منساب

بارسل تحيه ولو طالت غياباتي = للصاحب اللي وفاني في مراسيله
سلام .. من صادق شعوري ونيّاتي = ياصلك بالود ويوقف على حيله
سلام لك .. خص .. نص .. وهاك ما يآتي = يا واحدٍ كل ما يطلب نلبي له
طلبتنا في جديد الشعر .. وسواتي = ما يستوي له قصيدٍ ما ينادي له 
واليوم لا والله إلا قامت ابياتي = تغلي براسي وتقدح له معاميله 
شنّت حروب القوافي في محطّاتي = وتبرمجت بالقريحه دون توصيله 
على هنوفٍ تربّع في خيالاتي = تربيعة الكبتن بحكمه وتسجيله 
من شفتها والشوارع ترسم آهاتي = في كل  لوحه  .. و  حفريّه  .. و .. تحويله 
في مركز  الشامل  اتبعثرت .. وشتاتي = للحين .. فوق الكاونتر .. يحسب اللّي لـــه 
ما ادري وش  آخذت  وإلا كم حساباتي = ما شفت حتى  الكاشير  ولا مداخيله 
من هبّة العطر .. من .. شد انتباهاتي = من لبسة  الجنز .. من .. تلويحة .. الشيله 
من ..  فلتة  الجسم .. من تسمير نظراتي = من بطرة الرمش .. من .. فيّة .. مظاليله 
\" مطنوخة الفتنه ... ليا .. ما لا نهاياتي  = سبّاقة الميل .. من ميله .. على .. ميــــله 
\" داجت تراقب لروحاتي .. وجيّاتي = واستلهمت حيرتي .. من  قلّة الحيــــله 
بعيونها .. شفت رغبه غير رغباتي = \" رغبه  .. تقرّب ما بين الخل  .. و .. خليله 
وانا .. من العام .. غيّرت اتجاهاتي = يا \" فاتنه \" .. والهوى .. ما اصعب \" تساهيله 
لو هي على \" نظرة اعجابي \" وبسماتي = منك العذر .. ويل من يلمحك .. يا ويــــله 
وان كانها الصدفه اللّي تفضح سكاتي = ابشّرك .. باكتبك للشعر .. واحكي له .......
قد لي سبوع  إ متحكّم بانفعالاتي =  متقوقع العاطفه  .. ومنيّل .. بنيـــــله 
قلت \" افرج  الهم فيك .. ولك تحيــــاتي = والله يسامحك يا  الشامل  على الليـــله