حصانـي
ولكـن الحصينـي لـو تصبّـر
يختلك لين يطعن في المحانـي
فكم لك من صديقٍ فيـه تفخـر
يغدرك وانت في لحظة ومانـي
فطعنه من عـدوٍ فيـك يظفـر
ولا طعنـة صديـق قلّبـانـي
وطعنه من شجاع ولـو تجبـر
عليك اهون من طعون الجبانـي
حصاني في زمن طبعـه تغيّـر
وعلمها تفنـن فـي الطعانـي
حصاني بالثياب واسـم يبهـر
ولكـن الفعـل فـاق الغوانـي
تنبه يا فتـى فالوضـع دحـدر
وخذ مني النصيحـه والمعانـي
اذا سرك طلـع مهمـا تحـذر
وبالـه يلحقـك قبـل الأوانـي
فهو ملكك بصدرك لـو تضجـر
وملـك الغيـر لا زل اللسانـي
ومعروفك ولو بالخيـر تؤجـر
على ذيـخٍ حصيلتـه الهوانـي
مثل ذيخ عطيته علـم وابحـر
ولمـا كبـر ببحـوره رمانـي
وترى الرجال مخبر قبل مظهـر
فلا يخدعك شكـل المودمانـي

[نــجــم]

ارجوك لامت مابي من يكفني

ارجوك لا مت ما بـي مـن يكفنـي
إلاّ انت ياللي سبب جرحي والآمـي
وان كان تقدر تجمّـل ليـت تدفنـي
ما ودي احدٍ يطالع ناحـل عظامـي
يفهم غلط علتـي بالشيـن يتهمنـي
ويشمت بي الناس عن كذب واوهامي
مايدرو ان السبايب منهـو ايتمنـي
ولا حاول انه يخفف بعض اسقامـي
عيّت عيوني علـى فرقـاه يغفنـي
والنوم حارب جفوني عدة اعوامـي
فبعض العـذارى اذا حبيـت يقفنـي
حتى ولو يتركنـك كومـة حطامـي
وانا صويبٍ جروحه كيـف يشفنـي
ومن صوبه ما درى عن قلبه الظامي
اسنين ولّت مـن المأسـاة يكفنـي
فالشمس زلت واشوف الموت قدامي
ودعتك اللي عليـم احـوال يخفنـي
وانا وداعة جـروحٍ نزفهـا دامـي

[نــجــم]

تموت الافاعي وسمها في نحورها

يقولون في الأمثال من زود حقدهـا
"تموت الافاعي وسمها في نحورها"
وانا اقول ما ظنيت لو شفت لحدهـا
مدام زْعجت من سمها في بذورهـا
الين اطلعت بالحقد من نفـث لغدهـا
فروخ وبغاثٍ مـن عمايـا طيورهـا
قليلٍ نجا منها ومـن خبـث عقدهـا
الينه تركها وابتعـد عـن جحورهـا
وبعضٍ ولو عانـا لحـرّات وقدهـا
تلاقيه معها ماشـيٍ طـوع شورهـا
ولو تنصحـه ظنـك تـدور لنقدهـا
يشوفك عدو ولا تراعـي شعورهـا
ولا من تساوى في متاهـات نكدهـا
يجي خانعٍ مكسور يشكـي دبورهـا
فمن غاص وامواج البحر زل مدهـا
لزاماً تجرّه لابتـدت فـي جزورهـا
ومن يامن الافعى ولو طـال فقدهـا
تبيّن عليه وتلدغـه مـن شرورهـا
فمن راد يامن باقي العمـر حقدهـا
فلابد ما يقطع مـن ارضٍ جذورهـا

[نــجــم]

حرار الطير ما ترضى تعيش بنصف حريه

يقولون البلاوي لا نصت مؤمن فهـو تكفيـر
واقـول ان البـلاوي مـن عقوبـات إلهيّـه
فربّ البيت ما يهمل ولو يمهـل بـلا تأخيـر
ينبه من ظلم بامـراض تستعصـي المداويّـه
ويمكن ياخذ احبابٍ لهـم فـي دنيتـه تأثيـر
يحس النار في قلبه ولا شـن يطفـي الكيـه
وفي اخراه يتحاسـب فـلا جـاهٍ ولا تقديـر
يغيّر حكم رب الكون فـي مـن اتبـع غيّـه
تنبه صاحبي ماجاك غيـر انـذار او تحذيـر
تجاوزت الحدود بظلم قلـبٍ صـادق النيّـه
طوال العمر مخلص لك ولا منّه حدث تقصير
فليش اللؤم في حقه تجازي الطيـب بالسيّـه
نسيت اش كنت من قبله تبي توضيح بالتذكير
فراجع بعض تاريخك ترى مفهوم وش طيّـه
عطيتك ظل من وهج الجحيم وماضي التحقير
وشلتك فوق اهداب العيـون وقلـت محميـه
ولما انجبر عظمك نسيت الكسـر والتجبيـر
لدغت القلب فـي غفلـه بسـمٍ تنفثـه حيّـه
تحسبنه على زعمك يبي يخضع مع التخديـر
ولكن سمك الواهي تلاشـى وانحسـر فيّـه
الا يا جاهل الشيهان قـدّر واحسـن التدبيـر
حرار الطير ما ترضى تعيش بنصف حريـه

[نــجــم]

تخيل لو بعد عمر .. تفرقنا

يقولون تخيل لو بعد عمـرٍ مـن الجمعـاء تفرقنـا
تخيّل لو تلاقينـي وانـا مـع واحـد ثانـي
تخيل كيـف احساسـك ونظراتـك تلاحقنـا
اظنك مـا تحملهـا ولـو حاولـت نسيانـي
تذكر يوم كنا اثنيـن بـلا موعـد توافقنـا
وكان الحـب ثالثنـا رسـم آمـال وامانـي
مشينا الدرب مهما طال وحلم صعب حققنـا
وعشنا سنين في حبٍ وفي دفـئ وتحنانـي
ولكنـك تغيرتـي بعـد محـنـا توهقـنـا
ومدينا جذور الحب تروي ذبـل الأغصانـي
ماعاد انتي على خبري تلاشى عهد وثقنـا
شطبتي اجمل الذكرى وهدمتي عال الاركاني
احاول افتهم وضعك ومـوجٍ صـار يغرقنـا
ولكـن كلمـا ناظـرت لا مينـاء وشطآنـي
ظـلام دامـسٍ والجـو بالغبـرات يخنقنـا
ومهما قلت بان الفجرعـاد الليـل باحزانـي
حصارك طال في وقتٍ غروب الشمس يسبقنا
وانا موثوقه ايديه بسجـنٍ وانـتِ سجانـي
انا مابي عـذر بعـد الغلـط علّـه يشوقنـا
فكم مرات سامحتك واشيل الجرح وحدانـي
اشوف احسن لنا نبعد مدام الوقـت يسرقنـا
ونحفظ لو بعض ذكرى جميله عبر الازماني
انا راحل إلى النسيان واطفي نـار تحرقنـا
فمـان الله ياحـبٍ كأنّـه يـوم مـا كانـي

[نــجــم]

عنيده ليه يادنياي

عنيده ليه يـا دنيـاي مـدري
علي تقسين وادري بك عنيـده
انا شسويت لك عانيت بـدري
وكبرت ولا تزالي لي ضديـده
فانا من صغري وهمي بصدري
ولا تهنيت في لحظـه سعيـده
ولو مرت غلط احتاط لامـري
اخاف تكون خدعـه او مكيـده
صبرت ولا نفع بالهم صبـري
قديمه صار يفزع لـه جديـده
وصرت اليوم مثل العود مبري
ثناني الوقـت تثنـاة الحديـده
قضيت العمر في طيبٍ وطهري
ولا اقبـل بالمعايـب والنقيـده
ورغم هذا بعد شيبي وكبـري
يجيني الظلم من اقـرب بديـده
من اللي يفترض عضدٍ وظهري
ودرع وسيف لاوقاتٍ شديـده
على مهلك ترى اتحملت وزري
بقيـل وقـال وهـروجٍ بليـده
وترى ظلم القرايب كان تـدري
على الإنسان اخطر من بعيـده
فلا هو محتمـل مـرٍ وقهـري
ولا هو قادرٍ يكشـف رصيـده
فطف النار قبل النـار تسـري
تراها لاسرت فانـت الوقيـده
واذا للحين ما تعـرف لقـدري
فسل من عنده أفكـارٍ سديـده
حرار الطير ماتنصـاد جبـري
فلا تفكر بأنـي مـن تصيـده

[نــجــم]

وصلت للدنيا

وصـلــت لـلـدنــيــا ولا شـــي بــيــديّ
وارحـل مـثـلـمــا جـيــت واتــرك ثـراهــا
دنـيـاي هــي دنـيــاي مــا دامـنــي حــيّ
ولا مـت مــا حـسّـيــت ويــش اعـتـراهــا
آبـصـرف الـلـي فـي يـدي وان بـقــى شــيّ
يـاخــذه مــن لاتـعــب يـركــض وراهـــا
عـمـري قـصـيـر ودنـيـتـي كـنـهـا الـفـي
يـا سـرع مـارحــل وانـدفــن فــي ثـراهــا
مـن ظـنـهـا تـبـقـى تـرى بـالـفـكـر عــيّ
مــا دامــت لـغـيــره بـعـالــي سـراهــا
الـمـلـك لـلـه خـالــق الـلـيــل والـضــي
الـلــي رفـــع ســبــعٍ وعـــلاّ ذراهـــا
وغـيـره ضـعـيـف لـو نـسـى يـومـه صـبـي
واغـتــر فـالـدنـيــا فــلا هــو قــراهــا
يـاسـرع مـا يـنـهــار بـحـبـالــه الـطــيّ
يـضـعــف وحـالــه كــل سـقــمٍ بـراهــا
ولا يـنـفـعــه طــبٍ ولا يـنـفـعــه كـــيّ
رحـلـه قـصـيـره ابـتــدت مــا احـتـراهــا
فـالـعـاقـل الـلـي مـا تـمـادى بــه الـغــي
وحـسّــب حـســاب الآخــره واشـتــراهــا

[نــجــم]

قصيدة قالت فمان الله ..قصة وعبرة

قصة اجتمع فيها الخيال بالحقيقة ، تمت ادوارها في عيادة في الرياض ،
حينما كنت امارس العمل التخصصي
ونقلتها بالخيال إلى لندن حتى لاتنكشف الهوية...
ولكن تبقى العبرة هي الهدف



قالت في امان الله وانس اللذي فات = وخل اللذي بيناتنا سر مدفون
عرسي تقرر ما دروا بالمعاناة = الله يسامحهم هلي كيف يقسون
حسّيت لحظتها بنار وطعنات = ومن غير ما اشعر قلت ملعون ملعون
ملعون من يطبخ زواج البنيّات= ولا فكّر بلحظه اذا هم يحبون
وقلت ابتعد واطوي بعيد المسافات= ياعلّي اسلى ما جرى بآخر الكون
واروح في بعثه لدار الخواجات = واقضي ثمان سنين بالعلم مرهون
وبعد التخرج واشتغل في عيادات = في وسط لندن بين ولسن ونرتون
ويريد ربك بعد عدة سنيّات = ويحولوا لي طفل بالحيل مزيون
لكن مايمشي ولو بضع خطوات= يدفع على الكرسي تقل فيه مسجون
وامه معه عودٍ يبس كنّه ارطات = وخلف النقاب اشوف ذبلات العيون
يوم هرجت في كل حزن وحسرات = قلت: اوقفي ...صوتك ولو خلف سيحون
أعرفه واثق دون ظنٍ وشكّات = وياليت ما حركت ساكن ومكنون
بركان خامد انفجر دون عبرات = وحنا نتناظر والخلايق يمرون
وفجأه واذا بالطفل ياقف للحظات = ثمٍ نظر لامه وفي خطو موزون
يمشي لابوه بدون أدنى معانات= ومن الفرح كلٍ بكى تقل مجنون
وشلون افسر ما جرى بالعبارات = ام حملت عن كره وش عاد يحرون
ثم ارضعت من كره حزن وحرات = وعاش الطفل في جو بالكره مشحون
حتى انقذه رب عليم الخفيّات = يدري بحال اللي من الظلم مغبون
وهذي النتيجه واضحه بالدلالات = يا ليت قومي ياملا بس يدرون

[نــجــم]

قالت في امان الله وانـس اللـذي فـات
وخـل اللـذي بيناتنـا سـر مـدفـون
عرسـي تقـرر مـا دروا بالمعـانـاة
الله يسامحهـم هلـي كيـف يقـسـون
حسّيـت لحظتهـا بـنـار وطعـنـات
ومن غير ما اشعر قلت ملعون ملعـون
ملعـون مـن يطبـخ زواج البنـيّـات
ولا فكّـر بلحظـه اذا هــم يحـبـون
وقلت ابتعد واطـوي بعيـد المسافـات
ياعلّي اسلى مـا جـرى بآخـر الكـون
واروح فـي بعثـه لـدار الخـواجـات
واقضي ثمان سنيـن بالعلـم مرهـون
وبعد التخـرج واشتغـل فـي عيـادات
في وسط لندن بيـن ولسـن ونرتـون
ويريـد ربـك بعـد عــدة سنـيّـات
ويحولـوا لـي طفـل بالحيـل مزيـون
لكـن مايمشـي ولـو بضـع خطـوات
يدفع على الكرسي تقـل فيـه مسجـون
وامه معه عـودٍ يبـس كنّـه ارطـات
وخلف النقاب اشـوف ذبـلات العيـون
يوم هرجت في كـل حـزن وحسـرات
قلت: اوقفي ...صوتك ولو خلف سيحون
أعرفـه واثـق دون ظـنٍ وشـكّـات
وياليت مـا حركـت ساكـن ومكنـون
بركـان خامـد انفجـر دون عـبـرات
وحنـا نتناظـر والخـلايـق يـمـرون
وفجـأه واذا بالطفـل ياقـف للحظـات
ثمٍ نظـر لامـه وفـي خطـو مـوزون
يمشـي لابـوه بـدون أدنـى معانـات
ومن الفـرح كـلٍ بكـى تقـل مجنـون
وشلون افسـر مـا جـرى بالعبـارات
ام حملت عن كـره وش عـاد يحـرون
ثم ارضعت مـن كـره حـزن وحـرات
وعاش الطفل في جو بالكـره مشحـون
حتـى انقـذه رب علـيـم الخفـيّـات
يدري بحال اللـي مـن الظلـم مغبـون
وهـذي النتيجـه واضحـه بالـدلالات
يا ليـت قومـي يامـلا بـس يـدرون

[نــجــم]

قصيدة عزاه ياقلب

عزاه يا قلب من الشـوق محـروم
لو هـو تناسـى ذكرنّـه جروحـه
ينوح تال الليـل والصـوت مكتـوم
يخاف يوقـظ مـن حواليـه نوحـه
ويصحى مع اهله خايفٍ لو بعض لوم
الوجه شاحـب والنواظـر فضوحـه
لا قيل وش بك قال لازلـت محمـوم
يخشى من العذال تـدري نضوحـه
مرت ثلاث سنيـن بالهـم محكـوم
عوده ذوى والحزن حطـم طموحـه
يذكر حبيب راح في ظـرف محتـوم
ولا هوب داري وين نجـم يلوحـه
مسطاه في قلبه على الدوم موسـوم
ما ينمحـي مـادام تسقيـه روحـه
ماكان يدري الحب كالحـظ مقسـوم
احد ضحك لـه وآخـر زاد نوحـه
ويا داخلٍ بحر الهوى تجهـل العـوم
خلـه لغطـاسٍ اخـذ بالنصـوحـه
من لايقيس وعنده العمـق معلـوم
محدٍ درى به يـوم يغـرق بروحـه
لو كان من حبيت في الحب ملـزوم
اخبرك عاجل عـن دوافـع نزوحـه
في هالزمن خلك حـذر وانتبـه دوم
ماكل مـن حبـك صـدوقٍ ببوحـه

[نــجــم]

قصيدة عاهدتني وحلفت لي

عاهدتني بالحـب بينـك وبينـي
وحلفت غيري ما تـوده وتغليـه
وعيشتني الآمال تشعـل حنينـي
أحلم بيوم القاك وافـرح واهلّيـه
صدقت حلفـك واخـذٍ باليمينـي
وانّك ستير وما تبي العشق واهليه
احسبك مثلي جاهـل بـه يقينـي
واثري لوحدي من جهل في مفاليه
من علمّك درب الهـوى تبتلينـي
وتنصب شباك الوهم بالحب تعليه
تلعب عليّ وتخفي اللـي دفينـي
وتضحك بعقل اللي بهرجك تسليه
مشيت معك الدرب تمسك يدينـي
كالطفل جاهل خايف انك تخليـه
تسولف عليه وبين حين وحينـي
تغطي عيونه خايف الشمس تصليه
وانا على شمس الحقيقـه يقينـي
مانيب من يمشـي بظلمـا لياليـه
ما اظن مثلك من احطـه يمينـي
وما اظن مثلي من ميالك يماليـه
ارحل لعل ارتاح باقـي سنينـي
وافوق من سكرتك فالكاس ماليـه

[نــجــم]

قصيدة كل ذكرى

كل ذكرى لو بقـت يـومٍ تلاشـى
غير ذكرى الجرح ما منها مطيـر
ثابته بالقلـب مـا تقبـل نقـاشَ
لو تمر سنين تبقى فـي الضميـر
كلما قلبـي ركـد جـاه ارتهـاشَ
لا ذكر منهو اخـذ قلبـي اسيـر
مهرةٍ بالزين عند البيـض باشـا
القمـر فـي خدهـا بـدرٍ منيـر
في عفاف وطيب ما تعرف غشاشَ
بنـت عـزّ ولا تباهـى بالحريـر
ساقها بحر الهوى والموج جـاشَ
والتقينـا مـا درينـا بالمسـيـر
نظرةٍ وحده بها المـوت ارتعـاشَ
نظرةٍ اخرى بهـا جبـر الكسيـر
قلت وش لك تطعني القلب الهشاشَ
فيه ما يكفيه مـن جرحـه كثيـر
قالت ان الحـب لا منّـه تناشـى
كنّه البـراق تسمـع لـه هديـر
يروي القيعان واشجـارٍ عطاشـى
وتنبت الأزهار مـن فـل وعبيـر
كان صابك منه لو بعض الرشاشَ
لا تلوم اللي غرق وسـط الغديـر
واستمر الحب فـي زود انتعـاشَ
نرسـم الآمـال والحلـم الكبيـر
ولا حسبنا للمقـدّر يـوم غـاشَ
ولا بنيّـة مـن يخطـط للمصيـر
من قبـض اثمانهـا دولار كـاشَ
ولا تفكّر بعـد هـذا وش يصيـر
وانتهيت بليل بـدره قـد تلاشـى
الحزن سجني ولا لي مـن مجيـر

[نــجــم]

قصيدة بين الرهبله والإنحلال

في زمان تغيّر ضعـت فـي المعمعـه
بيـن فكـرٍ تزمّـت وآخـرٍ بانحـلال
وبين خادع منافق لغـز مـا ترمعـه
لـه وجيـهٍ كثيـره خادعـه للرجـال
ذاك لو هو تزمّت يعرفـه مـن معـه
طيـب القلـب فاهـم دنيتـه والمـآل
البلى مـن ترهبـل ولْبـس الأقنعـه
يظهر الديـن لكـن عايـشٍ باحتيـال
مستغـلٍ لوضعـه والزمـن لمّـعـه
لو يحلّـل حـرامٍ قيـل مالـه مثـال
ولـو تناقـش كأنـك قاصـدٍ تلذعـه
ينبري لك هجوم ولا يجيـب السـؤال
ولو تقول المطوع طاح فـي مخمعـه
قيل قولك حـرام وعنـه يـومٍ تسـال
استمـع لاتناقـش واللسـان ابلـعـه
فلحمهم فيه سم ولـو خطـوا بالفعـال
يعنـي إنـك تحـوّل منشفـه وامّعـه
تقبل اللي يقولوا لـو عرفتـه خمـال
وان تجادل يحطوا وصف مـا اقذعـه
فانت ملحد وعلمانـي وقتلـك حـلال
مـا كـأن الشهـاده فـوق هالأربعـه
تمنع اللـي يـدوّر وصـف بالإفتعـال
رهبنه جت دخيله بابهـا مـا اوسعـه
وشرع ربي رفضها مايبي لـه جـدال
ما يقر التوسط ولا اعتـرف بشفعـه
غير للي بعثـه الله يمحـي الضـلال
من ترهبـل فحنـا بالجهـل نصنعـه
لو تركناه وحده ما لقـى لـه مجـال
راح وقت الترهبـل والزمـان اقشعـه
وان بقى بـه بقايـا تنتهـي للـزوال
دينـنـا للجمـيـع وكلـنـا نتبـعـه
ما نبي مـن يتاجـر طامـعٍ بالنـوال
فالوطن شرعه الإسـلام مـا ضيّعـه
فيه مجلس قضاء وافتاء بكـل الكمـال
ما يقولون خذنـا ومـا نهـوا نمنعـه
وغيرهم ما نبي فتـواه بيـن الرجـال
ومن وضح بانحلاله لو تطول اذرعـه
خاسرٍ في النهايه لو يطـول المطـال
مثـل هـذا تأمـرك والعـدو اصنعـه
صار عبـدٍ ذليـلٍ ينشـرى بالريـال
صك باب الضمير وتربسـه وشمعـه
وطار يلهث وراهم من يمين وشمـال
لاتحسـف علـى مثلـه وذا مطمعـه
لو وصـل للثريـا ينفصـخ كالنعـال
والخطر من منافـق يعجبـك مسمعـه
باع دينـه بدنيـا لاجـل جـاهٍ ومـال
مثل هذا المصالح لـو معـك تجمعـه
احذره ثم حـاذر لـو رخـى للحبـال
كل همـه بنفسـه والجشـع شجعـه
مستعـدٍ يبيعـك لا لقـى بـك مجـال
اتركه عنـك وابعـد لا تجـي موقعـه
مقعدك معه نقص وفي النهايـه وبـال
ودوّر اللـي بقلبـه ديـن مـا دنّعـه
يرجي الخلق مكسب في الخطب والمقال
لا بخصته عرفته رجـل مـا اسنعـه
ماشي في حياته في الوسـط ياعتـدال
ينصحك من ضميره لو خسـر مامعـه
يرجي الله ولا غيـره وحسـن المـآل

[نــجــم]

قصيدة الجمل لاطاح

الجمل لاطاح تنهشـه الحصانـي
لو كراعينـه طـوالٍ مـا يقـوم
فليش نستغرب شتيمه من جبانـي
التقى الفرصه وعـاود بالهجـوم
شافنا في ضعف نستعطف "عناني"
وما ومر به بوش نفـذ باللـزوم
بعـد كنـا مـن نصـدّر للبيانـي
حاكمين الأرض والخلق محشـوم
دلهونـا بالحضـاره والومـانـي
وما اكتسبنا غير ترويض القـروم
فالبعض مشغول في كاس وقيانـي
والبعض همه رصيـده والنجـوم
القطار وفـات مـع كـل الأمانـي
وما بقى إلاّ عـجّ فـرق للغيـوم
والنفط رضاعة الطفـل المهانـي
لو ملى بطنه فهو يرضـع سمـوم
من طلع والأمر واضـح للعيانـي
خطـة استعمـار والعربـان نـوم
مـا عطونـا باليميـن وبالليانـي
ياخذونه لو على فـرك الخشـوم
لعبة الترويض للسيـف اليمانـي
لين صـار اليـوم مليـانٍ ثلـوم
من بغى الذلـه لقاهـا بالضمانـي
ومن بغى العزه شراها دون سـوم

[نــجــم]

قصيدة حياة بلا حب

الا واعذاب القلب مـن كثـرة اوجاعـه
اذا نـام واحـد توقظـه ونّـة الثانـي
جمعها زمان اثّر على النفس باوضاعـه
وعمرٍ مضى مابيـن يـاسٍ وحرمانـي
ومن وين ما مشي لفنّي الوقت بشراعه
ورماني بصحرا جاهـلٍ ويـن عنوانـي
تناوشني الاقدار مالي سـوى الطاعـه
ولا لي سوى اصبر لو على الهام تاطاني
احاول شموع الصبر تصمد ولو ساعـه
ولكن ريـاح الوقـت تنـوي بخذلانـي
ادور بليلي نجم يمكـن علـى اشعاعـه
الاقي سحـابٍ يغسـل امـرار تغشانـي
ولقيتك بقلبي تغرسـي روض مرباعـه
تبينه عبث يزهر بعد موت الاغصانـي
وتعبتي مثل فلاّح لـو يبسـت ذراعـه
بلا ياس يغرس خايفٍ غـدر الازمانـي
وجادت مخاييل الحيـا لنفـس جزّاعـه
سقت ما ظما وازهرعلى الحب وجدانـي
وبدا القلب من عطفك يعالج من اوجاعه
يحس الدفاء يسري مع النبض من ثاني
هو الحب لامنّـه غـذا نفـس ملتاعـه
يجدّد املهـا فـي حيـاةٍ بـلا احزانـي
حياةٍ بلا حـبٍ تعيسـه إلـى الساعـه
والانسان دون الحب ماهـوب إنسانـي

[نــجــم]

هرج الفتى فيما مضى

هرج الفتى فيما مضـى نقـص بالعقـل
ومن قـال جـدّي "كـان" مالـه مكانـه
حنـا بوقـتٍ حاضـره يرفـض النقـل
فاللـي مضـى ماعـاد لـه أي خانـه
فالرجل مـن فعلـه بعقـلٍ علـى ثقـل
حاضـر بحاضـر باجتهـاد وامـانـه
ومن ينتخـي بالجـد لكـن بـلا فعـل
مفلـس بوقتـه ماعـرف وش زمانـه
ومن يجمع الثنتيـن هـذا هـو الرجـل
ماضي وحاضر فـي تواضـع وامانـه
فالفخـر بالجـدان فـي لمّـة الشمـل
وعنـد المصاهـر واجـبٍ فـي أوانـه
واحيان للتعريـف فـي درس أو شغـل
وغيره فـلا مـن داعـيٍ فـي بيانـه
فالحرّ يعرف مـا يبـي سـرد للأصـل
والبوم واضـح مـا يبـي لـه فطانـه
ومن قال انا فوق الملا اصل عن فصـل
فهذا وضيـع ولـو عـلا يـوم شانـه
ومـن لا يقـدّر للرجاجيـل ذا نــذل
ومن لا احترم غيـره يلاقـي المهانـه
فمهما اكتسبته في حياتـي فهـو وحـل
من دون حسن الخلـق اجنـي هوانـه
ومهما وصل علمي فانا اخشى من الجهل
وأخاف من حرفٍ يجـي عـن رعانـه
ومن لا يخـاف الله عنّـه فـلا تسـل
خسران دنيـا وآخـره عـن ضمانـه

[نــجــم]

عن الشعر والشعراء

اشهد إن البعض يقرا الشعـر مرتيـن
مــرةٍ بالـفـؤاد ومــرةٍ بنـظـره
يدرك اللي تقولـه دام ماهـو رطيـن
حر تكفـي الاشـاره ماخلـق حمّـره
والبعض ما يفكـر لـو قـرا كلمتيـن
ياخذ اللي يبيـه ومـا رفـض يطمـره
ولا تبيّنـت رده تحسـب إنّـه فطيـن
واثره بعيد لو هو شاعرٍ مـا اشهـره
والبعض من ردوده تفهمه عـن يقيـن
له نوايـا ولكـن ينعـرف مـن ثـره
قد يكون يتميلح في عيـون الحسيـن
النعومـه بحرفـه مـن ورا المبخـره
وقد يكون يتسلّق كـود يلقـى يديـن
تمعطه فـوق دامـه واهـن المقـدره
ومن جهل بالرجال ولو لقـى معجبيـن
خاسر فـي طموحـه عاثـرٍٍ بشجـره
ومن يظن الشعر حكر على الضاعنيـن
زاد جهله وفكـره عنـه مـا اخبـره
او لمن وصل ضوءٍ من شمال ويميـن
ما عـرف للحقيقـه نورهـا يجهـره
الشعر له رجالـه مـن قديـم السنيـن
ولـه رسالـه عظيمـه كلهـا مفخـره
فيه نصحٍ لدنيـا وفيـه وعـظٍ لديـن
ماهو شعـر التغـزل لا لقيـت جـزره
شاب راسي وانا في الشعر بيتي حصين
اصدق القول عنّـه مـا اميـل شعـره
ما بنيته ابـي شهـره وربـحٍ ثميـن
ومـا نظمتـه اغـازل وردة وزهـره
انقد اللي اشوفه من خـراب السفيـن
وانصح اللي يبينـي بالفكـر انصـره
وكلمة الحق دربي ما بها مـن مليـن
فالمجامل ما اعرفـه والنفـاق ادحـره

[نــجــم]

قصيدة الحب قسمه

في خاطري شيٍّ ولا اقـدر أطيقـه
فاسمع كلامـي لـو تأخـر دقايـق
الحـب قسمـه مـن الـه الخليقـه
وغيرك فلا حبيـت بيـن الخلايـق
كان السعد من قبلك اجهـل طريقـه
وكنت الفرح لا صرت في يوم ضايق
اطرد سرابك بالخطـاوي السبيقـه
حتى اصطدم وهمي بمـر الحقايـق
من دون ماحسب للبحـور العميقـه
تاه الشراع وتهت بيـن المضايـق
ولقيت نفسـي بيـن هـم وضيقـه
مهما احتمل ماعادني اليـوم طايـق
حيث إن حبي ما درى بـي دقيقـه
ولا هو فهم للحب شـرع وطرايـق
من لا افتهما ما درى عـن رفيقـه
حتى ولو هم فـي المحبـه غرايـق
حب العواطـف مـا يطـول بريقـه
وحب العقل يثبت ولاهـاب عايـق
وحبك ولو كالورد يغـري رحيقـه
كالورد فيك الشوك تحـت الرقايـق
ما خذت حذري منه اهـوى عبيقـه
حتى لسعني فـي صميـم العلايـق
آن الأوان إنّـك تعـرف الحقيقـه
الكره قسمـه وانـت للكـره لايـق

[نــجــم]

قصيدة عجب يناسي الماضي

عـجـب يـا نـاسـي الـمـاضـي تـبـيـن ارجـع إلـى الـمـاضـي
حـشــى لـلــه مــا ارجــع ولــو حـاولــت تـغـريـنــي
تـحـسـب إنـي مـثــل أوّل اغــض الـطــرف مـتـغـاضــي
تـرى بـعـدك تـعـلـمـت الـهــوى ومــا كــان خـافـيـنــي
تـذكّـر كـيـف طـاوعـتـك تـمـشّـيـنـي عـلــى الـفـاضــي
تـذكــر يــوم الاوي بــك وكــان الــحــب يـعـمـيــنــي
احـسـب إنّـك دفــى لـيـلــى وظـلــي وقــت مـقـيـاضــي
واحـســب إنــك شـفــاء جـرحــي إذا عــزوا مـداويـنــي
وثـقـت بـدمـعـةٍ طـاحـت عـلـى قـلـبـي كـمــا الـلاضــي
وثـاري الـدمــع فــي بـعـضــه خــداعٍ لـلـمـحـبـيـنــي
حـسـافـه عـمـري الـضـايـع لـقـيـتـه تـحـت الانـقـاضــي
عـلـيـه آثــار بـصـمـاتــك نـزيــف فــي شـرايـيـنــي
وهـم عـشـتـه سـنـيـن طــوال ولا حـسـيــت بـامـراضــي
وجــاء يــومٍ اقــول أمــرك تــرى مـاعــاد يـعـنـيـنــي
حـداك الـوقـت يـا خـلــي وجـيــت بـطـيــب الالـفـاظــي
تـقـول ارجـع انـا "أحـبــك"، نـسـيــت أنــك مـعـنّـيـنــي
تـبــي اتـجــدد جـروحــي بـعـدمــا شـفــت لاعـراضــي
ونــا مــا صـدقــت عـيــن تـنــام فــلا تـصـحـيـنــي
مـدام الـحـب فـي شـرعـك سـتــار لـبـعــض الأغـراضــي
فـهــذا الـحــب مــا يـصـلــح ولا يـوافــق قـوانـيـنــي
رح الله يـسـتــرك وابـعــد ولاتـقـبــل عـلــى فـيـاضــي
وكـل الـلـي مـضـى انـسـه تـرى مـا جـانــي يـكـفـيـنــي

[نــجــم]

قصيدة تواضعي والصراحه

تواضعي والصراحه بعض عذروبي
في وقت ينظر لراعيهـا بحقرانـه
كل يعيش بحجم اكبر مـن الثوبـي
ولو تنكشف عورته ماانهزت اركانه
لا من هرج معك كنه حط مندوبـي
لاهل القرارات من حضرٍ وبدوانـه
يتمطق الحرف كنه شهد مصبوبـي
ويظهر لك إنّه مهمٍّ عالـيٍ شانـه
وهو طريطير فكـره دوم مثقوبـي
يضحك على من جهل عزفه ودندانه
وحيث الجهل واجدٍ والوضع مقلوبي
تلقاه يجني مكاسب دون خسرانـه
ودي ابدّل مثل غيري من جنوبـي
لكن جوّاي شـيٍ يرفـض اذعانـه
فأنا ولو بالجهد حصلـت مطلوبـي
من بعد عمر قضيته ادفـع اثمانـه
ما غرني ما وصلته بآخر دروبـي
ولاني تغيرت فـي زود ونقصانـه
اعطي الرجل حق من قدرٍ وماجوبي
بغض النظر عن بلادينه وعنوانـه
فالرجل دون التواضع كله عيوبـي
مغرور واحمق فلا تقرب من وزانه
خله يربيه وقته باحسـن اسلوبـي
حتى ولو ضحك له تفرسه نيبانـه

[نــجــم]

قصيدة اذا ودك تعرف

اذا ودك تعـرف اللـي بسـدي
فجاوبنـي ولا تخفـي الحقيقـه
فانا ما ازعل ولو هي جات ضدي
اشيل الحمل لـو مقـدر اطيقـه
صحيح إني اودك دون قصـدي
واحسك داخلـي غيـر الخليقـه
اذا من غبت ادري بـك بجـدّي
واذا من جيت ادري بك بضيقـه
اودك واشعر إنه ضـاع جهـدي
سرابك صار يخدعنـي بريقـه
فلانـي فاهمـك بـاخـذٍ وردي
فشكل الورد مـا ينبـي رحيقـه
يضيع الفكر فـي جـزرٍ ومـدي
اجـدف لكـن بحـورك عميقـه
احسك طفل قـد يحتـاج شـدي
واحس إني طفل ضيـع طريقـه
واذا من انتبه واصحى لرشـدي
اشوفـك كالفراشـات الطليقـه
تروح النور عن قصدٍ وعمـدي
بـلا تقديـر لاخطـار الحريقـه
احـاول ثنيهـا وتزيـد عنـدي
وتطفينـي بكلـمـات رقيـقـه
وتمشي دربهـا باقـوى تحـدي
تغيـر شكلهـا وسـط الحديقـه
وتلسعنـي اذا ضاقـت بـيـدي
تقول الدرب وانته مـن يعيقـه
ونا لازلـت مـن ايـام جـدي
على درب الصراحـه بالسليقـه
ولكـن اعتقـد جـاوزت حـدي
فرب البيت من يهـدي الخليقـه

[نــجــم]

قصيدة ابطيت عني

ابطيت عني ياهوى البال وين انـت
نسيتنـي وإلاّ منعتـك الظـروفـي
تدري اذا جانا المساء مـا تبيّنـت
يظلم جميع الكـون يانـور شوفـي
وشلون لا مرت شهـور وتماهنـت
بين الرجاء والياس يـزداد خوفـي
خايف عليك وخايف منـك لاهنـت
مدري سبب غيبتك واخشى العزوفي
طيفك معي في الفرض وإلا تسننت
وحتى وانا بالحلم صوتـك هتوفـي
اسمعه يسألني هـو انتـه تجننـت
يومـك تدورنـي وقلبـك بجوفـي
حتى بحلمي فـي عذابـي تفننـت
ترقص على ضعفي بضرب الدفوفي
ما عاد اساوي عند حالي ولاسنـت
واخاف وضعي يكشفنّـه حروفـي
يشمت بي العذال من بعـد ماكنـت
قيـدوم ربعـي قايـدٍ للصفـوفـي
دامك حبيبي فـي فـؤادي تمكّنـت
ارفـق عليـه وعاملـه بمعروفـي

[نــجــم]

قصيدة يازمان المواجع

كل ما قلت نزف الجرح ياناس طـاب
فاجأنـي جـروحٍ كـل يـومٍ تزيـد
طال ليل المعنّى في صراع وعـذاب
والفجر ما تبيّن مـن قريـب وبعيـد
قاصر اليد لو شوفي يشق الضبـاب
ويش اسوي بوقتٍ في خصامي عنيد
ما يبي الحر الاشقر يعتلي للسحـاب
ما يبي غير حصني ماكـرٍ بالمكيـد
من يقول الحقيقه خاسـرٍ بالحسـاب
ومن ينافق وصل لو كان شخصٍ بليد
الله اللي خلقني حـر مانـي غـراب
فليش ارضى بذل النفس مثل العبيـد
من بغى الحق يتعب دون حني الرقاب
ولو شكى مالقى له من مجيب وسنيد
حكمة الناس : خلك ذيب قبل الذيـاب
تاكلك دون ترحم يومها لـك تصيـد
وين دينٍ حمانا ووين شرع وكتـاب
اختفت في الحقيقه مالها من عضيـد
غير ستر ومظاهر للبعض او حجاب
من وراه البلاوي بين كـاس وغيـد
يا زمان المواجع من وثق فيك خـاب
كالبحر دوم غادر والحذر مـا يفيـد
شامت النفس مالي معك غير العتاب
فاظهر اللي تغبى وافعل اللـي تريـد

[نــجــم]

قصيدة لاتعتذر..جديد

لا تعتـذر ماعـاد للعـذر داعـي
حنا انتهينا ولا ابـي لـك هديّـه
ما كنت اظنك ماشيٍ في خداعـي
حتى انكشف سترك وخبث الطويّه
ويلك من اللي للخلايـق يراعـي
وشلون قلبـك طاوعـك بالأذيّـه
كنت احسبك سيفي بوقت الدفاعي
ودرعي الى من جار وقتي عليّـه
واثرك بظهري خنجرٍ طول باعـي
مزق حشاش القلب وارهـاه كيّـه
تبيعني في سوق سقـط المتاعـي
بيعة سـروق والبضاعـه رديّـه
وانت الوحيد اللي تعرف بطباعـي
وتدري بقلبـي طيّـبٍ بالسجيّـه
ما اخفيت شيٍّ عنك حتى استماعي
يومن كذبت وقلت عنـي الوشيّـه
والمشكل انك جيت تلوي ذراعـي
وتنبش سنيـنٍ ماضيـاتٍ عتيّـه
اللي سببها منك لو كنـت واعـي
وتذكـر بدايتهـا بعقـل ورويّـه
يومك تبيني مثل بعض الضفاعـي
اللـي ولا زالـوا بحـالٍ رثـيّـه
نسيت يوم انك تجـي باندفاعـي
تقول احبـك بيـن كـل البريّـه
يا فارس احلامي ومصدر شعاعي
نور الأمل فـي دنيتـي والهويّـه
صدقت هرجك وابتديت بضياعـي
آلـفّ فـي كونـك بـلا جاذبيـه
حتى انكشفت وبان حبك صناعـي
المصلحه ساقتـك يـمّ الضحيّـه
مافيه داعي نفض باق الشراعـي
ماني من اللي خنجره فـي خويّـه
رح في امـان الله هـذا وداعـي
ما ظن لي بك دامت الروح حيّـه

[نــجــم]

قصيدة الله حسيبك
الله حسيبك كان في حقي اخطيـت
ووطيت قلبٍ كان في يـوم غالـي
ما اقول قالوا غير من اذني اوحيت
وسمعت هرجٍ ما خطر في خيالـي
ربي كشف سترك وانا ما تحريـت
انك تقول الكـذب كبـر الجبالـي
هذا ونا حيٍ اجل لـو انـي ميـت
وش كان تبدع من خبيث المقالـي
ما يحكمك دينك ولو كـن حجيـت
ولا يمنعك طيبي وزين الخصالـي
على الكذب منشاك يومك تربيـت
وعلى الكذب منهاك بالعمـر تالـي
مهما تعذر فانـت للخبـث رديـت
ذيل عوج صعب عليـه اعتدالـي
تطعن بظهري غافلٍ مـا تهقويـت
ونا احسبك سيفـي تقاتـل بدالـي
نسيت كل اللي مضي مـا تعنيـت
تقول كلمـة حـق تذكـر فعالـي
ونا الذي لاجلك تحملت وازريـت
حتى رفعتك فوق الافـلاك عالـي
ما اقابلك بالمثـل مهمـا تعديـت
ولا اكشف امورك وانت سبة وبالي
الله حسيبك كاشف سـر ماخفيـت
يجزاك عنـي بالوفـاء والكمالـي

[نــجــم]

قصيدة تداول: فيض من غيض
انفخوا بطنه وقالوا صار جسمك كالحديد
تقدر تصارع وتغلب من تبي في هالوجود
وكل واحد راح يركض يطعمه حتى الهبيد
وياخذ قشورٍ رماها يبتدي منها الصعود
صار كوره صار بلّونه وطارت للبعيد
وما دروا لا وين راحت واختفت خلف الحدود
دوروها والتقوا آثارها نزف وصديد
حاولوا معها علاجٍ وانتخوا فيها الجدود
نزف مسكين تديّن ما بقى له من رصيد
او شويّب مابقى له شئ يكفي اي عود
او يتيمٍ حط ورثه في سهم علّه يزيد
يجبره لا من غدا رجال تثقله القيود
وينفعه لا من تعطل ما لقى شغلٍ أكيد
مثل لبناني وسوري او سواهم من وفود
من سبب تلك المشاكل في قرار ما يفيد
يرتجل لحظه كردة فعل هدت للسدود
واندفع سيل مدمر شال اشجار وجريد
كل واحد صار مفلس ذاهلٍ حتى الجمود
لاجل من نخسر رؤوس المال فالوقت السعيد
والبلد في خير تحيا نجمها سعد السعود
ما اظن اللي جرى به يقنع الفكر السديد
صرت ما استبعد دخيلٍ يدفعه حقد اليهود

[نــجــم]

قصيدة للشعراء مع التحية
الا ياوازنٍ شعـره قبـل مـا تازنـه ينصـاع
عليك بوزن تفكيرك تـرى العقّـال يحصونـه
يبان الرجل من حرفه وبعض الهرج ماله داع
فكم من واحدٍ زلّـة لسانـه تهـدم حصونـه
وكم من كلمةٍ قالت ترى في مخرجي اوجـاع
فدعني وابتعد عنّـي الـى كلمـات مضمونـه
واذا ما تلتقي غيري فصمتـك سيّـد الأطبـاع
مدام الصمت حكمه لو قليـل النـاس يدرونـه
ترى ما تنفعك آسف فلا هي تنشـرى وتنبـاع
ولو بعض العرب سامحك ما تـدري بمكنونـه
بعضهم كالجمل يحقد ولو يضحك بوجهك ساع
يخطط كيف يثأر منك فـي لحظـات مأمونـه
وبعضٍ شرس في ردّه يكيل الصاع سبع اصواع
فهذا طيّبٍ قلبـه فـلا تخشـى مـن شطونـه
ومهما كنت متمكن بمـا تكتبـه مـن ابـداع
فلا تلفت نظر حاسد بضـوءٍ يعمـي عيونـه
من اللي وصل للعالي وصار الضوء له مرباع
تراك تهدده واللي معـه مـا ظـن يرضونـه
فهذا وصلت عروقه لعمقٍ فـي يـده مطـواع
يحرق اللي يجي حوله ويحمي طاغي مجونـه
مثل هذا يبي من كبـر لراسـه بكـل اقنـاع
وأنه وحده الشاعـر وغيـره مـا يضاهونـه
ينادي دوم يااستاذي ولو هو خيشـةٍ ورعـاع
وتقرب منه مثل اللي علـى اشعـاره يحبونـه
ولا تنسى تعزمه فالكـرم كالجسـر للـزراع
ترى بطن الرجل مفتاح قلـبٍ تجهـل ظنونـه
ومره من بعد اخـرى تقـرّب منـه والأتبـاع
الين انك تصل للظهـر واللـي معـه يفتونـه
فيفتح لك دروبٍ ترفعك لو كنت تحـت القـاع
وتصل للضوء والشهره على خطوات موزونـه
فهذا الحال والواقـع بوقـتٍ واضـح الإيقـاع
فلا هو كل من طال الثريّا خيـر مـن دونـه

[نــجــم]

قصيدة انتي كل الكون عندي
صوّرينـي فـي خيالـك وابعثيهـا للقمـر
يشهد بحبّي وحبّـك لـو تعاندنـا النجـوم
وارسمي الذكرى الجميله فوق امواج البحر
تنشأ مزون السعاده برقها يجلـي الهمـوم
تمطر بواد المحبّة تـروي لظـام الشجـر
تثمر ورود الأماني ما تخاف من السمـوم
وارسلي طيفك يسلّي طرف اتعبـه السهـر
عاكف بمحراب حبّك عن هوى غيرك يصوم
واسمحي لي لو دقيقة ما على مثلك أمـر
اكتبك في وسط قلبي رمز في عال الرجـوم
تسمعي آهاتٍ ثكلى لـو لمستيهـا جمـر
برديها من حنانـك لاتخافـي مـن يلـوم
واكتبيني في فؤادك مثل نقـشٍ فـي حجـر
ما أبي تنسين حبّي وامضي العمر محـروم
واذكريني يا ملاكي لو يطـول بنـا دهـر
مثلما تذكرك روحي بصحوتي وإلاّ الحلـوم
انتي كل الكون عندي وانتي شمسي والقمر
وانتي الدنيا بدونك ما لهـا عنـدي لـزوم
ويش اسوي يا حبيبي كلمـا جانـي خبـر
عن خطيبك عن مصيرك كيف انا مثلي ينوم
ادري اهلك ما يبوني دام خاوانـي القهـر
ما يبون إلا الحصاني ما يبوا ذيـبٍ جـزوم
وما يبـون إلا فـدامٍ جرّهـا مـدّ البحـر
لو تمسكن لو تذلل بالبحـر تعـرف تعـوم
علّميهم ، فهّميهم ، انتهـى كـل الصبـر
ما لحبي غير صقـرٍ دايـمٍ حولـي يحـوم
قولي الطير المهاجر لولا حبي مـا هجـر
كل هذا الكون لاجلي لو تحـداه الخصـوم

[نــجــم]

قصيدة العين عيت تنام
بان نور الفجر والعين عيّـت تنـام
من هجوسٍ سرى بي واشعل الذاكره
رجعتنـي لأيّـام الهـوى والغـرام
يوم توّي شباب ونظرتـي قاصـره
مع حبيبٍ اسرني بالسحر والهيـام
راح عمري بدربٍ ما عرفت آخـره
كلما اقفيت نادى وكلما اقبلـت قـام
ما رسى في قراره لحظـة عابـره
حار فيه الفكر وازريت معه افتهـام
لا هو صغير جاهل فيه مـن يامـره
ولا هو اللي لعـوبٍ مرخـيٍ للجـام
ولا هو اللي مريضٍ والمرض قاهره
قالوا الحر يفهـم بالإشـاره تمـام
قلت ماهو صحيحٍ لانعمـى ناظـره
انعمى كل عقلي مع رشيق القـوام
مثل مسبوه فكـره خطوتـه حايـره
يالله إني دخيلك منه لا ارخى اللثـام
وبان عقـد تـلالا ابسمـةٍ خاثـره
كل زيـنٍ بهالدنيـا عليـه السـلام
لا بدى البدر يخفي نجمـةٍ ظاهـره
قلت ابقفي ولا ارجع كود فيه الختام
ولو ينادي سفهته مالـي بخاطـره
لكن القلب عيّا واشتكى فـي سقـام
كيف ابترك حبيـبٍ عملتـه نـادره
لا ني اللي فهمته بعد طـول المقـام
ولا هو اللي افتهمني والشكك ساوره
غاب نجمه بليلي دون ادنـى كـلام
لا اثر عنه يذكر غير فـي الذاكـره

[نــجــم]

قصيدة اول العيد
أول العيد عدّى قلت ابصبـر عسانـي
ثاني العيـد ودّع قلـت عـذره معـه
ثالث العيد ماله حـسّ كنّـه نسانـي
قمت افكّر واهوجس وش حصل ومنعه
قلت ابرسل رساله كود يدري بشانـي
الرقم صار خاطـي غيّـره باجمعـه
كان هذا تغلّي مثل بعـض الحسانـي
الله اقوى ببحـره تاهـت الأشرعـه
موجه اللي بسحره دون وعيٍ غطاني
ضاع دربي فلا ادري بالجهات اربعـه
كان قلبك حبيبي ما سـأل او سلانـي
حاول إنّـك تفهّـم حالتـي واقنعـه
وكان تنوي بصدّك هدم باقي كيانـي
دون ذنبٍ جنيتـه موقفـي واسمعـه
انت وحدك حبيبي من سكن بالمحاني
غير حبّك فـلا لـي أيّ حـب اتبعـه
خل هرج العـواذل وافتهـم باتزانـي
لو ما احبّك فليش القلب فيك اوجعـه

[نــجــم]

قصيدة المحاكمة والمسرحية
وضعنا الحاضر طلاسم مهما حاولنا القرايـه
ومقبل الأيام لغـزٍ فـي فصـول المسرحيّـه
مسرحيّه صاغها الموساد وابدع في الروايـه
والعرب سكرى بكسب النفط ما يدروا النويّـه
المواري واضحات لمن تأمـل فـي البدايـه
قبل ما اسرائيل تبدا والخطـط ترسـم جليّـه
فالوسيلة عند صهيـونٍ حـلال لكـل غايـه
مبدأ استعمار راسخ في الحـروف الأبجديّـه
ما يحدّه في طموحه شي عند اهـل الدرايـه
كل همـه يسـرق الثـروات بيديـن البريّـه
مسرحيّه فصلها الأول وضـح منـه الكفايـه
والله اللي وحده العالـم يمـا تخفـي البقيّـه
قالوا لصدّام هاجـم فالخمينـي فـي النهايـه
كان تصبر له يجي لك بالجيـوش الفارسيّـه
وابتدى حربٍ طويلـه ودعمـوه بكـل رآيـه
وفرضوا دعمـه علينـا وانعمينـا بالحميّـه
وصار في بغداد جيشٍ ضخموا عنه الحكايـه
يمكن بيـوم يتهـوّر يصبـح لحيفـا اذيّـه
وقالوا لصدّام غزوك للكويـت ولـو هوايـه
شانكم يالعرب مـا نحتـجّ او نرفـع قضيّـه
يحسبنّه ضوءٍ اخضر فابتـدا ذيـك الجنايـه
ما درى إنّه طعم واضح ما يبي عقولٍ ذكيّـه
حطموا جيشه ولكـن خلـوا الباقـي مرايـه
تعكـس التهديـد للـي ذاق منـه العنجهيّـه
وابتدوا فرض الضرايب وفرضوا معها الحمايه
وصارت اسرائيل ارحم في العيون النرجسيـه
وابتدا فصلٍ جديـدٍ مـا تفيـد بـه القرايـه
ما اكتشفنا من ظلامه مـا يوضّـح للرويّـه
ضربت امريكا بخطه لو تفسّـر فـي عنايـه
نعرف الموسـاد سيّـر مـن فعلهـا للرديّـه
مثل ماهـو حاكـم امريكـا ويغذيهـا غذايـه
داخلٍ في القاعده في كـل غـزوه او سريّـه
وجّه اللي يحكم امريكا على اكمـال الروايـه
"شيني" المعروف اصله بالفعل قبل السجيّـه
جابه الشايب يغطي من مشـى درب الغوايـه
ابنه المعروف وضعـه مـن سنيـنٍ أوليّـه
عارف ابنه ما يجمّل طفل يحتـاج الوصايـه
دمية فـي يـد "شينـي" تحتـرك بالجاذبيّـه
وضربـوا كابـل ماهـو للثـأر والاّ للنكايـه
من اجـل نفـطٍ وغـازٍ عارفينـه بالسويّـه
في بلادٍ جاورتها من الشمـال بـلا رعايـه
لا تزل ثرواتهـا عـذرا وبالفوضـى حريّـه
ولنّ في بغداد نفطٍ مـا لعمـره مـن نهايـه
دوّروا عـذرٍ لسرقـه ثـم تضييـع الهويّـه
عنده سلاحٍ خطير طوّره عـن خبـث غايـه
وفتّشوا في كل موقع ما لقوا له مـن خبيّـه
قالوا ارهابي ويدعـم كـل ارهـاب بحمايـه
ويمكن إنّه من ضربنـا او لـه ادوارٍ خفيّـه
افلسوا من كل عذر وما بقى غيـر الوشايـه
قالوا الطاغي شكاه الشعب موغل في الأذيّـه
وبتدوا ضربه بحقـد بكـل انـواع الرمايـه
وفي النهايه فرحوا بمسكه وهو وسط الركيّـه
وقسموا شعبٍ توحّـد انتهـى كومـة نفايـه
بعد عزّه بـان ذلّـه تحـت امريكـا الدنيّـه
مسرحيه فصلها التالـي بـدا بـدزّ الجرايـه
حاكموا صدّام لكن ما لقوا لـه مـن قضيّـه
ما بني من ساس باطل ، باطلٍ منـذ البدايـه
كلمة الماخوذ يومه طـاح مـن عـال الثنيّـه
يستمر الظلم سائـد مـا عرفنـا لـه نهايـه
وتنجح امريكا وربيبتهـا برسـم المسرحيّـه

[نــجــم]

قصيدة ليلة القدر
يقولون الشهر روّح واقول إنّـه بقـى ليلـه
بها ينزل إله الخلق يسمـع دعـوة الداعـي
نـزل فيهـا كتـاب الله بمحكـم آي تنزيلـه
على سيد البشر للناس ينقذ جهل الاوضاعـي
بها ينـزل ملائـك يكتبـوا للعبـد تسجيلـه
اجل وارزاق واقدارٍ بأمـر الخالـق الراعـي
سلامٍ طول ذا الليلـه ونـورالله يوضـي لـه
ومع الاصباح شمس الكون نورٍ دون اشعاعي
الا وينك ياعبـد الله كفـاك العـذر والحيلـه
ترى فرصتك هالليله مدام إن العمـر ضاعـي
تعـال وكمّـل صيامـك بتكبيـره وتهليـلـه
تعال اطلب من اللي باب رزقه مشرع اشراعي
تعال وكفّـر ذنوبـك كفـى بالنـوم تطويلـه
تعال اقرب من اللي ما يبيك لزود الاطماعـي
ترى دنياك لو ضحكت وموتك طـال تاجيلـه
مصيرك راحل عنها ذهاب ما بـه ارجاعـي
الى دنيا الخلود وكل مـن يرحـل وتحصيلـه
الى الجنّه او النيران بـلا جـاه ولا اتباعـي
حبيبي طالت الغربه علينا كـم مضـى ليلـه
وكم اسنين والأمّه تعانـي كسـر الاضلاعـي
نبي نصف القمر يظهر نبـي حلـم وتأويلـه
نعيش الوقت في ذلّـه فمجـروحٍ وملتاعـي
تحاصرنا جيـوش الكفـر توراتـه وانجيلـه
ويتعبنا الجهل بالدين وفكرٍ زادنـا اوجاعـي
انا ما همّنـي طيـرٍ يحسبـه مـن ابابيلـه
انا همـي بصقـارٍ يـدز الطيـر لافزاعـي
خدع طيره بلبس الدين يستر بعض تضليلـه
وزاد الجهـل فرقتنـا لاحـزابٍ واشيـاعـي
كفانا ما حصـل منـه كفانـا طـول تدجيلـه
كفانا راسنا بالارض كفانـا كـذب وخداعـي
غدينا كلنـا نطـارد مـن افعالـه واقاويلـه
مسمى ارهاب يطردنا ولا نملك لـه ادفاعـي
حبيبي ابتدا شكّي ولـو هـو صعـب تدليلـه
ولكن من مواريها اشوف الشـك لـه داعـي
احس انا ضحايا جهل باللي دوم يوحـي لـه
اخافه يخدم الموساد ولو هو بالعقـل واعـي
يبي تفريقنـا نقتـل بعضنـا بفعـل تمثيلـه
ولا يكفيه ما جانا من الحقـران واخضاعـي
فنهر الـدم يجلـب دم اذا منّـه بـدا سيلـه
يشيل الكل في دربـه بـلا تمييـز للقاعـي
الا يالله تنصرنـا علـى مـن طالنـا ويلـه
وتكشف دين من حطّه وسيلة ستر وقناعـي

[نــجــم]

قصيدة الا يا ضيفنا الغالي
الا يا ضيفنا الغالي .. تفضل بالف ترحيبه
نهلّي بك من قلوبٍ على لقيـاك مسـروره
اذا كان الكرم طبع العرب والكل يدري بـه
اجل وشلون لو يدرون ضيفٍ جايب خيوره
امرنا الله باكرامـه ولا نهمـل مواجيبـه
وخصّه بالفضل من بين باقي العام وشهوره
فرض فيه الصيام وسهّل المولى مطاليبـه
وانزل فيه خير الذكر للإنسـان دستـوره
بليله كالفجـر طالـع علـى أوّل تراحيبـه
حباها الله بالإيمان نورٍ شـعّ مـن نـوره
بها ينزل ينادي وين من يدعي وانا اجيبه
الا وينك ياعبدالله تلبي دعـوة حضـوره
ترى طوّلت بالصـدّه ولا تنفعـك هالغيبـه
خذاك الوقت بدروبه ولا حسّيت بخطـوره
تأمل وضعك الخاطي عسى يمديك ترتيبـه
بفعل الخير ما تضمن تعيش وتلحق لدوره
فلا تغترّ في وقتٍ خدع غيـرك بالاعيبـه
رحل ماله رصيدٍ ينفعه والصحف منشـوره
مدام إن العمل يقبل فبـادر قبـل تغريبـه
الى دنيا حساب ولا عمل والخلق محشوره
تقرّب للذي ما صـكّ فـي يـومٍ مجابيبـه
قريب منك لو ناديت في قيعـان مهجـوره
فرب النفس بالطاعه بفعلٍ ما تمـاري بـه
تبي من ربك القبلان ترجي ذنوب مغفوره
وتعلّم كيف تقنع في حياتك تكسب الهيبـه
فلا تحتاج في يومٍ لشخصٍ تدري غـروره
وتعلّم حب اخوانٍ على دينـك بـلا غيبـه
ولا مجامل على باطل يهدم الحق وقصوره
ومادام إن الشهر ضيفك ومثلك من معازيبه
عليك بفعل تشكر به ولاتنقد على قصـوره
تصوم صيام متعبّد يبي مـن ربـه يثيبـه
تهجد في توالي الليل في لحظات محضوره
وتسلّي النفس بالقرآن ..تأمل في اساليبـه
وتمعن في تفاسيره ولا تستعجل سطـوره
يزيدك عمق بالإيمان بـربٍّ عالـم لغيبـه
ويعطيك المناعه في زمانٍ كثرت شـروره
الا يا صاحبي اصحى كفاك النوم والسيبـه
فعمرك راح ما حسّيت ولا فكّرت بمـروره
تشيل هموم تتضايق وتحزن لاتفه مصيبـه
تبي الراحه ولاتدري علام النفس مقهـوره
لأنك ما قربت لخالقك مـن نفـسٍ منيبـه
تصلي في خشوع الزاهد اللي ركّز شعوره
يناجي سامع النجوى ويبكي في محاريبـه
يبي حسن الختام وجنـةٍ بالعـدل معمـوره
ترك دنياه ما غرّته لـو طابـت مشاريبـه
يعرف إنّه ولو طال العمر راحل بلا شـوره
كذا ترتاح في دنيـاك بقلـبٍ زان تهذيبـه
وتشعر كيف بالإيمان نفسك دوم مسـروره

[نــجــم]

قصيدة ما يكفي العطش والجوع
الا ياصايمٍ لله ما يكفي العطش والجوع
ما دامك طالب للخير دلّ الخير ودروبه
صيامٍ ما وراه إيمان ولو تخلص ترى مرجوع
اساسه والعزى واهي ولا تنفع به التوبه
يبي لك تفهم لأصله ولا تنسى الشعب وفروع
بشهادة لا إلاه إلا إلاهٍ نجهل غيوبه
إلاه الناس خالقهم وغيره خادع ومخدوع
فلا له من ولد أو بنت او زوجه ومحبوبه
وتؤمن بالملائك والكتب والرسل بالمجموع
بلا تفريق او تمييز فكلٍ كان مندوبه
وتفهم يومك الآخر وبعث وحشر دون ارجوع
وحسابٍ يكشف الخافي تمنى وقتك هروبه
وتؤمن بالقدر خيره وشره بالرضا عن طوع
فمهما صار لك محفوظ في الواح مكتوبه
وأدنى هالشعب إنك تشيل من الدرب مجدوع
يضر اللي مشى غافل ولا يدري عن خطوبه
ومن الإيمان حسن الخلق ولا يقبل ردي اطبوع
تواضع يا فتى فالكبر في نيران برتوبه
ثلاثة ما يناظرهم إله العرش يوم الرّوع
ولا حتى يزكّيهم وكلٍ تكشف ذنوبه
اشيمط زاني أو عايل ومستكبرٍ ولو به جوع
ومن حط الإله بضاعته بايمان مكذوبه
ولا هو مؤمنٍ من غش يصرّف فاسد المبيوع
ومن يمكر ومن يغدر ذنوبه ويّ محسوبه
وترى النمّام ما يدخل من الجنة فتر أو بوع
لأنه مصدرٍ للشر بنقل الكذب من صوبه
وترى المسلم هو اللي يحفظ لسانه من الممنوع
ويدّه دوم يقصرها وعن الزلات معضوبه
وترى المسلم يحب الناس بلا مصلوح في الموضوع
يحيّي الغير بالتسليم ولا يعطي حد جنوبه
واذا من تستحي إيمان فيه الخير بالمجموع
ولكن لاحيا في الدين تفهّم كل مطلوبه
وحق الجار لا تهمل ولو من جيرته ملذوع
تقوم بواجبه لله ولا يثنيك عذروبه
وتغض الطرف عن أهله ولو شفت الحيا منزوع
ولا تشبع وهو جايع ولو طاولك بحروبه
وحق الضيف إيمانٍ فخلك بالكرم مطبوع
يجي والرزق بضفافه مدام النار مشبوبه
وصل رحمك ولا تهجر قريبك لو بدا باللوع
فقلبك دايمٍ يسمح ولا تحرص على عيوبه
وخلّ النصح منهاجك بكلمه فعلها مسموع
بلا تانيب أو قسوه ولو حاولت بصعوبه
على المعروف دلّ الغير وخلك دايمن ينبوع
تحب لهم مثل نفسك وكلٍ تدري مشروبه
وتنهاهم عن المنكر بصوتٍ ينقبل بخشوع
وتبقى دايم القدوه بلا زلّه ولو نوبه
ولا تظلم ترى المظلوم دعاءه للسما مرفوع
فكم من ظالمٍ يلقى بحياته ذل وعقوبه
ولا تقرب نفاق وكذب وخللك للصدق مدفوع
ترى ما ضرّنا مثل المنافق يخدع اسلوبه
يقول امجامله واقول عاده سمّها منقوع
خداع وتغطيه للحق ومدح العيب والكوبه
ولا تخلف إذا عاهدت ولا تواعد على ممنوع
ولا تخون الأمانه ردها بالعدّ محسوبه
ولا ترشي وتسترشي مثل من يسرق الموجوع
خفافيشٍ تمص الدم وتنام الليل مقلوبه
ولا تحرم حدٍ حقّه تبي (واوٍ) كما المتبوع
ترى سرّ التأخر (واو) مدام اليوم ملعوبه
وقول الزور لا تقرب ولو اغروك بالمدفوع
كبيره عند رب البيت يامن كثرت ذنوبه
وسبع موبقه احذر ترى فيها الهلاك يروع
فأعظمها شرك بالله ولو بالمزح ولعوبه
ومنها السحر لا تقبل ترى من صدّقه مخدوع
ويمكن يدخلك في الشرك إذا آمنت بكذوبه
وقتل النفس دام الله يحرّمها بلا مشروع
بأية حق تقتلها أخذك ابليس في صوبه
ولا ترابي ولا تسعى بربا تبحث عن المنقوع
حرام المال يسحق لك حلال وتلحقك حوبه
ولا تاكل حقوق يتيم لأنه قاصرٍ مقطوع
فخاف الله في الإيتام يكفي اليتم وندوبه
وبالك ترمي المحصن وتقذفها بكل شنوع
وهي مسكينةٍ غافل عن الزلات محجوبه
وترىالإيمان يتقادم مثل ثوبٍ بدا برقوع
فجدد دوم إيمانك بفعل الخير ودروبه
وترى بين الرجل والشرك وبينه والكفر اركوع
إذا يترك صلاته عمد كفر بالله ومندوبه
يقول الدين في قلبي خدع غيره وهو مخدوع
نسي ربّه ولا فكّر كما العايش بغيبوبه
يظنه خالدٍ بالكون قوي الباس هالجربوع
ولو تنغزه شوكه قال ياربي ترى التوبه
فلا تغتر يبن آدم مصيرك في بالقبر موضوع
مثل من راح ما عوّد غدا للدود انهوبه
بوسط القبر يبدا الدرب ذهاب ما وراه رجوع
حياةٍ ثانيه تبدا وكلٍ واضحٍ صوبه
حسابك جاهزٍ مكتوب تحصد زرعك المزروع
فليش الخير ما تزرع مادام الأرض بخصوبه
تعيش السعد بالدنيا مصيرك عارفه بخضوع
تعرفك عابرٍ جسرٍ ولا تحتاط لعيوبه
تطيح اليوم أو باكر مثل من طاح قبل اسبوع
فلا احدٍ سائلٍ عنّك ولو كفّنك من ثوبه
مع الأيام ينسونك ولو يبكي عليك اجموع
إذا ما لك ذكر طيب فنجمك زلّ بغروبه

[نــجــم]

قصيدة اقبل الشهر والعالم رقود
اقبل الشهر والعالم رقـود
من يوقّظ قلـوبٍ غافـلات
صاحبي لا متى ذنبك يزود
لا متى ما تقوم من السبات
تحسبنك تخلد في الوجـود
مااتعظت برحيل ولا وفـات
وين جدك وجدي والشهود
وين خلٍ مضى دربه شتات
كلهم انتهوا وسط اللحـود
وانت ماشي لهم حتماً وآت
صحح الدرب تبدا بالصعود
منزلة عنـد رب الكائنـات
قبل يومٍ تشاقلـك العضـود
للقبر في لحـودٍ مظلمـات
كان فعلك حسن نعم الردود
كان غيره تعرف الناتجـات
بعدها يبتدي حشر الحشود
والموازين تنصب عـادلات
كان خسران ابشر بالوقـود
في جهنم حيـاة لا ممـات
وكان كسبان الى دار الخلود
تمشي الدرب في عز وثبات
صاحبي لا متى هذا الجمود
اهجرابليس من قبل الفوات
وش رصيدك تفكّر في ركود
اعمل الخير ترقى الطايلات
لا يغرك مشكك أو جحـود
ولا يغرك وجاهك في الحياة
فرصتك بالصيام وبالسجود
في خشوع وتهجد بالصلاة
تطلب العفو من رب الوجود
غافر الذنب ماعنّه غنـات

[نــجــم]

قصيدة تخيل إنك تهت في الربع الخالي
تخيّـل تهـت فـي دربٍ خـذاك بعيـد للصحـرا
واذا في لوحةٍ قالت ..هلا بك فـي الربـع خالـي
ومشيت اميال بعـد اميـال لا مـاءٍ ولا شجـرا
ولا من بوصله تهديـك وغـرّز جيبـك العالـي
نفد زادك ، نفد شربك ، وشمس الظهر مـا تـذرا
تحرق الأرض من تحتك ولا مـن فـيّ وظلالـي
نشف ريقك ، ضعف صوتك ، وزلّ الظهر والعصرا
ومـرّت فيـك لحظـاتٍ غديـت بأسـوأ الحالـي
تخونك دمعةٍ حمقـاء علـى خـدّك لهـا مجـرا
تنـادي لا صـدى يرجـع فـلا غيـمٍ ولاجبالـي
تشوف الموت قدامـك وعـن يمنـاك واليسـرى
تذكّر وش مصيرك لا خطفـك المـوت بالحالـي
تروح بشبـه غيبوبـه ولا تـدري عـن الأمـرا
تفتّـح بعدمـا تصحـى وتلمـح زول رجّـالـي
نقذك بليلة ظلماء وقـال انهـض تـرى المسـرا
بليّـا بوصلـه خطـرٍ مـدام الـدرب ختّـالـي
عطاك البوصله ومعهـا خريطـة باقـي الذكـرى
ورجعت لديرتك سالم بعد مـا شفـت الاهوالـي
وجاء لك من بعد حولٍ وطق الباب فـي الفجـرا
تبـي تستقبلـه والاّ تنكّـر مثـل الانـذالـي؟؟
فهذا الشهر هو ضيفك فـلا تحـرم مـن الأجـرا
فـلا تـدري يعـوّد او تكـون بحـال ترحالـي

[نــجــم]

قصيدة هل يهمك ما بعد الموت؟؟
اعمل لدنياك وخـلّ الآخـره همّـك
ولا تنخدع في حياةٍ عمرهـا فانـي
ان كنت عاقل وبعض الحس في دمّك
ما تجهل الموت شال فلان وفلانـي
كم من عزيزٍ رحل ولا رجـع يمّـك
جرحه ولا زال ما يطويـه نسيانـي
يمكن صديق وقريب ويمكنـه امّـك
ويمكن حبيبٍ ولا من يشبهه ثانـي
ولا تدري الموت بايّة لحظه ايخمّـك
وابليس مطغيك ما فكّـرت بالشانـي
فرصتك فكّر قبل ما ينتهـي جمّـك
ياقف قليبك وتيبس مثل الاغصانـي
ارجع لربك يفـرّج همّـك وغمّـك
فالشهر فرصتك تبدا ضبط الاركانـي
شهرٍ كريمٍ اذا اكرمته جلـى همـك
واعطاك نورٍ يريح النفـس ربّانـي
لكن ترى الصوم ماهو منعتك فمـك
عن شرب واكلٍ وطول اليوم نعساني
الصوم جد وعمل بارهـاق يعتمّـك
وتهجّدٍ تطلـب الرحمـن غفرانـي
وتمشي بدرب الفضيله وين ما ضمك
وتعامل الناس بالحسنى عن ايمانـي
ولا فار دمك من اللي سبّ أو ذمّـك
تقول انا صايـمٍ والصـوم ينهانـي
عن كل فعلٍ ولفظ او شـرٍ ايزمّـك
وركّد عظامـك باحاديـثٍ وقرآنـي
ولا من بغيت الشهر من خيره ايعمك
تقرأ بتأمل لتفهـم سـر الاكوانـي
هذا اذا بعد موتـك امـرك ايهمـك
والاّ مع ابليس لا تسمع لعثمانـي!!

[نــجــم]

قصيدة يا صايمه عنّي
شهر الصيام اقبل ولا زلت صايـم
عن حب غيرك من سنينٍ طويلـه
مدري متى الإفطار والجـو غايـم
بسحابـةٍ سـوداء علينـا ظليلـه
لا ريـح فرقهـا تهـبّ النسايـم
ولا برق يوحي باقتراب المخيلـه
والأرض عطشى والشجر مات قايم
وحتى عروق القلب يبسن محيلـه
ونا انتظر في بردهـا والسمايـم
مثل الذي ضيّـع بصحـرا دليلـه
ضاعت سنين العمر حزن وغمايم
وانتي مع الأيام شمسـك بخيلـه
يا صايمه عني ترى الصوم دايـم
ماهوب جايـز كـل يـومٍ وليلـه
ان كان مخطي فاكشفـي للظلايـم
والمدعـي واجـب يثبّـت دليلـه
وان كان حكي واصلك من صتايـم
هرج القفى خليّه لا تسمعـي لـه
ماهوب حق اظلـم بفعـل النمايـم
ولا هوب حق الحب يحرق فتيلـه
متى يجي عيدي ترى القلب هايـم
وافرح بشوفك لـو لمـده قليلـه

[نــجــم]

قصيدة رسالتك وصلت فلا ترسليها
رسالتك وصلـت فـلا ترسليهـا
ادري بكلّ اللـي بقلبـك نويتيـه
لا تتعبـي نفسـك ولا تشغليهـا
قلبي دليلـي فاهـمٍ مـا كتبتيـه
ما دام روحي معْك لـو تسأليهـا
تعطيك سرٍّ في المحبـه ذهلتيـه
الـروح لا حبّـت فـلا تجهليهـا
تذوب فـي حـبٍّ تعـزّه وتغليـه
ولوه ابتعد عـن ديـرةٍ تنزليهـا
حسّه يصل لك سامعٍ من يناديـه
تدرين نار الحب لـو يصطليهـا
وتدرين ما يخفي ولو ما سألتيـه
وأنا عرفت بنيتّـك فـا امهليهـا
ياعلّ يطلع فجـر نفـرح بتاليـه
دام الزمـن باحلامنـا مبتليـهـا
وصارت سرابٍ مبعدات هقاويـه
لا تيئسـي والنفـس لا تعذليهـا
فالحب سقم الروح ان ما فهمتيـه
قولي احبـك شامخـه واعتليهـا
وقولي لضيم الوقت خابت مساعيه
بسمة أمل تشـرق فـلا تقتليهـا
وندفع ثمنها عمرنا اللي بديتيـه
وان ما قدرتـي دربنـا تكمليهـا
وحكم الزمن يفرض علينا تجافيه
فقولـي بامـان الله لا تزمليهـا
تكفيني الذكرى فغيرك فـلا ابيـه
روحي امانـه معـك لا تهمليهـا
حتى نلاقى من نخافـه ونرجيـه

[نــجــم]

قصيدة سعودي وافتخر
سعودي وافتخر بارضي ولا ني بالفخر مغرور
الى من قيل لي وش ديرتك قلـت السعوديّـه
رفيع الراس بافعالٍ حقيقه ما تعـرف الـزور
تسطرها تواريـخ الفخـر صفحـات ورديّـه
كتبنا المجد بعد المجد سنينٍ ماضيه ودهـور
على صدر الزمن مكتوبـةٍ بحـروف ماسيّـه
لنا الماضي لنا الحاضر لنا مستقبلٍ من نـور
لنا التأثير فـي الدنيـا ببصمـاتٍ حضاريـه
من الإسلام منبعهـا فمنهاجـه لنـا دستـور
على درب الموحّد صـادق الأفعـال والنيّـه
ابو تركي سليل المجد نور الكون في الديجور
ومن بعده رجـال ارواحهـم للـدار مرهيّـه
توحدنا بعـد كنـا ضحيـة جهلنـا والجـور
وصرنـا كلنـا اخـوه نعيـش بكـل حبيّـه
من الآمر إلى المأمور منهجنا الإخاء والشور
على درب التساوي والعدل باوضاع مرضيّـه
وقدوتنا رجالٍ لاجلنا لـو داسـوا المخطـور
يبون الدار مثل الشمس في الأكـوان مرئيـه
والى من بانوا الحسّاد واللي بفعلتـه ماجـور
يبان الجـد وقـت الجـد بافعـال النداويـه
لتبقى ديرتي رمز الرخاء تحيا امـن وحبـور
بفضل الله وفضل اللي رعاهـا بكـل حنيّـه
ابو متعب ابو كل الشعب في برّهـا وبحـور
اذا ناموا بقى ساهر لتبقـى الـدار محميّـه
عزيز النفس متواضع ولا يرضى بحني ظهور
ولا تقبيـل يدّينـه مـن اللـي جـاه لتحيّـه
حماك الله يابلادي لتبقـي حصننـا المعمـور
تعيشي لـو فنينـا كلنـا نفـدي السعوديـه

[نــجــم]

قصيدة الدتسن بعد اللكزس
من بعد لكـزس دتسـنٍ اشتريتـه
لا نيب محتاجٍ ولا نيـب مديـون
ابي اشوف الفـرق باللـي بغيتـه
وافهم لنفسي لو تحمّلت عربـون
لا فرق يذكر في اللـذي احتريتـه
موتر يوصلني على الدرب مامون
فالكـل مستهلـك اذا مـا وعيتـه
والطيّب اللي شيك في اليد مضمون
لا من بغيت البيع قرشـك لقيتـه
ولا تخاف الصدم واللـي يبوقـون
اهل الدداسن وضعهم لـو قريتـه
امّا فقارى او لهم فكـر مـوزون
فرق السعر يربح بسهـم رميتـه
اركد عليـه ولا تودعـه بالهـون
كم واحد شيّد مـن الربـح بيتـه
ولا حتاج ديّانٍ ولا الصك مرهـون
والموتر الغالـي اذا مـن نويتـه
اما حصل عن ثروةٍ فانت مجنـون
تبي تفشخـر دون ربـحٍ جنيتـه
خسران يالماخوذ والحال بالـدون
خلك من اللـي لحظـة اشتهيتـه
وخل التواضع منهجك فيه مفتـون
يعطيك قوة ذات لـو مـا هقيتـه
تحميك من وهمٍ به البعض يحيون
فالرجل عقـل ومنطـقٍ لا لقيتـه
ماهوب مظهر يخفي الزيف والهون

[نــجــم]

قصيدة لو عطوني الشمس
لو عطوني الشمس والقمرى تباع
ارفض القمرى فلا لـي بالتبيـع
نورها التقليد فـي كـل البقـاع
انعكاس الشمس في الكون البديع
مثلها والحب في بعـض الطبـاع
كالمرايا تخدع الطفـل الرضيـع
او سحابة صيف ما منها انتفـاع
ما وراها للجواعـا مـن ربيـع
كل وهمٍ لـو تحـدّى الإنقشـاع
تقشعه شمس الحقيقه كالصقيـع
وكل حبٍ لو تمادى فـي الخـداع
ينكشف في يوم لو ثوبه وسيـع
صاحبي والطرف من خلف القناع
سـدّد النيـران للطيـر الوجيـع
كان طاير في مسـاره بارتفـاع
ما هقى الصيّاد لو يبعـد وقيـع
دون ما يقاوم نزل عـن اقتنـاع
وصار في يدّه مثل حمـلٍ وديـع
راح عمره بيـن هـمٍّ والتيـاع
والسحر خلاه في دربـه مطيـع
لين ما فجرٍ ظهر خلـف التـلاع
والظلام اقفى بعـد حلـمٍ فضيـع
ما هقى إن الحب يشرى أو يباع
لين شافه والخلايـق لـه تبيـع
اقسم الأيمان من بعـد الضيـاع
ما يطيح إلا متواسي أو صريـع
وانسحب حتى بـلا كلمـة وداع
ما جرى له درس يكفي للجميـع
المحبـه ذل للـقـرم الشـجـاع
ومن يحب ابلا عقل يمكن يضيع

[نــجــم]

قصيدة ظبيّ العريش
ريمٍ جفولٍ رمى روحي بسهـم الرمـوش
لا هوب اجهز عليها ولا تركنـي اعيـش
نظره وحيده وانا بالدرب تقـل مخـروش
لاني بدرب الحجـاز ولا طريقـي لبيـش
واصحى على همس ناعم فيه لومٍ وهـوش
تعتب عليّه اتابع خطـوة الريـم.. ليـش
قلت العفو ذا طريقي .. من لدربك يغـوش
لكن وش اللي اتى بك يا ظبـيّ العريـش
قالت ادوّر وظيفه مثـل بعـض الحبـوش
واللي غزونا وفودٍ مـن جميـع الكديـش
قلت الوظيفه قريبـه يالغـزال البشـوش
مديرة اعمال قلبٍ مـن غرامـك يجيـش
قالت من انته وقلت الها عمامي القـروش
امّـا خوالـي عقـاراتٍ ونخـلٍ وحيـش
وأنا الأصيل المؤصل دون عرق مغشـوش
شيخٍ ولد شيـخ مانـي وافـدٍ أو هتيـش
قالت وش اصلك وفصلك دون زايد رتوش
مالي بوضعك وجاهـك خلهـا والقحيـش
قلت الأصل يالحبيبة يدك واللـي تحـوش
مافادك اصلك تلاقي شغـل فيـه المعيـش
حنّا بوقتٍ خسيـسٍ مـن ترهـى يـدوش
من دون قرشك ترى كالطير من دون ريش
وقت تغيّر غدينـا فيـه طعـم الجحـوش
من كل وافد نهبنا مـن ضميـرٍ غشيـش
ولا حدٍ حمانـا وفكّـر بالظـلام الغبـوش
اللي يلف الجواعـاء ساكنيـن العشيـش
قالت غريبه يفكّر واحـد مـن الكـروش
في حال منهـم بحـالٍ يعلـم الله وحيـش
قلت الفقر كان عمي ظالـمٍ بـي بطـوش
حتى عرفت التعامل معـه مهمـا يطيـش
فالفقر ماهوب عيب لـو تحسّـه رهـوش
الفقر ما عاب سيد النـاس حتـى قريـش
يدفعك تبني طموحك مـا رسمتـه تنـوش
بالصبر والجد تاصل لو ملابسـك خيـش
قرشٍ على قرش ينتج ما خفى من قروش
درب التجارة طريقك لـو تبيـع الجريـش
قالت كلامـك صراحـه باكتبـه بالنقـوش
وابدا طريق التجاره كودي اقـدر اعيـش

[نــجــم]

قصيدة مبايعة الملك عبدالله
نحمد المعبـود عـلاّم السريـره
من عطانا رجال تحكـم بالعدالـه
من ذراري فارسٍ ساد الجزيـره
وشيّد البنيان ساسـه باعتدالـه
امس حنا في ذرى المذكور خيره
وابتدينا اليوم مع راع الأصالـه
مرحبا بك الف شيهان المسيـره
يابو متعب من سبق فعله مقالـه
كل شعبك جاء يبايع عن بصيره
كلهم مستبشرٍ يـا طيـب فالـه
خادم البيتين حنّا لـك عشيـره
والشعب كلـه يحبـك لا جدالـه
من البحر للبحر وجبالٍ عسيـره
شرق ولاّ غرب ولاّ اقصى شماله
موطن واحد كبيره مع صغيـره
مملكه وحده على هدي الرسالـه
مرحبا مليـار ولاهـي بالكثيـره
بابو متعب من يشوف إنّا عياله
ومرحبا مليار عضده يا نصيـره
ياولـي العهـد يمنـاه وشمالـه
ابو خالد فخرنا في كـل سيـره
درعنا والحصن في قو احتمالـه
عهدنا الميمون ما نخشى مصيره
دامكم فـيّ نتفيـا فـي ظلالـه
نفتخر بافعالكم فـي عـز ديـره
ونشكر الله حكمكم ما به مثالـه
الشعب لو نـام بعيـونٍ قريـره
انتم اللي بالسهر ترعوا حوالـه
انعموا يالشعب بخيـورٍ كثيـره
وارجهنوا كل واحد فـي حلالـه

[نــجــم]

قصيدة رثاء الملك فهد
الشمس غابت وابتدا ليل الاحزان
بعيـون شعـبٍ مؤمـنٍ بالمنيّـه
على فراق اللي بنى عزّ الاوطـان
وشاد الحضاره بالعـزوم القويّـه
ليث الجزيره من رفع عال الاركان
واعطى بلادي مجدهـا والهويّـه
الفهد باني المجد ياعـز إنسـان
علـى قلـوبٍ تعرفـه بالحمـيّـه
مصاب شعبك لو وزن بالف ميزان
صعبٍ يقدر فـي القلـوب النديـه
عطيت شعب المملكة امن وامـان
وعطيتهـم علـم وعلـومٍ نقيّـه
ورفعت اسم المملكة وين ماكـان
دولة عظيمة في الحضـاره ثريـه
الله يرحم من ذكـر دوم باحسـان
رجل المهمة في الريـاح العتيّـه
مقبول بالفردوس يا عالي الشـان
ويغفر لك الرحمـن رب البريّـه

[نــجــم]

قصيدة قالت من انت
قالت من انت؟ وقلت ياليتـي ادري
ولو كان لي اسم وهويه وعنـوان
كلش تعلمته أبـي فهـم عصـري
ويا كودي افهم من انا بين الاكوان
لكن وجدت ان الزمن زاد قهـري
ما يعتبرني غير من جملة الضـان
قالت عجب وش عاد تبغى وتحري
مادام لك اسم ومعـروف يافـلان
قلت الإسم اهلي عطوني بصغـري
مثله مثل رقم علـى بـاب دكـان
والا على سكه وشـارع وكبـري
رقم تجاري ما دخل سـاس بنيـان
وأنا ووقتـي باختـلاف وجـذري
وذاتي وصورتها مع الوقت ضدان
ذاتي عقل مدرك لما صار يجـري
ممنوع ينطق ما فهم ويـن ماكـان
لكنْها اقفت مـن سنيـنٍ وبـدري
فالوقت يرفضها على كل الألـوان
ويحب صورتها يبي إنسان فخري
اقرب إلى "الروبات" منّه للإنسـان
وقت يبي ممسوخ من كـل فكـري
اصم وأبكم واغلب الوقت خـدران
بضاعته بشتٍ وكشخه ، ونظـري
وعنده بيـانٍ بالمهميـن بالشـان
يمشي نفاق وكذب في كل مكـري
ولو كان اسمه دون ، غيّره بإعلان
تلقاه في الطابور والصبح بـدري
يبي يسلّم في تذلـل علـى فـلان
يخدع ولي الشان ، يحسبه ظفري
يحسبه ذيب مادرى بـه جحيشـان
وفجأة يصدّر به قـرار وجهـري
في منصب عالي مثـل أي تعبـان
ويبدا الحصيني ينتفخ كل شهـري
يرجع لعاداته على مـر الازمـان
سرق الأرانب بالجهر او بستـري
ومن سمع حكيه قال مليان إيمـان
يلقى الحصانه دام هالطبع يسـري
على الذي مثله ولا قيـل غلطـان
يقرّب ضفاع بين بـوم وخكـري
واللي أصيـل ينذفـه قلـع ودران
ويجلب طيور بين بـري وبحـري
وسلاحف وحيتان من كل الالـوان
ونقول وش فينا ندحـدر لحـدري
ونكذب على انفسنا بزورٍ وبهتـان
هذا الذي حاصل بوقتـي ويسـري
اللي بليـا عقـل لاشـك ربحـان

[نــجــم]

قصيدة هب النسيم
هبّ النسيم وجاوبه في الوادي
ريمٍ تنـادي الزيـن كالدرّيّـه
من نورها اشرق نور للزهادي
تاهوا بليل الحب واخطوا ضيّه
ماني على درب الهوى معتادي
حتى وقعت بصيـدة الحوريّـه
ياعيونها كفّـي ولا تصطـادي
ياثغرهـا ياخدودهـا الورديّـه
وش حيلة اللي خافقه بارعادي
ماعاد يدري الليـل والفجريّـه
حنّي عليه وشددي الاصفـادي
وحطّيه في قلبك يعيـش بفيّـه
في مدرسة حبك يبي الإعدادي
اعطيه درس الرسـم والفنيّـه
ما يفتهم بالجبـر والأعـدادي
يحسب ولا عمره وصل للميّـه
واحد: وانا اعشق ملة الآحادي
امـوحّـدٍ ربٍّ بــلا ذريّــه
واثنين: ماني بالهوى انقـادي
الا معـك يالمهـرة النجـديّـه
والثالث: انتي سيدة الأسيـادي
والحب لك وحـدك بـلا نديّـه
والرابع: إنّ الحب في الاجوادي
وبين الخلايق ظاهـره صحيّـه
والخامس: افوادي به الوقـادي
جيتك انـا كلّـي ابـي حنيّـه
قلبٍ بليّا حـب ظنّـي غـادي
ماعاش بالدنيـا ولا لـه نيّـه

[نــجــم]

قصيدة عطني صبر
عطني صبر واعطيك بالصبر رجّال
يا طى على نفسه ويقهر ظروفـه
يمشي حياته عزّ للـذل مـا مـال
رافع جبينـه مـا يوطّيـه خوفـه
لو هو يشيل الهم من فوقه جبـال
يضحك وقلبـه خافيـات نزوفـه
عزيز نفسٍ ما مشى درب الأنـذال
له هيبته فـي مشيتـه أو وقوفـه
يدري بوقته صعب في كل الاحوال
يبي حصانـي خاضعـات ولوفـه
يالعنبو وقـت بـه البـوم يختـال
والحر يشوى حرته وسط جوفـه
هذا زمـان الـذل للجـاه والمـال
واللي فقيـر الحـال كـلٍ يعوفـه
لو هو شهم مثله قليـلٍ بالافعـال
محدٍ درى به لو تكاثـر ضيوفـه
ولو هو صدوقٍ ما ينافق بالاقـوال
يلقى المحارب تنحدر به جروفـه
ونحكي نقول إسلامنا مضرب أمثال
وحنا سبب بلواه في كـل شوفـه
وبعضٍ يتاجـر بيـن بايـع ودلال
يبيع دينـه مـا عليـه الحسوفـه
حياتنا جسر وهالعمر لـو طـا ل
لا بد ما يا صل نهايـه معروفـه
يالله دخيلك عالم السـر والحـال
ترفـق بعبـدٍ شاينـاتٍ ظروفـه

[نــجــم]

قصيدة كاش بن كاش
قالت من انت وقلت انا كاش بن كاش
تتجوّزينـي والا آخــذ قـروشـي
قالت علامك عجـل لا تكـون بكـاّش
ما عنـدك إلا مظهـرك والكروشـي
ويا خوفة إنّك كدش من بعض الأكداش
اللي يحسب أن المـره بـه بهوشـي
قلت الغلط يا بنت ما جيـت لهـواش
شيخٍٍ ولـد شيـخٍ ولانـي غشوشـي
قالت تفضّل فالجفـن تحتـك افـراش
لكن وش اصلك بالخـزر والبلوشـي
قلت العرب أصلي ودمّي كما الشـاش
قالت توكّـل منـت كفـو الرموشـي
ما به عرب ما دامهم صارو اخيـاش
والارض تشكـي ذلّهـا للنعـوشـي
ما بيـن مستعمَـر ومحتّـل ببـلاش
وما بين خايـن للرعيّـه غشوشـي
ماعاد فيكم يالعـرب باقـي اعـراش
ولا لسـانٍ عـن حقوقـه يهوشـي
لا من سمعت اللي يصرح على اللاش
تفـرح ولـو تعرفـه دروٍ لطوشـي
وليا صحى من بعد ترويش واربـاش
قدّم عذر .. فاللي نقل عنـه موشـي
ويركض بلا شعوره ولو هو بالانعاش
ويطيح تحـت اقـدام خـدّام بوشـي
اللي يشوف إن العرب نفو وخشـاش
لولاه ماتـوا جـوع مثـل الحبوشـي
قسّم على كيفـه خفافيـش وكبـاش
ومـن لا يطيعـه ينتظـر للمخوشـي
عنده سلاحٍ خطر لـو كـان رشّـاش
واللي بيد شـارون ضـدّ الوحوشـي
والوسم جاهز والعـذر حكـي بكّـاش
كل غدا ارهابـي عـدا ولـد موشـي
كـل يهابـه خايـفٍ يـوم يـنـداش
ويطرد مثل ما طرد بعـض الكدوشـي
يكفيه شوفة صاحـب العـزّ بفـلاش
من بعد عرشه ينعـرض بالدشوشـي
أصغر جنيدي يصفقه كـفّ لا هـاش
ينسيـه يـومٍ كـان فيـه البطوشـي
هذي نهاية من سكن شعبه اعشـاش
واقواتهم بقصـور باحـلا النقوشـي
من لاحكم بالعدل.. للشعـب غشّـاش
لابدّ مـا يصبـح بيـوم امخروشـي
ما ينفعه بـوشٍ اذا صـار خربـاش
يا سرع ما يقلـب عبَيـد القروشـي
ومن ذلّ نفسه للمعـادي فـلا عـاش
ميّت وقصر الـذلّ فيـه امغشوشـي
ومن باع دينه لاجل دنياه مـا حـاش
إلا الخـزي والنـار مهمـا يحوشـي
دنياك يا ابن آدم ضبـابٍ إذا غـاش
لا تنخـدع تمشـي بـدربٍ غبوشـي

[نــجــم]

قصيدة حوار مع الخلاوي

حيّاك ربّك من تسمّى الخلاوي
أصلك وفصلك كان ما فيه عايبه
الخلاوي:لي في نزار وزارةٍ اكتفي بها
ولي في نزار الجود اعلى مناسبه
عثمان:
البعض قالوا عنك بالأصل هايف
ومادمت أصيلٍ فليش اسمك تجانبه
الخلاوي:واذكر وصاة من منيع بن سالم
وغيري الى (من جاع تظهر معايبه)
شبيهة ميثاء يالصليبي خلها
ولو كنت جايع (والصفاري بلهايبه)
وخليتها لعيون ميثاء عتيقه
عتيقة صليبي (ذراعه كسايبه)
صبرنا وعدنا في صليب وحالهم
وما عابهم واهفا هفاهم جلايبه
عثمان:يعني اصولك من صليبٍ وربعهم
وين العلاقة مع نزار ونسايبه
الخلاوي:
ترى صليب اجاويد نما الجود جدهم
نزار الذي صلب العرب من صلايبه
اجاويد قوم قلب الله قلوبهم
بحيلات سوء عابت القوم خايبه
قوم طغوا والناس في الجاهلية
وازرى بهم شرك تطاما غبايبه
عثمان:كلامك جديدٍ تجهل الناس ساسه
فاللي يعرفونه من افكار صايبه
يقولوا بقايا حملةٍ للصليبي
بعد حملة للشرق عادت بخايبه
وعندك خبر منها فليا تجادل
فهي سابقه وقتك وتدري نوايبه
الخلاوي:الا ايها اللوام كفوا ملامكم
وخلوا سبيل الخلاوي و صاحبه
فماذا لكم لا اسعد الله فالكم
..من الحظ في تصريم حبلى وجاذبه
صبرنا على البلوى وما جا من السما
وشلنا حمول فوق ما يطاقبه
يباتون حسادى على صالي الغضا
ويضحون في ذل من الله خايبه
عثمان:الرجل من فعله ولا افعال جده
ومهما يكن اصلك ففعلك مغالبه
لكن بغيت افهم عن الشعر حاجه
وش شوفتك في الشعر واللي يقاربه
الخلاوي:
قد قلت اشعار الملا هي ثلاثة
من راي فكر حل قلبي وجالبه
شعر يموت وصاحبه حي لو فنى
وشعر يعيش ماعاش صاحبه
مامات من هذي بقاياه في الورى
ولا نسي من أنشا من الشعر صايبه
ترى الناس من فج عميق تجيله
وتجري مدامعهم على الارواح ذاهبه
عثمان:ممكن عسى تسلم نعرف الخلاوي
من نظرةٍ للكون بالنصح طايبه
الخلاوي:العبد بالنيات يجزى بما نوى
في نفس قول الله والشرع قال به
فلا للورى عما بدى الله متقى
ولاحيله يحتالها الخلق (صايبه)
ولاخير في مالٍ عن الله شاغل
ولاخير في دنيا عن الله حاجبه
عثمان:دنيا بليّا دين نقمه على الفتى
ما يهتني فيها لكثرة مصايبه
ورجل بليّا خوف من رافع السماء
مهما تقرّب لك فليّا تقاربه
الخلاوي:الى دقت الـوسـطى بـالأبـهـام تــذكـرت
زمان مــضـى ماله رجوع (بعجايبه)
فـلابد ماســحـم الــضــواري تــحـوفـنـي
بــلـيـل ولالي عن لــقـاهـن (حجايبه)
نعد الليالي والليالي تعدنا
العمر يفني والليالي (عقايبه)
ومن قال إن الحذر يمنع القدر
فأقاويل جهال من ابليس كاذبه
الاقلام جفت بالذي سار واستوى
على الكون وطوال السجلات كاتبه
عثمان:العاقل اللي في حياته تفكّر
يدري النهاية كنها الشمس غاربه
وما قدر الرحمن لابد واقع
والمؤمن اللي ما تهزه مصايبه
الخلاوي:مـن تابع الـمـشـراق والـكن والـذرا
يـموت ماحاشــت يـديه) لطلايبه)
فاغنم متى ما لاحت من العمر فرصة
وان هب نسناس فإذرفي سواسبه
ترى أبرك ساعات الفتى مابها الفتى
ومافات مات وساعة الغيب غايبه
والي ضاع عمر المرء في ليت أو عسى
فكثير التمني مابنى بيت صاحبه
فـمن عـود الـعـيـن الـرقاد تــعـودت
ومـن عـود الــعـيـن الــمـسـاري (تصاحبه)
ياطـول ماوسدت راسي كـتاده
ما بي وساده خايفٍ من تبايبه
عثمان:الدين ماهو رهبنه في العباده
لكن عمل ايضا يقوّي شكايبه
ومن لا استغل لقوته في شبابه
ما يهتني في شيبته من مكاسبه
والدين يدعو للتواضع قناعه
يبي رجالٍ تحتمل كل نايبه
الخلاوي:والاطباع تطبع جود من جاد جده
ولو كان من بيت رفيع وناصبه
والأطباع تارد الفتى مارد الردي
ومالدين والدنيا والأطباع خاربه
عثمان:فالرجل ماهو من تعزوى بجده
لكن بفعله ما انعرف عنه عايبه
الخلاوي:مقام الفتى في منصب العز ساعة
ولا الف عام يصحب الذل صاحبه
حياة بلا عز محا الله حظها
حياة الفتى لافاتها العز خايبه
والذل داء للضواري يسلها
كما سل داء السل معلوق صاحبه
فإلى المرء صار العار والذل حظه
فالموت سترٍ له يغطىَ معايبه
والاجهاد عدى اللايمات من الفتى
والارزاق ماتأتي الفتى من (طلايبه)
والدار ما يحصر عليها وليدها
دار الفتى ما طاب فيها مكاسبه
عثمان:
والله اقسم بالنفس ليش ذلّها
من اجل دنيا يوم لابد ذاهبه
فافعل سبب فالرزق معروف ضامنه
حتى ولو هاجرت والنفس ذايبه
الخلاوي:وحريب جدك لو صفى مايودك
وعينيه لو تبكي لك الدم كاذبه
ومن لايعدي عن حياضه تشرع
ومن لايكرم لحيته حلق شاربه
ومن لايرد الضد بالسيف والقنا
ويحمي الحما تطلع عليه الثعالبه
ومن لايباشر شر الاشراروالعدا
يوطا وكف عداه لحماه خاربه
ومن عود الـصـبـيان ضـرب بـالـقـنا
نخــوه بنـهـار الكــون (والشمس غايبه)
ومن عود الصبيان من زاد بيته
عادوه لو هم من( قرايب قرايبه)
عثمان:
هذا يفسّر هجمة الغرب وأصلها
فالحقد من جدّانهم من سبايبه
داسوا مهابتنا وعشنا المذله
حتى لحانا مالها اليوم هايبه
فلا السيف نافع دام نضرب من السما
من دون علم الحال لاشك عاطبه
الخلاوي:
وترى احسد الحساد ترميه غيره
ويكفي بها داء عن الموت نائبه
فلولا الحسد مازال ابونا مخلد
ولام حوا في نعيم بجانبه
ومن أكرم الحساد أشوى قلوبهم
في قلة حمراء من النار ثاقبه
عثمان:
"تموت الافاعي وسمها في نحورها"
والنار تاكل مابقى من لهايبه
فاعمل ولا تهتم في حقد حاسد
فالصمت سيفك كان تنوي تحاربه
الخلاوي:ترى الصبر مفتاح الافراج كلها
ولو هو برقيك مر حلو عواقبه
والصبر محمود على كل ماجرى
الا الى ادى الى ذل صاحبه
عثمان:الصبر طيب دون ياسٍ من الفتى
واللي بقلبه دين صبره ركايبه
الخلاوي:قـولوا لـبـيـت الـفـقـر لايـامن الغـنـا
وبـيــت الغـنى لايامن الفـقـر) جانبه)
ولايامـن الـمضهـود قــوم تـعـزه
ولايـامن الجـمع الـعـزيـز( لمصايبه)
فما بين غمضة مقلة وانتباهه
فلا يندرى من أين تذوي هبايبه
عثمان:دنيا تقلّب ما عليها دليله
والعاقل اللي والم لكل نايبه
كم ليلةٍ بالحزن فرجت مع الفجر
وكم ليلة بالسعد بالفجر قالبه
الخلاوي:وللجار حق قاله الله في السماء
وللجار أدى صفوة الله واجبه
عثمان:اليوم جارك اقرب الناس حولك
تلقاه في لحظه على اخوك صاعبه
الخلاوي:ولاتــتقـي فـي خــصــلـة مالهـا ذرا
ولاتـنــزل الا عـنـد (مفّل ركايبه)
عثمان:ذراك هالأيام قرشك وجاهك
و (واوٍ) تخلي حجتك دوم غالبه
الخلاوي:ولاتـسـفه الـمنـيـوب لاجـاك عاني
ايـاك (ووعودٍ مع الوقت كاذبه)
عثمان:ولا تصير ضفعه كل يلعب عليها
تكفل خسيس ثم تدفع ضرايبه
الخلاوي:ومن عاب شخص قبل يبصر بنفسه
يرى فيه ما لا ينحصر من معايبه
عثمان:فكلٍ به عيوبه ولا فيه كامل
الا اله العرش مجري سحايبه
الخلاوي:
وترى شور من لا يستشيرونه الملا
شمعة نهار في ضياء الشمس ذايبه
فالبير مايدري بها الا دليلة
وخيار من ينبيك بالبير شاربه
وفي الراي يا مشكاي خمس تعجل
ونقص تأخرها تلاقي ضرايبه
الجد والتزويج والحرب للعداء
والفرض والقرض الذي في نوايبه
عثمان:النصح واجب دون ادنى مضره
لا صار خلك يشتكي من مصايبه
والعلم وفرّ كل نصح تريده
في "النت" تلقى ما تبي من عجايبه
بعض التعجل مورثٍ للندامه
وخصوص في التزويج والنفس طالبه
لكن وش اللي تنصحه يالخلاوي
بين النساء ما دمت بالراي صايبه
الخلاوي:لاتاخـذ الهـزلا علــشان مالهـا
ولاتــقــتـبـس من نارهــا (او لهايبه)
لاتـاخـذ الا بـنت قـوم حميـده
عـسـى ولدهـا (يكف عنك مصايبه)
فاختص عفرا شارق الشمس خدها
وتغني عن القنديل ماالشمس غايبه
خدً وقدً واعتدال وقامه
وردفٍ طوى للثوب سبحان ناجبه
ليلٍ مقفاها وصبحٍ iiقبالها
ومن كل دل زاهي الزين جالبه
لعوب كعوب جل من صاغ وصفها
تثنى وحال الشد ياصاح جايبه
در نفيس منتقى كل منتقي
كالدانة الصفراء لدى الرأي ناجبه
وترى سيد الاحكام ماكان مرتضى
ومن يرتضي شيئ ويهواه( صايبه )
عثمان:نصف الشباب اليوم ببلا وظيفه
وبناتنا عنس ترى النفس طايبه
وش لون يتشرط فقير ومعدم
لا من لقى له "ابلة" الخير جالبه
مادامت القاضي وترضى لنفسها
ياحسين ارجسها ترى الوضع سايبه
الختام:عزّ الله إنّك يالخلاوي مجرب
واللي ذكرته يكشف اسرار غايبه
هذا كلام الحرّ من نسل يعرب
وأصل الرجل طبعه يوضّح صلايبه
وما قلت قبلك قاله رجال ودّعوا
زهير بن سلمى قد مشيت بركايبه
لكن ترى ما كل ماقلت نافع
بوقتٍ قلب والناس تشكي لهايبه
مشكور راشد رحلة اليوم وانتهت
مقبول بالفردوس تسعى برحايبه

[نــجــم]

قصيدة سريت ابليل

سريت بليل مدري بـه علـيّ وطـوّل المشـوار
ابي شرق وخذانـي الـدرب مـدري باتجاهاتـي
وطال الدرب والغربه على مـن يجهـل الأسفـار
ادوّر خطـوةٍ تـاهـت تخاويـنـي بمتاهـاتـي
واحاول اقنـع ايامـي تساعدنـي علـى الأقـدار
لعـل الليـل يتكـرم ويـأذن للفـجـر يـأتـي
مشيت وحفيـت اقدامـي ولا حسّيـت بالصبـار
يجرح ورد خـد الصبـر ويوقـظ نايـم اشتاتـي
عطش نشّف شفاه الصمت واحرق باللضى الأطيار
تنادي من يساعدها ولـو فـي بعـض دعواتـي
سألت الله يجيب المـزن تطفـي لاهـبٍ كالنـار
شكت منه القلـوب اللـي تعيـش بمثـل آهاتـي
سحابه عجلةٍ تمطر وتنبت فـي القلـوب ازهـار
وتنعش قلبـي الظامـي بعـد طـول المسافاتـي
وانا واليـأس قدّامـي يحاربنـي بكـل اصـرار
ولا صـوتٍ ينادينـي ويحيـي ميّـت رفـاتـي
من الروعه ارتبك قلبي وانا اللـي ثابـتٍ جبّـار
حقيقي مـا اسمعـه والاّ خيـالٍ مـن خيالاتـي
نظرت وشفت لي ريـمٍ جفـولٍ يطمـر الأشجـار
الا ياسـرع مـا وقـف معـه قلبـي وخفقاتـي
الا يـا طرفهـا القاتـل دخيلـك لا تـدوّر ثـار
انا مقدر علـى سحـر العيـون يشـلّ خطواتـي
خطتني الطلقة الاولـى ومـرت كنهـا إعصـار
رمتنـي الثانيـة حسّيـت شـئ بعثـر لْـذاتـي
رفعت الرآية البيضا ونـا مسبـوه باللـي صـار
خذتها وكتفـت قلبـي علـى نغمـات نبضاتـي
" من أنت ، ووين متوجّه ، تكلّم ما ابي إنكـار"
"وش اللي ادخلك جوّي بلا استئـذان يالآتـي"
تهدننـي بنظـراتٍ تشـع السـحـر والإبـهـار
وتطلـب منـي اتبعهـا ولا اثيـر السـؤالاتـي
مشينا وين.. ما ادري ..ووصلنا بآخر المشـوار
لخيمـه مـن ورق صبـار لا عمـد وأساساتـي
وحورٍ كالدرر تخطـف فـؤاد العاشـق المحتـار
يضيع القلـب مايـدري رسـوّه بـأيّ ميناتـي
حقيقه او خيال اللـي اشوفـه اوعمـى ابصـار
يحيطنّـي بـنـاتٍ كلـهـن بالـزيـن آيـاتـي
وش اللي بس جمّعهن بخيمـه مـا تـردّ غْبـار
ولاحدٍ حولهن يحـرس بصحـرا جوّهـا عاتـي
ادقق في عيون الحـور ابفهـم خافـي الأسـرار
ولاقـي دمعـةٍ نشفـت لهـا أيـام وسنـواتـي
تنقل بينهن في صمـت وتعطـي للفهـم إشعـار
اسيـراتٍ ولـو ضحكـن ولايحـتـاج اثبـاتـي
وعجوزٍ تمتطي صهوة حصان الكـره والإجبـار
ومعها سوط من شافـه عطاهـا اجمـل تحياتـي
رقيقاتٍ لهـا يمشـن علـى دربٍ لهـن تختـار
وحتـى فـي دروب العهـر او خـون الأماناتـي
اطالعها وشـوف جيـوش جـراره مـن التتـار
تحيـط بخيمـةٍ ماتسـتـر افـخـاذ البنيـاتـي
عطتهن امر تكفينـي بعـد غسلـي مـن التيّـار
فانـا فـي رأيهـا خطـرٍ عليهـا والأسيراتـي
ونخله يابسـه بالـدرب عطتنـي للأمـل تذكـار
وقالت لا تخـاف الله معـك فـي كـل لحظاتـي
ولكني انـا مكتّـف وش الدبـره تـرى محتـار
نـون غسلـي وتكفينـي ولا تنفـع حيـالاتـي
ومثلـك يابسـه مافيـك لا فـودٍ ولا اضــرار
لهذا بـس ادعـي لـي ونـا بدعـي بدعواتـي
الا يالله تفرجـهـا الا يـاعـالـم الأســـرار
تعرف اللي نـوت فينـي العجـوز وكـل نياتـي
وانا ادعي وهي تدعي ولا غيـمٍ نشـا باعصـار
وبـرق لاح بالدنيـا عـلـى كــل اتجاهـاتـي
حرق ذيك العجوز وخيلهـا والسـوط والبسطـار
وصاحـن كلهـن فرحـه بعـد طـول المعاناتـي
فلا من قـوةٍ تبقـى ولا تطغـى علـى الجبّـار
اذا مـن اصـدر لأمـره تجاوبـه السمـاوتـي

[نــجــم]

قصيدة داخلي بركان

داخـلــي بـركــان مــن كـثــر الـقــهــر
يـخــفــي الألام فـــي قــلــب كـســيــر
فــي صـراعــه عـايــش طــول الـعــمــر
مـبـدأه واضــح عـلــى الـمـلّــه يـسـيــر
مــؤمــن بالله لــــو حــظـــه عــثـــر
فــي زمــان الـــذل لا ديـــن وضـمــيــر
لـغـيـر ربــه مــا خـضــع يــوم لـبـشــر
صـعـب يـحـنـي الـرأس لـو يـخـسـر كـثـيـر
قــانــع بــالـــرزق ان قــــل وكــثـــر
نــوره الإســـلام فـــي دربـــه يـســيــر
يـرفـض الـتـطـبـيــع لــو تــاه بـبـحــر
فــي زمــانٍ انـقـلــب واصـبــح خـطـيــر
عــارف عـمــره ولـــو طـــال وقــصــر
الـنـهـايــة واضـحــه بـــرد وسـعــيــر
داخـلــه إيـمــان يـحـكــمــه ابـفــخــر
مـا حـكـمـه إبـلـيـس لـو وقـتـه عـسـيــر
طـايــع الـرحـمــن فــي نــهــي وأمـــر
خـالــق الإنـســان مــن شــيء حـقــيــر
أنــشــي الأجــيــال وآخـــذ بــالــحــذر
وأغـرس الآمـال فــي طـفـلــي الـصـغـيــر
كــود بـعــدي يـفـتـهــم يـرمــي حـجــر
يـعـكـر الـتـيـار فــي الـوحــل الـكـبـيــر
عــل بـعــض الـنــاس يـقــرا لـلـخـبــر
يـنـتـبــه لـلأمــر فــي فـعــل يـسـيــر
يـعــرف أن الــوضــع دحـــدر وانــحــدر
كــل واحــد مـــا درى ويــنــه يـســيــر
وضـعـنــا يــا نــاس لــو كـنــا بــشــر
يـفـهـه مـخـتــل عـقـلــه لــو صـغـيــر
كـلــنــا عــايــش خــيــال أو صــــور
مـيـتــيــن بــــدون روح أو ضــمــيــر
مــا تـفـكّــرنــا بـمــاضــي أو عــبــر
ولا فـهـمـنــا زيــف حـاضــر وتـخــديــر
ولا اخـذنــا بـالـحــذر مـقــبــل خــطــر
يـنـسـف الـحـاضـر ولا نــدري الـمـصـيــر
يـا هـل الـتـوحـيــد مــن بـحــر لـبـحــر
يــا هــل الـبـتــرول والـثــوب الـحـريــر
اكـتـفــوا بـالـنــوم شـوفــوا بـالـنـظــر
وضـعـكــم خـطــرٍ ولا مــنّــه مـطــيــر
ارجــعــوا لــلــه تـلــقــون الـظــفــر
مـن خـلـق هـالـكـون فـي خـلـقـه خـبـيــر

[نــجــم]

قصيدة أي معنى للحضاره

خـبّـرونـي أي مـعـنــى لـلـحـضـاره
طالمـا الإنـسـان مــن اجــل التـجـاره
يقتل الإنسان لا حسّ وضميـر
مـا حصـل هــذا ولا بعـصـر الحـجـاره
يــوم كــلٍ مالـقـى حـتــى دثـــاره
كيف يحصل والعقل اصبح كبير
اي جــرمٍ مـدعـيـن الـسـلـم تـــاره
تحرقـون الكـون تسـعـوا فــي دمــاره
يمسي الإنسان لايدري المصيـر
أي غـابــه تحـكـمـوهـا بـالـخـفـاره
قـمـة الإجــرام فــي ثــوب الطـهـاره
رقعة الشطرنج في يد الحقيـر
اي حــق إنـسـان زيّـفـتـوا شـعــاره
كــم خدعـتـونـا بتنـمـيـق الـعـبـاره
والنتيجة ما تبـي فكـر خبيـر
هـكـذا الـغـرب بـنـى كــل ازدهــاره
مـن دمـاء مـن صـار يحكمـهـم بـنـاره
ومن يعارض قال ارهابي خطير
كـل هـمـه كـيـف ينـعـم فــي ديــاره
في رخـاء فـي أمـن مـا يخشـى انحسـاره
والبقيّه لو يعيشوا فـي سعيـر
يحلـب الأبـقـار مــا يبـقـي عـصـاره
كلـهـا بـالـكـون مـلـكـه واحـتـكـاره
يسرق الثروات لايبقـي نقيـر
ولـو بقـى معهـم ولـو بعـض الـطـراره
يشتـريـهـا بـالـشـراب وبـالـدعــاره
يغري الجاهل ومن عقله صغير
فـرق الرعيـان فــي خـبـث وشـطـاره
فـلا امـانٍ بـيـن جــار وبـيـن جــاره
دامه القاضي فتعس المستجيـر
لـكــن الأيـــام حـبـلـى بــالإثــاره
والـزمـن دوّار دايــر فـــي مـــداره
كل طاغي ينتهي مهما يصيـر
دام بـاقـي طـفـل فــي يــدّه حـجـاره
تشتكـي لــه مـاجـرى لــو بـالإشـاره
تنطلق من يده صاروخٍ يطيـر
تبـعـث الآمــال تـوضــي كـالـشـراره
فـي طريـق الصمـت تنفـض عـن غبـاره
فالنصر آتٍ ولو طال المسيـر

[نــجــم]

قصيدة اشكي عليك الحال

اشكي عليك الحال يامـن تجنّـا
خطرٍ على قلبي يجيـه الجنانـا
ضحكت لك الدنيا بعيـنٍ وسنّـا
وطعنتنـي بالهجـر لا باسنانـا
غيرك فلا حبيـت إنـسٍ وجنّـا
يفز قلبـي لـك إذا قيـل جانـا
دايم اسولـف بـك ودوم اتغنّـا
لكن قلبـك رافـضٍ مـا بغانـا
ما ودي أذكر كيف في يوم كنّـا
ولا لي بهرجٍ في زمن يوم كانـا
حبـك بقلبـي مـا يقـدّر بينّـا
ولو ينوزن بالكون يرجح عيانـا
أنتي غديتي سهيل صعب يدنّـا
وصعبٍ يحاكم بالهوى او يدانـا
ان كان حبك عن تغنـي وفنّـا
فحبي صدوق دوم فيـك يتفانـا
قلبي علـى فرقـاك يامـا تعنّـا
وانتي ولا انتي داريه عن عنانا
عندي أمل ما خاب في يوم ظنّـا
يمكن تعودي تطفي اللي لضانـا
محد يبي الهجران لا انتي ولا انّا
لكن قلبك مـا عـرف للملانـا
ونـا قليبـي كـل يـوم يتمنّـا
شوفتك يالغالـي وغايـة منانـا
ودي تجي ياحـب عـل انتهنّـا
ونعوض اللي بالوقت ما هنانـا
خلك عجل يا حـب ليّـا تونّـا
خوف القدر يمضي اذا من توانا
ومن يبتعد عنا فلا هـوب منّـا
نلقى بديلـه دام يبغـى جفانـا

[نــجــم]

قصيدة ابتدت لعبة الشطرنج
ابتدت لعبة الشطرّنج وين الفطين
ينتبـه للمعلـم خطوتـه طايـلـه
لو تحرّك شمالٍ فنـاويٍ لليميـن
ولو يهدد بليلـه نـاوي القايلـه
وان تحرّك بفيله يرعب الحاضرين
جامحٍ بالحصـان لقلعـه امذايلـه
كل هالارض صارت ملعبه يامعين
مستمرٍ بجرمـه والحقـد شايلـه
كل قلعه خذاها تشتكي فـي أنيـن
ما لقت لو حروفٍ في الملا صايله
والمشجع يشجّع والبعض خادرين
والبقية جمـوعٍ حولهـا ضايلـه
وحد خايف ودايم في كلامه رزين
وحد مصدوم منها صدمـةٍ هايلـه
وحد فرصته يشمت يكسب الغالبين
وحد دايم ينافق ما اكثـر محايلـه
وحد مسبط بحقدٍ خايفٍ لا يبيـن
والبعض وسط قلبه طعنـة جايلـه
يازمان التخاذل بين طين وعجين
في اذان تصيقه ماتـب مسايلـه
ياشعوب التمسح بالزمان المهيـن
كلكم في المصالح تلتقـوا عايلـه
كيف نهنا بوقتٍ والغجر عابثيـن
ما حسبنا حساب لخنقـة الغايلـه
كل واحد يظن العز يبقـى سنيـن
ما درى إنّه بيـومٍ نعمتـه زايلـه
يالله اني دخيلك سامـع السائليـن
تنصر الديـن تنقـذ امـةٍ مايلـه

[نــجــم]

قصيدة قال الوداع
قال الـوداع وقلـت مافيـه داعـي
حنا انتهينا وانكشف كـل مستـور
كنت الوهم فـي دنيتـي باقتناعـي
وكنت السراب اطرده ما طعت للشور
في بحر حبك انتهى بـي شراعـي
ولقيتنـي تايـه بليـلٍ بـلا نـور
موجك خذاني ما دريـت بضياعـي
حتى رماني بين شعبـان وصخـور
قمت انتخي وابذل جميع المساعـي
واثرك بعيد ولا تبي صوت مكسـور
احيان اقول إنك تمـارس خداعـي
واحيان اقول إنك على الحب مجبور
ودي تفهّـم بالعقـل كـان واعـي
للحـب قانـونٍ وشـرعٍ ودستـور
خالفتهـا وعينـك عليهـا تراعـي
ومن كان ذا مبداه في الحب مغرور
ان كان تبغى الحق حبـك صناعـي
ولا ينبني بيتٍ على ساس مخطـور
احسن لي انسى حسرتي والتياعـي
وانسى حبيبٍ طالنـي منّـه الجـور
رح فـي امـان الله هـذا وداعـي
حتى ولو شفت الأذى منك مشكـور

[نــجــم]

قصيدة عن العنوسه
يقولون العنوسه زايده فـي مجتمعنـا اليـوم
واقول إنّ السبب واضح جهل.. في كل تركيبه
بنات اليوم في الغالب بنعمه ما يبـنّ همـوم
يبن رجّال يتفصّـل وخالـي مـن عذاريبـه
يبن زود الدلال وبيت عـزٍّ مالحقـه اللـوم
وزوجٍ غافـلٍ طيّـب وقايـم فـي مواجيبـه
فبعضٍ ما يحسّب للعمر يجري إلى المرسـوم
تلاقي نفسهـا واليـاس تفرسهـا مخاليبـه
وبعضٍ من كثر ما تسمعه تصبح كما المحموم
تخاف من الفشل يقبل عليهـا فـي جلاليبـه
وبعضٍ ينضحك في عقلها من ثعلبٍ مشـؤوم
يعلّقهـا ولا تـدري بصدقـه مـن اكاذيبـه
والى من اكثرت لطم النصيب وصدت المقسوم
فصك الباب يا ابوها عسى تلقى لهـا شيبـه
جميل الورد لا منّه ذبل فـي ريحتـه كالثـوم
وبنتٍ جاوزت سنّ الزواج اتحـسّ بالخيبـه
تروح الأم والشيبه الـى دربٍ لهـم محتـوم
ومعهم ظلها اللي في هجير الوقت تمشي بـه
بوقتٍ فيه ما ينفع شقيـقٍ كـان كالمرحـوم
تلاقي عقـربٍ عنـده تغيّـر مـن اساليبـه
وحنّا "بمجتمع رجّال" دوره واضـحٍ محسـوم
بيده الأمـر والسلطـه بترغيبـه وترهيبـه
بلا رجال فالحرمه ببحره مـا تعـرف العـوم
وحوشه حولها ترقب ولا حطـت لهـا هيبـه
قبل ما تذبل الورده ابوهـا بالأمـر ملـزوم
ولو زعلت مرور الوقت ترضيهـا اعاجيبـه
الى من كبروا الأطفال صاروا في سماها نجوم
تشوف العز بعد الصبر لو تشكـي لواهيبـه

[نــجــم]

قصيدة يا قصيدي انسرقت
ياقصيدي انسرقت ولا بقـى منّـك بقيّـه
وصرت اطارد بالنوادي مثل من ضيّع جنينه
من نشيط ليد نشيطٍ بيـن جهـلٍ او حميّـه
وكلّما امسك حرامي قالوا احـذر لاتهينـه
اللطش ماهوب سرقه وانت خاسر للقضيّـه
اعتذر له علّ يسمح فاتهامـك مـا يدينـه
يا عرب وش لون هذا من طلب حقّه اذيّـه
وين دين الله فيكم ووين شـرعٍ عارفينـه
كل من يلطش حرامي فالعباره هيّـه هيّـه
وسارق الدينار تقطع يـده ..ولاّ جاهلينـه
من سرق ماهوب مؤمن .. قايله خير البريّه
ومن لطشني ما ابيحه وادعي الله ما يعينـه
وادعي ان الله يشلّه بالرباعي ميّـه ميّـه
طايحٍ بالأرض خرقه والدمع يجري بعينـه
ولو لقيته في القيامه وحالته تصعب عليّـه
قلت ياربي سرقني حتى اشعاري الحزينـه
يا الحرامي افتهم لي واستمع نصحي هديّـه
حتى لو حطوك شاعر فالشعر عندك رطينه
تخدع لنفسك وغيرك وتتبع النفس الرديّـه
وتنكشف في أي لحظه والفشيله لك قرينـه
هذا من غير العقوبه .. فالله اعلم بالخفيّـه
يالحرامي تب لربّك واتـرك دروبٍ مشينـه

[نــجــم]

قصيدة انا وشعر الغزل
يقول البعض وين الغزل بالشعر يافلان
واقول الغزل ما حتاج شعري لتسويقه
انا الشاعرٍ اللي ضاع عمره مع القيفان
وزمان الغزل والحب ولّـت طواريقـه
فهذا زمان الفكـر والنصـح للعربـان
فلاني بشعري مـن يغـرر مخاليقـه
اقدّم نصيحة من حياتـي بـلا أثمـان
بدينٍ وعلـمٍٍٍ صـادقٍ مـن مواثيقـه
اعالج مشاكل ظاهره في زمن خربـان
ووجّه صغيـر السـن والنايـم افيقـه
وقصيد المحبة يكتبـه واحـدٍ هيمـان
ونا ثابتٍ لـو انطلـق مـع مطاليقـه
ويقولون مثّل بالهوى واكتب الا لحان
ونا مااعرف التمثل ولا لـي بتلفيقـه
ترى الناس ملت من "أحبك" ونا ولهان
تبي اللي يطلّع همهـا مـن صناديقـه
تبي من يعبّر عن مشاعر وعن أحزان
وعن وضع يجلب للملا الهم والضيقـه
تبي حر ما يخشى سوى الواحد الديّان
يقول الصراحه ويرجـي الله توفيقـه
وهذا طريقي ما أبي شكر أو عرفـان
ومن قال ما يصلح فلا احتاج تصديقـه

[نــجــم]

قصيدة يا رجال العز
يا رجال العزّ يـا أهـل الشيّـم
يا تميم الفخر يا نعـم الرجـال
القبيلـه تنتظـر رفـع العـلـم
بالفعل لا القول في درب النضال
أنتم السادات واصحـاب القيّـم
والمجد من صنعكم وقت النـزال
هالزمـن سيفـه تبـدّل بالقلـم
بالعقل وحـده نحقـق للمحـال
ما يعوق الحر في دربـه رخـم
لو فتـل بالمكـر آلاف الحبـال
الفتل ينقض ويفشل مـن بـرم
مسكن الشيهان في روس الجبال
ومن رضى بالدون عايش كالبهم
يفترسه الذيب في كـل الحـوال
والصقر لـولا جناحينـه جثـم
مطمـعٍ للذيـخ مثلـه كالغـزال
بالتعاضد تاصلوا فـوق القمـم
وترفعوا راس القبيله لا جـدال
ينحسب لحسابكـم بيـن الأمـم
لا لقوكم قلـب واحـد بالفعـال
ما بنـاه جدودكـم منـذ القـدم
اكملوه اليوم .. كلٍ فـي مجـال
ومن وصل منكم إلى عال الشمم
دون ربعه مايطول بـه المطـال
وجودهم عـزٍّ وهيبـه لا لـزم
فقرّبوهم وارتكوا تلقـوا جمـال
قلب واحد عزم واحد في الهمـم
تستعيدوا المجد يا عزّ الرجـال

[نــجــم]

قصيدة الفاتنة والضرير
وقفّت تشحذ وقالـت لـي تعـال
مهرة تمشي تقود الهـا ضريـر
قلت حاضر ، آمري ويش السؤال
قالـت الله يرزقـك رزق كثيـر
لو تصدّق ، كان عندك زود مال
حالنا صعبة على القلـب الكبيـر
وانظر الشايب ،وطالع في الخيال
شايب عايب ، وحسبنـه كسيـر
قلت ، يسمع ، قاللي يابن الحلال
كان ما تعطي توكل بالـف خيـر
قلت له ، أبشر ، تفضل للظـلال
خل نتقهوى ، وما تبغي يصيـر
وخذتهم للبيت ، ووصيت العيـال
وما دروا بالسر طايل لو قصيـر
وجتني الحرمه ، وقالت بالعجـال
البنيّه باكيـه ، ترفـض تسيـر
قلت يا بنيّه ، أبي هرج العـدال
قالت ، إن الامر يا خالي خطيـر
هذا زوج أمي ، وزودني هبـال
ولا لي غير الله عوين أو نصير
امي اتوفت ، وورثني تقل مـال
اخدمه واشحذ معه مالي مصيـر
ضافني ويّاه فـي الدفتـر وقـال
صرتي من هالوقت بنتي والنظير
بالنهار اشحذ ، ويسكـر بالليـال
وان بغيت انهاه ، شره مستطير
ومن تقدّم لي طرده بكـل حـال
ما يبيني اتركـه وقـتٍ يسيـر
قلت انا لا باس ، حلّي ما يقـال
يا صلك علمي إذا شـاء القديـر
قومي يا بنتي ، ولو حملك جبال
تنفرج فالصبـر حـلال العسيـر
وبعد بحثٍ في تمهـل واعتـدال
التقيـت بعمّهـا ، عـود كبيـر
طول عمره في نـزول وارتحـال
ظنها ماتت وهي طفـلٍ صغيـر
وعدّلت اوراقها باقصى العجـال
وزوجت بالحال من كفـو نظيـر
والعمى اتوفى، عسى حسن المآل
يغفـر الله زلتـه يـوم النفيـر

[نــجــم]

قصيدة يا بوش لاتفرح
يابوش لا تفـرح بطيـرٍ ختلتـوه
لو كان في وعيّه فتـك بالجنـودي
رشيتـوا الغـازات يـومٍ جفلتـوه
ولمّا سرى التخدير صرتوا فهودي
ان كانه اخطا ..جرمكم لو جهلتوه
كل الشرايع حكمهـا فيـه قـودي
من شجّعه بالحرب وانتـم كفلتـوه
ضدّ الخمينـي بالعتـاد ونقـودي
ومن غرّره يغزي كويـتٍ نزلتـوه
من شان تلقون العذر للحشـودي
تستعمـرون أيّـة بـلادٍ دخلتـوه
بالغصب ولاّ بالمكـر والوعـودي
سرّاقة الثـروات كلـش نشلتـوه
وش عاد خلّيتوا بعد من جهـودي
يا اجبن بشر لولا سـلاح جلبتـوه
يضرب غدر من عاليات الصعودي
ما كان هذا الوضع واللي وصلتوه
ولا كان من ذلٍّ نعيشـه عقـودي
نصبرعلى المكتوب واللي فعلتـوه
حتى يقوم الناس بعـد الرقـودي
حنّا دعـاة السلـم وانتـم قتلتـوه
كل الجرايـم باسمكـم بالوجـودي
تاريخكـم أسـود بـدمٍ غسلتـوه
من دمّر الأفغان خـان العهـودي
ومن أحرق اليابان عمداُ صليتـوه
ومنهو ذبح شعب العراق الصمودي
ومنهو حمى شارون وانتم فلتّـوه
يذبح ويحرق ما لقى في بـرودي
منهو ومنهو .. جرمكم لو سألتوه
أشّر على امريكـا بكـل البنـودي
ومهما رفعتوا من شعـارٍ ظلمتـوه
كله كذب ماله أسـاس ووجـودي
في موطنك كل التعنصـر قبلتـوه
والأرض حتى بالأصـل للهنـودي
يـا مدّعـي حـقّ الأوادم كفلتـوه
عطني حقوقي وابتعد عن حـدودي
وش لون تطلب حقّ وأنتم سلبتوه
وافقرتـو الأمّـه بحلـبٍ يـزودي
حتى السلاح اللي عليهـا حملتـوه
تدفع ثمن صنعه وهـي بالقيـودي
لو بعْضنا يمشي بـدربٍ عدلتـوه
يحمل بقلبه كـره حتـى النفـودي
بركاننا الخامد ترى لـو شعلتـوه
يقذف حمم في وجه خصمٍ لـدودي
أنتم تبون الجـاه بالمكـر طلتـوه
وحنّا نبي الجنـه بـدار الخلـودي
نسقيك من كاسٍ شربنـا مليتـوه
الله أكبـر فـوق كيـد الحقـودي
تاريخنا وان كان قصـدٍ غفلتـوه
فيه العبر لاهلك وكـل الضـدودي
حنّا صنعنا العلـم وانتـم نقلتـوه
يوم إنكم والجهـل فيكـم يسـودي
والوقت دوّارٍ علـى مـا غزلتـوه
من قبلكم كسرى خضـع للبنـودي
وان كان عزّ الروم يـومٍ سليتـوه
انهار من ضرب الرجال العـدودي
اعقل .. تفكّر.. كل جـرمٍ فعلتـوه
ما يوم ينسى فالخلايـق شهـودي
ان غرّتك قوّتْك واللـي وصلتـوه
ما طار طير إلاّ وقع في خمـودي
في يوم تتفكك ولـو مـا قبلتـوه
وتبدا رجوع لماضيـات العهـودي
أرجي من الله نصر ما يوم خلتـوه
ويعزّ دينه رغـم أنـف اليهـودي

[نــجــم]

قصيدة الشاعر والكيف
وقـف .. وقـل لــي هــل عـرفــت الـمـضــره
أو جـاهـلٍ بـالـلـي بــه الـخـلــق يـحـكــون
يـالـلــي تـظــن الـشِـعــر ابــداع خـمــره
والا حـشـيـشــه تـجـعــل الــراس مـــوزون
لا .. لا .. تـوهّــق واسـمــع الـيــوم فــكــره
لا تـنـخــدع بـالـكـيــف وان قـيــل مـامــون
قـبـلـك كـثـيـر ولا انـكـشــف يــوم سـتــره
إلا بـعــد مــا صــار كـالـعـبــد مــرهــون
لـو هـو عـطـاك الـهـرج فـي حـلــو سـهــره
تـتـصـدر الـجـلـسـة ويـسـمـعــك مـلـيــون
ولـــو صــفــق الـجـمــهــور لــلــه دره
ولـو قـربـك راس عـلــى الـشِـعــر مـفـتــون
ولـوّك مـلـكـت الـعـشـق بـيـضــه وسـمــره
وحـتــى ولــو ابـحــرت بـكـنــوز قـــارون
يـأتـيــك يــوم تـصـيــر لـلـنــاس عـبــره
ويـنـحـاش مـنـك الـلـي بـعـقـلـك يـغـنــون
اهـواك ، مــن لا ارقــاك ، فــي قــاع حـفــره
الـجـسـم ظـاهــر لـكــن الـعـقــل مـدفــون
تـطـفــى بـعــد شـهــره مـثــل أي جـمــره
وتْـعـيـش بـاقـي الـعـمـر بـالـحـيـل مـغـبـون
تـدفـع ثـمـن غـلـطـتــك فــي كــل حـســره
ومـن بـعـد مـنـت الـدايـن تـصـيــر مـديــون
يـسـخـر بـك الـحـاسـد ويـلـقــى الـمـســره
والـلـي صـديـقـك عـايــش الـهــم مـحــزون
مـثـلـك مـثـل مــن ضــاع فــي يــوم قــدره
صـكّـوا عـلـيـه شـهـار بـالـحـفـظ والـصــون
مــا لــه عــلاجٍ وانـتـهــى الـيــوم امـــره
هـو مـن حـفـر قـبـره مـع الـلــي يـحـفــرون
بـيـن الـجـنـون وبـيـن هـالـعـقــل شـعــره
الـكـيـف يـقـطـعـهـا وتـنـصــاب بـجـنــون

[نــجــم]

قصيدة حب
ودي مثل غيـري يجمّـد شعـوره
واكتب قصيد الحـب للـي يحبـون
واتـرك قصيـدٍ مبعـداتٍ بـحـوره
واساير التيّار فـي مـوج مضمـون
لكـن قلبـي مـا يطيـع المشـوره
مهما احاول مايبـي تقـل مشطـون
يحب داره فـي الغيـاب وحضـوره
ولوهو عطاها الروح لازال مديـون
دارٍ بناهـا الليـث حـره غـيـوره
دوله عظيمه سادهـا العـدل قانـون
لـو دارت الأفـلاك ملـيـون دوره
دار الفهد تبقى كما الشمس في الكون
حبي لهـا ماهـوب نـزوه وفـوره
ولاني مـن اللـي بالمحبـه يغنـون
تسكن بقلبي ما سكـه فـي جـذوره
حتى مع النبضات تجري على هـون
احبهـا والحـب عنـد الـضـروره
يفرض على العشاق ما تخفي شجون
وقلبي يحسسني بواضـح قصـوره
لو ما يحس بحالـة اللـي يعانـون
يضيق صـدري ويتكـدر سـروره
لا من دريت ببعـض ماهـم يكنـون
لا نيـب مظلـومٍ بقلبـي حــروره
ولا نيب جوعانٍ ولا نيـب مديـون
اخـذت مـن حلواتهـا والمـروره
وعرفت معنى الفقر واللي يجوعـون
فاضطر اكتب وانقل بصدق صـوره
عن واقعٍ منـه المساكيـن يشكـون
انخي صقورٍ في المواقـف غيـوره
معروفةٍ بالفعـل ..ماهـو يقولـون
تعرف اصيل الشعر مـا كـان دوره
مثل المرايه تعكس الشكـل واللـون
ينقل صور لاهل الفكـر والمشـوره
عن حالة اللي بالفقـر دوم مطحـون
من عاطل يشكي من الوقـت جـوره
ومن أرملـه بزرانهـا دوم يبكـون
وعن طالب محدٍ جبر فـي كسـوره
يحرم وغيره دون مجموع يمشـون
وعن اجنبي متستّـرٍ خلـف عـوره
يعطيـه الـف ويبلـع الاف مليـون
حتى المشافي ضفهـا فـي بحـوره
من دون تسعيره ولا فاتـح عيـون
يلعب على كيفه فـلا مـن خطـوره
ولا من شبع بيح من الحقد مكنـون
وعن فاسد من دون تدهـن سيـوره
لا شي يمشي لـو يوافـق لقانـون
وعن تاجر الممنوع ينشر شـروره
دمّر عبـاد الله مـن دون يـدرون
ومن حق داري نكشف اللي ستـوره
تثّر على مجـدٍ لـه رجـال يبنـون
ومن حقها تسمع حـروفٍ غيـوره
فحبٍّ بـلا غيـره تماثيـل ولحـون
واجمل ورود الحب وافضل زهـوره
إنك تحب بصدق في الحـب مفتـون

[نــجــم]

قصيدة يا بنت لايخدعك بالحب
يا بنت لا يخدعـك بالحـب كـذاب
يقول أحبـك بيـن كـل الملاييـن
ياروح روحي ادخلي واقفلي البـاب
في وسط قلبي واسكني بالشراييـن
ما لي بدرب الغي ما لي بالأحبـاب
ما دام عندي سيـد كـل المزاييـن
هرجه حلو ما لـوم قلبـك إذا ذاب
وهو الحصيني في ثيـاب المحبيـن
عنده صور وأرقام لو حطت كتـاب
دليـل فاضـح للبنـات المساكيـن
يقطف ورودٍ بين ما لـذ أو طـاب
هذي سواته دونما عقـل أو ديـن
ضايع وضيع كل بنت لهـا أحسـاب
حرة أصيله تايهـة فـي المياديـن
البنت وردة يوم تقطـف وتنصـاب
هشيم تصبح مـع خمـام البساتيـن
يجري بها التيار ما تحسب حسـاب
وفي الآخرة بالذل مكسـورة العيـن
يطمع بها الجرذي ولو ماله انيـاب
وتخاف من بعض السلق والكلابيـن
تعيش باقي العمر في خوف ورهاب
مشغولة بالنفـس مثـل المجانيـن
بنت العرب جرح الهوى يوم ما طاب
حذراك من درب الحصاني الملاعين
العقل سيفك فالعقل يوم مـا خـاب
والدين درعك في زمان الشياطيـن
والرجل سترك هو عمودك والاطناب
تخيّري حـر الصقـور الشياهيـن
لو هو فقير ، الفقر في يوم ما عاب
كم من غني تافـه فـي المضاميـن
ولا تهيني الحـر باللـوم وعتـاب
يطير مـن يـدك وصعـب ترديـن
الحر ينتج حر ، والبوم لـو طـاب
عنز ولو طـارت وفـل الجناحيـن
الحر في وقت الشدايـد لـه أنيـاب
سبع شجاع نظرته تحـرق العيـن
ووقت الرخى دوحه ظليلة ولو شاب
وسيـع صـدرٍ عـادل بالموازيـن
يتقاسم اللقمة معك ويش مـا جـاب
رزقه حـلالٍ لا طـرارة سلاطيـن

[نــجــم]

قصيدة عتب يوقظ حروف الصمت
تغيرتي مع الأيام وصرتـي ضمـن عدوانـي
اواجه مين والاّ مين/ هموم الوقت وإلا انتـي
كفاني من الزمن ظلمه/ كفاني منـك ماجانـي
تحطّم كل شي فينـي/ ولا تدريـن/ لاهنتـي
اطالع صورتي مدري/ اهي لي/ او لاحد ثاني
نحيل العود مجروح الفـؤاد وفيـه اثخنتـي
وهم والاّ حقيقه تبعدي وابقى علـى احزانـي
ولا غيرك سكن قلبي ومـن نبضـه تمكّنتـي
تعاهدنا فكيف العهد تلاشـى كـن مـا كانـي
ونا باقي عليه اطرد سرابك وين مـا كنتـي
حرام اللي يصير ولا دريتي ويـش اضنانـي
حرام إنك حرمتيني ولا لبعض العهد صنتـي
تنامي ما تحسين السهر والسهـد باوجانـي
افكـر وش حصـل حتـى بتعذيبـي تفننتـي
تركتيني مع النسيان اعانـي مـر حرمانـي
وسليتي ما كأنك عن يقيـن الحـب آمنتـي
انا ماعاد فيني حيـل تهـاوت كـل اركانـي
احاول انتهض مقدر مدامك بعـد مـا اذنتـي
تعالي نفهم اللي صار ونعرف منهـو الجانـي
تلاقـي قلبـي المتهـم بـريٍ ولا تفطنتـي
تعالي وامسحي جرحه بنبضة قلبـك الحانـي
تعود له الحياة ويبتسـم حظـه الـى لنتـي
عتب يوقظ حروف الصمت من اعماق وجداني
تكسّر في جدار الصدّ والإنقـاذ منـك انتـي

[يارا العامرية]

صح لســآنه .. ولآهنت يالنجم ..

[نــجــم]

يسعدني ويشرفني مرورك العطر

تقديري لكـ

[هوى روحي]

سسلمت يمناك ع روعة طرحك ..

الله يعطيك العـــــآفية ..
تقديري ,,


:m-64:

[نــجــم]

يسعدني ويشرفني مرورك العطر

تقديري لكـ

[دانــه]

صح لسان الشاعر ولاهنت يانجم ع الديووان الرااائع
يعطيك العافيه ...

[نــجــم]

يسعدني ويشرفني مرورك العطر

تقديري لكـ

[صعبة المنال]

نجم
أج ــمل وأرق باقات ورودى
لموضوعك الجميل وطرحك الرائع
صح لسان الشاعر وتسلم يمينك
كل الود والتقدير
دمت برضى من الرح ــمن
لك خالص احترامي وتقديري

[نــجــم]

يسعدني ويشرفني مرورك العطر

تقديري لكـ

[العنيــــدهـ]

لاهنت ع الاختيار الرائع
يعطيك العافيه
!..❥

[نــجــم]

يسعدني ويشرفني مرورك العطر

تقديري لكـ

[سلطانة]

http://www.halauae.com/uploads/images/alsaher-3814931317.gif

[نــجــم]

يسعدني ويشرفني مرورك العطر

تقديري لكـ