ديوان الشاعر : عبدالله بن علوش الهاجري

[نــجــم]

شاعرنا هو عبدالله بن جابر علوش الهاجري




يتميز بـ قوة المعنى والجزالة والحرف الصادق القوي




مقل جداً في نشر قصائده رغم جمالها وشموخها




تبحر مع المعاني العميقة من خلال قصائدة




تتصف أغلب قصائدة بـ الحكمة المستقاة من تجارب الحياة




أترككم مع أغلب قصائده المتوفرة

[نــجــم]

السيناريو



السيناريو قصيده عن رموز الخليج ( الغير احياء ) وعسى الله يبارك لنا في غير الاموات






للشعب حكامـه وللشعـر ناسـه
ثنتيـن ماياتـن احـد بالدراسـه
الحكم مايدرس ولا الشعر يـدرس
بالتجربـه والموهبـه والفـراسـه
والشعر حتـى ام الظفايـر تقولـه
الحكم هو اللـي يبيلـه شراسـه
وانا مع كـل احترامـي لشعـري
اشعر بضعفه واستشـف انتكاسـه
قـدام اسمـاء لهـا فالضمـايـر
هيبـة ملـوك وامـراء ورئاسـه
جابر وابو فيصل وعيسـى وزايـد
قلب الخليـج وصانعيـه واساسـه
مشكور من فكـر بوقفـه وفيـه
اجـلال للتاريـخ وكبـار ناسـه
بكى عليهم كوكب الارض كلـه
وقبل البشر بكى الخضار ويباسـه
ببدابهـم علـى اسـاس انتمائـي
شمال ووجهي للجنـوب وحماسـه
ابدا ببـو مبـارك لانـه اميـري
ولان فعيونـي عليـه انحبـاسـه
صحيح ما شفتـه ولا قـد لمحتـه
لكني ادري اني مـن همـوم راسـه
غرس علشانـي وعلشـان غيـري
واجيال عقب اجيال تجني غراسـه
مافيـه نفـس تبغضـه بيـض الله
وجهـه بيـوم للوجيـه انعباسـه
يالله ترحم سيدي الشيـخ جابـر
وتجعل ثرى الفردوس الاعلى مداسه
ويوم ظهرت من النويصيب مجنـب
ودخلت للخفجي ونفسي محاسـه
كن الفهد يضحك بوجهي وانا ابكي
(يابوك لا تبكي الكويت ومساسـه
والله وانا اخو نـوره ان استـرده
عندي لهم غير السياسـه سياسـه
انـا الفهـد لا ظيقـوا بالعروبـه
ورجع الوفد الدبلماسـي بياسـه
ارمـي بثقـل المملكـه فالقضيـه
واغير السيناريـو مـن اساسـه)
واذا تعديـت الخـبـر للمنـامـه
من فوق جسر اسمه اغلـى لباسـه
لاقدم حضارات الخليـج العتيـده
مرجانة الساحـل ولولـه وماسـه
قلت اللهم اغفر لعيسـى وبيحـه
شيخ الشيوخ وباسهم عقب باسـه
توارثوا منـه الوفـى والشجاعـه
والحنكه وبعـد النظـر والكياسـه
والحزم والعـزم ابصيـره علـى ان
يتم حل الوضـع قبـل انحباسـه
وواصل الرحلـه الـى دار زايـد
شيخ عقب فقده فقدنـا الاناسـه
الحكمـه وليـن الجنـاب ومزايـا
استغفـر الله كلبوهـا مقـاسـه
خرب على حاتـم وحاتـم يحبـه
مافـي كريميـن الخصايـل نحاسـه
غطى على جود الاوايـل بجـوده
خذا الكرم سيفه ودرعـه وطاسـه
تحتار وانـت تفسـر ابـو خليفـه
كتاب داخل رجل صعب مراسـه
يارب تشملنـا بعفـوك ولطفـك
الموات والاحيـاء عانـه وساسـه
وانا مع كـل احترامـي لشعـري
اشعر بضعفه واستشـف انتكاسـه
قـدام اسمـاء لهـا فالضمـايـر
هيبـة ملـوك وامـراء ورئاسـه

[نــجــم]

خزنة ظفر


باسم المعتلـي جـلّ جلالـه
وصلى الله على محمـد وآلـه
لعـل الله يغفـر لـي ذنوبـي
أسال الله وغيـره مـا اسالـه
اسال اللي فتح بيبـان عفـوه
عقب ماتاب عبده والتجالـه
وعن شين الكلام اعز نفسـي
واقود الفكر لبيـوت الجزالـه
واسوي لـي بيـوتٍ منتقيهـا
اسويها علـى هيئـة رسالـه
انصيهـا بنـي هاجـر جميعـا
بني هاجر بلا استتثناء حالـه
ولابي شي منهـم غيـر ودي
اعد الطيب واجـدد وصالـه
كريـمٍ فـي معانيهـا وكنـي
بخيلٍ مـا يفـرّط فـي ريالـه
الى مني كتبت البيـت الاول
يجيني البيت الآخر في سهالـه
والا مني كتبتـه جـاء تبيعـه
وقامت تنطوي طـوي المحالـه
وانا لا من كتبت البيت اصونه
ولا ناقد يجينـي مـن خلالـه
وقـدام الجماهيـر الغفـيـره
على كل البيوت اعطي كفاله
عليها ختم إبن علـوش يعنـي
علامة جوده وفحص الوكالـه
ثمنها قولـةٍ وش قلـت فيهـا
ولحـدٍ قـال قلهـا قلتهالـه
سببها ماقريتـه فـي الجريـده
يقول ان الفخر سخف وخباله
تعمق في الصحافه جعله اتلـى
كتبلـه زاويـه والا مقـالـه
ضعيفٍ مادرى ان المدح كايـد
ولا حاشه يكون اللي سعالـه
ابمدح ربعي طـوال اليمانـي
واعده كـل ماوافـق مجالـه
يابوك الهاجري لامن مدحتـه
تجي فيه انتفاضـه واحتفالـه
ولامنك مدحته وانت صـادق
نطل بشته ولا خلـى اعقالـه
خلقنا الله لاهل الطيب قـدوه
وكـل سنافـيٍ حنـا مثالـه
بعضنا لـو تغـدى ماتعشـى
ومستانس ومتنومـس ودالـه
يوضع كسرة العـود الكبيـره
على المدخن الى زان اشتعالـه
يطيّبهم عقب جنب السمينـه
والى من راح ضيفٍ جا بدالـه
يرص الدين فوق الديـن الاول
الين يسد دينـه مـن حلالـه
مخاسيره خوافيهـا علـى الله
رصيده في المراجل راس مالـه
سلام الله علينا يـا الهواجـر
سـلامٍ نستحقّـه ونعنـالـه
فحنّا اللي نكرّم مـن نصانـا
يمينه في الشحم عقب الفوالـه
وحنّا اللـي صداقتنـا نقيّـه
بميـل الوقـت والا بعتدالـه
وحنا اللـي روابعنـا قويـه
ضعيف الرابعـه نرفـى خمالـه
وحنا اللي نقدّر كـل حاكـم
لاعاهدنـاه نوفـي عهدنالـه
وحنا اللـي هقاوينـا كبيـره
وحنا اللي تبين إبنـا الجمالـه
وحنا اللـي نبيّـن فالشدايـد
الى من الزمـن شانـت ليالـه
وحنا اللـي حميّانـا سريعـه
ومن حنا سناده طـاب فالـه
جمال حمول في كـل اللـوازم
حدانا لابرك للحمـل شالـه
مسمينـا موّحـد ذا الجزيـره
مليكٍ مايشكـك فـي مقالـه
لسم " خزنة ظفر " والأسم منّه
وحنا كفو لسمـه واحتمالـه
صدق عبد العزيـز الله يبيحـه
عسا الغفـران والجنّـه مآلـه
ولا علمٍ يجي من تحت حيـده
لنا فعـل وتواريـخ ودلالـه
لنا في جولـة الأيـام جولـه
زمانٍ فات جعلـه فـي قبالـه
ولـو حنّـا شـويٍ ماعلينـا
زهمنآ الجد الأول مـن جبالـه
يجي قحطان فـي لازم عبيـده
وترقى لـه عبيـده وتحمالـه
الي من ثـار دخـان الشنيعـه
معادينـا رقـاده ماهنـالـه
وناخذ صولةٍٍ فـي مـن نوينـا
وياخذ صولةٍٍ فـي مـن نوالـه
وتصبح عاصفة صحراّ صحيحه
كفانا الله مـن شـر الجهالـه
ولا نطغى الـي منّـا قدرنـا
نخـاف الله والديـن إنحمالـه
وعقب الله والديـن الكرامـه
تنزهنـا عـن دروب النذالـه
عطانا الله من مـدّه وجـوده
رقابٍ ماحنيناهـا سـوا لـه
عوايدنـا القديمـه والجديـده
اصاله مستمـدّه مـن اصالـه
وكلٍ فيه من الأجـواد حقّـه
جنوبي نجـد وبنجـد وشمالـه
وقد حنا بعصـرٍ فيـه نعمـه
عسى الشيطان يبطي في حباله
بفضـل الله ثـم سنّـة نبيّـه
وديـنٍ مادعانـا للضـلالـه
وفي خيـر الخليـج الله يديمـه
نعيـمٍ كلّبونـا فـي ظلالـه
ركون العز في الست العواصم
سلاله تنحـدر منهـا سلالـه
ولاودّي أطـول فـي مقـالٍ
تكفينا قصـاره عـن طوالـه
نهايتهـا ومضمـون ثمرتـهـا
يـذم المـدح رجـلٍ ماينالـه
وأقول أن المراجـل ماتكمّـل
لا راح العود ياتونـك عيالـه
سـلام الله علينـا يالهواجـر
سـلامٍ نستحقّـه ونعنـالـه

[نــجــم]

أكره الحكمة إذا !!




إن عشقت اليوم عشته ، وان كرهته قلت: غور
الثوانـي ، والدقايـق ، والليـالـي ذالـفـه

نكره .. ونعشق .. وتبقـا سنّـة الله ماتبـور
ربّ شئٍ تكرهوا خيْـر لكـم مـن خالفـه

بس فيه اشيا ليامن صـرت كارههـا معـذور
ارتفع عنها.. ونفسي عـن غثااهـاا حالفـه

اكره الرجـال لامـن صـار نمّامـن هـذور
مامعـه سـدّن بعيـد .. ولايحفـظ السالفـه

واكره الرجال لامن طـاوع امّـات البـزور
ارضـن يرضـا ويزعـل لازعلـن مكالفـه

واكره الرجال لامن صار به نقـص وغـرور
فـوق بـرج العـاج يبنـي كبريـاه التالفـه

لو قرا شعر المعـرّي مانسـا بعـض السطـور
كل بيتـن فيـه حكمـه والحكـم متخالفـه

قال: سيروا فوق سطح الارض رفقا بالقبـور
ماأديـم الارض الا للشـعـوب السالـفـه

واكره الحكمه اذا قامت علـى الذلـه تـدور
مثل قول ان كنت ماتقـدر عـدوّك حالفـه

واكره الدنيا ليامـن قامـت تعـلّ الصـدور
باعدت خـلّ وخليـل .. وفرّقـت متوالفـه

[نــجــم]

يا مسكين




تغط النور يا مسكيـن مـا تقـدر تغـط النـور
تكافـح موهبـة و الا تلـوم الله علـى مالـه
عطاك اللي عطا غيرك ولا خلَى عليـك قصـور
ولكـن الطمـع آفـة وقـل العـرف معبالـه
ضعيف شور .. وتشاور صحيب لك ضعيف شور
نشدته من ردى فالك وغشـك مـن ردى فالـه
وش اللي يزعلك لا شفـت دورة اليالـي تـدور
أخذ عبرة من اللـي صـار والتاريـخ ورجالـه
ترى عيون الرجال تشوف شيء تحسبه مستـور
ابو سكيـن مقلوبـه لقـى عـود عدلهـا لـه
كفانا الله شرك من حاسـد والحسـد مذكـور
تبي شـي جعلـك هنـاك منـه منـت محتالـه
تقفانـي خـذ ذنوبـي ولانـي بقايـل مشكـور
وانا لو مت عايش و انت عايش حالتـك حالـة

[نــجــم]

وجــه مـــي



أهلين يا سمـح المحيـا وسهليـن
يا راس مال اللـي يبيكورصيـده


أشتاق لكشوق الشقي للملاييـن
اللـي حياتـه كلهـا عالحديـدة

لا شفت وجهك قلت : للهم بعدين
يروح هم القلب ويعـود عيـده


يميزك عن باقـي النـاس ثنتيـن
ثنتين مـن غيـر المزايـا الفريـده

معطيكـرب الصايميـن المصليـن
اللي جعلنا كـل أبونـا عبيـده


عطاك عين ما خلق مثلهـا عيـن
والخد بلحاله يبـي لـه قصيـدة

يا عاقل مـا غرتكموضـه ألفيـن
ولا لقينـا صورتكفـي الجريـدة


وجهٍ اليا شفته تذكـرت شيئيـن
الحظ الأوفـر والحيـاة السعيـدة

[نــجــم]

ما شحذ ته



ورد فالقصيده اسم خالد وهو اخوه من الام خالد بن سعيد الهاجري هذا ما اعتقد انه يستوجب التوضيح



للفقر ياشيوخ عطاياكم شـوي
شوفوا عطية واحد ماشحذتـه


انا احمد اللي حطها بيض ايـدي
القرش مـن مداتكـم مانفذتـه


المال لله وعسـى خالـد حـي
الفقر عقـب الله بخالـد نبذتـه


ماقال وشتطلب ولا قلت وش لي
عطاني من غالي حلاله واخذتـه


يالله تدري ماني بشاحـذ شـي
واعطيتني من واحد ماشحذتـه

[نــجــم]

للـ كبــار فقط





على متن السحاب ((ارقى)) ولو ماللسحاب متـون
وانـزل فـي الغـلا وحتـى لـو ماللغـلا ديـرة
ولا اشبـه حـد بليلـى وانـا المشتـاق المجنـون
ولا شيمـه ولا وافـي ولا عنـتـر ولا غـيـره
ولو اني بعبـر عـن خيالـي كـان سقـت فنـون
يـروح الليـل كلـه ماخلصنـا مـن تفاسـيـره
على الهقوات اسج الرجل عمري كل ابـوه ظنـون
ولا حولي صفـا نيـه ولا انـا ادري وش الخيـره
الا من رحـت يامزيـون يجيـب الله لـي مزيـون
ولا تسـوى عتـب قلبـي ولا راسـي وتفكيـره
ولا اقول انتي (الطعنـه) وانـا المغـدور والمطعـون
ولا عانيـت مـن صـدك ولا الحرمـان والحيـره
اسلي نفسـي بغيـرك مـادام النـاس مايـدرون
ولا ابينلـهـم لـوعـه ولا ابينلـهـم غـيـره
انـا خايـن وادورلـي عيـون ماتعـرف تخـون
تسلـي خاطـرٍ ماشـاف منـك كـود تكسيـره
(انا ماقدر اعيش) العمر كلـه فـي غـرام عيـون
تـدور للوفـا والوقـت شـره غالـبٍ خـيـره
انـا البيـاع والشـاري وراس المـال والعربـون
رجل ؟؟؟ انتي محطه شـوق فـي سكـة مشاويـره
اموت من القهر لاشفت (خبـلان) الهـوا يبكـون
ضعيف النفـس لا منـك عذلـت بـان تقصيـره
ابـي صوتـن لا منـي خنقتـه قـال لـي تمـون
وابي قلبٍ لا من طـاب جرحـه قـال لـي خيـره
بدال الحب ابي (شغله)... ومن مليار ابي..... (مليون)
وابي لا من خلصت منك القى لذنبي فيـك تكفيـره

[نــجــم]

يا عاشقة





ثوري معي ياعاشقه فـي وجـه ظالـم واعدلـي
من حـرم ايـام اللقـا ماحلـل سنيـن البطـا


بجهل تقاليـد العـرب وانتـي تعالـي واجهلـي
لا احملـك ذنـب ولا احتمـل ذنـب وخطـا


كانك بليتـي بالهـوى فانـا الحبيـب المبتلـي
تتخيلين انـي غطـا؟ واتخيلـك ستـر وغطـا


لاني نويت انسى معـك قسـوة زمانـي الاولـي
ياضحكـة الطفلـه وياتغريـدة طيـور القطـا


اقرأ قصص واثـر علـي طبـع المحـب الاولـي
يعطي ولامنه خـذا مـا يرقـد الا قـد عطـى


فأما انثري جمرك علـى (نهـر الجليـد العائلـي)
والا البسي الاسود على قلب وطاه اللـي وطـا


كانك على (مذهب) هلك وانا على (مذهب) هلي
ضعتي ورى ذيك الخطا وانا ورى ذيـك الخطـا

[نــجــم]

أما بعد




شح الكـلام وصملـن الطواريـق
والشعر لو وقفـت واصـل طريقـه


فأن كان من عقب السعه حدك الضيق
منصاك من عقـب الخيـال الحقيقـه


كم لك تلفق مـن خيالـك تلافيـق
بأوهام جـاوزت الخليـج ومضيقـه


تمـدح ردي وتركبـه قمـة طويـق
وتكتب غزل عاشق ولالك عشيقـه


وتسافر لجمهـور عطشـان تصفيـق
وتنـافـس المتعلـثـه والعويـقـه


تجري ورى الاعلام وتخـب وتويـق
ومع كل تافه لـك علاقـه وثيقـه


لانك تحسب الشهره تجـوز وتليـق
وانهـا علـى كـل الاوادم شفيقـه


ماتدري انها تشـب وتغـط وتفيـق
واحيـان تقطـع بالرفيـق ورفيقـه


رح علـم اللـي شهرتـه بالتوافيـق
بكره اذا طال المـدى نشـف ريقـه


ثلاثـه الشعـار خـل الملاحـيـق
ماعـاد للرابـع معاهـم طريـقـه


شاعر وينحت فالصخر نحت ذوييـق
وشاعر يغرف من البحـور العميقـه


وشاعـر اذا مـر الحدايـق مغاليـق
قامت تفتـح لـه حديقـه حديقـه


لفكـار فيهـن البكـار الغرانـيـق
النايـفـه والـذايـره والرشيـقـه


اللـي ماهـن يـراوزن التفافـيـق
واللي تسلف بندقـه مـن صديقـه


واما بعد ياهـل العـزوم الشواهيـق
ياللي عليكـم كـل نجـم وبريقـه


الى متـى وحنـا العيـون الغواريـق
والى متى وحنـا القلـوب الرقيقـه


والى متى وحنـا الرقـاب المدانيـق
والى متى وحنا هـدف كـل ضيقـه


واما بعـد ياهـل الوفـى يالمطاليـق
ياهل البيـوت الشامخـات العريقـه


حنا بزمن غفلـه وجفـوه وتفريـق
واخـلاق منحلـه وعالـم طليقـه


تمسكـوا بالعروتـيـن المواثـيـق
المصحـف وسنـة نبـي الخليـقـه


وامـا بعـد يـا قافليـن الصناديـق
لعـل روس اموالـكـم للحريـقـه


فقرانكم مـا حصلـوا بلـة الريـق
وانتـوا تعـدون الذهـب بالدقيقـه


والا تبثونـه علـى غيـر توفـيـق
فـي مزاينـات وجاهليـه عتيـقـه


واما بعـد الاحـلام تحتـاج تحقيـق
والحلـم حملنـاه مــالا يطيـقـه


شرع الله ان حصل على الارض تطبيق
وشفت المساجد بالعـرب مستظيقـه


فأبشر بنصـر بأمـر رب المخاليـق
وابشـر بريحـان النعيـم ورحيقـه


واما بعد ياحسين صلـح لـي بريـق
في خايعن طشـت عشوبـه وريقـه


الـذود فالصمـان والنفـط فبقيـق
والله يخلـي مملكتـنـا الشقيـقـه

[نــجــم]

خبر شين


يالله عسى ماجاك مني خبـر شيـن
ياشيخ ياشاعـر يافـارس يارجـال


ميزاتـك الاربـع كفيلـه بثنتيـن
بعد النظر والثانيـه وسعـة البـال


وان عذربوني عنـدك المستفيديـن
فانا غنـي قبـل اعرفـك ولازال


بخير واخـذ واعطـي المستحقيـن
لني اعبد الله مانيـب اعبـد المـال


زعلان لني مـا مدحتـك ببيتيـن
والا علشاني مدحت ابـو الافعـال


المدح للي يقشـع الفقـر والديـن
المدح للي يهوم هومـات الابطـال


المـدح للـي يلتفـت للمساكيـن
المدح للـي كـل وقفاتـه ثقـال


وانا حسب ما شفت لاشين لازيـن
عادي ولا يسند على العادي جـزال


المـدح ماياتيـك بالهـون والليـن
ياوردة ماتنبـت الا علـى الجـال


ماقـول لـي شـي بليـا براهيـن
حتى اللي بيكذب يبي شـي ينقـال


قبلك سعى للمدح راعـي ملاييـن
وحاول وخليته يحاول ولا احتـال


شرحت مافي خاطري لك وذالحيـن
جعلك غني ولاهنت في كل الاحوال

[نــجــم]

تجربتي الشخصية






لا علشان الكبـار ولا علشـان الصغـار
من حشم نفسه حشمها وهانها مـن هانهـا
القلوب اللي تحشى والعقول اللـي تـدار
ماتميـز فـي وفـي النـاس مـن خوانهـا
ولو تعرف الهذرويه ويـش لـذة لختصـار
كـان عينـت الاوادم واجـد شيخانهـا
تكبر النفس الكبيره بين غـار وبيـن نـار
غارها كبـار الهقـاوي ونوشهـا نيرانهـا
والنفوس المستريحه ماتحاتـي ويـش صـار
لا تجـازي مـن يعنيهـا ولا مـن عانهـا
يبني ابن ادم ويدري كل مـا يبنـي دمـار
ما يحب الله من الاعمـال غيـر احسانهـا
لاجفتك الدار فارقهـا وبـدال الـدار دار
الصبر عنها ولا صبـرك علـى حقرانهـا
قارب طوال العمار وفارق طوال العمـار
كـان فالبستـان ورده شوكهـا بوزانهـا
والدفاعات القويـه مايفككهـا الحصـار
حتى لو طرواده تهـوز العـرب بحصانهـا
اختلاف الراي نعمه وانعدام الـراي عـار
والجمال اللـي تحمـل حملـة حشوانهـا
والكرامه راس مال وكان راس المال طـار
لا يعـز الله دولــه ماتـعـز انسانـهـا
والحفـاوه والصداقـه والمحبـه فالنـهـار
القلوب بيـوت ليـل سكـرت بيبانهـا
والغرور اول دخول الرجل دايـرة البـوار
راح يرفع من قدر نفسـه ووطـى شانهـا
والغضب سيف الجهاله كل ماسل استـدار
وبت يمنى لوحت بـه وسلمـت عدوانهـا
والخطى يدمح ليامن عقبه حسـن اعتـذار
مايساوا البـوح بالزلـه مـع جحدانهـا
والصغر ماهوب سفاهه والكبر ماهوب وقار
كم كبير سايـق روحـه علـى نقصاهنـا
والهوى تفسيره اصعب شي وكباره كبـار
خلـد التاريـخ نـاس خلـدة خلانـهـا
والتطور عند بعض النـاس يعنـي لاتغـار
غظ طرف وكف يدك ولا تشـد عنانهـا
فك بنتك فالشوارع مثل تكسي الاجـار
ولا تدخـل لا بقصتهـا ولا بفستانـهـا
كل شي نحسب انه مستحيل يصيـر صـار
يالله بستـر القلـوب المؤمنـه بيمانـهـا
والمجامل فالامـور العابـره مالـه مضـار
من يصارح كل خلـق الله يبـي خسرانهـا

[نــجــم]

مفتوح .. ومسكر



مفتوح ومسكر مسكر ومفتـوح
تشوف رقمي وكن منت بتشوفـه


شبعان وشايف خير مانيب مشفوح
واللي يبي شوفي فانا احب شوفـه


بتروح قل بروح واقولـك روح
ولا على وجه المقفـي حسوفـه


والا احساسي قد له سنين مجروح
من سيدة كـل الزيـان العزوفـه


اللي لها كل الغلا قـاع وسفـوح
عند اسمها كل اسم امره واطوفـه


صدقي لها ولغيرها لعب ومـزوح
والقلب كل اللي يجونـه ضيوفـه


ضيف لمنـه راح تبرالـه الـروح
وضيف لمنـه راح جعلـه ذلوفـه


والا انت ياراعي مسكر ومفتـوح
مارية الكـذاب كثـرة حلوفـه

[نــجــم]

ابن عمك




ابن عمك لا ازعلك شره عليه
يقنعـك بالحـق والا تقنعـه


انشده وش جاه والا ويش فيه
انشـده ولا تقاطعـه اسمعـه


حتى لو انه المخطـي ماعليـه
مشها مادامهـا تمشـي معـه


وكانك المخطي وهو رايه وجيه
اصبر ولو يوجعك لا توجعـه


وكان قصر وانت عادك ترتجيه
لاتقصر فيـه لا جـاك انفعـه


ساسه الطيب على الطيب يحديه
ياصلك حتى لو انـك تقطعـه


وان بلاك الله برجـال سفيـه
روح فاسناعك وخله فسنعـه

[نــجــم]

مشعل الزعبي


عجايب مشعل الزعبي عجايب
بيوته مثـل همـال السحايـب


وانا مافيه شاعـر قـد تركتـه
يمر الا بعـد دفـع الضرايـب


ولكن مر مشعل عصـب عنـي
ولاهو مخطي ومانيب صايـب


صحيح استـاذ لكنـه غلبنـي
وشيبني وانا مانيـب شايـب


تشرفنـي صداقتـه النبيـلـه
ومنها خاطري ماهوب طايـب


فيـا جمهـوري الغالـي تمتـع
وشوفوا فكر مشعل ويش جايب


اذا ما قلتوا صـح الله لسانـه
(فلاني بشاعر الشرد الغرايـب)

[نــجــم]

آخر حلقة


اطلب اللي شرع ابوابه مهيب منغلقـه
في وجيه عباده اللي يرتجـون افضالـه


ولا توقف في وجيـه العالـم المنطلقـه
من وقف فوجيهها ماهوب يسرك حاله


وش تسوي يالشجاع وناطحينك شلقه
كم شجاع تربوها لـه وهـو بلحالـه


والحقيقه دايما تطلع مـع اخـر حلقـه
قد بعضنا راس مالـه غترتـه وعقالـه


فيه رجل من صلاة الصبح مثل الطلقـه
مجتهد ولايحصـل غيـر مـا الله قالـه


وفيه رجل حظه العاثر نشب في حلقـه
وفيه رجل ماتعـب والله مزينهـا لـه


انما الارزاق عنـد الله ويعطـي خلقـه
لاهي بالقوه ولاهـي بحيلـة الحيالـه


لاتدور عذر واهـي للخطـا وتختلقـه
ذم ربـي فالبنـادم كثـرة استعجالـه


ولاتحوش الرزق من عوج الدروب الزلقه
ولاتسـوي ماتسـوي العالـم البطالـه


واقترح على السنافي مايضيـق خلقـه
دام ربـي كافـل رزقـه ورزق عيالـه

[نــجــم]

الشرهة علي


ودعتني تضحك وانا رحت مقهـور
وكل يوم اقول اليوم يصحى ضميرك


ماني على تجديـد الاحـزان مجبـور
بلقى مصيري وانت تلقـى مصيـرك


كنت الوحيد الي اراعيـه بشعـور
واليوم لا احبك ولا احب غيـرك


انا اللي الشرهه علي وانت مشكور
هـذا جـزاي وكثـر الله خيـرك

[نــجــم]

طيش النفوس



الله يغفر لـي كبـار المسـاوي
في يوم تجزا كل نفـس بعملهـا


انا بوجهه من جميـع البـلاوي
وبحماه من طيش النفوس وجهلها


رب لغيره ما تلوق الشكـاوي
اللي خلق كل النفوس وكفلهـا


لافكت ابواب الامل والرجاوي
افتـر دولاب الزمـان وقفلهـا


ولانقص ظني ولانيـب اراوي
في قدرة اللي لستمالت عدلهـا


حتى لو ان قلبي شفوق هـواوي
وله حاجة يسعالها مـا وصلهـا


ما اخايل الدنيا بعين الشفـاوي
السلعه اللي عند اهلها لاهلهـا


نفسي سموحيه وقلبـي غنـاوي
واللي تروح ويعوضنا الله بدلهـا


لاصرت فالواقع فقير شقـاوي
احلم وخل النفس بالحلم تلهـا

[نــجــم]

المتوفر حالياً من الأصحاب


يقول طاوعني ولا تجيـب سيـره
ابنصحك يا عل في الامـر خيـره


طوف علشـان اتعـدل امـورك
وجامل خصوصا فالامور الكبيـره


وسولف مع هـذا وهـذا وهـذا
وحتى اللي مايفهم بشي استشيـره


رفع لخلـق الله وضبـط معاهـم
الدنيا حرب اختار دورك وصيـره


اما تكون سلاح والنـاس هـذي
ذخيرتـك والا تكـون الذخيـره


ونافق شفيها ياخـي لمـا تنافـق
لا اول ذنوبك ولاهـي الاخيـره


واكذب يا عمي اصلا الكذب متعه
يكفيك من شره ويعطيـك خيـره


واذا بـلاك الله بقـول الصراحـه
قول الصراحه فالامـور الصغيـره


ازعجتنا بالصح والحق والصـدق
الصدق ما ودى هل الصدق ديـره


وخلص كلامه صاحبي وانا ساكت
ومن عقب ذاك اليوم صاحبت غيره

[نــجــم]

الوجه الجديد


ماعـاد يرضينـي وفـى ولا يزعلـنـي جـفـى
متساوي فـي خاطـري ظلـم العـرب وانصافهـا


ولا تاقف الدنيا علـى شمـع الغـرام اللـي طفـى
بعض الشمـوع انـا اتعمـد كسرهـا واتلافهـا


من اول لخفيت لـي علـم عـن النـاس اختفـى
واليـوم هـذي حالتـي مابـه حـد مـا شافهـا


قعدت احسب وش ربحت ووش خسرت ووش صفى
ياحـي روس اموالنـا قبـل الطمـع باضعافـهـا


تعبـت ادور فالقلـوب البـارده ليـلـة دفــى
والقـى استغـلال النفـوس وكذبهـا واجحافهـا


حتى اقرب العالم لو يوقـف معـك وقفـت وفـى
اصبـر وتـدري وش دوافـع وقفتـه واهدافهـا


عاد انت يالوجه الجديد اللي تبـي وصـل وصفـى
حبال وصلك شوف لـك نـاس تمـس اطرافهـا


انـا علـى موعـد مـع واحـد وكانـه مالفـى
ما عـاد ابيـش مـن السنيـن سمانهـا وعجافهـا


لاني عقب مارمش عيني صاحـب النـوم وغفـى
حلفت ما رده علـى اشيـا مـن عرفهـا عافهـا


العشـق وامـراض المحبـه واستحـالات الشفـى
واغلـب علاقاتـي مـع العالـم اشـوف انكافهـا


وذالحين عـن اذنـك وسامحنـي اذا لسانـي هفـا
نفسيتـي ماعـادنـي بـقـدر عـلـى لطافـهـا


والموعد اللي كنت قبل شـوي جالـس لـه عفـى
ما جا ودقايق موعـده راحـت وقدنـي خلافهـا

[نــجــم]

سيد جنيد

على قلبي زعلت شلون يوم اقول طيعه طاع
ياقلبي ماهو كل شي اباقوله لـك اتطيعـه


ياليتك قلت لا بالله وفجوج الحياة وسـاع
وش يحدك على طيشه وتطنيشـه وتلويعـه


عطر سيد جنيد الجخ ماله فالكويت اسناع
يجي فأرض المعارض وقت ويصفي على البيعه


مع غير اهله لاهوب لا يشرى ولا ينبـاع
يعتق في خدود الغيد ليـن ايعـاد تصنيعـه


وانا خلي خذاله من عطر سيد جنيد اطباع
خذا سحـره وخلالـه مبيعاتـه وتوزيعـه


يالبيه وفمـان الله فـي ليلـه لقـا ووداع
رحمني يوم ما خلانـي استاجـع بتوديعـه


اصوت له ادور له ابي فيه اتلفـت ضـاع
فقدته من ثلاث سنين والضيعه هي الضيعـه


فلامني سمعت ايوه انا قلبي عليـك التـاع
دريت ان الهوى ضيعاته اكثر مـن منافيعـه

[نــجــم]

بـ المقلوب
ياللي تميز ويش رايـك مـن قبيـل الانفـلات
نتداول الصدق اللي ماتلقـون احـد يتداولـه


مدري متى يصح الصحيح الله يغربـل ذالحيـاة
تقول ذالدنيـا مـع حثـال العـرب متقاولـه


اللي كفو ماهو كفـو والغافـلات الخامـلات
يجـي ولدهـا وكـل شـي نزاولـه بيزاولـه


شمس النهار النجم تسبـح تحتـه الكويكبـات
ماهوب في حاجـة عطـارد يسعفـه ويناولـه


واقرب مثل على انتكاس الوضع بعض الامسيات
شاعر ومستشعر ومبـدع كلهـم فـي طاولـه


كم مهرجـان وامسياتـه كلهـا متلخبطـات
تطاولـوا علـى الكبـار الشلـه المتطـاولـه


ترتيبها بالعكس مدري شلون جابوهـا وجـات
تحـاول اللجنـه بشـي وماتعـرف تحـاولـه


ناهيك عن اقحام ((بعض النسوه)) المستشعرات
لاهـداف دونيـه يقهويهـا وهـي تفـاولـه


مرضي البشر كايد ولكـن تستمـر محـاولات
سدد وقارب والفشل سمه خلـل فـي محاولـه


ملاحظه ومافيـه شـي الا عليـه ملاحظـات
اللي ضرب عرض البحر يصبـر علـى مهاولـه

[نــجــم]

سو نفسك قوي


كثر المواصل فالهوى ماهـو بزيـن
ودك بخلـك بيـن مـده ومـده


لن البنادم ماتـرك طبعـه الشيـن
لاحب له شي وشبع منـه هـده


لكن لمنه جاك من حين لـي حيـن
قدّرت جياتـه وقـدّرت صـده


فأن قلت ابيك وقال ماهوب ذالحين
لاتبلشـه يمكـن ظروفـه تحـده


اصبر عليه ايام وشهـور وسنيـن
ان كانه يـودك وكانـك تـوده


وخلك لمنه اعطاك ماتطلبـه ديـن
ماجاك منـه اخـذه ومـارد رده


ولاتسوي مثـل نـاس مساكيـن
اصلك وفصلك فالهـوى لاتعـده


الحب مايعـرف قبيلـه ولا ديـن
نكس حكومات وكسـر اشـده


جاووه عقـال وراحـوا مجانيـن
وكم واحد خاضه ولاهوب قـده


يقوله اللـي جاحـد علتـه ليـن
بـارت محافيـره وبيـح بسـده


هذا كلامي وانت بتشوف بعديـن
والله ان تميز بيـن مزحـه وجـده

[نــجــم]

محد كفو

والله ممدح شخص من شان مالـه
نفسي علي اغلى من اموال قارون


من قـدم الجزلـه ابردهـا لـه
اردها لو انـي امـوت مديـون


والا بقصيد كـل ماجـا مجالـه
قاموا هل الذوق الرفيع يتوحون


المدح (ردة فعل) عقب الجمالـه
لجل اللي مايدرون بالطيب يدرون


ماهوب اخاشر واحد في حلالـه
واقول له من عرض ناس يقولون


العقل نعمـه والجهالـه جهالـه
والدون مايجزع من الموقف الدون


الا اذا هـو حاكـم ينعنـالـه
فأنا مواطن والولا مالـه عيـون

[نــجــم]

مزعلة الغواني


صحيح ان ضيعة القلب التماني
ونقض الحلم الاول حلم ثانـي


رعاك الله ياعصـر السلامـه
قبل لاعرف مزعلـة الغوانـي


انا قبـل اعرفها كنـت دالـه
مثل خلق الله اللي فـي زمانـي


طبيعتها طبيعـة كـل زينـه
تغريـاف وكبـر واغنجانـي


سوالفهـا تعيفنـي السوالـف
وضحكتها تنسينـي الاغانـي


الى منها طرت لي قمت واقـف
على طولي ولو محـد دعانـي


اسوي لطيفها العابـر قصيـده
وذكراهـا تلهمنـي المعـانـي


سقتني الصبر مسموم وشربتـه
ودانيته وانـا مانيـب ادانـي


وصبرت ارجي وفاها واحتريها
وهـي الله بلاهـا بمتحـانـي


ولكنـي علـى عهـد المحبـه
ولو منهـا دهانـي مادهانـي


لها وجهي وستـر الله وامانـه
فلا بوصوفهـا ينطـق لسانـي


شلون احفظ هواها واحترمها
ورويهـا الفلانـي والفلانـي


زوي قلبي عليهـا زوي حبـل
مقطعتـه عتيقـات السوانـي


حماني حبها مـن الحـب كلـه
زهـدة بغيرهـا والله هدانـي


واذا جادة علي بوصل ساعـه
فيفداها عقبهـا مـن جفانـي


لحد يضحك على الحـب لنـي
ضحكت ابهم واشوف الله بلاني


بليت بحب من لاتعتـرف بـه
وتضحك بالهوى مثل اضحكاني

[نــجــم]

سير القوافل


لا بدا الصبح يتنفس و النجوم اقفت أوافل
قـام لله كـل أواب يتضـرع بالدعـاء


يطلب لنفسه و يدعي للمساكين الغوافـل
اذ حباه الله بزود إيمان و أجهش بالبكـاء


خر ساجد لله المعبود و أسـرف بالنوافـل
يوم شاف ان العروبه كذب و القدس ادعاء


أمةٍ ما فـازت إلا بالخطابـات الحوافـل
و التصدع ضمن ذات البين و دموع العزاء


انتصر نبح الكلاب و حد من سير القوافل
و الذكي من قال فعلا و الغبي من قـال لا

[نــجــم]

قالت يا عبد الله


قالت يا عبدالله ان كانك مصافينـي
وانك على قولتك ما والله تنسانـي


خل اللي بينك و بيني .. بينك و بيني
و لا تعلم به القاصـي و لا الدانـي


و ابي وعد منك انـك مـا تخلينـي
و لا تعادل غـلاي بواحـدٍ ثانـي


و ان كانك تحبني صادق و تغلينـي
لمنـي اخطيـت سامحنـي علشانـي


و انا بمحبتـك مـا لازم توصينـي
من يمك الـروح تامرنـي و تنهانـي


قلبك عن قلوب خلـق الله يكفينـي
وعينك على عيون حسادي وعدواني


كم لي و أنا ادور اللي تعشقه عينـي
و كم واحدٍ حاول و مل و تعدانـي


ماني باخلـي ردي النفـس يذينـي
و لا يشد انتباهي كل مـن جانـي


الا انت ياللي غرامي لـك يمشينـي
على طريقك لو انه يضعـف ايمانـي

[نــجــم]

حاجات ممنوعة

اللي يقـول الحـب موجـود كـذاب
حاجـات ممنوعـه يسمونهـا حــب


واللي يقول اسهرنـي العشـق نصـاب
ويعـرف نصابـه معلمتـه النـصـب


ماشافت عيونـي مواليـف واحبـاب
والعشـق لا خطـى بقلـبـي ولا دب


اكتب غزل كـذا علشـان لعجـاب
ماهو علشان الهـوى كـل مـا هـب


لا هب نسناس الهـوى خاطـري ذاب
ولا خلص النسناس وشلون ؟ بشتب ؟


اوهـام شعـار وتخاريـف كـتـاب
والجيل ذا مـو جـاو الهـوى خـرب


نهيت قلبـي مـن طبوعـه ولا تـاب
قد قلت له خل الصراحه علـى جنـب


لـن الصراحـه دايمـا تفتـح ابـواب
صار الكلام الواقعـي يشبـه السـب


اللي يبي يزعـل بيلقـى لـه اسبـاب
لو ان مالي ذنـب بيحـط لـي ذنـب


حنا بزمـن فيـه العلاقـات بحسـاب
للخافيـه ريـبـه وللواضـحـه رب


حب اهلك حب وطنك حب الاصحاب
ذولا لقـت تحبهـم فـعـلا تـحـب

[نــجــم]

الصداقة

الصداقه مثل بستـان و أنـت و مـا بـذرت
يمكن إنهـا تشـح و تبـور و أنـت تعلهـا

و الله إنهـا كنـز الأربـاح لا منـي تجـرت
أتحـرى الـزود فيـهـا و أحـاتـي قلـهـا


و كاني قصّرت في حق صاحب .. ما كفـرت!
يمكـن إنهـا زلـةٍ مــا بغـيـت أزلـهـا


بس لا مني دريـت إنـي أخطيـت أعتـذرت
ميـزةٍ مـا كـل رجــلٍ يــزل يدلـهـا


و أنا و الله في حقوق الصداقـه مـا ذخـرت
و لا وثّقـت العـلاقـه و أنــا باملّـهـا

من صبر يقدر و جربت و أصبـرت و قـدرت
و أنخدعت ببعـض الأزوال مـا هـو كلهـا


و إن خسرت فلا هي بأول ولا آخر ما خسرت
غيـر يـا دق الخسايـر و هـي يـا جلهـا

[نــجــم]

مــي والمستشار

سجلونى من هـواة المستشـار
من عقب ما قصر اليوم الطويـل
كلمتنـى مـي و الدنيـا نهـار
دلهتنى لين صـار الوقـت ليـل
قالت الدنيا تجـارب و اختبـار
ناجحٍ فيها من النـاس القليـل
باسألك عن شى صار شلون صار
كذب جيل يصدقه خمسين جيـل
قلت هاتي الاسئله يوم استـدار
فكري و عزم على بدع الجزيـل
قالت أصعب شى قلت الانتظـار
لكن أسهل شى هو المستحيـل
قالت أكذب شى قلت الافتخار
لكن أصدق شي تاريخ و دليـل
قالت أطيب شى قلت الانتصـار
لكن أردى شي دمعات الذليـل
قالت أكرم شى قلت الاعتـذار
لكن أحقر شي نكران الجميـل
قالت أذكى شى قلت الاعتبـار
لكن أغبى شي تدريـس الهبيـل
قالت أفضل شى قلت الابتكـار
لكن أتفه شي تقليـد الاصيـل
و انا وياها الين الوقـت طـار
في الكلام الذرب و الخلق النبيل
عقب قالت ذكر أجيال الصغـار
ان ما عكس الجزيل الا الهزيـل
و الفضـل لله ثـم للمستشـار
والا بينى و بينها حول ألف ميل

[نــجــم]

ذوق شيبان


دام تنشدنـي عليـك الإنتـبـاه
لا وصلـك العلـم منـي جـوده


لك صديقٍ ما تبيـن لـك خفـاه
هو يبـي لـك فـود ولا تفـوده


أصبر و بتشوف طيبـه مـن رداه
أمـا بيّـض وجـه و الا سـودَّه


قال من راحت سنينٍ مـن صبـاه
روحت مـا عـاد هـي معـوده


لا جهلت الرجل !! ناظر في صحباه
كان منهـم زود فأنـت تـزوده


و كنهم وابين فأسلـم مـن وبـاه
نفسك أرفعهـا و قلبـك عـوده


الآدمي يخلق على الفطـره و أبـاه
يستطيـع ينـصـره و يـهـوده

[نــجــم]

مسج رقم واحد


وشله تزعلنـي علشـان اخليـك
قل خلنـي ولا تسـوي حركـات
معجب وابيك برغبتك غصب مابيك
ولاني متوقف عليك انـت بالـذات
امسيت متحريك واصبحت ناسيك
هذا مزاجي وانت راعي مزاجـات

[نــجــم]

المسج الثاني


كنـا نطالـب بفتتـاح القنـوات
ونكافح افكـار العـدو وانحرافـه


بس النتيجه جات عكس الطموحات
ال 24 سـاعــه سـخـافــه


لذلك اسأل كل مفتون ب الشـات
( ما تعتقد انـك مغفـل وتافـه )؟


وفر على نفسك فلوس المسجـات
ولا تساهـم بنـحـدار الثقـافـه

[نــجــم]

بويتات



فالدنيا امراض منتشره شفناهااونسمـع عنهـا
انفلونـزات مخطـوره جعلـه مايبلانـا ربـي




منهن ثنتين عشناها صعبه واخرى اصعب منهـا
انلفونزا مجلس الامه وانفلونزا الشعـر الشعبـي
,
,
,
,
,
,


امدحـك عنـد النـاس والمـدح مخطـيـك
الـنـاس مـايـدرون ويــش البـواطـن


انـت اللـي امدحنـي وانـا اللـي ابعطيـك
والا حـرام الشـيـخ يـمـدح مـواطـن؟
,
,
,
,





,
,


قــرب الـمـره شــر ولا بــد مـنـه
وفراقـهـا شــر ولاهــوب حـاصـل

,
,
,
,
,
,


اضــف لمعلومـاتـك اخــر دراســـه
عـن جامعـة بعـد النـظـر والتـجـارب


تــم اكتـشـاف ان الفـقـر والونـاسـه
مـن خلقـة الدنـيـا جمـاعـه واقــارب
,
,
,
,
,
,



لافـاضـت احـزانــي ولا زاد هـمــي
ولا انجرحـت مــن الـفـراق وتعـذبـت


ولا مـت مـن صـدك ولا فــار دمــي
لان الحكـايـه كلـهـا مضيـعـة وقــت


الحـب كـذبـه فــي زمـنـا ياعـمـي
اكـذب عليكالبارحـه وانــت صـدقـت


,
,
,
,
,
,





وضع شعرا الساحه مثل وضع الحكومه فالكويت
كل 4 شهـور شعـرا وكـل 4 شهـور وزرا


لو نعمل استبيان في كل المناطـق بيـت بيـت
نلقى بيوت اهل الكويت امـا وزرا والا شعـرا

[نــجــم]

ابيات بـ الفصيح ... البسطاء





من انتم لولا البسطـاء ؟
الحرب ضحاياها البسطاء
والجوع ضحاياه البسطاء
والحب ضحاياه البسطاء
والتاج ضحاياه البسطـاء
من انتم لولا البسطـاء؟
كان رسول الله بسيطـا
وزعيما فـوق الزعمـاء
من انتم لولا البسطـاء ؟
من حارب ضد الشيطان ؟
او من حارب للشيطان ؟
وكلا الطرفين البسطـاء
نحن الشعـراء الادبـاء
نحن العلمـاء العضمـاء
نحن الاصـوات الرنانـه
بالحب ونحـن الاصـداء
من انتم لولا البسطـاء؟
نحن الارض ونحن الحرث
ونحن الزرع ونحن المـاء
من انتم لولا البسطـاء؟
حفنـة اسمـاء جوفـاء
اعبـاء تنجـب اعبـاء
اشيـاء تخلـف اشيـاء
وغباء فـي ظـل غبـاء
من انتم لولا البسطـاء؟
نحن التاريخ فمن انتـم ؟
نـحــن الـنــاس
يــــاازيــــاء
فاحترمونا ياعبـاد المـال
واشـبـاه الـنـبـلاء

[صعبة المنال]

نجم
أج ــمل وأرق باقات ورودى
لموضوعك الجميل
كل الود والتقدير
دمت برضى من الرح ــمن
لك خالص احترامي وتقديري

[يارا العامرية]

صح لسسسان الهاجري ..
ولاهنت نجم ع اختيارك ..
تقديري ,,

[نــجــم]

صح لسسسان الهاجري ..
ولاهنت نجم ع اختيارك ..
تقديري ,,
يسعدني ويشرفني مرورك العطر

تقديري لكـ

[نــجــم]

نجم
أج ــمل وأرق باقات ورودى
لموضوعك الجميل
كل الود والتقدير
دمت برضى من الرح ــمن
لك خالص احترامي وتقديري
يسعدني ويشرفني مرورك العطر

تقديري لكـ

[سلطانة]

http://www.halauae.com/uploads/images/alsaher-3814931317.gif

[نــجــم]

يسعدني ويشرفني مرورك العطر

تقديري لكـ

[دانــه]

صح لسان الشاعر ولاهنت يانجم ع أيراد الديوان الرااائع
يعطيك العافيه .. . :m-49:

[منادي]

صح لسان الشاعر عبدالله الهاجري
اشكرك يانجم على الديوان الرائع
الله يعطيك 1000 عافيه
و
تحية اعجاب لمن يستحق الاعجاب
منادي

[نــجــم]

صح لسان الشاعر ولاهنت يانجم ع أيراد الديوان الرااائع

يعطيك العافيه .. . :m-49:

يسعدني ويشرفني مرورك العطر

تقديري لكـ

[نــجــم]

صح لسان الشاعر عبدالله الهاجري
اشكرك يانجم على الديوان الرائع
الله يعطيك 1000 عافيه
و
تحية اعجاب لمن يستحق الاعجاب
منادي
يسعدني ويشرفني مرورك العطر

تقديري لكـ