ديـوان الشاعر:عامر بن نوطان المري ( رحمه الله )

[نــجــم]

<DIV align=center>
بسم الله الرحمن الرحيم


السلام عليكم ورحمه الله وبركاته



في هذا الديوان اقدم لكم من تراث الشعر النبطي ..


قصائد الشاعـر / عامر بن نوطان ال مري

<FONT size=5 face="Traditional Arabic">

[نــجــم]

الـقـصـائـد الـوطـنـيـة







؛.. الـوالـد الـبـار ..؛



ابيات في المرحوم / الشيخ جابر الاحمد الجابر الصباح





...

يامرحبا ياللي عبر كل الابحار .. ضحى بروحه للكويت ولا هلها

متابعينه بالجرايد والاخبار .. ونشاهده في كل دارٍ نزلها

ياحاكم حكمه على الشعب ماجار .. نفسه على شعبه بعيد زعلها

شيخ حنون كنه الوالد البار .. الدار واهل الدار يرفا خملها

لولا حماه الدار ماعاشت الدار .. ولا تعلت بالمباني فللها

سدي راي ان كان ضاعن الافكار .. نفسه عسى ربي يطول مهلها

[نــجــم]

* رفــع الأعـلامي *




ابيات قالها الشاعر في موقف فاضت فيه مشاعر ه بحب الوطن , وذلك عندما ترفع أعلام الكويت خفاقه في السماء

مرتديه اجمل حليها في عيدها الوطني :







عيني بكت يوم شافت رفع الأعلامي .. ما ألوم عيني الإهلت عبايرها

ياكويت يا أم الضعيف ويا أم الأيتامي .. غثتي شعوب مكمله ذخايرها

يا اعز عيد ويا أسعد كل الأيام .. رفرف علمها على عالي منايرها

اللي حموها قبل ميات الاعوامي .. حنا على نهجها نتبع جرايرها

حامينها عادهم مشي بالأقدامي .. بياعه النفس ماتحسب خسايرها

[نــجــم]

× فــهــد الفــهــود ×


قصيده موجهه الي المرحوم / خادم الحرمين الشريفين الملك فهد بن عبدالعزيز ال سعود رحمه الله

بمناسبه التحرير اعترافاً بجهود جلالته في دور الواضح وموقفه الثابت في تحرير دوله الكويت .

اليوم شفنا العز يرفع شراعه .. شعب الكويت الى وطنهم يعودون
يامن تصرفتوا بعزم وشجاعه .. ومخاطبين بالعقل كل مجنون
فهد الفهود الي بدا بالرفاعه .. معه الامور الكايده جات بلهون
سقى عدوه من يد السم ساعه .. بفعولكم كل العذارى يمارون
لميت شمل قد تحقق ضياعه .. وخليتهم عقب الفزع يرجهنون
واشبعتهم عقب الضما والمجاعه .. واستانسو من عقب ماكان يبكون
عندك من النصر المحتف قناعه .. خليت حزب البعث في الليل يسرون
عليه كل البر ضاق اتساعه .. خلا جيوشه بالصحاري يموتون
ياجار ياجار الغدر والدناعه .. ياجار منت بعلى الجارمأمون
ذبحت ورعان بسن الرضاعه .. ماخفت يالخوان من خالق الكون
لبست ثوب الذل عقب الشجاعه .. غصب عليك اتعيش بالذل والهون
مستسلم ماعاد عندك مناعه .. ارجع على من وهقك واطلب العون
تبغي الفراعة مير مامن فراعه .. إلين حتى تصغرون وتذلون
اليوم لا رحمه ولا من شجاعه .. عملكم السابق به اليوم تجزون
الخاين اللي سايقته القلاعه .. والله ان يموت وهو على الكبد مطعون

[نــجــم]

:.. اهل اليدين الطويله ..:


قصيده بمناسبه تحرير دوله الكويت




بريت كبود أهل القلوب الغليله .. والنوم طاب لكل من كان سهران

عليك ياصدام راحت سحيله .. غصب عليك اليوم تهزم وتنهان

صادوك عطبين الضرايب فصيله .. لا عادلك ريشٍ ولا عاد جنحان

ذقت انت فعل اهل اليدين الطويله .. خياله العوجا سلايل كحيلان

اجعل على وجهك عباةٍ وشيله .. احسن لك انك لا بسٍ ثوب نسوان

عليك لعنه كل يومٍ وليله .. يالخاين اللي مافعل فعلك انسان

لا لك بني عمٍ ولا لك قبيله .. مدحور مذلولٍ مع كل شيطان

رجعت بالخيبه ونفسك ذليله .. وموازرك في موقفك كل خوان

لبست يالغدار ثوب الرذيله .. باسم الشجاعه تدعى وانت جابان

[نــجــم]

الــــرثـــــاء





قصيدة رثاء في المرحوم ضيدان بن ملهي بن قضعان :


يا قصر وين اللي بك العام سكان
ليت الليالي اللي غدت به تعيده
أشوف فيك اليوم من كل الألوان
أزوال واجد غير ما هي مفيده
متنوعين من عزوب وصبيان
ما حد يهمه غير مليه بديده
أقفيت ودموعي على الخد ودان
متكدر ما هي بفرصه سعيده
مرحوم ياللي ما نشا مثله إنسان
صاحب كرم وأخلاق واريا سديده
ياليت غالي الروح يشري بالأثمان
نسوق ما يطلب عليه ونزيده
والله لو سموا ثلاثين ضيدان
ما عاد يأتي مثل ذاك الوليده
ليت النساء ما عاد تأتي بورعان
الا حد شرواه والا نديده
عزي لكم عزاه يا نسل قضعان
عز الله إنه راح منكم فقيده
رجل الشهامه والمروه والاحسان
رجل حوى كل الصفات الحميده
حاوي صفات المرجله فعل ولسان
حسين خيق ما يمله قعيده
سنافي ماصك له باب ديوان
ما حوشت يمناه مدت به إيده
من مات عقبه صار بي عنه نسيان
وضيدان لازالت جروحه جديده
اللي له الطولات والمجد عنوان
ريف لربعه بالسنين الشديده
عليه يبكي تالي الليل ضيفان
متكلفين من ديار بعيده
ويبكيه محتاج عليه الدهر شان
وازي عليه من الحياة الزهيده
ياللي تعلرفون المثايل والألحان
كل بضيدان يسوي قصيده
نادر حرار من قرانيس حوران
لا رف بالجنحان ما له شريده
لا خير في قول على غير برهان
عندي على ذلك شهود عديده
عساه يبني له محل وبستان
في جنة الفردوس روحه شهيده

[صعبة المنال]

نجم
أج ــمل وأرق باقات ورودى
صح لسان الشاعر
ولطرحك الرائع
والله يعطيك العافيه
كل الود والتقدير
دمت برضى من الرح ــمن
لك خالص احترامي وتقديري

[نــجــم]

قصيده يرثي بها عامر بن نوطان والده , علماً بأن هذه القصيده من اول قصائده التي قالها في بدياته


حل المفارق وافتخات الضعوني
واعز من نغلي فقدنا علومه

يا ونتي ونة عميق الطعوني
في ملتقى الزلبات خلوه قومه

عليك يا بوي اللطيف الحنوني
اللي لنا نفسه رؤوف رحومه

يا ليتهم في قبر أبوي ادفنوني
بالموت يومي سابق قبل يومه

ما حخسب الأيام السعيدة تخوني
وأثر السنلن أفراحها ما تدومه

عيت بعد فرقاه تدله عيوني
وعقبه على الوقت بانت ثلومه

ضاقت بي الدنيا وكثرت شطوني
وقلبي عن الفرحة تردت عزومه

لو البكا يرجع بمن يرحلوني
بكيت لين العين تبرى الحتومه

لا شفت الأطفال الصغار احزنوني
متخشنين عقب ذيك النعومه

من أول بافراحهم يمرحوني
والوقت كاه ما دروا عن همومه

لمقابله ومشاهده يرتجوني
لو غتب عنهم ناظرين قدومه

واليوم كنهم يابسات الغصوني
اللي عليها الصيف هبت سمومه

لاجيت بجحد دمعتي ذكروني
أيتام من ضيم الزمان مهضومه

ما فيه ساعه عنه ما يسألوني
ومتحفظين في بقايا هدومه

حتى بنوم الليل ما يرقدوني
ولا شوف منهم من تهنا بنومه

لا واشقا نفسي والا واغبوني
الله يجازي الموت والله يلومه

يا الله يا منشي سحاب المزوني
فرج على عبد سماه مغيومه

[نــجــم]

أبو زيد لو طال المدى





رثاء في المرحوم الأمير محمد بن أحمد السديري







وفي ابنه الأمير زيد المحمد السديري :







مرحوم يا أغلى فقيد فقدناه






خسارته عمت على نجد كله







عز الله انه لاعني حر فرقاخ







وعيني بعد فقده بكت مستخله







يالله عسى الجنة مقره وملقاه







عسى مواقفه الحميده ذري له







يا عل حوريات طوبه تلقاه







وجعل الحنان البارده مسكن له







نطلب إله العرش عفوه وتقواه







يغفر له اللي غافر كل زله







كل الصفات الطيبه من سجاياه







تشهد له العالم وأنا شاهد له







أبو زيد لو طال المدى له ما نسيناه







عشنا بحسناته وعشنا بظله







ما فيه رجال يسوي سواياه







ولا فيه مثله جابوا البيض لله







محمد الأحمد إلا حل طرياه







أفز له وأعتز حشمة له







لو غاب ما غابت عن النفس ذكراه







وأنا على طول الدهر مخلص له







وخلف فهود جات مثله وشرواه







مثل الجبال النايفات المظله







خلف لنا زيد ومشي مثل ممشاه







راح أبو زيد وصار زيد محله







سماه زيد وزاد باسمه ومعناه







إسم على معنى الرجوله يدله







حريدي بالكسب من فعل يمناه







ما عاش بالهونه ولا بالمذله







أوصاه أبوه ولا تناسى وصاياه







جعل دروب المرجله منهج له







زيد إلا عدوا هل الفضل والجاه







هو الحكيم وهو دوى كل عله







فيه الصفات الطيبه لاعدمناه







ما ينهضم من كان هو مسند له







أطلب من المولى يحفظه ويرعاه







زين الجناب مشاهده ما تمله







من مسته دورات بقعا تنصاه







وخفف عليه الهم والحمل شله







يا حظ من صرتوا ربوعه بدنياه







ما ينهضم من شافكم فزعة له

[نــجــم]

" خساره الفيصل علينا كبييره "

قصيده رثاء في المغفور له جلال الملكـ فيصل بن عبدالعزيز ال سعود :

الله من كبدٍ علينا سعيره .. وعينٍ زعوجٍ كن فيها ضواريب
اعنف خبر هز البحر والجزيره .. وصرنا بليلٍ من قبل شمسه تغيب
علمٍ جعل بالكون كله كسيره .. كلٍ يصيح من القهر يشلع الجيب
الناس صارت في ذهولٍ وحيره .. كل البشر في يوم هولٍ وتعذيب
بكا كبير البيت وابكا صغيره .. وصاح الشباب وصاحوا اللي بهم شيب
تنكست الاعلام في كل ديره .. مابه بلادٍ مالفاله مناديب
خسارة الفيصل علينا كبيره .. وحزنت مع حزن العرب شمَخ النيب
اللي على شعبه ضفا كل خيره .. علييه شقوا يالعذاري الاساليب
طول الدهر يا أهلا البيوت الفقيره .. ابكو على فيصل ولا في عيب
كل يعبر مايكنه ضميره .. وأنا عليه اقنب كما يقنب الذيب
تكفا يا بو خالد فقدنا البصيره .. ننخاك كود تسمع الصوت وتجيب
خليتنا في هالظروف الخطيره .. بين السباع اللي علينا مراقيب
رحلت عنا والمشاكل كثيره .. وسود اليالي مادري ويش بتجيب
ياظلنا من حر شمس الظهيره .. وانت الذخر عن حر لفح اللواهيب
حكم الزعامه سرت به خير سيره .. صنت العهد وأكملت كل المواجيب
عدلت ماخليت فينا قصيره .. ولك المباحه يامهدي الاصاعيب
اللي جميع الشعب كله خشيره .. في سلطته مافيه خوفٍ وترهيب
فضايله للناس خير وبريره .. وخلا الفقير بمنزله عيشه يطيب
في جيره اللي مايخون بجويره .. يالصادق الوافي قليل العذاريب
الله عسى جنات طوبا مصيره .. يوم الحساب ويوم نشر المكاتيب

[نــجــم]

:: عـدلـت يـا فـيـصـل ::


وأيضاً في المغفور له جلالة الملكـ فيصل بن عبدالعزيز آل سعود :

عدلت يافيصل وللشعب مونت .. وخليتهم في فايض الرزق يسعدون
أمنت شعب المملكه ما تماهنت .. والشعب لك ياصاحب الفضل مديون
أنا اشهد انك للحكم والعهد صنت .. وتبعت ممشى اللي على العدل يمشون
ذروه سنام المجد فيها تمكنت .. وساعدت شعبٍ يرتجي منك العون
لأطيب صفاتٍ الرجولة تضمنت .. وزهدت في دنياك ماصرت مفتون
عندك صفاتٍ ماتحلا بها إلا أنت .. ليت الحريم لمثل فيصل يجيبون
ياافضل زعيمٍ للزعامة تعينت .. ياكامل الشارات والعرض مصيون
صغار ماتفطن وفيها تفطـنت .. وكبار ماتقدر ولك جات بالهون
خليت كل الشعب يبكي عليك انت .. باسمك على طول الليالي ينادون
يبكي عليك العود والصبي والبنت .. وأنا بكيت وغيري الناس يبكون
أرفع كفوفي للسما وين ماكنت .. وأطلب لك مصلين الاشراق يدعون

[نــجــم]

الــمـــدح و الــفــخــر




* الـمـدح في فـيـصـل *

قصيده في الشيخ / فيصل بن محمد بن شريم ال مري :

المدح في فيصل كثيرٍ شهوده .. ومدح الردي بهتان واكبر خطيه
فيصل سندنا لا عدمنا وجده .. شيخٍ عن التعريف نفسه غنيه
الله يجيره من شماتت حسوده .. وياقاه رب البيت من كل سيه
حاجه رفيققه من ليالي سعوده .. مايعتذر لو ساق روحه ضحيه
حماي للي ضاع قوه زنوده .. حميته ماهي على جاهليه
أوصاه أبوه وهو بعد في مهوده .. وحفظ الامانه ما تناسى الوصيه
حفظ تراثٍ وارثه من جدوده .. مع الكرم زيزوم وجه السريه
شرحه الى العليا وفوقٍ صعوده .. مع شرف نفسه معه طيب نيه
خطوات فيصل طيبط ومحموده .. وجمايله جزله ونفسه صخيه
كل المعاني الطيبه من حدوده .. مع طيب فعله فسه والعاطفيه
شيخٍ على الشدة كثيرٍ صموده .. عزايمه عند الشدايد قويه
بيته كما عدٍ كثيرٍ وروده .. هذي صدير وذيك تاتي ضميه
للعزيا بيتٍ كثيرٍ وفوده .. ياتون من كل فج ونحيه
سعد الضعيف اللي شكا من لهوده .. لاقل نيل اهل النفوس الدنيه
جعله فداه اللي كثيرٍ صدوده .. راعي الدسايس والنوايا الغبيه
خاطي بخيل كل شيٍ يكوده .. ماينفعك لو قلت ياهل الحميه
معروف فيصل ماذخر في ردوده .. كان الليالي عادها لي مديه

[نــجــم]

:.. مادام متعب باقي ..:

قصيده في صاحب السمو الملكي الامير متعب بن عبدالعزيز آل سعود .



ياما اقرب الطايف ومبعد اهلنا .. لو قال بعض الناس خطه تعيبي

نركبب على اللي تقرب البعد منا .. تدني البعيد مبعدات القريبي

زاد الولع بنفوسنا واشتحنا .. نبغي نشوف مدلهين الغريبي

أهل بيوتٍ في الرفاعه تبنا .. ويأمنون الخايف المستريبي

لزمٍ نسوق ركابنا وانتعنا .. ونشوف أبو منصور سقم الحريبي

زاد الحبال القاصره وامتكنا .. وسقى ضمانا يو طال القليبي

متعب إلا طوَل علينا زعلنا .. وإن كان جانا كل شيٍ يطيبي

يسقى إلا جافي ضواحي وطنا .. متى على خيرٍ يجون العزيبي

يلتم شمل قلوبنا وانتهنا .. وتسهل سهولة كل شي صعيبي

اللي على الله ثم عليه اتكلنا .. هو جابر المكسور وهو الطبيبي

في حكمهم عن كل خوفٍ ومنا .. ومن بهم حتى المواشي الذهيبي

كلٍ سعيد وفي حياته تهنا .. لاهوب مطلوبٍ ولا له طليبي

مادام متعب باقيٍ مازملنا .. عساه حيٍ دايمٍ مايغيبي

[نــجــم]

؛.. يالله دخيلك ..؛


قصيده في الشيخ / منصور بن مانع بن جمعه :


يسقى إلا هلت علينا البشاير .. ياعز غالي كلنا فاقدينه

ياعين هلي مابقى من عباير .. هلي غزير الدمع لا تذخرينه

يالله دخيلك لا تضيع البصاير .. من عقب منصورٍ يقود السفينه

الله من شيٍ على الكبد جاير .. حزنٍ تأثر به قلوبٍ متينه

اليوم هاتي مابقى من ذخاير .. مشاركةٍ لاهل البيوت الحزينه

الله من شيٍ يحز الضماير .. عسى عواقب الامر ماهي بشينه

[نــجــم]

& مثل السحاب &


قصيده في الشيخ / عبدالله الفصام :



ياويلكم ياهل اليدين البخيله .. حرام عند امثالكم يكثر المال

الله يعطيه الحياه الطويله .. اللي محله للرجاجيل مدهال

مثل السحاب اللي سقا الارض سيله .. يحيي الديار البايده عقب الأمحال

عبدالله الفصام مابه مثيله .. حاوي صفات المرجلة دق وجلال

شيخٍ تماري به جميع القبيله .. شهمٍ كريمٍ للصعيبات حمال

الضيف والعاني وعابر سبيله .. لهم ببيت الشيخ ممسى ومقيال

بعيد عن درب الردى والرذيله .. يكرم جنابه عن خبيثين الا عمال

دنياً تغير بين يومٍ وليله .. الله يكافي يوم لها حال

أحدٍ حياته ضيع الله دليله .. وأحدٍ هداه الله حسينات الاسبال

[نــجــم]

" لابتي مرية "

قصيده في قبيله آل مره ( عرضه ) :


عقب ذكر الله باثني التحيه والسلام .. عد ماينشي من النوهمال المخيل
السلام نقدمه للكرام ابنا الكرام .. كاسبين المدح والطيب والمجنا الاصيل
هل بيوتٍ من نزل في حماها مايضام .. تنفع المضهود ومنجيٍ فيها الدخيل
لا يداس لهم كرامه ولا يوخذ جهام .. مايهج لهم ضعينه إلاطار الشليل
لابتي مريه من سلايل صلب يام .. مسندي في ساعه الضيق لا بار العميل
ضربهم فب قمة الراس وجلال العظام .. يوم ركب العصر الاول على هجن وخيل
لالتقى جمع بجمع وجا يوم الزحام .. فازهم اللي فالملاقي يجرون الذليل
في نحاهم كم عدوٍ عليه الطير حام .. بالرماح وبالخناجر وبالسيف الصقيل
ساعةٍ بالعز تسوى لها خمسين عام .. وعيشةٍ في موقف الذل مامنها زبيل
من وقف في موقف العز جاتبه العلام .. يرتفع شانه وينقاد بسلك الجليل
الشجاعه عز والذل مايبني سنام .. جعل نفسٍ تتبع الهون للسقم الطويل

[نــجــم]

* صبيان يام *


ياراكب اللي من الدرهام قفالي .. بالليل تسري وطول الصبح صلابه
هجنٍ إلا من شعفها الصوت تجتالي .. تشدي لشراد ريمٍ صاعه ذيابه
من فوقها من يبوج المشبر الخالي .. وإن هابوا الناس عسر الدرب ماهابه
تنصى لنا اللي مع الطرشان وصالي .. والموعد اللي طلب منا حضرنا به
سلم على اهل الوفا ذربين الافعالي .. اللي كل الفخر والطيب كسابه
اللابه اللي توطي كل عيالي .. واللي نزل في حماهم خاب طلابه
ربعٍ لهم في شنام المجد منزالي .. صعبٍ على كل رجالٍ تهقوابه
عدوهم لا ذكرهم في خلاً خالي .. من شده الخوف نومه ماتهنابه
صبيان يام حماة العرب الاجهالي .. كم طامعٍ جايبيها واخذت اركابه
المال دونه رجالٍ ترخص الغالي .. حامينها يوم كلٍ رزقه نهابه
إلانصاهم ضعيف ٍ زمله هزالي .. كنه بعالي جبال طويق وهضابه
مطوعه راس من به زود وهبالي .. متبينٍ بالخطا والحق عيابه
اهل بيوت بها للضيف مدهالي .. ومعزبٍ يبهج الخاطر برحابه
وإن كدر البال شيٍ ماتشافالي .. سليت سيفٍ تنومس قضبة نصابه
صوَت ليامٍ إلا من حدك الجالي .. وابشرك لا رفعت الصوت بالثابه
يامن عمود الذرا في كل الاحوالي .. والبيت لولا عموده طاحت اقطابه
غارٍ يذري وتلقى فيه مقيالي .. وغارٍ إلا جيت صوبه ماتذرابه
ماهي تذل الصعايب كون برجالي .. وتصبر على الهون يمنى مالها لابه
كيف ادرك العز وانا فرد والحالي .. مايدرك العز رجلٍ قلو اصحابه
ان ساعد الكف قو الزند من عالي .. والا قصر شبرها عماتهقوا به
جات الحمايا وسقنا الحال والمالي .. وسقنا المظاهير من يبرين وترابه
ماعاد حن نستمع في كل عذالي .. واللي تغيب بعد ما عاد كنا به
خيلٍ تنازى بشيبانٍ وجهالي .. وحبل الرسن مايجوَد فيه قضبانه
وضاع العقل من رجالٍ كان عقالي .. ومن الدجر كنهم للخمر شرابه
لعيون غرٍ تهل دموعه زلالي .. ويقول علي المرظف مالي إلا به
تقدم الجمع عاد الفى ما مالي .. هناك يومٍ على العدوان يدعى به
خذنا ثلاثين اصيلٍ سوقها غالي .. من فوقها كل شغمومٍ رمينا به
لعيون سلمى هزمنا كل حمالي .. واقفى وخلا الحريم ونارت كلابه
حريمهم تنتخي من قله الوالي .. والمال همَل وحنا اللي حظينا به
الشيخ ابن جمعة لنا دز الارسالي .. من هجرة عريعرة وصلتني ركابه
يامرحبا يوم مرسوله تعنا لي .. والجيش جا والشلايل جات برقابه
عيناك ياللي عيونه سهرها طالي .. من كان حن فزعته نومه تهنابه
سرنا عليهم بتكبيرٍ وهلالي .. والروس تحذف وابن جمعه يثارابه
خافيٍ حدا به علينا القادر الوالي .. طقه عقابٍ فراجوفه بمخلابه
يدور المنع حاديه اشهب اللالي.. مايدري إن كل صولتنا من اسبابه
بالخنجر الحضرميه حطه اوصالي .. ياليت أخو فايزه عينه تحلابه
وصيته إلا لبسوها ثوبها البالي .. لبسوا حلايل عدنا ماكسوها به
وصلاة ربي عدد ماهل همالي .. على نبيٍ هدانا واهتدينا به

[نــجــم]

عرضه ( اربوعي اللي )


اليوم ابلعب طربٍ له .. حتى طيور الحمام تجر الالحاني

رحبت باللي لهم ترحيبنا كله .. عما تكن الجوارح عبر لساني

رحبت ترحيبةٍ تبري من العله .. من صافي القلب تبري كل وجعاني

يا اصدق صديقٍ معى والقلب صافيٍ له .. انخاه في ساعة الضيقه وينخاني

النايف اللي علينا ضافي ظله .. ظلني من الشمس وإن جا البرد ذراني

اربوعي اللي المشي بالسله .. جلابة الروح بادني سوق الاثماني

ابجيرة الله مايسهج لنا حله .. مازارنا من عدوٍ وراح خسراني

[نــجــم]

& هية نساح &


إنشدوا ياهل التواريخ من هية نساح .. إسألو عنها وأنا اعطيكم العلم اليقين

خلوا المكسب وضاقت بهم الارض الفياح .. من مهارٍ فوقها لابهٍ تروي السنين

بالسيوف وبالجنابي ومفتوق الرماح .. وارخصوا الارواح من دون جرعات الحنين

جاو رزق للضواري وخفاق الجناح .. من فعايل صلب جدي هل الجمع الرزين

صبح البيرق عليهم مع وقت الصباح .. والسبور مسنعينٍ لهم عشواء البطين

والحقتهم سبق الخيل بطيور الفلاح .. فوقها كل ابلجٍ ضايعٍ منه الذهين

كم طريحٍ في نحاهم من الزلبات طاح .. غيبوه مفرقين الخدين الخدين

يدعون بدين الاسلام ودروب الصلاح .. واثرهم فيما يقولون ماهم صادقين

[نــجــم]

قـــصـــائــد الغــزل









؛.. أنا يـوم شفـت البيت ..؛


أنا ما هقيت يسوى الوقت ما سواه ** وخان الزمان وعادة الوقت خوانى

ويا حي من هذي دياره وذا مرباه ** ذوارى هبوب النود من فوقها بانى

أنا يوم شفت البيت متهدم مبناه ** تذكرت زول كان في البيت سكانى

أنادى عليه وساقي العين جارى ماه ** وأنا عارف إنى لو تحريت ما جانى

ظلمنى الزمان الى جبرنى على فرقاه ** صواديف بقعا شرها ما تعدانى

صدوف الزمان وطول صبر لحقت أقصاه ** حدتنى على مبدا الطويله مسيانى

أنا قد بغيت اوقف الرجل عن مبداه ** ولكن شفت الموت مازيد خلانى

الى جيت عد ٍقد نزل ماه ولا جاه ** تسابق دموعي واظهرت خافي احزانى

أنا كيف أبدله واطمع في خاطرى أنساه ** وأنا كل ما مريت مدهاله ابكانى

الا جات به الاخبار والا احدٍ اطراه ** ما عاد اتسمع صوت من زيد حاكانى

أعيش بخياله واتنادم مع ذكراه ** ويدوى بي الهوجاس في عالم ثانى

يغيم سماى الا تواجهت انا وياه ** وحتى الحكي ماعاد ينطق به لساااانى

قضى العمر كله عادنى في رجا لاماه ** وطال الرجا والياس قام يتحدانى

هو الى تتوق النفس لمشاهده وحكاه **ولا جا بقلبى عنه سجة ونسيانى

[نــجــم]

:.. تغلاق الأشفاقي ..:



إلا اقفي النهار وقبـل الليـل مـا دانيـه
معي ضيق صدر من تغـلاق الأشفاقـي

سقى الله ضحى ذا اليوم والعصر لا تسقيه
نهـار اجتمـاع حـل فيـه التفـراقـي

نهارسعيـد أولــه واقـشـر تالـيـه
توادعت أنا واللي لـه القلـب مشتاقـي

ويا قو عزمي يـوم قفـا وأنـا راعيـه
اجامل وأنـا لدمـوع عينـي تسيباقـي

نظرني بعين تخلف اللـي تطالـع فيـه
كما عين حر لابـرق الريـش لحاقـي

أنا خاطـري فـي خوتـه ودي أخاويـه
وروحي معه تنسـاق مـن دون سواقـي

ويا عاذلي لا تمحـن القلـب وتقاصيـه
تحاكيـه وجروحـه مراميـس وعتاقـي

لو انه يخلـي الحـب مـن وده يخليـه
تشوف المودة مـا بهـا واحـد شاقـي

إلا جيت بخفي لوعة الحزن مـا تخفيـه
عيون عبايرهـا علـى خـدي أطلاقـي

جبرني زمانـي وانتـزح واحـد اغليـه
وقلبي على شـوف المحبيـن محراقـي

أحبه وأحب اللي يجيبـون لـي طاريـه
ولـه مخلـص مانيـب للعهـد بواقـي

خذ الروح كله ما بقى لـه شريـك فيـه
وجعله فـدا لـه ماخـذه منـه والباقـي

عذابي من اللي يجرح القلـب ويداويـه
وهو راس مالي في البراري والاسواقـي

غدا كل همي في خيالـه وفـي طاريـه
وخليـت دورات المعيشـة والارزاقـي

تعايد على مواجهـه ويـن زيـد أجيـه
وقف منه وصلي وقفة الماء من الساقـي

[نــجــم]

(( بــــــس ياعينـــــي ))




ونتي منـا الـى مالـه نهايـه = من جروحٍ في ضميري مستكنـه

بس ياعيني من الدمعـه كفايـه = المفـارق واقـعٍ لابـد مـنـه

ماحسبت حساب روحي في البدايه =عادني طربٍ وروحي مرجهنـه

مبطيٍ والحزن والينـي ولايـه= صادرٍ حكمه علي من غير سنـه

كيف يعدم واحـدٍ مالـه جنايـه = ياهل المعروف شيلوا الظلم عنـه

[نــجــم]

(( الديـــــار الجنوبيــــــــه ))




تعودت مبدا الرجـم صبـحٍ وعصريـه = وعيني من الدمعه خـذت حقهـا وافـي

الا جيت بخفي الحـزن بانـت مواريـه = ودمعة عيوني بينـت حزنـي الخافـي

اجامل مـع الخـلان جـوزا معذريـه = وكل الجـروح اكنهـا بيـن الاجنافـي

وكنـي مريـضٍ مايبـيـن مشاكـيـه = يجامل مـع الـزوار ويقـول متعافـي

مريضٍ مرض قلـبٍ وعينـي شقاويـه = ومبطي وانا مـن لـذة النـوم متجافـي

وقلبـي حنـونٍ للـديـار الجنوبـيـه = وطول البطا ماغيرت حبهـا الصافـي

ومبداي فـي عـرقٍ تعنكـب ذواريـه = هو احب من قصرٍ بني قرب الاسيافـي

هل الجوب ذكروا ربعوا في ضواحيـه = وقالوا غواميس النخـل عشبهـا زافـي

وحلـوا هـل الذيـدان عنـد الرماديـه = وخذوا في جناب الغرس مشتى ومصيافي

[نــجــم]

(( الحـــــزن يوجــــــع ))




الحزن يوجع مفاخت الجنيني = والحزين اللي جروحه مستكنـه

حالف ان اموت واوسّد يمينـي = لادله قلبي ولا سجيـت منـه

عاتقٍ حبه وماضيٍ له سنينـي = مقرعٍ قلبي عليه اقـراع شنـه

اجحد الخلة وانا قلبي حزينـي = واتعزز كن نفسـي مرجهنـه

ان رقدت آخذ بنومي ساعتيني = وان صحيت اتابع الونه بونـه

حي من قبل امس شاهدته بعيني = سجة ٍ وياه بعض الوقت جنـه

[نــجــم]

(( الرجـــــــــــم الطويـــــــــــــل ))




جية الرجم الطويل اكبر خطيه = غير حدتني غرابيل الليالـي

احسب ان عيني عزايمها قويه = لين شفت الليل داركني لحالي

ودي اصبر غير مالي مقدريه = دمعة العين الحزينه ماتمالـي

ذاالسنه ماعاد فيها مجامليـه = وانكشاف السد ماهوب الهوالي

ارتكبت الذنب في النفس البريه = لوبغيت اعتاقها مازيد جالي

ذي حياة اهل القلوب العاطفيه = تصفق الدنيا بهم في كل جالي

عادني راجيه في عيد الضحيه = يوم فات العيد الأولماصفالي

عايشٍ عيشة وزا ماهي هنيه = عيشةٍ بين الحقيقه والخيالي

[نــجــم]

(( بــــــس ياعينـــــي ))




ونتي منـا الـى مالـه نهايـه = من جروحٍ في ضميري مستكنـه

بس ياعيني من الدمعـه كفايـه = المفـارق واقـعٍ لابـد مـنـه

ماحسبت حساب روحي في البدايه = عادني طربٍ وروحي مرجهنـه

مبطيٍ والحزن والينـي ولايـه= صادرٍ حكمه علي من غير سنـه

كيف يعدم واحـدٍ مالـه جنايـه = ياهل المعروف شيلوا الظلم عنـه

[نــجــم]

(( خاطــــري داروه ))




ونتي ونةٍ خلـوجٍ مـع الوقـت العتيـم = وكدت مذبـح ولدهـا وحالـوا دونهـا

حالي اللي راحت اشجار وديانـه هشيـم = مبطـيٍ مازيـد دب الحيـا بغصونهـا

لاجرى ماها ولازيـد حركهـا النسيـم = من بطا الامحـال فيهـا تغيـر لونهـا

كانيٍ مابي وانا مخفـي ٍ شـي ٍ عظيـم = وكل الارض اليوم ضاقت علي ركونها

ياعرب تكفون من كان له قلب ٍ رحيـم = كل نفس ٍ صابها الحـزن لا تقصونهـا

خاطري داروه ياللـي تـدارون اليتيـم = وان بكت عيني من الدمـع لا تنهونهـا

كبدي اللي لاعها خافي الحـزن السقيـم = كـل ماقلنـا تشالـت تزيـد طعونهـا

كل ما بريت جروحي من الحزن القديـم = جيت دار ٍ حايـل ٍ البطـا مـن دونهـا

في الهوى حزات من وصف جنات النعيم = وفيه نار ٍ جملـة الخلـق مـا يقوونهـا

[نــجــم]

* جرت دمعتي *

جرت دمعتي من شوفة الدرار مهجوره ** وشوفة رسومٍ باني فوقها الذاري
يعاتبني اللي ماتسمعت في شوه ** رقود الضحى ماهوب عن حالتي داري
وعيني بكت من لوعة الحزن ماجوره ** ولاحدٍ يلوم العين في دمعها الجاري
أعد الدهر واحسب لياليه وشهوره ** من الحزن والهجران يبراني الباري
إلاقلت روحي من محبتك مخطوره ** تلفت علي كن له علي دين ويثاري
قضى العمر وانا ارجيه والنفس مقهوره ** كما بايعٍ يطلب حلاله من الشاري

[نــجــم]

& حل الفراق &

ليته يمدد لي الاجازه اسبوعين && ولا يعود هلال بعد رمضاني

ياعين قد بسك من الدمع ياعين && من لوعه الفرقى حصل ماكفاني

أنا انصحك ياعين وانتي تزيدين && تصخين بالدمعة عياناً بياني

حل الفراق وجا وداع المحبين && وجات الدموع اللي تعقد اللساني

أنا المولع في هوى الناس الاقصين && وأنا الحزين اللي ظلمني زماني

[نــجــم]

؛.. حكمني وليفي ..؛

حكمني وليفي حكم الاعدام والتعذيب .. وكل الجزيرة ضاق بي ربعها الخالي

شكت من رقيق الحزن قبلي جلال النيب .. وراحت مراديم الشحم عقبه هزالي

ولو صحت طول الصوت ماللصياح مجيب .. يخيب ظنوني كل من خاطره سالي

ويا مهبل اللي يحسبن الجروح تطيب .. إلادار معها الحول ماعاد تنزالي

أنا العاشق المظلوم والعشق ماهو عيب .. مع درب غيري لاني أول ولا تالي

أساهر نجوم الليل لين النجوم تغيب .. تهل السنة وتروح ماغاب عن بالي

يقولون طاب الجرح واقول وين يطيب .. دعوني بحالي لا تسالون عن حالي

[نــجــم]

× حل المفارق ×

حل المفارق والجدار حزن ودموع ×× يومٍ علينا مثل يوم الوهيله

لو صحت طول الصوت ماني بمسموع ×× ماكن لي ربعٍ ولا لي قبيله

حالي طواه الحزن غصبٍ بلاطوع ×× ماعاد في جسمي عظامٍ تشيله

مني قلم راعي المشاريه مرفوع ×× من كان مثلي مايعارض سبيله

أسباب خلٍ دونه السلم مقطوع ×× ماعاد في شوف اريش العين حيله

[نــجــم]

( حلفت ما انساه )

زولٍ حياته على الدنيا عذابٍ لي :: لا قربه اشلا ولا فرقها باشلالي

أمشي بعزمٍ وخافي الحزن مضحيٍ لي :: وابعد عن الناس لا يدرون باحوالي

يطري علي كل ماوقفت باصلي :: وامنين مارحت طاريَه علي بالي

حلفتت ما انساه مادمه مودٍلي :: لو جيت باصد رمش عيونه أومالي

[نــجــم]

" حلت الفرقى "

ماهقيت إن الليالي تفرق الاجتماع "" لين حدتني ظروف الليالي القاسيه

ونتي عند المفارق ولحظات الوداع "" ونةٍ تهتز منها الجبال الراسيه

ودي أخفي لوعة الحزن قدر المستطاع "" لا تنقظ به جروحي وهي متلاسيه

اعرضوا ياجملة الناس عن كثر النزاع "" كل عينٍ تنثر الدمع ماهي ناسيه

حلت الفرقى وضاقت على الارض الوساع "" ومالت الدنيا وهي كان لي متواسيه

[نــجــم]

* خاطري داروه *

ونتي ونة خلوجٍ مع وقت العتيم = وكدت مذبح ولدها وحالوا دونها

حالي اللي راحت اشجار وديانه هشيم = مبطيٍ مازيد دب الحيا بغصونها

لا جرى ماهو ولا زيد حركها النسيم = من بطا الأ محال فيها تغير لونها

كانيٍ مابي وأنا مخفيٍ شيٍ عظيم = وكل الأرض اليوم ضاقت على ركونها

ياعرب تكفون من كان له قلبٍ رحيم = كل نفسٍ صابها الحزن لا تقصونها

خاطري داروه ياللي تدارون اليتيم = وإن بكت عيني من الدمع لا تنهونها

كبدي اللي لاعها خافي الحزن السقيم = كل ماقلنا تشالت تزيد طعونها

كل مابزيت جروحي من الحزن القديم = جيت دارٍ حايلٍ البطا من دونها

في الهوى حزات من وصف جنات النعيم = وفيه نارٍ جملة الخلق مايقوونها

[نــجــم]

× ذا الليل أنا ×


ذا الليل أنا بالبكا مسموح ×× ما اشوف شيٍ تشافا لي

من ناظرٍ بالدموع يفوح ×× زادت همومي وغربالي

الدمع مامنه لي مصلوح ×× غير البكا قد هو اشلالي

أنا عليلٍ عطيب جروح ×× واصيح من قلة الوالي

ياليت كثر البكا والنوح ×× يرجع علي واحدٍ غالي

كم من زمانٍ يجي ويرووح ×× ومواجهه ماتهيا لي

من دونهم صار لي ساموح ×× وابغي الصبر غير ماجالي

[نــجــم]

* زمان البدواة *

وياعد جيت ادور اللي عليك العام ** زمانٍ مضى ياعد فوقك ويشرب ماك

هل مثولثاتٍ قبل تاتي البيوت خيام ** وذيك الخشوف اللي توقف على مسقاك

زمان الداوة راح واقفى مع الايام ** وصارت حياة البادية مثل حال غداك

أنا اشوف وقتٍ من شكى منه ماينلام ** ومن كان يبكي لا تقولون ويش ابكاك

وطيت الديار ونقضت حزني الجزم ** وببكي واقول ياذيب جر عواك

[نــجــم]

& زودت دقات قلبي &

زودت دقات قلبي واوجعتني && نظره اللي طول عمري مانسيته

نظرةٍ باسناعه العين اجبرتني && قد بغيت الصبر لكن ماقويته

كم فرحت ايام وايام احزنتني && في هوى اللي بعت روحي واشتريته

شفت حتى الارض مازيد اوسعتني && لين زيد اجيه والا اشوف بيته

كان ذا الدنيا معه زيد اجمعتني && الحياة الغاليه مني عطيته

الليالي الققاسيه عنه ابعدتني && ماينوشه طول صوتي لو دعيته

[نــجــم]

:: عذبت نفس الفتى ::


يامل عينٍ عليه تهل عبرتها :: عليه صافي دموع العين منثوره

الجادل اللي سهوم الموت شبحتها :: الله خلقها بسلب العقل ماموره

من أول كان هينةٍ زيارتها :: واليوم من دونها اللاقدام مقصوره

عذبت نفس الفتى واقلقت راحتها :: يامن تنفل بحسن الخلق والصوره

[نــجــم]

* نـاح الحمام *

ناح الحمام وهاضني باللحوني ** نوحه طرب أنا إلا نحت مظلوم

باسباب ناسٍ في المحبه بلوني ** وبقيت في الدنيا وحيدٍ ومهموم

ناسٍ بليت بحبهم وانكروني ** ماكنهم مضوا معي معرفة يوم

وياليتهم عقب العطش ماسقوني ** شرابهم مرٍ على الكبد مسموم

وعقب الجفا والبعد ماواصلوني ** ولا زيدجامنهم مراسيل وعلوم

[نــجــم]

& هراج القفا &


ونتي ونة تجض من الحفا && عرضوها الحزم ركابها غب الصلف

لا تطاوع يا أشقر الراس هراج القفا && كاذبٍ في كل ما قال لك وإلاحلف

قصد هراج النمايم يكدر ماصفا && لاتخلي كل عدو ٍ يحقق له هدف

كن في كبدي حريقٍ لهيبه ماطفا && مثل ضوٍ ساقها النود باطراف السعف

يالطيف الروح واجهت منك ماكفا && إعتق النفس الضعيفه على ماقد سلف

دمعه العين الحزينه تبين ماخفا && كيف بجحد لوعه الحزن والسد انكشف

ياوليفي وين عهد المحبه والوفا && لا تجافي من تبين بحبك واعترف

[يارا العامرية]

رحمة الله عليه .. وصح لســآنه ملاااين ..
سلمت يمناك ع ايرااادك ..
تقديري ,,

[نــجــم]

شاكر لك مرورك الجميل ..

احترامي وتقديري ,,

[العنيــــدهـ]

صح لسان شاعرها
ولاهنت ع الاختيار الرائع
يعطيك العافيه
!..❥

[نــجــم]

شاكر لك مرورك الجميل ..

احترامي وتقديري ,,

[سلطانة]

http://www.halauae.com/uploads/images/alsaher-3814931317.gif

[نــجــم]

يسعدني ويشرفني مرورك العطر

تقديري لكـ

[دانــه]

الله يرحمه يااارب
صح لسان الشاعر ولاهنت يانجم ع أيرااااد الديووون الرااائع
يعطيك العافيه .. :m-49:

[نــجــم]

يسعدني ويشرفني مرورك العطر

تقديري لكـ

[فادي الشلاحي]

تسلمً يمينكً علىً هذا الطرحً الراقيً

[نــجــم]

يسعدني ويشرفني مرورك العطر

تقديري لكـ