المساعد الشخصي الرقمي

مشاهدة النسخة كاملة : ديوان الشاعر الكبير : صقر النصافي ( رحمه الله )


نــجــم
04-04-2011, 06:37 PM
يا صاحبي



ياصاحبي ماني براعـي مهـاداه
اماارضني وإلا اجفني واستخيري
اما تعـال وماطلبنـاك عطنـاه
وإلا تروح وجعل دربك سفيـري
من شق شق يااريش العين يرفـاه
وانت الذي شقيت خافي ضميري
تضحك وانا صملان قلبي مطواه
تقول لي ليـن الفلـك يستديـري
مانيب من يطرد سراب بمضمـاه
شاف السراب ويحسب انه غديري
عيني على شوف الولايف مضراه
جزوع لاشفت الجفا من عشيـري
مايستوي حـب بليـا مراضـاه
بيني وبينك ياالغضي مايصيـري

نــجــم
04-04-2011, 06:38 PM
الوصية



قـــال:مـــن وصــــى عــيــالــه وده إلــــهــــم بــالــشــكــالـــه
خـــابـــر(ن)راعـــي الــــرزالــــه بــالــمــجــالــس تــشــنـــعـــه
يـا ((إمـهـلـي)) شـوف أخـوانـك شـانـهــم مــن صــوب شــانــك
عــنــدمــا يــزعـــل إلــســانــك عــنــهـــم الــغــيـــظ أدفـــعـــه
وأنـــــت يـا((عــلــي))أفــتــكــر خـــــل قـــولـــي لـــــك ذكـــــر
ربـــعـــه الــطـــيـــب شـــكــــر والـــــــــــردي لاتـــتـــبــــعــــه
يــا((مــســلــم))وأنــا أبـــــــوك الـــعــــرب لــــــو صــاحـــبـــوك
مــايــســـرك غـــيـــر أخــــــوك كـــــــل مـــايـــأمـــر طــــعــــه
يـــاعـــيـــالــــي كــــلــــكـــــم أفــطــنـــوا فــــــي حــالـــكـــم
الـــــتـــــنـــــازع ذلـــــــكـــــــم والــتـــصـــافـــي مــنـــفـــعـــه
أجـــهـــدوا لـــلــــه بــطـــاعـــه وأتـبــعــوا راعـــي الـشـفــاعــه
قــبـــل يــــوم فــيـــه ســاعـــة عـــنــــد ربــــــي مـــرجـــعـــه
الـقــصــيــر أمــشـــوا بــحــقــه لـــو بـــدت مــنــه الـمــشــقــه
وإن كــثـــر بــالــقــلــب دقـــــه طــــــو بــيـــتـــك وأشــلـــعـــه
مـــــــــــادواه الإمــــــراحـــــــه فـــي فـــراق الــســـوء راحــــه
لاتـــجــــازيــــه بـــقـــبـــاحــــه يـــــــوم ربـــــــه صـــرقـــعــــه
والــخـــوي حــقـــه عـلــيــكــم تـجـعــلــونــه مــــن حــديــكــم
كـــل شـغــلــه فـــي يـديــكــم لـــيــــن يـــاصــــل مـــربـــعـــه
إن تــمــرجـــل كــيــفـــو بــــــه وإن تـــــــردا عــــبــــرو بــــــــه
لـــو يـصــيــر لــكـــم عــقــوبــه قــصـــة(ن)بـــالـــمـــبـــلـــعـــه
والــحــمـــق يـــخـــر مـــضـــره يــلــحــق الــعــقــيــل شـــــره
ون طــــــرا راعــــيــــه مـــــــره قـــــالــــــوا الله يـــقـــطـــعــــه
والــصــبــر عـــنـــد الـــبـــلاوي خـيــر مــن كــثــر الـشــكــاوي
لــــو تــصــيــح ولــــو تـــــلاوي مـــابــــغــــا الله يـــصـــنـــعــــه
وأحـــــذروا حـــقـــر الــفــقــيــر دعــوتـــه يــمــكــن تــصــيــر.؟
أدخــــــــل الله وأســتـــجـــيـــر قـــبــــل يــــــذرف مــدمـــعـــه
الـــتـــكــــبــــر لــــلــــرخـــــوم يـحــســبــون إهــــم الــقـــروم
عــنــدمـــا يـــبـــدى الـــلـــزوم عــشــرهــم نــصـــف أربـــعـــه
والـــعــــدو لــــــو زان بــــالــــه أنــقــلـــوا مـــنـــه الــحــمــالــه
لـــو مــغـــط ألــكـــم حــبــالــه بـغــظــكــم يــبــقـــى مـــعـــه
والــصــديـــق بـــكـــل حــــــال عــنـــد حـــظـــرات الــمــجـــال
مــدحــكــم عـــنـــد الـــرجـــال كــــــل مـــاجــــاه أشـــبـــعـــه
والــصــديــق إلــيـــا نــكــركـــم مـــــــــا دواه الأ ظـــهــــركــــم
وإن خـضــعــتــولــه حــقــركـــم صــرتـــوا عــنـــده مــضــفــعــه
والـــتـــمـــنـــي مـــايـــفـــيـــد لـــــــو تــــزيــــده مـــايـــزيــــد
مــثــل بـــق طـــار مــــن إيــــد بــالــهــوى مــــن يــجــمــعــه.
والــحــلــوف أبــغــيــر حــاجـــة كــلــهــا ذنـــــب وســمــاجـــة
واجــــد الــلـــي بـالــلــجــاجــة دوم حـــلـــفــــه يــمـــطـــعـــه
كـــــم صـــبـــي(ن) بــالــرخـــا ظــنـــكـــم فـــيــــه الــصـــخـــا
وأن كــــربــــتــــوه أرتـــــخــــــا كــــــــل عـــذر(ن)يـــاســـعـــه
جـــاز مــــن كــــل الــصــداقــه والــمـــحـــبـــة والـــلـــبـــاقـــة
والـســبــب نـفــســه أرفــاقـــه حـــتـــى الانــــــه تــضــلــعـــه
والــمــغـــفـــل يــحــســبــنـــه دوم فــــي نــعــمـــة وجـــنـــة
مـــاخـــذ(ن) دنـــيـــاه ظـــنــــه لـــيـــن بــقـــعـــا تــصــقــعـــه
ثــــم يــقــعــد مــــن مــنــامــه مـلـحــق(ن) نـفــســه مــلامــه
عــقـــب مــاشـــاف الــنــدامــه يـــــوم هــــــاك الــكــعــكــعــه
الـــرجـــال أبـــهــــم فــهـــيـــم لايـــــضــــــام ولا يــــضــــيــــم
عــنــدمـــا يـــبـــدى حــلــيـــم والـــحـــقــــوق مـــشــــرعــــة
راعــــي الــصــبـــر مــحــمـــود لـــيـــن مــولــمــتـــه تـــعــــود
ثــــــم يــــنــــزل بـــالـــحـــدود والـــمـــطـــمـــن يـــرفــــعــــه
والـــرجـــال إبـــهـــم ثــقـــيـــل كــــــل عـــمــــره مــايــعــيـــل
وإن طــمـــع فــيـــه الـجــبــيــل دون حـــــقـــــه يـــصـــفـــعـــه
أن بـــغـــيـــتـــه بـــالــــمــــروه شــفـــت نـــــو الــخــيــر.؟نــوه
وأن بــغــيـــت الـــحـــق قـــــوة طــزعـــيـــنـــك بــاأصـــبـــعـــه
وإن بـــــــــلاك الله بـــعــــاقــــه مـــــن مــقــاريـــد الــرفـــاقـــه
لاتـــــوريــــــه الـــحـــمـــاقــــة لــــيــــن ربـــــــك يــقــلـــعـــه
خـــــل شــوفــاتـــك بــعــيـــدة عـــنـــد نــفــخــاتـــه وريــــــدة
ثـــــــم عــقــب(ن)لاتــعـــيـــده الــســعـــه ثــــــم الــســـعـــه
كـــم صــبـــي(ن) كــــل يــــوم يـعــتــزي مــــن غــيـــر قــــوم
وإن تــنــاطـــحـــت الــــقــــروم مـــايـــدانـــي الــفــرقـــعـــه.!!
صــايـــر(ن) لــلــشــر ســـبـــه لــيـــن يــلــقــا مــــن يـــدبـــه
ثـــــم يـــبــــرك لــلــمــســبــه يــــوم جــــاه مــــن أشــبــعــه
والـســفــيــه إلــيـــا نــهــيــتــه عـــن طــريــق(ن) مـابـغــيــتــه
لــــــو تــــجــــره مــاقــويـــتـــه والــــنـــــدى مــايــســمـــعـــه
راح فــــــي درب(ن) يــــضــــره وأنــــت شـــــورك مــايــســـره
والله أنــــــك لــــــو تــــجــــره.؟ مــايــبـــي غـــيـــر إســنــعـــه
والـــرجـــال أبـــهـــم كــــــذوب مــايــهـــاب مـــــن الــعــيـــوب
لــــــو يـــفـــجـــر مـــايـــتـــوب والـــــخــــــزا مـــايـــوجــــعــــه
والـــرجـــال أبـــهـــم صـــــدوق فـــــي كـــلامــــه مــايـــتـــوق
يــفــتــهــم كـــــل الــحــقـــوق والـــكــــريــــم أمـــســـنـــعـــه
والـــرجـــال أبـــهـــم كـــريــــم لاخـــطـــر خــلــفـــت رزيــــــم
وأن طـرش.؟قــلــبــه ســلــيــم كـــــــــل زاد(ن) يـــقـــنـــعــــه
والـــرجـــال أبـــهـــم بــخــيـــل لاخـــطــــر مـــــــدة قـــلـــيـــل
وأن طــرش.؟مــالـــه مــثـــيـــل يـــــشــــــره الله يــــنــــزعــــه
والــحــريــم أبــهـــم طــبــايـــع فـيــهــن الـتـخـمــيــل ضــايـــع
لـــو بــهــم عــاصــي وطــايـــع كــــــل الأكـــثــــر مـــنـــدعـــه
الــــنــــصــــاح أيـــبـــيـــنـــنـــه والـــخـــمـــال إيــدمـــدمـــنـــه
وإن بـــغـــن دربـــــن يــجــنـــه لــــو عــلــيــهــن مــســبــعــه.
ثـــم فـيــهــن مــــن حـبــيــبــه رجــلــهــا تــشــهــر بـطــيــبــه
واهــنــي مــنــهــي نـصــيــبــه لــــــو مــتـــاعـــه ســلـــوعـــه
وإن طـــرش وأبــطــى مــراحــه أمـــنــــن قــلـــبـــه بــــراحــــه
مـايـطــيــع أهــــل الـقــبــاحــه والـــجــــهــــل والـــلــــودعــــه
ثـــــم فــيــهـــن شــلــبــديـــه تـــاكـــل الــطــلــيــان حـــيــــه
والــــــردي مـــاهــــي رديــــــه مـــيــــر مــــاجــــا تــبــلـــعـــه
رجــلــهــا لــــو جــــاب واجــــد عــنــدهــا مـــاهـــوب يـــاجـــد
أن سـكـت فـي الـفـقـر سـاجـد وأن تـــكـــلــــم تـــســـبـــعـــه
ثـــم فـيــهــن مـــن تــحــوفــك كــنــهـــا تـــفـــرح بــشــوفـــك
وأن تــبــيــن عــــرق جـــوفـــك بـــيـــن إيــديــهـــا تــمــصــعــه
تـنــصــحــك وهــــي الـــعـــدوه وأنــــت تـحـســبــهــا حــمـــوه
لاتــــظــــن أبــــهــــا مـــــــروه حـــبــــل وصـلــك...تــقــطــعــه
لاتـــــقـــــول أن الــــعــــجــــوز عـــــن طـبــايــعــهــا تـــجــــوز
عـــنـــد طــاريـــهـــن تـــفــــوز تـــضـــحـــك أم الـــدعـــدعــــه
لـــو تـصــيــر أبــــزي ضــبــعــه مــالــهــا بـالــعــمــر شــبــعــه
كـــــل مــخــلـــوق وطــبـــعـــه ضــــايــــع مـــــــن طـــبـــعـــه
ثـــم فـيــهــن مــــن تـعــيــنــك دايــــم(ن) يــدهـــا بــيــديــنــك
عــنــدهـــا مــامــثـــل زيـــنـــك لـــــــو عـــلـــيـــك مـــرقـــعـــه
تــفــتــهــم حـــــق الـــرجــــال عـــنـــد زوجــــــات الـــحــــلال
الـــدقــــاق مــــــع الــــجــــلال كـــــل شـــــئ أبــمــوضــعـــه
ثـــم فـيــهــن مـــن تــحــلــوى شـــرهـــا يـــبــــلاك بـــلــــوى
لـــيـــن بــلــحــجـــة تــعـــلـــوا فـــــي ثـــيـــاب مــطــوعـــه.))
تــعــطــيــهــا ســــــدك وأنــــت كـــتـــم الـــســـد ودك
تــصــبــح الــهــرجــه بــضـــدك فــــالــــنــــداه أمـــصـــلـــعــــه
ثـــم فــيــهــن مــــن تــحــبــك وأقــشــر مــاتــشــوف جــبـــك
وألـحـمــتــهــا لـــــو تــســبـــك فـــــي جـــســـدك أمــربــعـــه
أن تــكــلــمـــت أفــضــحـــتـــك وأن تــغــاظــيــت.؟أجــرمــتـــك
ون تـــســـاكـــت نــتـــفـــتـــك نـــتـــف ريــــــش الــقــوبــعـــه
بـــــع أقــاصــيــهـــا بـــدانــــي زدتـــهـــا والــعــمـــر فـــانــــي
لاتـــحــــط أبـــهــــا مــثـــانـــي ســـــو بـــيــــع أمــقــلــفــعــه
ثـــــم فــيــهـــن قــشــمــريــه صـــايــــبــــه ومـــجـــادعـــيـــه
عــنـــد ضــحــكــات الــثــنــيــه مـــــن يــجــيــهـــا تــلــقــعـــه
الـســفــيــه إلـــيـــا نــظــرهـــا دايـــمـــن يــلــهـــث بــثــرهـــا
وأن بـــغـــاهــــا مـــاقـــدرهــــا بـــــس يــلـــهـــث مــدلـــعـــه
مـايـطــيــع أهـــل الـنـصـيــحــه لــو لـبــس ثـــوب الـفـضـيــحــه
ولا أعــظـــاه أبـمـســتــريــحــه والــــعــــيـــــون مــــولــــعـــــه
والــذهــيــن إلـــيـــا عــرفــهـــا كـــف روجــــه مــــن ظــرفــهــا
جــــــاز مـــنــــه مــاخــرفــهـــا لــــــو تـــكــــون أمــهــيــنــعــه
ثــــم فــيــهــن مــــن وثـــيـــق ســدهـــا ســــد(ن) غـــريـــق
مــالــنــا شــدهـــا الــطــريـــق قــــولــــهــــا مــاتـــطـــلـــعـــه
ســـدهـــا مـــثــــل الأمـــانــــة عـــنـــد رجـــــال(ن) تــكــانـــه
مــايــهــوجـــس بــالــخــيــانــه رابــــــح(ن) مـــــــن ودعـــــــه
يـــاعـــيـــالـــي جـــعـــلـــكـــم يـبــعــث أســمـــي فـعــلــكــم
الــنــصـــاح أطـــيــــب لـــكــــم والـــــــردا بـــــــه خـــرفـــعــــه
أمــــنــــوا تـــــــرى الـــنـــيــــه مـــثـــل مــاقــالـــوا مــطـــيـــه
لاتــصـــيـــر أبـــكــــم رديـــــــه فـــــي مـــحـــول أو زلـــوعــــه
الـضــعــيــف إلــيـــا نــصــاكـــم لاتـــشـــحـــون بــعـــطـــاكـــم
فـــي رجـــا الله ثـــم رجــاكـــم كـــــــل مــــاجــــا أقـــنـــعــــه
والـــعـــطــــا مــــاهـــــوى بالله كــوبـــتـــن كـــثــــرة وقـــلــــة
ضــايـــع(ن) راعـــيـــه ضـــلـــه ضـــــــــــاع والله ضــــيــــعـــــه
أفــهــمــوا قـــــول الــمــجـــرب مـــابـــغـــا وثـــت(ن)يـــطـــرب
بـــاقـــي الــدنـــيـــا تـــخــــرب مـــاحـــدن تــصــفـــي مـــعـــه
وألــــزم مــاعــلــى الــصــبـــي طـــاعـــتــــه والــمـــذهـــبـــي
والــصـــلاة عـــلـــى الــنــبـــي والأمــــــــــور أمـــشـــمـــعــــه
قــال: مــن وصــى عـيـالــه وده إلــهــم بـالـشـكــالــه
خـابـر(ن)راعــي الــرزالــه بـالـمـجــالــس تـشـنــعــه
يـا ((إمـهـلـي)) شـوف أخـوانـك شـانـهـم مـن صـوب شـانــك
عـنـدمــا يـزعــل إلـسـانــك عـنـهــم الـغـيــظ أدفـعــه
وأنــت يـا((عـلـي))أفـتـكــر خــل قــولــي لـــك ذكـــر
ربــعــه الـطــيــب شــكــر والــــردي لاتـتــبــعــه
يـا((مـسـلـم))وأنــا أبــوك الــعــرب لـــو صـاحــبــوك
مـايـســرك غــيــر أخـــوك كـــل مـايــأمــر طــعــه
يـاعـيــالــي كـلــكــم أفـطــنــوا فــــي حــالــكــم
الــتــنــازع ذلــكـــم والـتــصــافــي مــنــفــعــه
أجـهـدوا لـلــه بـطـاعــه وأتـبـعــوا راعــي الـشـفـاعــه
قـبــل يــوم فـيــه سـاعــة عــنــد ربـــي مـرجــعــه
الـقـصـيـر أمـشـوا بـحـقـه لــو بــدت مـنــه الـمـشـقــه
وإن كـثــر بـالـقـلــب دقــه طــو بـيــتــك وأشـلــعــه
مـــادواه الإمــراحــه فـــي فـــراق الــســوء راحــــه
لاتـجــازيــه بـقـبــاحــه يـــوم ربــــه صــرقــعــه
والـخـوي حـقـه عـلـيـكــم تـجـعـلـونــه مــن حـديـكــم
كــل شـغـلــه فــي يـديـكــم لـيــن يـاصــل مـربــعــه
إن تـمـرجــل كـيــفــو بـــه وإن تـــردا عــبــرو بـــه
لــو يـصـيــر لـكــم عـقـوبــه قـصـة(ن)بـالـمـبـلــعــه
والـحـمــق يـخــر مـضــره يـلـحــق الـعـقـيــل شـــره
ون طـــرا راعــيــه مــــره قــالـــوا الله يـقــطــعــه
والـصـبـر عـنـد الـبـلاوي خـيــر مــن كـثــر الـشـكــاوي
لــو تـصـيــح ولــو تـــلاوي مـابــغــا الله يـصـنــعــه
وأحـذروا حـقــر الـفـقـيــر دعـوتــه يـمـكــن تـصـيــر.؟
أدخـــل الله وأسـتـجــيــر قــبــل يـــذرف مــدمــعــه
الـتـكــبــر لـلــرخــوم يـحـســبــون إهـــم الــقــروم
عـنـدمــا يـبــدى الـلــزوم عـشـرهــم نـصــف أربــعــه
والـعــدو لــو زان بـالــه أنـقـلــوا مــنــه الـحـمــالــه
لـو مـغــط ألـكــم حـبـالــه بـغـظـكــم يـبـقــى مـعــه
والـصـديــق بـكــل حــال عـنــد حــظــرات الـمــجــال
مـدحـكــم عـنــد الــرجــال كـــل مــاجــاه أشـبــعــه
والـصـديــق إلــيــا نـكــركــم مـــا دواه الأ ظـهــركــم
وإن خـضـعـتـولـه حـقـركـم صـرتــوا عـنــده مـضـفـعــه
والـتـمــنــي مـايـفــيــد لـــو تــزيـــده مــايــزيــد
مـثـل بــق طــار مــن إيــد بـالـهــوى مــن يـجـمـعــه.
والـحـلـوف أبـغـيــر حـاجــة كـلـهــا ذنــب وسـمـاجــة
واجــد الـلــي بـالـلـجـاجــة دوم حـلــفــه يـمـطــعــه
كــم صـبــي(ن) بـالـرخــا ظـنـكــم فــيــه الـصــخــا
وأن كــربــتــوه أرتــخـــا كــــل عــذر(ن)يــاســعــه
جــاز مــن كــل الـصـداقــه والـمـحــبــة والـلـبــاقــة
والـسـبــب نـفـســه أرفـاقــه حـتــى الانــه تـضـلـعــه
والـمـغـفــل يـحـسـبـنــه دوم فـــي نـعــمــة وجــنــة
مـاخــذ(ن) دنـيــاه ظـنــه لـيــن بـقــعــا تـصـقــعــه
ثـم يـقـعـد مــن مـنـامــه مـلـحــق(ن) نـفـســه مـلامــه
عـقــب مـاشــاف الـنـدامــه يــوم هـــاك الـكـعـكــعــه
الــرجــال أبــهــم فـهــيــم لايــضــام ولا يــضــيــم
عـنــدمــا يــبــدى حـلــيــم والـحــقــوق مـشــرعــة
راعــي الـصـبــر مـحـمــود لـيــن مـولـمـتــه تــعــود
ثـــم يــنــزل بـالــحــدود والـمــطــمــن يــرفــعــه
والـرجــال إبـهــم ثـقـيــل كـــل عــمــره مـايـعــيــل
وإن طـمــع فـيــه الـجـبــيــل دون حــقــه يـصـفــعــه
أن بـغـيـتــه بـالـمــروه شــفــت نـــو الـخـيــر.؟نــوه
وأن بـغـيــت الـحــق قـــوة طـزعـيــنــك بـاأصـبــعــه
وإن بـــلاك الله بـعــاقــه مـــن مـقــاريــد الــرفــاقــه
لاتــوريــه الـحـمــاقــة لــيــن ربــــك يـقــلــعــه
خــل شـوفـاتــك بـعـيــدة عــنــد نـفـخــاتــه وريـــدة
ثـــم عـقـب(ن)لاتـعــيــده الـســعــه ثـــم الــســعــه
كــم صـبــي(ن) كــل يــوم يـعـتــزي مــن غـيــر قــوم
وإن تـنـاطــحــت الــقــروم مـايــدانــي الـفـرقــعــه.!!
صـايــر(ن) لـلـشــر سـبــه لـيــن يـلـقــا مــن يـدبــه
ثــم يـبــرك لـلـمـسـبــه يــوم جـــاه مـــن أشـبــعــه
والـسـفـيـه إلـيـا نـهـيـتـه عــن طـريــق(ن) مـابـغـيـتــه
لـــو تــجــره مـاقـويــتــه والــنــدى مـايـسـمــعــه
راح فــي درب(ن) يــضــره وأنـــت شـــورك مـايــســره
والله أنــك لــو تــجــره.؟ مـايــبــي غــيــر إسـنــعــه
والـرجــال أبـهــم كــذوب مـايــهــاب مـــن الـعــيــوب
لـــو يـفــجــر مـايــتــوب والــخــزا مـايــوجــعــه
والـرجــال أبـهــم صـــدوق فـــي كــلامــه مـايــتــوق
يـفـتـهــم كـــل الـحــقــوق والـكــريــم أمـسـنــعــه
والـرجــال أبـهــم كـريــم لاخــطــر خـلــفــت رزيـــم
وأن طـرش.؟قـلــبــه سـلــيــم كـــل زاد(ن) يـقــنــعــه
والـرجــال أبـهــم بـخــيــل لاخــطــر مـــدة قـلــيــل
وأن طـرش.؟مــالــه مـثــيــل يــشـــره الله يــنــزعــه
والـحـريـم أبـهـم طـبـايـع فـيـهــن الـتـخـمـيــل ضـايــع
لــو بـهــم عـاصــي وطـايــع كــل الأكـثــر مـنــدعــه
الـنــصــاح أيـبـيـنــنــه والــخــمــال إيـدمــدمــنــه
وإن بـغــن دربــن يـجـنــه لــو عـلـيـهــن مـسـبــعــه.
ثـم فـيـهـن مـن حـبـيـبـه رجـلـهــا تـشـهــر بـطـيـبــه
واهـنــي مـنـهــي نـصـيـبــه لــو مـتـاعــه سـلـوعــه
وإن طــرش وأبـطــى مـراحــه أمـنــن قـلـبــه بــراحــه
مـايـطـيــع أهــل الـقـبـاحــه والـجــهــل والـلــودعــه
ثــم فـيـهــن شـلـبـديــه تــاكــل الـطـلــيــان حــيــه
والــردي مــاهــي رديـــه مــيــر مــاجــا تـبـلــعــه
رجـلـهــا لــو جــاب واجــد عـنـدهــا مـاهــوب يـاجــد
أن سـكـت فــي الـفـقــر سـاجــد وأن تـكـلــم تـسـبـعــه
ثـم فـيـهــن مــن تـحـوفــك كـنـهــا تـفــرح بـشـوفــك
وأن تـبـيــن عــرق جـوفــك بـيــن إيـديـهــا تـمـصـعــه
تـنـصـحـك وهــي الـعــدوه وأنــت تـحـسـبـهــا حـمــوه
لاتـظــن أبــهــا مـــروه حــبــل وصـلـك...تـقـطــعــه
لاتـقــول أن الـعــجــوز عـــن طـبـايـعــهــا تــجــوز
عـنــد طـاريــهــن تــفــوز تـضــحــك أم الـدعــدعــه
لـو تـصـيـر أبـزي ضـبـعـه مـالـهـا بـالـعـمــر شـبـعــه
كــل مـخــلــوق وطـبــعــه ضــايــع مـــن طـبــعــه
ثـم فـيـهــن مــن تـعـيـنــك دايــم(ن) يـدهــا بـيـديـنــك
عـنـدهــا مـامـثــل زيـنــك لـــو عـلــيــك مـرقــعــه
تـفـتـهــم حــق الــرجــال عــنــد زوجـــات الــحــلال
الــدقــاق مـــع الــجــلال كـــل شـــئ أبـمـوضــعــه
ثــم فـيـهــن مــن تـحـلــوى شـرهــا يـبــلاك بــلــوى
لـيــن بـلـحـجــة تـعـلــوا فــي ثـيــاب مـطــوعــه.))
تـعـطـيــهــا ســـدك وأنــــت كــتـــم الــســـد ودك
تـصـبــح الـهـرجــه بـضــدك فـالــنــداه أمـصـلــعــه
ثـم فـيـهــن مــن تـحـبــك وأقـشــر مـاتـشــوف جـبــك
وألـحـمـتـهــا لــو تـسـبــك فــي جـســدك أمـربــعــه
أن تـكـلـمــت أفـضـحـتــك وأن تـغـاظـيـت.؟أجـرمــتــك
ون تـسـاكــت نـتـفــتــك نــتــف ريـــش الـقـوبــعــه
بــع أقـاصـيـهــا بـدانــي زدتــهــا والـعــمــر فــانــي
لاتـحــط أبـهــا مـثـانــي ســـو بــيــع أمـقـلـفــعــه
ثــم فـيــهــن قـشـمــريــه صـايــبــه ومـجـادعــيــه
عـنـد ضـحـكــات الـثـنـيــه مــن يـجـيـهــا تـلـقـعــه
الـسـفـيــه إلـيــا نـظـرهــا دايـمــن يـلـهــث بـثـرهــا
وأن بـغــاهــا مـاقــدرهــا بـــس يـلــهــث مـدلــعــه
مـايـطـيـع أهـل الـنـصـيـحـه لـو لـبـس ثـوب الـفـضـيـحـه
ولا أعــظــاه أبـمـسـتـريــحــه والـعــيــون مـولــعــه
والـذهـيـن إلـيــا عـرفـهــا كــف روجــه مــن ظـرفـهــا
جــاز مـنــه مـاخـرفـهــا لــو تــكــون أمـهـيـنــعــه
ثــم فـيـهــن مــن وثـيــق ســدهــا ســـد(ن) غــريــق
مـالـنــا شـدهــا الـطــريــق قـولــهــا مـاتـطـلــعــه
سـدهــا مـثــل الأمــانــة عــنــد رجـــال(ن) تـكــانــه
مـايـهــوجــس بـالـخـيــانــه رابـــح(ن) مـــن ودعـــه
يـاعـيـالــي جـعـلـكــم يـبـعــث أســمــي فـعـلــكــم
الـنـصــاح أطــيــب لــكــم والـــردا بـــه خـرفــعــه
أمـنــوا تــرى الـنــيــه مــثــل مـاقــالــوا مـطــيــه
لاتـصـيــر أبـكــم رديـــه فـــي مــحــول أو زلــوعــه
الـضـعـيــف إلـيــا نـصـاكــم لاتـشـحــون بـعـطــاكــم
فــي رجــا الله ثــم رجــاكــم كـــل مــاجــا أقـنــعــه
والـعــطــا مــاهــوى بالله كـوبــتــن كــثــرة وقــلـــة
ضــايــع(ن) راعــيــه ضــلــه ضـــاع والله ضــيــعــه
أفـهـمــوا قــول الـمـجــرب مـابــغــا وثـت(ن)يــطــرب
بـاقــي الـدنـيــا تـخــرب مـاحــدن تـصــفــي مــعــه
وألــزم مـاعـلــى الـصــبــي طـاعــتــه والـمـذهــبــي
والــصــلاة عــلــى الـنــبــي والأمـــور أمـشـمــعــه

نــجــم
04-04-2011, 06:38 PM
اتذكر



اليوم يا عيني علامك ترفين
ولا نتي على العادة ينثر الدموعي
أما يبي يلفيك علمن ما هوزين
وإلا اتذكر ما غدى من اربوعي
يا كثر ما نذكر من الناس غالين
حدر الثرى ما عد قيهم رجوعي
راحو مراحن منه ما هم ملفين
صارت منازلهم عذابن للشوعي
الله على وقتن مضي مثل هالحين
ابعد علي اليوم من حب كوعي
إليا ذكرته والمخاليق غافين
جريت ما يفتح مفالج اضلوعي
يوم أن وقتي مقبلن يا أدعج العين
عروس عشق ومعجبتها الدفوعي
واليوم وقتي صار بين اليهاهين
اليا طاب لي يومن خبث لي اسبوعي
دنيا نبي منها عدال الموازين
وتميل لوني في خطاها جزوعي
تضحك لناس بالفرح مستمرين
وناسن تجيهم بالكدر والفجوعي
وصارت بها سود المقانع شياهين
وفحولها صار اتبوع التبوعي

نــجــم
04-04-2011, 06:39 PM
الفنون الغريبه



قال الذي يلعب أَبيوتي نقاوي
يختار في نجر الفنون الغريبه
مما طراله يوم سمع النخاوي
من واحدي كنه ابحامي اللهيبه
يقول طاويني من الهم طاوي
ويقطع صحيبي ما يفازع صحيبه
أمسيت أدوس الراي وارمق هقاوي
ما بين فكر وهجس واريا صليبه
وأصبحت من كثر التفاكير راوي
رايي سديدي صاملي ينعديبه
وادنيت من لاقربوه الرواوي
ولاحطه الزراع يسنا جليبه
تسعين ليله بالنبات إمتساوي
يقطف زماليق الزهر من خريبه
إمتيهه يومي ماني ابناوي
واليوم في نوي بدت حاجتيبه
ياما طردنا الصيد عقب النخاوي
واقفا مع الريعان حامي حطيبه
إن عاش راسي من جميع الشكاوي
وسلم القعود اللي يطرب نديبه
لجيب خلك لو بهوش ولقاوي
الا ان قفاف العمار ايغديبه
وأسوق من مالي فلوس وحلاوي
وأبدي له الجهده وهو من نصيبه
وبانت عليه إنه ادروب ومضاوي
وحفته وجبته بالدجا ما دريبه
ذا حق من يفضي عليَّ الدعاوي
خلك نجيبه طيب ولا غصيبه

نــجــم
04-04-2011, 06:39 PM
زهابه يشيله



هيض القلب مصلح يوم واق الطويله
ذاكر له اديار عن دياره بعايد
يا الله اليوم يامعطي العطايا الجزيله
يامعين الضعيف وياصدوق الوعايد
ترحم اللي زهابه كل يوم يشيله
ماحصله مقام ويونس الحيل بايد
نتبع نابي اللي مايوني رحيله
كل يوم ذلوله قدم ربعه تحايد
لابغى الدرب في قلبه سوات المليله
ماخذ الشور من ناس تحب الوسايد
الركايب مجافي يتبعن الدليله
والمحادير في عاشور مثل العوايد
ماحلا كتت الباطن محادير سيله
فوق هجن تشوش لابدوا بالقصايد
لاوطيت الشقايا وخليت الثميله
شفت حي لهم في ذيك الأوطان رايد
حادرات بهلهن عقب تسعين ليله
يابسات معاذرها سوات الجرايد

نــجــم
04-04-2011, 06:39 PM
فن الملاحه



من منطلق فن الملاحه والطيور الطايـرات
ماهمني ناسٍ تطير ونـاس معهـا طايـره
عزّيت راس المال عن سوقٍ تبيع البايـرات
ولاني من اللي جا يروّج له بضاعه بايـره
من حر مالي لا بغيت اشري وحُكم الدايرات
حكمتها يوم السياسـه فـن حكـم الدايـره
ياللي تقول ان اليالي من بلاهـن جايـرات
اعرف ترى بعض اليالي من بلاها جايـره
احذر تشب النار ودلالـك عليهـا فايـرات
ياللي تشـب النـار والدلـه عليهـا فايـره
حتيش لو انك حدث وتصير ضمن الصايرات
منهو يقول انك مثال احداث قبلـك صايـره؟
شفت النجوم بحكمة الله في فلكهن سايـرات؟
عليك بسهيل اليماني ,, كان تقـدر؟ سايـره

نــجــم
04-04-2011, 06:39 PM
جزع



يا مل قلبي عن وليفه طوى اليـاس
فاخـت مواجهتـه صبـاح ومماسـي
ما عاد له زول نشوفـه مـع النـاس
ولا سمع بصوته مع جميع الحساسـي
مـنـولٍ ويــاه ممـشـا ومـجـلاس
واليوم في قبـر رسومـه رواسـي
يا محترف للرزق مع كـل منطـاس
الى غفل خطـو الرقـود الهداسـي
الله يبيحـه عنـده العـرف بقيـاس
مال الردى والطيب عنده تواسـي
يضحك لصدقانـه ويضحـك للنجـاس
واللي بقلبه مـا لحـق لـه قياسـي
ليته يذكر حـي لـو عنـد حبـاس
لو هو بديره ما بهـا عـرف ناسـي
لو كان حبسه مـدة تاخـذا رمـاس
ذكره على الدنيا ولا قطـع ياسـي
اما نزوره فـوق عجـلات الارمـاس
والا يجـي بعـد انطـلاق الحباسـي
والا يا ليتـه مـدة بالمـرض داس
اجلس انـا وايـاه وابـرد حناسـي
لكن جاه المـوت قطـاع الأنفـاس
كسـرة عصاتـنٍ حطبهـا يبـاسـي
لا شك قلبي صايبـه حـب الافـلاس
لا شايـف زولـه ولا عنـه نـاسـي
اقوم واقعد مثل ملجـوج الاضـراس
واضحك وانا في خاطري كسر باسي
لاشفت غرضانـه ولـو كـان دراس
جريـت بالونـه وهزيـت راســي

نــجــم
04-04-2011, 06:39 PM
الشاعر والذيب



الشاعر:
يا ذيب وش علّمك تهيض السانى
بعواك يوم ان المخاليق غافين.

الذيب:
انا بلايه قو جوع حدانى
الليل قمرا والضوارى فواطين.

الشاعر:
ياذيب حسّك فى منامى شعانى
لولا الحيا جاوبت صوتك بصوتين.

الذيب:
عزى لمن مثلى جداه اقنبانى
ماله جدا والناس ما هم بمعطين.

الشاعر:
ياذيب ياللى بالخلا ما تدانى
ما شفت لى حول الثميله ابويتين .

الذيب:
مريت لى بيتين يا مودمانى
عنها شمال وفى ظبطها مقيمين .

الشاعر:
ياذيب ما قاربتهم باختلانى
يا كود تبخص فى فريق اريش العين.

الذيب:
انا الذى من شاف زولى نحانى
ما احرزت اجيهم خابر غيبهم شين.

الشاعر:
يا ذيب ما عينت صافى الثمانى
عند الغنم والاّ يرد البعارين.

الذيب:
انا ما اعرف الصاحب المرحبانى
والناس واجد والعذارى مزايين.

الشاعر:
ما رّيته ياذيب عوده ليانى
والنور بين اقذيلته والحجاجين .

الذيب:
هذاك انا قبل امس شفته وجانى
من كثر دمعه محفى محجر العين .

الشاعر :
الله يوفقك الشياه السمانى
من مال كرهين الوجيه البخيلين

نــجــم
04-04-2011, 06:40 PM
خل العيـد



ياعلي خل العيـد لأم الدناديـش
اللي تنظف كـل يـوم جسدهـا
تبغي تماري ناقضات العكاريش
في كل ملفـاح تنقـض جعدهـا
العيد عيدالله ولو فـات حتيـش
من حسبة ايـام يمـرك عددهـا
نبي نعلمك المساري على الجيش
تمشي ذلولك لين يفتـر جهدهـا
خابرك مانتب ضاري للمطاريش
نبيك تونس حلوها مـن نكدهـا
ليله على مسرى وليله مغابيـش
وليله نخلي نومها لمـن رقدهـا
وليله على تمره وليله على عيش
وليله نوكلك اللحم صيـد يدهـا
ياعلي لاجيت العرب لاتجي تيش
خبل ليا جاب السوالف سردهـا
إحفظ لسانك لا يجي فيه تبطيش
تصبح عيونك كايـدات رمدهـا
يجيك من ينشدك نشدة تكديـش
يبـي يسنـع هرجـة يعتمدهـا
خله يقوم مفلت في يـده ريـش
يروح منك وحاجته ما وجدهـا
ترى دعابيل الخبـول الفوانيـش
تبدي بما فيها ولا احـد نشدهـا
يجيك واحدهم يـورش توريـش
سحابته يسبق مطرهـا بردهـا
واللي لغمقات السوالف مناقيـش
قراية الكلمة علـى اول عددهـا
تجي سوالفهم ضحـك وتبهيـش
وقلوبهم ما احد يفكـك اعقدهـا

نــجــم
04-04-2011, 06:40 PM
حسبة العيد



لا والله إلا قريت حسبة العيد
واستجهدن بيض النسا في اسبوعه
قامن يحطن المجلمد جلاميد
وكلن يجدد ما اختفى من ردوعه
أحد ليا منه لبس عيد وسعيد
كمال زينة من حساين اطبوعه
واحدن يجي للزين دونه تجاعيد
كل القشر بين النواظر يصوغه
كم خفرة تلبس لبوس الأجاويد
ولا همها بالعيد من طار شوعه
مثل الأصيل اللي ليا طول الميد
مركاظها كل حكا في طلوعه
وفيهن ونود لو تفرك بتجهيد
اذراعها يلصق إلى حد كوعه
مثل الثبور اللي نهار المطاريد
عنها السعد غايب ويدها خموعه
الزين ماله في جسدها مقاعيد
اما تروح منه ولا تروعه

نــجــم
04-04-2011, 06:40 PM
يا مل قلبي



يا مل قلبي عن وليفه طوى الياس
فاخت مواجهته صباح ومماسي
ما عاد له زول نشوفه مع الناس
ولا سمع بصوته مع جميع الحساسي
منولٍ وياه ممشا ومجلاس
واليوم في قبر رسومه رواسي
يا محترف للرزق مع كل منطاس
الى غفل خطو الرقود الهداسي
الله يبيحه عنده العرف بقياس
مال الردى والطيب عنده تواسي
يضحك لصدقانه ويضحك للنجاس
واللي بقلبه ما لحق له قياسي
ليته يذكر حي لو عند حباس
لو هو بديره ما بها عرف ناسي
لو كان حبسه مدة تاخذا رماس
ذكره على الدنيا ولا قطع ياسي
اما نزوره فوق عجلات الارماس
والا يجي بعد انطلاق الحباسي
والا يا ليته مدة بالمرض داس
اجلس انا واياه وابرد حناسي
لكن جاه الموت قطاع الأنفاس
كسرة عصاتنٍ حطبها يباسي
لا شك قلبي صايبه حب الافلاس
لا شايف زوله ولا عنه ناسي
اقوم واقعد مثل ملجوج الاضراس
واضحك وانا في خاطري كسر باسي
لاشفت غرضانه ولو كان دراس
جريت بالونه وهزيت راسي

نــجــم
04-04-2011, 06:40 PM
الصبر



اصبر بصبري يامبارك عن اللي
عقبه بدا في صفة الريش خله
تبكي علي ورع اعلومه تسلّي
وانا علي اللي ثار بالحمل كلـه
قلبـي ليـا تذكـر مهلّـي
صاعتنـي الدنيـا بقـوم مهـلـه
ياليت ربي ماخلقه ولدٍ لي
والا ان ذعـذاع الهـوا دايـمٍ لـه

نــجــم
04-04-2011, 06:40 PM
يافهيد



يا فهيد هذه حزة أيامك العام
اللي ليا جت هالليالي توديك
شف القلوب.. إخلاف والدرب قدّام
واللي حدا ربعك على الغوص حاديك
مير أَنت لا تكثر عليّ التهظام
ما فيّ يكفيني.. وما فيك يكفيك
كانك تحاتي صاحبك ترف الأقدام
كأنه يبي لاماك ما هو بناسيك
وجليه يفرح في تفريج الألمام
خلّه يولّي لو غلاه متبليك
أصبر على مر الليالي والايام
وسيّور من حلوات الأيام تأتيك

نــجــم
04-04-2011, 06:41 PM
كل نفس لها شوق



يا بن عزيور ويش نية هل النوق
يومن عشب البر يبست اغصونه
تحدروا رعاية القفر من فوق
تحدروا قبل الضما يونسونه
ماقصروا يوم أول النبت رقروق
وهل الطفاف إدبيشهم يعلفونه
شار المشير وكل نفس لها شوق
وكلن على رايه يليم اشطونه
عزّم على راي الفلح كل مرزوق
وتعلقت دقم اللحى في امتونه
وحطوا لهم في يابس العشب طاروق
واللي يشير ابهون مايسمعونه
وكنك اتوصيهم على اللح والسوق
واللي زما قدامهم يسهجونه
ياسند بشرني عسى مالهم عوق
هم هالسنه هم وين خد يبونه
يبون مقياض الهفاهيف والسوق
ولا الفياح اللي قراحن عيونه
ودي بهم لاشك من قبل مسبوق
كثير من جاره تقافت اضعونه

نــجــم
04-04-2011, 06:41 PM
يالله



يالله يارب القلوب الرحومة
ياجالي ضيقات كل امهمومي
تفرج لمن مثلي كلنه همومه
نارت ذلوله بالتفق والهمومي
اليا رقد ماونسنه احلومه
وليا قعد ماوده انه يقومي
عديت في رجم طوال ارجومه
متحيل ضاقت علي السلومي
دنيا تهوم وتاخذ الناس هومه
كم فرقت بطراف حي لمومي
احدن تكبر له منابت الحومه
واحدن توريه القصى والكعومي
أخاف من هيس كبار اعلومه
امسحب الفايت ردي العزومي
يضحك على المبلي ويصبح يلومه
كنه على صقعات بقعا جزومي
ياما نعم بأطرافها فرخ بومه
كثرة دنانيره وصار امحشومي
اليا ضحك كلن ضحك في يمومه
وليا كظم تلقى اجلوسه اكظومي
وهو لو يجي في ماقف فيه قومه
خطر تقوم أمه وهو مايقومي

نــجــم
04-04-2011, 06:41 PM
صبي المخاسير



قال بوفاة ابنه مهلي يخاطب أحد أصدقائه :



ياليت مطلق مالفانا بتخبير
علم الخطا كنه لقلبي يصوعي
يقول فاديكم صبي المخاسير
مير أيقنوا بالله وصيروا هجوعي
ياكبدي اللي كن فيها مسامير
وقلبي يبا المطلاع لولا ضلوعي
أمسيت كن الزاد عندي طعم جير
وأصبحت ونات الضماير قدوعي
على وليف ماجرى منه تكدير
لين انقصف عمره وهلت دموعي
يا العبد هذا أمر الولي فيه تدبير
أمر قضاه الله بعلم يروعي
أبوك شالنه اصدوف المقادير
قفا ولا له في وطنا رجوعي
لا شك لا تنوى بكسر التعابير
مادام صوتك يسمعنه اسموعي
حلفت باللي يرزق الذيب والطير
إني فلا اشبع وانت بطنك يجوعي
هذا ولالي عن خواتك معاذير
الا بما يوصف على حب كوعي
وعساك تسلم للبنات المصاغير
خواتك اللي عقب أبوهن فجوعي
والله يعوضك عقب ماليم الخير
وخلاه للي يودعونه امزوعي
دنيا تدور ولا تطيع المشاوير
تجيب خير وتاخذه بالطلوعي
ولا داومت لمكسرين الطوابير
أهل الرشوم امنزحين الجموعي

نــجــم
04-04-2011, 06:41 PM
هرجة صاحبي



البارحة في هجعة الناس بالنوم
اخترت هرجة صاحبي عن منامي
أخذت أنا وياه سجات واعلوم
لين السفر من شرق باق الظلامي
ولا أدري بلاه الذل من فوقنا حوم
ولا بلاه الطوع يدري الاثامي
ان كان صيده ذل عن درب مثلوم
هو بوجهي مايجيه الملامي
وان كان صيده طوع ماهو ابماثوم
حسناه فيّّّه مثل حسن الصيامي
في حقته لعل ماني ابمحروم
حق علينا دون عرضه نحامي
حياة رب سنن الفرض والصوم
دين بأثر دين وحلف وحرامي
إني فلا أخبر به ولا أبدي ولا أشوم
مادام جلدي لابساته عظامي
والذل مايبعد ولا يقرب اليوم
والموت ماخلا الظبي والنعامي

نــجــم
04-04-2011, 06:41 PM
يامرحبا



يامرحبا ترحيبة الروح للروح
يا واحدطرش سلامه مضره
ترحيبة المسني ليا طالع الظوح
برقه ينوض ويرتجي انه يمره
يبا يعذبني على غير مصلوح
ايضا ولا لي من سلامة مسره
اهوز روحات لبيته ولا اروح
اخاف من هرجة عدو تضره
والله يالولا الدرب عقدة وساموح
إني لجيه الصبح والعصر أمره
حبه بظعبي بضعة النجر باللوح
ليمن بدا به شاطر ثم ضره
ماني بعرفه مير بالذكر ممدوح
عني بعيد وسابق الخير شره

نــجــم
04-04-2011, 06:42 PM
ثرى بايرن بار



الله لا يثري ثرى باير بار
يوم اشتهى فرقاي كثرة أعذاره
أثره يشاورني وهو عنده أشوار
يمشي على رايه ويكما اخباره
وانا احسبنه مايطري بالانكار
لو كثر شيبه في مفارق اجماره
العام حيثه صافي ظبي الاقفار
وهو على شوفي يسوق البشاره
واليوم بين بالجفا عقب الاقتار
أبين من المومي براس الزباره
يبي يدلهني بزينات الاعذار
وحنا علينا ماتجوز العياره
هذا زمان كثر فيه التغيار
والصدق من قلة يبي له ادواره
وراعيه لو عاهد مواثيق وأنذار
لزوم تقلب نيته من نهاره

نــجــم
04-04-2011, 06:42 PM
لا واخسارة



وراك تسفهني وأنا مولع فيك
أثرك عدو وأنا احسبنك نصوحي
لا واخسارة كلمتي يوم أناديك
شفقن عليك وهرجكم قبل أروحي
تقوللي مااسمع جوابك ولا أوحيك
أنا اشهد أنك ياهوى البال توحي
سفهتني لعل ربي يحافيك
أما صقهة ولا عشير لموحي
خطوى العشير اللي ليا أقفى حكى فيك
سده ايشادي للصميل النضوحي
ماكن لك قلب وعين اتقديك
شوفك عميا يا قليل الصبوحي
إنقد على اللي عقب هذا يحاكيك
والا يجيلك بالتعذر سموحي

نــجــم
04-04-2011, 06:42 PM
يالله ياللي تنبت العشب وتعيض



يالله ياللي تنبت العشب وتعيض
ياعايض الوادي المحل بالطيوبه
تفرج لقلب كنه اليوم حميض
حميض شفشوف سموم هبوبه
على عشيرن في مكانه من القيض
وأنا ظهرت وصاحبي لا وذوا به
عيني عليه اتفيض الدمع تفيض
تفيضه الساقي بصبه غروبه
بيض خدوده والثنايا بعد بيض
ولا شفتهن مير أتبع اللي حكوبه
وليا التفت بالعين يمي بتلحيض
كنه يقول أذبح وانا اقول توبه

نــجــم
04-04-2011, 06:43 PM
واجهت الفراق



البارحة يازين حالي وفالي
كني غني في حلي النوم غراق
طبيت بستان بوسطه لحالي
قمت أتخير بين مختلف الارناق
يوم انتبهت لين الوطن منه خالي
شوفه غدا عني وواجهت الافراق
ياليت طاري مرقدي ماطرالي
كدر عيون في حلى النوم غراق
والا ياليت الحلم ذبحه حلالي
وأجوده بيدي وأحرق به احراق
اللي يوريني شراب زلالي
ويبعده عني ليا قمت مشتاق

نــجــم
04-04-2011, 06:43 PM
العيون السود



قالوا تروح وقلت ياناس أبا اروح
مراحي أطيب ويش أنا قاعدن له
لا عاد مقعادي على غير مصلوح
هذاك مقعاد القصي والمذله
ولاني ابناطركم تقولون مسموح
والله لروح ومن قضبني لتله
أما تهيت هرجه الروح للروح
باقي السوالف ريح دخان جله
أنا هواي اللي مع العقل مملوح
هرجه قليل ولا تجي فيه زله
هذاك أنا لعيونه السود مطروح
إن عف ولا مافعل فدوتن له

نــجــم
04-04-2011, 06:43 PM
يا عاذل قلبي



أبو مهلي بالطويل إمتعلي
رجم على غير الشقاوي يكوده
ذكر علي الرجم هرجه هوى لي
وطبحت منه وحالفن مانعوده
يالله عسى خده مضامي وذلي
والسيل يبطي مادرج في حيوده
ياكبر منقودي على من عذلي
ياعاذلن قلبي تسمع ردوده
والله ماخلي واحدن حالفلي
نهار فرقانا يمشش اخدوده

نــجــم
04-04-2011, 06:43 PM
ما دروا بالخطيه



يامل قلب من هوى الغشمريه
مثل أم بيض بيضها كاسرينه
ورعان بدو مادروا بالخطيه
ولا ثمنوا بالوقت شينه وزينه
يوم أقبلت له مابقى له بقيه
البيض وخذ وعشها دامرينه
ليت الشهر يمضي ويمضي جفيه
واللي وراه اليا مضى واصلينه
ياطول مجليت الليالي عليه
قلبي يراعيهم وعيني حزينه

نــجــم
04-04-2011, 06:43 PM
ياشيب عيني



الله من قلب اهمومه وطنّه
وطي النعال اللي بها الرجل ماشي
طرقي وشينات الديار اكلنّه
ومعجّل مشيه يبوح الدشاشي
يتلي ضعون شلعن وأتعبنّه
ويتبع الجره عليها رشاشي
يا شيب عيني يومهن هملنّه
حدب الظهور امبعدات المعاشي
على عشيرن يوم يضحك بسنّه
لي كن ينزل من شفاته قماشي

نــجــم
04-04-2011, 06:43 PM
نجل العيون



البارحة يوم أشقر الراس غافي
في مرقده نجل العيون إمتهنّي
ليته درى عما جرى للنصافي
يرضي علي وخاطره يرجهنّي
عليه قلبي مثل قشع الشرافي
اللي اغصونه بالهوى يلعبني
لو إن ماني بالحبيب امتشافي
والله اليبطي قاعدن ما شحنّي
مير إن في قلبي من الحب كافي
لا شفت خلي قاعدن غيب عني
شكيت له حالي وقال امتعافي
وأنا عيوني بالدجا يسهرني
وحلفتله باللي يعين الضعافي
وعيا وليفي يقبل الحلف مني
يالله لا تحمل علينا سرافي
حتى الجمال اقلوبها يصخفنّي

نــجــم
04-04-2011, 06:43 PM
حالي تمرض



اليوم لو عديت بالرجم أبا أمحض
دار بها لا بدليه قروضي
ماشفت من بيني وبينه تمعرض
إلا سراب الجو دونه يخوضي
حولت من فوق الطويل أتغمض
كن الحسايف في لساني قروضي
وأمسيت مثل اللي تزايد به الفض
اليا قعد ماعاد يقدر ينوضي
على عشيرن منه حالي تمرض
مالي دوا غيره ونفسه غيوضي
لا قلت ضاع ادواي كود أنت غمض
من الجزع كني مخل فروضي
مدري بلاه إمعيف ولا ردى حض
ولا على حظي يصير الربوضي
خلن يباديني ودنياي تختض
يقول أنا أدري فيك ذيب عضوضي
هو مادرى إني في هواه أتحفض
مافاض من عنده علي امحفوظي

نــجــم
04-04-2011, 06:44 PM
ما ينكر أصحابه



حتيش يا خلج لو قمتن تحننّي
على حوار وطاه الوقت وأسبابه
يومين ولا عن الغالي تسجنّي
ماكن وقت غدا بحوار كن جابه
مير البلا اللي ليا منه فقد حنّي
يزيد فيه الحنين ولا تشاوابه
مثلي على واحدن ظنه على ظنّي
عيني توده وقلبي ماله الا به
اليوم بانت علومه مقفي عني
يضحك عليّه ودوني مغلق بابه
أنا أحمد الله عيوني ما يغشنّي
لا بد من واحدن ماينكر أصحابه

نــجــم
04-04-2011, 06:44 PM
نادوا سميّه



البارحة ماعرفت النوم وشلونه
كني على ملة تحرق لهايبها
على عشيرن سمعت اسمه يطرّونه
دونه حزوم زمت شوفي يضيع ابها
نادوا سميّهولا لونه مثل لونه
سمي مشهات قلبي مايعوض ابها
ياليتني من فريج له يرودونه
مارحت عن صاحبي والعين مغضبها
أتبع عشيري وأحب اللي يحبونه
وليا حرب ديرة لازم نحاربها
العين في ضافي الأردان مفتونة
مهي ابعاده تغير عقب صاحبها
لا واهني الوريع اللي يلاهونه
مثل مهلي لعابيبه يسج ابها

نــجــم
04-04-2011, 06:44 PM
صاب قلبي
قال يخاطب أحد أصدقائه :



أنا البارحة ما أمرحت نوم الشتاء كله
حرام علي النوم ياضبيب ماجاني
مغير أتقلب كن جنبي على مله
وأمشش ادموع فوق الأوجان تملاني
ذبحني برمحه يوم حقق بعينله
أنا بشهد إنه صاب قلبي ولا أخطاني
ألا ياوجودي خده اليوم مادله
غدا بين حماره وبدو وشيواني
أنا هاظني باللعب شوفة جديلله
عكاريش ينفضهن كمالون شرطاني
أنا يوم شفت إمبيسمه قلت بسم الله
شرقت وبغيت أموت مير الله أحياني

نــجــم
04-04-2011, 06:45 PM
وراك تجفى



ياصاحبي لاتنوي عني الذيره
وراك تجفى وأنا باغيك ياخلي
حبك بقلبي معسكرة مساميره
عيفتني بالعذارى الدق والجلي
مير أنت ياصاحبي منك التنكيره
مشيت لي بالجفى كنك عدولي
عزي لمن صار تدبيره ابتغبيره
لو كان دربه عوج يقول مندلي
أحذرك ياعشيري عن هل الطيرة
هراجة بالقفى طرادة الضلي
أخاف من طيرة مالك بها خيره
تودع مودتك عن الناس تنحلي

نــجــم
04-04-2011, 06:45 PM
وصف الحبيب



لي صاحب ماراح للشكر يشريه
يشرب حليب انياق والشكر ريقه
ماراح للدكان يقضي الغرض فيه
ولا قيل بياع الحوايج رفيقه
ياشيب عيني من نهار يطريه
لا قربوا زمله لرحلة فريقه
يبا يروح لمربع كد نزل فيه
بين الفياض وبين رجم يويقه
قفرية راعي الغنم مارثع فيه
وراعي الغنم ماجر فيها صعيقه
من مطرته ماطبه الا حباريه
وأم الغزال اللي ارقبته دقيقه

نــجــم
04-04-2011, 06:45 PM
علامك يالنصافي
وقد قال الشاعر صقر هذه القصيدة ردا على بعض الكلام الذي وصله من أحد الناس :



قالوا علامك يا النصافي اتخايل
كنك تخيل البرق وين اشتعاله
قلت أبخايل نشر ظافي الجدايل
شد الشدايد اوين تمشي ارحاله
أشوف مظهور أريش العين شايل
توه على تثويرته بحتماله
قفى وأنا قفيت فوق الرحايل
ماعاد عيني تمتلي من خياله
ياليتني كزيت يمه رسايل
والا قدرت امواجهه وعناله

نــجــم
04-04-2011, 06:45 PM
عين الوحش



يامل قلب مجهد في نصاحه
مير التفرق مانفع فيه الانصاح
ربى شعاه وغربله عقب راحه
بلاه يوم إن المظاهير تنزاح
على عشيرن شد واخلا امراحه
طوى بيته وأول النشر ماطاح
عين الوحش اللي يرف ابجناحه
حر تقلل جاذبه لوح وصياح
الورك شط إحوير في صلاحه
هجل عليه أمه وراعيه مصلاح
لعل يسقى يومنا بالبراحه
يوم إن له عندي مداهيل ومراح
واليوم دونه باحة دون باحه
غير الحزوم اللي بها المرو طياح

نــجــم
04-04-2011, 06:45 PM
فوق شوعي



أخير مالي روحتي للزواريع
وأصير زراع من أهل الزوعي
وأصير أنا زراع وأنسى المطاميع
وأحط أهل لطف الحشى لي اربوعي
وأشوف من ريّع له القلب ترييع
ترييع قلب أم الحوار الرضوعي
لو كان مالي من عشيري منافيع
عيا يوافقني قليل السنوعي
حل الصفاري وإحدرن المجاميع
وتحل فرقانا وفرقا النجوعي
والقيض يفرقنا فراق الجرابيع
هو على عد وأنا فوق شوعي
ياليتني وياه خمسة أسابيع
بالقيض والا بالمشاتي انجوعي
أبنشده هو يتبع الدرب ويطيع
والا عشيري في عشيره قطوعي

نــجــم
04-04-2011, 06:45 PM
سمر الليالي



يامل عين دمعها في هميله
تذرف ذريف غروب جم رسيني
ماهي بلا رمده ولا مستذيله
ولا جيب علم إقرابها ميتيني
تبكي على راعي القرون الجثيله
اللي عوى سرحان بينه وبيني
مير إن مالي بالمقادير حيله
سمر الليالي بذت الاوليني
اليوم لو وقت الطويله ماأخيله
أشرف وأعوّد مانظرته بعيني
لو إن من صوّت لخله يجيله
والله لصوّت لين خلي يجيني
يالله عسى ماهي بفرقا طويله
تلمّنا عقب التفرق ابحيني

نــجــم
04-04-2011, 06:46 PM
معاسمات الليالي
وقال الشاعر هذه القصيدة في رحلات البدو :



يارجل هذي وقفة مابها خير
في راس مرقاب بديته لحالي
فكرت لين أفخت تالي المظاهير
هفوا وشح الشوف دون التوالي
لي كن تاليهم بروس العثامير
قشع على النبوة غشاة الظلالي
قفوا إبمنبوز النهود المزابير
وصار العوض به شوفة الدار خالي
حتّيش لو هرّجت عقبه غنادير
ماني ابلاقي مثل حسن الدلالي
وين الجنيه ووين صرف الدنانير
ياعنك ما هذا لهذا اعدالي
ودي ابسوقة من حلالي مخاسير
ولا ذوقتي فرقا من الناس غالي
مير إن مالي حيلة بالمقادير
وهذي سوات معاسمات الليالي

نــجــم
04-04-2011, 06:46 PM
طبيب ما يداوي
وله من المربوع :



عرضلي بالتوافيق غزال زان لونه
شقى عين الهواوي عرضلي بالتوافيق
عذاب للعشاشيق امدعجة عيونه
طبيب مايداوي عذاب للعشاشيق
تلاوحه التفافيق وعيوا يدركونه
فريد مايخاوي تلاوحه التفافيق
رماني بالمعاليق وصاب القلب كونه
ولاني بامتشاوي رماني بالمعاليق
يحملني مالا أطيق وأنا أشره بالمعونه
عجب وأمر سماوي يحملني ما لا أطيق
حداه الله على الضيق حداني بالمهونه
على حقه قصاوي حداه الله على الضيق
تحت جنح الخماليق يبين لي نمونه
تقل حمض وحلاوي تحت جنح الخماليق
وقع راي التفاريق وحال البعد دونه
على بدو وشواوي وقع راي التفاريق
تفرقت المخاليق هواهم يتبعونه
بقى جوا خلاوى تفرقت المخاليق

نــجــم
04-04-2011, 06:46 PM
طبع العرب شين



لا والله الا صار طبع العرب شين
من داج بين ابيوتهم برقوبه
الحب شان وشينوه الخبيثين
اللي من أول كد مشوا في ادروبه
امن أول نوصل ونمشي جريين
وزولي ليا منه بدى رحبوبه
واليوم صاروا كلهم لي عدويين
كثرت نمامتهم وخلي حكوبه
ما يامرون الا بفرقا المحبين
سوق الموده كنهم ما سعوا به
ياناس ما رافقت خلي على شين
الا على وضح النقا في ادروبه
حلفت بالله والحق الدين دينين
ماشفت منه الا طرايف اعجوبه
أرجيه رجوى اللي عياله مغيبين
يرجى سلامتهم وخير لفوبه
مير العرب فيهم نجوس وشياطين
من مرهم لو هو بري هقوبه

نــجــم
04-04-2011, 06:47 PM
طال هجري
وله يخاطب بها ابن عمه الشاعر خليفة النصافي :



ليتني يا خليفة ما وطيت البدايع
ذكرتني زمان فات واحبنيله
يوم وقتي على ماجاز ليه وطايع
لابس بشتي الظافي ولا ابغى بديله
أثر بقعا عوايدها تسوي الفنايع
تفرق الولف والمقسوم مافيه حيله
يا الله اليوم يا رزاق شاري وبايع
والرجا فيك دايم ما قطعت العجيله
جبلي اللي اطبوعه من حسين الطبايع
وإن تفكرت في لونه ارسومه جميله
أتصبر وضاع الصبر والفكر ضايع
طال هجري وصبري والليالي طويله

نــجــم
04-04-2011, 06:47 PM
فراق الحبيب



يامل قلب من فراق الغضي حن
حنين خلج وسط سوق الصفاتي
تزاعجن بصواتهن ما يسجن
وهن بوسط السوق ومعقلاتي
اعيالهن يم القصاصيب ودن
ولاهن ابعن حب النما سالياتي
جعل العجايز يا الولي مايشوفن
صمخ وطرم وعمي ومحرولاتي
يومنهن في غيهن يستلجن
ماهمهن الا المكحلة والمراتي
اليوم في درب الهوى ما يعذرن
يومنهن عقب الغلا بايراتي
ودك اليا كبرن وقامن يشكن
يشفهن ربي اباقي الحياتي

نــجــم
04-04-2011, 06:47 PM
مجمول الحلايا



لا حول ياصوت رفعته وضاعي
ماكن مجمول الحلايا توحاه
رفعتله صوتي وعيا يراعي
أقفى يزوم الغيض مابه مراواه
أقفى على ماجاه يرقى الرفاعي
يمسح دموع العين بالكم وأحفاه
يقطعك يا نفس حداك الدناعي
وأزعلتي اللي طول الأيام برضاه
امن أول يجيك من غير داعي
واليوم والله مايجي بالمناداه
يامل قلب من فراقه يصاعي
صوع القطى اللي صايعه قرب مرماه
ليت الرضا يشرى وأشوفه يباعي
أشريه له والغيض يدله وينساه

نــجــم
04-04-2011, 06:47 PM
امعزل الوسط



يا الله ياللي بالبحر تروق الحوت
يا معتني بأرزاق خرس البهايم
تثيب صبر اللي من الحب مبهوت
حمل الهوى ضده ابضيم وهضايم
على الذي من جملة البيض منعوت
اللي نفل بالزين سمر اللثايم
حديث غيره جنه الصبر والتوت
وهو حديثه كنه الشكر دايم
قالوا تدين قلت فوتم وأنا أفوت
ماني بكافر مصلي وصايم
من ذاق حب امعزل الوسط ببتوت
يبي يقول من المثايل رسايم
خلوني أزعج في مراح الغضي صوت
صوت تفجع منه ورق الحمايم
لو كان عقب الفوت ماينفع الصوت
ما فات فات ولا تسر اللوايم

نــجــم
04-04-2011, 06:47 PM
ياليتنا ماعرفناه



قال شاعرنا هذه القصيدة وهو يندب بها الماضي عندما نظر إلى
الضعون وهي تفترق عن بعضها كل في سبيله فأرسل
وراءها هذه القصيدة ملتاعا بها من الفراق :



يامل قلب مايبي غير ماجاه
حمل الهوى ضده وعينه وجيعه
أمست هواجيسه من الحب تشعاه
وأمحل شعيبه عقب ما أقبل ربيعه
على عشيرن جيب زمله لفرقاه
ياليت زمله غادي من وديعه
ياخذ ثمان سنين ماعاد يلقاه
لين ايتعلم للتحضري طبيعه
أتلى العهد به يوم دنّا مطاياه
فتق ذرا بيته وحدّر وضيعه
ياقرب مصباحه ومبعد امعشاه
وهذا مكانه يفجع القلب ريعه
ياليتنا قبل العنا ماعرفناه
والا اجتمعنا والليالي مطيعه

نــجــم
04-04-2011, 06:47 PM
بجزاه بالفرقا



الله من قلب تلوعه طواريه
لوع الهوى لغصون سدر لياني
نوب تومّي به ونوب تخليه
ونوب تجره جر حبل السواني
على الذي قلبي يربع بطاريه
والناس كثر أزوالهم ماشقاني
لا واخسارة يوم أنا جيت ناصيه
أبنشده ويش قيله اللي وطاني
ورّاني الصده بعذر يبدّيه
وأنا أفتهم عذر البخيل ارمضاني
والله جزا من صد عني لجازيه
بقفاية ماعاد فيها نواني
هذا جزا له يوم أنا مولع فيه
بجزاه بالفرقا مثل ماجزاني
من لا نفعني في حياتي وأنا ارجيه
ماني براجنه ليا مت جاني

نــجــم
04-04-2011, 06:48 PM
عنز ريم



لا واعشيري كل ما أرهيتبه راح
صارت سوالفنا بليا مصاليح
ماكن له بالغي ممسا ومصباح
من عقله اللي يجرح القلب تجريح
عيار نكار يثمّن للافضاح
ماغيروه امكركشين المسابيح
اللي حكاياهم لمن جا ومن راح
لسابه المجفي سراب الصحاصيح
اللي امحببني بعجاج الارياح
عقله وميزه عن جميع التلاميح
ياعنز ريم عذبت كل ذباح
ماتركد الا في زراج الضحاضيح
اليا اسمعت طق العرب وقم مسراح
ترفع نظرها والجوازي مدابيح
تغاوزوها بين دحل ومضياح
وأبدوا بها الجهده أرماة دوابيح
ولا عاندوها غاوزتهم ابمشواح
هجّت ولقّت خشمها يمة الريح
طاحوا وقاموا لين ذابن الارواح
واستفلسوا منها وراحوا مدابيح

نــجــم
04-04-2011, 06:48 PM
وجعته من طبيبه



يا الله ياللي سايلك تعتني به
من أونس الحسه ينصيك شكواه
تفرج لقلب وجعته من طبيبه
كونه عطيب من مابه مراواه
عرفت من لا كان عرفتني به
مقطوع حيل ليتنا ماعرفناه
امبلتع قلب يجيبه ايغديبه
يا ياس عقلانه وياقل جدواه
اليا ظهرت من الخطر ردني به
قام ايتكاشف مبسمه عن ثناياه
نوب زعول مايقرب شعيبه
ونوب يداري خاطري تاهت أرياه
كد قلت يا قلب الخطا ويش تبي به
اللي حصيله ما يسادي خطاياه

نــجــم
04-04-2011, 06:48 PM
فرقا الضحى



لا واهنيك ياهويه تسجين
ماصابك اللي صاب خالك افراقه
خالك جرى له ماجرى للمحبين
فرقى الضحى اللي ذاقوا الناس ذاقه
ياتل قلبي من فراق المقفين
تل الوسيج اللي غدوبه اسراقه
ياليت أهلنا بالشديد امتناوين
والهرج يمشي بيننا بالصداقه
لا واوجودي وجد منه قطيعين
يذكر لهن في نبتة العشب فاقه
ذود مجاهيم وذود ملاوين
وليا نزل صكوا عليه الرفاقه
أصبح عليه أهل البيارق مغيرين
واللي تواليهم غوالي انياقه
يوم التفت لمير ربعه امغفين
خلا الغنم والبيت يكفخ أرواقه
وراحت تنازا الخيل مثل السراحين
وأقفت طرات العمر واقبل ضياقه
حزت جواده واحدن بين ضلعين
من عند مبطنها على عظم ساقه
وطاحت وجوه عداه طلابه الدين
وأخذوا سلاحه عقب ذيك الحماقه
على وليفن زاد حبه بحبين
وعيا إشباقي ينطلق من اشباقه

نــجــم
04-04-2011, 06:48 PM
ذكرى الماضي



ياحيف ياوقت مضى كيف ماعاد
وأنا أتصبر وأرجي إنه يعيدي
أرجيه رجوى راعي الزرع الاحصاد
لا وقف السمبل سوات الهضيدي
ولاني ابناسي حزة حل ميراد
جاني بلا ملقاف قضب بالأيدي
ودنق على ابمبسمه قض الأنهاد
وصديت عن بيض سوات المجيدي
ماهو ابغضله ولاني ابنقاد
الا نهار اصيام في وجه عيدي
حافاني الله عقب قربه بالابعاد
ماشوف منه الا اعلوم المديدي
لو البكا يرجع ابمافات وش عاد
والله لأهل ادموع عيني وأزيدي
مير البكا مافيه زود ولا فاد
يزيد وجعاتي وهو مايفيدي

نــجــم
04-04-2011, 06:48 PM
ياحسرتي
وله هذه القصيدة يخاطب بها ابنه مهلي :



لا واهنيك ماتعرف الحب يامهلي
قلبك دلوه ولا تولع في هوى جيله
ماشفتني يومن دمع العين ينهلي
مثل السحاب اليا انتثر مقدم هماليله
لو أنت يوم فراقنا قبل أمس تفطنلي
خليت ديد أمك وقمت ابكاي تبكيله
قلبي على خلي من المعلوق ينتلي
والعين غيره ماتبي زول تراعيله
بيني وبينه هرجة ماهي بتحصلي
ياحسرتي ودي ابخلي وين أبا أجيله
من دونه الحسيد صاروا في طريقلي
لعل ينوي لكل إمغر تنويله

نــجــم
04-04-2011, 06:49 PM
مال الحب له والي



البارحة ياخليفة مابغيت النوم
سهرت محد درى لين أذن التالي
ماني ابمرضان ولا فيه رمد وهزوم
ولاني أحاتي اديون وغيبة عيالي
أنا بلايه من اللي نازحين اليوم
كله على شان زول بد الازوالي
حبه ابقلبي بنا قصر عليه ارجوم
ومسيس بالسميت ولا له أشكالي
حب مخفيه من خوفي تصير اعلوم
وأخاف من كلمة تخمل على الغالي
ياناس راعي الغلا لا تلحقونه لوم
من عقب مونست مال الحب له والي
أدراه درية عيوني لا تجيه إثلوم
وأنا حزين عليهم بالله العالي

نــجــم
04-04-2011, 06:49 PM
زاهي الردوعي



البارحة عيني جفاها الرقادي
مانمت يوم القبايل هجوعي
طار عليه بعد غاية مرادي
وليا ذكرته نازح طار شوعي
أنا وخلي بالمعرفة إجدادي
وحل التفرق ماكملنا اسبوعي
ياليتني عنده نويت القعادي
مافرقت غبر الليالي سنوعي
مير الليالي ماتجي بالجوادي
ياما تفرق قبلنا ولوعي
نهيت قلبي بالهدى ما استهادي
ونصحت عيني لا تهل الدموعي
عيني تزايد دمعها واستزادي
والقلب عيّن يقضبنه اضلوعي
أنا برجوى الله ورجوى أبو هادي
أنه يجيب اعلومهم فوق شوعي
قفيت من عنده وهو بالبلادي
متزهل بعلوم زاهي الردوعي

نــجــم
04-04-2011, 06:49 PM
صافي الثماني



قالوا ورى محجر اعيونك تغارق
سكت وأنت امن أول معشراني
عيني ليا فكرت قامت تحارق
عود طرفها ووجهت مهملاني
وأنا بلاي اللي ضحى اليوم فارق
دنّا مراحيله وفاخت مكاني
ياخوي راحت به اركابه تمارق
وأنا سكنت امراح صافي الثماني
لي كن في عينه ارماح تزارق
بين الجموع امقطعين العواني
ولي كن في وجهه امزون تبارق
نور خلقه الله على المودماني

نــجــم
04-04-2011, 06:49 PM
إن كان هو مثلي



ياطير ياللي بالسما تكسر الحوم
ماشفتلي حول المعدني فريجي
فريج من يزها الخلاخيل وارقوم
اللي عليه القلب غادن حريجي
امس الضحى والبارحة وأول اليوم
شي لجا بي لا لجا للصديجي
اونست في قلبي كما لجه البوم
ثلاث مرات وأنا أشرق بريجي
لواهني اللي الى ضاق له يوم
اليوم الآخر خاطره ما يضيجي
ماهوب مثلي ضيقته دايم الدوم
أبي المليج اشوى وأزريت اليجي
على عشيرن كل حيه لنا قوم
وهو الذي من بدهم لي صديجي
حبه بنى بالقلب ضلعان وارجوم
ياليت مضنوني عليهن يويجي
حتاه يدري إني بفرقاه مظلوم
غصبن علي افراق ضافي الدليجي
إن كان هو مثلي فلا يلحقه لوم
عز اللخ إنه لي صديق ورفيجي
وإن كان عقبي حط قالات وعلوم
وأنا امصد رايح في طريجي
الله يعرضه الردي ناقل الزوم
اللي على العربان سده خريجي
حتاه يدري إنه بمسراه منجوم
اليا بلاه الله بخطوى الدفيجي

نــجــم
04-04-2011, 06:49 PM
النهار المبارك



ياصاحبي هذا النهار المبارك
اللي جمعني وانت يانور عيني
امن أول تمنعك عني أعذارك
واليوم هذا الصدق توه يبيني
لو هو بودي كان جيتك بدارك
والا ليا مني بغيتك تجيني
مير إني أدري هرجة أهلك وجارك
ما افرح عليك بهرجة الحاسديني
الناس فيهم من يدور دمارك
اللي يحط إكليمتك كلمتيني

نــجــم
04-04-2011, 06:50 PM
ياليت خلي



يامل عين ليا أقبل نومها جاها
حلم على مابخاطرها يوريها
لازالها الحلم مايبرى شكاياها
زود لغربالها ماهو بمرضيها
عيني تمنت وليف كل تمناها
بعده عليها مرض والقرب يبريها
ياليت خلي درى بالعين وبكاها
حتى ليا قلت مرضانه يداويها

نــجــم
04-04-2011, 06:50 PM
يا مهلي



يا الله إني في رجاك ولا تخلي
ياشريف البيت أبي منك المعونه
رد فيّ اللي بعيد عن محلي
يا مرد بالحيا للي يبونه
له ثلاث اسنين بالبعد امتجلي
أبعدوه اللي لهم دين يبونه
واهنيك ماتعرفه يامهلي
ماطرق قلبك غلا ذيك النمونه

نــجــم
04-04-2011, 06:50 PM
ضحى اليوم



ياغزال ضحى اليوم جاني
كامل الزين واحبنيله
كن عوده عصى الخيزراني
ناعم بالغروس الظليله
الله اللي بحبه بلاني
من قبيلة وأنا من قبيله
ليت حناعيال الخواني
والمشقا يبرد غليله

نــجــم
04-04-2011, 06:50 PM
يابنت



يذكر أن صقر النصافي عندما تقدم به العمر وكان يمشي في أحد الأسواق فكانت
هناك فتاة وأمها في نفس السوق فسألت الفتاة أمها أين صقر النصافي معتقدة
أنه شاب في مقتبل العمر فلما التقتا بصقر أشارت الأم لابنتها بأن هذا هو
الشاعر صقر النصافي فلما رأته فإذا هو شيخ كبير وليس شابا فقالت
الفتاة : يترب شبابه فسمعها صقر النصافي
فرد عليها لحينه وقال :
يابنت لا يترب شبابي ولا أبيك
يترب شباب اللي يحطك حبيبه
عيا زرار الثوب لحق علابيك
منتفخة كنك صميل الرويبة
فقاطعته الأم معتذرة عن ابنتها وتسأله ألا يكمل القصيدة فتصبح
عالقة بابنتها فتوقف صقر عند ذلك الحد ولم يكمل القصيدة .

نــجــم
04-04-2011, 06:51 PM
عيا الظفيري



يذكر أنه عندما كان شاعرنا في إحدى
رحلات الغوص وبينما كان نائما على ظهر
السفينة إذ بسفينة أخرى
تمر بمحاذات سفينتهم على متنها شاعر من
قبيلة الظفير فتساءل هذا الشاعر
ومن معه أكان صقر النصافي على متن السفينة الأولى
أم لا فقال الظفيري إن كان
صقر النصافي على هذه السفينة فسوف يرد
علي فأخذ الظفيري
( يهيجن ) أي يغني بغناء أهل الإبل وكأنه
على ظهر ناقة فاستيقظ صقر لسماع غناء الظفيري فرد عليه قائلا :
عيا الظفيري يكن إغناه
وعيت من مرقدي غافي
كنه على اللي تبوج إخطاه
ولا على راس مشرافي
وأنا بهير عزير ماه
بالهير وأجر مجدافي

نــجــم
04-04-2011, 06:51 PM
ذكرى الراحلين



هذا مكان اربوعنا يامهلي
اليوم تذريبه هبوب الشمالي
ماكنهم ذيك الليالي اقصر لّي
ولا كن منزلهم نزل فيه غالي
ضحكي على جهالهم في محلّي
يزيل عن قلبي هموم الليالي
شدوا وشدتهم يبون التعلّي
يبون شرب الما ورعي السهالي
الله يرزقهم بوسم يهلّي
اللي يبل ادبيشهم بالمفالي
أنا قعدت ابمقعد جايز لّي
وأنا أحمد الله ماقصرني حلالي
أبيع وأشري في صفاتي وأدلي
مرهن على نفسي وعيشة عيالي

نــجــم
04-04-2011, 06:51 PM
يا حن قلبي



ياحن قلبي حنين احوار
وداه للسوق جلابه
من عقب مايقطف النوار
بين الدكاكين يمشابه
وقفت من حنته محتار
ومن الكدر جبت ماجابه
ذكر على القلب وقتن دار
في مامضى يوم حنا به
أثر الليالي تجيب أدوار
ماجابه الوقت عيابه
اليوم ماكن شي صار
حلم مع الليل قفا به

نــجــم
04-04-2011, 06:51 PM
أنا شوفي قليل


ألا يامل عين مايفاختها عناها
تبا لم الشمول وتفترق غصب عليه
غدير النقع لو جابوه مايبري ضماها
ضماها مشرب لو تطلبه قيل امعصيه
أنا جيت النفود وجازلي لمسة ثراها
وأثر ماها بعيد ولا نذوقه بالشفيه
أنا ودي بها مير إن غال مشتراها
حلال الناس غالي والبلا مني وفيه
أنا مابي الذلول اللي تكثر في رغاها
تداعاني حناش النجد مع سبع اللفيه
تجليني على رجلي في يابس صفاها
أنا شوفي قليل ولا نجي درب الركيه
توديني لضلعان بعيد منتهاها
شجرها في وعرها والمطاليب اجنبيه

نــجــم
04-04-2011, 06:51 PM
الشماميت



يا الله طلبتك لا تخيب تعبنا
وإنك تكافينا افواه الشماميت
اللي بهم حسد ليا من كسبنا
ترى نواظرهم بكره ومكاميت
وإما تهيا شي عظوا حجبنا
واهم هرابيد الرجال الخراخيت
وكم ليلة ما غايبوا يوم غبنا
حمام دار ما يباعد عن البيت
وكم ليلة فيها قليل حطبنا
لو هي عليهم ماسووا عود كبريت
وياما عدينا لين وقف عصبنا
وشلانا تشدي اجنوب المحاليت
ان طاب فينا والي البيت طبنا
وإن ماقسمها ماتجي بالعفاريت

نــجــم
04-04-2011, 06:51 PM
من عاف لاماي



يابنت ياللي بهرجاتك تشحيني
ماني بغاصبك بالهرجه على روحي
ابنشدك عن غرض ولا تروحيني
واللي نشد عن غرض مهو ابمفضوحي
أبا أحلف ما طرالي طاري شيني
مير أنت اللي طريقك فيه ساموحي
من عاف لاماي لو شوفه طرب عيني
والله لخليه مالي فيه مصلوحي
القا من الناس غيره ما يعزيني
الناس واجد وباب الرزق مفتوحي

نــجــم
04-04-2011, 06:52 PM
العمى الشين



يذكر أن شاعرنا عندما كان في أحد الأسواق تعثرت قدمه واصطدم
بإحدى النساء فدعت عليه بالعمى فقال لحينه :



يابنت لا تدعينّا بالعمى الشين
ترى العمى مكروه ما يندعيبه
صديت عنك اخلاف ويسار ويمين
وزل القدم مني وصارت غصيبه
جعلك فدا للي ظهر له نهارين
مشا وفي قلبه سوات اللهيبه
حبي أنا وياه عام وزمانين
محد درى عني وهو مادريبه

نــجــم
04-04-2011, 06:52 PM
يا هيف
وله مخاطبا صديقه هيف وقد كانا في الغوص :



ياهيف حاديني عليك الزماني
والا ان مالي حاجة فيك يا هيف
الله يفرج بين شانك وشاني
فرقا تفرقنا بليا صواديف
ما شفك الا في نهار امتحاني
نهار تفريق القلوب المواليف
لا واهني من حط دونك بياني
عدامة من زاميات المشاريف

نــجــم
04-04-2011, 06:52 PM
السوق الأبيض



يا الله إنك ترحم اللي مادري بالسوق الأبيض
لين ورانيه رجال يحب اللي يجونه
خذتلي ساعة ولا أدري كيف أبا أفتل كيف أبا أنقض
كل مابرقت في زول جديدات عيونه
ول يامن حزه اللازم عن الفزعة تريض
يحسبن الربع يوم إنه قعد مايفقدونه
ويش عذره يوم يقعد لا كفيف ولا مريض
كان عاونهم على المفزاع واهل المال دونه

نــجــم
04-04-2011, 06:52 PM
قمت اتذكر



البارحة بالليل بين العشاوين
مريت ناس قاعدن يهرجون
سلمت مثل اللي يجون امتعدين
وأبا العرب للي يسلم يردون
قالوا نشوفك مير قل وكسر عين
حق لك السفهان والا بعد دون
قمت اتذكر ويش حنا مسوين
يومنهم يا حشمة الله يثارون
صبرت أنا يوم وليلة ويومين
وأنا أتذكر خملتي ما أخبر لون

نــجــم
04-04-2011, 06:52 PM
الباب
قال شاعرنا هذه القصيدة وهو ينادب أحد الأبواب لأنه وجد به غير أهله قال :



ياباب ليّه ليالي كل ماجا الظهر أحاضيك
أشوف سكانتك من قرقعتك مايسمعونه
كسرت راس العصى عيّت تبطلي مجاريك
مزلاجك الداخلي مصكوك عيّو يفتحونه
امن أول قبل عبدالله وعبدالله ما أدانيك
واليوم من ولفهم والفت بيت ينزلونه
والله يا لولا غلا ربعي وحشمتهم لاخليك
وأدعي بنجم ليا جا القصر ما تصبح اركونه

نــجــم
04-04-2011, 06:53 PM
حقك علينا

قال الشاعر هذه القصيدة عندما كان قاصدا الحج ومعه
أم أولاده وقد حلت بها وعكة صحية اضطرته أن يعود إلى الوطن قال :



يا اللي على الورك مختله
عني عيونك بالاجهادي
لين المرض ينجلي كله
والمخ بالعظم يزتادي
جزا لدمعك منهله
حقك علينا هو البادي
دون المدينة وبيت الله
رديت واجناي بشدادي
خليت نابي عبد الله
وقريب الجد أبو هادي

نــجــم
04-04-2011, 06:53 PM
العرضه



يا الله من مدات جودك مدنا
يا واحد ماله شريك ثانيه
إن تعاونا وتكسر ضدنا
وإنك تعاونا على العدوانيه
يا قصر نايف يا شرفنا وسعدنا
لا تعتبر ونخرج الجدرانيه
جوك الصباح إشتد يا زين البنا
امحذفين العقل في دسمانيه

نــجــم
04-04-2011, 06:53 PM
القنص



تقنّصم للصيد كل الصقاقير
كل أخذ طيره وأخذ شوزنيه
وحنا قنصنا يم سوق النقارير
الآنه الوحدة تجيب الوقيه
امصلفخ مثل الروي المصاطير
اللي سحاب الوسم ينبت سميه

نــجــم
04-04-2011, 06:53 PM
علي الخليفة
قال هذه القصيدة في مدح الشيخ المرحوم علي الخليفة الصباح:



ألا يالله على مابي تعيني
أسألك يا معين الصابريني
تعين اللي اهمومه ضيقنه
اعلوم الناس من شين وزيني
أنا قلبي يضدنه اهمومه
كما ضد القوي للعاجزيني
اليا صارت قدايمهم رديه
وهو هبت هبوبه بعد حيني
وأنا عيني لها باليوم عادة
اليا صار الضحى لازم تجيني
تهل ادموعها والخابر الله
على علي الخليفة نور عيني
واليا جيت المديرية ذكرته
كتمت الضحك واحييت الحنيني
حنين امعقلات عن هواهن
وهلن يؤدهون مصدريني
واليا مني ذكرت البعد دونه
زجاير عبرني تكت وتيني
وصدبهن عن اللي مايهمه
مراحه لو يتم اله اسنتيني
يقولون الطروش الدرب واقف
ولا يمشون فيه الرايحيني
وأنا لو أن لي حبل يطوله
قطعت الشك عني باليقيني
وأشوف اللي جميله مانسيته
ولا انسى ربعته طول السنيني
صديق اللي يعرف أنه صديقه
وعدو اللي من البغضا بديني
كثير الناس رفقاته الحاجه
وهو من بعد يقضيها احصيني
ولا ربعت علي يوم تبدل
يزين الوقت ولا مايزيني
علي وإن جيت محتاجه لقيته
هو عزي وهو فرحه جبيني
ولا له من ورى بشراي مطلب
أنا الممنون وحجاجه يليني
قعد في سوريا من غير وده
يعالجه الطبيب بكل حيني
ولا عنده صديق غير عبده
يكرز مدته مثل السجيني
ألا يا جايب غيره تجيبه
أسألك يانجاة الخايفيني
يشوف عيال عمه والرفاقه
وملك أجداده أباه الأوليني
وحنا نهتني بأمره ونهيه
ونكعم به وجيه العايليني
صلاة الله على خير النبوة
عدد ماشيف من زين وشيني

نــجــم
04-04-2011, 06:53 PM
عزى كل مجروح
قالها في الشيخ علي الخليفة حين أصابته وعكة صحية :



يالله يا جابر عزى كل مجروح
تجبر كسير خالص عظم ساقه
ويا قابل دعوة صدوق الدعا نوح
يوم أجزعه جند كثير نفاقه
علي ذرى راسي عن البرد والفوح
ولوح السموم اللي يروع حراقه
علي اليا منه بدى فيّ ساموح
وهقيت مالي عن لقاه انفهاقه
جيته وعلمته بمابي ولا روح
الن صدري سالم من فلاقه
زبن الضعيف اللي عن الحق مزيوح
يوم اشتكى ضده وبعد الرفاقه
كان المقيل وقيل ذابح ومذبوح
وجا المستصيل اللي وساع افلاقه
يقول أمير الجيش بالقاع مطروح
وخذ الحلال ولا حصل هوش ساقه
وركبم امدورت النماويس ومدوح
وتزهبوا حمر المشوط الدقاقه
شافوا بعين شوفها سم ذرنوح
نار بقار وكلن أطلق اشباقه
علي ركضله ركضتن تتلف الروح
لين احفظوبه نازلين التفاته
أربع كيال صابته صفح ونطوح
والخامسة نقض عن الهوش عاقه
اعليت ياساق نفظ منه شلفوح
ونفس نهار الكون فيها حماقه
ياساق من دايم بالاكوان ممدوح
لاجت ارجال مع ارجال اعلاقه
عسى بحق اللي له الباب مفتوح
باب النعيم اللي عليه الشفاقه
انه يورينا في صح وصحوح
يمشي على العدلات غلو اشفاقه
علي ليا غاب القمر وأظلم الضوح
يوضي على الدار الظليمة اشعاقه
وصلاة ربي عد ماكتب باللوح
واعداد مايوكل وماكان ذاقه
على نبي قوم الدين بنصوح
من شبته ماحط دونه اعشاقه

نــجــم
04-04-2011, 06:54 PM
وداعة الله
قالها في سفر الشيخ علي الخليفة الصباح للمعالجة في الخارج:



وداعة الله ياغريب تنويت
من فوق من نفظ المكينة يتله
صادفتني في دشتي وستخليت
وأشوف بالك بالكدر مستخله
قعدت أخايل موترك لين هفيت
ثم انصرف بالي وودعتك الله
والله يا لو عندي على الشوف تثبيت
وقفت لين ايخلص اليوم كله
الله يسمعنا مجيك اذا ألفيت
صاحي الجسد مصحوح من كل عله
الله لايكثر عليك الشواميت
أهل الحسد والقلوب المغله
كم واحدن يوصف على عود كبريت
شره براسه مير به منك ذله
يظهر كلامه عند ربعه تخافيت
يخاف يسمع هرجته من فطن له

نــجــم
04-04-2011, 06:54 PM
ياخليفة
قال مخاطبا ابن عمه خليفة النصافي مادحا قصر الشيخ عبدالله المبارك الصباح :



ياخليفة هاضني قصر عبد الله
يوم شفته زامي كنه القاره
كنه الغيمه عن القاع منقله
قصر منهو بالكرم شاعت أذكاره
كل ماجا موتر فايض كله
قط حمله وعجل الشيخ محداره
خادمه تشكي شيلة الدله
كن يضربها على الزند فتاره
من بغى مشرف يبي النوم في ظله
بارد قلبه عن الزاد واسعاره
هم رجا من ظكه الوقت ربعله
نزلوا مع ايمن القصر ويساره
شرعوا الزاد مابان به خله
مثله مايروى من الشط مطاره

نــجــم
04-04-2011, 06:54 PM
ياليتني طير
قالها يمدح بها ابن عمه خليفة النصافي ويطلب من الله ان يشفيه من مرضه:



ياليتني طير سريع رفيفه
عجل طياره مثل شعف الهوى الهاب
وأشوف عقبي ويش سوى خليفة
هو طاب ولا عقب مارحت ماطاب
يالله لا تجعل حياته كسيفه
يافاتح باب ويامغلق باب
الله يعديه الحياة الكليفه
ويمجده عقب الصخونه بالاطياب
خليفة اللي ماحكي به خليفة
مثل اللبن حلو على كبد شراب
مارابع أصحاب القلوب الخفيفة
ولا حط له عند الرديات مرتاب
ربي تجيره شرب قعى الكليفه
خليفه اللي ماشكو منه الأصحاب
كد فرقت ورد كثير عطيفه
بني هلال اللي على الحرب دراب
وكد فرقت بعيال عليا العفيفه
عمير بن راشد وأبا زيد وذياب

نــجــم
04-04-2011, 06:54 PM
ياهل الموتر
قالها في مدح المغفور له الشيخ عبدالله السالم الصباح رحمه الله :



ياهل الموتر اللي منتوين اركبوني
جعل درب مشيتوبه سماح نويه
لاوصلتم وجيتم قصرهم حولوني
طاب كيفي ولالي بالمطاريش نيه
ابن سالم حميد الفعل وافي الفنوني
طيب الدين والدنيا ابنفس صخيه
حاكم كل مايامر بدرب يموني
وللمعادي ضديد وريف بالرعبه
هدته في نهار الضيق توفي الديوني
يوم ولد الردي مايتلفت في خويه

نــجــم
04-04-2011, 06:55 PM
مرثية محمد الملا
قالها في وفاة صديقه محمد بن رشيد بن معصب :



يا الله ياللي لك ليا قمت صليت
أنت الذي عبدك تفرج همومه
تثيب صبري يوم كنيت ما أبديت
امن الذي منه أو ساع ثلومه
مرحوم ياللي رحت منا ولا جيت
وقعدت في خد تلاصف احزومه
ماعنده الا الصيد بأرض الخلاهيت
وشمس تلض ابلال جوفك سمومه
صكوا عليه اهل القلوب المكاميت
ذباحة المسلم طمعهم اهدومه

نــجــم
04-04-2011, 06:55 PM
مرثية ابو نزال
تذكر أحد اصدقائه وهو المرحوم رشيد بن معصب فأخذ يخاطب عينه قائلا :



يا العين ما من تالي الليل فنجال
لا تفرحين بحزته راح راعيه
من عقب أبو نزال ماشوفلك حال
لين الظلام يبين الفجر تاليه
تلقى ليا جيته فناجيل وادلال
يفرح بها اللي خاثر البن مشقيه
وحنا فرحنا في مكانه بنزال
وأثره على جرف يبي من يداريه
أمسى يونسنا بضحك وتبهلال
وأصبح يوادعنا وحنا نوصيه
ساعة تهيت رخصة قام في حال
يركض على الموتر وشغله امقضيه
من فوق من يقطع سراب أشهب الال
عدل المدارج عامرات براغيه
متذكر في مامضى خطو منزال
متعاقب نبته تخافق حباريه
يحده المفرش اليا ماقف الجال
جال الشعيب اليا انحدر سيل واديه
يتبع هوى شرشوح عجلات الاشوال
اللي هواهن نجعنا مايدانيه
وياما حلى قدامهم رمي وكيال
وقدامهم طيرة يهده ويدعيه
يفرح على شوفه قصيرين الازوال
واللي حريص يفتش الخرج وشفيه

نــجــم
04-04-2011, 06:55 PM
هلت الدمع عيني
قالها عندما كان في الغوص فوجد أحد الصبيان يبكي على فراق أهله :



يامل قلبن هاضه الورع ببكاه
يبكي على أمه والعرب غافليني
ورع تذكر ديرة أمه ومرباه
ذكّر علي وهلت الدمع عيني
ياورع يابعد العرب عنك بعداه
ويلك على شوفة عيال القطيني
ماحولك إلا الهير صافي كدر ماه
ولا العرب عن ماقعك نازحيني
كم من غدير صافي غثبرت ماه
وكم قاسي من صد بقعا يليني
دنياك ماخلت مغطا بمغطاه
نوب تشين إلنا ونوب تزيني
مير أنت بشرني عسى الصبر تقواه
سيورهم لو أجنبوا مشمليني

نــجــم
04-04-2011, 06:55 PM
ذيك المقاطير
قالها عندما كان في الغوص :



أخير من شوف الجزيرة وجنه
شوف الصبيحية وذيك المقاطير
ياقلبي اللي ضايق وحرقنه
جزيرتين بالبحر بين خورين
هذي اديار مابعد جيتهنه
والله يعاوني على شوف دارين
خد بنات البدو مايدهلنه
مابه حلي لفويه غرس وبساتين

نــجــم
04-04-2011, 06:55 PM
حراويهم



ياحليل اربيع حراويهم
بالباطن اليوم طبوبه
يازين وسطه معاشيهم
وخيامهم فيه منصوبه
والصبح مازين تباريهم
كل على وسق منجوبه
ياليت منهو مخاويهم
للحج لو كان هالنوبه
اليوم صار العوض فيهم
الشط والهير والطوبه




http://www.n7bkm.com/vb/n7bkm-saef3/buttons/report.gif (http://www.n7bkm.com/vb/report.php?p=948469)

نــجــم
04-04-2011, 06:56 PM
الخير كله



يا الله ياللي عندك الخير كله
انك تبدل ساعة الخبث بالطيب
ترحم اركاب حالها مستخله
تشكي الضعف غير الدبر والشواذيب
من عقب ماهي حملها ما تمله
تضرس عدايلها وتمشي جناديب
اليوم حتى جرمها ماتقله
رحنا وخلينا بعضها بلا طيب
عقب الشحم والربخ مثل الاهله
استضعفت والطق لحق العراقيب
اظهورها من شيلها مستخله
واخفوقها تشكي الحفا والظواريب
مسيرنا بين الجبال المظله
مع سكة الفرعي غدينا ذباذيب
من شذ منا قال راعيه خله
حل البطان وشال عوج المصاليب
الحال هين والدهر مردفله
وأرض شجرها فيه وصف من الذيب
من بين مكة والمدينة اشكله
حيفانة بادت بها الفطر الشيب
هذا واهلنا يم دار ندله
جنوبي الباطن شمالي تناجيب
في مشرع جعل السحايب تعله
ديرة رفاقتنا ودار المعازيب

نــجــم
04-04-2011, 06:56 PM
كل غالي
قالها وهو في طريقه إلى الحج :



يا الله يا اللي تعلم الغيب يا الله
يا اللي لك الوالي بقدرتك مالي
يا اللي تعين أيوب في كبر بلواه
صبر ونال الخير في كل حالي
تتوب عن من لك تتابع مطاياه
بالسيل ياطن الحصى والرمالي
تسعين يوم إقفاي وإقبال ممشاه
غير المساري بالليالي التوالي
ركايبي عقب السطر والموالاه
إستادبت ماعاد تطري الجفالي
تصورن مثل الحنايا مسواه
عقب ارتجاج ادفوفها جت الخوالي
مراحنا في هبة البرد وإشتاه
وجينا مع إتباع الظلالي
هذا بحر جدة ورابخ وصلناه
وحال الحجاز ونجد دون العيالي
وإن سمح الله دربنا اللي بغيناه
وتبينوا امدورين الأهالي
الجيش جانا هاضل عقب مفلاه
والشغل قاضينه يبون العجالي
ثم انتوينا فوقهن عقب مقضاه
ولفت مناحرهن يمين الشمالي
ياقرب مايعطنه الوجه قرباه
ويابعد ماينون عنه المحالي
ولن ساعف الله دربنا اللي بغيناه
لابد مايفرح بنا كل غالي
حنا نحاتي عقب الأبعاد لاماه
وهو لجيتنا يحسب الليالي

يارا العامرية
04-04-2011, 07:45 PM
رحمه الله ..
وصح لســآنه .. ولاهنت نجم ع ايرادك ..
تقديري ~

نــجــم
04-04-2011, 10:06 PM
شاكر لك مرورك الجميل ..

احترامي وتقديري ,,

العنيــــدهـ
05-04-2011, 03:43 AM
صح لسان شاعرها
ولاهنت ع الاختيار الرائع
يعطيك العافيه
!..❥

نــجــم
05-04-2011, 07:21 PM
شاكر لك مرورك الجميل ..

احترامي وتقديري ,,

صعبة المنال
05-04-2011, 09:38 PM
نجم

تسلم ايدينك موضوع رائع بصراحه

تقديري

نــجــم
05-04-2011, 10:17 PM
شاكر لك مرورك الجميل ..

احترامي وتقديري ,,