ديوان / مجعد بن متعب الخميلي الرشيدي [الأرشيف] - ®°·.¸.•°°·.¸منتديات عيال الحمايل¸.•°°·.¸.•°®

نــجــم

01-04-2011, 07:04 PM

ديوان / مجعد بن متعب الخميلي الرشيدي

والله ما يذبحك ياكود

دار الهواء فوق الشجـر بندراجـه
واناهجوسـي تتبعـه كـل مـاراج
القلـب نسمـات العليـل ابتهاجـه
والفكر خلتـه الدواكيـك مسهـاج
فجٍ خلا لاضـاق صـدرك علاجـه
يغنيك عن بعض المجالس والازعاج
سحابـة البـارح قفتهـا عجاجـه
يلعبها صلف الهواء مثل الامـواج
هبـت هبـوب مدوريـن اللجاجـه
يفرح بزلـة صاحبـه كـل هـراج
من غير سبه عاقـدٍٍ لـك حجاجـه
لوان ماله مع هل الطيـب منهـاج
اثر العوج دايـم يحـب العواجـه
لو ينعدل يرجع لساسـه وينعـاج
مايستوي طعـم القـراح وهماجـه
ولا يستوي نقع الصفا مثل هـداج
الله ولا منـة محسـب خـراجـه
شين اللغا ومن البطر لابـسٍٍ تـاج
والله مايذبحـك يـاكـود حـاجـه
لاصار في وجهك حيا وانت محتاج
بالعسر يسـر وللهمـوم انفراجـه
يجيلها من والي العـرش مخـراج
ارفـع يدينـك للسمـا ثـم ناجـه
يظهرك لودونك شرابيـك واسيـاج

نــجــم

01-04-2011, 07:05 PM

سامح الله

سامح الله وجه الايام واصحاب الرخـا
عرضونـي للتهالـك وخلونـي وحيـد
العـزاوي فالسعـه والعيـال مطنـخـا
تفتل الاشناب وتهوش والاوقات عيـد
لين جات الساعه اللي صداهـا يورخـا
واحتمى الميقاف والدم ضاق به الوريد
ازهم الراس الموالـي ودنـق وارتخـا
وازهم الاقصى والادنى وحيد ايصك حيد
نعنبو راسـن ليامـن نخيتـه ماانتخـا
والله اني محسبه لا قريـب ولا بعيـد
المنافق لو يمينـه تعـج مـن الصخـا
مايبا الاحاجتن مـن وراهـا يستفيـد
قام حـظ المرتشـي والبليهـي نوخـا
والمفاهيـم القديمـه توطاهـا الجديـد

نــجــم

01-04-2011, 07:05 PM

تعال

لاتعتذر واللي حصل منـك يفـداك
اقبل بوجهـك والزعـل فدوتلـك
ماهمني ماقلت انا همـي ارضـاك
رفعت نفسي عن كلامـك ارضلـك
تعال ابشوف الغـلا فـي محيـاك
لاتحرم المشتـاق مـن نظرتلـك
اضحك وخل الهمس يختال بشفاك
يطفي لهيب الشوق من ضحكتلـك
اعمر بساتين الحشـا لاعدمنـاك
تراه مهمـا كـان فـي حاجتلـك
لاصاح جرحه وبدعد عنك نـاداك
وان قلت تبغا حاجتن قـال كلـك
جاوب على زفرات قلـبٍٍ تباطـاك
مشاعره عقب البطا عـودن لـك
لوتسمع الهاجس ليا اوحيت طرياك
يرقص خفوقي بالغـلا حشمتلـك
لاتنحـرج ياناعـم العـود حيـاك
اقلـط مكانـك خافـقٍٍ مايمـلـك
يامرحبابـك كثـر قلـبٍ تمنـاك
ولانت ابغريب الياجلست ابمحلـك
وعلى سلوم اهل الوفا مد يمنـاك
وانا على وضـح النقـا صافيلـك

(http://www.n7bkm.com/vb/report.php?p=721371)

نــجــم

01-04-2011, 07:07 PM

هواجيس قلبي

هواجيس قلبي مثل جمر الغضى المكشوف
لها بالدجى زافات كني مواعدها
همومن كما صلف الهبايب تلوفه لوف
مقابيسها تصح العرب من مراقدها
الا ليت عمسات الطواري علي اتروف
لياجابها حظي وساعن بنايدها
ليامن طرالي ماطرالي وزاد الخوف
على اقرب قريب من الطموحات وابعدها
تهيض القريحه من سواعير نار الجوف
براكينها تفرا النحر واتسيدها
على العز ياغرن تجوب الحشا واتطوف
تداحم وتفهق دقها عن فرايدها
تهوم الجبال الشامخه وتهقا وتنوف
تهقوا وعاليت السحايب مواردها
قديم الحرير ايعوضك عن جديد الصوف
ولو زينت بعض المصانع لبايدها
كما الؤلؤ المنظوم في عاتق الهن
وفليا فرعت واغضت على اللي تعاندها
ليا غطرفن البيض وصفوف بعد اصفوف
تخطا الجموع من الدجر ماتنشدها
تحدا على وضح النقا والعيون اتشوف
لها المركز الاول وهذي عوايدها
تباها بعودن ينثني ضامر السرجوف
تزين الحلي مازينتها قلايدها
لياسلهمت حدب الجنابي وحد اسيوف
سهوم المنايا والدهاء من مكايدها
طلاسم حروف القافيه ونة الملهوف
ليا سانعت ثنتين عشرين تجحدها

نــجــم

01-04-2011, 07:07 PM

الجازي

مكرمـاتٍ شـارداتٍ مـن الايـام تـيـه
في غياهيب الدجـى همهمـت واوحيتهـا
مرحبا ياحي هالصـوت احبـه وامتنيـه
شـارده منـوة خيالـي ونـا خاويتـهـا
يممتبي صوب قفـرٍ خـلا محـدٍ يجيـه
عج بـه ريـح النفـل والادامـي بيتهـا
بالرضا سمحت محيا لسمحين الـو جيـه
ومثل زلزال الرعـد لاغضـب عفريتهـا
ماتجي لمردد الهرج مومـي فـي يديـه
واحـدٍ يخلـط عسلهـا علـى حلتيتـهـا
وهبةٍ مـن واحـدٍ كـل خلقـه ترتجيـه
يطـرد الهـاجـوس قلـبـي لياغنيتـهـا
ان. بغيت من الذهب وان. بغيت من الجنيه
مثـل صنـدوق الجواهـر اليـا فكيتهـا
خلـو الجـازي تدلـل وتاخـذ ماتبـيـه
لو تبـي تامـر علـى الـروح مارديتهـا
حبهـا بيـن الضمايـر وقلبـي محتويـه
تضحـك الدنيـا بوجـهـي لياناديتـهـا
ياغـرام المغـرم اللـي غرامـه مبتليـه
وياغناتـن جابهـا الله ونــا ماجيتـهـا
امـري وادللـي هـاك قلبـي وملكـيـه
مـدتـن مبـغـا جـزاهـا ليامديـتـهـا
الغـلا محـدٍ يبيعـه ولاحـدٍ يشتـريـه
الغـلا وهبـه مـن الله ونــا حبيتـهـا
اعتلي صـرح الغـلا وابتديبـه وانتهيـه
واستبيحي صمـت الاشـواق لا خفيتهـا

نــجــم

01-04-2011, 07:08 PM

هرج الصراحه

ياليل سجة خاطـري وانشراحـه
شوف القمر بين النجوم المدابيـح
الثلث قبل الفجر يشعـق صباحـه
ومع الصبا عج النفل عطر والشيح
اقبـل يغطيـه الحيـا والسماحـه
صادق وحالت في طريقه سواميح
فرحت في لقيـاه والهـم زاحـه
لكـن عذبـات الليالـي مشافيـح
ياشين بعض احيان هرج الصراحه
لاصار سطحن نطح من غير تلميح
نشوة لقاء والصبح ينقض اجراحه
مادامت افراح القلوب المجاريـح
اسرع من الطيف الحياوي مراحه
لو اشعل اللحظه شموع ومصابيح
تل الخفـوق ابنظرتـه واستباحـه
واغضى وحقق بالوساع الذوابيـح
وارخا على بيض المحاجر وشاحه
ومجدلن يضفي على المتن ويطيح
قال الوداع وقلـت مافيـه راحـه
لاياشبيه اللي تذيـر مـع الريـح
اقفا وانـا محتـار والسـد باحـه
الله يعين اهل القلـوب المجاريـح

نــجــم

01-04-2011, 07:08 PM

نزعة الفكر

نزعة الفكر والذكرى طلوعن .. نزول
تعتلي فـي طويـل الضلـع وتحولـه
شارد البال والطاري يصول .. ويجول
قام يطوي شريـط الامـس ويمولـه
تقطع البيد .. عيس وللمسابق خيـول
تنتهـي قايـمـه وتقـيـم متجـولـه
ليلةٍٍ بالسنـه فيهـا جميـع الفصـول
لهـفـة المبـعـدات وذل متسـولـه
قلت اصدق ماصدق والحقيقه .. تقول
من يشكـك بشـوف العيـن ويئولـه
خل ليلك خيال وخل شرحـك يطـول
ياصعيـب المنـاوي طولـه طـولـه
أحسبن الجمال إليـا طغـى مايهـول
لين شفـت الدلـع والسحـر بمهولـه
بين شط الردوم وبين طرفـن خجـول
ضاعـت السالفـه وعلومنـا الأولـه
ضامك الحمل ريح ياكبيـر الحمـول
وارتو السلسبيل ومن روى .. رولـه

نــجــم

01-04-2011, 07:08 PM

المها والمهاه

راكب اللي لونس النار والسلـف ايعـوي
عوية السرحان لا جاع وافلس من عشـاه
لابتـرم سيـر المكيـنـه لبنكـاتـه دوي
مثل رعـادن يلجلـج ومزنـه هـل مـاه
كن شكمانـه علـى الليـت ملويـن لـوي
جعلها تسلـم يميـن الخبيـر اللـي لـواه
يقـدح الشـرار والبيـد يطويهـا طـوي
ابيضـن كـن الذيابـه تعـاوا فـي قفـاه
لاستوا الخط استوى ون.تعـروج ينطـوي
طوي حيات الثـرا يـوم سواقـه طـواه
وش يهمـه ماصعـب عندغيـره يستـوي
لو تعرض له نبا شاح روحـه مـن وراه
وارد الالمـان يعجبـك لاقـام ايـهـوي
كنه الشيهـان لهـوا علـى فـرخ القطـاه
منوة اللـي لـه زمانيـن مكويـن كـوي
من سبايب واحـدن كـل مايطـري كـواه
مثل عشبـن واللواهيـب شاويتـه شـوي
فوق مزموم القرا ماوصـل عرقـه ثـراه
بالنهار اهجوس قلبـي وبالليـل اسـروي
تاليـه متاليـه حذفـت الحـاج الحصـاه
واحدن لوغـاب طاريـه لفكـاري خـوي
وين ماوجهـت اشوفـه وقلبـي مانسـاه
لاطـرا بيبـان قلبـي تصافـق وتـهـوي
كلهـا مـن سبتـك يالمها..مدر.المـهـاه
مفرعه شمس الضحى نور والراس امحوي
ون.تبعثـر كنـه الليـل لامنـه غـشـاه
البرد تحت الجمـر ليـن القلـب القـوي
لوكتم سـده علـى النـاس قلبـه ماقـواه
شجرتن غالـن ثمرهـا وعـودن مرتـوي
دونها احصونن منيعه وبيـت العـز جـاه

نــجــم

01-04-2011, 07:08 PM

احترت بالقافيه

عسى صدوق السحايب مرزمات الرعود
اللـي يغيـث السنـاوي رش ودانـهـا
دهمن تزبر ويردعها مـن الشـرق نـود
لميـع براقهـا فـي عـرض ربانـهـا
سـودن مقاديمهـا حمارهـا فالحـيـود
اثعولهـا حدرهـا كاللـيـل عمدانـاهـا
رحمه من المعطي المنـان ربـن يجـود
لوترهب اللي نظرهـا الخيـر بامزانهـا
ترخي هماليلها الهجعه وتصحا الرقـود
وترقص لها اليانعـه وتميـل اغصانهـا
تسقي بـلاد المحبـه والعطـا والعهـود
الديـره اللـي ملكنـي حـب سكانـهـا
ابلاد من حبها فـي كـل يومـن يـزود
كل الموازيـن تنقـص غيـر ميزانهـا
يدنيبها الحلم واعبـر الفضـا والحـدود
يغيب وجـد الشقـا واعيـش وجدانهـا
الغايه اللي بهـا عقـد الامـال امعقـود
الفاتنـه ماذبحنـي كــود حرمانـهـا
مالوم غر المشاعر مغرمـات الصعـود
اللي تنكـس مـن اللجـه علـى شانهـا
لغضت برمش النواعس مثل صف الجنود
وليارتفـع يطـرق القذلـه وحجانـهـا
ون.ميلت عودها عـزي لظبـي النفـود
لوفيه الامثـال تضـرب مابلـغ شانهـا
عديمت الوصف وحروف الكلام محـدود
احترت بالقافيـه مـن صعـب عنوانهـا

نــجــم

01-04-2011, 07:09 PM

الا ياهاجس الذكرى

الاياهاجس الذكرى بديـت ولاقـدرت انهيـك
اخذني موجك العاتي وانا ذكـراك نـا سيهـا
تملكني خيالـك ونـت لاهـاذي ولا هاذيـك
بداياتـك جميلـه والنهايـه ويــش تاليـهـا
الا ربي حسيبك ليـه تزعجنـي ونـا ناسيـك
تعيد الصفحه اللي من زمان الوقـت طاويهـا
اجل هيـا بدينـا وبتـدا ليلـك ونـا ساريـك
يطيبـن النفـوس ابمـاطـرا والا نصفيـهـا
نبي ناخذ على صرح الخيال وهات لي وعطيك
من اشعورن قديمه لو تمـوت الذكـر يحيهـا
لمحت مع الخيال الصوره اللي مابها تشكيـك
تجلت من بعيـد وشعشعـت لعيـون مغليهـا
هلا يافرحت ايامي هـلا مليـون مـا تكفيـك
هلابك عد نون يـروي الصحـراء ويسقيهـا
الا ياقلب جاوب صوت من بعد النيـا يدعيـك
تحفوابك طروشه والمشا عـر عنـد داعيهـا
علامك ماتعاتبني اذا كـان العتـب يرضيـك
ترى غسل القلوب اعتابها يجـرح ويرضيهـا
دخيلك لا تعذبني ونـا اللـي بالغـلا شاريـك
شعور اهل الغرام الصادقـه ليتـك تجاريهـا
تاكد لويطول الوقت انا عايش علـى طاريـك
تبعدك الظروف وترجـع الذكـرى لطاريهـا

نــجــم

01-04-2011, 07:10 PM

الله المغني

لاتنادي من تجمعـك امتبـري
الله المغني عن الجرف الهيالي
النفوس اثقال والمهنه تـزري
عيشة المفلس على قيلن وقالي
جبلت على البلاسه والتحـري
ماتفرق بالحرام من الحلالـي
مايفيد ابها طبيـب ولامقـري
العلل مستعصيه والرأس خالي
حذفة المقفي تمـر ولاتمـري
البلا من طعنت الضلع الموالي
لو صداها بالضماير مستقـري
تنجلي لاشفت حماي التوالـي
راح ابو زيد الهلالي والمعري
والبقا بالشامخات من الجبالـي
احتزم بدروع جنبي واستمري
كسر من مليون مايقصر حبالي
وغلطة اللي لاتسر ولاتضري
وش يبربها كريمين السبالـي
مانلد الغار طيـرن مايـذري
مايعدونـه مطانيـخ العيالـي
لاقطعنا الراي نقدم مانطـري
لين نشرب من شهاليل الزلالي
والمخالف لايسوم ولايشـري
حبل برقبته ويسرح بالمفالـي

نــجــم

01-04-2011, 07:10 PM

المسرجات

ذعذع هوا الغربي علي وسـاد
زخات عذبـات النسيـم بـراد
قبل طلوع الشمس عجت ريحه
اطيب من العنبر وريـح الكـاد
لكنـهـا دقـايـقٍ مـعـدوده
وحن الغريب وهم قلبـه عـاد
ماتستوي راحه وضيقـة بالـه
يسكن بلاد وفي حشـاه ابـلاد
افتـر دولابـه وصـدَق نـوه
وغيم سمـاه ودنـدن الرعـاد
واطلق عنان المسرجات الضمر
مثل السهـوم المرسلـه ورَاد
الياوجفت هدات ليـثٍ جايـع
كن الدعـث قدامهـن سجـاد
شواردن مثل القطيـع الهمـل
لكـن بحـزَات الطلـب تنقـاد
نزعة خيال ومغرمات المغـرم
والعمر رحله والظروف اقيـاد
تعاظمت ونـا وقفـت الحالـي
ماشفت من كثر الجموع افراد
اثر المحازم في نهـار الشـده
واللاً الرخا كل السيوف احداد
واكبر مصيبه فالزمان الغابـر
دمعة شجـاعٍ تفـرح الحسـاد

نــجــم

01-04-2011, 07:10 PM

السحايب

السحايب خيلـت والبـرق ناضـي
والهجوس افواج ماتلحق . بعضهـا
كنها سيلٍ مع المنحـاه .. فاضـي
يرخي اشناقه وزيرانه .. نهضهـا
من شريط الذاكره حاضر وماضـي
بالحقايق والصور فكري عرضهـا
لوغشاها الليـل ماغطـا ألبياضـي
يستهيـم ابغيهـا طرفـن لحضهـا
هيضت قلب المولـع واستهاضـي
سلمها مشروع والواقـع رفضهـا
جيت أعارضها ولافاد . أعتراضي
غاليـه والغاليـه ماألقـا عوضهـا
خلها تقطـف زماليـق . الفياضـي
لين يفضَ الجاش وتقضي . غرضها
يابعد من صار للنكبات .. قاضـي
شغلته لاغابو اصحابه .. قرضهـا
ميت الاحساس في دنياه .. راضي
ماأعتبر من درس الايام وحفضهـا
واحدن دعواه يفرضهـا افتراضـي
يحسبنه قدهـا . لامـن . فرضهـا
ون . نخيته كن بعظامه .. شواضي
قال انا مشغـول ويدينـه نفضهـا
امتليت من الوهم وللاأنت فاضـي
والنفوس الواهمه صعبن مرضهـا

نــجــم

01-04-2011, 07:10 PM

المهره

يالمسهبـات بماجـرا علميـهـا
قوليلهـا راحـت سنيـن بطلبهـا
أيام مـن عمـر الشقـا مانسيهـا
في حلوها في مرها فـي لهبهـا
أرقابها صرح الغـلا وارتويهـا
يومـن وراد الهـوى ماشربهـا
ماقول قلبـي لعبـةٍٍ فـي يديهـا
لكن من بيـن الخلايـق رغبهـا
المهره اللـي خاطـري مهتويهـا
بيـن الكحيلـه والعبيـه نسبهـا
طويلة السمحوق والـزود فيهـا
ماطق مصـراع العنـان بحقبهـا
يادانـةٍٍٍٍ قـوع البحـر محتويهـا
تنعم بغبات البحـر فـي شعبهـا
غطاس عال الموج لـو يرتجيهـا
نفسه تـروح وغايتـه ماكسبهـا
لاجـاه يجلبـهـا ولايشتريـهـا
إلا لمـن رب البـرايـا كتبـهـا
غير الخيال وهاجسـي مايجيهـا
والهم وجروح الشقا مـن سببهـا
رغبات نفـس الأدمـي يحتريهـا
يركض وراها لو تزايـد نشبهـا
لـو الأمانـي سانعـت ممتنيهـا
ما تا قت انفوس الصعاب إلصعبها
عيـنٍ تنـام وعيـن مايهتنيـهـا
كثر الهموم من المنـام تحربهـا

نــجــم

01-04-2011, 07:10 PM

مرحبا

انت ياللي سهوم الموت باهدابـك
من نظرته بعينك عـزي الحالـه
رد سهم العيون ونـوخ اركابـك
واسمع اللي قصيده فيك يحلالـه
حرف يرتاح منك وحرف يشقابك
اعترفلك بشيء وشي فـي بالـه
نوب مثل الخيال ونوب يرقابـك
من غلاتك وعنك الصبر ماحتالـه
عيني اللـي تشوفـك ماتهنابـك
مثل شوف السراب وماحدن طاله
لابعيـدٍ واعـز الـروح بغيابـك
انته اللي قريب وصعب ميصالـه
ليت سهم الغلا اللي صابني صابك
وليتك اللي مـع الايـام تصفالـه
مرحبا وانت حظي والقدر جابـك
عد رش المطر لاصـدق اخيالـه

نــجــم

01-04-2011, 07:11 PM

جنون الغلا

خل الجسد روح واشعل نار حبك وزيد
ساعه من العمر تسوى معك كل الشقا
ماكنت اصدق لقاك وفرصة اليوم عيد
لاتعيدها خلها فـي وقتهـا مـن هقـا
اطلع من الصمت والرهبه لعالم جديـد
جرب جنون الغلا والشوق عند اللقـا
ابحترق في برودك واتحـدى الجليـد
واذوب في حبك اللي راح واللي بقـا
الهمس خله وطرفـك للمحبـه بريـد
خله يقول الحقيقـه يـوم نـوك سقـا
لاتنحرج قولهـا لعـل عمـرك مديـد
مادامك اصفى من الصافي بياض ونقا
ياحلى من الحاليه من يانعات الجريـد
واجمل من الورد بفياضن سماه اشرقا
اخذت من شرد الغزلان نظره وجيـد
نويت قتلي بسـودك والله اللـي وقـا
ذبحتني لارحـم حيـك تعانـد عنيـد
ماينزل اللي على صرح الطويله رقـا
لاتاخـذك عزتـك بالاثـم ماتستفـيـد
الغي مثل السـراب وطـارده مالقـا

نــجــم

01-04-2011, 07:11 PM

ياقريب المسافه

ياقريـب المسافـه يابعيـد المـنـال
ياوحيـد المشاعـر ياخـوي السهـر
ياصعيب المنـاوي لاتضيـع الامـال
حلهـا وانـت تقـدر يابعيـد النظـر
ابعد الخوف مابينـي وبينـك جـدال
الهمـم بالعزايـم والمحبـه صـبـر
الهـوا والعواصـف ماتهـز الجبـال
والبواخر تجوب ولا شكاهـا البحـر
لاتقـول الحقيقـه مافرضتـك خيـال
لا تعذر ونـا عـاذرك قبـل العـذر
لاتماري بزينك وانـت كـل الجمـال
لو على الارض كوكب قالو انت القمر
انت غابه فضحها النور عقب الظـلال
لاسطع نور وجهك مع سواد الشعـر
انت نور المكان وحلـم سـود الليـال
وانت كل الجواهر وانت غال الـدرر
دانـةٍ مـن غلاهـا ماتقـدر بـمـال
صانها من تكفل فـي نفـوس البشـر

نــجــم

01-04-2011, 07:11 PM

هاك الصراحه

يا للي تهددنـي ابكـره انـا اقـول
اليـوم مخـلاص العميـل وعميلـه
من الراس خذها سلم يا نايف الطول
هـاك الصراحـه واعتبرهـا ثقيلـه
امـا تفاهمنـا ونبقـى علـي طـول
والا تبـيـن ادروبـهـا للدلـيـلـه
لا صار رايك عن هل العرف معزول
تقنـع وترضيـك السنيـن الطويلـه
الياحداك من اشهب الـلال هملـول
وقامـت تصافـك اليـال البخيـلـه
وزال الظلام وشفت ما كان مجهـول
وضاقت فجوج الارض مالك وسيلـه
لابـد مـا ترجـع ولانتـه بمعقـول
بالجزم عنـدي رجعتـك مستحيلـه
والمنزل اللي خابـره قبـل منـزول
عقبـك نـزل بـه واحـد يستويلـه

نــجــم

01-04-2011, 07:11 PM

غريق الهوى

مع الهاجس اللي بالمحبه يجي ويروح
توارد علـى قلبـي طواريـه وتلـه
تصافق بك الامواج يامركب السابوح
غريق الهوا لويعرف الـدرب مادلـه
لياغمضت عين الشقا الذكريات اتلوح
يلف الشريـط ومـا مضالـه تخيَلـه
سرح مع خياله وابتعد واللقى مفتوح
يساقيه من عقب البطا غيـث ويعلـه
ولا ياحبيبي لاتزيد الجروح اجـروح
علامك لعبت ابخافقي وانـت محتلـه
تغلا وحبك بانين بالضمير اصـروح
بعد وش تبي وانت النظر والغلا كله
قديم الغلا لاتعتذر وانتـه المسمـوح
بياض القلوب وصادق العهـد ماملـه
نظيف المحبه مابناها على مصلـوح
بعيدن عن الشبهات وابعد عن الزلـه
اعاهدك عهد الصادق الوافي النصوح
يا عهدن مضا لو صار ماصار ما فله

نــجــم

01-04-2011, 07:11 PM

العيطموس

ياقلب خلك مع الهاجـس ودالوبـه
ون لجلجت عيطموس الفكر لجلجها
زود لهبها لهـب والنـار مشبوبـه
ترا النعومـه ليـازادت تسمجهـا
مادامها حـرةٍ ماهيـب مقضوبـه
اطلع مطاليعهـا وانهـج مناهجهـا
شرايدٍ من بنـات الريـح مجذوبـه
الخـد ميدانهـا والفكـر يسرجهـا
تجيك مثل الذهب والماس مصبوبه
تبرد سواعير صدري من توهجهـا
لايا بعد من يعيب ويجهل اعيوبـه
عينه على الناس قصده بس يحرجها
وقت الرخا يسحر الجهال باسلوبه
سليط ومحايلي يعـرف مخارجهـا
كل المفاهيم حسب اريـاه مقلوبـه
ايدرهم المخطيـه والـلا يدرجهـا
وليانخيته نـزل رأسـه العرقوبـه
والهرجه اللي قبل ماعاد يهرجهـا
ايوالله اني طويت ارشاي من صوبه
اللي وجيه المراجل عمد يسهجهـا
الياحمت شمسها واشتـد لاهوبـه
روس الحمايل لياحجت حجايجهـا
ربع الشدايد وروس العز معصوبه
تثني ليا دلبحت فزعـة حوايجهـا
تقوم من طيبها ماهيـب مغصوبـه
لـو المنايـا تنطحهـا وتدرجـهـا
خطلان الايدي وكلن دون ماجوبـه
اكبود تسحن لهـا وكبـود تبهجهـا
جدانهم ورثوا طيـب وتواصوبـه
الشرع دستورها والحـق منهجهـا
ادناهم ان قلت تكفا ضاقبـه ثوبـه
يرمي بروحه وماجابـت نتايجهـا
ترجمت من ضيقتي غايه ومطلوبه
لاضاق صدري بنات الفكر تسرجها
ومدام الارزاق والاقـدار مكتوبـه
تضيق عنـد البشـر والله يفرجهـا

نــجــم

01-04-2011, 07:12 PM

زينة الغره

رجلي على سكة الغالـي تمشينـي
لوعاندتنـي ظروفـي لازم امـره
مهيب رجلي اثـر قلبـي يودينـي
يامر وينها على نفسي وهي حـره
اروح وارجع وضيعت البراهينـي
كله من اجل الوفـا يازينـة الغـره
تعبـت والوقـت عيـا لايصافينـي
ياليت عذب اللما خيره كفـا شـره
ياعاذل القلـب مسمـع لوتنادينـي
مالك ومال العرب مخطي وتتشـره
اعرف مقـدار نفسـي لاتوصينـي
ماضيع السلم من يمشي على الجره
احب سلم الوفا والطيب يرضينـي
واللي حريصن على الناموس ماغره
حب الشرف مانقص مقدار وافينـي
كم خيرن ذاق من حلوه ومن مـره

نــجــم

01-04-2011, 07:12 PM

مسموح

ياليل خل مولع القلـب يرتـاح
ياليل مايكفيـك قسـوة نهـاري
ياليل صبري والزمن والعزا باح
الوقت قاسي والسهر بك اجباري
جار الزمان وجرح الايام ماراح
لاقلت هانت كدر البال طـاري
الجرح الاول يافهد غيره اجراح
قلبي على جرح المحبين ضاري
خلي خليلي خلخل القلب بسلاح
بسهم العيون الموجعات الشباري
سودٍ هدبها يزرق القلب برمـاح
عين العديم وشاف جول الحباري
حبه سكن فالقلب ماعاد ينـزاح
اغليه لوهو في عذابـي يمـاري
خله يعوض يافهد كـل مـاراح
مسموح دامه رغبتي واختيـاري

نــجــم

01-04-2011, 07:12 PM

يابحر

يابحر ماجيتك محبن ومشتاق == لكن قلبي ساق الاقدام يمك
جيتك ونزعات الوفا غصب تنساق == لوان غيضي يعتليك ويطمك
يابحر لو تجمع من الناس عشاق == اجسادهم تضمها ماتضمك
صفاك طابع غدر وامانك افراق == وكسر النفوس وحزنها مايهمك
تثيرني وضم جرحي بالاعماق == واخذ نفس 00 وارد طرفي ليمك
احاول ابعد عتمت الليل بشراق == وقول يامخلوق ياثقل دمك
وانظر ملامح صورته بين الاحداق == لازاد موجك شفت طيبه يلمك
طاريه يشرح واهج الصدر لاضاق == يبقا معي لو مسكنه وسط جمك

نــجــم

01-04-2011, 07:12 PM

قاله اللى

قاله اللي يوم هاضت هواجيسه لعـب
اقتبسها مـن خيالـه وفـك ابوابهـا
البيوت اللي تجيله على حسب الطلـب
لاطلبها جات سهلـه لجـل طـلا بهـا
من بنات الفكر تنقد كما نقـد الذهـب
يطرد الهاجـوس قلبـي ليـا غنابهـا
جت تهزع من دلعها وترقص له طرب
مثل عذرن يوم تمشي بزيـن اثيابهـا
بنت ماضين الفعايل طموح بـلا نشـب
ماتـرد الـراس لوجالهـا خطابـهـا
تارفـه ومـدلله صانها ربـن وهــب
سالمه ومسلمه سلم مـن يحضابهـا
شافت الحفله وجتهم ويدفعها الغضـب
نازله مستنزله مـن نظرهـا هابهـا
صفق الجمهور واللـي تعداهـا قرب
في ذهول ومن نظر حسنهـا يشقابهـا
العيـون اتخيلهـا والضمايـر تلتهـب
فتنة الدنيـا بعيـن الرضـا واهدابهـا
قطت الشيله بيمنى التحـدي وانجـذب
كل قلبـن والعـذارى تعـوج ارقابهـا
شعشعت بالراس مثل الكحيله وانسكب
مثل لون الجمر فوق النحـر يزهابهـا
لفته يمنى ويسرى وشاشت وانعصـب
ذيل شقـرن حدهـا فاللـزز ركابهـا
طامعن بالكاس قدم الاصايل مارتهـب
واثقن فيهـا وعنـده خبـر بانسابهـا
جدها من عدها من سليمـان انتسـب
زاهيـه فـي لونهـا توشلـع نابهـا
يوم ساوى راسها الذيل خلتهـم مطـب
دونها صـم الرمـك عديهـا ماثابهـا
تسبق اللي شاف جول الحباري وانتصب
هز جنحان السعد والسبـوق اومابهـا
ذي وصوف الفاتنه صغتها لهـل الادب
الغشيـم يطوفهـا واللبيـب ادرابهـا

نــجــم

01-04-2011, 07:12 PM

احرار

طموحاتنا راحت هبا مع مهب الريـح
صعيبن نحققها والاصعـب موادعهـا

تعبنا وكافحنا وراحـت بـلا توضيـح
ولكن عيب اهـل الركايـب تجمعهـا

نعيب الزمان وعيبنا سلطة التشليـح
يانقعد بعـزت نفـس ولا نطاوعهـا

لا وا لله اخذها سلم ماعاد به تلميـح
على الطيب والعادات والرووس نرفعها

جمال التخوت اجمال ولا السقاط ايطيح
ولالك بسوق المرجله وانـت بايعهـا

على العز والطاعه ولا نقبل التجريـح
مواكر حرار احـرار هـذي طبايعهـا

برغم الظروف الممحله والمداد اشحيح
يمين الكرم والجود بيضـن صنايعهـا

يراع الكنوز الكنز بالذكـر والتسبيـح
وعينٍ من الرهبه تـذرارف مدامعهـا

نــجــم

01-04-2011, 07:13 PM

لاتعتذر

لا تعتذر وتحد نفسك على الضيـق = مالك عذر وانته على الطيب تقـوى

ماعاد يضمنـك العهـد والمواثيـق = مـادام هـذي شوفتـك لا تهقـوى

بكره تعلـم مـن خطايـاك وتفيـق = وان كان عندك صبر انا منك واقوى

مثلـك يداويـه الزمـن والتفاريـق = هاك الصحيح افراق مافيـه لاقـوى

البعد عـن طـرد المقفـي توافيـق = بعدك عن المقفي على القلب سقوى

الحـر يشهـر والحبـاري مدانيـق = وان ضاعت الاريا ترى الطيب نقوى

عليـك باالعليـا وروس الشواهيـق = الصعب يعناله ولـو فيـه شقـوى

ارقا بعزم وصبـر لويبـس الريـق = غصب اتشبـث بالامـل واترقـوى

نــجــم

01-04-2011, 07:13 PM

القلوب المجاريح

ياليل سجـة خاطـري وانشراحـه
شوف القمر بين النجـوم المدابيـح
الثلث قبل الفجر يشعـق صباحـه
ومع الصباح عج النفل عطر والشيح
اقبـل يغطيـه الحيـا والسماحـه
صادق وحالت في طريقه سواميـح
فرحت فـي لقيـاه والهـم زاحـه
لكـن عذبـات الليالـي مشافـيـح
ياشين بعض احيان هرج الصراحه
لاصار سطحن نطح من غير تلميح
نشوة لقاء والصبح ينقض اجراحـه
مادامت افراح القلـوب المجاريـح
اسرع من الطيف الحياوي مراحـه
لو اشعل اللحظه شموع ومصابيـح
تل الخفـوق ابنظرتـه واستباحـه
واغضى وحقق بالوساع الذوابيـح
وارخا على بيض المحاجر وشاحه
ومجدلن يضفي على المتن ويطيـح
قال الوداع وقلـت مافيـه راحـه
لاياشبيه اللـي تذيـر مـع الريـح
اقفا وانـا محتـار والسـد باحـه
الله يعين اهل القلـوب المجاريـح

نــجــم

01-04-2011, 07:13 PM

وين انت

وين انت ياللي غرامي معك سجاته
قدرظروفي وانا ممنون ومقدر
خل الحداثي ينظر في رواياته
مايشرح الصدر كود الشرد الندر
الهاجس اللي يزور القلب غاياته
يعل من وابل الاحداق ويصدر
امواجه اعلام والذكرى محيطاته
اليا رميته سما يجيك متحدر
ديمومة الفكر في كل اتجاهاته
و ابعاد الاحداث منها البال متكدر
رغباتنا دونها من عاش في ذاته
معميه حب الطمع والعقل متخدر

نــجــم

01-04-2011, 07:13 PM

سكن بالقلب واحتله

ياللي مكانه وحبه داخل اعماقي= ماغيره اللي سكن فالقلب .. واحتله
وين انت ضيقت صدري والفضاء ضاقي=طول غيابك وبيحت العزا كله
اشيل وحط بين اجلال ودقاقي= والهاجس اللي يزور القلب ويتله
مغير اسولف مع طاريك وشتاقي= اسج لون حولي جمع مافطله
الفكر مشغول في كم راح .. كم باقي=احاول اجمع شتات افكار منفله
مره تسانع معي وامرار تنعاقي= طوارين من صروف الوقت منشله
ياجامعن مع جماله زين الاخلاقي= وشلون اوصفك وانت الزين بيتله
حتى حديثك اليا اشتد العتب راقي= لوهو عتب من جمال الصوت مامله
ولا بوقت الرضا يافرحة اشواقي= هذاك يوم المنى والقلب عيدله
ون . جهمن في عيوني صرت براقي=يالمزنه اللي على الاطلال .. منهله
احلم بلقيا ك وخشى قل الاوفاقي=يالله عليك الرجا ياغافر الزله

نــجــم

01-04-2011, 07:13 PM

يامشاري

يامشاري ماعلى الطيـب ثقيلـه
انتخيبـك كـل مايطـري عليـه
قرب اللـي تـو مـاورد مديلـه
هيلعن يطوي حـزوم الجرهديـه
وارد الالمـان والغانـم وكيـلـه
لويزيد ابه الثمـن كنـه عطيـه
لاعترض طنخات وضحاً مستحيله
ون قفيته زمـت اوروك العبيـه
ون تعبرد مثل هملـول المخيلـه
تزعجه نـدراَ مقادمهـا برديـه
كن حذف المرو مع دورات ويلـه
حذفة المحرم ضحا عيد الضحيـه
انحدر وادن هول يجرف مسيلـه
يوم فوَل مـن محطـات الحويـه
مايشوف من الفضا والارض زيله
غير صورة من محا صورة حليه
ضامر السرجوف والغدرا جديلـه
والمعنق شبـر والعيـن ابحريـه
تركض الايـام والدنيـا طويلـه
والقدر مكتوب مـن رب البريـه
طالبك خله يسج اطـراف ليلـه
لين ياقـف قـدم بـاب المقينيـه

نــجــم

01-04-2011, 07:14 PM

يالعين شوفي

يالعين شوفي على اليمنا====شوفي مداهيل حيٍ راح

راحوا وحنا تعلمنا====محدٍ يعيش الزمن مرتاح

لد النظر فيه يلزمنا====واخذي بقايا الزمان اجراح

يادارهم يوم سلمنا====ياروح ردي على الارواح

كن المداهيل تزهمنا===خيال ولا الصحيح امراح

ادريبهم لوتكلمنا=====ماجاوبو لونصيح اصياح

يالصبر لو بك تحزمنا===سود الليالي بدن اشحاح

نــجــم

01-04-2011, 07:14 PM

طالبك لاتعتذر

ول يالجارح تحداك نظرات الجريح
وانت ابو مخلاب ماكرك رووس النايفات

هز جنحان السعد مايصح الا الصحيح
خل طلعك فوق والله يعدل المايلات

الغنايم بالعزايم وسدك لايبيح
والفجوج وساع وانته زبون الطايلات

لايهمك من تردى ويحلم بالمديح
مادرى ان المدح من حظ راع الطيبات

ايتشره مايشره وشلانه طفيح
وان لقاله درب مثل الطيور الحايمات

عزته في محزمه ترتفع ولا تطيح
والمراجل مثلها روحت وان جات جات

اختلف مفهوم الاعراب لو تنطق فصيح
الضماير غايبه والعيون مفتحات

أيه ياصدر الجمل ضقت والعالم فسيح
راحو الأصحاب واللي بقى منهم شتات

في زمان اليوم مايستضيق الا الصريح
راحت الصحبه مصالح وحب امجاملات

للظروف احكام وانته مسامح يامليح
طالبك لاتعتذر وعتبر مافات مات