ديوان الشاعر الكبير سليمان بن شريم ( رحمه الله )

[نــجــم]

السلام عليكم ورحمة الله وبركاته


نسبه.حياته:
هـو سليمان بن ناصر بن شريم. يعود نسبه.الى قبيلة بني زيد المشهورة
في نجد.ولد سنة 1300هـ ، تعلم القرآن والحديث في بدايات شبابه حين بدأت
موهبته الشعرية بالظهور من خلال قصائد حماسيةافرزتها تلك الحقبة الزمنية الحافلة بالحوادث ،طرق شاعرنا غرض الغزل اضافة الى اغراض الشعر الأخرى الأمر الذي وفر له شهرة مبكرة تجاوزت إقليم نجد الى بعض دول الخليج وخصوصا قطر ، البحرين (حيث عمل في الغوص)، الكويت التي عاش فيها فترة من حياته ونال شهرة كبيرة ..خاصةً محاوراته مع شاعر الكويت الكبير
صقرالنصافي ، وغيره.وعندما عاد سليمان بن شريم الى نجد لم تطل به الحياة حيث توفي سنة 1363هـ بمدينة بريدة التي استقر فيها سنوات عمرة الاخيرة تاركا تراثا كبيرا لايقدر بثمن.عاش ابن شريم اول ونصف شبابه عازباً إذ لم يتزوج الا في سن متأخر.حيث انجب ابنه عبدالعزيز او عزيز بتشديد الياء كما يلقبه.
عاصر شاعرنا كلاً من شاعرالكويت الكبير صقر النصافي عبد الله بن سبيل ،عبد الله لويحان وكان له معهم طرائف ومطارحات شعرية.أتقن سليمان بن شريم لون المحاورة ونازل كبار الشعراء
.

[نــجــم]

هذه احدى قصائده حيث اجاد في الابتهال لله
والدعاء وطلب المساعدة من الله.






يا لله يـا فكـاك مـن حبـل الإدراك
ياللي عبيدك ترتجـي فضـل جـودك
تفرج لمنهو يرتجي فضـل حسنـاك
أنت الذي ما كـل شـيٍ(ن) يكـودك
ما نيب في رجوا حد(ن) غير رجواك
ولا راجيٍ(ن) زود(ن) يجي غير زودك
تلطف بحالي يا رجـا مـن ترجـاك
وانـك تساعدنـي بطيّـب سعـودك
انا الذي مستوجـب العفـو لرضـاك
وأنت الذي مضفي على الخلق جودك
إلى نويت العبد شيٍ(ن) مـن أشيـاك
سقت القدم به لين ياصـل وعـودك
نـدور فـي دور السعـادة بالافـلاك
وتبرني بـرة وعـد مـن وعـودك
أنت الذي مـا زاروا البيـت لـولاك
خوف ورجا ما حد(ن) تجاوز حدودك
ماهيب تحصـى منـك يالله عطايـاك
ومدتك مابه منـة(ن) مـن حسـودك

[نــجــم]

النصح والمعاناة:
ومن عيون شعره,هذه القصيدة التي قالها بعد ان تقدم
به العمر مخاطباً ابنه عبد العزيز ومشفقا عليه
من تقلب الزمان وناصحاً له في امور دينه ودنياه.






يا من لعيـنٍ فـي محاجيرهـا شـوك
والقلب بـه عـن لـذة النـوم دكـاك.
لا دك فـي قلبـي مـن الهـم داكـوك
جاوبـت طربـان الحمايـم والأديـاك
عزي لحالـك يـا عزيـز وأنـا أبـوك
كـان الزمـان اللـي وطانـي توطـاك
أمشـي وكنـي يـا عزيـز بتـابـوك
في حبس جبـارٍ تحـت حكـم الأتـراك
على عشيـرٍ دونـه البـاب مصكـوك
مـا غيـر أمـرّه وأتـعـداه مـنـاك
بابٍ وراه حـروس مـا هـو بمفكـوك
ومبـرزٍ دونــه مكـايـن وشـبـاك
وبقيت أنا في حضـرة الوقـت مملـوك
دولـة زمـانٍ بيـن جـاك وتـعـداك
إفهم وصاتـي. ياعزيـز!! وأنـا بـوك
دامـك صغيـر وغايـة العلـم يقـراك
تـراه مـا ينفعـك خالـك ولا أخـوك
لا صار مـا تقضـي لزومـك بيمنـاك
وربعك إلى بـان الخلـل فيـك عافـوك
أقرب قريبٍ لك مـن النـاس!! يشنـاك
إن كثر مالـك صدقـوا لـك وطاعـوك
وإن قل ما بيديـك شانـت سجايـاك!!
لو تطلب الماء عندهم كان ما أسقـوك
أبعـد مـزارك عـن وطنهـم ومربـاك
إن جـاد حظـك صدقـوا لـك وزاروك
وإن بار كلٍ مـا يبـي غيـر فرقـاك!!
وإلى اعترض لك من صروف النيا صوك
كـلٍ تبـرا منـك ماهـوب وإيــاك!!
وهراجة المجلـس إلـى جيـت وروك
منـازل تـطـرب نظـيـرك بدنـيـاك
وإلى قضـوا منـك اللـوازم وخلـوك
تفرقوا وأنـت احتمـل كـل مـا جـاك
كنـك سـراج البيـت للنـور شبـوك
وإلى قضى الوارد حـدا الربـع طفـاك
وإلا كمـا ليمونـة الحمـض مصـوك
وإلى قضى منه الطعـم فرغـوا لـذاك
واللي يجي من رفقتـه ريـب وشكـوك
إحذر عنـه ليـاك تصـدق بمسـراك!!
وإلى جفوك أهـل الوطـن واستخفـوك
قلّع غريسـك منـه وإهـدم ركايـاك!؟
تراك لو تنجع علـى الرجـل صعلـوك
أحسن من اللي تلتجـي لـه وياطـاك.
عطهم وضيايفهـم إلـى منهـم جـوك
وغلّـق ضميـرك لا تعلـم بقصيـاك .
وخدمتـك شيـخٍ كنـك العبـد مملـوك
يامرك فيما يشتهـي وأنـت ينهـاك .
إعـرف تـراك مبرقـعٍ منـه مشبـوك
حدّرك فـي حبـل المهالـك ولا أرقـاك
وإصحا.! لخـلان الرخـا لـو تغالـوك
اعرف ترى أطيبهم !!إلى احتجت يجفاك
كنك خـوي مقيـط دهـووك وأغـووك
وحقك عطاك رشـاك وأقفـى وخـلاك
وإحذر عن العيله. ترى الحـق مـدروك
مثـل العمـل يـدرك مـا منـه فكـاك
وإن كان عدوانك على الضيق حـدوك.
إخصـم طلابتهـم بعجفـاك. وقــداك
وإن كانهـم لمشـرّف الحـق ماشـوك
ناظـر. مطاليـع الفـرج قبـل مبـداك
وإن طوعوا شيطان الأنفـس وهانـوك
فاصبر على البلـوى ودفنـت رزايـاك
زرهـم تـراك إلـى توانـيـت زاروك
إما بديـت بصاحـب السـو يبـداك.!!
ما دامهم مـا طاوعـوا لـك وعرفـوك
إضرب على الكايد إلى عمست أريـاك.
لو هذبـوك مـن المصايـب وضـدوك
مـا يذبحونـك قبـل تدنـي منايـاك،
واحلم عن الجاهل ترى الحلـم مبـروك
وقم للضعيف اللي من الضيـم ينخـاك
وادمح خطا جيـران بيتـك إلـى أوذوك
ترى القصير وحرمـة الجـار بحمـاك
عطهم رواتـب حقهـم لـو تناسـوك
في كـل مـا يصلـح لدينـك ودنيـاك
وقم للضيوف إلى عنوا لـك وضافـوك
أغلـى كرامتهـم حجاجـك وبـشـراك
وإعرف ترى ما لك من الضيف مشروك
لولاه يطلـب حاجتـه فيـك مـا جـاك
وقم للرجـال إن ريعـوا لـك وحبـوك
واحشم خويك وأكرمـه عنـد ملفـاك .
وإلى اعتبرت بسيـرة النـاس كفـوك
مـا كثـر مـن شـي تعبتـه وعنـاك
ولا تبـات بهـم دنـيـاك مضـنـوك
ما طاب لك مـا دام لـك وإفتهـم ذاك
لو يطلبون إخفايك الناس مـا أخفـوك
والرجل مثل النجم فـي كـل الأفـلاك.
وصـلاة ربـي عـد الأوراق والشـوك
مـا نـاض بـراقٍ ومـا هـل سفـاك
على الذي مـا فيـه ريـبٍ ولا شكـوك
محـمـدٍ مــا دك بالقـلـب دكــاك

[نــجــم]

هذه مجموعه منوعه من أشعاره:






البارحـة مـا طبـق الجفـن بالعـيـن
ولا مسها جفن العنا كـود بـا رمـاش
سهـرت عيونـي والمخاليـق نيمـيـن
من واهج(ن) باقصى الحشى حرق الجاش
عزي لمـن مثلـي تجـلا مـن الديـن
خـلا حـلالـه للديايـيـن وانـحـاش
قعدت حسرٍ(ن) فـي بـلاد ابـو عينيـن
الكيس خالـي والبحـر مابـه عـراش
يا راكبٍ(ن) حمـرًا بهـا جملـة الزيـن
بـد الشـداد لكورهـا مـا بعـد نـاش
ما مونةٍ (ن)تمشي على العسـر والليـن
والعصـر ممشاهـا ورا هـاك الاوراش
صبح الثمـان تنـوخ العصـر بالعيـن
تعبانةٍ (ن) من عقـب مسـرا ومغبـاش
سقهـا وقلطهـا علـى الربـع الاثنيـن
الكل منهـم كفـه الطيـب قـد حـاش
ماهو حدث لا قيـل نعـمٍ)ن) بالاخويـن
ورث(ن) لهم ماجاهـم المـدح ببـلاش
من شايبٍ (ن) مـا عـظ بـد القريبيـن
ولاهـوب لوجيـه المواليـن خـمـاش
خوفوا من الله يـوم عـرض الموازيـن
برسالةٍ (ن) منها اقبل الـزاد واعتـاش
زبـدة كلامـي مـع ذلـول المعنـيـن
وارجـي مراديـده مـع ادنـاة طـراش

[نــجــم]

البارحة ساهـر(ن) والدمـع يجـري
والقلب حـزن علـى فرقـى حبيبـه
كريـم يابـارق(ن) ينـوض حـدري
واللي سرى بالغـداري يقتـدي بـه
واليا ضرب وادي(ن) خـلاه يجـري
عسى طروش البوادي ترتـوي بـه
يا مدمج الساق حالـي منـك مبـري
بـري النجاجيـر عيدان(ن)صليبـه
ابو قـرون(ن) تغـذى بالشمطـري
مثـل السفايـف علـى كورالنجيبـه
ابو عيـون(ن) ليـا دلـت تخـزري
ترمي بالاسباب ويـل اللـي تصيبـه
ياليتنـي عـالـم بالغـيـب وادري
عن غض الانهاد من هو من نصيبه؟!
ان طاب لي طبت له والكـل يـدري
واليا تغلـي علينـا وش نبـي بـه
إن مت حطوا بدرب البيـض قبـري
تكفون حطوا علـى قبـري نصيبـه
يا من يرد الحبيـب و ياخـذ اجـري
قفـا بـلا سبـة (ن)ربـي حسيبـه
ما قدر الله علـى المخلـوق يجـري
والعبد لزمـاً تـرى ياخـذ نصيبـه
ياقو ما صابني.. يـا قـو صبـري
لعـل مـا صابنـي منـه يصيـبـه
يا الله طلبنـاك مغنـي كـل فقـري
كل(ن) على قـد حالـه تعتنـي بـه

[نــجــم]

سرى البارق اللي له زمانين مـا سـرى
صدوق المخايل بارقه يجـذب السـاري
على فرعـة الـوادي وسيلـه تحـدرى
تغني طيـور المـا علـى حايرالجـاري
مرامي غزال(ن) عقـب عرفـه تنكـرى
عليه الله أكبر كل مـا حـل لـه طـاري
برى الجرح منه ومني الجرح مـا بـرى
وهو يحسب انه يوم طال المـدى بـاري
نطحني يجر الثـوب حـدر المشجـرى
جميل المحاسن لاضخيم (ن)ولا عـاري
ابو لبةٍ(ن) مثل القمر ضـاح واسفـرى
ليا غابت القمـرا تقـدى بـه السـاري
ترى سلبة العاتق الـى صـد مـا درى
كما سلبة العرجون فى صفحـة الـذاري
صويب الهوى مسكين مشيه علـى ورى
ترى النقص فيه وحيله أقوى من الضاري

[نــجــم]

حيا الله اللى يغيب ويسـرع الـردة
اللـي يجينـي ليـا منـه تباطانـي
قلبـي يـوده و حالـي كنـه القـده
ودي بشوفه ودونه حـوم عقبانـي
يا صاحبي جارك الله ويش هاالصـده
مهوب حق(ن) تولعنـي و تنسانـي
ان كان عندك حكي بي خامل السـده
فانت المصدق وانا حقي وما جانـي
اهرج على ما تورى والبخـت بـده
لا تستحي يـا بعـد حـي وحيانـي
ترى حلاة الهـوى لا طالـت المـدة
مهوب يوم صديـق ويـوم قومانـي
وان كان ما انته مصافيني على الشدة
وقت الرخا واجد(ن) ربعي وخلانـي

[نــجــم]

هبي بريحه يا هبـوب الشمالـي
كود الجنوب ومطلع الشمس ينصاه
خان الزمـان بعشرتـه والتوالـي
وعزي لمن يصفق شماله بيمنـاه
عظيت بسرة شاهدي مـن هبالـي
وونيت ونه مـن نقـل داه بـرداه
فإن كان له بمواجهي مثل مالـي
والعلم ما بينـي وبينـه مناجـاه
وإلاّ تراني عنـه طـاوي حبالـي
يلقا وأنا القا واحـدن كنـه إيـاه
ماني بمن يتبع خفيـف الخيالـي
اليا تحدر بارقـه عفـت مرعـاه

[نــجــم]

كلٍ تهنا بنومـه عنـد مضنونـه
وانا عيوني طوال الليـل سهرانـه
ماجابت الورق اجيبه وابدع لحونه
ويذكر القلب الاقشر شوف خلانـه
ابا تصبر وقلبـي بـاح مكنونـه
لولا اتنهات قلبي ضـاع برهانـه
علي وليفٍ طعوس السر من دونه
بالسر جعل الحيا يزيـه بوطانـه
مايسمع القلب والله لـو تعذلونـه
مفتون قلبي بها والنفس طربانـه
العين ماهي بتشقي حـدن دونـه
وضيفانهن في ايديهن مالها خانـه
ياشق جيبي يوم الباص يمضونـه
ومن كل مايشتهي يشرون غرضانه
ومن فوق فرتٍ مع السكه يسوقونه
واللي يسوقه فهيم بقضب سكانـه
نهـار ثالـث ورعانـه يحاكونـه
وخلي يفرق علي ورعان جيرانـه

[نــجــم]

وقمة الابداع في الشعر هذه القصيدة ابجدي :





عز الله ان المواري بينة ميـر العـرب طـوس
ياكيـف ماتفهمـون الهـرج ياصمـان طوسـة
الهندسة ياغطييـن البصايـر تخلـف الـروس
تحط من بيـن راس الحـال والعمـان روسـه
منكوس منكوس عن درب الهوى ياقلب منكوس
لا ما حصل لك هواك من العرب فانت معكوسـه
وين انت وين انت ياللي تفتهم والطمس مطموس
طمس برمس لقيته بيـن الابجـدي والقموسـة
ثمان واربع وثنتين وثـلاث وخمـس وخمـوس
خمس التخاميس واربع ربع والخمس مخموسـه
الناس كل معه موسه وانا زنـدي بـلا مـوس
وان عودت للصمايل جبت لـك زنـدي وموسـه

[نــجــم]

قصيدة في مسلط بن ربيعان وهي من القصائد الوصفية الجميلة :






ياراكـب حمـرا براسـه سطـاره
حمرا من العيـرات نسـاع الازوار
حمرا وتقلـب عينهـا كالشـراره
ومن العيا فيها زعانيف واسطـار
دار الشيوخ اهل الشرف والامـاره
ادنا بالادنى كلهـم جبـر وكبـار
اولاد روق وكـل ثــار بـثـاره
ذروة محصن مشبعة برق الاطيـار
لا حل من بيـن الحفيفيـن غـاره
وتناقلت شهب القصص والدخن ثار
تورشحوا صفر سـوات السعـاره
ياطن حديد وفوقهن حـد واحـرار
سقها لابو سلطان وجـه الخيـاره
زبن الذليل الى هفت به على الدار
مسلط الى ثار الدخن مـن قـراره
الى تخالفـت العيـاز مـن الازوار

[نــجــم]

الا ياعيوني مايفيد النظـر والشـوف
تكافـي وكفـي لاتراعيـن ياعيونـي
تكافي كفاك مكايد الجـادل الغطـروف
ابو وجنة فيها اشهر الموت مقرونـي
انا اشوف شوفك واتمنى وانا مشغوف
من اللي سلب عقلي على غير قانوني
لحظني بعين كن فيها نمش وسيـوف
وقع مابكفي واختلط وانصفـق لونـي
اخذني جهار اكبر ضحى والعباد وقوف
انادي بصوتي والعرب تقل ماوحونـي
تبي ذبحتي ياريم وادي سكاكا الجـوف
حسيبي عليك مصرف الخلق والكونـي
تعرض غريب نازح عند ابو رفـروف
ورى دار قاره يقنب الذيب من دونـي
الا واعذابي منك ياضامـر السرجـوف
شبكني هواك وبيـح الحـب مكنونـي
الا ياظريف الطول انا ازهمك بالمعروف
بعد عونة الله منك انا برجي العونـي
دخيلك تلبي دعوة من ثـلاث حـروف
طرف ساعة افرح بها وانت ممنونـي
اريح ضمير بالهوى مولـع مشغـوف
مـن الله خلقنـي بالغناديـر مفتونـي

[نــجــم]

البارحـه ماذقـت ماذاقـو النـاس
مجمع ٍ بالصـدر هـم وهواجيـس
كني عليل مسهره ضرس الاضراس
والا فطيـم فاقـدٍ لـذة الـديـس
لادك في قلبي من الهـم هوجـاس
حطيت فوق النار زين المحاميـس
وحمست مايجلي عنا الهم وعماس
بنٍ من النيبار يجـلا الحواسيـس
يشبه خضاب منقشت زرق الالعاس
اللي تخضـب كفهـا بالقراطيـس
اسهر علي الدله وماصب بالكـاس
وتاخذ علي هجوس بقعا مراويـس
اسباب من عينه كما عين قرنـاس
عين الحرار من الوحوش القرانيس
تنهظت للجـول بالقفـر غطـاس
وعقب الطرب حطت عليهم نواعيس
لا وهنى من هرجه عقب الارمـاس
علي ظهور مرودمـات النسانيـس
هجن ٍ لفا من يم ديرة بنـي يـاس
بواطـن تزهـا جديـد الملابيـس
يشدن ريمٍ ذار من حـس الاونـاس
بيـدا بداويـه عليهـن عواسيـس
اخذلهن مع جلعـد الـدو مـرواس
من حس صفق مضوربات النواديس
يلفن علي كنها ضبـي الاطعـاس
عندي ولو تلبس ثيـابٍ هداريـس
وذاك لو يلبس جديـدات الالبـاس
كن الذهب فوقه نحـاس وتفاليـس
اهرجه عقب المغيبه مـن الـراس
ماهو بحبرٍ فوق صاف القراطيـس
واقول له ياصاحبي عدم الاجنـاس
خذ هرجة اللي ماهرجلك بتنجيـس
وياك تاخذ هرجة اشرار الانجـاس
اللي تودى الهرج مثـل الاباليـس
وصلاة ربي عـد ماصلـو النـاس
علي نبياً سيـس الحـق تسييـس

[نــجــم]

تسمعو مني غريب المثايل
دلايل ياوي والله دلايل
عن المجالس بين كل القبايل
من سمعها يجلس ضميره لمعناه

اقولها بعد ماقبل مشيبي
وبعيد شوفي قام يدني قريبي
ارجيك يالباري تمكن نصيبي
ياقابلٍ سوال عبده ونجواه


يالله ياوالي علي كل والي
يامخلصِ شرباك من كان مالي
ياللي علي سبع السماوات عالي
ياخيرٍ كل القبايل برجواه


بسئلك يالله يارافع الشان
تلطف بحالٍ من الوقت عمسان
اول شبابه فات ماجاه ورعان
ومادبر المولي علي العبد يرضاه


يارب تلطف بي علي قدر حالي
ترحم توالي شيبتي بالعيالي
اطرب الي صاحو أبيتي قبالي
والرزق عند اللي عبيده ترجاه


الرزق مكتوبٍ بعالي جبيني
لو طرت غير اللي كتب مايجيني
يارب ثبت خاطري باليقيني
وعن نزعت الشيطان والنفس مغراه


لين تكمل شيبتي مع الشبابي
وانا علي الراحه وكسب الثوابي
وعن دعوتي ماصك مولاي بابي
يالله يالمطلوب يالله يالله


وان جو علي هجنٍ بعيدٍ مداهم
عساي اباشرهم وقوم برضاهم
وابسط لهم كفي وعجل قراهم
تقفي نضاهم ماتهازلت بقراه


والجار جعلي ماغضبه دوم دامه
ولا يشتكي مني دروب الملامه
وإن قل ماله شلت عنه الغرامه
عساه مايشنا جنابي ولا اشناه


رفيقي الداني الي شفت حاله
اخشر ابمالي عيلتي مع عياله
جماعة السنه ودرب الشكاله
ونبينا اوصانابها من وصاياه


يالله عساني تابعٍ كل ماقال
وبحق ماحرمت سورة اقرا والانفال
عساك تهديني ماجي درب الاضلال
ياللي جميع الخلق يسعون لرضاه


انك علي دين الرسول تهديني
تجعل علي السنه والاسلام ديني
وتعمني في دعوة المسلميني
باكر نهار الحشر يوم المناجاه


يوم الجوارح يشهدلك بماصار
تشهد علي ماصار من غير تغيار
في ماقفٍ ماتنفعك فيه الاعذار
الا عملك مقيدٍ لك وتقراه


مكتوب لك باللوح يقرا وتوحيه
عملك كان هو طاب تاتي حواليه
ويسر حالك يوم يصدع بما فيه
وتندم علي انك زايده يوم مبداه


حتي تصير بمنزل الخيريني
اهل التقى والزهد والصالحيني
اللي بدار الخلد مستانسيني
هو منزل اللي راضين عنه مولاه


دارٍ بها كل الابد في كرامه
مخلدٍ معاد فيها غيامه
ومع الصراط ان جاء وراح بسلامه
وبان الفرح به بعد يبست شفاياه


شاف القصور العاليه والمباني
امزخرفه وترابها الزعفراني
وللحور تنظر كاسبين الحساني
كلٍ تخير زوجته وهي تنصاه


ابكار مافيهم عجوزٍ كبيره
ايضا ولا وحده تذكر صغيره
الرب سوا خلقهن في بصيره
لعباده اللي جدو السير لرضاه


ابكار طول اعمارهن يامساكين
اسنينهن سبعه وسته وعشرين
مامنهن اللي صار دون الثلاثين
لاوهنى من نالهن عقب دنياه


هذا الذي قلبي يحبه ويغليه
في حب غيره خاطري ماشقى فيه
يارب ترزقني علي قدر مرجيه
امين يامضفي علي الناس حسناه


والختم صلى الله علي احمد واله
نبينا اللي شهد له بالرساله
وهو بظهر ادم بليا محاله
والرسل قبله تعترف له وترضاه

[نــجــم]

البارحه ماذقت ماذاقو الناس
مجمع ٍ بالصدر هم وهواجيس


كني عليل مسهره ضرس الاضراس
والا فطيم فاقدٍ لذة الديس


لادك في قلبي من الهم هوجاس
حطيت فوق النار زين المحاميس


وحمست مايجلي عنا الهم وعماس
بنٍ من النيبار يجلا الحواسيس


يشبه خضاب منقشت زرق الالعاس
اللي تخضب كفها بالقراطيس


اسهر علي الدله وماصب بالكاس
وتاخذ علي هجوس بقعا مراويس


اسباب من عينه كما عين قرناس
عين الحرار من الوحوش القرانيس


تنهظت للجول بالقفر غطاس
وعقب الطرب حطت عليهم نواعيس


لا وهنى من هرجه عقب الارماس
علي ظهور مرودمات النسانيس


هجن ٍ لفا من يم ديرة بني ياس
بواطن تزها جديد الملابيس


يشدن ريمٍ ذار من حس الاوناس
بيدا بداويه عليهن عواسيس


اخذلهن مع جلعد الدو مرواس
من حس صفق مضوربات النواديس


يلفن علي كنها ضبي الاطعاس
عندي ولو تلبس ثيابٍ هداريس


وذاك لو يلبس جديدات الالباس
كن الذهب فوقه نحاس وتفاليس


اهرجه عقب المغيبه من الراس
ماهو بحبرٍ فوق صاف القراطيس


واقول له ياصاحبي عدم الاجناس
خذ هرجة اللي ماهرجلك بتنجيس


وياك تاخذ هرجة اشرار الانجاس
اللي تودى الهرج مثل الاباليس


وصلاة ربي عد ماصلو الناس
علي نبيٍ سيس الحق تسييس

[نــجــم]

يالله يافكاك من حبل الادراك
اللي عبيدك ترتجي فضل جودك


تفرج لمنهو يرتجي فضل حسناك
انت الذي ماكل شيٍ يكودك


مانيب في رجوى حدن غير رجواك
ولا راجيٍ زود يجي غير زودك


تلطف بحالي يارجا من ترجاك
وانك تساعدني بطيب سعودك


انا الذي مستاجب العفو لرضاك
وانت الذي مضفي علي الخلق جودك


الي نويت العبد شيٍ من اشياك
سقت القدم به لين ياصل وعودك


ندور في دور السعاده بالافلاك
وتبرني برت وعد من وعودك


انت الذي ما زارو البيت لولاك
خوف ورجا محدن تجاوز حدودك


ماهيب تحصا منك يالله عطاياك
ومدتك مابه منةٍ من حسودك

[نــجــم]

يحول انا من جروح القلب والحب ياحول
عزاه عيني من الفرقا وانا اقول وش صار


اذكر زمانن مضى يطري علي البال واقول
ياناس انا اللي عليل القلب كني علي نار


سبحان من غير الدنيا علي كل مجمول
هذي حياة المولع لاتلومونه بالاقدار


ياليتني مستريحٍ من هوى كل مدلول
عليه اجاوب حمام الورق لاشك صبار


يالله لاتقطع المشفي من اللي قال له قول
حالي براها قوي الحيل والحب غدار


صحيح انا ياحبيبي خاطري منك مشغول
وانت السبب ياوزين الروح والحب تذكار


العام يوم انت معزول وانا عنك معزول
يالله لا تجعل الفرقا علينا يالاخطار


ترا الغلا لا حصل هرج من الناس منقول
حسبي علي اللي سعو مابيننا في كشف الاسرار


اللي عليه تغلا وانت يازين مقبول
خل المحبه طويله وترك العيب والعار

[نــجــم]

البارحه ماطبق الجفن بالنوم
كثرت هواجيسي وزادت همومي


كني رضيعٍ عن حلا الديد مفطوم
والا غريبٍ حط في حبس رومي


حطوه في وسطه وهو كان مظلوم
لاسلم من سوه ولا داس لومي


ما كتب لك يالعبد باللوح ملزوم
ان ما وصلته جاك لازم لزومي


وانا بدبرة فارض الحج والصوم
راضٍ بتدبير الاله الرحومي


ومن عقب ذا ياراكبين علي كوم
حراير فوقه سوات الرجومي


من فوق مايقطع زما كل مزموم
دوجٍ يلين قاسيات الحزومي


الي اشتغل يقعدك حسه من النوم
مثل الرعد في مدلهم الغيومي


خله مع السكه ولانته بمليوم
لاصرت في ممشاك راعي لزومي


يمشي عقب باكر وباكر مع اليوم
مشي الرخا ماهو بمشي امهمومي


ملفاك قصرٍ فيه للجود ميدوم
داف الشحم تلقاه لوهو معدومي


خوالي اللي طيبهم دايم الدوم
بدرب المراجل ماعليهم اثلومي


في قصرهم ملفا للاصحاب والقوم
لاشح في ماله ردي العزومي


سلم عليهم قبل تعطيهم علوم
سلام احلي من حليب الردومي


واللي بقلبي داخل الخط مرقوم
مني اليهم بالسلام مختومي

[نــجــم]

البارحه ماطبق الجفن بالعين
ولا مسها جفن العنا كود بارماش


سهرت عيوني والمخاليق نيمين
من واهج باقصى الحشى حرق الجاش


عزي لمن مثلي تجلا من الدين
خلا حلاله لديايين وانحاش


قعد حسرٍ في بلاد ابو عينين
الكيس خالي والبحر مابه عراش


ياراكبٍ حمرا بها جملة الزين
بد الشداد لكورها مابعد ناش


مامونةٍ تمشي علي العسر واللين
والعصر ممشاها ورا هاك الاوراش


صبح الثمان تنوخ العصر بالعين
تعبانةٍ من عقب مسرا ومغباش


سقها وقلطها علي الربع الاثنين
الكل منهم كفه الطيب قد حاش


ماهو حدث لقيل نعمٍ بالاخوين
ورث لهم ماجاهم المدح ببلاش


من شايبٍ ماعظ بد القريبين
ولاهوب لوجيه الموالين خماش


خوفو من الله يوم عرض الموازين
برسالةٍ منها اقبل الزاد واعتاش


زبدة كلامي مع ذلول المعنين
وارجي مراديده مع ادناة طراش

[نــجــم]

الا ياعيوني مايفيد النظر والشوف
تكـــافي وكفي لاتــــراعين ياعيوني


تكافي كفاك مكايد الجادل الغطروف
ابو وجنة فيها اشهر الموت مقروني


انا اشوف شوفك واتمنى وانا مشغوف
من اللي سلب عقلي على غير قانوني


لحظني بعـــين كن فيها نمــش وسيوف
وقع مابكفي واختلط وانصفق لوني


اخذني جهار اكبر ضحى والعباد وقوف
انادي بصوتي والعرب تقل ماوحوني


تبي ذبحــتي ياريم وادي سكاكا الجوف
حسيبي عليك مصــرف الخلق والكوني


تعرض غريب نازح عنــد ابو رفروف
ورى دار قاره يقنب الذيب من دوني


الا واعذابي منك ياضامر السرجوف
شبكني هــواك وبيح الحــب مكنوني


الا يازريف الطول انا ازهمك بالمعروف
بعد عونة الله منك انا برجي العوني


دخيـــلك تلبي دعوة من ثلاث حروف
طرف ساعة افرح بهــا وانت ممنوني


اريــح ضمير بالهـــوى مولع مشغوف
من الله خلقني بالغنــادير مفتــوني

[صعبة المنال]

نجم
أج ــمل وأرق باقات ورودى
لموضوعك الجميل وصح لسان الشاعر
وسلمت على النقل
كل الود والتقدير
دمت برضى من الرح ــمن
لك خالص احترامي وتقديري

[نــجــم]

يسعدني ويشرفني مرورك العطر

تقديري لكـ

[يارا العامرية]

صح لسسسـآنه ..
وسسلمت يمنـــآك النجم ع اختيـــــــــآرك ..

[نــجــم]

يسعدني ويشرفني مرورك العطر

تقديري لكـ

[دانــه]

الله يرحمه يااارب
صح لسان الشاعر ولاهنت يانجم ع أيرااااد الديوووان الرااائع
يعطيك العافيه ..

[نــجــم]

يسعدني ويشرفني مرورك العطر

تقديري لكـ

[سلطانة]

http://www.halauae.com/uploads/images/alsaher-3814931317.gif

[نــجــم]

يسعدني ويشرفني مرورك العطر

تقديري لكـ