المساعد الشخصي الرقمي

مشاهدة النسخة كاملة : ديوان الشاعر / سعود بن مهدي العجمي


نــجــم
04-04-2011, 10:09 PM
ديوان الشاعر / سعود بن مهدي العجمي


<DIV align=center><FONT color=red><FONT face="Mudir MT"><FONT size=5>السلام عليكم ورحمة الله

.
.


وأسعد الله أوقاتكم بكل خير



لايختلف اثنان على أن الشعر الشعبي يمر خلال هذه السنوات بذروة ازدهاره وذلك بظهور أجيال من الشعراء الشباب الذين استطاعوا الجمع بين أصالة الموروث الشعبي وثقافة وتطوّر المدنية الحديثة في قصائدهم ... وتطول القائمه بأسماء أولئك الشعراء ... ومنهم الشاعر المبدع :

سعود عبدالله بن مهدي العجمي

نــجــم
04-04-2011, 10:09 PM
أضحك وأداري عباد الله وأجاملها..
والله على نعمــة الكتمـان قــايدني.
دورت بالــخلق ضايعــها وعــاقلها..
ولا لقيت اللي لا من ضعت يرشدني ..
حتى الي بديــته من الناس بأكملها..
راح وغــدربي ولا كنه معاهــدني
مافيـه أحد يـحفظ العشره ويبجـلها
هذي الحقــيقه وشكـي ما يـراودني
إن مت كلن نسى ذكراي وأهملها
وإن رحت محدن من العالم بـ فاقدني
عزاه يا ضيقة بالصــدر شايلها
وين اللي يبكي علي ؟.. وإن طحت يسندني..
لا جيت أقرب لخــلاني و أواصلها
لقيت حتــى طريق القــرب يبعدني
يا اللي جروحك عرفت شلون أعاملها
أنا تعوّدت ,, لا داعي تعودني
يا أول سنيني وآخرها وأجملها
الله معاك ومعي..وأبيك توعدني ..
لا جات ذكراي في بالك تأملها
شف وش كثر كنت بـ التعذيب تجهدني
ليتك مثل ماتخيـلها تخيـلها
وتعرف الأحزان يا اللي كنت مسعدني
اليوم سلم على الصوره وقابلها
ما عاد فيني شعــور لك يجــودني
والله مدري أنا من وين أحصلها ؟!
من ضيم الأيام أو حظ معاندني
جتك الرسالة وأنا ما كنت أبرسلها
لكن هذي علومي يوم تنشدني .!!
::
:
.

نــجــم
04-04-2011, 10:09 PM
والله وقدرت انـك تصـد وتجافينـي
من عقب ماكنـت لاجيتـك تحفانـي
الظاهر انك نسيـت شلـون تبكينـي
مسكين كانك تحسب انـك بتجفانـي
انا اقدر انساك لامن غبت عن عينـي
ولا انت لاغبت عنك شلون تنسانـي
ماتقدر تعيـش دونـي لـو تعادينـي
بيضيق فيك الزمن وترد لـي عانـي
والله ماركض ورى من همل يمينـي
ولا التفت صوب من قفـى وخلانـي
ارفـع النفـس عـن مـلا يدانينـي
واجنـب اللـي ليـا غبـت يتقفانـي
تذكر اللي حصـل مابينـك وبينـي
وليا تذكرت شوف الدمـع باعيانـي
ملكت قلبك وربيتـك علـى ايدينـي
الين صرت بعيونك ( نصفك الثاني )
اناادري اني لو اطلب شي يرضيني ؟
ضحيـت لجلـي وسويتـه علشانـي

اصد عنك وصوت بكـاك يدعينـي
تهـل دمعـك وتبكـي وترجـانـي
وتقـول تكفـى طلبتـك لاتخليـنـي
وتمسك ايديني وكحلك فوق الاوجاني
ببعـد ولا عـاد تطلبنـي وترجينـي
رح في طريقك مدام ( الوقت ) عزاني
اجرح ترى الجرح يطعني ويشفينـي
منه تعلمت كيف اصبر على احزانـي
كافـي علينـا كـذا وابيـك تعفينـي
لنـك لادورتنـي مـاراح تلقـانـي
يكفيك ماصار واللي صـار يكفينـي
عيا زماني معك والحـظ يعصانـي
اذا ما اخليـك تبكـي دم ! وتجينـي
ولا ترى كلمتي !ّ غلطة عمر فانـي
خلاص مابيك ,, وارجع لاتنادينـي
ولو ما تبيني ! ترى غيرك ؟ تمناني
اللـي مخليـك ؟تعشقنـي وتغلينـي
يقـدر يخليـك تكرهنـي وتنسانـي

نــجــم
04-04-2011, 10:09 PM
( عـيـد بـأيــة حـال عـودت ) .. مالي بك نصيب
,,,,,,,,,,,,,,,,,,,,,,,,,,,,,,, وش تبي في العيد نفس ٍ ! صباحك ثارها
التفت للناس .. في باقي الكون الرحيب
,,,,,,,,,,,,,,,,,,,,,,,,,,,,,, ووزعٌ الفرحه على .. كبارها وصغارها
مايحس بــ ( لذة العيد ) .. من قلبه ذهيب
,,,,,,,,,,,,,,,,,,,,,,,,,,,,, ومايفسر ( سطوة الحاجه ) .. إلا اعذارها
وأنت يـا ( أوفى قلب) و(اجمل بشر) و(اغلى حبيب)
,,,,,,,,,,,,,,,,,,,,,,,,,,,, الـسنابل لا انحنت ؟ .. يرتفع مقدارها
الثعل ماله بخت .. في غزال ٍ عند ذيب
,,,,,,,,,,,,,,,,,,,,,,,,,,, عـٌود وخل العواذل .. تموت بنارها
المحبه ( قلب ينبض ) ولا فيها طبيب
,,,,,,,,,,,,,,,,,,,,,,,,,, و ( قلبها ماينبض ) .. إلا مـع استمرارها
والعفو وهبه من الله .. وجـسـٌـده الحبيب
,,,,,,,,,,,,,,,,,,,,,,,,, وان سكن بنفوس .. مايسكن إلا كبارها
كان شفت اني ( بقايا رجل ) وأصبح ( اديب )
,,,,,,,,,,,,,,,,,,,,,,,, غالبا ً تفنى ( الحضاره ) وتبقى ( اثارها )
رغم قسوة منظر الشمس .. في وقت المغيب
,,,,,,,,,,,,,,,,,,,,,,,,, في الغصون اثمارها .. وفي الرياض ازهارها
كيف ماحن لك واشتاق ؟؟ يالغصن الرطيب
,,,,,,,,,,,,,,,,,,,,,,,,,, وانت تسوى عندي ( الساحه وشـعــٌـارها )
من عرفتك ؟ صار ماضي حياتي .. في قليب
,,,,,,,,,,,,,,,,,,,,,,,, وذكريات الحزن .. راح الرشا بأسرارها
(اليتيمه ) ردت ( ديارها ) لجل ( الغريب )
,,,,,,,,,,,,,,,,,,,,,,,, و ( الغريب ) أشقى ( اليتيمه) وعاف ( ديارها )
من يعيش بدار ! ماله بهاليها صحيب ؟
,,,,,,,,,,,,,,,,,,,,,,,, ماغشاها النور .. لـو هي كثير انوارها
كنت أبـي ( فردوس حبك ) و اثر ماني مصيب
,,,,,,,,,,,,,,,,,,,,,,, مادريت ان ( جـنــة ) أهـل المحبه ( نــارهـا)
يـا ( قدر دنياي ) .. وشلون عن عيني تغيب ؟
,,,,,,,,,,,,,,,,,,,,,, كيف انا بعيش !! .. ( دنياي ) وانت ( اقدارها )
يـا اكون ( اقرب غلا ) ! يا اكون ( اغلا قريب )
,,,,,,,,,,,,,,,,,,,,, بين هــ ( الـثنـتيـن ) شـف ( واحده ) واختارها
لا التقينا ؟ ضمني .. واوعدك جرحي يطيب
,,,,,,,,,,,,,,,,,,,,, وابتسم لعيون عــاشقـك .. واخذ اخبارها
وزيــدني مـن ( لـذة مـعـانقك) يا اصدق حبيب
,,,,,,,,,,,,,,,,,,,,,,,,, مايفسر كــل ( لـذه ) سوى تكرارها

نــجــم
04-04-2011, 10:10 PM
آمــر .. فـديـتـك لـو عـشـانـي ! قـول : واطـلـب مـاتـريـد
وان قـلـت لك : شـلـي تـبـي ؟ .. لاتـقـوللـي : سـلامـتـك
خـلـنـي احـس .. بـلذة الـعـشـق ومـعـانـاة الـحـديـد
وارقـى بـسـلـم نـظـرتـك ,,, وآآطـيـح بأعـلـى قـامـتـك
تـونـي عـرفـت ! انـي ( أحــبــك ) وانـي مـن غـيـرك وحـيـد
لاتـلـومـنـي .. لاضـقـت مـنـك و الـمـشـاعـر لامـتـك
الـقــلـب شـجـره .. لـو تـهـز غـصـونـهـا يـا شـيـخ غـيـد
كـــل الـحـمـام يـطـيـر ! .. مـا تـبـقى سـوى * حـمـامـتك *
بـيـديـك ,,وهــــج الــنـــار ,, وبـيـديـنـي ,,ذوبـــان الـــجــلــيــد ,,
ابـتـلـت ايـديـنـا .. وصـار الــمــا يـبـيـن بـخـامـتـك
انـت الذهــب بـيـديـك ! خـلـى للـذهــب .. سـعـر ٍ جـديـد
فـي مـعـصـمـك .. مـا تـخـسـر اسـواق الـذهــب .. لاسـامـتـك
طــعــم الــهــوى : مـاهــو / بـضـمـة صـدر ولا مـسـكـة ايــد
طـعـمـه : لـيـا ( دخـت بـنـداك ) و ( ضـعـت فـي دوامـتـك )
حــــتــــى الـجـمـاد ؟ ان فــارقــك ! يـنـتـابـه الـحـزن الـشـديـد
تـشـتـاق لـك وسـادتـك و تـحـن لـك بـجـامـتـك
وشـلـون اجــل !! لاصــار . كـائـن حـي . واحـسـاسـه زهـيـد
بـيـمـوت مـن طـفـرة غـلاك و مـن ضـمـا فـطـامـتـك
كـنـك مـلـك .. واحــلا الـعـذارى صـاروا بـقـصـرك عـبـيـد
واللــي يــأكــد ! ((( امــبــراطــوريــتــك ))) زعــامــتــك
تـقــول : كـلـمـاتـك مـاهـمـتـني وغــزلـهـا .. مـايـزيـد
وتـضـحـك بوجـهـي .. وانـت ضـايـق .. و ادري انـهـا هـامـتـك !
الـشـامـه اللـي ! بـيـن ( وجـنـتـك / وثـغـرك ) تـجـيـب عـيـد
لـبـى الـثـغـر .. و الـوجـنـه اللــي مــيــزوا عـلامـتـك
تـقـول : مــنـــا شــامـتــي ؟ .. ولا انـا مـضـيــٌــع اكـيـد !
واقــول : .. لا يـا بـعـد عـمـري لا .. مـــنـــا شــامـــتــك
تـزعـل عـلـي و ارضـيـك يـا اغـلـى مـن سـكـن حـبـل الوريـد
وانــســى ( هـمـومـي ) كــــلـــهـــا ! لا بـانـت ابـتـسـامـتك
يـا مـلـيـُـن الـقـلـب الـقـوي ... ومـخـضـُـع الـراس الـعـنـيـد
كــلــك حـــلا يـازيـن .. مـن مــاطــاك حـتـى هــامــتـك
انـا مـعـك روح و جـسـد / وانـتـا مـعـي قـلـب و نـشـيـد
واللـي يـمـسـُـك مـسـُـنـي .. وكـرامـتـي كـرامـتـك
ياللـي ؟ لـعـبـت بـحـسـبـة الـشـٌـعــار واسـرفـت الـقـصـيـد
مـا زانـت حـروف الـقـصـيـد .. إلا عـلـى فـخـامـتـك
لاشـفـت عـيـنـك !! والله انـي مـا احــســد راعــي الـرصـيـد
ولا اغــبــط ابــن ســـعــود فـي حـكـمـه .. لاشلـت لـثـامـتـك
نـاس ٍ مـعـك كــل يــوم و تـشــوفــك .. وانـا ؟ عـنـك بـعـيـد
مــتــى عـلـى الله ؟؟ .. تـفـطـر بـشـوفـك عـيـون ٍ صـامـتك
مــعـــك !!! يــاحــظ ( اثـــنــيـــن ) واحـــســدهــم عـلـى .. الــحــظ الـسـعـيـد
يــاحــظ ! ســايــقــكــم مــعــاك وحــظــها ! خــدامــتــك
مــايــقــدر احــد ٍ ؟ يــاخــذك مـنـي ,, يـابـو الـوصـف الـفـريـد
مـدامـك بـقـلـبـي ( هــنـــا ) وانــا بـقـلـبـي غـامـتـك
تـدري ؟ مـتـى ! تـخـنـقـنـي الـعـبـره واحـس أنـي وحـيـد
لا قـلـت : تـامـرنـي بـشـي ؟ وقـلـت لـي : ســــلامــتــك

نــجــم
04-04-2011, 10:10 PM
تنثر شتاتـي علـى بـارقٍ بأعلـى سمـاك
كيف تهملني وانـا خابـرك دايـم عطـوف
ليـه؟ ابفهـم! القـدر دوم يحمٌلنـي عنـاك
اه يـادروب العنـا كلهـا هــمً وخــوف
لو يطـول الوقـت ياريـم انـا دايـم وراك
اه يا *جعلش* بعـد , نورة,وساره,ونـوف
ماجمـع بينـي وبينـك وقدملـي هــواك
غير كلمه قلتهالك وهي ( بأربـع حـروف )
كيف تَُسـرق ابلنـا ياوليفـي فـي حمـاك
ثم تضيع حقوقنـا وانـت معطينـي حلـوف
التغلي يااريـش العيـن هـو سبـة خطـاك
وانت تدري ان @المفارق@ كما حد السيوف
ماتداركـت الغـلـط واستمريت..بجـفـاك
بيننـا الايـام ياريـم والـحـي ابيـشـوف
باكر بتعقل وتفهـم و( تـدري ) وش دهـاك
وتترك العذال في نارهـم جمـع وصفـوف
ياصغيـر السـن عنـدي رفيـعٍ مسـتـواك
يااميـرٍ للـعـذارى ويانـبـض الطـيـوف
(( اكتبك فيني قصيدة علـى مبسـم غـلاك
ولو كتبتيني قصيـدة تسوويـن امعـروف ))
كم وقفلي الياس يازين فـي رحلـه شقـاك
لكنني قلت لليـاس ,,!! ممنـوع الوقـوف!!
سايقٍ عمري من اجلـك الـى حـد الهـلاك
والوصل بيني وبينك على ؟ حكم الظـروف
الحـلا ياسيـد الغيـد مـاصـدق حــلاك
والوصايف فيك تعجـز تلاقيلـك وصـوف
ماشغـف قلبـي وحطـم معاليقـي سـواك
ليتك بحـال , المولـع, يامشقينـي تـروف

نــجــم
04-04-2011, 10:10 PM
لاتحطنـي براسـك و لا احطـك بـراسـي
رح قبـل لا تشعـل بصـدري .. لواهيـبـه
ياشاطر اصحى ! ولا تٌـزود لـي عماسـي
الــراس يـابـس ,, ولادارت دوالـيـبـه
لـو تنكسـر شوكتـك .. ماينكسـر باسـي
جنب ترى ابليس ؟ .. يـروي لـي ملاعيبـه
مشكلتك .. انك على ( شعب الهوى ) قاسـي
ومشكلتي .. اني عنيييـد .. وكـاره الطيبـه
تراني حساس ؟ وانتا !! تجرح احساسـي ؟
وجرح الاحاسيس .. عنـدي اكبـر مصيبـه
ان كـان قصـدك ,, تعٌلـق قلبـي الراسـي
كان غيرك اشطر ؟ .. وبدري شخص يوميبه
رح بلغ اللـي ! مسٌـوي حضرتـه ناسـي
ان راح ( مايشوف شر ) وان جا ( بهلي به )
اذا بيرضـى علـي , قلـه علـى راســي
واذا بيزعـل علـي !! يـزعـل شسويـبـه
بدري عليه .. اعتذر لـه واحـرق انفاسـي
يبطي ! ونجـوم السمـا .. اقـرب مطاليبـه
عنـدي همـوم ٍ .. تلهينـي عـن انعاسـي
ماشلت هم (( الهوى / والشوق / والغيبـه ))
وانتا ياشاطر ! توكل .. واتـرك احساسـي
& لعبة الاحاسيس & فيها اغـراء ومصيبـه
لاتحـاول انـك تحـدى وتـاخـذ قيـاسـي
ما كـل شـي ٍ ؟ علـى بالـك .. بتحريبـه
الله يعيـنـك !؟ اذا حطيـتـك بـراســي
لني لاحطيت شـي براسـي ,,, اجيبـه !!!

نــجــم
04-04-2011, 10:11 PM
ياناعـس الاعيـان .. لاتطـري البـيـن
انا عرفت بنظرتـك ,, وش ؟ مصيـري
علمتنـي وشلـون للصبـر .. نوعـيـن
حتـى دهنـت بحلـم الآمـال سـيـري
لاجابتك صدفـه . . . ولاشافتـك عيـن
ولاهي غريبـه .. دام حظـي خشيـري
ابكي ! احب ! اشتاق ! ,, طيب وبعدين ؟
بكـره معـا الايـام ,, بفقـد عشيـري
من طيبتي .. بين البشر صرت مسكيـن
الطيـب ضـاع ..وكثـر الله خـيـري
اجرح .. وانا بقـول لجروحـك اهليـن
يا اغلى مساييـر ٍ لفـوا فـي ضميـري
اسمع ( وصاتي ) قبـل لاتدمـع العيـن
لا اعلنت عـن دنيـا المحبـه مسيـري
اذا تفارقنـا .. ابــي مـنـك شيـيـن
مابيـك تكرهنـي .. ولاتحـب غيـري

نــجــم
04-04-2011, 10:11 PM
وش : حيلتي ؟؟ ياوقت ! .. علمني وتكسب بي اجـر
ان كنت انا على خطا ,, او كنت انـا علـى صـواب
ليه الزمن ؟ ياخذ حقوقـي ويـن هـو ؟ ذاك الفجـر
اللي انـا فـي كـل ليلـه .. انتظـر منٌـه جـواب
الجـاه مايعـرف بشـر .. والظـل مايجحـد شجـر
والموت مايحسب عمـر .. والعـز مايحفـظ كتـاب
احد ٍ حكى بي بالقفا و ( احد ٍ غدر ) و ( احد ٍ هجر )
ناس ٍ ,, تدٌور لانكساري ..( يوم ) وتحسبـه حسـاب
اصٌدق الايـام وتكـذب وان حلـف حظـي .. فجـر
بالعين تشرق شمس واشـوف القمـر بالعيـن غـاب
اليـن صـار بداخلـي .. شعـور يمـلاه الضـجـر
مالوم نفسي .. لاثملـت وصـارت همومـي شـراب
لا رحت من بنـت النٌـور .. اعٌـود لبنـت الغجـر
عذاااااا ب ,,, والموال يمشي والهوى كله ,,, عذاااب
ياسامعن صوتـي .. الا منـه وصـل .. دق النجـر
واسمع صداي وخل صوتي عقبها .. يطـرد سـراب
مهمـا تجٌملـت وفعلـت الطيـب .. لاترجـي اجـر
المودمي .. ما يمـلا عينـه بالزمـن كـود التـراب
لو كـل كلـب ٍ لا نبـح لقٌمـت فـي حلقـه حجـر
بتخلٌص الاحجـار عنـدي ولا سكـت نبـح الكـلاب

نــجــم
04-04-2011, 10:11 PM
تمـوت الأجـسـاد لـكـن ؟ ماتـمـوت القـلـوب
ويطيـح دمــع الـرجـال ,, ولاتطـيـح الـرجـال
هبـت علـي مـن شمـال ولـد طـرفـي جـنـوب
وغصتنـي العـبـره ورديــت طـرفـي شـمـال
الحـال فـي دون والوجـهـه اعـتـراه الشـحـوب
لكنـي ! ادري .. ( دوام الحـال شــي ٍ مـحـال )
يخنقني الخوف .. لامـن شفـت ( لـون الغـروب )
احـس ( بالمـوت ) قدامـي .. ويدعـي ( تـعـال )
ابحـث عـن الـذات فـي شتـى المـدن والـدروب
واحـاول ايجـاد نفـسـي فــي هــدو وانفـعـال
مــرات محـتـار مابـيـن الفـشـل والـرسـوب
ومــرات محـتـار بـيـن الـشـك والاحتـمـال
الـنـاس نوعـيـن : والدنـيـا تـحـك النـشـوب
نـوع ٍ يشـوف الثـرى .. ونـوع ٍ يشـوف الهـلال
العيـب فـي اللـي يبـي العالـم .. مافيهـا عيـوب
والنقـص فـي اللـي يحسـب انـه وصـل للكمـال
جميـل ! لـو نعطـي الفقـيـر خـبـز وشــروب
واجمـل لـو ان الفقـر مـن ماضـي الـوقـت زال
احيـان يكـون التراجـع .. افضـل مـن الـهـروب
واحيـان يكـون الكسـل .. ارحـم مــن الأتـكـال
يا ( آيـة الحسـن ) خلـي العيـن تشبـع ! يـادوب
كحلتهـا فـي ( فتـن لامـاك ) يـا ( أم الــدلال )
اعشـق ( كـلام الجمـال ) اللـي حروفـه تــذوب
وآقدسه وآعذر ( صمتـي ) فـي ( حـرم الجمـال )
قالـو لـي ان الخيـال اجـمـل وينـعـش قـلـوب
وقالـو لــي ان الحقيـقـه مــره بــلا جــدال
ومـن شفتـك بدنيتـي ؟ .. ذليـت ماعـاد اتــوب
وآمنـت بـأن الحقيقـه .. اجمـل مــن الخـيـال
خفت أسألك !! عن ( مصير الحب ) و ( قلب امعطوب )
قلـت : انسحـب .. وايضـا ً أوفـر عليـك السـؤال
اللـي بقالـي مـن ( اوهـام الهـيـام ) الـكـذوب
قلب ٍ شبـع مـن فـراق .. ومـل جـوع الوصـال
لـو ادري ان السهـر ؟ .. بيزيـد وجهـي شحـوب
كـان اعتزلـت السـهـر .. ولا سـهـرت اللـيـال
حتى ! لـو ( آمـال عمـري ) .. روحتهـا الهبـوب
بيطـيـح دمــع الـرجـال ولاتطـيـح الـرجـال

نــجــم
04-04-2011, 10:12 PM
يا اريش العين .. وجدي .. من عنا الوقت طال
انت حبـك بقلبـي .. حـال والحـب حـال
المـواجـع حقيـقـه . السـعـاده خـيـال
زال همـي ولكـن؟ .. موضعـه لا يــزال
السؤال يهوانا ,,, يعيـد ( نفـس السـؤال ؟ )
اشهـد انـه معـك يازيـن طـال الـجـدال
علمـوك التغلـي ,, عقـب ذاااك الـوصـال
لاخبـر لارسـايـل وانقـطـع الاتـصـال
ماعرفت بحياتـي .. ويـش : معنـى تعـال
كل ما قلت : ببعـد ,, شفـت بعـدك محـال
اذكـر الله وهٌـد شـوي يـابـن الـحـلال
الحكـم ينجلـي لا صـار مـابـه عــدال
مايـهـز القـلـوب الا دمــوع الـرجـال
سمـح الله دروبـك ,,, يابهـي الخـصـال
قبـل اعرفـك احسٌـب ان الليـالـي لـيـال
الهوى اللي .. غـدى بينـي وبينـك سجـال

نــجــم
04-04-2011, 10:12 PM
بٌرد على ( ضو كبـدي ) ياهـوى الغربـي
النفـس مستاجعـــه والعـيـــن مشتـاقـه
فارقـت مخــلوق . ومفـارقـــه مأثـــربـي
ولا كـــل مخلوق ! بستاجـع مـن فراقـه
مالـي عـذر ! لـو بجـــامـل واــتعـذربـي
ومالي بعـد ذنـب ؟ ولا فـي يٌـدي طاقـه
تكفى يا ( سرب الحمام ) بـرحلتك سربـي
خذني من الأرض ,, صـوب الغيـم وآفاقـه
القلب ( جمٌـر ) وأرب السحـب تشعربـي
يمكن !! ( براد السحـاب ) يطفـي اشواقـه
ولا انت !! يامن على ( منفـاي ) حادربـي
ماغصت في ( مهجر الاحـزان ) واعماقـه
ناظـر عيونـي .. ودورنــي ووربــي ؟
وفتٌش فوادي .. مـــن الطاقـــه الـى الطاقـه
ان كـان عينٌـت ! مخـلـوق ٍ معـزربـي
غيرك ! فــــلا ترحــــم الماســـور بوثاقـه
وليتك الروح .. فـي سلمـي وفـي حربـي
ورايتٌك في قمة (( الخفٌـاق )) (( خفٌاقـه ))
هواك فـي ( روحـي بروحـي ) مغيٌربـي
وغلاك من ( ضلعي بضلعي ) بنـى رواقـه
ذكراك ( ظلي ) .. ونشوة صورتك ( دربي )
ومعـاك !! ماعـاد لـي بالعالـم شفـاقـه
ماقـول : لاشفـتـني عقـب الســـفـر .. طربـي
اقول : طيٌـــر ( كمـــد ) غــاليـــك .. بعناقـه
لاتهدي الورد وانـــت ريـــاض مزهربـي
الـورد خــــدك وطلـــة مبســـمـك بـاقــــه
( بؤس الشعـراء ) ليلـة حـزن تسهربـي
و ( شعر البوساء ) فجــــر ٍ يبهـــج اشــراقـه
صعب أشتهي قرب ! من لا يشتهـي قربـي
من حـب فرقـاي .. مانـــي كـــاره فــراقــــه
حتى ولو ضاق صـدري ! ياهـوى الغربـي
عـــنـد اللــه الـبـاب مـــفتـاحـــه ومغـلاقــــه
مادمت مرتاح فـي زادي وفـي شربـي
لقـــمـــه عــلـــى فــاقـه أخيـر مـن ميـة ناقـه

نــجــم
04-04-2011, 10:12 PM
إي والله دنيـا !! .. عرفـت شلـون عيشتـهـا
زادت حـمـول الحـيـاه .. وشلـهـا متـنـي
حتـى اللـي حبيتهـا ؟ وحبيـت ( ضحكتهـا )
بأقسى طريقه ! ,, وبأعمـق جـرح ( خانتنـي )
حسيت الارض اختفـت مـن هـول صدمتهـا
!كــن الامـانـي ! بنتـنـي ثــم هـدتـنـي
الكلمـه اللـي ! قــدرت اقــول : حزتـهـا
ليـت الليالـي ! .. فـي دنيـاهـا ماجابتـنـي
كنت اهتوي (( نارها )) عشـان !! (( جنتهـا ))
واحـقـق احـلامـهـا بـالـلـي تمنـتـنـي
لاجـيـت ابـرقـد .. تلحـفـنـي عبايـتـهـا
وانــا ضلـوعـي .. تلحفـهـا لا ضمتـنـي
تـبٌــدل الـحــال بالـدنـيـا ورمـتـهـا
حتـى الخلايـق مـع ظـروفـي تحدتـنـي ؟؟
دايــم تـحـاول ! .. تضايقـنـي بإسائتـهـا
ودهـا ! تبيٌـن لـي انهـا اليـوم .. عافتـنـي
عـزاي !! مــن عـقـب ماقـفـت بدنيتـهـا
انـا اللـي خليتهـا ,, مــو هــي خلتـنـي
واجهتهـا !! و ( الضيـاع ) يضـم وجهتـهـا
( تمشـي ولا جيتهـا / وامشـي ولاجتـنـي )
في (( ضحكة عيونهـا )) .. اشـوف دمعتهـا !
ويمكن ! لو أني ( ضحكـت شـوي ) !! لمتنـي
ادري انهـا .. تخفـي الغبنـه .. فـي بسمتهـا
وادري انهـا تمـوت بوصـالـي لا شافتـنـي
الـلـي ذبحـهـا ! وزوٌد ظـيـم حالـتـهـا
!انــي تجاهلتـهـا ,,, وانـهـا ماهمـتـنـي
( مسكينـه ) تحبنـي ! وتجـحـد محبتـهـا ؟
وتكـذب علـى نفسهـا .. لامــن تناستـنـي
اتعس ( نهايه ) * (( بنهاياتي )) * ((( نهايتها )))
واسعـد ( بدايـات عمـري ) مــا تباطتـنـي
ياصاحـبـي ! والنـفـوس تضـيـع غايتـهـا
لاتلومنـي ؟.. يـوم اقـول : النـاس غشتـنـي
تـدري ؟ وش اللـي ؟ قهرنـي مـن خيانتهـا ؟
انهـا مـع ( أحقـر عـبـاد الله ) خانتـنـي !
مــرت عـلـي واستفزتـنـي ,, بضحكتـهـا
مـا كنهـا بيـوم مــن الايــام حبتـنـي !!

نــجــم
04-04-2011, 10:12 PM
تعالـي نقلـب الصفحـه
ونرسم غيمتيـن عنـاق
غيمـه تمطـر برفـحـه
وغيمه لضحكتك تشتـاق
ياوضحى وعينك الوضحى
وش اخر موتها عشـاق
انا اذكر اخـر الجرحـى
وسيع الصدر وصدره ظاق
رقى للغيم وفـي سفحـه
نحر قلبه كسـره فـراق
لاعـادت ليلـه يافرحـه
ماتمـت ليلتـه مــاذاق
وهذيك الغيمه ياوضحـى
جلدهـا للبكـى بــراق
علينـا انسكـب جرحـه
ودمـه عطـر العشـاق
ياوضحى الموت يالسمحه
كفانـا نخـلـط الاوراق
احبك ايـه ومـن لمحـه
اجي رعشة هوى منساق
ولكـن هالصـدر طفحـه
من همومه الى الاعمـاق
ماجا من هيـن ومسحـه
يبيله عمر وعشر احـداق

نــجــم
04-04-2011, 10:12 PM
مدري شسـوي ؟ يا زمانـي .. واحاتيـه
دام الصبر ( .... ) ,, و الحظ ابـن كلـب !

وش هو اللي ؟ ماسويت .. عشان اسويه !
ماباقي إلا !! .. اقلب ( ارضي ) علي قلب

ماقد تعٌرضت (( الشقا )) وقلت له : ليه ؟
ولا خبرت ؟ ان (( الفرح )) يوخذ بسلب !

وقت ٍ يعز رخوم ! .. وش عاد أبـي فيـه ؟!
دامه .. تجاهل .. راعي السـاس والغلـب

وين اخوياي ؟؟؟ اهل ( القلوب ) المشاريه
اليـوم !!! .. ماعينـت فيهـم ولا ( قلـب )

حتى الرفيق ! اللي لامـن ضـاق اداريـه
مثله مثـل .. من يجلـب المصلحـه جلـب

قليـل مـن يستـاهـل انــي .. اخـاويـه !
ومحد ٍ كفو يعومسك .. ياراسـي الصلـب

أهون علي ! (( اخاوي الكلـب )) واغليـه
( كلب ٍ صديق ) ولا ( صديق ٍ يجي كلب)

نــجــم
04-04-2011, 10:12 PM
سامحيني ولـو ؟ .. مالـي امـل بالرجـوع
اعتـرف فـي خطـاي اللـي جنيتـه معـاك
لو عيون ( الجريح ) تعرف ! وقـت الدمـوع
كـان عينـي بهـل دموعهـا مــن وراك !!
ليت دمعـي ليامـن طـاح بيـدك .. شفـوع
يمكن ايـدك تحـس بحرقتـه .. مـن جفـاك
اه ياكبـر جرحـك ,, يـارزيـن الطـبـوع
واه يا مابعد ارضي .. عـن سحايـب سمـاك
اه مـن شمسـك وحـزن الفجـر بالطـلـوع
واه ما حر صيفك .. واه مـا اقسـى شتـاك
ليـت موتـي .. يخيرنـي المنـايـا بـنـوع
لجل .. اعيشك غلا ( وآموت ) عايش غـلاك
ماكرهت المفـارق .. كثـر كـره الخضـوع
وماحسبت العبور .. الا ؟؟ واعـرف الهـلاك
كنت ؟ اشتت ظروف وكنـت اعـدي جمـوع
وبعثرتنـي ظروفـي فـي مـجـرة مــداك
لين طعت الزمـان اللـي رفـض لا يطـوع
عقب ! ماكنت ! اطُوع !! .. صار مالي حراك
يوم شفت (( النهايه )) فـي صميمـي تـروع
رحت .. احاول ابي ارجع على (( مبتـداك ))
رحت اشوفك هناك .. وفي دروبي فـروع ؟
ضعت بيـن الفـروع ! ومالقيتـك هنـاك ؟؟
ادمحـي زلتـي .. مـا دام باقـي شـمـوع
يمكـن تكـون .. هـي آخـر بقايـا هـواك
يوم راحت معك ( لحظـات ) عمـري تبـوع
جيت ادور على ( لحظه ) مضت لـي معـاك
ماتذكـرت !! غيـر اللحظـه اللـي تـلـوع
يـوم قلتـي الـوداع .. وسمـح الله خطـاك
اه مـا اقسـى الفـراق اللـي بليـا رجـوع
ليـت ربـي خذانـي قبـل مـنـي خــذاك
كل ما اضحك واسـج القـى بخـدي دمـوع
وانتي ! مايوم شفتي .. دمعتي مـن وراك !!
كل ما اذكـر ضحـى الفرقـا بيـوم الربـوع
زادت النـار فـي قلـب ٍٍ شقـي مانـسـاك

نــجــم
04-04-2011, 10:13 PM
الحزن في ضحكتي ,, والجرح في صدري
والصمت بشفاي .. والحكي بتعابيري
من فارع ٍ حطمـٌـت قلبي ! وهي تدري
اني عقب غدرها .. طالت مشاويري
ياليتها يوم خانت ؟ قدرت قدري
راحت وهي ساكته واقفت مع غيري
وشلون يظلم بوجهي .. وجهها البدري
وهي ضيا عيوني .. وقبلة تباشيري
اخلاصي اقسى عقاب لها .. بدل غدري
وحناني اصدق رسول لها .. لتقصيري
عزاه .. لو ان فرقاها حصل بدري
امداني ارتحت ؟ من عذري وتبريري
خلاص دنيا الهوى خليتها حدري
مع امتناني لأهاليها وتقديري
مدام ماضمها ,, كفي على صدري
يضمها ( القبر ) ولا يضمها ( غيري )

نــجــم
04-04-2011, 10:13 PM
ياسيد ( القلب ) .. جيتـك ضايـق ٍ صـدري
والناس فـي ضيقتـي .. ماظـن ؟ تدريبـي
ان كاني ! اخطيت في حقك .. وانا مـدري ؟
بعـتـذر والـزمـن كـافـل بتهـذيـبـي
غيرك ؟ بكى دم ,, يومه ماعـرف ! قـدري
وراح يترجـى .. يلبـي لــي مطاليـبـي
علمني الوقت .. كيف اقسـى علـى عمـري
والله يـرحـم مــن اهـدانـي عذاريـبـي
ان راح عمري ؟ بلا معنى ,, وانا بصغـري
بكـره شسـوي إلامنـه .. طغـى شيـبـي
كني على الحزن ضيف .. ودمعتـي صبـري
اليـن ! مـا صـارت همومـي معازيـبـي
ادري ! ان (( كلي عيوب )) .. وطيبتي عذري
واكبر عيوبـي ! مـع العالـم كثـر طيبـي
الظاهر ان الفراق المر .. جـا ( بـدري ) ؟
لكـن ؟ الاكيـد السبـب بفراقنـا ! عيـبـي
ياليتني !! قبـل لا امشـي ! وقبـل اسـري
لو يـوم واحـد معـك ! تصفـى مشاريبـي
ودي ا شوفك ثواني .. وانت ؟ ما تـدري !!
واقول : يا نفس .. من شوف الغضي طيبـي

نــجــم
04-04-2011, 10:13 PM
ياصغيُر منت لـي سيٌـد وانـا مانـي بأسيـرك
والله ان نفسي مـع شـرواك لاعافـت شحيحـه
والفؤاد اللـي يشلـك ؟ مايعجـز يشـل غيـرك
الليالـي مستتـبـه ,, والضمـايـر مستريـحـه
احتفـظ فـي ياسمينـك ! قبـل لاينفـذ عبيـرك
قبـل لاتصبـح فضـى المترديـه ويٌـا النطيحـه
الله اكبر يالزمـن هـذا ,, لا والله بـان خيـرك
كل ٍ يبدل وليفـه ,, مثـل تبديـل ( الشريحـه )
وانت ياللي تنشد امن الحب ؟ ,, رح كمل مسيرك
وادع له لا قدك في دربـك ,, وقـول الله يبيحـه
بس لحظه ؟ قبل لاتمشي ! ,, ابسأل واستشيرك !؟
ودي اسمع منك أجابه ,, قبل اقدم لـك نصيحـه
وش يضرك ؟ عقب فرقانا ! اذا حبيت غيـرك !!
تدري ان الصلخ عقب الذبح ,, ماضـر الذبيحـه

نــجــم
04-04-2011, 10:13 PM
ماقدر ارد ( الجرح بالجرح ) ياشوق
الى متى ؟ بداوي ( الجرح بالجرح )

ودي معاك .. استطعم الفرح وآذوق
طعمه تراني صدق ! مبطي عن الفرح

تعبت اضحـٌـي ,, واتنازل عن حقوق
وازوٌد امن الجمع .. وانقــٌص الطرح
ومليت ,, وانا اشرح لك الوضع : برفوق
لا فادني رفقي ؟ ... ولا فادك الشرح ؟

النفس تبكي .. دون تشعر ولاتفوق
شطر لـ ( علي ابن آبي طالب ) .. غدا صرح
اصبر على ضيقتك .. لو كنت مخنوق
بكره ! يروح الضيق ,, ويعاود المرح
لاتشتكي جرحك .. على أي مخلوق
الـجـرح مـايوجـع سـوى .. راعـي الـجـرح

نــجــم
04-04-2011, 10:13 PM
للبين هزه .. علـى نجـوى العيـون الوسـاع
في يـوم كانـت ! .. ( تفاصيلـه ) بخدينهـا
ماكان يوم الموادع ! .. كان يـوم الضيـاع !
ياعويـن عينـي مـن ( التوديع ) ياعوينهـا
ودعتهـا بدمـع عاشـق .. وأبتسامـة شجـاع
وأبتسمـت جفونهـا .. وأغرورقـت عينـهـا
( بكت ) لكٌن ؟ ماقدرت تمسح ( دموع الوداع )
خافت من ( رموشها ) .. لاتجرح ( ايدينهـا )

نــجــم
04-04-2011, 10:14 PM
لو عيون ( الجريح ) تعرف ! وقت الدموع
........................................... كان عينـي بهـل دموعهـا مـن وراك !!
يوم راحت معك ( لحظات ) عمري تبـوع
.......................................... جيت ادور على ( لحظه ) مضت لي معاك
ماتذكرت !! غيـر اللحظـه اللـي تلـوع
......................................... يوم قلتي الـوداع .. وسمـح الله خطـاك
اه ما اقسى الفـراق اللـي بليـا رجـوع
....................................... ليـت ربـي خذانـي قبـل منـي خـذاك
كل ما اضحك واسج القى بخـدي دمـوع
..................................... وانتي ! مايوم شفتي .. دمعتي من وراك !!

نــجــم
04-04-2011, 10:14 PM
لاصـار لـي صاحـب يبيـع النـاس لجلـي واشتريـه
هـذا اللـي كفـو التضحيـه ! .. وامـا كـذا وإلا فـلا
صدقني ! ياللي تحب ؟ حتى ؟ لـو لقيـت اللـي تبيـه !
مافيـه احـد يستـاهـل تحـبـه ! وتعطـيـه الـغـلا
رفيقـك اللـي ماتمسـك فيـك ؟ .. لاتـشـره علـيـه
وان راح قـل جعلـه مـراح مقيـط او قــول الـخـلا
ذكـي ؟ مـن يهمـل بكـى عيـن ٍ تـهـل وترتجـيـه
وغبي ؟ من يصدق دموع .. ويحسـب ( الدمعـه ) غـلا
انـا وخلـي طبعنـا امحـق .. وكـل شــي ٍ نبـيـه
مـاهــو بيكفـيـنـا غـــلا ! ... ولا ولا ولا ولا
لاقال لي : تبي بعـد ! .. اسـرح معـه واقـول : ايـه
ولاقلت له : كافي كـذا ! .. يسكـت شـوي ويقـول : لا

نــجــم
04-04-2011, 10:14 PM
اضحك .. لامني ذكرت ؟ ايامنا الحلوه
وليا ذكرت انها راااحت ! .. جلست ابكي
كن الشقا ( بير ) واحلام الصبا ( دلوه )
وكن الحزن ؟ .. في صميم القلب ,, متركي
الشك !! (( قطٌع نفوس ٍ )) .. كانت بسلوه
وانا عقب حسن ظني .. هزني شكي ؟؟
مرات ؟ مرتاح ,, والقى البال في علوه
ومرات ! محتار ! .. واعجز لابغيت احكي
نكتم ونشكي من الاحزان في خلوه
واليوم ؟ في صمت ... لا نكتم ولا نشكي
لو ان ؟ دنيا الشقا ياصاحبي حلوه
ماكان ؟ شفت الطفل يولد وهو يبكي !!!

نــجــم
04-04-2011, 10:14 PM
أظن ! .. مايحتاج اوصيك .. يالذيب
مدام من قبلي .. موصيك ( شالح )


عيبي !! .. ادور شخص ( خالي ) من العيب
واضيق وأتذمر من الوقت وآآلح


ياللي تفاخر ؟ في جميع الأساليب
الفخر !! .. عمره مايرد المشالح


لاتمدح الرجال من غير .. تجريب
ولاتذم الرجل لاقده .. صالح


خل العرب في حالها .. واقطع الريب
لاتقول : ذا صالح ولا ذاك طالح


بالحكي فالح .. ياكثير العذاريب
ولا ( لاجات الصادقه ) .. منت فالح


يدعيني الطيٌب .. زبون المواجيب
واقول له : مصيرنا بنتمالح


على كثر ؟ ماكان لي ربع ؟ ياذيب
راحوا .. ومن فيهم بقى ! .. له مصالح
حفظت ( درس من الزمن ) ( بالصدر غيب )
يرضي قلوب ٍ .. ماتفكر تصالح




اللي يدوٌر خل ,, ماله عذاريب ؟
كنه يدوٌر بحر ,, ماهو بمالح

نــجــم
04-04-2011, 10:14 PM
ابيــــــــــــــــات




ودعتها بدمع عاشق .. وأبتسامة شجاع
وأبتسمت جفونها .. وأغرورقت عينها
( بكت ) لكٌن ؟ ماقدرت تمسح ( دموع الوداع )
خافت من ( رموشها ) .. لاتجرح ( ايدينها )







تظمى ( العواطف ) أذا ماغامرت ( بندفاع )
وتبرد ( الأحاسيس ) لو ماتم ( تسخينها )
مقدر ! أعيش بخيار .. الشوف أو الأستماع
يا أكبها اثنينها ؟ .. يا اختارها اثنينها ؟









ابنشدك ياوقت حل القضيه
عن علة ٍ في خاطري محتويها


وش حيلة اللي عاشق له صبيه
واخوه الاكبر منه خاطره فيها










ياللي تبضع مـن جروحـي وتتسـوٌق
انصت لبيتي هذا .. وخلك معي رايق !!
مابيك تضحك معي .. لاشفتني مـروٌق
ابيك تبكي معـي .. لاشفتنـي ضايـق













احرميني ( كل شي ) .. إلا المواصل
واطلبيني ( أي شي ) .. إلا فراقك












ان كان مالي ذكر عند اللي ماهوب يلحق جزاي
يكفيني ليا مت ! عند الطيبين القى .. ذكر
ماهو خطا انك تكلم .. دون أذن ودون راي
بس الخطا ؟ ليا حكيت بلا عقل ولا فكر

















وتلوم عيني ليا كثرت سواكبها
وانا اللي ماشوف في عيني سواك بها
وان كنت ياعين خلك .. طحت من عيني ؟
بشيل عيني .. وأركبها .. واراك بها












ياكثر صدماتي بناسي ! في حياتي ياحسن
حتى بنفسي انصدمت !! وصرت بالهم استنير
.. كل شي بالدنيا عرفته ! ,, منه ؟ ,, دفعت الثمن !؟
بس البلا !! ,, كان الثمن غالي ؟ ,, في اشياء ٍ كثير
لو فيه منك ياحسن .. شخصين ! في ( هذا الزمن )
ماكان بالدنيا ( خسيس ) ولا بقا فيها ( حقير )












دمعي بعيني يفسـر صمـت حرمانـي
والحزن في نظرتـي بالدمـع غرقتـه
خلوني أعيش باقـي العمـر وحدانـي
وش لي مع الناس وأغلى الناس فارقته














ان لقيت انسان مثلي مايخـون الـود .. حبـه !
وقتها ؟ بتعرف قيمة ,, مـن تهاونـت بفراقـه
كل جرح ٍ من < فراقك > لانويت اجيب ,, طبه @
بذكر أنك كنت غالي ؟ وكنـت للقلـب اشتياقـه
اخذ مني * قاعده * صارت بفكـر العقـل قبـه
واخذها مني * قناعه * في & مفاهيم العلاقه &
ممكن ! بيوم ( الصداقه ) تكبر وتصبح ( محبه )
بس لا يمكن ؟ بيوم (( الحب يتحـول صداقـه))

















مثل ما اقدر اخلي من ( هواني ) .. بيوم ! يكرهني
الا ياليت لو بسنيـن ! ...أخلـي ذاك ( يهوانـي )
انا ( الخسران ) يومني .. تركت أنسان ( يعشقني )
وانا ( الغلطان ) يومني .. عشقت انسان ( خلاني )

نــجــم
04-04-2011, 10:15 PM
قالت لي : يا سعود .. أأسمعني و أأعذرنـي ؟
مــاودي اردك بـحـاجـه ؟ ولا اديـنــك
ان جيت تطلبنـي شـي ٍ ؟؟؟ فيـه تجبرنـي
احتار !!! واسكت .. واحط ايدي على ايدينـك
اخاف ... لا قلت : ( لا ) تبعد وتهجرنـي !!؟
واخاف ... لا قلت : ( ايه ) آطيح من عينك !؟












خلاص مابيـك وابعـد لاتنادينـي
ولو ما تبيني ! ترى غيرك ؟ تمناني
اللـي مخليك..تعشقنـي وتغلينـي
يقدر يخليك .. تكرهنـي وتنسانـي














ماعاد لي حق .. اتشـره علـى النـاس
مـدام كـل ٍ .. يذكـر الـلـي يـواجـه
من لا يقوم ؟ ( بماجب الطيب ) بأحساس !
خله .. ( يوفـر فزعتـه ) فـي علاجـه
اما تجي الفزعه .. من الـراس للـراس
ولا فـلا للنـاس بالـنـاس .. حـاجـه




















الله معـك مـانـي بمـيـت لاهجرتيـنـي
وحقك علي ان كنت أحن لدمعتك .. واقسى ؟
انا البحـر ياللـي علـى جالـي عبرتيـن
يوانتي ( رياح لغربتي ) واهدابـي المرسـى
لاجيت برقد يالعيـون اللـي .. سهرتينـي
يطري ؟؟ لعيني وقتها .. ان السهر ممسـى
تصدقين !! انـي نسيـت .. انـك نسيتينـي
وتصدقين !! اني ذكرت ؟ .. اني نسيت انسى
كنت احسب ان الصـد قاسـي ؟ لاجفيتينـي
حتى ! تفارقنا وعرفت .. ان الفراق اقسى !















الخـوه اللـي ! ماعليهـا حسـوفـه ؟
(.. خسارة الشاري .. وربح المفاليس ..)
يامضيع ٍ ,, دربك و دربـك ,, تشوفـه !
كل الطرق .. ماهي تودي (( ل باريس ))
واللـي يغنـي بالهـوى فـي هنـوفـه
مايدري شسوت ؟ .. بخلف الكواليس ![/
















ياحزن .. ماكنت اعرفـك !! مـن قبـل
ليـن شفتـك ياحـزن .. بعيـون بنـت
وش : تبي ؟؟ في مـن تلُثمهـا الخجـل
ليه ؟ فـي نظراتهـا الخرسـا سكنـت
قلت : من هو اللي ؟ تحبيـن ورحـل !
طـال صمـت الليـل فيهـا ليـن لنـت
قلت : من! هو! اللي !! تحبينه اجـل ؟؟
اضحكت لي بالدموع .. وقالت : انت !!؟؟





















بالأمس ؟ .. كنت ( بدمعة الكذب ) عالـق
واليوم .. ؟ صرت ( بعبرة الصدق ) مخنوق
لاشفت لـك ! مخلـوق ماخلـص لخالـق
وشلون تبغى يخلـص بحـب مخلـوق ؟؟

























ماهي بغلطة حياتي ! .. يـوم حبيتـك
الغلطه أني ؟ .. من أول يوم ( صدقتك )
























ماذبحني غير ( دمعه ) ! .. جات من عقب ( ابتسامه )
ولاقهرني غير شي ٍ شفـت !! .. عمـره ماطرالـي ؟
يا هبايـب ذعذعـي صوبـي ,, وغنـي يـا حمامـه
الندم مافـاد مخطـي ؟ ,,, والبكـى مـارد غالـي ؟


























ضحيت باللي .. لشوف غيـرك ؟ لـد طرفـه
وتركت ( قلب ٍ ) كنت ؟ .. ما تقدر !!؟ .. تطوله
تعلـم تفكـر ؟ .. وشـف للحكـي صـرفـه
تـرى ! .. عقـول النـاس ماهـي بمهبولـه
ما هو ( مهـم ) ؟ انـك تقـول اللـي تعرفـه
بس ( المهـم ) ! انـك تعـرف اللـي تقولـه






































كأنـك ! تكابـر بـ التغـلـي ؟ .. ولاتـبـت ؟
فـلا تصيـر إنسـان .. للـود جاحـد

بـ تعرف لامن غبت عني ! وأنا غبـت !
وشلون ؟؟ .. ((" موت اثنين ")) في ( وقت واحد )

نــجــم
04-04-2011, 10:15 PM
الرجل يفقد هيبته .. لازاد فـي قلبـه فضـول
ولا يعرف اللي ورى ( صدور الئام ) ..إلا النبيه
خذيت من جدي ( نصيحه غاليه ) فيها : يقـول
( لاتعطي اسرارك مره ) ( ولاتجادلك سفيـه )





















مفارقه جدا عجيبه ! .. رغـم كبـر اشواقنـا
فيها ( الم مضحك ) ولكن ؟ الليالي ( جاتبـه )
ارسلت لي : بيت ٍ عن ( الفرقا ) .. بيوم فراقنا
والمشكله أنك مادريت ؟ أني انا اللي ( كاتبه )





















تعبـت ادورك .. والخفـاق متثـوقـل
البعد ثقٌـل عليـه .. ودمـر اركانـه
لو اني ؟ بلقاك ! .. لادورتـك بقوقـل
ماشفت لك شخص يشكي ( فقد ) خلانه


















حلفت ما انزل على خدك دموع
الا دموع الشوق لا غبت عنك ..!!





















ياليت في ذاكرة الانسان ( سيف ) و ( ديليت )
.................... واحفظ ( سنين الفرح ) ,, وامسح ( سنين الشقا )




















سنين مرت .. وانت واقف محلك
............................. لاخيف من شرك ,, ولا شيف خيرك
لاصرت ماتبدع من الراس ؟ خلك
............................ ماهـو لزوم ابداع ,, من راس غيرك
























أحفظ ( عهود الصداقه ) مثل حفظ ( الكنوز )
................................... ( صديقك الكنز ) ولا ( الكنز ماهو صديق )
الناس .. تقضي العمر كلـه .. ادور بـروز
................................... وانا .. قضيت العمـر كلـه .. ادور رفيـق































يا ( أحــلا ) مـن ,, (( الـلاتــيـــه )) مع ,, طلعة الصبح
......................................... و ( أطــيــب ) مـن ,, (( الـدونــت )) معا ,, فـكـة الـريـق



























لو ما انت نور العين ! .. ماشفت كونك
.............................................. ولولا وجود ( النور ) ,, ماشافت ( العين )
لاتلوم قلبي لا انهزم من عـيـونــك
........................................... وشلون تبغى ( واحد ِ ) يهزم ( اثنين )

























فيك ( الجمال ) يـجـوب بأروع سنينه
............... و ( الصبر ) فيني ,, بـأسـوأ سنينه يـجـوب
حـنـي على قلبي ,, ولا تعذبينه
............... يــا ( كــل يــوســف ) قـدري ( ربـــــع أيــــوب )























لو ندري بنفترق ؟ ماكان حبّينا
.........................ولا تركنا ( قلوب الحب ) تتمنّا
وش هو نسوي بعد ! .. وش هو ماسوينا
.........................مقسوم .. والله كتب ( حكم القدر ) عنّا



















لاعاد تشره علي .. وتهيــٌـض اشجاني
ينبيك عن ( سو حالي ) وجهي الشاحب
لو شفت ماشفت .. من صحبي وخلاني
قضيت عمرك .. بلا خل وبلا صاحب

















حس فيني ! وارحم عيون ٍ سهيره
مابي الا شي ؟ وعيوني تريّـت
شي واحد بس !! مابي شي غيره
موت فيني مثل ماني فيك ميّت

العنيــــدهـ
05-04-2011, 03:46 AM
صح لسان شاعرها
ولاهنت ع الاختيار الرائع
يعطيك العافيه
!..❥

نــجــم
05-04-2011, 07:19 PM
شاكر لك مرورك الجميل ..

احترامي وتقديري ,,

يارا العامرية
05-04-2011, 07:53 PM
صح لسسانه
و تسلم يمناك والله يعطيك العافية ..
تقديري ,,

صعبة المنال
05-04-2011, 09:40 PM
نجم

تسلم ايدينك موضوع رائع بصراحه

تقديري

نــجــم
05-04-2011, 10:16 PM
نجم

تسلم ايدينك موضوع رائع بصراحه

تقديري
شاكر لك مرورك الجميل ..

احترامي وتقديري ,,

نــجــم
05-04-2011, 10:16 PM
صح لسسانه
و تسلم يمناك والله يعطيك العافية ..
تقديري ,,
شاكر لك مرورك الجميل ..

احترامي وتقديري ,,